کوردستان
20 ساڵ بەر لە ئێستا و لە 6ی نیسانی ساڵی 2005 دا، سەرۆک مام جەلال وەک یەکەم کورد بووە سەرۆک کۆماری عێراق، کە ئەوە یەکەمجار بوو لە مێژووی عیراقدا کوردێک و پێشمەرگەیەک ببێتە سەرۆک کۆمار.
سەعدی ئەحمەد پیرە وتەبێژی یەکێتیی نیشتمانیی کوردستان رایگەیاندووە، "20 ساڵ بەر لە ئەمڕۆ بۆ خەڵکی کوردستان لە هەموو پارچەکان بە گشتی وهێزی پیشمەرگە و یەکێتی بەتایبەتی رۆژێکی مێژوویی گەورە بوو، رۆژێک کە پێشمەرگەیەکی دێرین، ماندوو نەناس، تێکۆشەرێکی رێگای کوردایەتی، سیاسەتمەدارێکی سەرکەوتوو، رۆژنامەنووس و مافپەروەرێکی بەرز و بوێر بوو بە سەرۆک کۆماری عیراقی فیدراڵ".
دەشڵێت: مام جەلال ئەو پیاوە بوو کە چەندین جار رژێمە یەک لەدوا یەکەکانی عیراق بەتایبەتی حزبی بەعسی سەردەمی (سەدام حوسێن) لێبوردنە گشتییەکان تەنها لە سەرۆک مام جەلال نەدەبورا، ئەو تێکۆشەرەی کە هەمیشە ببووە هەوێنی چارەسەرکردنی هەموو ناکۆکییەکانی کوردستان و ناو عیراق بەگشتی.
سەعدی پیرە راشیگەیاندووە، "ئایەتوڵا سیستانی مەرجەعی باڵای شیعە لە عیراق بەرێز مام جەلالی بە (صمام الامان)ی عیراق ناو دەبرد، سەرۆک مام جەلال بە حوکمی پەیوەندییە سیاسییە نێودەوڵەتی و ناوخۆییەکانی جێگای متمانەی زۆر پادشا و سەرۆکی دەوڵەتە عەرەبییەکان و ناوچەکە بوو، تەنانەت ئەوانەشی کە لەگەڵ بەڕێزیان ناکۆکیشیان هەبوو بەڵام رێزیان لە بۆچوونەکانی سەرۆک مام جەلال دەگرت".
ئەوەشی خستووەتە روو، "سەرۆک مام جەلال لەگەڵ هەڤاڵەکانی ناو بزوتنەوەی رزگاریخوازی گەلی کوردستان هەوێنی یەکخستنی ئۆپۆزسیۆنی عیراقی بوو دوایش لە کاتی بوونی بە سەرۆک کۆمار، کاریگەر بوو لە چارەسەرکردنی کێشەکانی نێوان شیعە و سونە، هەروەها کاریگەر بوو لە ئاساییکردنەوەی پەیوەندەییەکانی نێوان عیراق و وڵاتانی دراوسێ کە لەسەردەمی رژێمی سەدام حوسێن بە سیاسەتە شەڕانگێزیەکەی تێکی دابوو، بەم شێوەیە لە عیراقێکی شەڕانگێزەوە لەسایەی سەرۆک مام جەلال تاڵەبانی و تیمەکەی لە وەزارەتی دەرەوە و وەزارەتە پەیوەندیدارەکانی تری عیراق، عیراق رۆڵێکی تەواوکەری بینی بۆ سەپاندنی ئاشتی و سەقامگیری لە ناوچەکە".
ئاماژەی بەوەشکردووە، "سەرۆک مام جەلال لە کاتی حکومڕانی وەک سەرۆکی کۆمار کێشەیەکی دێرینی نێوان کوێت و عیراق و رەسمکردنی سنوری کوێتی مومکین کرد، دوای شەڕی نێوان ئیران و عیراق پەیوەندەییەکانی ئاساییکردەوە و پەیوەندییەکانی نێوان هەردوو وڵاتی لەسەر هەموو ئاستەکان رێکخستەوە، سەرۆک مام جەلال لە پەیوەندی بەردەوام لەگەل پارێزگارەکانی عیراق بۆ ئەوەی راستەوخۆ بتوانێت کێشە و گرفتەکانیان چارەسەربکات و داخوزییەکانی خەڵکی شارەکانیان بۆ بهێنێتە دی ، زیاتر لەو دەسەڵاتەی کە دەستور پێی دابوو جەختی لە حکومەت دەکردەوە بۆ پیشکەشکردنی خزمەتگوزاری باش بە سەرجەم پارێزگاکانی عیراق بەبێ جیاوازی و چارەسەرکردنی کێشەکانی ناوەڕاست و خوارووی عیراق، بۆیە سەرۆک مام جەلال لەلایەن هەموو عیراقییەکان گەورە و بچووک هەتا لەگەڵ ئەو سیاسەتمەدارە عیراقیانەی کە لەگەڵیشی ساز نەبوون هەمیشە پێیان دەگوت جەنابت بۆ ئێمە وەکو زەعیم و باوک و سەرۆک کۆماریت و ئێمە تۆمان قبوڵە".
