لە روداوێکی هاتوچۆدا لەسەر رێگای کەرکوک – هەولێر ، چوار کەس گیانیان لەدەستدا.

پەیامنێری کوردسات نیوز رایگەیاند؛ لەسەر رێگای کەرکوک – هەولێر بەرانبەر گوندی دارەمان، چوار ئەندامی خێزان گیانیان لەدەستدا، کە هەموویان ئەندامی یەک خێزانن.

ئاماژەی بەوەشکرد، روداوەکە لەنێوان ئۆتۆمبێلێکی تایبەت و بارهەڵگرێک رویداوە، راشیگەیاند، ئەو خێزانەی کە گیانیان لەدەستداوە عەرەبن و خەڵکی بەغدادن کە پێکهاتوون لە دایک و باوک و دوو منداڵ.

تەرمی ئەو شاخەوانانەی لە بانە كەوتنە ژێر هەرەسی بەفرەوە دۆزرانەوە و مانگی سوریش گیانلەدەستدانی شەش شاخەوانی راگەیاند.

بەڕێوەبەری مانگی سور لە پارێزگای سنە بە میدیاكانی راگەیاند، ماوەی 24 سەعات گەڕان بەدوای ئەو شاخەوانانەی لە چیای كەڵەكەجاڕ كە 40 كیلۆمەتر لە بانەوە دوورە و كەوتنە ژێر هەرەسی بەفرەوە، بەردەوام بووە و بە دوو قۆناغ تەرمی شەش شاخەوان دەرهێنراونەتەوە.

ئاماژەی بەوەشكرد، حەوت شاخەوان لە چیای كەڵەكەجاڕ كەوتنە ژێر هەرەسی بەفر و سەرەتا تەرمی دوو كەسیان دۆزرایەوە و شاخەوانێكیش بە زیندووی دەرهێنراوەتەوە و رەوانەی نەخۆشخانەی شاری بانە كراوە.

لە قۆناغی دووەمیشدا دواتر بە هەوڵی تیمەكانی فریاگوزاریی، تەرمی چوار شاخەوانی  دیكەشیان دۆزرانەوتەوە.

پەكەكە رایگەیاند، بەمەبەستی جێبەجێكردنی بانگەوازەكەی ئۆجالان لەئەمڕۆوە ئاگربەست رادەگەیەنن و چالاكی چەكداری ئەنجام نادەن.

كۆمیتەی بەڕێوەبەری پارتی كرێكارانی كوردستان"پەكەكە" راگەیەنراوێكی سەبارەت بە بانگەوازەكەی عەبدوڵا ئۆجەلان رێبەری زیندانیكراوی پەكەكە بڵاوكردەوە و رایگەیاند، لە ئەمڕۆوە ئاگربەست رادەگەیەنن و چالاكی چەكداری ئەنجام نادەن، بەمەبەستی جێبەجێكردنی بانگەوازەكەی ئۆجەلان بۆ ئاشتی و كۆمەڵگەیەكی دیموكراسی، بانگەوازەكەش رێگەی هەموو هێزەكان بۆ ئازادی و دیموكراسی رۆشن دەكاتەوە و وەك مانیفێستی سەردەم وایە.

لە بەشێكی تری راگەیەنراوەكەدا هاتووە، ئەو بانگەوازە پڕۆسەیەكی مێژوویی لە كوردستان و رۆژهەڵاتی ناوەڕاست دەستپێكردووە. ئەوەش كاریگەرییەكی گەورەی دەبێت لەسەر پەرەپێدانی حوكمڕانی دیموكراسی و ژیانی ئازاد لە سەرانسەری جیهاندا، لەو روەشەوە پێویستە هەموو كەسێك بەرپرسیارێتی لە ئەستۆ بگرێت و جێبەجێی بكات.

جەختی لەوەشكردوەتەوە بانگەوازێكی لەو شێوەیە زۆر گرنگ بوو؛ ئێستاش جێبەجێكردنی سەركەوتووانەی ناوەڕۆكەكەی زۆر گرنگە، و بەپێی مەرجەكانی بانگەوازەكە مامەڵە دەكەن و جێبەجێیان دەكەن و دەچنە ناو پڕۆسەیەكی نوێی خەبات، جێبەجێكردنی پرسی وەك داماڵینی چەك تەنیا بە سەركردایەتی پراكتیكی ئۆجەلان دەبێت.

