دووەم رۆژی لوتکەی سلێمانی بە پاڵپشتی میدیایی دەزگای میدیایی کوردسات بە دروشمی 'ئاراستەکردنی سەرمایە بەرەو گەشەی بەردەوامی خانوبەرە و پیشەسازی' بەڕێوەدەچێت و تێیدا چەندین پانێڵی گرنگ سەبارەت بە ئابوری، پیشەسازی، سیستمی بانکی و ژینگە بەڕێوەدەچن.

تەواوی بەرنامەی کاری رۆژی دووەمی "لوتکەی سلێمانی"

ئەمڕۆ کارەکانی لوتکەی سلێمانی بەردەوامییان دەبێت و چەندین پانێڵی گرنگ سەبارەت بە ئابوری، پیشەسازی، سیستمی بانکی و ژینگە بەڕێوەدەچن.

خشتەی کات و بەرنامەی پانێڵەکان:

10:00 - 10:30 | پێداچوونەوە و خستنەڕووی دەرئەنجامەکانی ڕۆژی یەکەم.

10:30 - 11:20 | پانێڵی یەکەم

"ستراتیجی بەرەوپێشبردنی بەرهەمی ناوخۆ و توانای کێبڕکێ"

بەشداربووان:

هاوڕێ تۆفیق – راوێژکاری سەرۆک کۆماری عیراق

نەوزاد رەباتی – سەرۆکی ژوری بازرگانی و پیشەسازی سلێمانی

عادل عەکاب – سەرۆکی یەکێتیی پیشەسازییەکانی عێراق

محەمەد ئەلمەساری – نوێنەری دامەزراوەی دارایی نێودەوڵەتی (IFC)

بەڕێوەبەری پانێڵ: د. یادگار عەباس (ئەکادیمی و توێژەر)

11:20 - 11:45 | گفتوگۆ و ئاڵوگۆڕی رای بەشداربووان

12:00 - 12:50 | پانێڵی دووەم

"بەستنەوەی بانکەکان، خانووبەرە، پیشەسازی لەپێناو گەشەپێدانی بەردەوام"

بەشداربووان:

ئارام بابان – نوێنەری کارگەکانی سلێمانی لە ژووری بازرگانی و پیشەسازی

دەیڤید مولەر – ڕاوێژکاری پێشکەوتوو لە دەزگای OJCOS و چالاکوانی سیاسەتی ئەڵمانیا

د. بیرند ڤیلهور – ڕاوێژکاری پێشکەوتووی پەیمانگای وێڵتێتۆس

بەڕێوەبەری پانێڵ: د. دیدار عەبدولکەریم (بەرپرسی توێژینەوەکانی ڤیژن فاوەندەیشن)

12:50 - 1:15 | گفتوگۆ و پرسیاری بەشداربووان

2:15 - 3:05 | پانێڵی سێیەم

"داهاتووی پرۆژەکانی نیشتەجێبوون: لە کۆمەڵگەی نیشتەجێبوونەوە بۆ شار و ژێرخانی سەوز و بەردەوام"

بەشداربووان:

د. هەڵۆ عەسکەری – راوێژکاری سەرۆک کۆماری عیراق بۆ کاروباری ژینگە

حەیدەر دەڕاجی – بەڕێوەبەری گشتیی کۆمپانیای ئابووری کاربۆن لە وەزارەتی ژینگەی عێراق

د. نوور جاسم – نوێنەری زانکۆی کوردستان – هەولێر

د. موسا محەمەد تۆفیق – ڕاوێژکار و توێژەری دارایی و خانووبەرە

خالید سلێمان – نووسەر و پسپۆڕی بواری ژینگە (فاروق گروپ بۆ وەبەرهێنان)

بەڕێوەبەری پانێڵ: لەنجە شەهاب کەریم (ئەکادیمی و توێژەر)

3:05 - 3:30 | گفتوگۆی بەشداربووان

کۆتایی کارەکان:

3:45 - 4:15 | ڕێزلێنان لە کۆمپانیا، بانک و کارگە بەشداربووەکان.

4:15 - 4:45 | ئەنجامدانی کۆنگرەی ڕۆژنامەوانی و ڕاگەیاندنی فەرمیی ڕاسپاردەکانی "لوتکەی سلێمانی".