سەعدی ئەحمەد پیرە لە کۆتاییشدا باسی لەوەشکردووە، "بە نەخۆشکەوتنی سەرۆک مام جەلال کەلێنێکی گەورە جێما و بەداخەوە تا ئەم دەقەیەش پڕنەکراوەتەوە، بەدڵنیاییەوە ئەگەر سەرۆک مام جەلال لە ژیاندا بمابایە رۆڵ و کاریگەری دەبوو لە سەرهەڵدان و تەشەنەکردنی رێکخراوی تیرۆرستی داعش و ئەو کارەساتانەی کە بەسەر عیراق هات، هەروەها لە زۆرکێشە و قەیرانی سیاسی تر کە لە ناوچەکە دروست بوو رۆڵی کارا و سەرەکی دەگێرا لە چارەسەرکردنیان، بەتایبەت رزگارکردنی عێراق لە کۆت و بەندەکانی ماددەی 7".
مام جەلال کوڕ‌ی شێخ حسامەدین کوڕ‌ی شێخ نوری کوڕ‌ی شێخ غەفوورە، ھاوینی ساڵی 1933 لە گوندی کەلکانی قەتپاڵی چیای کۆسرەت لەدایک بووە، کە دەڕ‌وانێتە سەر دەریاچەی دوکان، چەند ساڵێک تەمەنی منداڵی لەو گوندە بەسەر بردووەو دواتر باوکی بووە بەرێبەری تەکیەی تاڵەبانی لە کۆیە و لەوێ چووەتە قوتابخانەی سەرەتایی و بە سەرکەوتوویی خوێندنی تەواو کردووە.
مام جەلال ساڵی 1952 چووە کۆلیژی ماف لە بەغداد، دوای ئازادکردنی عێراق بە ئەندامی ئەنجوومەنی حوکم ھەڵبژێردرا و لە مانگی تشرینی دووەمی ساڵی 2003دا سەرۆکایەتی ئەنجومەنی کرد، دواتریش لە 6ی نیسانی 2005، مام جەلال 227 دەنگی لە کۆی 248 دەنگی ئەندامانی کۆمەڵەی نیشتمانی عیراقی بەدەست ھێنا و بە ھەڵبژاردنێکی راستەوخۆ بە یەکەمین سەرۆکی ھەڵبژێراوی عیراق ھەڵبژێردرا.
بەهۆی تەقینەوەی مینەوە لە کوێستانەکانی برادۆست، گەنجێک گیانی لەدەستدا و برایەکیشی بریندار بوو.
پەیامنێری کوردسات نیوز باسی لەوەکرد، روداوەکە بەیانی ئەمڕۆ رویداوە و مین بە گەنجێکدا تەقیوەتەوە لە کوێستانەکانی برادۆست، بەهۆیەوە دەستبەجێ گەنجەکە گیانی لەدەستداوە و برایەکیشی بریندار بووە.
ئەوەشی خستە روو، ئەو گەنجەی گیانی لەدەستداوە ناوی محەمەد هەینی بووە و تەمەنی 28 ساڵ بووە. بەمەبەستی کۆکردنەوەی گژوگیای بەهارە لەگەڵ براکەیدا روویان لە کوێستانەکانی برادۆست کردووە.
پەیامنێری کوردسات نیوز وتیشی، لە ئێستادا تەرمی ئەو گەنجە بۆ پزیشکی دادی سۆران گواستراوەتەوە و توێکاریی بۆ تەرمەکەی دەکرێت.
لە سەرەتای ئەمساڵەوە ئەمە سێیەم رووداوی پێدا تەقینەوەی مینە لەو سنوورەدا.
