کوردستان
بەڕێوەبەرایەتیی کارەبای سلێمانی رایگەیاند، به‌پێی كۆنوسی كۆبوونه‌وه‌ی لیژنه‌ی دیاریكردنی نرخی مۆلیده ئه‌هلییه‌كان، پیدانى کارەبا له‌لایه‌ن مۆلیده ئه‌هلییه‌كانه‌وه بۆ هاوڵاتیان له مانگی نیسان له نێوان (20) بۆ (35) سەعاتدا بووه.
نرخی هه‌ر سەعاتێک بۆ یه‌ك ئه‌مپێر به (44) دینار دیاریكراوه، به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی له ناو شاری سلێمانی بۆ مانگی ئایار له نێوان (1000 دینار بۆ 1.500) دینار ده‌بێت.
هاوكات، خشته‌ی كارپێكردنی مۆلیده وەک پێشتر راگەیانراوە (24) کاتژمێرى ده‌بێت و هەرکاتێک کارەباى نیشتیمانى کوژایەوە مۆ‌لیده‌كان كاره‌با بۆ هاوڵاتیان دابینده‌كه‌ن.
لیژنه‌ی دیاریكردنی نرخی مۆلیده ئه‌هلییه‌كان، له كۆنوسه‌كه‌دا جه‌ختیان له‌وه كردوه‌ته‌وه كه له‌كاتی كوژاندنه‌وه‌ی كاره‌بای نیشتیمانی نابێت كارپێكردنی مۆلیده و پێدانی كاره‌با به‌هاوڵاتیان له (10) خوله‌ك زیاتر بخایه‌نێت، به‌پێچه‌وانه‌وه سه‌رپێچییه و خاوه‌ن موه‌لیده‌كه سزا ده‌درێت.
حکومەتی ھەرێم لە راگەیەندراوێکدا رایگەیاند، ئەم سیستەمە نوێیە، چەندین سوودی ھەیە، چیتر بە ماوە و تێچوویەکی زۆر، کۆمپانیا و ناوی بازرگانی تۆمار ناکرێت، بەڵکوو لە ھەر شوێنێک بێت ٨٠٪ ھەرزانتر لە جاران و لە ماوەی ٢٤ کاتژمێری کارکردندا ناوی بازرگانییەکە تۆمار دەکرێت.
ھەروەھا داواکار بە شێوەی گەڕانی ئۆنلاین، دەتوانێت ناوە بازرگانییەکەی پشتڕاست بکاتەوە، تا کەسی دیکە نەتوانێت بە ھەمان ناو لە ھەرێمی کوردستان، کۆمپانیا تۆمار بکات.
لە ڕێگەی ئەم سیستەمە نوێیەوە، لە ھەر کات و شوێنێک بێت، ھاوڵاتییان دەتوانن بە ئاسانی و خێرایی و پارێزراوی، داواکاراییەکانی تایبەت بە تۆمارە بازرگانییەکانیان پێشکەش بکەن. بەمەش "ژمارەی یەکەی بێھاوتا" دەدرێتە ھەر کۆمپانیایەکی تۆمارکراو تا بە ئاسانی سوود لە خزمەتگوزارییەکانی دیکەی حکومەت ببینن.
دەقی پرسەنامەکە....
ھێرۆ ئیبراھیم ئەحمەدپەیامێکی ھاوخەمی ئاڕاستەی بڵێسە جەبار فەرمان کرد
خاتوو بڵێسە جەبار فەرمان
بەخەم و پەژارەیەکی زۆرەوە ھەواڵی کۆچی دوایی پێشمەرگەی دێرین و تێکۆشەر کاک (مستەفا فەرمان)، برای تێکۆشەر و پێشمەرگە و سەرکردە کاک جەبار فەرمانم پێگەیشت و لەدڵەوە خەمباری کردم.
بنەماڵەکەتان خەباتێکی زۆری لەپێناو کوردستان و گەلی کورد کردووە و ھەمیشە لە ریزی پێشەوەی قوربانیداندا بوون، بۆ ئەم بۆنە خەمناکەش پرسە و سەرەخۆشی خۆمتان ئاڕاستەی ئێوە و تەواوی بنەماڵە تێکۆشەرەکەتان دەکەم و لەیەزدانی مەزن داواکارم کۆچکردوو بەبەھەشتی بەرین شاد بکات و سەبووریش بە ئێوە ببەخشێت.
