کوردستان
ئەمڕۆ هەینی، سێیەمین رۆژی بەڕێوەچوونی کۆنفرانسی هاوپەیمانیی سۆسیال دیموکراتی وڵاتانی عەرەبییە لە شاری سلێمانی، کە تێیدا چەندین پانێڵی تایبەت بە پرسە گرنگەکانی ناوچەکە بەڕێوەدەچن.
یەکێک لە پانێڵەکانی ئەمڕۆ تەرخان کراوە بۆ دۆزی فەڵەستین و پێشهات و کاریگەرییەکانی لەسەر ناوچەکە. لەم پانێڵەدا، محەمەد شتایە، سەرۆکوەزیرانی پێشووی فەڵەستین؛ فەلاح جبور، سکرتێری گشتیی پارتی سۆسیال دیموکراتی ئوردن؛ مستەفا برغوسی، سکرتێری گشتیی دەستپێشخەریی نیشتمانیی فەڵەستین؛ و ئەحمەد مەجدەلانی، ئەمینداری گشتی بەرەی خەباتی جەماوەریی فەڵەستین بەشداردەبن.
پانێڵێکی دیکەی رۆژی سێیەم تیشک دەخاتە سەر ئاسۆی نوێبوونەوەی سۆسیال دیموکراتەکان لە وڵاتانی عەرەبی. لەم پانێڵەدا، دۆخی سیاسی و ئەمنیی رۆژهەڵاتی ناوەڕاست لە قۆناغی ئێستادا تاوتوێ دەکرێت و کاریگەرییەکانی لەسەر ناوچەکە شی دەکرێنەوە، بەتایبەتی چۆن رووداوەکان کاریگەرییان لەسەر گەشەکردنی ناوچەکە هەیە. بەشداربووان وەڵامی پرسیارەکانی تایبەت بە ئاڵنگارییە سەرەکییەکان و کاریگەرییان لەسەر ئاسایش و گەشەپێدانی ناوچەکە و چارەسەرەکان دەدەنەوە. هەروەها دۆخی دیموکراسی لە وڵاتانی عەرەبی دوای بەهاری عەرەبی و ئەو ئاڵنگارییانەی رووبەڕووی جوڵانەوەی سۆسیال دیموکراتییەکان دەبنەوە، تاوتوێ دەکەن. تیشکیش دەخرێتە سەر هەماهەنگییە هەرێمایەتی و نێودەوڵەتییەکان لەنێوان پارتەکاندا، بەتایبەتی لە کاتە هەستیارەکاندا بۆ تێپەڕاندنی قۆناغەکان.
شایەنی باسە، دوێنێ پێنجشەممە، بافڵ جەلال تاڵەبانی، سەرۆکی یەکێتیی نیشتمانیی کوردستان، لە وتارێکدا لە کۆنفرانسەکەدا قسەی بۆ ئامادەبووان کرد و تیشکی خستە سەر هەنگاوەکانی نوێبوونەوە و گەشەکردنی سۆسیال دیموکرات.
کۆنفرانسی هاوپەیمانیی سۆسیال دیموکراتی وڵاتانی عەرەبی، بە میوانداریکردنی یەکێتیی نیشتمانیی کوردستان، لە 27ی ئابی 2025 لە شاری سلێمانی دەستیپێکردووە و بە بەشداری د. لەتیف ڕەشید، سەرۆک کۆماری عیراق و ژمارەیەکی زۆر لە کەسایەتی سیاسی و حزبی وڵاتانی عەرەبی بەڕێوەدەچێت.
بافڵ تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە سلێمانی لەگەڵ محەمەد ئشتییە، سەرۆکوەزیرانی پێشووی فەڵەستین و د. ئەحمەد مەجدەلانی، ئەمینداری گشتیی بەرەی خەباتی جەماوەریی فەڵەستین کۆبووەوە.
لە دیدارێکدا کە رەفعەت عەبدوڵا، جێگری سەرۆکی یەکێتی و نزار ئامێدی، ئەندامی مەکتەبی سیاسی ئامادەیبوون، سەرۆک بافڵ رایگەیاند، خەڵکی فەڵەستین بە گشتی و غەززە بە تایبەتی شایستەی ئەوەن ژیانێکی سەقامگیریان بۆ دابینبکرێت و کۆتایی بهێنرێت بەم دۆخە ناهەموارەی تێیدا دەژین.
