کوردستان
لە گەرمیان 10 بێچووە ئاسک لەلایەن چەند کەسێکەوە راوکران و پۆلیسی گەرمیانیش دەڵێت: یەکێک لە راوچییەکان دەستگیرکراوە و پێشتریش چەندین کەیسی جیاوازی هەبووە و داواکراو بووە.
بەڕێوەبەرایەتی پۆلیسی گەرمیان رایگەیاند، لەسەر بنەمای زانیاری و بەدواداچوونی ورد، توانرا تۆمەتبارێک دەستگیر بکرێت کە لەلایەن چەندین دەزگای ئەمنییەوە داواکراو بووە.
بەڕێوەبەرایەتی پۆلیسی گەرمیان لە راگەیەنراوێکدا ئاماژەی بەوەکردووە، بە سەرپەرشتی بەڕێوەبەرایەتی پۆلیسی گەرمیان، مەفرەزەکانی بنکەی پۆلیسی قۆرەتوو توانیویانە تۆمەتبارێک دەستگیر بکەن کە پێشتر چەندین کەیسی جیاوازی تاوانکاری لەسەر تۆمارکراوە.
ئاشکرایکرد،، تۆمەتبارەکە بە مادەی (446) لە یاسای سزادانی عیراقی داواکراو بووە، هاوکات لەلایەن بەڕێوەبەرایەتی پۆلیسی دارستانیشەوە کەیسی تری لەسەرە، ئەوەش بەهۆی تێوەگلانی لە تاوانی راوکردن و مامەڵەکردن بە ئاسک و بێچووە ئاسکەوە.
پۆلیسی گەرمیان راشیگەیاند، لە ئێستادا تۆمەتبارەکە بە بڕیاری دادوەر راگیراوە و لێکۆڵینەوە لەگەڵیدا بەردەوامە بۆ ئەوەی رێکاری یاسایی پێویستی بەرانبەر بگیرێتەبەر.
دووەمین کۆڕبەندی ئابورى نێودەوڵەتی دێڵفی لە سلێمانی، لە رۆژانی 6 و 7ـی ئەم مانگە بەڕێوەدەچێت و کەسایەتییە باڵاکانی سەر ئاستی کوردستان و عیراق و جیهان تێیدا بەشداردەبن.
سیمیۆن سۆمۆکۆس، بەڕێوەبەر و دامەزرێنەری کۆڕبەندی ئابوریی دێڵفی، وێڕای دەربڕینی خۆشحاڵی بە بەڕێوەچوونی کۆڕبەندەکە لە شاری سلێمانی، جەخت لەسەر گرنگیی بەردەوامبوونی ئەم چالاکییە دەکاتەوە و ئاماژە بەوە دەدات کە سلێمانی سەرەڕای ئاڵۆزییەکانی رۆژهەڵاتی ناوەڕاست، ناوچەیەکی ئارامە.
سۆمۆکۆس لە کۆنفڕانسێکی رۆژنامەوانیدا رایگەیاند، ئەمە دووەم ساڵە کۆڕبەندی دێڵفی لە شاری سلێمانی بەڕێوەدەچێت و پلانیش هەیە بۆ بەردەوامبوونی. ئاماژەی بەوەشکرد، کۆڕبەندە سەرەکییەکەی مانگی نیسانی رابردوو لە یۆنان بە بەشداریی زیاتر لە سێ هەزار و 500 میوان بەڕێوەچوو، کە قوباد تاڵەبانی، جێگری سەرۆکی حکومەتی هەرێمی کوردستان یەکێک بوو لە بەشداربووانی دیار.
دامەزرێنەری کۆڕبەندی دێڵفی جەختیکردەوە: "بەڕێوەچوونی ئەم کۆڕبەندە لە سلێمانی گرنگیی تایبەتی هەیە، چونکە ئەمە چالاکییەکی جیهانییە و لە زۆرینەی وڵاتانی جیهان ئەنجام دەدرێت".