انا للە و انا الیە راجعون
ھێرۆ ئیبراھیم ئەحمەد
دەقی پرسەنامەکە...
بەڕێز کاک کوێخا ناسیح گەزەلان، کەسایەتی دیاری کوردستان و سەرۆک ھۆزی لەک
بەڕێزان خزمانی لەک
بۆ کۆچی دوایی کاک (ھێمن)ی کوڕی بەڕێزتان، پرسە و سەرەخۆشی خۆمان ئاڕاستەی ئێوە، کەسوکار و بنەماڵە سەربەرزەکەتان و خزمانی لەک دەکەم کە ھەمیشە نموونەی چاکەکاری و قووڵکردنەوەی گیانی تەبایی و پێکەوەژیان بوون.
لە خوای گەورە داواکارم ئەمە دواناخۆشیتان بێت، کۆچکردوو بە بەھەشتی بەرین شادبکات و ئارامی بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
دەقی پرسەنامەکە...
بەڕێز خاتوو بڵێسە جەبار فەرمان، ئەندامی سەرکردایەتیی یەکێتیی نیشتمانیی کوردستان
بەڕێزان خانەوادەی سەربەرزی کاک مستەفا فەرمان
بەداخێکی زۆرەوە ھەواڵی کۆچی دوایی پێشمەرگەی دێرین و تێکۆشەر کاک (مستەفا فەرمان)، برای سەرکردە و تێکۆشەری کوردستان و یەکێتی کاک جەبار فەرمانم پێگەیشت.
بۆ ئەم خەمە گەورەیە پرسە و ھاوخەمی قووڵی خۆمان ئاڕاستەی بنەماڵە سەربەرزەکەتان دەکەم کە نموونەی باڵای تێکۆشان و قوربانیدانن لەپێناو کوردستان.
لەخوای گەورە داواکارم ھەڤاڵی کۆچکردوومان بە بەھەشتی بەرین شاد بکات و سەبووری بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
فۆزا یوسف، ئەندامی دەستەی ھاوسەرۆکایەتی پارتی یەکێتی دیموکرات (پەیەدە) ئاماژەی بەوەکرد، لە ماوەی چەند ساڵی رابردودا حکومەتی دیمەشق ھیچ ئیرادەیەکی چارەسەری بۆ سوریا نەخستووەتەڕوو و دەستپێشخەرییەکانی ئیدارەی خۆسەریش بەردەوام پشتگوێ خراون، بۆیە قەیرانی سوریا چارەسەر نەبووە.
وتیشی لەئێستادا ئیدارەی خۆسەری دەیەوێت پرۆژەی چارەسەری خۆی پێشکەش بکات چونکە لە بەرامبەر ھەموو گەلانی سوریا خۆی بە بەرپرسیار دادەنێت، جەختیش دەکاتەوە کە بەبێ ئیدارەی خۆسەری ھیچ چارەسەرێک سەر ناگرێت و نابێت ھەڵەکانی ئاستانا و سوچی جارێکی دیکە دووبارەبکرێنەوە.
دەقی پرسەنامەکە...
بەڕێزان خێزان و خانەوادەی کۆچکردوو مستەفا فەرمان
بەڕێز خاتوو بڵێسە جەبار فەرمان
بەداخ و پەژارەیەکی زۆرەوە ھەواڵی کۆچی دوایی تێکۆشەر و پێشمەرگەی دێرین (مستەفا فەرمان) مامی خاتوو بڵێسە جەبار فەرمانم بیست.
بەم بۆنە غەمناکەوە پرسەو سەرەخۆشی ئاڕاستەی ئێوە و کەسوکار و بنەماڵە نیشتمانپەروەرەکەتان دەکەم و ھاوبەشی خەم و پەژارەتانم.
خوای گەورە لەکۆچکردوو خۆش بێت و جێگای بەھەشت بێت، سەبوری و دڵنەواییش بەھەموو لایەک ببەخشێت.
انا للە و انا الیە راجعون
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال
دەقی پرسەنامەکە...