لای خۆیەوە، سەرۆکوەزیرانی پێشووی فەڵەستین سوپاسی هەڵوێستی بافڵ جەلال تاڵەبانی کرد. هەروەها وتی، سەرۆک مام جەلال لە پەرەپێدانی دیموکراسی لە رۆژهەڵاتی ناوەڕاستدا رۆڵێکی کاریگەریی گێڕاوە.
بەڕێوەبەرایەتی ئاسایشی پارێزگای سلێمانی رایگەیاند، چوار تۆمەتباری هەڵاتوو لە یاسا کە پەیوەندییان بە تاوانێکی کوشتنەوە هەیە لە پارێزگای دهۆک، لە یەکێک لە هۆتێلەکانی شاری سلێمانی دەستگیرکران.
بەپێی راگەیاندراوی ئاسایش، تۆمەتباران لە ساڵی 2024 لە پارێزگای دهۆک لەسەر کێشەیەکی کۆمەڵایەتی هاووڵاتییەکیان کوشتووە و دواتر هەڵاتوون. ئاسایشی سلێمانی، دوای چاودێری و بەدواداچوون و کۆکردنەوەی زانیاری ورد، لە رێکەوتی 19ی ئابی 2025 و بە بڕیاری دادوەری لێکۆڵینەوەی ئاسایش، توانیویانە هەر چوار تۆمەتبارەکە دەستگیر بکەن کە بە مەبەستی خۆحەشاردان روویان لە سلێمانی کردبوو.
لە ئێستادا تۆمەتباران بە ماددەی 406 لە یاسای سزادانی عیراقی راگیراون و بەپێی تایبەتمەندی کەیسەکەیان، رادەستی بەڕێوەبەرایەتی پۆلیسی پارێزگای دهۆک دەکرێنەوە بۆ تەواوکردنی رێکارە یاساییەکان.
بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە سلێمانی لەگەڵ ئیدریس لشکر، سکرتێری گشتیی سۆسیال دیموکراتی مەغریب کۆبووەوە.
لە دیدارێکدا کە ئاسۆ مامەند، ئەندامی مەکتەبی سیاسی و فریال عەبدوڵا، ئەندامی سەرکردایەتی ئامادەیبوون، گفتوگۆ لەبارەی گەشەپێدانی پەیوەندییە دیپلۆماسییەکانی نێوان هەردوولا کرا. سەرۆک بافڵ هیوای خواست پەیوەندییەکانی هەردوولا پتەوتر بێت.
لای خۆیەوە، سکرتێری سۆسیال دیموکراتی مەغریب خۆشحاڵی خۆی بە سەردانیکردنی سلێمانی و دیدارەکە دەربڕی، هەروەها بانگهێشتی بافڵ جەلال تاڵەبانی بۆ کۆنفرانسی سۆسیال دیموکراتی مەغریب کرد.
بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە سلێمانی پێشوازی لە وەفدێکی باڵای پارتی یەکسانی و دیموکراتیی گەلان (دەم پارتی) کرد کە پێکهاتبوون لە تونجەر باکرهان، هاوسەرۆکی دەم پارتی، چیدەم کلچگون ئوچار، هاوسەرۆکی پارتی هەرێمە دیموکراتییەکان، جەنگیز چاندار و بەردان ئوزتورک، پەرلەمانتارانی دەم پارتی.
لە دیدارێکدا کە د. جوان ئیحسان و د. یوسف گۆران، ئەندامانی مەکتەبی سیاسی و سالار لالە سەرحەد، لێپرسراوی بەشی پەیوەندییە کوردستانییەکان ئامادەیبوون، جەخت لە هەماهەنگی و بەرەوپێشچوونی پەیوەندییەکانی نێوان یەکێتیی نیشتمانیی کوردستان و دەم پارتی کرایەوە.
سەرۆک بافڵ ئاماژەی بە گرنگی پرۆسەی ئاشتی لە باکووری کوردستان و تورکیا کرد و وتی، ئێمە پابەندین بە رێبازی سەرۆک مام جەلال بۆ بەرەوپێشبردنی برایەتی و هەوڵەکانمان بۆ سەرخستنی ئەم پرۆسەیە چڕدەکەینەوە، چونکە ئەمە خزمەت بە بەرژەوەندییەکانی تەواوی گەلانی ناوچەکە دەکات.