سەبارەت بە کارنامەی کۆڕبەندەکە، سۆمۆکۆس ئاماژەی بەوەکرد، "ئەجێندایەکی چڕ و گرنگمان بۆ ئەو دوو رۆژە داناوە کە پەیوەستن بە بەرەوپێشچوونی ئابوریی هەرێمی کوردستانەوە، ئەو بابەتانەشی کە لێرە باسیان لێوە دەکرێت، تەنها قسە نابن، بەڵکو دەبنە ئەجێندا بۆ ئەو کۆڕبەندە جیهانییانەی تر کە لە وڵاتانی تر بەڕێوەدەچن".
لە کۆتایی لێدوانەکەیدا، سیمیۆن سۆمۆکۆس سوپاسی قوباد تاڵەبانی کرد بۆ ئەو هەوڵانەی کە بەهۆی سەرپەرشتی و گرنگیدانی ئەوەوە، ئەم کۆڕبەندە بە شێوەیەکی ساڵانە لە شاری سلێمانی بەڕێوەدەچێت.
کەشناسیی هەرێم رایگەیاند، بەهۆی جێگیربوونی رەوشی کەشوهەواوە، پلەکانی گەرما لە ناوچە جیاوازەکانی هەرێمی کوردستان روو لە بەرزبوونەوە دەکەن و ئاسمان بە ساماڵی دەمێنێتەوە.
بەڕێوەبەرایەتیی گشتیی کەشناسیی و بوومەلەرزەزانی هەرێمی کوردستان پێشبینییەکانی کەشوهەوای 48 سەعاتی داهاتووی بڵاوکردەوە و بەپێی پێشبینییەکان، پلەکانی گەرما کەمێک بەرزدەبنەوە.
بەپێی راگەیەنراوەکەی کەشناسی، ئەمڕۆ هەینی، ئاسمانی ناوچەکانی هەرێم ساماڵ دەبێت، خێرایی با لەنێوان 10 بۆ 20 کیلۆمەتر لە سەعاتیکدا دەبێت.
ئاماژەی بەوەشکرد، پلەکانی گەرما بەراورد بە تۆمارکراوەکانی دوێنێ کەمێک بەرزتر دەبێتەوە.
کەشناسیی هەرێم ئەوەشی خستەڕوو، سبەینێ شەممە، ئاسمانی هەرێم ساماڵ دەبێت و لە هەندێک ناوچە دەگۆڕێت بۆ پەڵە هەور، هاوکات پلەکانی گەرماش بە رێژەی یەک بۆ دوو پلە بەراورد بە ئەمڕۆ بەرزتر دەبنەوە.
ماڵپەری شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە زیاتر لە سێ ملیار دینارە.
ئەمڕۆ هەینی، ماڵپەری شەفافیەت بڵاویکردەوە، داهاتی یەک هەفتە لە رۆژی(30ـی5ـی2026 بۆ 5ـی6ـی2026) داهاتی نانەوتی، لە سلێمانی و هەڵەبجە و هەردوو ئیدارەی راپەڕین و گەرمیان، سێ ملیار و 677 ملیۆن و 636 هەزار دینار بووە.
ئاشکراشیکرد، لەو داهاتە لە 95%ی بەشێوەی نەختینەیە و 5%ی داهاتەكە بەشێوەی چەكە و بەراورد بە هەفتەی رابردوو داهات کەمی کردوە.
هەر بەپێی داتاکانی شەفافیەت، داهاتی مانگی رابردوو، 32 ملیار و 401 ملیۆن دینار بووە.
جێگەی ئاماژەیە، پڕۆژەی شەفافییەت لە داهات و خەرجی، لەسەر راسپاردەی قوباد تاڵەبانی جێگری سەرۆک وەزیرانی هەرێم دامەزرا، ئێستا رۆژانە لە رێگەی ئەو ماڵپەڕەوە دەتوانیت سەرجەم داهاتە نانەوتییەکانی هەردوو پارێزگای سلێمانی و هەڵەبجە و ئیدارە سەربەخۆکانی راپەڕین و گەرمیان بزانیت.
دووەمین کۆڕبەندی ئابورى نێودەوڵەتی دێڵفی لە سلێمانی، لە رۆژانی 6 و 7ـی ئەم مانگە بەڕێوەدەچێت و کەسایەتییە باڵاکانی سەر ئاستی کوردستان و عیراق و جیهان تێیدا بەشداردەبن.