بەڕێزان: خانەوادەو کەسوکاری کاک مستەفا فەرمان
بەداخێکی زۆرەوە ھەواڵی کۆچی دوایی پێشمەرگەی دێرین و تێکۆشەر کاک (مستەفا فەرمان) برای سەرکردەی تێکۆشەرو قارەمان کاک جەبار فەرمان-م بیست، دڵگران و خەمباری کردم، ھاوبەشی خەمتانم، پرسەو سەرەخۆشی خۆم ئاراستەی خانەوادە تێکۆشەرو قارەمانەکەتان دەکەم، ھیواخوازم ئەمە دواکۆست و ناخۆشیتان بێت، خوای گەورە سەبووری ھەموو لایەک بدات و کۆچکردوو جێگای بەھەشتی بەرین بێت.
کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان
وەزارەتی پەروەردەی حكومەتی هەرێمی كوردستان رایگەیاند، شەممە تاقیكردنەوەكانی خولی یەكەمی پۆلی ١٢ی ئـامـادەیی سەعات ٧:٣٠ خولەك دەستپێدەكات و هەفتەی دوو تاقیكردنەوە ئەنجام دەدرێت و رۆژی ٢٧ی حوزەیران تاقیكردنەوەكان كۆتاییان دێت.
ئاماژەی بەوەشكردووە، لە رۆژانی تاقیكردنەوەدا هێڵی ئینتەرنێت لە سەعات٦:٣٠ خولەك بۆ سەعات ١٠ی سەرلەبەیانی لە هەرێمی كوردستان رادەگیرێت.
هاوكات بەپێی ئامارێكی وەزارەتی پەروەردە،١١٧ هەزار و٣٦٤ خوێندكار بەهەموو بەشەكانییەوە بەشداری تاقیكردنەوەكان دەكەن، كە ژمارەی خوێندكارانی زانستی ٧٥ هەزار و٢٣٩ خوێندكارە و وێژەیی ٣٩ هەزار و ١١٣ خوێندكار و پیشەییەكانیش سێ هەزار و ١٢خوێندكارە.
نووسینگەی راگەیاندنی پارێزگاری ھەڵەبجە لە راگەیەندراوێکدا ئاماژەی بەوەکردووە، ئازاد تۆفیق پارێزگاری ھەڵەبجە لە کۆبوونەوەیەکیدا لەگەڵ تەیب سەحرایی، پارێزگاری کرماشان پرسی کردنەوەی مەرزی شوشمێ - تەوێڵەی تاوتوێکردووە و ھەردوولا لەسەر کردنەوەی مەرزەکە بەڕەسمی گەیشتوونەتە رێککەوتن.
ئاماژە بەوەشکراوە، لە کۆبوونەوەکەدا پارێزگار کردنەوەی مەرزەکەی بەرووی گەشتیاری و بازرگانی بە گرنگ وەسفکردووە، لەبەرامبەریشدا پارێزگاری کرماشان جەختی لەوەکردووەتەوە، لەگەڵ ئەوەدان ھەرچی زوورە مەرزەکە بکرێتەوە.
ھاوکات، مامۆستا قادر قادری پێشنوێژو وتارخوێنی مزگەوتی گەورەی پاوە کە یەکێکە لە نوێنەرە دێرینەکانی رابەری کۆماری ئیسلامی ئێران لە وتاری ھەینیدا ئاماژەی بەوەکردووە، لە چوارچێوەی ڕێککەوتنی نێوان پارێزگای کرماشان و ھەڵەبجە بڕیارە جەژنی قوربان مەرزی شوشمێ بکرێتەوە.
مەکتەبی سیاسی پارتی پەیامێکی پیرۆزبایی ئاڕاستەی یەکێتی کرد و ھیوای بەردەوامی و ھەنگاوی نوێتر و باشتر بۆ یەکێتی دەخوازێت.
لەبەشێکی تری پەیامەکەیدا جەختدەکاتەوە ھەماھەنگی و تەبایی و تێکڕای ھێز و لایەنە سیاسییەکانی کوردستان بۆ روبەڕوبوونەوەی ئاڵنگاریەکانی قۆناغی ئێستا و داکۆکیکردن لە مافەکانی ھاووڵاتیان و پاراستنی قەوارەی ھەرێم.
