سەرۆكی ئەمریكا دەڵێت لەبەردەم دوو بژاردەدان لەبەرانبەر ئێران یان گەیشتن بە رێككەوتن یان ئەنجامدانی هێرشێكی زۆر گەورە.

دۆناڵد ترەمپ سەرۆكی ئەمریكا رایگەیاند، لەبەردەم دوو بژاردەی سەرەكیدایە بەرانبەر ئێران ئەوانیش یان بەردەوامبوونە لە هێرشە ئاسمانییەكان و تێكشكاندنی تەواوەتیی تواناكانی ئەو وڵاتە، یانیش گەیشتن بە رێككەوتنێكی راستەوخۆ كە ئێستا دانوستانی لەسەر دەكەن.

ترەمپ وتیشی، ئێران هێشتا ئامادە نییە بۆ ئیمزاكردنی رێككەوتنی كۆتایی، بەڵام ئاڵوگۆڕی پەیام و گفتوگۆ لە رێگەی نێوەندگیرەكانەوە بەردەوامن و دەرفەتی دانوستان هێشتا كراوەیە.

سەرۆكی ئەمریكا جەختیشی كردەوە تاوەكو ئەم ساتە بڕیاری كۆتایی نەدراوە بۆ ئەنجامدانی هێرشی سەربازیی زۆر گەورە و بەرفراوان بۆ سەر ئێران.

سەرۆكی ئەمریكا رایگەیاند كە چین و روسیا بەڵێنیان چەك و تەقەمەنی بە ئێران نەفرۆشن و هۆشداریشیدا لە ئەگەری هاوكاریكردنی سەربازیی ئێران.

دۆناڵد ترەمپ سەرۆكی ئەمریكا لە تۆڕی كۆمەڵایەتی تروس سۆشیاڵ بڵاویكردەوە، لە دوایین دیداریدا لە چین لەگەڵ شی جین پینگ  سەرۆكی چین بەڵێنی ئەوەی وەرگرتووە كە لە ژێر هیچ مەرجێكدا چین چەك نەفرۆشێت بە ئێران و كۆمپانیا چینییەكانیش بە هەمان شێوە خۆیان بە دوور بگرن لە فرۆشتنی چەك بە ئێران.

ترەمپ ئاماژەی بەوەش كرد كە ڤلادیمێر پوتن سەرۆكی ڕووسیاش هەمان بەڵێنی پێداوە كە چەك بە ئێران نەفرۆشێت.

سەرۆكی ئەمریكا لەوە جەختیكردەوە كە هەردوو وڵاتی روسیا و چین بەشداری لە پڕچەككردنی ئێراندا ناكەن، هۆشداریشیدا كە ئەگەر بە پێچەوانەوە رەفتار بكەن، ئەوا باجێكی قورس دەدەن و ئەوەش بە هیچ شێوەیەك لە بەرژەوەندییاندا نییە.

 وتیشی، ئەمریكا راستەوخۆ چەك بە ئۆكراین نافرۆشێت بەڵكو بە وڵاتانی ئەندامی ناتۆی دەفرۆشێت و ئەوانیش دەیدەنە ئۆكراین.

ترەمپ: ئەمریكا راستەوخۆ چەك بە ئۆكراین نافرۆشێت

دەم پارتی دیالۆگی نیشتمانی لەگەڵ پارتە سیاسییەكان دەستپێدەكات و جەخت لە جێبەجێكردنی یاسای چوارچێوەش دەكاتەوە.

ئایشەگوڵ دۆغان، وتەبێژی پارتیی یەكسانی و دیموكراتیی گەلان 'دەم پارتی' رایگەیاند، لە ناوەڕاستی ئەم هەفتەیەوە هاوسەرۆكانی گشتیی دەم پارتی، دەست بە دانوستان لەگەڵ سەركردەی پارتە سیاسییەكانی توركیا دەكەن بۆ تاوتوێكردنی ئاستی بەرەوپێشچوونی پڕۆسەی ئاشتی و شێوازی جێبەجێكردنی یاسای چوارچێوە و دروستكردنی كۆدەنگیی نیشتمانی بۆ مسۆگەركردنی ئاشتیی كۆمەڵایەتی.