سەبارەت بە بەستنی كۆنگرەی حزبیش رایگەیاندووە، لەسەر داوای ئۆجەلان ئامادەن كۆنگرەی حزب ببەستن، بۆ ئەوەی كۆنگرەش سەركەوتوو بێت، پێویستە ڕێبەر ئۆجەلان بە شێوەیەكی شەخسی سەركردایەتی كۆنگرە بكات، هەروەها پێویستە مەرجەكان بۆ ئۆجەلان مسۆگەر بكرێن بۆ ئەوەی بتوانێت بە شێوەیەكی فیزیكی ئازادانە بژی و كار بكات.

دەزگای ئاسایشی هەرێم  دەستبەسەراگرتنی 29 کیلۆگرام حەبی هۆشبەر لە جۆری (کپتاگۆن) راگەیاند و دەشڵێت: دوو گەورە بازرگانی ماددەی هۆشبەر دەستیگرکراون

دەزگای ئاسایشی هەرێم بڵاویکردەوە، بەڕێوەبەرایەتی گشتی نەهێشتنی ماددە هۆشبەرەکانی دەزگای ئاسایش هەرێم بەهەماهەنگی پاسەوانی سنوور و بەڕێوەبەرایەتی ئاسایشی ڕاپەڕین، توانیان لەسەر سنوری (پشدەر) دەستبەسەربڕی (29)کیلۆگرام حەبی هۆشبەر لەجۆری کپتاگۆن بگرن، لەم چالاکییەدا (دوو)گەورە بازرگانی ماددەی هۆشبەر دەستگیرکران کە بەنیازبوون ماددەکە لەشارەکانی هەرێمی کوردستان و عیراق ساغ بکەنەوە.

ئاماژەی بەوەشکرد، شەوی 27/2/2025  لەسەر سنوری پشدەر لەلایەن پاسەوانی سنور (29)کیلۆگرام حەبی هۆشبەر لەجۆری کپتاگۆن دەستیبەسەرداگیرا و دوای ئەنجامدانی بەدواداچوون لەماوەی کەمتر لە 24 سەعاتدا لەسەر بڕیاری دادوەری لێکۆڵینەوەی ئاسایش، بەهەوڵی وورد و زانیارییەکانی بەڕێوەبەرایەتی گشتی نەهێشتنی ماددە هۆشبەرەکان و ئاسایشی ڕاپەڕین، توانیان دوو گەورە بازرگانی ماددەی هۆشبەر دەستگیربکەن و ڕووبەڕوی یاسا بکرێنەوە.

دەزگای ئاسایشی هەرێم راشیگەیاندووە، لەئێستادا تۆمەتباران بەماددەی (25) لەیاسای بەرەنگاربوونەوەی ماددە هۆشبەرەکان و کارتێکارە ئەقڵیەکان راگیراون و لێکۆڵینەوە لەدۆسیەکانیان بەردەوامە.

بافڵ جەلال تاڵەبانی سەرۆکی یەکێتیی نیشتیمانیی کوردستان بەبۆنەی ھاتنی مانگی رەمەزانی پیرۆزەوە پەیامێک بڵاودەکاتەوە و رایدەگەیەنێت: ھیوادارم لەم مانگە پیرۆزەدا، هەوڵ و هەنگاوەکان بەرەو تەبایی و یەکڕیزیی سەرکەوتووبن

دەقی پەیامەکەی سەرۆک بافڵ....

بەبۆنەی هاتنەوەی مانگی رەمەزانی پیرۆزەوە، گەرمترین پیرۆزبایی لە موسڵمانانی کوردستان و عیراق و جیهان دەکەم. ھیوادارم لەم مانگە پیرۆزەدا، هەوڵ و هەنگاوەکان بەرەو تەبایی و یەکڕیزیی سەرکەوتووبن تاوەکو داهاتوویەکی گەشتر بۆ گەلەکەمان بەدیبهێنین و بەسەر ئاڵنگارییەکاندا زاڵبین.

خوای گەورە گەل و وڵاتمان بپارێزێت و رۆژوو و خواپه‌رستيى هەموولایەک قبووڵ بکات.

بافڵ جەلال تاڵەبانی

سەرۆکی یەکێتیی نیشتمانیی کوردستان

وەزارەتی ئەوقافی هەرێمی كوردستان رایگەیاند، ئەم ئێوارە مانگ بینراوە و سبەینێ یەكەمین رۆژی مانگی رەمەزانی پیرۆزە.

پشتیوان سادق، وەزیری ئەوقاف و كاروباری ئایینی هەرێم رایگەیاند، لە میانی كۆبوونەوەی ئەمڕۆی لیژنەی باڵای بینینی مانگ  و دوای پرۆسەیەكی وردی چاودێریكردن، مانگ  لە ئاسمانی هەرێمی كوردستان بینرا و بەوەش سبەینێ شەممە یەكەم رۆژی مانگی رەمەزانی پیرۆزە.