جێگەی ئاماژەیە لوتکەی سلێمانی، دوێنێ بە بەشداری نزار ئامێدی سەرۆک کۆماری عیراق، نێچیرڤان بارزانی سەرۆکی هەرێمی کوردستان، قوباد تاڵەبانی جێگری سەرۆکی هەرێمی کوردستان و چەندین میوانی گرنگ دەستیپێکرد، کەتێیدا گفتوگۆ لەبارەی کەرتی ئابوری و خانوبەرە و وەبەرهێنا دەکرێت.

بەبۆنەی سی و پێنجەمین ساڵیادی دامەزراندنی رێکخراوی منداڵپارێزی کوردستان، رێورەسمێکی تایبەت بە ئامادەبوونی ژمارەیەک لە هاوکاران، پشتیوانان و هاوبەشانی رێکخراوەکە بەڕێوەچوو.

لە بۆنەکەدا باس لە مێژووی کار و چالاکییەکانی ڕێکخراوەکە لە ماوەی 35 ساڵی رابردوودا کرا و ئاماژە بە هەوڵ و دەستپێشخەرییەکانی رێکخراوەکە لە بوارەکانی پاراستنی منداڵان، پشتیوانیکردنی خێزانەکان، تواناسازی و پەرەپێدانی گەنجان و دروستکردنی دەرفەتی زیاتر بۆ ژیانی باشتر بۆ منداڵان کرا.

لەوبارەیەوە خاتوو شاناز ئیبراهیم ئەحمەد وتارێکی پێشکەش کرد و رایگەیاند رێکخراوی منداڵپارێزی کوردستان، رێڕەوێکە کە بە توانایەکی سنووردار دەستی پێکرد، بەڵام بەهۆی باوەڕ بە پەیامەکە و بەهۆی هەموو ئەو کەسانەی لەم رێڕەوەیا لە گەڵمان بوون، بەردەوام بوو و گەشەی کرد.

خاتوو شاناز سوپاسی هەموو ئەو کەس و لایەنەی کرد کە لە ماوەی ئەم ساڵانەدا بە شێوەی جۆراوجۆر پشتیوانی رێکخراوەکە و پەیامی منداڵپارێزی کوردستانیان کردووە؛ چ بە هاوکاریی ڕاستەوخۆ، چ بە دابینکردنی دەرفەتی کار و راهێنان و تواناسازی، یان بە پشتگیریکردن لە چالاکی و دەستپێشخەرییە خێرخوازییەکان.

لەو رێورەسمەدا پیرۆزبایی و سوپاسی هەموو ئەو کەسانەکرا کە لە ڕابردوودا بەشێک بوون لە چیرۆکی منداڵپارێزی کوردستان و هێشتا لەگەڵ پەیامەکەیدا بەردەوامن.

 قوباد تاڵەبانی، جێگری سەرۆک وەزیرانی هەرێمی کوردستان رایگەیاند یەکێتی و پارتی دوژمنی یەکتری نین و نابێت هەوڵی شکاندنی یەکتری بدەن، جەختیشی  جەختی لە گرنگی ئاشتی، تەبا و کارکردنی بەکۆمەڵ کردەوە.

لە میانی دیدارێکی تایبەتدا بۆ کوردسات نیوز لە پەراوێژی لوتکەی سلێمانی 2026، قوباد تاڵەبانی رایگەیاند، لە کاتە سەختەکاندا ئەزمونێکی جوانی لە کارکردن لەگەڵ نێچیرڤان بارزانی هەبووە و پشتیوانی یەکتری بوون، کە ئەوەش بووەتە بناغەیەک بۆرڕێزگرتنی دوولایەنە.

هاوکات ئاماژەی بە کۆبوونەوەی لەگەڵ مەسرور بارزانی کرد و روونی کردەوە، ئەگەریەکێتی و پارتی بەیەکەوە کار نەکەن و یەکتر بشکێنن هەردوولا دەدۆڕێن و لە ئەنجامدا کوردستان دەشکێت، بۆیە نابێت وەک دوژمن سەیری یەکتری بکەن چونکە لە راستیدا دوژمنی یەکتری نین.

جێگری سەرۆک وەزیران وێڕای ئاماژەدان بە پرسی بودجەی 2027 و پێویستیی دەربازبوون لە میزاجی شەخسی، باسی لە فرەچەشنی لە ئابوری کوردستاندا کرد و دووپاتی کردەوە کە ئابوری هەرێم تەنیا بە بیرکردنەوە لە نەوت و نیشتەجێبوون بەهێز نابێت بەڵکو پێویستە لە هەموو کەرتەکاندا پێشکەوتن بەدیبهێنرێت.