کردنەوەی فڕۆکەخانەی نێودەوڵەتیی سلێمانی تەوەرێکی دیکەی کۆبوونەوەکە بوو، وەفدی پارتی دەم هیوایان خواست لە زووترین کاتدا فڕۆکەخانەکە بکرێتەوە.
دەقی وتاری یەکێتیی نیشتمانیی کوردستان، کە لەلایەن دەرباز کۆسرەت رەسوڵ، ئەندامی بۆردی هاوپەیمانیی پێشکەوتنخوازی حزبە سۆسیال دیموکراتەکان و سەرۆکی چوارچێوەی سیاسیی یەکێتیی نیشتمانیی کوردستان لە رێکخراوە نێودەوڵەتییەکان؛ خوێندرایەوە.
دەقی وتارەکە:
بهناوی یهكێتیی نیشتمانیی كوردستان و لیژنهی باڵای رێكخستنی كۆنفرانس بەخێرهاتنی سهرجهم میوانە بەڕێزەکان، شاندەکان، سهركردهی پارته سیاسییهكان و هەڤاڵان لە سەرانسەری جیهانی عەرەبی و دەرەوە دهكهین.
بهخێربێن بۆ كۆنفرانسی سۆسیال دیموكرات له جیهانی عهرهبیدا، ئامادهبوونتان لێره نیشانهی هاودهنگی و هاوههڵوێستی ههموومانه بهرامبهر بە خهباتی دیموكراسی و حوكمرانی باش.
ئهمرۆ سلێمانی و ههرێمی كوردستان باوهشیان بۆ رووداوێكی مێژوویی گهوره كردۆتهوه له مێژووی خهباتی ناوچهكه لهپێناو دیموكراسییدا. ئهم میواندارییه سلێمانی دهكاته قهڵایهكی گهوره لهسهر ئاستی رۆژههڵاتی ناوهراست بۆ پاراستنی پرهنسیپه دیموكراسییهكان و پێشهنگ كردنی خهباتی مهدهنی.
پێزانینێكی قوڵمان ههیه بۆ دهستنیشانكردن و متمانهدان به سلێمانی بۆ بهڕێوهچوونی كۆنفرانسهكه، ئهمه نیشانەی زیندوویی سلێمانییە، ههروهها دهرخهری گرنگی پێگهی سیاسی ههرێمی كوردستانیشه لهچوارچێوهی خهباتی دیموكراتیدا.
سهرمهشقی ئەم دهستكهوته مێژووییه بۆ ههرێمی كوردستان به شانازییهوه یهكێتیی نیشتمانیی كوردستانه، كه تێكرای تهمهنی خهباتكردن بووه بۆ بهدیهێنانی دیموكراسی بۆ گەلانی عێراق بهگشتی و ههرێمی كوردستان به تایبهتی. دهمانهوێ لهرێگهی ئهم كۆنفرانسهوه ههرێمی كوردستان بخهینه سهرنهخشهی خهباتی دیموكراسی.
مێژوو سهلماندوویهتی یهكێتی توانیوییهتی ببێته دهنگێكی زیندووی خهباتی مهدهنی خهڵكی ههرێمی كوردستان له كۆمهڵگهی نێودهوڵهتیدا، لهم چوارچێوهیهدا یهكێتیی نیشتمانیی كوردستان ئهندامێكی كارای دوو هاوپهیمانی زۆر گرنگه، ئهوانیش هاوپهیمانی پێشكهوتووخواز، لهگهڵ هاوپهیمانی سۆسیال دیموكرات له جیهانی عهرهبیدا.
دیدگای رابردوو و ئێستا و ئایندهی یهكێتی بریتیه له؛ بنیاتنانی كۆمهڵگهیهكی دیموكراسی و فهراههم كردنی ئازادی بۆ تاك، دادپهروهری بۆ كۆمهڵگه. یهكێتی له ههر كوێ بێت، ئهوا لهوێ مافهكانی ژنان بهتهواوی پارێزراوه، گهنجان بهوپهری توانای خۆیان خزمهتییان كردووه، پێكهوهژیانی ئاشتیانه بەرزترین بەهای هەبووە .
یهكێتی نیشتمانیی كوردستان ههر لهیهكهم رۆژی دامهزراندنیهوه خهبات بۆ ئازادی و دیموكراسی و مافی چارهی خۆنوسین له بهها نهگۆرهكانی بووه. رۆڵێكی كاریگهری ههبووه لهسهر دامهزراندنی سهرجهم ئهم دامهزراوانهی كار بۆ بهدیهێنانی حوكمرانی باش دهكهن.