سەبارەت بە ئەنجامی دیداری وەفدە پارتەكەیان لەگەڵ عەبدوڵا ئۆجەلان، وتەبێژی دەم پارتی دەنگۆی رادەستكردنی رەشنووسی یاسای چوارچێوەی بە ئۆجەلان رەتكردەوە و روونیكردەوە، بەپێی زانیارییە بڕواپێكراوەكان و سەرۆكی پەرلەمانی توركیا، تا ئێستا هیچ   رەشنوسی یاسای چوارچێوە ئامادەنەكراوە.

تۆم باراک، باڵیۆزی ئەمریکا لە تورکیا، لە هەژماری فەرمی خۆی لە تۆڕی کۆمەڵایەتی 'ئێکس' راگەیەندراوێکی نووسینگەی راگەیاندنی سەرۆک وەزیرانی عیراقی دووبارە بڵاوکردەوە و ستایشی هەڵوێستی بەغدادی کرد.

باڵیۆزەکەی ئەمریکا لەسەر بەیاننامەکەی عیراق پەیامی هەیە و دەڵێت: عیراق راستییەکان دەخاتەڕوو.

ئەمەش دوای ئەوە دێت کە نووسینگەی راگەیاندنی سەرۆک وەزیرانی عیراق بەیاننامەیەکی بڵاوکردەوە و تێیدا سەرجەم ئەو زانیاری و بانگەشانەی رەتکردەوە کە لە راپۆرتێکی رۆژنامەی نیویۆرک تایمز لە رێکەوتی 23ی تەمموزی 2026دا هاتوون.

بەپێی زانیارییەکان، راپۆرتەکەی نیویۆرک تایمز باسی لە گواستنەوەی پێشنیارێکی ئەمریکی بۆ ئاگربەست لە رێگەی عیراقەوە بۆ تاران کردبوو، بەڵام حکومەتی عیراق جەختی لەوە کردەوە کە ئەو بانگەشانە بە تەواوی "بێ بنەمان".

عەباس عیراقچی، وەزیری دەرەوەی ئێران لە وەڵامی وەزیری دەرەوەی ئەمریکادا رایگەیاند، ئەگەر واشنتۆن رێککەوتنی دەوێت دەبێت باجێکی قورستر بدات.

عەباس عیراقچی، وەزیری دەرەوەی ئێران لە پەیامێکدا، وەڵامی لێدوانەکانی مارکۆ ڕوبیۆ، وەزیری دەرەوەی ئەمریکای داوەتەوە،  کە وتبووی سیاسەتی سەرۆکی ئەمریکا سەر لە بەرانبەر چاو دایە و  رەخنەی توندی لە بەرپرسانی واشنتۆن گرتوە،  کە ئەو کەسانەی وابەستەی ئیسرائیلن لە حکومەتی ئەمریکادا چاویان لە ئاست راستییەکان داخستووە.

عیراقچی ئاماژەی بەوە کرد، ئەو لێپرسراوانە سەریان لە خاکدا شاردووەتەوە و وادیارە تەنیا دڵگرانی و خەمی سەرەکییان هەڵبژاردنەکانی ساڵی 2028ی ئەمریکایە.

ناوبراو جەختیکردەوە، کە بانگەشەکردن بۆ هەر جۆرە دەستدرێژییەکی نەفامانە تەنیا ئاڵۆزییەکان زیاتر دەکات.

وەزیری دەرەوەی ئێران لە کۆتایی پەیامەکەیدا هۆشدارییداوە و دەڵێت؛ ئەو دەستدرێژییانەی ئەو کەسانە بانگەشەی بۆ دەکەن و هانی دەدەن، تەنیا یەک ئەنجامی دەبێت؛ ئەگەر سەرۆکی ئەمریکا بەدوای رێککەوتندا دەگەڕێت، دەبێت باجێکی زۆر قورستر بدات.

میدیاکانی رۆژئاوای کوردستان بڵاویانکردوەتەوە، خەڵكی عەفرین لەپاش هەشت ساڵ ئاوارەبوون گەڕانەوە شوێنی خۆیان، بەڵام گوندەكانی عەفرین لە لایەن عەرەبەكان و گروپەچەكدارەكانی سوریاوە رۆخێنراون و ماڵ و موڵكی كوردەكان هەموو بە تاڵان براون.

خەڵكی عەفرین كە لە ساڵی 2018 ئاوارەكراوبوون و شوێنی خۆیان بەجێهێشتبوو دوایین كاروانی ئاوارەكان لە 16 ئەم مانگە هەرێمەكانی جەزیرە و كۆبانێەوە گەڕانەوە شوێنی خۆیان.

