کوردستان
عەلی ڕەئووف، بەڕێوەبەری گشتیی گەشوگوزاری سلێمانی، لە کۆنفڕانسێکی ڕۆژنامەوانیدا ئاماری ھاتنی گەشتیارانی بۆ ساڵی ٢٠٢١ خستەڕوو و ڕایگەیاند، ئەمساڵ زیاتر لە یەک ملیۆن و ٥٠٠ ھەزار گەشتیار ھاتوونەتە پارێزگای سلێمانی و بەراورد بە ساڵی ڕابردوو داھاتی ئەمساڵی کەرتی گەشتیاری لە سلێمانی زیادیکردووە و لەسەر ئاستی ھەرێمی کوردستان، سلێمانی لە پلەی یەکەمدایە بۆ داھاتی گەشتیاری، ڕاشیگەیاند، بۆ پشووەکانی سەری ساڵ نزیکەی ٢٥ ھەزار گەشتیار ھاتوونەتە سلێمانی.
نەریمان فازڵ، وتەبێژی بەڕێوەبەرایەتیی گشتیی گەشوگوزاری ھەولێر، بە کوردسات نیوزی ڕاگەیاند، لە ٢٠٢١دا یەک ملیۆن و ٩٧٥ ھەزار گەشتیار سەردانی ھەولێریان کردووە، کە دەکاتە ٤٨%ی کۆی ھەموو ئەو گەشتیارانەی ئەمساڵ ھاتوونەتە ھەرێمی کوردستان، ئامارەکەش لە ھەردوو ساڵی ٢٠٢٠ و ٢٠١٩ زیاترە.
ڕاشیگەیاند، ئامادەکاریان بۆ ھاتنی گەشتیاری زیاتر کردووە، بە تایبەت بە بۆنەی سەری ساڵی نوێ و لە ھەموو شوێنە گەشتیارییەکان تیمی تایبەتیان ھەیە بۆ چاودێریکردنی ھاتنی گەشتیاران و چارەسەرکردنی ھەر کێشەیەک کە ڕووبەڕوویان ببێتەوە.
ھەیسەم بەربوھاری، بەڕێوەبەری سەنتەری فریاکەوتنی خێرای دھۆک، بە کوردسات نیوزی ڕاگەیاند، ١٠ تیمیان لە سەنتەری شاری دھۆک بڵاوکردووەتەوە و ئامادەکاری تەواویان کردووە بۆ ڕوودانی ھەر ئەگەرێکی نەخوازراو.
داواشی لە ھاووڵاتیان کرد، لە کاتی ڕووداوی نەخوازراو ھاوکاری تیمەکانیان بکەن، داواشی لە حکومەتی ھەرێمی کوردستان، ھاوکاریان بکات و ئامبوڵانسی زیاتریان بۆ دابین بکات.
وتیشی، سایدپلانیان ھەیە کە لە چیای گۆیژە پڕۆژەی گەشتیاری وەک پارکی گشتی و ھۆتێل و مۆتێل دروست بکرێن، بە مەرجی تێکنەدانی سروشتی گۆیژە.
داواشی لە ھاوڵاتیان و شۆفێران کرد پابەندی ڕێنماییەکانی ھاتووچۆ بن و لە کاتی ڕووداوی نەخوازراودا ڕێگە بۆ ئۆتۆمبێلەکانیان بکەنەوە بۆ ئەوەی لە کاتی خۆیدا ئەرکەکانیان جێبەجێ بکەن.
بۆ جێبەجێکردنی پێداویستییەکانی خوێندکارانی زانکۆ و پەیمانگەکانی سنووری (سلێمانی، ھەڵەبجە، کەرکوک، خانەقین، کۆیە، ھەڵەبجەی تازە، پێنجوێن، کەلار، ڕانیە، تەقتەق، قەڵادزێ، دوکان، چوارتا، دەربەندیخان، کفری، چەمچەماڵ و سەیدسادق) بافڵ جەلال تاڵەبانی لە دەباشان لەگەڵ لیژنەکانی مەکتەبی ئیدارە و دارایی گشتی یەکێتی کۆبووەوە، بە مەبەستی بەدواداچوون و تاوتوێکردنی ھەنگاوەکانی نۆژەنکردنەوە و دابینکردنی پێداویستییەکانی خوێندکاران.