ھەروەھا داوای پتەوکردنی گیانی یەک وتاری و یەکھەڵوێستی سیاسی لەپێناو بەرژەوەندی ھاووڵاتیانی کوردستان و چارەسەرکردنی گیروگرفت و کێشەکان و ئەنجامدانی ھەڵبژاردنی پەرلەمانی کوردستان و بەھێزترکردنی پایەکانی دیموکراسی دەکات.
نێچیرڤان بارزانی سەرۆکی ھەرێمی کوردستان لە پەیوەندییەکی تەلەفۆنیدا لەگەڵ بافڵ جەلال تاڵەبانی سەرۆکی یەکێتی نیشتمانی کوردستان، پیرۆزبایی ساڵیادی دامەزراندنی یەکێتی لە سەرۆک و ئەنجومەنی باڵای سیاسی و بەرژەوەندییەکان و مەکتەبی سیاسی و سەرکرایەتی و تەواوی ئەندامان و جەماوەری یەکێتیی کرد.
ھەروەھا ئاماژەی بۆ رۆڵ و پێگەی سەرۆک مام جەلال کرد و ھیوای خواست ئەو یادە ببێتە ھاندەری تەبایی و پێکەوەیی و یەکڕیزیی لایەنە سیاسییەکان، بەتایبەتی یەکێتی و پارتی.
لە یادی ٤٨ ساڵەی دامەزراندنی یەکێتیدا، مەسرور بارزانی سەرۆکی حکومەتی ھەرێمی کوردستان داوادەکات ھەموو ھێزە سیاسییەکان پێکەوە کاربکەن و ھەست بە بەرپرسیارێتی مێژوویی بکەن.
مەسرور بارزانی سەرۆکی حکومەتی ھەرێمی کوردستان لە پەیامێکدا پیرۆزبایی لە سەرکردایەتی و گشت ئەندام و لایەنگرانی یەکێتی دەکات.
راشیگەیاند، ھیوادارە لەو بارودۆخەدا گشت ھێزە سیاسییەکان پێکەوە کاربکەن و ھەموو لایەک ھەست بە بەرپرسیارێتی مێژوویی خۆیان بکەن و خزمەتکردنی بەرژەوەندی باڵای نیشتمان بکەن بە رێڕەوی کاری ئێستا و داھاتوویان.
سەرۆک بافڵ جەلال تاڵەبانی لە پەیامەکەیدا ئاماژەی بەوەکردووە، سڵاوی رێز و وەفاداری بۆ رابەری کۆچکردوو سەرۆک مام جەلال، دامەزرێنەرانی یەکێتی و بزوێنەرانی ئەم شۆڕشە دەنێرێت، جەختیشدەکاتەوە لە وەفاداری و پابەندبوون بە خوێنی شەھیدان و بنەما نەگۆڕەکانی یەکێتی کە خۆی لە چەسپاندنی (ئاشتی، دیموکراسی، مافی مرۆڤ و چارەی خۆنووسین) دەبینێتەوە.
بافڵ جەلال تاڵەبانی لەبارەی دۆخی ھەرێمی کوردستانیش دەڵێت، کوردستان بە قۆناغێکی ھەستیاردا تێدەپەڕێت و ئاڵنگاری گەورەیان لەپێشە، جگە لە یەکڕیزی و تەباییش ھیچ رێگەیەکی دیکە ناتوانێت زامنی مانەوە و بەھێزیی قەوارەی ھەرێم بکات، بۆیە دەیانەوێت گفتوگۆ و سازان بنەمای چارەسەری کێشەکان بێت و دوور لە خۆسەپێنی، پێکەوە کوردستان بەرەو داھاتوویەکی گەشتر ئاڕاستە بکەن.
راشیگەیاندووە، یەکێتی ھەمیشە دەستپێشخەربووە بۆ ھەماھەنگی و کاری ھاوبەش لەپێناو خزمەتکردنی خەڵک و دەبێت ناکۆکییەکان لە رابردوودا جێبھێڵن و پێکەوە بەرەو ئایندەیەکی سەقامگیرتر ھەنگاوبنێن.
دەقی پەیامەکەی ئاسۆ مامەند...
