رایگەیاند، بەھۆی ئەو شەپۆلی بەفربارینەوە ڕووی لە پارێزگای ھەڵەبجە کردووە، ئەمڕۆ پشووی فەرمیە لەسەرجەم دامەزراوەکانی حکومەت لە پارێزگای ھەڵەبجە.
بەرێوەبەرایەتی گشتی پەروەردەی ھەڵەبجە لە راگەیەندراوێکدا ئاماژەی بەوەکردووە، بەھۆی ئەوەی مڕۆ کراوە بە پشوو تاقیکردنەوەی ئەمڕۆ دەکەوێتە ڕۆژی سێ شەممە ١٨-١-٢٠٢٢.
بەرێوەبەری ناحیەی سیدەکانیش رایگەیاند، بەھۆی بارینی بەفرێکی زۆر لە سنوری ناحیەکەیان و دروستبوونی ئاستەنگی ھاتوچۆ بۆ ھاوڵاتیان و ئەو شەپۆڵە سەرمایەی کە لە ناوچەکەیان ھەیە، بڕیار درا ئەمڕۆ بکرێت بە پشوو لە سەرجەم دام و دەزگاکا حکومەیاکنی سنوری ناحیەکەیان.

بەھۆی دابارینی بەفر لەکاتی ئێستادا ڕێگای (کۆیە ھەیبەت سوڵتان) داخراوە ،وەئێستا تیمەکانی بەفر ڕامالین خەریکی پاککردنەوەن ،بەلام بەھۆی بەردەوامی دابارین دیسان پڕبەفر دەبێتەوە ڕێگایەکەئاستەنگی بۆدروست دەبێتەوە،بۆیە داوا لەھاوڵاتیانی بەڕێز دەکەین کەوا ھاتووچۆیان زۆر سنوردار بکەن ،وەلەحالەتی پێویست ڕێگای بەدیل بەکاربێنن بۆچونە سلێمانی کەئەویش ڕێگای سماقولیە.

 ب ھاتووچۆی ھەولێر
 ٢٠٢٢/١/١٧

سلێمان ئەحمەد قائیمقامی دەربەندیخان بە کوردسات نیوزی راگەیاند، لە سەعات ٤ی بەیانییەوە بەھۆی پەککەوتنی سێ ئۆتۆمبێلی بارھەڵگر رێگاکە گیراوە.

وتیشی، تیمەکانی بەفر راماڵین سەرقاڵی کردنەوەی رێگەکەن.

قائیمقامی دەربەندیخان داوا لە ھاووڵاتیان دەکات تەنھا بۆ کاری پێویست رێگەکە بەکاربھێنن.

ئاگادارییەک لە بەڕێوەبەرایەتی گشتی پەروەردەی سلێمانییەوە

بۆ / قوتابیان و خوێندکارانی ئازیز
بەڕێزان کەسوکاری قوتابیان و خوێندکاران

 ھەر قوتابی و خوێندکارێک بەھۆی ئەم شەپۆلی بەفر بارینەوە نەیتوانی ئامادە بێت لە تاقیکردنەوەی ئەمڕۆدا بەرواری ١٧/١/٢٠٢٢ ئەوا لە دوای پشووی کۆتایی وەرزی یەکەم تاقیکردنەوەی ئەمڕۆی وەک قوتابی و خوێندکارێکی مۆڵەت پێدراو دەتوانێت تاقیکردنەوەکە ئەنجام بدات بە پێی خشتەیەک کە لەلایەن کارگێڕی قوتابخانەو خوێندنگەکانەوە دیاری دەکرێت.
بە ھیوای سەلامەتی بۆ ھەمووان

میدیاکانی خۆرھەڵاتی کوردستان بڵاویانکردەوە، لە ماوەی ١٠ روژی رابردوودا لە سنوری پارێزگاکانی سنە و ورمێ و کرماشان نۆ کۆڵبەر بە رووداوەکانی وەک تەقینەوەی مین و ھەرەسی بەفر و تەقەی ھێزە ئەمنییەکانی ئێران، گیانیان لەدەستداوە و برینداربوون.

لە ساڵی رابردووشدا ٥٤ کۆڵبەر لە سنورەکانی نێوان ھەرێم و خۆرھەڵاتی کوردستان گیانیان لەدەستداوە و نزیکەی ١٧٠ی تریش برینداربوون.

راشد مودەڕس گورجی بەڕێوەبەری رێگەوبان و گواستنەوەی پارێزگای سنە رایگەیاند، بەھۆی بەفربارین و کڕێوە رێگەکانی سنە-کامیاران، دیواندەرە-سەقز، بۆکان-سەقز و بانە-سەقز لەگەڵ رێگەی ٥٥٠ گوندی پارێزگاکە بەتەواوەتی داخراون.

