جیهان
سەرۆکی ئەمریکا دەڵێت، ئەمریکا کۆنترۆڵی تەواوەتی بەسەر گەروی هورمزدا کردووە و ئێران لە بەرانبەر گەمارۆ 'پۆڵایینەکەیاندا' بێدەسەڵات بووە.
دۆناڵد ترەمپ، سەرۆکی ئەمریکا لە تۆڕی کۆمەڵایەتی سۆشیاڵ تروس رایگەیاند، واشنتن کۆنترۆڵی تەواوەتی بەسەر گەروی ستراتیژیی هورمزدا کردووە.
ترەمپ ئاماژەی بەوەکرد، پێشبینی دەکات ئەمریکا پارێزگاری لەو کۆنترۆڵە بکات، جەختیشی کردەوە کە هەمووان بەربەست و گەمارۆ دەریاییەکەی ئەمریکا بە 'دیوارێکی پۆڵایین' ناودەبەن.
سەرۆکی ئەمریکا وتیشی، ئێران ناتوانێت هیچ کارێک بەرانبەر ئەم گەمارۆیە بکات، چونکە نە هێزی دەریایی و نە هێزی ئاسمانییان ماوە، سەربازە مابووەکانیشیان موچە وەرناگرن، لە هەمان کاتدا سوپای پاسداران شڵەژاوە و هەڵدێت، سەرکردایەتیی تاران لە خراپترین رەوشیدایە.
لە بەشێکی تری قسەکانیدا، ترەمپ ئاماژەی بە بەرزبوونەوەی رێژەی هەڵئاوسان و قەیرانی دارایی تاران کرد و وتی: "ئێران هیچ سەرمایەیەکی پێنییە و بارودۆخی جێی بەزەیییە، رێژەی هەڵئاوسان لەو وڵاتەدا گەیشتووەتە %300 و رەوشەکە رۆژ بە رۆژ خراپتر دەبێت؛ ئێران تەنها قسەیە و هیچ کرداری نییە، ئیتر زۆردار و باڵادەستی رۆژهەڵاتی ناوەڕاست نییە."
لە بەرانبەردا، ئاژانسی رۆیتەرز لەسەر زاری لێپرسراوێکی باڵای ئێرانەوە بڵاویکردەوە، هیچ گفتوگۆیەک لە نێوان تاران و واشنتۆندا بۆ درێژکردنەوەی ئاگربەست ئەنجام نەدراوە، چونکە لە روانگەی ئێرانەوە رێککەوتنەکە بێ وادەی دەستپێک بووە تا درێژ بکرێتەوە.
هەندێكجار بۆشایی ئاسمان دەبێتە مەیدانی نمایشێكی گەورەی دیاردەی سروشتی گەردوونی، كە تێیدا چەندین دیاردەی سەرنجڕاكێش پێكەوە كۆدەبنەوە، بەڵام زنجیرەیەك پڕوپاگەندە و زانیاریی هەڵە كە بەتایبەتی لە تۆڕە كۆمەڵایەتییەكاندا بڵاوبوونەتەوە، بوونەتە هۆی دروستكردنی دڵەڕاوكێ لای بەشێك لە هاووڵاتییان.
دیارترینی ئەو دەنگۆیانە، باسكردنە لە "نەمانی هێزی كێشكردنی زەوییە بۆ ماوەی 7 چركە". لەكاتێكدایە ئەم دەنگۆیە هیچ بنەمایەكی زانستی نییە و تەنها پڕوپاگەندەیەكی تۆركۆمەڵایەتییەكانە، ئاژانسی ناسا لەوبارەیەوە رایگەیاندووە كە هیچ روداوێكی لەو شێوەیە روونادات و هێزی كێشكردن پەیوەستە بە كێش و بارستایی زەوییەوە، هەر بۆیە مەحاڵە بوەستێت یان تێكبچێت.
بڵاوكردنەوەی دەنگۆی نەمانی هێزی كێشكردنی زەوی هاوكاتە لەگەڵ روودانی دیاردەی خۆرگیرانی تەواوەتی ئەمە دیاردەیەكە كە تێیدا مانگ بە تەواوەتی دەكەوێتە نێوان زەوی و خۆر و بۆ ماوەیەكی كورت ئەوبەشەی زەوی تاریك دەبێت كەسێبەری مانگی دەكەوێتەسەر، ئەو كاتەش دەرفەتێكی زێڕینە بۆ زانایان تاوەكو لێكۆڵینەوە لە سەر تیشكەكانی خۆر و بەرهەگەوای زەوی بكەن.