کۆمەڵانی خەڵکی کوردستان..!کەسوکاری سەربەرزی شەھیدان..!پێشمەرگە قارەمانەکان و تێکۆشەرانی ریزەکانی یەکێتیی نیشتمانیی کوردستان..!
بەبۆنەی یادی (٤٨) ساڵەی دامەزراندنی یەکێتیی نیشتمانیی کوردستان، و (٤٧) ساڵەی ھەڵگیرساندنی شۆڕشی نوێی گەلەکەمان، گەرمترین پیرۆزبایی یٔاراستەی بنەماڵەی سەربەرزی شەھیدان، پێشمەرگە و ڕێکخستنە دێرینەکان، زیندانییە سیاسییەکان، کەمیٔەندامانی سەنگەر، پێشمەرگە قارەمانەکان، سەرجەم کادیر و یٔەندامان و لایەنگرانی یەکێتیی نیشتیمانیی کوردستان دەکەم.
یەکێتیی نیشتمانیی کوردستان لە بارودۆخی نالەباری دوای ھەرەس، و بۆ سەرخستنی خەباتی رزگاری نیشتمانیی گەلی کوردستان، و بە ئامانجی بەریگریکردن و دابینکردنی ماف و داخوازییەکانی خەڵکی کوردستان، و لەسەر بنەمای چەسپاندنی مافی چارەنووس، ھاتە کۆڕی خەبات و تێکۆشان، لەو نێوەندەشدا رابەر و سەرکردە سەرۆک مام جەلال، و ژمارەیەک لە ھاوسەنگەرانی دەستپێشخەرییەکی مێژووییان لە خەباتی نەپساوەی گەلەکەماندا تۆمارکرد، دوای ساڵێکیش لە دامەزراندنی یەکێتیی، سەدان ھەزار تێکۆشەر و رۆڵەی ئەم نیشتمانە بوونە ھەوێنی دەستپێکردنی شۆڕشی نوێ بە رابەرایەتیی یەکێتیی نیشتیمانیی کوردستان.
ھەڤاڵانی یەکێتیی..!
ئەم کاروانە.. ئامانجی گەورە و بەرچاوی بەدیھێناوە و بەردەوامیش دەبێت لە خەبات و تێکۆشان، ھێشتا زۆری تریش ماون کە بەدییان بھێنێت، ئەم رەوتە لە خەبات و قوربانیدان بە رابەرایەتیی سەرۆک مام جەلال، و قوربانیی ھەزاران شەھید، و رەنج و ماندوو بوونی سەدان ھەزار تێکۆشەر گەیشتە قۆناغی فیدراڵی، و سەرۆک مام جەلالیش بووە یەکەم سەرۆکی ھەڵبژێردراوی دەوڵەتی عێراقی فیدراڵ.
ھەڤاڵانی تێکۆشەر..!
لە کاتێکدا یادی ئەو ڕۆژە گەش و پڕ لە سەروەرییەی یەکێتیی دەکەینەوە، رووداو گەلێکی زۆر لە سەر ئاستی جیھان، ناوچەکە، عێراق و کوردستان ھاتوونەتە ئاراوە، کە وامان لێدەخوازێت یەکێتیی بە دیدێکی تازەوە بە رۆڵی کاریگەر و مێژوویی خۆی ھەڵبسێت و ئەرکە نیشتمانیی و نەتەوەییەکانیش لەئەستۆ بگرێت. لەسەر ئاستی کوردستان وەک یەکێتیی پابەندین بە پاراستنی یەکڕیزی ھێزە سیاسییەکان تاکو ئەو کۆ دەنگی و یەکگرتوییەی گەلی کوردستان بکەینە بناخەی کاری ھاوبەشمان لەگەڵ لایەنە عێراقیەکاندا بۆ بەشدارییەکی کارای کورد لە پرۆسەی سیاسی، تەوافوق و شەراکەت، پاراستنی ئیستحقاقە نەتەوەیی و دیموکراتییەکان لە حکومەتی عیراقدا.
ھەڤاڵانی خۆشەویست..!