لەبارەی بونی مەترسی لەسەر هێزەکانی پیشمەرگە، قوباد تاڵەبانی دڵنیایی دا و رایگەیاند، پێشمەرگە رەمز و روح و دڵی کوردستانە و کەس مافی ئەوەی نییە بە خراپی باسیان بکات.

سەبارەت بە رەوشی رۆژئاوا و باکووری کوردستانیش خۆشحاڵی خۆی بۆ پێشکەوتنی پرۆسەی ئاشتی دەربڕی و وتی؛ کەس لە ئاشتیدا زەرەر ناکات.

نێچیرڤان بارزانی رایگەیاند، پەیوەندییەکانی پارتی و یەکێتی بەرەو باشتربون دەچن و دەرفەتەکانی بەردەم هەرێم زیاترن، جەختیشیکردەوە مەترسی لەسەر هێزی پێشمەرگە نییە و لەگەڵ بافڵ جەلال تاڵەبانی و قوباد تاڵەبانی پەیوەندییان زۆر باشە.

لە دیدارێکی تایبەتدا لەگەڵ کوردسات نیوز و لە پەراوێزی لوتکەی سلێمانی 2026، نێچیرڤان بارزانی، سەرۆکی هەرێمی کوردستان رایگەیاند کە پەیوەندییەکانی نێوان یەکێتی و پارتی بەرەو باشتربوون دەچن و ئاماژەی بەوە کرد شتەکان بۆ پێکهێنانی حکومەت بە ئاڕاستەی دروست هەنگاو دەنێن و زۆر گەشبینە بەم پرسە.

 داهاتوی هەرێم و ئاڵۆزییە ناوچەییەکان، سەرۆکی هەرێم دڵنیایی دا کە دەرفەتەکان لە مەترسییەکان زیاترن، چونکە توانراوە هاوسەنگی رابگیرێت و هەنگاوی عاقڵانە بنرێت.

لەبارەی رەوشی ناوخۆیی هەرێم و هێزەکانی پێشمەرگە، نێچیرڤان بارزانی جەختی کردەوە،پێشمەرگە هێزێکی بەرگریی دانپێدانراوە لە دەستوری عێراقدا و هیچ مەترسییەکی لەسەر نییە، هەروەها ئاشکرای کرد لەم رۆژانەدا و لە رێوڕەسمێکی تایبەت ئەنجامدەدرێت، کە پەیوەستە بە  پرۆسەی یەکگرتنەوەی هێزەکانی پێشمەرگە.

هاوکات باسی لە ئاوەدانکردنەوە و گەشەسەندنی سلێمانی کرد و دڵخۆشی خۆی بۆ ئەو پێشکەوتنانە دەربڕی، جەختیشی کردەوە ئارامیی سلێمانی و پارێزگاکانی تر زەمینەسازە بۆ کەرتی تایبەت و وەبەرهێنان تا هەرێم بەرەو پێش ببات.

لە بارەی پەیوەندییە کەسی و سیاسییەکان لەگەڵ سەرکردایەتی یەکێتی، سەرۆکی هەرێم ستایشی رۆڵی قوباد تاڵەبانی کرد لە نزیککردنەوەی دیدگاکان و رایگەیاند، لە رۆژە سەختەکاندا پێکەوە کاریان کردووە و رۆڵێکی زۆر باشی بینیوە.

 هاوکات ئاماژەی بە پەیوەندییەکانی لەگەڵ بافڵ جەلال تاڵەبانی، سەرۆکی یەکێتی کرد و وەکو پەیوەندییەکی زۆر برادەرانە و دۆستانە وەسفی کرد کە بەردەوام هەماهەنگی و کۆبوونەوە لە نێوانیاندا هەبووە.

لە پەراوێزی دیداری لوتکەی سلێمانی 2026دا، قوباد تاڵەبانی، جێگری سەرۆک وەزیران لەگەڵ مستەفا سەنەد، وەزیری پەیوەندییەکانی عیراق کۆبووەوە.

لە کۆبوونەوەکەدا قوباد تاڵەبانی جەختی کردەوە لەسەر زیاترکردنی ئاستی هەماهەنگییەکانی نێوان هەرێمی کوردستان و حکومەتی فیدڕاڵ بۆ پێشخستنی زیاتری بواری پەیوەندییەکان و پێشکەشکردنی خزمەتگوزاریی باشتر بە هاووڵاتییان.