بۆ جاری دووەم و بەچاودێری قوباد تاڵەبانی، جێگرى سەرۆک وەزیرانی هەرێمی کوردستان، کۆڕبەندی ئابورى دێڵفی لەرۆژانی 6 و 7 ى حوزەیرانی 2026 لەهۆڵى فاوندەیشن لەکارگەى کولتورى لەسلێمانی دەبەسترێت.
کۆڕبەندی ئەمساڵ کەسایەتییە باڵاکانی سەر ئاستی کوردستان و عیراق و جیهان کۆدەکاتەوە لەگەڵ لێپرسراوانی وڵاتانی خاوەن ئابورى بەهێزی جیهان بۆ دیالۆگ لەسەر گرنگترین ئاڵنگارییە سیاسی و ئەمنی و ئابورییەکانی ناوچەکە، بەتایبەت کە رۆژهەڵاتی ناوەڕاست بەقۆناغێکی پڕ گۆڕانکارى جیۆپۆلیتیکیدا تێپەڕدەبێت.
لەمیانی کارەکانی کۆڕبەندی ئابورى دێڵفى دا، داڕێژەرانی سیاسەت و بڕیاربەدەستان و گەورە بازرگانانی وڵاتانی (یۆنان،تورکیا، بولگاریا، رۆمانیا، جۆرجیا، پۆڵەندا، ئیتاڵیا و فەرەنسا) گفتوگۆى چڕ دەکەن لەسەر ئاسایشی هەرێمی و ووزە، گواستنەوەى سەوز، گەشەپێدانی ئابورى و دەرفەتە نوێیەکانی وەبەرهێنان لەلایەک و پرسەکانی حکومڕانی و هەوڵەکانی چاکسازی لەلایەکی ترەوە.
د. رۆژە كەمال وتەبێژی كۆڕبەندی دێڵفیی لەسلێمانی، لە میانی بەشدارییكردنی لە گەشتی هەواڵە ئابورییەكانی كوردسات نیوز رایگەیاند، بە هەوڵەكانی قوباد تاڵەبانی، جێگری سەرۆك وەزیرانی هەرێم، توانراوە كۆڕبەندەكە لە یۆنانەوە بگوازرێتەوە بۆ سلێمانی.
وتەبێژی كۆڕبەندی دێڵفیی جەختیکردەوە، هاتنی ئەم هەموو میوانە لە دەرەوەی وڵات و ناوخۆی عیراق و هەرێم لەم رەوشی شەڕەدا بۆ سلێمانی گرنگییەکی زۆری هەیە و دەرخەری ئەوەیە سلێمانی شارێکی ئارامە.
لەئامێزگرتنی کۆڕبەندی ئابورى دێڵفی بۆ ساڵى دووەم، پێگەى سلێمانی لەسەر نەخشەى ووزەى جیهان جێگیر دەکات و هانی دیالۆگی ئەرێنی دەدات بۆ پشتیوانی رێوشوێنەکانی بەهێزکردنی سیاسەتی ئابورى و گەشەپێدانی لە رەوشی دژوار و ناسەقامگیرەکانیشدا.
بە چاودێری جێگری سەرۆك وەزیرانی هەرێم رۆژانی 6 و 7ی ئەم مانگە دووەمین كۆڕبەندی ئابوری نێودەوڵەتی دێڵفی لە سلێمانی دەبەسترێت و لە 17 پانێڵدا ئاسایشی وزە تاووتوێ دەكرێت.
دكتۆرە رۆژە كەمال وتەبێژی كۆڕبەندی دێڵفیی لەسلێمانی، لە میانی بەشدارییكردنی لە گەشتی هەواڵە ئابوورییەكانی كوردسات نیوز رایگەیاند، بە هەوڵەكانی قوباد تاڵەبانی، جێگری سەرۆك وەزیرانی هەرێم، توانراوە كۆڕبەندەكە لە یۆنانەوە بگوازرێتەوە بۆ سلێمانی.