لەگەڵ روودانی دیاردەی خۆرگیرا وبڵاوبنەوەی دەنگۆی نەمانی هێزی كێشكردنی زەوی، بارانی نەیزەكی روودەدات كە بە "ئەستێرەی كشاو" ئەمە تەنها بریتییە لە تەپوتۆز و وردەبەردی گەردوونی كە بەر بەرگەهەوای زەوی دەكەون و دەسوتێن، دیمەنێكی درەوشاوە بە ئاسمان دەبەخشن. هاوكات، 6 هەسارەی كۆمەڵەی خۆر (موشتەری، عەتارد، مەریخ، ئۆرانۆس، زوحەل و نەپتون) لە سەر یەك هێڵی خەیاڵی لە ئاسماندا ریز دەبن، كە پێی دەوترێت "رێپێوانی هەسارەكان".
ئەم دیاردانەش هیچ مەترسییەكیان بۆسەر ژیانی مرۆڤ نییە و تەنها گۆڕانكاریی سروشتین لە گەردووندا، شارەزایانی گەردوونناسی داوا لە خەڵك دەكەن چێژ لەم دیمەنە دەگمەنانە وەربگرن و بڕوا بەو دەنگۆیانە نەكەن كە باس لە كارەساتی گەورە یان نەمانی كێشكردن دەكەن، چونكە زەوی وەك خۆی دەمێنێتەوە و گەردوون تەنها جوانییەكانی خۆیمان نیشان دەدات.
وەزارەتی بەرگریی روسیا رایگەیاند كە سیستمەكانی بەرگریی ئاسمانیی وڵاتەكەیان توانیویانە لە شەوێكدا 502 فڕۆكەی بێفڕۆكەوانی ئۆكراینی تێكبشكێنن.
وەزارەتی بەرگریی روسیا بڵاویكردەوە، لە ماوەی شەوی رابردوودا سیستمەكانی بەرگریی ئاسمانیی وڵاتەكەی 502 درۆنی ئۆكرانیایان لەسەر خاكی رووسیا خستووەتە خوارەوە.
بەپێی راپۆرتی وەزارەتەكە، ئەو درۆنانە لە ئاسمانی ناوچەكانی بێلگۆرۆد و دەریایی رەش و چەند ناوچەیەكی تر بەسەركەوتوویی تێكشكێنراون.
لێپرسراوانی ناوخۆیی روسیا رایانگەیاند لە ئەنجامی ئەو هێرشانەدا منداڵێكی تەمەن 8 ساڵ و پیاوێك كوژراون و 8كەسی تریش بریندار بوون، هەروەها جەختی كردەوە كە ناوچەكەیان رووبەڕووی فشارێكی زۆری هێرشە درۆنییەكان بووەتەوە.
کەشتییەک کە ١٦٠ سەرنشینی هەڵگرتبوو لە گۆلی کاریبا لە زیمبابوی وەرگەڕا، بەپێی زانیارییەکانی کەناڵی ناوخۆیی ZBC، لانیکەم 15 کەس گیانیان لەدەستداوە.
لە بڵاوکراوەیەکی کەناڵەکەدا هاتوو لەسەر بڕیاری کەشتییە وەرگەڕاوەکەی گۆلی کاریبا زیاتر لە 160 سەرنشینی تێدابووەو، تا ئێستا 15تەرم دۆزراونەتەوە و 74 کەس رزگارکراون، لە کاتێکدا نزیکەی 75کەسی تر هێشتا بێسەروشوێنن.
بەپێی کەناڵەکە، رەنگە ژمارەی سەرنشینەکان لە 160 کەس زیاتر بووبێت، بەبێ هەژمارکردنی منداڵانی تەمەن ژێر چوار ساڵ کە پێویستیان بە بلیتێکی جیاواز نییە.
روونیشیکردەوە کە کەشتییەکە سەر بە ئاژانسی گەشەپێدانی ژێرخانی گوندەکان بووە و5 ئەندامی دەستەی کارگێڕیی کەشتییەکەی تێدابووە، ئاماژەی بەوەشکردووە کە کارەکانی رزگارکردن لە ناوچەکەدا بەردەوامن.