بەشێك لە خەڵكی عەفرین كە ماوەی هەشت ساڵ بوو ئاوارە ببون وێڕای ئەوەی گەڕاونەتەوە شوێنی خۆیان، بەڵام ناتوانن بگەڕێننەوە سەر موڵك و ماڵی خۆیان چونكە گوندەكانیان روخێنراون و ماڵەكانیان بەتاڵان براون.

بە گوێرەی وتەی دانشتوانی گوندی دوراقلیا-ی ناوچەی شەران لە عەفرین لە كاتی ئاوارەبوونیاندا هەشت ماڵی عەرەب لەو گوندەیاندا هەبوون و لە پاش ئاوارە بوونی كوردەكان، عەرەبەكان هەموو ماڵ و موڵكی كوردەكانیان بە تاڵان بردووە و ئاسنی ناو دیوار و سەربانی ماڵەكانیان درهێناوە و ماڵەكایان رۆخاندووە و موڵكی كوردەكانیان لە نێوان خۆیاندا بەشكردووە.

بە پاڵپشتی میدیایی دەزگای میدیایی كوردسات ڤێستیڤاڵی مەولانا، كە گەورەترین ڤێستیڤاڵە لەسەر ئاستی عیراق و هەرێمی كوردستان لە سلێمانی دەستیپێكرد.

ئێوارەی ئەمرۆ سێیەمین ڤێستیڤاڵی مەولانا لە پاركی مەولانا لە سلێمانی بەپاڵپشتی میدیایی دەزگای میدیای كوردسات دەستیپێكرد.

ڤێستیڤاڵەكە بۆ ماوەی هەشت رۆژ بەردەوام دەبێت و رۆژانەش لە سەعات شەشی ئێوارە دەستپێدەكات و هەتا سەعات12 شەو بەردەوام دەبێت.

پێشبێنی دەكرێت لە سەرتاسەری كوردستان و عیراقەوە گەشتیار و هاووڵاتیان بەشداری لەم فێستیڤاڵەدا بكەن و ئامادەكاریەكی  تەواویش بەڕێوەچوونی فێستیڤاڵەكە كراوە.

پارێزگاری هەڵەبجە لە راگەیەندراوێكدا رایگەیاندوە، تێچوی ئەو خانوەی لە گوندی عەنەب بەهۆی موشەکێکەوە زیانی مادی پێگەیشتبوو دەگرێتە ئەستۆ.

لە راگەیەندراوەکەی پاریزگاری هەڵەبجەدا هاتووە، دوای کەوتنەخوارەوەی موشەکێک لە گوندی (عەنەب)ی سەر بە پارێزگای هەڵەبجە، زیانی مادی بەر ماڵی هاووڵاتیەکی سنوورەکە کەوت خۆشبەختانە روداوەکە هیچ زیانێکی گیانی لێنەکەوتەوە دەستبەجێ دوای روداوەکە، پارێزگاری هەڵەبجە تیمە پەیوەندیدارەکانی دیوانی پارێزگای راسپارد بۆ سەردانیکردنی شوێنی روداوەکە.

ئاماژەی بەوەشکردوە، ئامانجی تیمەکان خەمڵاندنی وردی زیانە مادییەکان بوو تا بە زووترین کات هاوکاری بەپەلە پێشکەش بە خێزانەکە بكرێت.

لەلایەن خۆشییەوە، نوخشە ناسیحی پارێزگاری هەڵەبجە بڕیاریدا بە گرتنەئەستۆی تەواوی تێچووی زیانە مادییەکانی ئەو خێزانە زیانلێکەوتووە.

پارێزگاری هەڵەبجە دەشڵێت؛ ئەم هەنگاوە وەک ئەرک و پشتیوانییەکی راستەوخۆ دیاری کراوە بۆ هاوکاریکردنی هاووڵاتیانی سنوورەکە لە کاتە نەخوازراوەکاندا.

ئەنجومەنی نوێنەرانی ئەمریکا پڕۆژەبڕیارێکی پەسەند کرد کە تێیدا داوا لە دۆناڵد ترەمپ سەرۆکی ئەمریکا دەکات کۆتایی بە بەشداریی هێزەکانی وڵاتەکەی لە شەڕی ئێران بهێنێت. ئەمەش وەک دووەم هەنگاوی لەو شێوەیە دادەنرێت کە ئاماژەیە بۆ توندبوونی ناڕەزایەتییەکانی ناو کۆنگرێس بەرانبەر بەو شەڕەی نزیکەی پێنج مانگە بەردەوامە.