هەروەها دیوانی وەقفی سوننەی عیراقیش رۆژی شەممەی وەك یەكەم رۆژی مانگی پیرۆزی رەمەزان دەستنیشان كرد. هەروەها هەریەك لە سعودیە و توركیا و عومان و ئوردن و چەند وڵاتێكی تریش بەڕەسمی سبەینێیان وەك یەكەم رۆژی مانگی پیرۆزی رەمەزان دیاریكرد.

ئەمەش لەكاتێكدایە ئێران رۆژی یەكشەممەی وەك یەكەم رۆژی مانگی رەمەزان دەستنیشانكردووە.

یەکێکە لە چیا بەرزەکانی زنجیرە چیای زاگرۆس و دەکەوێتە نێوان سنووری رۆژهەڵات و باکوور و باشووری کوردستان، واتە نێوان کوردستان و ئێران، بەشێکی چیاکە دەکەوێتە پیرانشەهری ئێران و رووباری زێی بچووک لەم چیایەوە هەڵدەقوڵێت.

بەرزی چیای قەندیل لە کوردستان دەگاتە 3587 مەتر، بەرزترین لوتکەی چیاکە لوتکەی کەوکەزە کە بەرزییەکەی دەگاتە 3800مەتر و دەکەوێتە باکووری کوردستان، کێوەڕەشیش بە نزیکەی 3500 مەتر دەکەوێتە نێوان شنۆ و پیرانشەهر.

قەندیل تەنیا شاخێکی بەرزی ئاسایی نییە، بەڵکو بەهۆی هەڵکەوتەی جوگرافیەکەیەوە، کە کەوتووەتە نێو هەرسێ دەوڵەتی تورکیا و ئێران و عیراقەوە بووەتە جێگە سەرنجێکی زۆر و خاوەن پێگەیەکی گەورە.

مێژووی سیاسی:

شاخی قەندیل لە مێژووی کوردستاندا رۆڵێکی گرنگی ھەبووە. لە ساڵانی شەڕی نێوان عیراق و ئێراندا، ئەم شاخە بووەتە شوێنی پەنابەرانی کورد. لە دوای شەڕەکەش، قەندیل بووەتە شوێنی چالاکییە سیاسییەکانی کورد و یەکێکە لە شوێنە ستراتیژییەکانی پەکـ.ەکە. لەم شاخەدا چەندین بارەگای سیاسی و سەربازی ھەن کە لەلایەن کوردەکانەوە بەڕێوەدەبرێن.  

سروشتی قەندیل:  

شاخی قەندیل بە دیمەنە سەرنجڕاکێشەکەی، بە داری بەڕو و دۆڵە فراوانەکانی ناسراوە. لە وەرزی بەھاردا، دیمەنی سەوز و گوڵە جۆراوجۆرەکانی شاخەکە سەرنجی زۆر کەس رادەکێشێت و ساڵانە لە جەژنی نەورۆزدا هاووڵاتیان رودەکەنە ئەو چیایە و ئاهەنگ دەگێڕن، لە وەرزی زستانیشدا، لەبەر بەفرە زۆرەکەی، دیمەنێکی سەیر و سەرنج راکێش لەخۆ دەگرێت.

قەندیل لە روی سیاسیەوە بۆ کورد پێگەیەکی گەورەی هەیە و لە کولتووری کوردیدا وەک سومبولی تێکۆشان و خەونی سەرکەوتن و کۆڵنەدان ناو دەهێنرێت.

 یەكێتیی زانایانی ئایینی ئیسلامی كوردستان داوا لە بازرگانان و دوكانداران دەکات لە مانگی ڕەمەزاندا نرخی كاڵا و خواردەمەنیان گران نەكەن.

عەبدوڵا شێركاوەیی، وتەبێژی یەكێتیی زانایان، رایگەیاند كە بەرزكردنەوەی نرخی كاڵا و خواردەمەنی لە مانگی رەمەزاندا پێچەوانەی رەوشتی كۆمەڵگەی موسڵمانانە و پێچەوانەی شەریعەتی ئیسلامیشە.  

شێركاوەیی ئاماژەی بەوەدا: "بەرزكردنەوەی نرخی كاڵا و خواردەمەنی لەم مانگەدا گوناهـو تاوانە. بەپێی شەریعەتی ئیسلام، قۆستنەوەی بازار و هەڵگرتنی كاڵا بۆ گرانكردنەوەی نرخ، ڕێگەپێنەدراوە."  