وەزیری پەیوەندییەکانی عیراقیش ستایشی قوباد تاڵەبانی کرد، کە بە چاودێریی بەڕێزیان دیداری لوتکەی سلێمانی بەڕێوەدەچێت و خۆشحاڵیی خۆشی دەربڕی بەوەی پارێزگای سلێمانی لە هەموو بوارەکاندا و بە تایبەتیش لە بواری پەیوەندییەکاندا گەشەسەندنی بەرچاوی بەخۆیەوە بینیوە.
مستەفا سەنەد ئاماژەی بەوەشدا کۆمپانیاکانی بواری پەیوەندییەکانی پارێزگای سلێمانی هاوبەشێکی گرنگی وەزارەتی پەیوەندییەکانی حکومەتی فیدڕاڵن و رۆڵێکی گرنگیان هەیە لە پێشخستنی کەرتی پەیوەندییەکانی عیراق.

لە مێژووی هاوچەرخی گەلاندا، هەمیشە ئەو سەرکردانە جێدەستیان دیارە کە لەبری دروشمی گەورە و ململانێی سیاسی و کاری وێرانکەر، ڕێگەی سەخت و ئارامگرانەی بونیادنانیان هەڵبژاردووەو بوونەتە هێزی گۆڕانکاری جۆری لەکۆمەڵگەدا. 

کەسایەتی ناو مێژووی گەلان،  وەک (لی کوان یو) کە ئەندازیاری پێشکەوتن و نوێکردنەوەی سەنگاپورە بوو، وڵاتێکی هەژار و بێ ژێرخانی کردە یەکێک لە پێشکەوتووترین وڵاتانی جیهان لەڕێگەی چاکسازی ئیداری، دیجیتاڵکردن، ڕێکخستنەوەی دامەزراوەکان، و گەشەپێدانی ئابووری ئارام و درێژخایەن.

ئەم مۆدێلە سەلماندویەتی کە سەرکردەی ڕاستەقینە ئەو کەسەیە خەمی گەورەی ئاوەدانی و بنبڕکردنی ڕۆتین و بونیادنانی ژێرخانێکی بەهێزی هەبێت، نەک دروستکردنی کەشوهەوای ئاڵۆزو ژیانی پڕ بگرەوبەردەو قورسکردنی ژیانی خەڵک.

لەم بارودۆخە هەستیارەی ئەمڕۆی هەرێمی کوردستان و عێراق و ناوچەکەش، قوباد تاڵەبانی وەک سەرمایەیەکی گەورە و داهێنەر دەردەکەوێت تەواو کارەکتەرێکی جیاوازە؛ کەسایەتییەکی بەسوود و بەکەڵکە بۆ گەل و وڵات کە پاروو پاروو، خولقێنەری گۆڕانکاری جۆرییە لە کۆمەڵگەدا.

بۆ ئەمڕۆکەی کوردستان کاک قوباد دەستێکی خێر و ئاوەدانە؛ پیاوی ڕۆژە سەختەکان و ئەرکە قورسەکانە.

 دوور لە هەموو زێدەڕۆیی و وەسفێکی دەستکرد، بێ ریایی، کارەکتەرێکی ژیر، حەکیم و هاوسەنگی ئەم سەردەمەیە.

بەتایبەت کە لەم سەردەمەدا بیری دەمارگیری و وتاری توندوتیژ ئاسانترین ڕێگەیە، بەڵام ئەو هەرگیز ئەهلی تێکدان و شپرزەکردنی کۆمەڵگە نەبووە، بەڵکو بەپێچەوانەوە، چاوی لە ئەزموونە سەرکەوتووەکانی جیهانە؛ بۆ دروستکردنەوە و بونیادنانەوەی ئەو ژێرخانانەی ڕووبەڕووی داڕمان بۆتەوە.

دیدگای کاک قوباد ڕێک وەک کاری ئەو باغەوانە خەمخۆرەیە کە ئەمڕۆ بە ئارامی و بەپلان تۆو دەچێنێت؛ دەزانێت گەشەکردن کاتی گەرەکە.

بەڵام کاتێک درەختەکە نەشونمادەکات و گەیشتە بەرهەم، هەموو کۆمەڵگە لە سێبەر و بەرهەمەکەی سوودمەند دەبێت.