سەرۆكی ئەمریكا رایگەیاند، بەهۆی هەڕەشەیەكەوە بە نهێنی فڕۆكەی سەرۆكایەتی لە توركیا جێهێشتوە.
دۆناڵد ترەمپ، سەرۆكی ئەمریكا، بۆ یەكەم جار ئاشكرایكرد، بە نهێنی لە فڕۆكەی سەرۆكایەتی "ئێر فۆرس وەن" لە توركیا دابەزیوە و فڕۆكەكەی گۆڕیوە، دوای ئەوەی لەلایەن دەزگای پاراستنی نهێنی و سوپای ئەمریكاوە ئاگاداركراوەتەوە كە بەهۆی بوونی هەڕەشەیەكەوە گەشتەكەی بە فڕۆكەیەكی دیكە ئەنجام بدات، وتیشی كە ئەو هیچ متمانەی بە ئێران نییەو و سوپای و هەواڵگری وڵاتەكەی داوای چی لێبكەن جبَبەجێی دەكات.
ترەمپ بە فڕۆكەیەكی سەرۆكایەتی نوێی كە لەلایەن قەتەرەوە پێشكەشی كرابوو، گەشتبووە ئەنقەرە بۆ بەشداری لە لووتكەی ناتۆ، بەڵام لە كاتی جێهێشتنی وڵاتەكەدا بە شێوەیەكی چاوەڕواننەكراو سەركەوتە سەر فڕۆكە كۆنەكەی سەرۆكایەتی، ئەمەش گومانی لەسەر ئاستی ئاسایشی فڕۆكە نوێیەكە دروستكرد.
ئەم لێدوانانەی ترەمپ پشتڕاستكردنەوەی راپۆرتێكی رۆژنامەی واشنتۆن پۆست بوو، باسی لەوە كردبوو ترەمپ لەناو كۆنتێنەرێكی دابینكردنی پێداویستییەكان لە فڕۆكەخانە خۆی شاردووەتەوە تاوەكو بە نهێنی بچێتە ناو فڕۆكەیەكی تر.
ترەمپ هۆکاری کەمیی موشەک و تەقەمەنی لە کۆگاکانی ئەمریکادا ئاشکرا دەکات و رایدەگەیەنێت، پێدانی 300 ملیار دۆلار هاوکاریی سەربازی لەلایەن ئیدارەی جۆ بایدنەوە بە ئۆکراین زیانی گەورەی لە کۆگاکانی واشنتۆن داوە.
دۆناڵد ترەمپ، سەرۆکی ئەمریکا لە چاوپێکەوتنێکدا لەگەڵ رادیۆی "دەنگی ئەمریکا" دەربڕینی بێئومێدی و بێزاریی وڵاتەکەی لە شێوازی دانوستاندنی ئێران نیشاندا و تاران بە ناڕاستگۆیی و خۆدزینەوە لە دانوستانەکاندا تۆمەتبارکرد.
ترەمپ رایگەیاند: "ئێرانییەکان لە ناو ژووری کۆبوونەوەکاندا لەگەڵمان رێکدەکەون، بەڵام دواتر لە رێگەی راگەیاندنەکانەوە ئەوەی لەسەری رێککەوتووین رەتیدەکەنەوە، ئەوان دانوستانکاری زۆر فێڵباز و خەڵکێکی زۆر بێوەفا و ناڕاستگۆن."
سەرۆکی ئەمریکا جەختیشیکردەوە: "ئەگەر هێرشمان نەکردایە سەر ئێران، ئەوا دەبوونە خاوەنی چەکی ئەتۆمی، شەڕەکە پێویست بوو بۆ رێگرییکردن لە دەستگەیشتنی تاران بەو چەکە."
سەبارەت بە رەوشی ئابوری، ترەمپ ئاماژەی بەوەکرد، ئابوری ئێران لە رەوشی ئاڵۆزی و پشێوییەکی گەورەدایە و رووبەڕووی فشاری ئابوری بێپێشینە بووەتەوە. وتیشی: "ئێمە کۆنتڕۆڵی تەواوی دارایی ئێرانمان کردووە، ئێرانییەکان موچەی سەربازەکانیان پێ نادرێت و رێژەی هەڵئاوسان گەیشتووەتە ٪300 و دراوەکەیان بەهای نەماوە."