وتەبێژی یەكێتیی زانایان هەروەها باسی لەوە كرد، كە بازرگانان پێویستە لەم مانگەدا زیاتر بەرپرسیارێتییان لەبەرچاو بگرن و رەوشتی ئایینی و كۆمەڵایەتییان بپارێزن.  

بەڕێوەبەرایەتی گشتی كارەبای سلێمانی رایگەیاند، كە كاتژمێرەكانی پێدانی كارەبای نیشتمانی لە چەند شوێنێك دەگۆڕدرێت. بەپێی راگەیەندراوێكی فەرمی، ئەم گۆڕانکارییە بەتایبەتی بۆ مانگی ڕەمەزان ڕێکخراوە و ئاماژە بەوە دەكرێت كە دانیشتووانی گوندەكانی دەوروبەری پارێزگای سلێمانی، هەڵەبجە و ئیدارەی راپەڕین لەم گۆڕانکارییەدا دەبن.  

بەپێی راگەیەندراوەكە، لە مانگی رەمەزاندا، كارەبای نیشتمانی بۆ ئەو گوندانە لە سەعات 03:30ـی بەرەبەیان تا 05:30ـی بەیانی دەبێت، جگە لە بەرنامەی رۆژانەی كارەبای نیشتمانی كە پێشتر هەیانە.  

بەڕێوەبەرایەتی كارەبای سلێمانی هاوڵاتیان ئاگادار دەكاتەوە كە خۆیان بۆ ئەو بەرنامە نوێیە ئامادە بكەن.  

ئۆجەلان لە پەیامەکەیدا داوای لە پەکەکە کرد چەک دابنێت و وتی بەرپرسیارێتی ئەو بڕیارە هەڵدەگرم

 

نوێدەکرێتەوە...

نوێترین وێنەی عەبدوڵا ئۆجەلان بلاوکرایەوە

 

قوباد تاڵەبانی جێگری سەرۆک وەزیرانی حکومەتی هەرێمی کوردستان دەڵێت، " بۆچونەکانی چەنگیز چاندار، دۆستی دێرینی کورد و سەرۆک مام جەلال هەمیشە ئیلهام بەخشە و گفتوگۆکردنیش لەگەڵیدا هەمیشە چێژبەخشە".

قوباد تاڵەبانی جێگری سەرۆک وەزیرانی حکومەتی هەرێم پەیامێکی بڵاوکردووەتەوە و دەڵێت، "خۆشحاڵ بووم جارێکیتر بە دیداری بەڕێز چەنگیز چاندار، دۆستی دێرینی کورد و سەرۆک مام جەلال و پەرلەمانتاری ئێستای دەمپارتی شاد بوومەوە. بۆچوونەکانی هەمیشە ئیلهام بەخش و گفتوگۆکردنیش لەگەڵیدا هەمیشە چێژبەخشە".

ئاماژەی بەوەشداوە، "ئەمڕۆ پێکەوە گفتوگۆیەکی تێروتەسەلمان کرد سەبارەت بە پرۆسەی ئاشتی لە تورکیا، ئاشتی و چارەسەری پرسی کورد خەمێکی لە مێژێنەی بەڕێزیانە و هەردووکمان هیوادارین کە ئەمجارەیان پرۆسەکە سەربگرێت".

 

قوباد تاڵەبانی رایگەیاند، حکومەت دەبێت پارێزراو بێت لە سیاسەت، وتیشی، یەکێتی نییەتی کشانەوەی لە حکومەت نییە.

قوباد تاڵەبانی جێگری سەرۆکی حکومەت بەشداری لە سێیەم کۆڕبەندی هەولێر کرد و رایگەیاند، حکومەت دەبێت پارێزراو بێت لە سیاسەت نابێت حکومەت سیاسیانە بەکاربهێنرێت وەک چەکێک بۆ پاکتاوکردنی یەکتر.

باسی لەوەشکرد، " یەكێتی نیەتی كشانەوەی لە حكومەت نییە"، وتیشی، "نامەوێت ناوەڕۆکی گفتوگۆکانی پێکهێنانی حکومەت ئاشکرا بکەم، چونکە گفتوگۆکان زۆر ئەرێنین، یەکەمجارە هەردوولا بەوجۆرە رەفتار دەکەن و گفتوگۆکە تەنها لەنێوان ئەو دوو لایەنەدایە و باسی ناکەن".

لەبارەی دۆخی رۆژئاوای کوردستانیشەوە وتی، "ئێمە هەمیشە لە پەیوەندیداین لەگەڵ رۆژئاوا و بەهیواین هاوشێوەی کاک مەسعود و مام ئەو رۆڵە ببینن بۆ چەسپاندنی پێگەی کورد لە سوریا، هاوشێوەی عیراق".