لهرێگهی ئهو كۆنفرانسهوه دهمانهوێ بڵێین سۆسیال دیموكرات بیرێكی زیندووه و ههمیشه نوێدهبێتهوه، مام جهلال كه رێبهرێكی دیاری ئهم بیرهیه، بڕوای تهواوی ههبوو به كاركردن لهپێناو ئاشتی و سهقامگیری، رێبازی مام وهك میراتێكی سیاسی بۆمان دهمێنێتهوه و دەیكهینه بهرنامهی كاركردنمان.
ئێمهی یهكێتی هاوشانی ههموو پارته سۆسیال دیموكراتهكان، بهردهوام كار لهسهر برهودان به كهلتوری دیالۆگ و دانوستانی ئاشتیانه دهكهین. ههر پرۆژهیهكی ئاشتی بزانین دهبێته مایهی سهقامگیری بۆ ژیانی هاوڵاتیان، ئێمه بهوپهری توانامانهوه پشتگیری دهكهین.
ئهنجامدانی ئهم كۆنفرانسه لهم ساتهدا بۆ ههموومان گرنگه، چونكه له قۆناغێكی ههستیارداین، گۆرانكاری جیۆپۆلیتیكی بهرچاو روویانداوه، پێشهات و ههرهشهی ئهمنی نهخوازراو رووی لهناوچهكه كردووه، جەنگ و کوشتار و ماڵوێرانی ماندوو و نیگهرانی كردووین، بۆیه ههموومان پێویستمان به هاوكاریی ناوچهیی ههیه بۆ رووبهرووبونهوهی ئهو ئاستهنگه هاوبهشانهی رووبهرووی ههموومان دهبێتهوه.
نوێنهری سهرجهم پارت و بزوتنهوه و رهوته سیاسییهكان...
دهرفهتێكی زێرینمان هاتۆته پێش، ئێمهی هێزه پێشكهوتنخوازهكان و ئهندامانی سۆسیال دیموكرات، دهست لهناو دهست، لهرێگهی سود وهرگرتن له ئهزموونی یهكتر، ههر یهكهمان سیستهمی حوكمرانی له ووڵاتهكانمان لهسهر بنهما دیموكراسیهكان بنیات بنێین.
با ئهم كۆنفرانسه بكهینه پردێك بۆ ئهوهی خهباتمان لهپێناو دیموكراسی له سنورێكی بهرتهسكدا نهمێنێتهوه. چونكه سهركهوتنی پرۆسهی دیموكراسی له ههر ووڵاتێك، دهبێته دهستكهوتێك بۆ ههمووان، وهك چۆن شكست و پاشهكشهی دیموكراسی بۆ ههموومان مایهی نیگهرانییه.
ئاینده لهدهست خۆمانه، ئێمه خۆمان بریاردهدهین كۆمهڵگهو سیستهمی حوكمرانیمان بهرهو كێ بروات. دهتوانین داهاتوویهكی نوێ بۆ نهوهی تازه بنیات بنێین لهسهر بنهمای یهكسانی و ئازادی و دادپهروهری كۆمهڵایهتییهوه. هیوادارین لهم كۆنفرانسهدا سهرجهم كۆبوونهوهو گفتوگۆكان بهرههمداربن.
هیوادارم له رۆژانی كۆنفرانس كاتێكی خۆش له كهشی رۆشنبیری و ئارامی سلێمانی بهسهر ببهن.
بهم میوانداریكردنهی سلێمانی و یهكێتی، پهیامی ئهوه دهگهیێنین كهوا دیموكراسی و ئاشتی بهردی بناغهی گهشهسهندن و ئاسایشن، تهنها له كوردستان نا، بهڵكو لهههموو ناوچهكهو جیهانیش.
له كۆتایییدا دووباره بهخێرهاتنی گهرمی ئێوهی ئازیز دەکەم و دهمهوێ ئهوه دوپات بكهمهوه كهوا (تهنها بهیهكهوه دهتوانین داهاتووی كۆمهڵگهكانمان سهقامگیر بكهین لهرێگهی جێگیركردنی بهها دیموكراسییهكان و بهدی هێنانی ئاشتی و دادپهروهری بۆ ههمووان.
