سەرۆكی یەكێتی زانایانی ئایینی عیراق دەڵێت: داوا دەکەم پشتیوانیی لە گەلی كورد لە رۆژئاوا بکرێت.

خالید مولا سەرۆكی یەكێتی زانایانی ئایینی عیراق لە میانی بەشداریکردنی لە بەرنامەی پرسی رۆژی کوردسات نیوز رایگەیاند، داوا لە عەلی سیستانی مەرجەعی باڵای شیعەكان دەكام پاڵپشتیی گەلی كورد بكات.

وتیشی، داوا لە وەقفی سوننی دەکەم لەدژی هێرشی چەكدارانی سوریا بۆسەر كورد لە رۆژئاوا هەڵوێستیان هەبێت.

خالید مولا راشیگەیاند، پێویستە وتاربێژانی عیراق لە رۆژی هەینی لە وتارەكانیاندا پشتیوانیی بۆ گەلی كورد دەرببڕن.

سەرۆكی یەكێتی زانایانی ئایینی عیراق ئەوەشی خستەڕوو، کوردەکان زانای گەورەی وەک مامۆستا عەبدولکەریم مودەریسیان تێدایە و لەبەر ئەوە کەس ناتوانێت نکۆڵی لە موسڵمان بوونی کوردەکان بکات.

هاوكارییەكانی رێكخراوی منداڵپارێزی كوردستان گەیشتنە رۆژئاوای كوردستان و بەسەر ئاوەرەکاندا لە قامیشلۆ دابەشکران.

دارا بەرەکات پەیامنێری کوردسات نیوز لە رۆژئاوای کوردستان رایگەیاند، هاوکارییەکانی رێکخراوی منداڵپارێزی کوردستان بەسەر

پەیامنێری كوردسات نیوز: هاوكارییەكانی رێكخراوی منداڵپارێزی كوردستان بەسەر ئاوارەكاندا لە قامیشلۆ دابەشكران، کە پێکهاتبوون لە خۆراك و پێداویستی و شیری منداڵان.

هاوکات، ئەندامێکی خاچی سووری کورد بە کوردسات نیوزی راگەیاند، پشتگیری لەو هاوکارییانەی رێکخراوی منداڵپارێزی کوردستان دەکەین بە هاوکاری دەزگای میدیای کوردسات، هەروەها سوپاسی هاووڵاتیانی هەرێمی کوردستان و بەتایبەت شاری سلێمانی دەکەین.

حەمەی حەمەسەعید، وەزیری ڕۆشنبیری و لاوانی حکومەتی هەرێمی کوردستان، سوپاسی هەمووان دەکات لە پای بەتەنگەوە بوونی دۆزی کورد لە ڕۆژئاوای کوردستان و گەیاندنی دەنگی گەلی کورد بە جیهان و ڕێگریکردن لە جینۆسایدێکی دیکە دژ بە گەلی کورد.

دەقی پەیامەکە

پەیامی سوپاس و پێزانین بۆ کەناڵەکانی ڕاگەیاندن و ڕۆشنبیر و هونەرمەند و وەرزشوانانی کوردستان

بە ناوی خۆمان و وەزارەتی ڕۆشنبیری و لاوانی حکومەتی هەرێمی کوردستانەوە، سوپاس و پێزانین بۆ کۆدەنگی و هەماهەنگی کەناڵەکانی ڕاگەیاندن (نووسراو، بینراو، بیستراو، ئەلیکترۆنی)، نووسەران، ڕۆشنبیران، هونەرمەندان، وەرزشوانان، لاوان و چالاکانی تۆڕە کۆمەڵایەتییەکان دەردەبڕین لە پای بەتەنگەوە بوونی دۆزی کورد لە ڕۆژئاوای کوردستان و گەیاندنی دەنگی گەلی کورد بە جیهان و ڕێگریکردن لە جینۆسایدێکی دیکە دژ بە گەلی کورد.

 

یەکدەنگی و بەتەنگەوەبوونی توێژە جیاجیاکانی کۆمەڵگەی کوردستانی و وەستانیان شانبەشانی خوشک و برایانمان لە ڕۆژئاڤای کوردستان، نیشانەی دەرکەوتنی سەردەمێکی نوێی گیانی کوردایەتی و خەمڵینی خەباتی نەتەوایەتییە لە پێناو ڕزگاری نیشتمانیدا.