وتیشی، "هەمیشە لەگەڵ هەڤاڵ مەزڵوم لە پەیوەندیداین کە بەرەو دیمەشق بڕۆن، بەڵام دەبێت شوێنی هەبێت لە دیمەشق و پارێزراو بێت، لەگەڵ تورکیاشدا بۆ ئەو بابەتە قسەدەکەین".

ئەوەشی خستە روو، پەراوێزخستنی کورد هەڵەیەکی گەورە دەبێت کە سوریای نوێ بیکات، بەبێ کورد سوریا نابێتە دەوڵەت و نابێتە دەوڵەتێکی هێمن، مەجالی ئەوەی نابێت سەرکەوێت.

هاتوچۆی گەرمیان رایگەیاندووە، لە روداوێکی هاتوچۆدا لە کەلار ماتۆڕسکیلێک خۆی کێشاوە بە بارهەڵگرێکدا و بەهۆیەوە سەرنشینێکی ماتۆڕسکیلەکە گیانی لەدەستداوە و شۆفێرەکەشی بریندار بووە.

بەڕێوەبەرایەتی هاتوچۆی گەرمیان رایگەیاندووە، بەیانی ئەمڕۆ پێنجشەممە، لە ناوچەی پیشەسازی کەلار ماتۆڕسکیلێک خۆی کێشاوە بە ئۆتۆمبێلێکی بارهەڵگردا و بەهۆیەوە سەرنشینێکی ماتۆڕەکە کە لەدایکبووی ساڵی 1992 بووە گیانی لەدەستداوە.

ئاماژەی بەوەشکردووە، شۆفێری ماتۆڕسکیلەکە کە لەدایکبووی ساڵی 2009 بووە، لە رووداوەکەدا بریندار بووە و لەئێستادا بە مەبەستی وەرگرتنی چارەسەر گواستراوەتەوە بۆ نەخۆشخانە.

 

کەشناسیی هەرێم پێشبینییەکانی کەشوهەوای ئەمڕۆ و سبەینێی بڵاوکردەوە و ئاماژەی بەوەکردووە، پلەکانی گەرما روو لە بەرزبوونەوە دەکەن.

کەشناسیی هەرێم رایگەیاندووە، ئەمڕۆ پێنجشەممە، ئاسمان پەڵە هەور و نیمچە هەور دەبێت  و پلەکانی گەرما 1 بۆ 2 پلەی سیلیزی بەرز دەبنەوە.

ئاماژەی بەوەشکردووە، سبەینێ هەینی، ئاسمان پەڵەهەور و نیمچەهەور دەبێت و پلەکانی گەرما 1 بۆ 2 پلەی دیکە بەرزدەبنەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر: 10 پلەى سیلیزى

سلێمانی: 8 پلەى سیلیزى

دهۆک: 9 پلەى سیلیزى

کەرکوک: 13 پلەى سیلیزى

زاخۆ: 10 پلەى سیلیزى

هەڵەبجە: 10 پلەى سیلیزى

حاجی ئۆمەران: 1- پلەى سیلیزى

سۆران: 8 پلەى سیلیزى

گەرمیان: 13 پلەى سیلیزى

وەفدی ئیمڕاڵی بۆ ئەنجامدانی سێیەم دیدار لەگەڵ عەبدوڵا ئۆجەلان، بەرەو دوورگەی ئیمڕاڵی بەرێکەوت و بڕیارە ئەمڕۆ بەشێوەی راستەوخۆ پەیامی ڤیدیۆیی ئۆجەلان بڵاو بکەنەوە.

وەفدەكەی ئەمجارە لە حەوت كەس پێكدێت كە لەناویاندا پەرلەمانتارانی دەم پارتی پەروین بۆڵدان و سری سورەیا ئۆندەر هەن، هەروەها ئەحمەد تورك سیاسەتمەداری كوردیش دوای ئەوەی دوێنێ رەزامەندی لە وەزارتی دادی تورکیا پێدرا، لەگەڵ وەفدەکەدا دەچێتە ئیمڕاڵی.

بڕیارە دوای دیدارەکە، وەفدەکە سەعات 5ی ئێوارە پەیامی عەبدوڵا ئۆجەلانی رێبەری زیندانیکراوی کورد بەشێوەی ڤیدیۆیی و راستەوخۆ بڵاوبکاتەوە.

بۆ ئەو مەبەستە لە باخی گشتیی سلێمانیش بەشێوەی راستەوخۆ پەیامی ئۆجەلان پەخش دەکرێت.