لە کۆبوونەوەکەدا بافڵ جەلال تاڵەبانی وێڕای ئەوەی لەنزیکەوە گوێبیستی سەرجەم لیژنەکان بوو لەبارەی چۆنێتی کارکردنیان و دابینکردنی پێداویستییەکان و پێشکەشکردنی خزمەتگوزارییەکان، ھانیدان لیژنەکان لە کاتی دیاریکراوی خۆیدا کارەکان تەواو بکەن و تەواوی کەموکوڕییەکانی زانکۆ و پەیمانگەکان پڕبکەنەوە.
لای خۆیانەوە لیژنەکان دڵنیاییاندا لە جێبەجێکردنی پێداویستییەکان و پڕکردنەوەی ئەو کەموکوڕییانەی لە زانکۆ و پەیمانگەکاندا ھەبووە، جەختیشیانکردەوە جگە لە پێداویستی و داواکردنی خوێندکاران، بەشێکی کارەکانی لیژنەکان داوای خوێندکاران نەبووە و ئەو کەموکوورتییانە بووە کە لیژنەکانی مەکتەبی ئیداری و دارایی ھەستی پێکردووە و جێبەجێی کردوون.
ھەر لە کۆبوونەوەکەدا بافڵ جەلال تاڵەبانی روونیکردەوە، دابینکردنی پێداویستی و نۆژەنکردنەوەی بەشەناوخۆییەکان و جێبەجێکردنی داواکانی خوێندکاران لەلایەن یەکێتییەوە لە سۆنگەی بەرپرسیارێتییەوە بووە، تا ئەو بودجە و بڕە پارەیەی دیاریکراوە وەک پاڵپشتی وەزارەتی خوێندنی باڵا و توێژینەوەی زانستی و چارەسەری گرفتی بەشە ناوخۆییەکان لەم سنوورانە بە تەنھا تەرخانبکرێت بۆ بڕینەوەی دەرماڵەی خوێندکاران، لەژێر ھەر ناوێکدا بێت پێویستە بدرێت بە خوێندکاران بەبێ جیاوازی کە مافێکی رەوای ئەوانە.
دەقی پەیامەکە...
ساڵی نوێ لە کۆمەڵانی خەڵکی کوردستان پیرۆز دەکەم، ھیوام وایە بە خێر و شادییەوە بەرەو ساڵێکی ئارامی سیاسی و ئابووری و کۆمەڵایەتی، ھەنگاوبنێین و ھەموولایەکمان لە کەشێکی کامەرانیدا ژیان بەڕێبکەین.
لەم بۆنەیەدا تەئکید دەکەینەوە لە یەکخستنی ھەوڵەکانمان بۆ یەکڕیزی نیشتمانی و تەبایی نێو ماڵی کورد بۆ رووبەڕووبوونەوەی ئاڵنگارییەکان لە پێناو سەرخستنی ھەنگاوەکانی چاکسازی و زیاتر خزمەتکردنی خەڵک و خۆشگوزەرانی زیاتر و پێکھێنانی حکومەتێکی کارا لە عێراق کە بتوانێت وەڵام دەرەوەی خواستی ھەموو نەتەوە و پێکھاتە و ئاینزاکان بێت.
ئێمە لە یەکێتیی نیشتمانیی کوردستان ھەموو ھەوڵێکمان روو لە بنیادنانی حکومڕانییەکی تەندروست و خزمەتگوزار و راستکردنەوەی رێڕەوی ئیداری و رێکخراوەییە تا حزب لە خزمەتی ھەمووان بێت بێ جیاوازی.
دووبارە ساڵی نوێتان پیرۆزبێت.
ھەر شاد و سەربەرز و سەرکەوتووبن.
دڵسۆزتان
بافڵ جەلال تاڵەبانی
ئاماژەی بۆ ئەوەشکردوە، لە رێگەی ٢٣ تیمەوە لە ناوچەگەشتیارییەکان و شەقامی سالم و ھەموو مۆڵەکان، ئەمبوڵانسەکان بەردەوام دەبن لە پێشکەشکردنی خزمەتگوزاری تەندروستی بە ھاووڵاتیان و گەشتیاران.
دوابەدوای خولەكەش بڕوانامە دابەشكرا بە سەر بەشداربووانی خوڵەكە كە تیایدا ژمارەیەك لە نابیستایان و خاوەن پێدوایستی تایبەت بەشداربوون لەلایەن ڕاهێنەری نێودەوڵەتی لەبوارەكانی دارایی و پڕۆژەی بچوك و گەشەپێدانی مرۆیی(تریفە جلال)وە بابەتەكانی خولەكە پێش كراون.