سەرۆکی ئەمریکا ئاماژەی بەوەشکرد، نرخەکانی نەوت زۆر کەمترن بەراورد بە سەردەمی ئیدارەی جۆ بایدن، و جەختی کردەوە وڵاتەکەی بەدەست هیچ کەموکوڕییەک لە بڕی تەقەمەنی و موشەکەوە نانالێنێت و توانای ئەوەیان هەیە بە توندی لە ئێران بدەنەوە.
سەرۆکی ئەمریکا رەخنەی توندی لە ئیدارەی پێشووی جۆ بایدن گرت و رایگەیاند، کەمیی جۆرەکانی تەقەمەنی و موشەک لە کۆگاکانی ئەمریکادا بۆ ئەوە دەگەڕێتەوە کە بایدن بڕێکی یەکجار زۆر هاوکاری سەربازیی داوەتە ئۆکراین.
ترەمپ لە وەڵامی پرسیارێکدا سەبارەت بە داواکارییەکانی ڤۆلۆدیمێر زیلینسکی، سەرۆکی ئۆکراین بۆ وەرگرتنی موشەکی درێژمەودا و سیستمی بەرگریی "پاتریۆت" وتی: "ئێمەش پێویستمان بە موشەک هەیە، بایدن بە بەهای 300 ملیار دۆلار تەقەمەنی بە ئۆکراینبەخشیوە، ئەوەش بڕێکی یەکجار زۆر بوو و بووە هۆی دابەزینی ئاستی کۆگاکانمان".
وەزیری بەرگریی پاکستان رایدەگەیەنێت، ئەمریکا و ئێران لە گەیشتن بە جۆرێک لە لێکگەیشتن و رێککەوتن نزیکبوونەتەوە.
خواجە ئاسف، وەزیری بەرگریی پاکستان لە چاوپێکەوتنێکدا لەگەڵ ئاژانسی "بلومبێرگ" رایگەیاند، رەوشەکە دووبارە بەرەو لێکگەیشتن یان رێککەوتنی ئاشتی هەنگاو دەنێت دەبێتەوە، دەشڵێت؛ "ئاماژەکانی دوو بۆ سێ رۆژی رابردوو دەرخەری ئەوەن کە تاران و واشنتۆن لە بەدیهێنانی جۆرێک لە رێککەوتن نزیکبوونەتەوە."
هاوکات لەگەڵ ئەم لێدوانانەدا، وەزیری ناوخۆی پاکستان گەیشتە تاران بە مەبەستی ئەنجامدانی گفتوگۆ لەگەڵ لێپرسراوانی ئێران.
ئەم هەوڵانەی ئیسلام ئاباد لەکاتێکدایە، پاکستان لە دوای هەڵگیرسانی جەنگی نێوان واشنتۆن و تاران لە مانگی شوباتی رابردووەوە رۆڵی نێوەندگیر دەگێڕێت. هەرچەندە لە مانگی حوزەیرانی رابردوودا هەردوولا گەیشتبوونه رێککەوتنی ئاگربەست، بەڵام رێککەوتنەکە بەردەوام نەبوو و لە مانگی تەمووزدا پێشێلکرا.
ڤۆلۆدیمیر زیلینسكی سەرۆكی ئۆكراین دەڵێت، هێرشەكانیان لە دژی روسیا تا ناوجەرگەی ئەو وڵاتە فراوان دەكەن.
زیلینسكی رایگەیاندووە، بۆئەوەی بۆ مۆسكۆی بسەلمێنێن كە ئاشتی و ئارامی چەند گرنگن، هێرشەكانیان لە دژی روسیا فراوان دەكەن و ئامانجی قوڵتر لە ناوجەرگەی ئەو وڵاتە دەپێكن، وەك ئەوەی لە رۆژانی رابردوودا هێرشیانكردەسەر كەرتی نەوتی روسیا لە شاری تۆبۆلسك.
سەرۆكی ئۆكراین وتیشی، روسیا موشەكی كۆریای باكوری لە هێرشێكدا بۆسەر خاكی ئۆكراین بەكارهێناوە كە بەهۆیەوە شەش كەس كوژران، هۆشداریشداوە لە بەردەوامیی هاوكارییە سەربازییەكانی پیۆنگ یانگ بۆ مۆسكۆ و دەشڵێت، هەماهەنگی نێوان ئەو دوو وڵاتە مەترسی لەسەر وڵاتانی ئاسیاش دروست دەكات.