وتەبێژی كۆڕبەندی دێڵفیی جەختیکردەوە، هاتنی ئەم هەموو میوانە لە دەرەوەی وڵات و ناوخۆی ئێراق هەرێم لەم رەوشی شەڕەدا بۆ سلێمانی گرنگییەکی زۆری هەیە و دەرخەری ئەوەیە سلێمانی شارێکی ئارامە.
ئاماژەی بەوەشكرد، دوای سەركەوتنی خولی یەكەم، دووەمین خولی كۆڕبەندەكە بە چاودێری قوباد تاڵەبانی ، لە رۆژانی 6 و 7ی حوزەیرانی 2026 لە كارگەی كلتوری سلێمانی بەڕێوەدەچێت و 17 پانێڵ لەخۆدەگرێت.
وتیشی، كۆڕبەندەكە چەندین كەسایەتی باڵا، بڕیاربەدەست و بازرگانی گەورە لە هەرێم، عیراق و وڵاتانی وەك یۆنان، توركیا، ئیتاڵیا و فەرەنسا كۆدەكاتەوە و تیایدا گفتوگۆی چڕ دەكرێت لەسەر ئاڵنگارییە سیاسی، ئەمنی و ئابوورییەكانی ناوچەكە، بەتایبەت گۆڕانكارییە جیۆپۆلیتیكییەكانی رۆژهەڵاتی ناوەڕاست، ئاسایشی وزە، گواستنەوەی سەوز و دەرفەتەكانی وەبەرهێنان.
دووەمین کۆڕبەندی ئابورى نێودەوڵەتی دێڵفی لە سلێمانی، لە رۆژانی 6 و 7ـی ئەم مانگە بەڕێوەدەچێت و کەسایەتییە باڵاکانی سەر ئاستی کوردستان و عیراق و جیهان تێیدا بەشداردەبن.
بۆ جاری دووەم و بەچاودێری قوباد تاڵەبانی، جێگرى سەرۆک وەزیرانی هەرێمی کوردستان، کۆڕبەندی ئابورى دێڵفی لەرۆژانی 6 و 7 ى حوزەیرانی 2026 لەهۆڵى فاوندەیشن لەکارگەى کلتورى لەسلێمانی دەبەسترێت.
کۆڕبەندی ئەمساڵ کەسایەتییە باڵاکانی سەر ئاستی کوردستان و عیراق و جیهان کۆدەکاتەوە لەگەڵ بەرپرسانی وڵاتانی خاوەن ئابورى بەهێزی جیهان بۆ دیالۆگ لەسەر گرنگترین ئاڵنگارییە سیاسی و ئەمنی و ئابورییەکانی ناوچەکە، بەتایبەت کە رۆژهەڵاتی ناوەڕاست بەقۆناغێکی پڕ گۆڕانکارى جیۆپۆلیتیکیدا تێپەڕدەبێت.
لەمیانی کارەکانی کۆڕبەندی ئابورى دێڵفى دا، داڕێژەرانی سیاسەت و بڕیاربەدەستان و گەورە بازرگانانی وڵاتانی (یۆنان،تورکیا، بولگاریا، رۆمانیا، جۆرجیا، پۆڵەندا، ئیتاڵیا و فەرەنسا) گفتوگۆى چڕ دەکەن لەسەر ئاسایشی هەرێمی و ووزە، گواستنەوەى سەوز، گەشەپێدانی ئابورى و دەرفەتە نوێیەکانی وەبەرهێنان لەلایەک و پرسەکانی حکومڕانی و هەوڵەکانی چاکسازی لەلایەکی ترەوە.
لەکاتێکدا جیهان لەسەرووبەندی دووبارە بوژاندنەوەدایە بەتایبەت لەدواى کێشمەکێشەکانی جیهان، کۆڕبەندی ئابورى دێڵفى، پەرۆشی هەرێمی کوردستان دەسەلمێنێت لە پشتیوانیی ئەنجامدانی گفتوگۆى بنیاتنەرانە و توندکردنەوەى پەیوەندییە ستراتیژیەکانی نێوان خۆرهەڵاتی ناوەڕاست و ئەوروپا و ئەمریکا و داڕشتنەوەى سیاسەتە ئابورییەکان.