ھەروەھا پێشنیاری کردوە، بۆ ماوەیەک ھاوردەکردنی ماتۆڕسکیل بۆ عێراق قەدەغە بکرێت، تا ئەو ماتۆڕسکیلانەی ھێنراون تۆمار بکرێن و ژمارەیان پێ بدرێت.
"ئەمەل جەلال"سەرۆکی دەستەی گشتیی گەشتوگوزاری ھەرێم بە کوردسات نیوزی راگەیاند، تا دوو ھەفتە بەر لە کۆتایی ساڵی ٢٠٢١، رێژەی ھاتنی گەشتیار بۆ ھەرێمی کوردستان گەیشتۆتە ٤ ملیۆن و ٩٣ ھەزار گەشتیار، بەبۆنەی جەژنەکانی سەری ساڵەوە کە لەلایەن کەرتی تایبەتەوە لە ھۆتێل و ریستۆرانتەکان بەرێوەدەچێت، چاوەڕوان دەکرێت زیاتر لە ٣٠٠ ھەزار گەشتیاری تر سەردانی ھەرێم بکەن.
وتیشی، زۆرترین رێژەی سەردانی گەشتیار بۆ پارێزگای سلێمانی و ھەولێر بووە، دواتر پارێزگای دھۆک و ئیدارەی گەرمیان و پارێزگای ھەڵەبجە بووە.
سەبارەت بە ئامادەکارییەکانیش بۆ سەری ساڵ ئاماژەی بۆ ئەوەکرد، تیمەکانی دەستەی گەشتوگوزار بەدواداچون دەکەن و چاودێری رەوشی گەشتیار و کەرتەکانی گەشتیاری دەکەن بۆ ئەوەی ھیچ جۆرە پێشێلکارییەک روونەدات، ھاوکات دەبێت چالاکییەکان و ئاھەنگەکانی کەرتی تایبەت لە ئاستی پێویستدابێت و بەپێی خواست و داوکاری گەشتیاران بێت.
بەختیار محەمەد وتەبێژی ھاتووچۆی سلێمانی بە کوردسات نیوزی ڕاگەیاند، دوای ئەوەی ژمارەیەکی زۆری ھاووڵاتیان گلەیی و گازندەیان لە شۆفێری ماتۆڕسکیلەکان ھەبوو، ماوەی ٤ ڕۆژە ھەڵمەتێکیان بۆ دەستبەسەراگرتنی ئەو ماتۆڕسکیڵانە دەست پێکردووە و لە ماوەی ئەو ٤ ڕۆژەدا مەفرەزەکانیان نزیکەی ١٢٠ ماتۆڕسکیڵیان دەست بەسەراگرتووە.
داواش لەو شوێن و خواردنگان دەکات کە لە ڕێگەی ماتۆرسکیڵەوە بە دیلیڤەری خواردن بۆ ھاوڵاتیان دابین دەکەن، دەبێت شۆفێری ماتۆڕەکان ناچار بکەن ھۆکارەکانی سەلامەتی بەکار بھێنن و لەسەر شەقامەکانیش پابەندی یاساکانی ھاتووچۆ بن.
ئەنجومەنی زانکۆی سلێمانی ڕایگەیاند، بەھۆی نۆژەنکردنەوەی بەشە ناوخۆییەکان و کارکردنی بەردەوام تیایاندا لەلایەن تیمێکی ئیدارەی گشتی یەکێتی نیشتمانی کوردستان، لەسەر ڕاسپاردەی بەڕێوەبەرایەتی بەشەناوخۆیەکانی زانکۆی سلێمانی و بە مەبەستی نۆژەنکردنەوە و دابینکردنی پێداویستیەکانیان، ئەنجومەنی زانکۆ بڕیاریدا دەوامی خوێندن لە ڕۆژی ٢/ ١ / ٢٠٢٢ تاوەکو ٦/ ١ / ٢٠٢٢ ڕابگیرێت و سەرجەم تاقیکردنەوەکانی ئەو ماوەیە دوابخرێن و لە ڕۆژی شەممە ڕۆژی ٨/ ١ / ٢٠٢٢ دەست بە دەوامی خوێندن و تاقیکردنەوەکان بکرێتەوە.
ئەنجومەنی زانکۆ بڕیاریشیداوە لیژنەی تاقیکردنەوەکانی کۆلێژەکان خشتەی تاقیکردنەوەکان ڕێکبخەنەوە، بە جۆرێک کە ڕۆژی شەممە ٨/ ١/ ٢٠٢٢ یەکەم ڕۆژی دەستپێکی تاقیکردنەوەکان بێت بە گوێرەی تایبەتمەندی کۆلێژەکان.