لە هەرێمی کوردستان چەندین ناوچەی مینڕێژکراوی لێیە، کە لە سەردەمی رژێمی پێشووی عیراقدا ئەو مینانە بە مەبەستی کۆنتڕۆڵکردنی ناوچە جیاوازەکانی کوردستان چێنراون، ئەگەرچی 34 ساڵ بەسەر روخانی رژێمی بەعسدا تێپەڕیوە و لەو ماوەیەشدا حکومەتی هەرێم بەردەوامبووە لە پاککردنەوەی ناوچەکان لە مین، بەڵام هێشتا بەشێکی خاکی کوردستان بە تەواوی لە مین پاکنەکراوەتەوە و ناو بە ناویش بەو کەسانەدا دەتەقێتەوە کە بە مەبەستی کۆکردنەوەی گژوگیای بەهارە یان شاخەوانی روو لە شاخە بەرز و چیاکان دەکەن.
بەڕێوەبەرایەتی بەرگری شارستانی ئیدارەی سەربەخۆی سۆران هۆشداری داوە بە هاووڵاتیان سەبارەت بە بەردەوامی شەپۆلی بارانبارین و مەترسی بارینی تەرزە لە ناوچەکە لە رۆژانی داهاتوودا.
لە راگەیەندراوێکدا کە وێنەیەکی گەیشتووە بە کوردسات نیوز، بەڕێوەبەرایەتی بەرگری شارستانی هۆشداری داوە کە "شەپۆلی باران بارین و تەرزە کۆتایی نەهاتووە و ئەگەری بەردەوامبوونی هەیە، بەتایبەتی لە سنووری ئیدارەی سەربەخۆی سۆران".
لە راگەیەندراوەکەدا هاتووە: "تەواوی هێزەکانمان لە ئامادەباشیدان بەمەبەستی رووبەڕووبوونەوەی هەر رووداوێکی لەناکاو." هەروەها چەند رێنماییەکی گرنگیش بۆ هاووڵاتیان دەرکراوە بۆ پاراستنی ماڵ و موڵکیان لە زیانی ئەگەری بارینی تەزرە.
بەپێی ڕاگەیەندراوەکە، داوا لە هاووڵاتیان دەکرێت:
- کەلوپەل و ڕۆشنایی ماڵەکانیان داپۆشن
- خاوەن ئۆتۆمبێلەکان ئۆتۆمبێلەکانیان ببەنە گەراج ئەگەر هەیانبێت
- یاخود ئۆتۆمبێلەکانیان داپۆشن بە کەلوپەلی پێویست
بەڕێوەبەرایەتی بەرگری شارستانی جەختی کردۆتەوە کە ئەم هەنگاوانە بۆ ئەوەیە هاووڵاتیان "دووچاری زیانی ماددی نەبن".
بەپێی زانیارییەکانی کوردسات نیوز، لە ماوەی ڕۆژانی رابردوودا، بارانێکی بەخوڕ و تەزرە بارین لە سنووری ئیدارەی سەربەخۆی سۆران بووەتە هۆی زیانگەیاندن بە ژمارەیەک ئۆتۆمبێل و خانووی هاووڵاتیان، بەتایبەتی لە ناوچەکانی سۆران، خەلیفان و سیدەکان.
بەریوەبەرایەتی کەشناسی هەرێمی کوردستانیش پێشبینی دەکات لە سنووری ئیدارەی سۆران و ناوچەکانی دەوروبەری شەپۆلی خراپی کەشوهەوا بۆ ماوەی 48 سەعآتی داهاتوو بەردەوام بێت.
بەرەبەیانی ئەمڕۆ ئاگر لە بەشێکی بازاڕی دارەسووتاوەکەی سلێمانی کەوتەوە و دەیان دوکان سوتان. بەڕێوەبەرایەتی بەرگری شارستانی سلێمانیش لە راگەیەندراوێکدا بڵاویکردەوە کە تیمەکانیان توانیویانە ئاگرێکی گەورە لە بازاڕی مەزادخانەی سەرەوە (دارەسووتاوەکە) کۆنتڕۆڵ بکەن.
بەپێی ڕاگەیەندراوەکەی بەرگری شارستانی سلێمانی، دوای ئاگارکردنەوەیان لە بونی روداوی ئاگرەکە، دەستبەجێ تیمەکانیان گەیشتوونەتە شوێنی روداوەکە.
لە راگەیەندراوەکەی تیمەکانی ئاگرکوژێنەوەدا هاتووە، سەرەڕای سەختی و دژواری گەیشتن بە شوێنی روداوەکە کە ئۆتۆمبێلەکانی ئاگرکوژێنەوەی زۆر ئەستەم کردبو، بە لێهاتوویی و خێراییەکی بەرچاوەوە روبەروی دۆخەکە بوونەتەوە.