ئەمڕۆکە هەرێمەکەمان زیاتر لە هەموو کاتێک پێویستی بەم جۆرە لە سەرکردایەتیکردن هەیە؛ سەرکردایەتییەک کە بە بێدەنگی کار بكات و هێزێکی هاوسەنگبێت، و داهاتووی بۆ نەوەکان فەراهەمبکات .

کاک قوباد بە کردەوە سەلماندوویەتی کە بونیادنەرێکی ڕاستەقینەیە و دەستە خێرەکەی ئەم سەردەمەی ئاوەدانییە. ئەو ئاوەدانییەش ئەمڕۆکە لە سلێمانی و راپەڕین و گەرمیان بە چاوێکی ئەرێنی دەبینرێت.

نێچیرڤان بارزانی، سەرۆکی هەرێمی کوردستان لە چوارچێوەی بەشدارییکردنی لە "لوتکەی سلێمانی" وتارێکی پێشکەشکرد و چەند پەیامێکی گرنگی لەبارەی کەرتی ئابوری، پەیوەندییەکانی هەولێر و بەغداد و جێبەجێکردنی دەستور راگەیاند.

لە وتارەکەیدا سەرۆکی هەرێمی کوردستان ئاماژەی بە رۆڵی کارای کەرتی تایبەت کرد و رایگەیاند: "کەرتی تایبەت هاوبەشێکی سەرەکیی ئاوەدانکردنەوەی هەرێمی کوردستان بووە"، جەختیشی لەوەکردەوە کە ئێستا کاتی ئەوە هاتوو خۆمان ئامادە بڕەخسێنین و بەرەو ئابورییەکی هەمەچەشن هەنگاو بنێین.

لە بەشێکی تری وتەکانیدا نێچیرڤان بارزانی باسی لە پەیوەندییەکانی نێوان هەرێم و بەغداد کرد و رایگەیاند، دەیانەوێت کۆمپانیاکانی هەرێمی کوردستان و عیراق زیاتر گەشە بکەن، ئاماژەی بەوەشکرد، بەهێزیی عیراق بۆ هەرێمی کوردستان گرنگە و پێویستە حکومەتی بەغداد ئاسانکاری بۆ کۆمپانیاکانی هەرێمی کوردستان بکات تا بتوانن لە پارێزگاکانی عیراقدا وەبەرهێنان بکەن.

سەبارەت بە رەوشی سیاسی و دەستووریی عیراق، نێچیرڤان بارزانی ئەوەشی خستەڕوو، "کێشەی عیراق لە ناوەڕۆکی دەستورەکەیدا نییە، بەڵکو لە جێبەجێکردنەکەیدایە، جێبەجێکردنی دەستووریش کلیلی بنەڕەتیی چارەسەری هەموو کێشەکانی عیراقە"،وتیشی: "ئەگەر دەستور وەک خۆی جێبەجێ بکرایە، ئێستا پێگەی عیراق لە ناوچەکە و جیهاندا بەهێزتر دەبوو".

لە کۆتایی وتارەکەیدا سەرۆکی هەرێمی کوردستان سوپاسی قوباد تاڵەبانی، جێگری سەرۆکی حکومەتی هەرێمی کوردستانی کرد بۆ رێکخستن و ئەنجامدانی ئەم لوتکەیە و رایگەیاند: "قوباد تاڵەبانی سەرمایەیەکی گرنگی نیشتمانەکەمانە".

نزار ئامێدی، سەرۆك كۆماری عیراق لە وتارێكیدا لە لوتكەی سلێمانی رایگەیاند، بەبێ هەبوونی ئابوورییەكی بەهێز، ئاستەمە بتوانرێت وڵاتێكی سەقامگیر بێنرێتە دی.

سەرۆك كۆمار ئاماژەی بەوەشكرد: لە ئێستادا كە ناوچەكە Rووبەڕووی كۆمەڵێك ئاڵنگاری زۆر بووەتەوە، دەبێت هەموو لایەك پێكەوە كار بكەن بۆ دوورخستنەوەی لێكەوتەكانی.

لە بەشێكی تری وتارەكەیدا، سەرۆك كۆمار جەختی كردەوە: روبەڕووبوونەوەی گەندەڵی لە سێكتەرەكانی دارایی، ئابووری و خزمەتگوزاری كرداری لەپێشینە و زەروورییە لە هەر وڵاتێكدا. 

وتیشی: سەرۆكایەتی كۆمار بەردەوام دەبێت لە هەوڵەكانی بۆ باشتركردن و بەهێزكردنی پەیوەندییەكانی نێوان هەرێمی كوردستان و حكومەتی فیدراڵی عیراق.