ژمارەی گیانلەدەستدانی بومەلەرزەكەی رۆژئاوای كۆڵۆمبیا بەرزبوەتەوە بۆ زیاتر لە 130 كەس، 700 كەسیش برینداربوون.
رۆژی دووشەممە بومەلەرزەیەكی بەهێز بە گوڕی 7.4 پلە، شاری پێرێرای لە رۆژئاوای كۆڵۆمبیا هەژاند، وەزیری ناوخۆی ئەو وڵاتەش رایگەیاندوە، ئۆپراسیۆنی گەڕان و پشكنین و رزگاركردن بەردەوامە، بەپێی ئامارەكان تائێستا 132 كەس بەهۆی بومەلەرزەكەوە گیانیانلەدەستداوە، 700 كەسیش برینداربوون.
راشیگەیاندوە، بومەلەزەكە زیانی زۆری لێكەوتوەتەوە، نزیكەی هەزار و 500 بینا روخاون، رێگاوبانەكان زیانیان بەركەوتووە، خزمەتگوزارییە گشتیەكان پەكیان كەوتووە، هەروەها تیمەكانی فریاكەوتن لە هەوڵی رزگاركردنی ئەو كەسانەدان، لە ژێر داروپەردووی باڵەخانە رووخاوەكاندا گیریان خواردووە.
بومەلەرزەیەکی بەهێز بە گوڕی 7.4 پلەی رێختەر، وڵاتی کۆڵۆمبیا و ژمارەیەک ناوچەی تری ئەمریکای لاتینی هەژاند، قوڵی بومەلەرزەکە 100 کیلۆمەتر بووە لە ژێر زەویدا و تا ئێستا گیان لەدەتدانی 18 کەس پشتراستکراوەتەوە.
ئەمڕۆ دوشەممە، بومەلەرزەیەکی بەهێز بە گوڕی، 7.4 پلەی رێکخەتر، کۆڵۆمبیا و چەند وڵاتێکی تری ئەمریکای لاتینی هەژاند، وێڕای زیانێکی مادیی زۆر گەشتە ئاسمانییەکانی لە شەش فڕۆکەخانەش وەستاند.
ئاژانسی رۆیتەرز لە زاری لێپرسراوانی کۆڵمبیاوە بڵاویکردوەتەوە، تا ئێستا جگە لە بریندار بوون، 18 کەس بەهۆی بومەلەرزەکەوە گیانی لەدەستداوە.
بە گوێرەی زانیارییەکان، بومەلەرزەکە، چەقی بومەلەرزەکە نزیك ناوچەی سان خۆسێ دێل پالمار بووە لە هەرێمی چۆکۆ لە رۆژئاوای کۆڵۆمبیا و لە قوڵایی 100 کیلۆمەتر لە ژێر زەویدا رویداوە.
بەهۆی بومەلەرزەکەوە بینا و باڵەخانەی زۆر زیانیان پێگەیشتوە و تا ئێستا زیانە مادییەکان دیار نین و بە گوێرەی ئەو گرتە ڤیدیۆیانەی بڵاوکراونەتەوە بەهۆی بەهیزی بومەلەرزەکەوە، هاووڵاتییان ناچار بوون باڵەخانەکان چۆڵ بکەن و بڕژێنە سەر شەقامەکان.
دەستەی فڕۆکەوانی مەدەنی کۆڵۆمبیاش ئاشکرای کرد، بەهۆی ئەو زیانانەی بەر ژێرخانی فڕۆکەخانەکان کەوتوون، شەش فڕۆکەخانە کارەکانیان راگرتووە.
كۆمەڵەی مەغربی بۆ مافەكانی مرۆڤ نوێترین ئاماری گیانلەدەستدانی كۆچبەرەكانی سێوتای ئاشكراكرد و دەشڵێت ئەگەری هەیە ژمارەكە زیاتریش بكات.
سوعاد براهیمە، سەرۆكی كۆمەڵەی مەغربی بۆ مافەكانی مرۆڤ لە كۆنفرانسێكی رۆژنامەوانیدا كۆمەڵێك زانیاریی و ئاماری نوێی ئاشكراكرد و رایگەیاند، گیانلەدەستدانی لانی كەم 144 كەس لەكۆچبەرانی مەغریب پشتڕاستكراوەتەوە كە 81 كەسیان تەرمەكانیان لە ئیسپانیا دەرهێنراونەتەوە و 63 تەرمیش لەئاوەكانی مەغریب دەرهێنراون.