ئاماژەی بەوەشکرد، تیمەکانیان توانیویانە ھەزار و ٥٩ گەشتیار کە لە رێگەکاندا ماونەتەوە رزگار بکەن و لە ئێستاشدا سەرقاڵی پاککردنەوەی رێگەکانن.

ئەمیر جەعفەرزادە بەڕێوەبەری گشتی کۆمەڵەی مانگی سوری ورمێش رایگەیاند، رێگەی زۆربەی شار و گوندەکانی پارێزگاکە بەھۆی بەفرباینەوە داخراوە، ١٠٠ ئۆتۆمبێلێشیان رزگار کردووە کە لە رێگەکانی باشوری ورمێ گیریان خواردبووە، داواشی لە ھاوڵاتیان کرد لە کاتی زۆر پێویستدا نەبێت ھاتووچۆ نەکەن.

بەپێی ھەندێک لە راپۆرتەکان لە ناوچە شاخاوییەکانی پاوە و جوانڕۆ لە پارێزگای سنە نزیکەی دوو مەتر بەفر باریوە.

بۆ سەرجەم ناوەندەکانی خوێندن

دوای ڕاوێژ لەگەڵ بەڕێزان پارێزگاری سلێمانی و بەڕێوەبەری کەشناسی و بومەلەرزەی سلێمانی،لەبەر دابەزینی پلەی گەرمی و بەستەڵەک و سەرما وە بۆ پاراستنی گیانی قوتابیان و خوێندکاران بڕیارماندا بە ڕاگرتنی تاقیکردنەوەکانی کۆتایی وەرزی یەکەم لە ڕۆژانی سێشەممە و چوارشەممە و پێنج شەممە بەرواری(٢٠٢٢/١/٢٠/١٩/١٨) لە گشت ناوەندەکانی خوێندن بە حکومی و ناحکومی یەوە تاقیکردنەوەکان دەچێتە (٢٠٢٢/١/٢٥) بە پێی خشتەیەکی تایبەت کە لە لایەن کارگێڕی قوتابخانەکانەوە دیاری دەکرێت.
بەھیوای سەلامەتی بۆ ھەمولایەک

بەڕێوەبەرایەتی گشتی پەروەردەی سلێمانی

د.ھەڤاڵ ئەبوبەکر پارێزگاری سلێمانی راگەیاند، بەھۆی کاریگەری شەپۆلی بەفربارین رۆژی سێشەممە و چوارشەممە لە سەرجەم فەرمانگە حکومییەکانی پارێزگای سلێمانی پشووی رەسمی دەبێت.

روونیشیکردەوە، بڕیارەکە ئەو فەرمانگە و کارمەندانە ناگرێتەوە کە لە ئەرکی خزمەتگوزاری گشتی و خێراکان و ئێشکگریدان. 

بەڕێوەبەرایەتی گشتی پەروەردەی سلێمانیش رایگەیاند، بڕیاریانداوە بە ڕاگرتنی تاقیکردنەوەکانی کۆتایی وەرزی یەکەم لە ڕۆژانی سێشەممە و چوارشەممە و پێنج شەممە لە سەرجەم ناوەندەکانی خوێندن بە حکومی و ناحکومی. 

ئاماژەی بەوەشکرد، تاقیکردنەوەکان بە پێی خشتەیەکی تایبەت دەچێتە ٢٥ی مانگ.  

لەسەر بڕیاری پارێزگاری ھەڵەبجەش، ڕۆژی سێ شەممە و چوار شەممە لە سەرجەم دامەزراوەکانی حکومەتدا لە سنوری پارێزگای ھەڵەبجە پشووە.

-  ڕێگای دەباشان لە پردی دەباشان بەرەو کوردسات و مەلا داودە وە تونێلی پێشڕەو.
- رێگای سلێمانی - دەربەندیخان بەربەست کراوە.
- رێگای پێنجوێن بەربەستکراوە
- رێگای سلێمانی - قەیوان  بەربەست کراوە
- رێگای سلێمانی - مێرگەپان بەربەست کراوە
- رێگای تاسلوجە - بازیان ھاتووچۆ تیایدا مەترسیدارە
- رێگای دوکان - تاسلوجە ھاتووچۆ تیایدا مەترسیدارە.

بەرێوەبەرایەتی ھاتووچۆی سلێمانی گشت شۆفێران ئاگادار دەکاتەوە لە پێناو پاراستنی سەلامەتی خۆیان بە ھیچ جۆرێک ئەو رێگایانە بە کار نەھێنن و  باشتریشە بۆ کاری زۆر زەرور نەبێت شۆفێری نەکەن.