دەنگدانەکە بە پێشبڕکێیەکی بەهێز بەڕێوەچوو و بە جیاوازییەکی کەم (214 دەنگی بەڵێ لە بەرانبەر 208 دەنگی نەخێر) تێپەڕی، دوای ئەوەی چوار ئەندامی کۆمارییەکان ریزی پارتەکەیان جێهێشت و دەنگیان لەگەڵ دیموکراتەکاندا دا.

بڕیارەکە پشتبەستنە بە "یاسای دەسەڵاتەکانی شەڕ" و جەخت دەکاتەوە کە بەشداریی سەربازی لەگەڵ ئێران بە بێ رەزامەندی و تفویزی راستەوخۆی کۆنگرێس ئەنجامدراوە.

هەرچەندە ئەم هەنگاوە زیاتر ئاراستەیەکی سیاسی و رەمزی هەیە، بەڵام ئاماژەیەکی روونە بۆ رەتکردنەوەی شێوازی بەڕێوەبردنی جەنگەکە لەلایەن کۆشکی سپییەوە.

ئەم جووڵەیەی یاسادانەران دوای ئەوە هات کە لە کۆتایی هەفتەی رابردوودا چوار سەربازی ئەمریکی لە رۆژهەڵاتی ناوەڕاست کوژران، کە ئەوەش نیگەرانییەکانی لەبارەی نەبوونی ستراتیژییەکی روون بۆ کۆتاییهێنان بە ململانێکان بەرزکردەوە.

بڕیارە لە هەنگاوی داهاتوودا، ئەنجومەنی پیرانی ئەمریکاش تاوتوێی پڕۆژەبڕیارێکی هاوشێوە سەبارەت بە سنووردارکردنی دەسەڵاتەکانی جەنگ بکات.

دۆناڵد ترەمپ، سەرۆکی ویلایەتە یەکگرتووەکانی ئەمریکا، ئەمڕۆ پێنجشەممە، ئاشکرای کرد کە تاوتوێی ئەنجامدانی هێرشێکی بەرفراوان دەکات بۆ سەر ئێران، جەختیشی کردەوە لەسەر ئامادەیی بۆ دانانی ئەو بڕیارە.

ترەمپ لە لێدوانێکدا بۆ ماڵپەڕی دەنگوباسی ئەکسیۆس رایگەیاند: بە جددی تاوتوێی دەستپێکردنەوەی ئۆپراسیۆنە جەنگییە بەرفراوانەکان دەکەم دژی ئێران، بە شێوازێک کە گەورەتر بێت لەوەی پێشتر هەبووە.

ناوبراو وتیشی: لە ئان و سات و لە ئاستی بڕیاردانی کۆتاییدام سەبارەت بەو هێرشە، هەروەها ئامادەکارییەکانمان بۆ ئەنجامدانی بە تەواوی ئامادەن.

ئاژانسی رویتەرز بڵاویکردەوە، ئێران لەم مانگەدا گروپێک لە فەرماندەکانی سوپای پاسداران، راوێژکارانی سەربازی و کەلوپەلی پەیوەندیدار بە موشەک و درۆنی رەوانەی یەمەن کردووە و ئەم هەنگاوەش ئاماژەیە  بۆ هەوڵەکانی تاران، تا توانای حوسییەکان بەهێزتر بکات و ببنە هەڕەشە بۆسەر کەشتییەکان لە  دەریای سور.

بەپێی زانیارییەکانی رویتەرز، کە لە دوو سەرچاوەی ئێرانی، وەزیری راگەیاندنی حکومەتی یەمەن و شیکەرەوەیەکی ئەمنیی ناوچەکەوە دەستیکەوتووە، ئێران لە 13ـی7ـی ئەمساڵدا لە رێگەی گەشتێکی ئاسمانیی و لە فرؤکەخانەی تارانەوە ئەو هێز و ئامێرە سەربازییانەی گواستووەتەوە بۆ یەمەن.