لە راگەیەندراوەکەدا هاتووە: "سەرەڕای گەورەیی ئاگرەکە و بوونی بڕێکی زۆر لە کەلوپەلی جۆراوجۆر و ئاسان بۆ سووتان کە هۆکار بوون بۆ خێرا تەشەنەکردنی، بەڵام تیمە کارامە و دڵسۆزەکانی بەرگری شارستانی توانیان بە دانانی پلانێکی تۆکمە و دابەشبوونیان بەسەر شەش قۆڵدا، ئاگرەکە کۆنتڕۆڵ بکەن و رێگری لە تەشەنەکردنی زیاتری بکەن بۆ دوکان و موڵکی دەوروبەری ناو بازاڕەکە."
بەڕێوەبەرایەتی بەرگری شارستانی سلێمانی جەختی کردۆتەوە کە خۆشبەختانە ئەم ڕووداوە هیچ زیانێکی گیانی لێنەکەوتۆتەوە.
بزوتنەوەی گۆڕان لەسێهە‌مین كۆنفرانسی نیشتمانیی خۆی لەگردی زەرگەتە، به‌رنامه‌ی سیاسی و ده‌ستووری ناوخۆیی په‌سه‌ندكرد و جڤاتی نیشتمانیی بزوتنه‌وه‌كه هه‌ڵبژێردران
نوێدەکرێتەوە.....
قائیمقامی سلێمانی رادەیەگەنێت: لە ئاگرەکەی بازاری دارەسوتاوەکە نزیکەی 150 دوکان زیانی مادیان بەرکەوتووە، لیژنەیەکیش پێکدەهێنرێت بۆ خەمڵاندنی کۆی گشتی زەرەر و زیانەکانی ئاگرەکە.
ئاوات محەمەد قائیمقامی سلێمانی لەکۆنفرانسێکی رۆژنامەوانیدا رایگەیاند: نزیکەی 150 دوکان زیانیان بەرکەوتووە، هاوکات وەک ئیدارەی خۆجێی نوسراو ئاڕاستەی ئەنجومەنی وەزیران و لایەنە پەیوەندیدارەکان دەکەین بۆ هاوکاریکردنی ئەوانەی زیانیان بەرکەوتووە.
وتیشی: تا ئێستا هۆکاری ئاگرەکە نازانرێت، لە رێگەی لیژنەکەوە لێکۆڵینەوە لە روداوەکە دەکرێت.
ئاوات محەمەد ئاماژەی بەوەشکرد، پێویستە گشت رێوشێنەکانی سەلامەتی لەم جۆرە شوێنانە جێبەجێ بکرێت، بۆ ئەوەی ئەم روداوە ناخۆشانە دوبارە نەبنەوە.
كۆمپانیای گەنەل ئینێرجی توركی دەڵێت، دادگای نێوبژیوانی لەندەن ئاگاداری كردونەتەوە كە دەبێت قەرەبووی دواكەوتنی كارەكانی لە كێڵگەكانی نەوت بدات بە حكومەتی هەرێمی كوردستان.
كۆمپانیای گەنەل ئینێرجیی توركی لە راگەیەنراوێكدا ئاماژەی بۆ ئەوەكردوە، دادگای نێوبژیوانی لەندەن بە بڕیارێك ئاگاداری كردونەتەوە، كە دەبێت 26 ملیۆن دۆلار قەرەبوو بدات بە حكومەتی هەرێم، لەبەرامبەر دواكەوتنی كارەكانی لە دوو كێڵگەی نەوت و پابەند نەبوونی بە گرێبەستەكەی لەگەڵ حكومەتی هەرێمی كوردستان.
بەپێی پێشبینییەکانی کەشناسی ئەمرۆ بارانبارینی بەلێزمە بەردەوام دەبێت و لە هەندێک کاتدا هەورە بروسکەی لەگەڵدایە، کەشناسی هەرێمیش دەڵێت؛ لە درەنگانی ئەمشەوەوە ئەم شەپۆلە کۆتایی دێت.
بەڕێوەبەرایەتی گشتی کەشناسی هەرێم بڵاویکردەوە، بەپێی پێشبینییەکان، ئەمڕۆ ئاسمان بەگشـتى هەوری باراناوی دەبێت لە زۆربەی ناوچەکان، لە هەندێ کات و شوێن دابارین بە شێوەی لێزمە باران و هەورە بروسکەی لەگەڵدا دەبێت.