ڕێپێدراوی ھاتووچۆ : ھێمن سالار

" نوخشە ناسیح " قایمقامی قەزای مەڵبەندی پارێزگای هەڵەبجە بە "كوردسات نیوز"ی راگەیاند، لەسەرەتای هەفتەی داهاتوو دابەشكردنی نەوتی سپی لە هەڵەبجە دەستپێدەكات و هەر خێزانێك یەك بەرمیل نەوت وەردەگرێت و لە بەرامبەر هەر بەرمیلێكیش بڕی 90 هەزار دینار وەردەگیرێت.

دەقی پەیامەکە : 

کاکەییەکان کە پێکھاتەیەکی رەسەن و گرنگی گەلەکەمانن، لە مێژووی دێرین و نوێشدا ھەمیشە لە ریزی پێشەوەی خەبات بوون و رۆڵی جوامێرانەیان لە پێکەوەژیانی ئاینی و کۆمەڵایەتی کوردەواریدا بەرز دەنرخێنین.
ئەمشەو خوشک و برایانی کاکەیی کە جەژنی سێ شەوەی (یارانی قەوڵتاس) بەڕێدەکەن، وێڕای گەرمترین پیرۆزباییمان بەم بۆنەیەوە، ئومێدەوارم لە کەشێکی ئارام و خۆشیدا ئەم جەژنە بکەنەوە و ئەمشەو ببێتە مایەی تەبایی و قوڵکردنەوەی برایەتی و خۆشەویستی زیاتر لەناو گەلەکەماندا.

یەکێتیی نیشتمانیی کوردستان وەک ھەمیشە پارێزەر و پشتیوانی بەدیھێنانی مافەکانتان دەبێت و پارێزگاری لە تایبەتمەندی ئاینیی کاکەیی و ئاینزاکان و پێکھاتەکانی تری نەتەوەکەمان دەکات، کە بە سەدان ساڵە لەم کوردستانەدا پێکەوە دەژین و لێبووردە لەبەرامبەر جیاوازییەکان بە ئاشتییانە و برایانە ژیان بەڕێدەکەن.
دووبارە پیرۆزبایی ئەم جەژنەتان لێدەکەین . 

ھەر شاد و سەربەرز و سەرکەتووبن
دڵسۆزتان
بافڵ جەلال تاڵەبانی
١٧ی ١ی ٢٠٢٢

بەڕێوبەرایەتی گشتی تەندروستی سلێمانی ئاگاداری ھاوڵاتیانی شاری سلێمانی و دەورووبەری دەکاتەوە سەرەڕایی  ڕاگەیاندنی پشوولە پارێزگای سلێمانی ناوەندی پێدانی ڤاکسین لەبەڕێوبەرایەتی خۆپاراستنی تەندروستی سلێمانی ڕۆژانە لە   سەعات " ٨ - بۆ - ٥ "ی ئێوارە، کراوە دەبیت بەڕووی ھاوڵاتیاندا.   

دەقی پەیامەکە :

بەبۆنەی جەژنی سێ شەوەی یاران(جەژنی قەوڵتاس)، پیرۆزباییەکی گەرم لەخوشک و برایانی کاکەیی و سەرجەم یارسانەکان لەھەرێمی کوردستان و جیھان دەکەم، ھیواخوازم ئەم جەژنە بە خۆشی و کامەرانی و ئاسوودەیی بەسەرببەن.

خوشک و برایانی کاکەیی وەک پێکھاتەیەکی رەسەنی کۆمەڵگەکەمان، رۆڵی گرنگیان لە خەباتی گەلەکەماندا گێڕاوە و قوربانیدانەکانیان لەوپێناوەشدا ھەرگیز لەیاد ناکرێت.

لەم بۆنەیەدا جەخت لە پشتیوانی و پاڵپشتیمان بۆ پاراستنی ماف و ئازادییە ئاینییەکانتان دەکەمەوە، پارێزگاریکردن لە کلتووری پێکەوەژیان و یەکترقبوڵکردنیش کە یەکێکە لە شوناسەکانی ھەرێمی کوردستان، کاری لەپێشینەمان دەبێت.

ھەر لە جەژن و ئارامیدابن

 

دەقی پەیامەکە : 
ڕۆڵی  ئێوە  وەک خزمانی کاکەیی لە خەباتی  ڕەوای گەلەکەمان  و گشت  کایەکانی  کۆمەڵی  کوردەواریدا ھەمیشە  پێشەنگ  بووە، لە  قوربانیدان و لە خزمەتکردنیشدا ، ئێمەش وەک یەکێتیی لەم بۆنەیەدا و  ھەمیشە  پشتیوانی لە داواکاری و مافەکانتان  دەکەین لە دەربڕینی  سروتە  ئایینی و  تایبەتیەکانتان کە بەشێکە لە ھەمەڕەنگی کوردەوارییەکەمان .
جارێکی  تر  ھەموو  رۆژێکتان  ھەر  خۆشی و  کامەرانی  بێت.