 

ئەم یەکدەنگییە نیشتمانییە لە ئاستی جیهاندا بووە گەورەترین بەربەست لە بەردەم میدیای شۆڤێنی و پشتیوانانی تیرۆر و ڕێگر بوو لەبەردەم ئەو ماکینانەی پڕوپاگەندە، کە دژی کورد و بزووتنەوە نەتەوەییەکەی خرابوونەکار و هەوڵی شێواندنی ڕاستییەکان و دروستکردنی زەمینەی جینۆسایدێکی دیکەیان دەدا.

 

وێڕای سوپاس و پێزانینی زۆرم بۆ شەونخوونی ڕۆژنامەنووسانی کوردستان و هەموو ئەو چالاکانەی لە ڕێی تۆڕە کۆمەڵایەتییەکانەوە ڕووحیەتی کوردبوون و دەنگی کوردستانیانیان بە جیهان گەیاند، داواکارم لە هەموو لایەک بەو گیانە نیشتمانی و نەتەوەییە و لە چوارچێوەی پاراستنی کولتووری ئاشتەوایی و پێکەوەژیانی کۆمەڵگەی کوردستان بەردەوام بن لە گەیاندنی ڕاستییەکان.

 

سەرکەوتن بۆ کوردانی خۆڕاگری ڕۆژئاڤا

سەرکەوتن بۆ دۆزی کورد   

 

حەمەی حەمەسەعید

وەزیری ڕۆشنبیری و لاوان

25ـی کانوونی دووەمی 2026

بافڵ جەلال تاڵەبانی، سەرۆکی یەکێتیی نیشتمانیی کوردستان پێشوازی لە کاندیدکردنی نوری مالیکی دەکات بۆ پۆستی سەرۆک وەزیرانی عیراق و هیوادەخوازێت پرۆسەی پێکهێنانی حکومەت خێراتر بێت.

لە پەیامێکدا بافڵ جەلال تاڵەبانی رایگەیاندووە: "پێشوازی لە کاندیدکردنی بەڕێز نوری مالیکی لەلایەن چوارچێوەی هەماهەنگییەوە بۆ پۆستی سەرۆک وەزیرانی عیراق دەکەین".

سەرۆکی یەکێتی هیوای خواستووە ئەم هەنگاوە رێکارە دەستووری و یاساییەکان بۆ پێکهێنانی حکومەتی نوێ خێراتر بکات.

هەروەها جەختی لە هاریکاری و هەماهەنگیی زیاتری نێوان لایەنە سیاسییەکان کردووەتەوە لەپێناو پاراستنی سەقامگیری و گەیشتن بە حکومەتێکی بەهێزی خزمەتگوزار کە وەڵامدەرەوەی خواستی خەڵک بێت.

رۆژی سێشەممە ئەنجومەنی نوێنەرانی عیراق کۆدەبێتەوە و کۆبوونەوەکە تایبەتە بە هەڵبژاردنی سەرۆک کۆماری عیراق.

فەرمانگەی راگەیاندنی ئەنجومەنی نوێنەرانی عیراق بڵاویکردەوە، رۆژی سێشەممە 27ـی 1ـی 2026، ئەنجومەنی نوێنەرانی عیراق کۆدەبێتەوە و کۆبوونەوەکە تایبەتە بە هەڵبژاردنی سەرۆک کۆمار.

لەلای خۆشیەوە، سروە محەمەد ئەندامی ئەنجومەنی نوێنەرانی عیراق لە فراکسیۆنی یەکێتی بە کوردسات نیوزی راگەیاند، وەکو فراکسیۆنی یەکێتیی نیشتمنایی کوردستان هەوڵەکانیان چڕکردووتەوە بۆ سەرخستنی کاندیدی یەکێتی و لەئێستادا لەگەڵ لایەنەکانی دیکەیە لە گفتوگۆدا و دانوستانداین.

رێژەی ئاسایی دانیشتنی تایبەت بە هەڵبژاردنی سەرۆك كۆمار بریتییە لە دوو لەسەر سێی ژمارەی ئەندامانی ئەنجومەنی نوێنەران، واتا لە كۆی 329 پەرلەمانتار، دەبێت لەكاتی كردنەوەی دانیشتنەكەدا 220 ئەندام ئامادە بن.

سەرۆكی یەكێتی زانایانی ئایینی عیراق دەڵێت: داوا دەکەم پشتیوانیی لە گەلی كورد لە رۆژئاوا بکرێت.