 دوو سەرچاوە ئێرانییەکە ئاشکرایان کردووە، کە لەنێوان 10 بۆ 21 ئەندامی سوپای پاسداران، لەنێویاندا فەرماندەی باڵا، لەناو فڕۆکەیەکی هێڵی ئاسمانیی "ماهان"دا بوون؛ فڕۆکەکە سەرەتا بەرەو سەنعای پایتەخت رۆیشتووە، بەڵام دوای بۆردومانکردنی فڕۆکەخانەی سەنعا لەلایەن سعودییەوە ئاڕاستەکەی بۆ بەندەری حودەیدە گۆڕیوە.

سەرچاوەیەک ئاماژەی بەوە کردووە، کە ئامانجی سەردانی ئەو فەرماندانە مەشقپێکردن بووە لەسەر سیستەمی نوێی موشەکی و لەگەڵ ئەوەشدا ئێران زێڕی گواستوەتەوە بەو فڕۆکەیە بۆ دابینکردنی دارایی چالاکییەکانی حوسییەکان.

بنیامین نەتانیاهۆ، سەرۆک وەزیرانی ئیسرائیل پێشوازی لە لێدوانەکانی دۆناڵد ترەمپ کرد سەبارەت بە مەرجدارکردنی رێککەوتنی ئەتۆمیی مەدەنی لەگەڵ سعودیە و پەیوەستبوونی ئەو وڵاتە بە رێککەوتنی ئیبراهیمی و داننان بە دەوڵەتی ئیسرائیلدا.

نوسینگەی سەرۆک وەزیرانی ئیسرائیل لە راگەیەندراوێکدا رایگەیاند، کردەی سەربازیی هاوبەشی ئەمریکا و ئیسرائیل دژ بە تاران و هەڵوەشاندنەوەی میحوەرەکانی تیرۆر، دەرفەتێکی نوێی بۆ فراوانکردنی بازنەی ئاشتی ڕەخساندووە.

بەجەختکردنەوە لەسەر ستراتیژی "ئاشتی لە رێگەی هێزەوە" ئاماژەی بەوەکردوە، کە چوونە ناوەوەی ریاز بۆ ناو رێککەوتنی ئیبراهیم دەبێتە هەنگاوێکی گەورە بەرەو سەقامگیریی ناوچەکە و بازدانێکی مێژویی دەبێت بۆ ئاشتی لە رۆژهەڵاتی ناوەڕاست.

 ئەم هەڵوێستەی ئیسرائیل دوای ئەوە هات کە دۆناڵد ترەمپ رایگەیاند رێککەوتنی بەرنامەی ئەتۆمیی مەدەنی لەگەڵ سعوودیە بە تەواوی بەستراوەتەوە بە ئاساییکردنەوەی پەیوەندییەکانی لەگەڵ ئیسرائیل، ئەمەش لە کاتێکدایە کە سعودیە پێشتر جەختی لەوە کردووەتەوە تا کاتێک رێگەیەکی رون بۆ دامەزراندنی دەوڵەتێکی سەربەخۆی فەلەستینی نەدۆزرێتەوە، دان  بە ئیسرائیلدا نانێت.

ئەمڕۆ پێنجشەممە، سوپای پاسدارانی ئێران ئاگاداریی دایە حکومەتی بەریتانیا لە بەرانبەر رێگەدان بە فڕۆکە بۆمبڕێژەکانی ئەمریکا تاوەکو لە بنکەکانی ئەو وڵاتەوە بۆ ئەنجامدانی هێرش لەسەر ئێران بفڕن.

سوپای پاسداران لە راگەیەندراوێکدا رایگەیاندووە: هەر بنکەیەک بۆ ئەنجامدانی هێرش لەسەر خاکی ئێران بەکاربهێنرێت، بە ئامانجێکی رەوا بۆ هێزەکانمان هەژمار دەکرێت، ئەمەش ئاماژەیە بۆ ئەو بنکە سەربازییانەی کە رەنگە ویلایەتە یەکگرتووەکانی ئەمریکا لە ئۆپراسیۆنەکانیدا دژی تاران سوودیان لێ وەرگرێت.

لە لایەکی ترەوە، وەزارەتی دەرەوەی ئێران سەرکۆنەی بڕیاری حکومەتی بەریتانیای کرد بە خستنەگەڕی بنکە و توانایە سەربازییەکانی لە ژێر دەستی ئەمریکا بۆ ئەنجامدانی هێرش لەسەر ئێران، هەروەها ئاماژەی بەوە دا کە ئەم هەنگاوە لەندەن دەخاتە ژێر بەرپرسیارێتیی ئەو پێشهاتانەی کە لە ئەنجامی ئەم کارەوە دەکەونەوە.