باسی لەوەش كرد، ئەو ژمارانە تەنها بۆ ئەو تەرمانەیە كە سەر ئاو كەوتوون، چونكە تەرمی تر هەن كە گیریان خواردووە و تا ئێستا لێپرسراوانی مەغریب بەدوایاندا نەگەڕاون، بۆیە ئەگەری هەیە ئامارەكە زیاتر بەرز بێتەوە.
سەرۆكی كۆمەڵەكە وتیشی، لەبارەی بێسەروشوێنبووانەوە تا ئێستا هیچ ئامارێكی پشتڕاستكراوەیان لەبەردەستدا نییە چونكە رۆژانە ژمارەكان رۆژانە دەگۆڕێن بەڵام لە هەوڵدان زانیارییەكان لەو بارەیەوە كۆبكەینەوە رایبگەیەنن.
دۆناڵد ترەمپ رایگەیاند هێمنی و دور لە گرژی مامەڵە لەگەڵ ئێراندا دەکەن و تاران لە رەوشێکی زۆر خراپی ئابوریدایە، کە ناتوانێت موچە سەربازەکانیشی بدات.
دۆناڵد ترەمپ سەرۆکی ئەمریکا، بە پێگەی ئەکسیۆسی راگەیاندوە، بەردەوامن لە چاودێریکردنی تاران و گەمارۆی دەریایی قەیرانە ئابورییەکانی ئێرانی قووڵتر کردووەتەوە.
سەرۆکی ئەمریکا ئاماژەی بەوەکردوە، بەهۆی گەمارۆکانی ئەمریکاوە ئێران لە رەوشێکی زۆر خراپی ئابوریدایە، کە ناتوانێت موچەی سەربازەکانی بدات.
دۆناڵد ترەمپ جەختیکردوەتەوە، پەیوەندییەکان و کێشەکان لەگەڵ تاراندا چارەسەر دەکرێن وەک چۆن هەمیشە چارەسەر کراون و رەوشەکەی بە ياری شەتڕەنج وەسف کردوە.
سەرۆکی ئەمریکا وتوشیەتی؛ ئەگەر پێویست بکات دەتوانن فشارە ئابورییەکان لە سەر ئێران زیاتر بکەن.
جۆ وێڵسۆن، ئەندامی كۆنگرێسی ئەمریكا دەڵێت، رێككەوتنی سعودیە، توركیا و پاكستان دەستكەوتێكە بۆ ترەمپ.
جۆ ویڵسۆن ئیمزاكردنی رێككەوتنی بەرگریی هاوبەشی نێوان سعودیە، توركیا و پاكستانی بە دەستكەوتێك بۆ دۆناڵد ترەمپ لەپێناو بەهێزكردنی سەقامگیری، ئاشتی و خۆشگوزەرانی لە رۆژهەڵاتی ناوەڕاست.
وێڵسۆن ئاماژەی بەوەش كردووە، لە سایەی بوونی هاوپەیمانە كەنداوەییە گەشەسەندووەكانیان، سووریای رزگاركراو و دانوستانەكانی نێوان لوبنان و ئیسرائیل بەردەوامەودەسەڵاتی ئێرانیش لە دابڕاندایە
بەهۆی ئاگركەوتنەوەوە لە كەنەدا، زیاتر لە 20 هەزار هاووڵاتی بە ناچاری ماڵەكانیان جێهێشتووە، باری لە ناكاو راگەیەنراوە.
بەهۆی كەوتنەوەی ئاگرێكی بەهێزەوە لە هەرێمی بریتیش كۆڵۆمبیا لە وڵاتی كەنەدا، باری نائاسایی راگەیەندرا و داوا لە 20 هەزار كەس كراوە كە ماڵەكانیان چۆڵبكەن، ئاگرەكە تا ئێستا كۆنتڕۆڵ نەكراوە و رووبەری 9 هەزار و 500 هێكتار زەوی گرتوەتەوە.
دەیڤید ئێبی سەرۆكی حكومەتی خۆجێی هەرێمی بریتیش كۆڵۆمبیا رایگەیاند، كە ئاگرەكە ئەگەر هەیە بەهۆی تەقینەوەی بۆمبێكەوە بووبێت، وتیشیك ئاگرەكە هێندە بەهێزە كە كاریگەری لەسەركەشوهەوای ناوچەكە كردووە.