خالید مولا سەرۆكی یەكێتی زانایانی ئایینی عیراق لە میانی بەشداریکردنی لە بەرنامەی پرسی رۆژی کوردسات نیوز رایگەیاند، داوا لە عەلی سیستانی مەرجەعی باڵای شیعەكان دەكام پاڵپشتیی گەلی كورد بكات.

وتیشی، داوا لە وەقفی سوننی دەکەم لەدژی هێرشی چەكدارانی سوریا بۆسەر كورد لە رۆژئاوا هەڵوێستیان هەبێت.

خالید مولا راشیگەیاند، پێویستە وتاربێژانی عیراق لە رۆژی هەینی لە وتارەكانیاندا پشتیوانیی بۆ گەلی كورد دەرببڕن.

سەرۆكی یەكێتی زانایانی ئایینی عیراق ئەوەشی خستەڕوو، کوردەکان زانای گەورەی وەک مامۆستا عەبدولکەریم مودەریسیان تێدایە و لەبەر ئەوە کەس ناتوانێت نکۆڵی لە موسڵمان بوونی کوردەکان بکات.

دوای كشانه‌وه‌ی شه‌ڕڤانانی هه‌سه‌ده‌ زیندانی ئەقتان لە شاری ره‌ققه‌، میدیاكانی سوریا چه‌ندین تۆمه‌تیان ئاراسته‌ی شه‌ڕڤانان كردووه‌ گوایه‌ مێردمنداڵ ‌و نه‌وجه‌وان له‌زیندانه‌كان بوونه، ‌بەڕێوەبەرایەتی خۆسەر رایدەگەیەنێت، ئەو مێرمنداڵانە کە زیندانی کرابوون، لەلایەن هاووڵاتیانەوە سکاڵایان لەسەر تۆمارکرابوو هەروەها هەندێکیان لەلایەن داعشەوە بەکارهێنراون.

بەڕێوەرایەتی زیندانەکان لە خۆ بەڕێوەبەری باکور و رۆهەڵاتی سوریا لە راگەیەنراوێکدا بڵاویکردەوە، لە بەشێكی تایبەت لە زیندانی ئەقتان لە شاری رەقە کە ژمارەیەک منداڵی تێدا بووە، هەندێکیان لە تاوانکاریی جۆراوجۆر تێوەگلابوون و لەلایەن هاووڵاتیانەوە سکاڵایان لەسەر تۆمارکرابوو، هەروەها هەندێکی تریشیان لەلایەن داعشەوە بوونەتە قوربانی بەسەربازییکردن و بەکارهێنانیان.

ئاماژەی بەوەشکرد، بە لەبەرچاوگرتنی رەوشی ئەمنی، بەڕێوەبەرایەتی زیندانەکان نزیکەی سێ مانگ پێش ئێستا ئەو منداڵانەی لە زیندانی منداڵانەوە گواستەوە بۆ زیندانی ئەقتان. لە ماوەی مانەوەیان لە زینداندا، مامەڵەی تایبەتیان لەگەڵدا کراوە کە گونجاو بوو لەگەڵ پێوەرە نێودەوڵەتییەکان.

بەڕێوەبەرایەتی زیندانەکان راشیگەیاند، بەرنامەی گشتگیری چاکسازییان بۆ دابینکرا کە ئامانج لێی راستکردنەوەی رەفتار و ئامادەکردنیان بوو لە رووی دەروونی و کۆمەڵایەتییەوە، هەروەها دڵنیابوون لە تێکەڵبوونیان بە شێوەیەکی دروست لەناو کۆمەڵگەدا دوای تەواوبوونی ماوەی زیندانیکردنیان.

ئەمەش لە کاتێکدایە، چەن پارچە ڤیدیۆیەک لە میدیاکانی سوریا بڵاوکراوەتەوە، گوایە هەسەدە زیاتر لە 100 مێرمنداڵی لە زیندانی ئەقتان زیندانیکردووە.

سوریا و ئیسرائیل لە تەواوكردنی رێككەوتنی ئەمنی نێوانیان نزیكدەبنەوە، كە بۆ 25 ساڵی داهاتوو بەرزاییەكانی جۆلان دەداتە ئیسرائیل.