لە لوتكەی سلێمانی بۆ خانوبەرە و پیشەسازی، قوباد تاڵەبانی جێگری سەرۆكی حكومەتی هەرێم رایگەیاند، سلێمانی رووی لە گەشەیەكی بەرفراوانی ئابووری كردووە و رۆڵی گەنجانیشی لە بواری زیرەكیی دەستكرددا بە بەردی بناغەی بەپایتەختكردنی داهێنان لە شاری سلێمانی وەستف كرد.

قوباد تاڵەبانی جێگری سەرۆكی حكومەتی هەرێمی كوردستان، لە میانەی پێشكەشكردنی وتارێكدا لە لوتكەی سلێمانی كە بە دروشمی "ئاراستەكردنی سەرمایە بەرەو گەشەی بەردەوامی خانوبەرە و پیشەسازی" بەڕێوە چوو، جەختی لەسەر گەشەسەندنی هەمەلایەنەی ناوچەكە كردەوە.

ئاماژەی بەوە كرد: سلێمانی گەشەیەكی ئابووریی بەرفراوانی لە سێكتەرەكانی بازاڕی كار، رەخساندنی هەلی كار، و بوارەكانی هونەر و كلتووردا بەخۆیەوە بینیوە، و باسی لە رۆڵی گەنجان كرد و رایگەیاند: گەنجانی ئەمڕۆ بە سوودوەرگرتن لە تەكنەلۆژیا و زیرەكیی دەستكرد، توانیویانە سلێمانی بكەنە پایتەختی داهێنان.

بە پاڵپشتی میدیایی دەزگای میدیایی کوردسات ئەمڕۆ لوتکەی سلێمانی بە دروشمی "ئاراستەکردنی سەرمایە بەرەو گەشەی بەردەوامی خانوبەرە و پیشەسازی دەستیپێکرد.

لە میانی لوتکەکەدا نزار ئامێدی، سەرۆک کۆماری عیراق وتارێکی پێشکەشکرد و رایگەیاند، لوتکەی سلێمانی بۆ کارکردن لەسەر ئابورییەکی گەشەسەندوو گرنگە.

وتیشی، ئەنجامدانی ئەم لوتکەیە بۆ ستراتیژی داهاتووی وڵات گرنگە.

لەلای خۆشیەوە نێچیرڤان بارزانی، سەرۆکی هەرێمی کوردستان، هەر لە لوتکەکەدا وتارێکی پێشکەشکرد و رایگەیاند، کەرتی تایبەت هاوبەشێکی سەرەکییە لە پێشکەوتن و ئاوەدانکردنەوەی هەرێمی کوردستان.

ئەوەشی خستەڕوو، ئابوری هەرێمی کوردستان و عیراق بە تەواوکەری یەکتر دەبینین و کاتی ئەوەهاتووە بەرەو ئابورییەکی هەمەچەشن هەنگاو بنێین.

وەزارەتی کارەبای هەرێم راگەیەنراوێکی لەبارەی پێدانی سەعاتەکانی کارەبای نیشتمانی بڵاوکردەوە و رایدەگەیەنێت؛ رەوشی کارەبا ئاسایی بووەتەوە.

وەزارەتی کارەبای هەرێم ئاشکرایکرد، دوای هەوڵەکانی هەردوو وەزارەتی کارەبا و وەزارەتی سامانە سروشتییەکان و بەهەماهەنگی لەگەڵ کۆمپانیای داناغاز ، پرۆسەی گواستنەوەی غاز لە کێڵگەی کۆرمۆڕ بۆ وێستگەکانی بەرهەمهێنانی کارەبا بەرەو ئاساییبوونەوە چووە.

ئاماژەی بەوەشکرد، لەچەند سەعاتی رابردوودا 1400 مێگاوات کارەبا بۆ ناو تۆڕی کارەبای نیشتمانی گەڕایەوە و رەوشی کارەبا بەرەو ئاسایی بووەتەوە.

بە پاڵپشتی میدیایی دەزگای میدیایی کوردسات ئەمڕۆ لوتکەی سلێمانی بەڕێوەدەچێت و بۆ ماوەی دوو رۆژ بەردەوام دەبێت.