ئاماژەی بەوەشکردووە، لە درەنگانی شەودا کەش و هەوا سەقامگیر دەبێت کاریگەری ئەم شەپۆلی باران بارینە کۆیایی دێت.
کەشناسی هەرێم راشیگەیاندوە، سبەینێ یەکشەممە ئاسمان ساماڵ و نیمچەهەور دەبێت.
بەیانی ئەمڕۆ ئاگر لە بەشێکی بازاری دارەسوتاوەکەی سلێمانی کەوتەوە، بەهۆی ئاگرەکەوە زەرەر و زیانێکی زۆری مادی بە بەشێک لە کاسبکاران گەیشتووە، بەڕێوەبەری بەرگری شارستانی سلێمانی دەڵێت: تا ئێستا هۆکاری ئاگرەکە نەزانراوە.
عەمید دیار ئیبراهیم بەڕێوەبەری بەرگری شارستانی سلێمانی بە کوردسات نیوزی راگەیاند، دوای کەوتنەوەی ئاگرەکە تیمەکانمان دەستبەجێ گەیشتوونەتە شوێنی روداوەکە و تونرا لە ماوەی کەمتر لە یەک سەعات و نیو ئاگرەکە کۆنتڕۆڵبکرێت.
عەمید دیار ئیبراهیم وتیشی: تائێستا هۆکاری کەوتنەوەی ئاگرەکە دیار نییە و لێکۆڵینەوە لە روداوەکە بەردەوامە.
جێگەی ئاماژەیە، بەهۆی ئاگرەکەوە زیاتر لە 100 دوکان سوتاون و کاسبکاران زیانێکی مادی زۆریان پێگەیشتووە، بەڵام خۆشبەختان هیچ زیانێکی گیانی نەبووە.
ئاگر لە بازاری دارەسوتاوەکەی سلێمانی کەوتووەتەوە و تیمەکانی بەرگری شارستانی لەهەوڵی کۆنتڕۆڵکردنی ئاگرەکەدان.
ئارام عەلی وتەبێژی بەڕێوەبەرایەتی بەرگری شارستانی سلێمانی بە کوردسات نیوزی راگەیاند : سەعات 6:15ی بەرەبەیانی ئەمڕۆ ئاگرێک لە بازاڕی دارەسوتاوەکەی سلێمانی کەوتووەتەوە و بەهۆی گەورەیی ئاگرەکە چەندین دوکان سوتاوە.
ئارام عەلی راشیگەیاند، تا ئێستا هۆکاری کەوتنەوەی ئاگرەکە نەزانراوە.
هاوکات د.هەڤاڵ ئەبوبەکر پارێزگاری سلێمانی بڵاویکردەوە، بەهیممەتی دڵسۆزانەی سەرجەم لایەنە پەیوەندیدارەکان بەبێ هیچ زیانێکی گیانیی، ئاگرەکە کۆنترۆڵکرا.
جێگەی ئاماژەیە، ژمارەیەکی زۆری دوکانی کاسبکاران سوتاوە و زیانێکی زۆری مادی لێکەوتووەتەوە.
لە درەنگانی ئەمشەوەوە شەپۆلێکی باران بارینی بەلێزمە هەرێمی کوردستان دەگرێتەوە وکەشناسی هەرێمیش رایدەگەیەنێت؛ کاریگەری ئەم شەپۆلە تا درەنگانی شەوی شەممە بەردەوام دەبێت.
بەڕێوەبەرایەتی گشتی کەشناسی هەرێم بڵاویکردەوە، لە ئەنجامی کاریگەری نزمە پاڵەپەستۆی دەریای سوور پێشبینی دەکرێت شەپۆلێکی باران بارین و هەورە بروسکە لە درەنگانی ئەم شەو لە بەشێک لە ناوچەکانی گەرمیان دەست پێبکات.
راشیگەیاند: لە کاتەکانی بەرەبەیانیدا کاریگەریەکەی درێژ دەبێتەوە بۆ سەر ناوچەکانی دیکەی گەرمیان و هەڵەبجە و کەرکوک و سلێمانی و پاشان هەولێر و دهۆک، دەشڵێت، شێوازی دابارین هەندێک جار دەگۆڕێت بۆ بارانی بەلێزمە و هەورە بروسکە.