لەئامێزگرتنی کۆڕبەندی ئابورى دێڵفی بۆ ساڵى دووەم، پێگەى سلێمانی لەسەر نەخشەى ووزەى جیهان جێگیر دەکات و هانی دیالۆگی ئەرێنی دەدات بۆ پشتیوانی رێوشوێنەکانی بەهێزکردنی سیاسەتی ئابورى و گەشەپێدانی لە رەوشی دژوار و ناسەقامگیرەکانیشدا.
سالار مەحمود لێپرسراوی بۆردی ناوەندی دەرەوە لەگەڵ چەند کادرێکی یەکێتیی نیشتمانیی کوردستان، بەمەبەستی لەنزیکەوە ناسین و ئاشنابوون بە کاروباری دامەزراوەیەکی گرنگی سیاسی، سەردانی پەرلەمانی ئەوروپایان کرد لە برۆکسل پایتەختی بەلجیکا.
دواتر لە چەند دیدارێکدا لێپرسراوی ناوەندی دەرەوە چاوی کەوت بە گوێسێپێ پاما لێپرسراوی وڵاتانی عەرەبی و عیراق بەتایبەتی و یاریدەدەرەکەی لە یەکێتی ئەوروپاو، جاک مادیسۆن ئەندامی پەرلەمانی ئەوروپاو، سێیری ماریانی ئەندامی پەرلەمانی ئەوروپا و وەزیری پێشووی گواستنەوەی فەرەنسا.
هەروەها لە بارەگای پەرلەمانی بەلجیکا چاویان کەوت بە ئێلین سامین ئەندامی لیژنەی دەرەوە لەپەرلەمان.
لە کۆی دیدارەکاندا گفتوگۆ کرا لەبارەی پرسی کوردو کوردستان و پشتیوانی بۆ دۆزی رەواو پڕ قوربانی گەلی کوردستان و، دەرفەتەکانیش کراوە. لەگەڵ پرسی رەوەندی کوردستانی لە دیاسپۆرا.
لە چوارچێوەی گۆڕانکارییە وەرزییەکاندا، پێشبینی دەکرێت لە دوو رۆژی داهاتوودا پلەکانی گەرما کەمێک بەرزبوونەوە بەخۆیانەوە ببینن.
بەڕێوەبەرایەتی کەشناسی و بوومەلەرزەزانی هەرێم رایگەیاند، ئەمڕۆ پێنجشەممە ئاسمان لەنێوان ساماڵ و پەڵەهەوردا دەبێت و خێرایی با لەنێوان 10 بۆ 20 کیلۆمەتر لە سەعاتێکدا دەبێت.
سەبارەت بە پێشبینییەکانی رۆژی هەینی، ئاماژەی بەوەکرد، ئاسمان بە تەواوی ساماڵ دەبێت و پلەکانی گەرماش بەراورد بە تۆمارەکانی ئەمڕۆ کەمێک بەرز دەبنەوە.
بەرزترین پلەکانی گەرمای پێشبینیکراو بە پلەی سیلیزی
هەولێر 36پلەی سیلیزی
پیرمام 31پلەی سیلیزی
سلێمانی 35پلەی سیلیزی
چەمچەماڵ 37 پلەی سیلیزی
دهۆک 34پلەی سیلیزی
زاخۆ 35پلەی سیلیزی
هێڵی ئاسمانیی ئەی جێت گەشتەكانی لە فڕۆكەخانەی نێودەوڵەتی جەلال تاڵەبانی دەستپێدەكاتەوە.
فڕۆكەخانەی نێودەوڵەتی جەلال تاڵەبانی رایگەیاند، لە رۆژی 17ی ئەم مانگەوە هێڵی ئاسمانی ئەی جێتی توركی گەشتەكانی لە فڕۆكەخانەكەدا دەستپێدەكاتەوە.
ئاماژەی بەوەشكردووە، هەفتانە چوار گەشتی راستەوخۆ لەنێوان ئەستەنبوڵ بۆ سلێمانی و بە پێچەوانەوە ئەنجام دەدرێت.