بە پێی راپۆرتێك كە لەلایەن كەناڵی 24 نیوزی ئیسرائیل بڵاوكراوەتەوە، سوریا و ئیسرائیل لە تەواوكردنی بەندەكانی رێككەوتنێكی ئەمنی بە نێوەندگیری ئەمریكا نزیكبوونەتەوە.

ئاماژەی بەوەشكردووە، بەپێی رێككەوتنەكە، دەبێت حكومەتی سوریا بەرزاییەكانی جۆلان بداتە ئیسرائیل بۆ ماوەی 25 ساڵ، هەروەها رێگا بدرێت بە كردنەوەی باڵیۆزخانەی ئیسرائیل لە دیمەشق تا كۆتایی ئەمساڵ.

ئەو كەناڵە لە زاری سەرچاوەیەكی سورییەوە ئاشكرایكردووە، دانوستانەكانی داهاتوو بە نێوەندگیری واشنتۆن دەتوانێت رێگا بۆ رێككەوتنی ئەمنی و هاوكاری فراوانتر لە نێوان هەردولا خۆش بكات.

هەر لە راپۆرتەكەدا هاتووە، كەسێكی نزیك لە ئەحمەد شەرع سەرۆكی سوریا رایگەیاندووە،  بڕیارە بەمزووانە لێپرسراوانی سوریا و ئیسرائیل لە پاریس جارێكی تر كۆببنەوە، بۆ كۆتاییهێنان بە وردەكارییەكانی رێككەوتنەكە.

ئەمەش، لە كاتێكدایە،  ئیسرائیل چەندین جار رەتیكردووەتەوە هیچ بەشێك لە بەرزاییەكانی جۆلان بگەڕێنێتەوە بۆ سوریا.

ئاژانسی فرانس پرێس لەسەر زاری سێ سەرچاوەی ئاگادارەوە بڵاویکردەوە، حکومەتی سوریا و هێزەکانی سوریای دیموکرات (هەسەدە) رێککەوتون لەسەر درێژکردنەوەی ئەو ئاگربەستەی کە بڕیاربو ئەمشەو (شەممە) کۆتایی بێت، هاوکات ئەمریکا دەستی بە گواستنەوەی زیندانیانی داعش لە سوریاوە بۆ عیراق کردووە.

سەرەڕای ئەوەی هیچ راگەیەندراوێکی رەسمی لەلایەن هەردوولاوە بڵاونەکراوەتەوە، بەڵام دو سەرچاوە بە فرانس پرێس-یان راگەیاندووە، درێژکردنەوەکە "تا مانگێک" دەخایەنێت. سەرچاوەیەکی دیکەی کوردی ئاماژەی بەوەکردووە، ئاگربەستەکە درێژدەکرێتەوە "تا گەیشتن بە چارەسەرێکی سیاسی کە هەردولا رازی بکات".

سەرچاوەیەکی حکومەتی سوریا ئاشکرایکردووە، یەکێک لە هۆکارە سەرەکییەکانی درێژکردنەوەی ئاگربەستەکە، "تەواوکردنی پرۆسەی گواستنەوەی دەستبەسەرکراوانی رێکخراوی داعشە" لەلایەن ئەمریکاوە، کە ژمارەیان دەگاتە 7 هەزار کەس.

بەپێی وتەی دو بەرپرسی عیراقی، رۆژی چوارشەممە کاروانێکی 150 کەسی لە چەکدارانی داعش کە سەرکردەی دیار و ئەوروپییان تێدابوە، لە یەکێک لە زیندانەکانی حەسەکەوە گەیەندراونەتە عیراق.

ئاگربەستەکە لە چوارچێوەی لێکتێگەیشتنێکی فراوانتردایە بۆ تاوتوێکردنی داهاتوی تێکەڵکردنی دامەزراوە کوردییەکان لە پارێزگای حەسەکە لەگەڵ دامەزراوەکانی حکومەتی سوریا.

بەپێی رێککەوتنەکە، سوپای سوریا ناچێتە ناو سەنتەری شارەکانی حەسەکە و قامشلۆ و گوندە کوردییەکان، لەبەرامبەردا هەسەدە لە رێگەی نێوەندگیری ئەمریکییەوە پێشنیازی کردووە کە حکومەت ئیدارەی دەروازە سنورییەکان بکات و کاندیدی خۆی بۆ پۆستی یاریدەدەری وەزیری بەرگری و لیستی ناوی پەرلەمانتاران پێشکەش بکات.