دەرباز کۆسرەت رەسوڵ، ئەندامی بۆردی هاوپەیمانی پێشکەوتنخوازی حزبە سۆسیال دیموکراتەکان و سەرۆکی چوارچێوەی سیاسیی یەکێتیی نیشتمانیی کوردستان لە رێکخراوە نێودەوڵەتییەکان
بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە سلێمانی لەگەڵ ماکسیم رۆبین، کونسوڵی رووسیا لە هەرێمی کوردستان کۆبووەوە.
لە کۆبوونەوەکەدا کە دەرباز کۆسرەت رەسوڵ، لێپرسراوی مەکتەبی پەیوەندییەکان ئامادەیبوو، دوایین گۆڕانکارییە سیاسییەکانی هەرێمی کوردستان، عیراق و رۆژهەڵاتی ناوەڕاست بۆچوونیان لەبارەوە ئاڵۆگۆڕکرا.
سەرۆک بافڵ باسی لە پەیوەندییەکانی هەرێمی کوردستان و بەغدا کرد و وتی، گفتوگۆکانمان بەردەوامە و هەوڵدەدەین هەمووان بە رێککەوتنەکانەوە پابەندبن تاوەکو گرفت بۆ مووچە دروست نەبێت.
دۆخی سووریا و رۆژئاوای کوردستان تەوەرێکی دیکەی کۆبوونەوەکە بوو و هەردوولا هاوڕابوون لەسەر ئەوەی پێویستە حکومەتی سووریا نوێنەرایەتیی هەموو پێکهاتەکان بکات.
تەیف سامی ئیمزای لەسەر نوسراوی خەرجکردنی موچەی مانگی شەش کردووە و بەهۆی تەواوبوونی دەوامی رەسمییەوە رۆژی یەکشەممە پارەکە دەخرێتە سەر هەژماری بانکی هەرێم.
سەرچاوەیەکی باڵا لە نێو وەزارەتی دارایی عیراقەوە بە پەیامنێری کوردسات نیوزی راگەیاندووە، نوسراوی خەرجکردنی پارەی موچەی مانگی شەشی فەرمانبەرانی هەرێم، گەیشتوەتە بەشی ژمێریای لە نێو وەزارەتی دارایی عیراق و تەنها ئیمزای بەڕێوەبەری گشتی ئەو بەشەی ماوە.
ئاماژەی بەوەشکرد، زۆربەی رێکارەکانی بەردەم خەرجکردنی پارەی موچەکە کۆتایی هاتووە و تەیف سامی وەزیری دارایی عیراقیش ئیمزای لەسەر نوسراوەکە کردوە بۆ خەرجکردنی پارەی مووچەی هەرێم.
پەیامنێری کوردسات نیوز بەهۆی تەواوبوونی دەوامی رەسمی، رۆژی یەکشەممە بەڕێوەبەری گشتی ژمێریاری وەزارەتی دارایی عیراق، ئیمزا لەسەر نواسراوەکە دەکات و پارەکە دەخرێتە سەر هەژماری بانکی وەزارەتی دارایی هەرێم، لە لقی هەولێری بانکی ناوەندی عیراق .
ئەمڕۆ سەعات 10 بەیانی، وەفدی ئیمراڵی دەمپارتی بە مەبەستی دیدار لەگەڵ عەبدوڵا ئۆجەلان، بەرەو دوورگەی ئیمراڵی بەڕێكەوت.
وەفدەكەی ئیمراڵی پێكهاتووە لە پەروین بوڵدان پەرلەمانتاری وان، میتحەت سانجار پەرلەمانتاری ڕحا و فایەق ئوزگور ئەرۆڵی پارێزەر لە سەندیكای پارێزەرانی سەدە.
ئەم دیدارە لە كاتێكدایە كە زیاتر لە یەك مانگە وەفدەكە سەردانی عەبدوڵا ئۆجەلانی نەكردبوو بە تایبەت لە دوایی دەستبەكاربوونی كۆمیسیۆنی برایەتی و دیمۆكراسی و بەوەش دەبێتە یەكەم كۆبوونەوە لە دوایی دەستبەكاربوونی كۆمیسیۆنەكە.
كۆمیسیۆنی پشتیوانی، برایەتی و دیموكراسی نیشتمانی كە بۆ چارەسەری پرسی كورد لە پەرلەمانی توركیا دا دەستبەكاربووە ڕۆژی 27ی ئاب شەشەمین كۆبوونەوەی خۆی ئەنجامدا.