ئەوەش لەكاتێكدایە، لە نیسانی 2023ـوە تا تشرینی یەكەمی 2025 توركیا سەرجەم گەشتە ئاسمانییەكانی نێوان فڕۆكەخانەكانی وڵاتەكەی و شاری سلێمانی راگرت و رێگەی بە ترانزێتی گەشتەكانیش نەدەدا، كە بەكۆی گشتی نزیكەی 35٪ی گەشتەكانی فڕۆكەخانەی سلێمانی دەگرتەوە و لەدوای زیاتر لە دوو ساڵیش یەكەم فڕۆكە لە 3ی تشرینی دووەمی ساڵی رابردوودا لە توركیاوە گەیشتە فڕۆكەخانەی نێودەوڵەتی جەلال تاڵەبانی.
بە پاڵپشتی دەزگای میدیایی کوردسات، دووەم كۆنفڕانسی تێدئێكس ئاشتی لە هەڵەبجە بە بەشداری ژمارەیەك لە كەسایەتییە دیارەكان لە سەرجەم بوارەكاندا بەڕێوەدەچێت.
رێبین یار ئەحمەد رێكخەری تێدئێكس ئاشتی بە كوردسات نیوزی راگەیاند، 13ی ئەم مانگە دووەم كۆنفڕانسی تێدئێكس ئاشتی لە هەڵەبجە بەڕێوەدەچێت كە بۆنەیەكی نێودەوڵەتییە و لەلایەن رێكخراوی تێدئێكسی جیهانییەوە رێكدەخرێت.
وتیشی، لە كۆنفڕانسەكە كەسانی سەركەوتوو و بە ئەزمونی خەڵكی هەڵەبجە چیرۆكەكانیان دەگێڕنەوە بۆ هێنانەكایەی گفتوگۆی قوڵ و گۆڕینەوەی ئەزموون.
وتیشی، لە ساڵی 2023 بۆ یەكەمجار لە مێژووی هەڵەبجە بە هەوڵی چەند گەنجێكی شارەكە و بە هەماهەنگی لەگەڵ تێدێكس، یەكەم تێدئێكسی هەڵەبجە-ئاشتی بەشداری ژمارەیەك لە كەسایەتییە دیارەكان لە سەرجەم بوارەكان بەڕێوەچوو تیایدا جەختكرایەوە لە پێكەوەژیان و ئاشتی.
مانگی رابردوو نزیکەی سێ هەزار نەخۆش سەردانی سەنتەری شەكرەو کوێرە گلاندەکانیان كردووە و چارەسەری پێویستیان بۆ کراوە.
بەپێی ئاماری بەڕێوبەرایەتی گشتی تەندروستی سلێمانی لە ماوەی مانگی رابردوو لە رۆژی (1 بۆ 2026/5/31) لە سەنتەری شەكرە و كوێرەگلاندەكان دوو هەزار و 741 نەخۆش سەردانیان كردووە و چارەسەریان بۆ كراوە.
ئەو نەخۆشخانەی لەو ماوەیەدا سەردانی سەنتەری شەكرە و كوێرە گلاندەكانیان كردووە، هەزار و 161 نەخۆشیان لە رەگەزی نێر بوون و هەزار و 580 نەخۆشیان لە رەگەزی مێ بوون و 35 نەخۆشیان ئاوارەكان بوون و ئەوانی تر دانیشتووی سلێمانی بوون.
بەپێی ئامارەکەی تەندورستی سلێمانی، مانگی رابردوو ئەو نەخۆشانەی لە سەنتەری شەكرە و كوێرەگلاندەكان بینراون 693 نەخۆش تەمەنیان لەسەروو (65) ساڵیەوە بووە و هەزار و 565 نەخۆش تەمەنیان لەنێوان (45-64) ساڵدا بووە و 455 نەخۆش تەمەنیان لەنێوان (20-44) ساڵدا بووە و 28 نەخۆش تەمەنیان لەخوار (20) ساڵەوە بووە.