ئەمڕۆ پێنجشەممە، 17ـی ئەیلولی 2026، بە دروشمی "ئاراستەکردنی سەرمایە بەرەو گەشەی بەردەوامی خانوبەرە و پیشەسازی"، کارەکانی "لوتکەی سلێمانی 2026" (Slemani Summit 2026) لە هۆتێل گراند میلینیۆم لە شاری سلێمانی دەستیپێدەکات، کە بۆ ماوەی دوو رۆژ (17 و 18ـی ئەیلول) بەردەوام دەبێت.

بەرنامەی رۆژی یەکەم: پێنجشەممە:

9:30 بۆ 10:00 تۆمارکردنی ناوی بەشداربووان.

10:00 بۆ 10:30 بەسەرکردنەوە و گەشتێک بەنێو پێشانگای کۆمپانیا، بانک و کارگەکاندا.

10:30 بۆ 11:35  رێوڕەسمی دەستپێک و وتاری لێپرسراوان:

وتەی بەخێرهاتن، سرودی نیشتمانی و دەقیقەیەک وەستان بۆ گیانی شەهیدان.

وتەی سەرۆکی لوتکەی سلێمانی.

وتەی نزار ئامێدی، سەرۆک کۆماری عیراق. 

وتەی نێچیرڤان بارزانی، سەرۆکی هەرێمی کوردستان.

وتەی قوباد تاڵەبانی، جێگری سەرۆکی حکومەتی هەرێمی کوردستان. 

11:35 بۆ 12:30 پانێڵی یەکەم "تێڕوانینی ستراتیجی بۆ کەرتەکانی خانووبەرە، بانکەکان، پیشەسازی".

بەشداربووان:  دانا عەبدولکەریم (وەزیری ئاوەدانکردنەوە و نیشتەجێکردن)، د. دارا رەشید (وەزیری پلاندانی هەرێمی کوردستان)، عەلی عوسمان (بریکاری وەزارەتی بازرگانی و پیشەسازی).

12:30 بۆ 1:00 گفتوگۆی بەشداربووان.

2:00 بۆ 2:50 پانێڵی دووەم: "بازاڕی خانووبەرە لە هەرێم، لە نێوان گەشەی خێرا و مەترسییە داراییەکان.

بەشداربووان: ئامانج جەلال (بەڕێوەبەری گشتیی وەبەرهێنانی سلێمانی)، مستەفا حاجی خەیروڵڵا (خاوەنی کۆمپانیای حاجی سەلام)، رابەر تەڵعەت (بەڕێوەبەری ناوەندی توێژینەوەی سبەی)، د. پێشەوا عومەر (خاوەنی کۆمپانیای گەردین).

3:30 بۆ 4:20 پانێڵی سێیەم: "لە ئابوری کاشەوە بۆ گشتگیری دارایی، پارەدانی ئەلیکترۆنی"

بەشداربووان: رامی خەفاش (بانکی ئەهلی عیراقی)، عەمار میرزا (سەرۆکی جێبەجێکاری گروپی کۆمپانیاکانی عەمار)، د. هاوڕێ کەمال (راوێژکاری یاسایی وەزارەتی دارایی و نوێنەری بانکی نیشتمان)، ساڤۆ بەختیار (بەڕێوەبەری ستراتیجی لە ئاسیا پەی).

4:45 بۆ 5:35 پانێڵی چوارەم: "زەوی و رەهنی خانووبەرە و قەرز: پاڵپشتی دارایی بانکەکان بۆ پڕۆژەکان"  بەشداربووان: د. سعد عبدالقهار الشیخ (سەنتەری نێودەوڵەتی دارایی و بازرگانی)، سەلاح هەدمی (بانکی بەغداد)، مەی اسماعیل (نوێنەری بانکی EBRD)، هەندرێن عەلی بارام (کۆمپانیای هیوا ڕەئوف).

لە رۆژی دووەمیشدا چەندین پانێڵ و گفتوگۆی دیکە بەڕێوەدەچێت.

بافڵ جەلال تاڵەبانی پرسەنامەیەک ئاڕاستەی بنەماڵەی سیاسەتمەدار و تێکۆشەر د. کەمال شاکر دەکات و رایدەگەیەنێت، بە رێزەوە رۆڵ و مێژووی لە بزووتنەوەی رزگاریخوازیی کوردایەتی بەرز رادەگرین.

دەقی پەیامەکەی بافڵ جەلال تاڵەبانی، سەرۆکی یەکێتیی نیشتمانیی کوردستان

بەڕێزان بنەماڵەی سەربەرزی سیاسەتمەدار و تێکۆشەر د. کەمال شاکر

بە داخ و خەمێکی قووڵەوە، هەواڵی کۆچی دوایی تێکۆشەری دێرین و سکرتێری پێشووتری حیزبی شیوعی کوردستان د. کەمال شاکرمان پێگەیشت.