هەرچەندە پڕۆسەی ئاشتی و چارەسەری دۆزی كورد لە باكوری كوردستان و توركیا لە دوایی لەناوبردنی چەك بەشێك لە گەریلاكانی پەكەكە و بانگەوازییەكەی ئۆجەلان بەرەو قۆناغێكی نوێوە ڕۆشت بەڵام هەتا ئێستا هیچ بڕیارێكی یاسایی سەبارەت بەم پڕۆسەیە دەرنەكراوە.
قوباد تاڵەبانی دەڵێت: کورد هەڕەشە نییە بۆ سەر هیچ کەس بەڵکو دەرفەتێکە بۆ ئاشتی و دیموکراسی
لە میانی پانێڵێکدا لەکۆنفرانسی هاوپەیمانی سۆسیال دیموکراتی وڵاتانی عەرەبی، قوباد تاڵەبانی جێگری سەرۆکی ئەنجومەنی وەزیرانی هەرێم رایگەیاند، ئەمڕۆ کورد بەشێکی سەرەکییە لە بونیادنانی ئاشتی و لە ئێستادا لە تورکیا دەورێکی سەرەکی دەبینێت بۆ سەرخستنی پڕۆسەی ئاشتی.
وتیشی، لە رابردوودا دۆسیەی کورد وەک هەڕەش سەیرکراوە، بەڵام هەمووان تێگەیشتن کورد هیچ کات هەڕەشە نەبووە.
جێگری سەرۆک وەزیرانی هەرێم ئەوەشی خستەڕوو، ئەگەر كێشەی كورد لە وڵاتانی دیکە چارەسەر نەكرێت، كێشەی خودی ئەو وڵاتانەش چارەسەر نابێت، هەر پارچەیەكی كوردستانیش جیاوازییان هەیە لە وڵاتێکەوە بۆ وڵاتێکی دیکە.
سەبارەت بە کێشەکانی نێوان هەرێم و عیراق قوباد تاڵەبانی ئاماژەی بەوەکرد، كێشەکانی هەولێر و بەغداد بە گفتوگۆ چارەسەردەکرێن، هەروەها بە هەوڵی یەکێتی نزیکین لە چارەسەر.
دووهەمین رۆژی کۆنفرانسی هاوپەیمانی سۆسیال دیموکراتی وڵاتانی عەرەبی بەڕێوەدەچێت، تێیدا بافڵ جەلال تاڵەبانی سەرۆکی یەکێتیی نیشتمانیی کوردستان وتارێکی پێشکەشکرد و رایگەیاند، بەکردار هەوڵدەدەین بۆ سەرکەوتنی دیموکراسی، هاوکات خراپ بەکارهێنانی دەسەڵات مەترسییە بۆ ئەو پڕۆسەیە.
بافڵ جەلال تاڵەبانی سەرۆکی یەکێتیی نیشتمانیی کوردستان لە وتارەکەیدا رایگەیاند، رۆژهەڵاتی ناوەڕاست رووبەڕووی چەندین ئالنگاری دەبێتەوە و دەمانەوێت پێکەوە پەیامی ئاشتی بە جیهان بگەیەنین.
وتیشی، پێویستە لە ناوخۆدا یەکڕیز بین و ئێمە دەزانین هێز لە یەکێتیدایە، بەکرداریش هەوڵدەدەین بۆ سەرکەوتنی دیموکراسی.
بافڵ جەلال تاڵەبانی ئەوەشی خستەڕوو، شاری سلێمانی مێژوویەکی پڕشنگداری هەیە لە دیموکراسیدا و سلێمانی شاری دیموکراسییە.
دەمانەوێت بەیەكەوە پەیامی ئاشتی بە جیهان بگەیەنین، هەروەها دەزانین باجی جەنگ و خەڵاتی ئاشتی چییە، بافڵ جەلال تاڵەبانی وا دەڵێت.
سەرۆکی یەکێتیی نیشتمانی کوردستان ئاشکراشیکرد، هەموو گرژییەکان دەکرێت بە ئاشتی و دیموکراسی چارەسەر بکرێن.
شارهوانی سلێمانی ناوی ژمارهیهك فهرمانبهری سنووری پارێزگای سلێمانی بڵاوكردهوه كه ئهمڕۆ پێنجشهممه 28ی8ی2025 بهشێوهی تیروپشكی ئهلیكترۆنی زهوییان وهرگرتووه.