لە کاتێکدا یادی ئەو دوو بۆنە شکۆدارە دەکەینەوە، یەکێتیی ھەموو ھەوڵەکانی خستووەتەگەڕ بۆ نوێبونەوە و چاکسازی لە ھەردوو ئاستیی رێکخراوەیی و حکومی، ئەم ھەنگاوانەیش پێویستیی بە بەشدارییەکی کارای ھەڤاڵانی یەکێتییە کە لە ھەموو ئۆرگان و ناوچەکانەوە نەخشەرێیەکی تازەی کارکردن بھێنینە کایەوە بە ئامانجی سەرخستن و بە ئاکام گەیاندنی ئەو بەرنامەو پڕۆژەیە، و دۆزینەوەی رێگا چارەی نوێ بۆ خەباتی حزبایەتی و حوکمرانی، تا ھەموومان پێکەوە ئەم ئەرکە حزبی، و دیموکراتیی و نیشتمانییە سەر بخەین.
دانیشتوانی ئازیزی کەرکوک و ناوچە جێناکۆکەکان..!
ھەموومان دەزانین کە عیراق و ھەرێم بەرەو وەرزی ھەڵبژاردنەکان ھەنگاو دەنێ، و یەکێتیی نیشتمانیی کوردستانیش لە سۆنگەی باوەڕ بوونی بە پڕۆسەی دیمۆکراسی، پشتیوانی گەرموگوڕ لە ئەنجامدانی ھەڵبژاردنەکان دەکات لە ڕێی پێداچوونەوە بە یاسای ھەڵبژاردن، و پێکھاتەی کۆمیسیۆن، و پاککردنەوەی لیستی دەنگدەران لە ھەر لێڵی و کەموکورتییەک، داواش دەکەین کە مشتومڕەکانی پەیوەست بە ھەڵبژاردنەکانی ھەرێم بە زمانێکی ئارام و دوور گرژی و ئاڵۆزی بەڕێوە بچن، بۆ ئەوەی ئارامی کوردستان زەمینەی قووڵکردنەوەی دیموکراسی باشتر بخوڵقێنێ. بۆ ئەم مەبەستەش یەکێتیی بەردەوام ئامادەیی خۆی دوپاتکردووەتەوە بۆ گفتوگۆی بنیاتنەرانە لەپێناو ھەڵبژاردنێکی پاک و بێگەرد.
دووبارە شکۆدار بێت ساڵیادی دامەزراندنی یەکێتیی و ھەڵگیرساندنی شۆڕشی نوێی گەلەکەمان..!
سڵاو لە سەرۆک مام جەلال رابەری بزووتنەوەی رزگاریخوازی گەلی کوردستان..!
سڵاو لە رۆحی پاکی شەھیدان..!
ئاسۆ مامەند
کارگێڕی مەکتەبی سیاسی یەکێتیی نیشتمانیی کوردستان
دەقی پەیامەکەی سەرۆک بافڵ....
ئەمڕۆ ١٩ ساڵ بەسەر کۆچی دوایی کاک دارۆ شێخ نوری، سەرکردە و شۆڕشگێڕی کوردایەتی و یەکێتیی نیشتمانی کوردستان تێدەپەڕێت.
کاک دارۆ یەکێکبوو لە سەرکردە خۆنەویست و دڵسۆزەکانی کوردستان و ژیانی خۆی لەپێناو گەل و سەرخستنی شۆڕشی نوێدا تەرخانکردبوو. ھەر ئەمەش وایکردبوو متمانە و خۆشەویستیی سەرۆک مام جەلال بەدەستبھێنێت.
ئەو نەک ھەر خۆی، بەڵکو خانەوادەکەشی نموونەی خەبات و قوربانیدان بوون و خاتوو نەرمین عوسمانی ھاوژینیشی، ژنە شۆڕشگێڕێکی ئازا و بەئەمەکی کوردستان بوو کە تاوەکو ئێستاش لە خەبات بۆ بەدیھێنانی مافەکانی کورد بەردەوامە.
ئێمە سەرکردە و شۆڕشگێڕەکانمان لەیادناکەین و یاد و یادەوەرییان ھاندەرمان دەبن بۆ بەردەوامی و خەباتمان لەپێناو سەرفرازیی کورد و کوردستاندا.
دروود بۆ رۆحی کاک دارۆ و سەرفرازی بۆ خانەوادە سەربەرزەکەی
بافڵ جەلال تاڵەبانی
سەرۆکی یەکێتیی نیشتمانیی کوردستان