وتەبێژی وەزارەتی کارەبای حکومەتی هەرێم رایدەگەیەنێت بەهۆی کەمبوونەوەی بەرهەمهێنانی غاز گرفت لە دابەشکردنی کارەبای نیشتیمانیی دروستبووە و بەهۆیەوە پێدانی سەعاتەکانی کارەبا کەم بووەتەوە.
ئومێد ئەحمەد وتەبێژی وەزارەتی کارەبای حکومەتی هەرێم بە کوردسات نیوزی راگەیاند: لە دوێنێوە بەهۆی کەمبوونەوەی دابینکردنی غاز بۆ وێستگەکانی کارەبا ئاستی بەرهەمهێنانی کارەبای نیشتیمانی کەمبوەتەوەو بەهۆیەوە گرفت لە دابەشکردنی کارەبای نیشتیمانی دروست بووە و لەسەرتاسەری هەرێمی کوردستان سەعاتەکانی پێدانی کارەبای پڕۆژەی روناکی و تۆڕی کارەبای نیشتیمانی کەم بووەتەوە.
وتەبێژی وەزارەتی ئاماژەی بەوەشدا: چاوەڕێ دەکرێت لە دوو رۆژی داهاتوو کێشەکە چارەسەر بکرێت و رەوشی کارەبای نیشتیمانیی ئاسایی ببێتەوە.
وەزارەتی تەندروستی حکومەتی هەرێمی کوردستان تۆمارکردنی یەکەم حاڵەتی پشتڕاستکراوەی نەخۆشی تای خوێنبەربونی لە شاری دهۆک راگەیاند، توشبوەکە تەمەنی 47 ساڵە و پیشەی شوانییە.
وەزارەتی تەندروستی لە راگەیەندراوێکدا رایگەیاندوە، نەخۆشەکە پیاوێکی تەمەن 47 ساڵە و دانیشتوی گوندی (دووگرێ)یە لە ناحیەی سنونێی سەر بە قەزای شنگال لە پارێزگای نەینەوا.
ئاماژەی بەوەشکردوە، توشبوەکە پیشەی شوانە و بەرکەوتەی راستەوخۆی لەگەڵ ئاژەڵی تووشبودا هەبووە، دوای چەندینجار سەردانیکردنی نەخۆشخانەکانی ناوچەکەی خۆی، دواجار روی لە شاری دهۆک کردووە و لەوێ لەلایەن تیمە پزیشکییەکانەوە گومانی لێکراوە و دوای پشکنینەکان، تووشبوونی بە رەسمی پشتڕاستکراوەتەوە.
تەندروستی هەرێم دەڵێت؛ لە ئێستادا نەخۆشەکە لەژێر چاودێری چڕی پزیشکیدایە لە دهۆک و چارەسەر وەردەگرێت، بەڵام بەپێی راپۆرتە پزیشکییەکان باری تەندروستی ناجێگیرە.
وەزارەتی تەندروستی داوا لە هاووڵاتیان و بەخێوکەرانی ئاژەڵیش دەکات لە کاتی بەدیکردنی هەر نیشانەیەکی گومانئاوی لەسەر ئاژەڵەکانیان، دەستبەجێ تیمەکانی ڤێتێرنەری ئاگادار بکەنەوە و پابەندی رێنماییە تەندروستییەکان بن.
جێی باسە ئەمە یەکەم حاڵەتی رەسمی و پشتڕاستکراوەی تای خوێنبەربوونە، کە لەمساڵدا لەناو هاووڵاتیانی هەرێمی کوردستاندا تۆمار بکرێت، دوای ئەوەی سەرجەم حاڵەتە گومانلێکراوەکانی رابردوو پشکنینەکانیان نەرێنی بووە.
بۆ جاری دووەم و بەچاودێری قوباد تاڵەبانی، جێگرى سەرۆک وەزیرانی هەرێمی کوردستان، کۆڕبەندی ئابورى دێڵفی لەرۆژانی 6 و 7 ى حوزەیرانی 2026 لەهۆڵى فاوندەیشن لەکارگەى کلتورى لەسلێمانی دەبەسترێت.