بۆ ئەم خەمە، پرسە و سەرەخۆشی خۆمان ئاڕاستەی ئێوە و هاوخەبات و هاوڕێیانی دەکەین و بە رێزەوە رۆڵ و مێژووی لە بزووتنەوەی رزگاریخوازیی کوردایەتی بەرز رادەگرین.

رۆحی د. کەمال بۆ هەمیشە شاد بێت، هیوای سەبووری و ئارامی بۆ هەموو لایەک دەخوازین.

قوباد تاڵەبانی، جێگری سەرۆک وەزیرانی هەرێم پێشوازیکرد لە نیکۆلۆ فۆنتانا، باڵیۆزی ئیتاڵیا لە عیراق و پێکەوە تاوتوێی چەند پرسێکی جێی بایەخی هەردوولایان کرد.

لە کۆبوونەوەکەدا کە ئەمڕۆ بە ئامادەبوونی تۆماسۆ سانسۆنی، کونسوڵی گشتیی ئیتاڵیا بەڕێوەچوو، باس لە هەوڵەکانی پێکهێنانی کابینەی نوێی حکومەتی هەرێم کرا، لەمبارەیەوە جەختکرایەوە لەسەر پێکهێنانی حکومەتێکی خزمەتگوزار لەسەر بنەمای هاوبەشیی راستەقینە کە لە ئاستی ئیدارەدانی قۆناغەکەدا بێت.

سەبارەت بە رەوشی سیاسیی عیراق و پەیوەندییەکانی نێوان هەرێم و بەغداش، باس لە پێویستیی پێکەوەکارکردن و هەماهەنگیی نێوان هەردوو حکومەتی هەرێم و فیدراڵ کرا بۆ پاراستنی ئاسایش و سەقامگیریی عیراق و چارەسەرکردنی کێشەکانی نێوانیان و هەوڵدان بۆ گەشەپێدانی ئابوری و پێشکەشکردنی خزمەتگوزاریی باشتر بە هاووڵاتییان.

ئەنجومەنی وەزیرانی هەرێم داوا لە حکومەتی فیدراڵ دەکات کە پابەندبێت بە رێژەی %14.14ـی دانیشتوانی هەرێمی کوردستان کە ئەنجامی رەسمی و راست و پەسەندکراوی سەرژمێری 2024ـە.

ئەمڕۆ ئەنجومەنی وەزیرانی هەرێمی کوردستان کۆبوونەوەی ئاسای خۆی ئەنجامدا و چەند تاوەرێکی تاوتوێکرد، فەرمانگەی میدیا و زانیاری لە راگەیەنراوێکدا بڵاویکردەوە، دیاریکردنی رێژەی راستەقینەی دانیشتوان جگە لە دیاریکردنی پشکی بودجە، کاریگەریی لەسەر ئاستی نوێنەرایەتیی دیپلۆماسی و سیاسیی هەرێم لە بەغداد هەیە؛ هاوکات وەزارەتەکانی پلاندانان، داد و دیوانی ئەنجومەنی وەزیرانی راسپارد ڕێکاری یاسایی بگرنەبەر بۆ راستکردنەوەی ئەم ڕێژەیە.

هەر لە کۆبوونەوەکەدا پڕۆژەیاسای بودجەی 2027تاوتوێ کرا و جەخت کرایەوە لەسەر ئەوەی پێویستە رەشنووسی بودجەی 2027 لەسەر بنەمای دەستور بێت و ناکۆکییە سیاسی و نەوتییەکان نەبنە هۆی پەکخستن یان دواخستنی موچەی موچەخۆرانی هەرێم، هەروەها داوا لە فراکسیۆنە کوردستانییەکان کرا یەکگرتوو بڕیار بدەن.

هەر لەکۆبوونەوەکەدا، بەپێی راپۆرتی وەزارەتەکانی پەروەردە و خوێندنی باڵا، بڕیاردرا ساڵی نوێی خوێندنی 2026-2027 لە کاتی دیاریکراوی خۆیدا دەستپێبکات، هاوکات ئامادەکارییەکان بۆ بەشداری لە هەڵسەنگاندنی نێودەوڵەتیی PISA بۆ بەرزکردنەوەی ئاستی خوێندن تاوتوێ کران.