راشیگەیاند، چەندەها ماڵ سوتاون و چەندین كەس بەهۆی نالەباری رەوشەكەوە گیریان خواردووە و پێویستیان بە یارمەتی بووە بۆ ئەوەی ناوچەكە جێبهێڵن.
بەپێی ئامارەكانی سەنتەری هاوبەشی ئاگركەوتنەوەی دارستانەكانی كەنەدا، بە تەنها لەمساڵدا، زیاد لە چوار ملیۆن هێكتار زەوی لە كەنەدا سووتاوە.
بەهۆی نزیكبوونەوەی گەردەلوولی دۆلفین، دەسەڵاتدارانی چین زیاتر لە هەزار و 300 گەشتی ئاسمانییان لە شاری شەنگهای هەڵوەشاندەوە و نزیكەی 400 هەزار كەسیشیان لە ناوچە مەترسیدارەكان گواستەوە بۆ شوێنە ئارامەكان.
لێپرسراوانی كەشناسی چین رایگەیاند ئەم گەردەلوولە كە بە دۆلفین ناسراوە و پێشتر باكوری تایوانی گرتووەتەوە، بووەتە هۆی بارانبارینی زۆر و خێرایی با تێیدا دەگاتە 162 كیلۆمەتر لە سەعاتێكدا.
بەپێی زانیارییەكانی كەشناسی، پێشبینی دەكرێت لە سەعاتەكانی كۆتایی ئەمرۆ یەكشەممەدا گەردەلوولەكە بگاتە پارێزگاكانی تری وڵاتەكە.
دەسەڵاتدارانی شەنگهای لە راگەیاندراوێكدا جەختیان كردەوە، زیاتر لە هەزار و 300 گەشتی ئاسمانییان لە هەردوو فڕۆكەخانەی شارەكەیان راگرتووە، هاوكات سەرجەم چالاكییە دەریاییەكان و گەشتی كەشتییەكان لە كەناراوەكاندا وەستێنراون، نزیكەی 390 هەزار كەس لە ناوچە كەنارییەكان گوازراونەتەوە و لە شەنگهاییش زیاتر لە 30 هەزار كەس بەهۆی مەترسیی لافاو و داڕمانی زەوییەوە شوێنەكانیان جێ هێشتووە.
رۆژنامەی "واشنتۆن پۆست" ئاشکرای کرد، پێنتاگۆن لە رێگەی یاداشتێکی رەسمییەوە داوای لە کۆمپانیاکانی پیشەسازیی بەرگری کردووە بەرهەمهێنان و رادەستکردنی چەک و تەقەمەنییەکان خێرا بپەڕێنن.
ستیڤ فینبێرگ، جێگری وەزیری بەرگری، مۆڵەتی 21 رۆژی داوەتە کۆمپانیاکان بۆ پێشکەشکردنی پلانی خێراکردنی بەرهەمهێنانی چەکە ستراتیژییەکان، بەتایبەت مووشەکەکانی بەرگریی ئاسمانیی (پاتریۆت) و (ثاد)، جەختیشی کردووەتەوە کە پرۆسەی پەرەپێدانی چەند ساڵە ئیدی قبووڵکراو نییە.
ئەم هەنگاوەی پێنتاگۆن دوای ئەوە دێت رۆژنامەی "نیویۆرک تایمز" بڵاوی کردەوە، شەڕی ئێرانی بووەتە هۆی بەکارهێنانی هەزاران مووشەکی گرانبەها و داخرانی کۆگاکانی بەرگریی ئاسمانیی ئەمریکا؛ بەجۆرێک پێنتاگۆن ناچار بووە سیستەمە بەرگرییەکان لە ئەورووپا و ئاسیاوە بگوازێتەوە بۆ رۆژهەڵاتی ناوەڕاست، ئەمەش نیگەرانیی لای بەرپرسانی واشنتۆن دروستکردووە.
لەگەڵ ئەوەشدا، جێبەجێکردنی ئەم پلانە رووبەڕووی کۆسپ بووەتەوە، چونکە پێویستی بە پەسەندکردنی بودجەیەکی بەرگریی1.15 تریلیۆن دۆلاری لەلایەن کۆنگرێسەوە هەیە کە بەهۆی ناکۆکییە سیاسییەکانەوە پەکی کەوتووە.