کۆڕبەندی ئەمساڵ کەسایەتییە باڵاکانی سەر ئاستی کوردستان و عیراق و جیهان کۆدەکاتەوە لەگەڵ بەرپرسانی وڵاتانی خاوەن ئابورى بەهێزی جیهان بۆ دیالۆگ لەسەر گرنگترین ئاڵنگارییە سیاسی و ئەمنی و ئابورییەکانی ناوچەکە، بەتایبەت کە رۆژهەڵاتی ناوەڕاست بەقۆناغێکی پڕ گۆڕانکارى جیۆپۆلیتیکیدا تێپەڕدەبێت.
لەمیانی کارەکانی کۆڕبەندی ئابورى دێڵفى دا، داڕێژەرانی سیاسەت و بڕیاربەدەستان و گەورە بازرگانانی وڵاتانی (یۆنان،تورکیا، بولگاریا، رۆمانیا، جۆرجیا، پۆڵەندا، ئیتاڵیا و فەرەنسا) گفتوگۆى چڕ دەکەن لەسەر ئاسایشی هەرێمی و ووزە، گواستنەوەى سەوز، گەشەپێدانی ئابورى و دەرفەتە نوێیەکانی وەبەرهێنان لەلایەک و پرسەکانی حکومڕانی و هەوڵەکانی چاکسازی لەلایەکی ترەوە.
لەکاتێکدا جیهان لەسەرووبەندی دووبارە بوژاندنەوەدایە بەتایبەت لەدواى کێشمەکێشەکانی جیهان، کۆڕبەندی ئابورى دێڵفى، پەرۆشی هەرێمی کوردستان دەسەلمێنێت لە پشتیوانیی ئەنجامدانی گفتوگۆى بنیاتنەرانە و توندکردنەوەى پەیوەندییە ستراتیژیەکانی نێوان خۆرهەڵاتی ناوەڕاست و ئەوروپا و ئەمریکا و داڕشتنەوەى سیاسەتە ئابورییەکان.
لەئامێزگرتنی کۆڕبەندی ئابورى دێڵفی بۆ ساڵى دووەم، پێگەى سلێمانی لەسەر نەخشەى ووزەى جیهان جێگیر دەکات و هانی دیالۆگی ئەرێنی دەدات بۆ پشتیوانی رێوشوێنەکانی بەهێزکردنی سیاسەتی ئابورى و گەشەپێدانی لە رەوشی دژوار و ناسەقامگیرەکانیشدا.
بڕیارە ئەمڕۆ چوارشەممە، وەفدێکی باڵای هەرێمی کوردستان بۆ پرسی نەوت و بودجە سەردانی بەغداد بکات و لەگەڵ عەلی زەیدی، سەرۆک وەزیرانی عیراق و باسم محەمەد وەزیری نەوت کۆببێتەوە.
محەمەد عەبدولرەحمان، پەیامنێری کوردسات نیوز لە زاری سەرچاوەیەکی تایبەتەوە رایگەیاند، وەفدەکەی حکومەتی هەرێم لە د. ئامانج رەحیم سکرتێری ئەنجومەنی وەزیران، ئومێد سەباح سەرۆکی دیوانی سەرۆکایەتی، کەمال محەمەد وەزیری سامانە سروشتییەکان، عەبدولحەکیم خەسرەو ، سەرۆکی فەرمانگەی هەماهەنگی و بەدواداچون پێکهاتوون.
هەروەها نوێنەری چەند کۆمپانیایەکی نەوتی یاوەری وەفدەکەی هەرێم دەکەن بۆ چونە بەغداد، کە پرسی سەرەکی نەوت و بودجەیە و لەگەڵ عەلی زەیدی، سەرۆک وەزیرانی عیراق و باسم محەمەد وەزیری نەوت کۆدەبنەوە.
پەیامنێری کوردسات نیوز زانیویەتی؛ لە ئێستادا وەفەدەکە لە فڕۆکەخانەی نێودەوڵەتی هەولێرە و کەمێکی دیکە بەرەو بەغداد بەڕێدەکەونو چەند رۆژێک لە بەغداد دەمێننەوە.