سوپای پاسدارانی ئێران لە راگەیەندراوێکدا بەرەسمی ئەنجامدانی هێرشێکی بۆ سەر بنکەی سەربازیی "العدیری" و شوێنی حەوانەوەی هێزەکانی ئەمریکا لە وڵاتی کوێت راگەیاند. 

سوپای پاسداران ئاماژەی بەوەکردووە، دوژمن دەبێت باجی پەیمانشکێنییەکانی ببات و ئەمجارە رێگە نادەن ئەمریکا لەڕێگەی ئاگربەستی هەڵخەڵەتێنەرەوە دەرفەتی کۆکردنەوە و پڕکردنەوەی کۆگاکانی نەوت و تەقەمەنییەکانی دەستبکەوێتەوە بۆ دەستپێکردنەوەی هێرشەکانی.

لە راگەیەندراوەکەدا،  جەختکراوەتەوە ئەمریکا دوای شکستی لە مەیدانی جەنگدا، دووبارە دەیەوێت بە فێڵ و تەڵەکە دەرفەتێک بۆ هەناسەدان و نوێکردنەوەی تواناکانی دروستبکات، بەجۆرێک لە لێدوانەکانی ئەم دواییەیدا بە بەردەوامی باسی گەڕانەوە بۆ سەر مێزی گفتوگۆ دەکات.

سوپای پاسداران ئاشکرای کردووە، سوپای ئەمریکا لە هێرشەکانی دوێنێیدا فڕۆکەی بۆمبڕێژی بەکارهێناوە، کە لە بنکەی "فێرفۆرد" لە بەریتانیاوە هەستاوە و هۆشداریی توندی داوە، کە هەر بنکەیەک بۆ ئەنجامدانی هێرش بۆ سەر خاکی ئێران بەکاربهێنرێت، بە ئامانجێکی رەوای هێزەکانیان دەزانن.

ئاژانسی فارس رایگەیاند، فەرەنسا بەهۆی نیگەرانییەکان لە ئاڵۆزییە ئەمنییەکانی ناوچەکە، تەواوی دیپلۆماتکارەکانی خۆی لە تاران کشاندۆتەوە و باڵیۆزخانەکەی چۆڵکردووە.

ئەمڕۆ پێنجشەممە، ئاژانسی فارس رایگەیاند فەرەنسا باڵیۆزخانەکەی داخست و تەواوی دیپلۆماتکارەکانیشی ئەو وڵاتەیان جێهێشتووە.

داخستنی باڵوێزخانەی فەرەنسا لە دوای ئەوە دێت رۆژی چوارشەممە، بەریتانیاش بە هەمان هۆکار و بەهۆی تێکچوونی باری ئەمنی، بەشێوەیەکی کاتی باڵیۆزخانەکەی لە ئێران داخست بوو.

ئەمە لە کاتێکدایە،  پێشتر وەزارەتی دەرەوەی فەرەنسا، بەهۆی دەستبەسەرکردن و ترساندنی جەستەیی کارمەندانی باڵیۆزخانەکەی لە تاران لەلایەن هێزە ئەمنییەکانی ئێرانەوە،  لێپرسراوانی ئێرانی لە پاریس بانگێشت کردبوو و بۆ ئەوەی رونکردنەوە بدەن.

عەلی زەیدی، سەرۆک وەزیرانی عیراق و مەسعود پزیشکیان سەرۆک کۆماری ئێران، ئەمڕۆ پێنجشەممە، سەرپەرشتیی ئیمزاکردنی چەندین رێککەوتن و یاداشتی لێکتێگەیشتنیان لە نێوان عیراق و ئێراندا کرد، لە چوارچێوەی سەردانە رەسمییەکەی سەرۆک وەزیران بۆ تاران.

رێککەوتن و یاداشتە لێکتێگەیشتنە ئیمزاکراوەکان پەیوەستبوون بە دۆسیەکانی پەیوەندییەکانی دەرەوە، دارایی، ئابووری و وزە.

سەرلەبەیانی ئەمڕۆ پێنجشەممە، سەرۆک وەزیران عەلی فالح ئەلزەیدی سەردانێکی رەسمیی بۆ تاران دەستپێکرد، کە تێیدا گەڕێک لە دانوستاندنی رەسمی ئەنجامدرا و تاوتوێی چەندین دۆسیەی جێی بایەخی هاوبەش کرا.