کۆنفرانسی هاوپەیمانی سۆسیال دیموکراتەکانی وڵاتانی عەرەبی لە سلێمانی بەڕێوەدەچێت و سەرۆک کۆماری عیراق تێیدا وتارێکی پێشکەشکرد و ئاماژەی بەوەکرد، دەبێت هاوسەنگی لە نێوان وڵاتاندا بمێنێتەوەو كێشەكان چارەسەربكرێن.
د.لەتیف رەشید سەرۆک کۆماری عیراق لە وتارەکەیدا رایگەیاند، وڵاتە گەورەکان مافی مرۆڤ پێشێل دەکەن و دەبێت کۆمەڵکوژییەکان بوەستێنرێن.
وتیشی، دەبێت ئەو دڕەندەیەی لە غەززە هەیە رابگیرێت، هاوکات گەلی عیراق هاوسۆزی فەلەستینەکانە.
سەرۆک کۆمار ئاماژەی بەوەشکرد، کێشەکانی ئەم سەردەمە کەمی ئاو و نەبوونی وزەیە، دەبێت هەموان پێکەوە کاربکەین بۆ بۆ چارەسەرکردنی ئەو کێشانە.
د. لەتیف رەشید داواشی لە میوانەکانی بەشداربووی کۆنفڕانسەکە کرد سەردانی پارێزگای هەڵەبجە بکەن، تا بۆیان دەرکەوێت رژێمی بەعس چ تاوانێکی بەرانبەر بە گەلی کورد و ئەو شارە ئەنجامداوە.
دووهەمین رۆژی کۆنفرانسی هاوپەیمانی سۆسیال دیموکراتی وڵاتانی عەرەبی بەڕێوەدەچێت، کەتێیدا هەر یەک لە د.لەتیف رەشید سەرۆک کۆماری عیراق و بافڵ جەلال تاڵەبانی سەرۆکی یەکێتی وتار پێشکەشدەکەن.
پەیامنێری کوردسات نیوز رایگەیاند، سۆسیال دیموکراتەکانی وڵاتانی عەرەبی و جیهان بەشدارن لە کۆنفڕانسەکە و تێیدا سەرکردەکانی سۆسیال دیموکرات کە ئەندامن تاوتوێی رەوشی ناوچەکە دەکەن.
وتیشی، ئەمڕۆ د.لەتیف رەشید سەرۆک کۆماری عیراق و بافڵ جەلال تاڵەبانی سەرۆکی یەکێتیی نیشتمانیی کوردستان وتارێک پێشکەش دەکەن و لە کۆنفڕانسەکەدا رەوشی عیراق و ناوچەکە گفتوگۆی لەبارەوە دەکرێت.
چاوەڕوان دەکرێت، ئەمڕۆ رۆژێکی گرنگ بێت لەسەر ئاستی دیپلۆماسی و سیاسی چونکە کۆمەڵیک سەرکردەی وڵاتان لە سلێمانین و بەشدارن لە کۆنفڕانسەکە، ئاسایشی ناوچەکە و گۆڕانکارییەکان و ئامادەکارییەکان بۆ داهاتوو تەوەرەی سەرەکی دووهەمین رۆژی کۆنفڕانسەکە دەبێت.
حکومەتی هەرێم 120 ملیار دیناری سەر هەژماری دارایی عیراق، چاوەڕوانیش دەکرێت بەغداد ئەمڕۆ موچەی مانگی شەش رەوانە بکات.
پەیامنێری کوردسات نیوز رایگەیاند، حکومەتی هەرێمی کوردستان بڕی 120 ملیار دیناری لە داهاتی نانەوتی خستەسەر هەژماری دارایی عیراق.
وتیشی، چاوەڕێدەکرێت ئەمڕۆ بەغداد موچەی مانگی شەشی فەرمانبەرانی هەرێم رەوانە بکات.
ئەمەش لە کاتێکدایە، رۆژی سێشەممەی رابردوو لە کۆبوونەوەی ئەنجومەنی وەزیرانی عیراق، بەغداد رەزامەندی نیشاندا موچەی مانگی شەشی موچەخۆرانی هەرێم خەرجبکات، بەڵام بەمەرجێک حکومەتی هەرێم 120 ملیار دینار وەک داهاتی نانەوتیی رادەست بکات.