کەشناسی هەرێم ئاماژەی بەوەشکردووە، بەهۆی ئەوەی لە وەرزی بەهارداین و هەورەکانی دابارین هەندێک جار لە جۆری (Cumulonimbus) (Cb) دەبێت بۆیە ئەگەر هەیە لە هەندێ ناوچە تەزرەشی لەگەڵدا بێت.
بەپێی پێشبینییەکانی کەشناسی کاریگەری ئەم شەپۆلە تا درەنگانی شەوی شەممە بەردەوام دەبێت
هەفتەی داهاتوو دانیشتنەكانی ئەنجومەنی نوێنەرانی عیراق دەستپێدەكاتەوە، فراكسیۆنە كوردستانییەكانیش بڕیاریانداوە بایكۆتی دانیشتنەكان بكەن، تا پرۆژەیاسای بە پارێزگابوونی هەڵەبجە دەخرێتە كارنامەی یەكێك لە دانیشتنەكانەوە و پەسەند دەكرێت.
د.بڕیار رەشید ئەندامی فراكسیۆنی یەكێتی لە ئەنجومەنی نوێنەرانی عیراق بە كوردسات نیوزی راگەیاند، لە دوایین كۆبوونەوەیاندا لە بەغداد، فراكسیۆنە كوردستانییەكان بە تێكڕا بڕیاریانداوە بە بایكۆتكردنی دانیشتنەكانی ئەنجومەنی نوێنەران بكەن تا پرۆژەیاسای بە پارێزگابوونی هەڵەبجە دەكرێتە یەكەم بڕگەی كارنامەی یەكێك لە دانیشتنەكانی ئەنجومەنی نوێنەرانەوە.
وتیشی، ژمارەی پەرلەمانتارانی فراكسیۆنە كوردستانییەكان 64 پەرلەمانتارە كە بایكۆتی دانیشتنەكان دەكەن و بەبێ ئامادەبوونی ئەوان ناتوانرێت هیچ پرۆژەیاسایەك لە ئەنجومەنی نوێنەران پەسەند بكرێت.
ماوەی چەند ساڵێكە پرۆژەیاسای بە پارێزگابوونی هەڵەبجە لە بەغدادە و هەرجارەو بە پاساوێك پەسەندكردنی لە ئەنجومەنی نوێنەران دوادەخرێت، لەئێستاشدا خوێندنەوەی یەكەم و دووەم بۆ پرۆژەیاساكە كراوە، بەڵام بەهۆی ناكۆكییەكانی نێوان شیعە و سوننە، دیار نییە كەی دەخرێتە كارنامەی دانیشتنەكانی ئەنجومەنی نوێنەران و بۆئەوەی پەسەند بكرێت.
دوو تانکەری سووتەمەنی لەسەر رێگای کەرکوک-چەمچەماڵ گڕیان گرتووە، بەپێی زانیارییەکان تەنها زیانی مادی هەبووە.
پەیامنێری کوردسات نیوز رایگەیاد، ئەمڕۆ لە نێوان بازگەی بانی مەقان و قەرەهەنجیر لەسەر رێگای کەرکوک-چەمچەماڵ، دوو تانکەری سووتەمەنی بە یەکیاندا و گڕیان گرتووە.
پەیامنێری کوردسات نیوز راشیگەیاند، روداوەکە تەنها زیانی مادی لێکەوتووەتەوە و هەردوو شۆفێری تانکەرەکان بە سووکی برینداربوون.
جێگەی ئاماژەیە، تیمەکانی بەرگری شارستانی و فریاکەوتن گەیشتوونەتە شوێنی روداوەکە و خەریکی کۆنترۆڵکردنی ئاگرەکەن.
بەشی پێشبینی لە بەڕێوەبەرایەتیی گشتیی کەشناسیی و بومەلەرزەزانی هۆشداریدا، کە باران بارین زۆربەی ناوچەکانی هەرێمی کوردستان دەگرێتەوە.
بەپێی راگەیەندراوێک کە ئەمڕۆ هەینی، بڵاوکراوەتەوە، ئاسمانی هەرێم لە سەرەتای رۆژدا پەڵە هەور بۆ نیمچە هەور دەبێت و لەشەودا دەگۆڕێت بۆ هەوری تەواو.
کەشناسی هەرێم رونی کردۆتەوە کە لە ئێوارەی ئەمڕۆدا نمە باران و بارانی مامناوەند لە سنوری ئیدارەی گەرمیان و پارێزگای هەڵەبجە دەست پێدەکات و بەرەبەرە کاریگەرییەکەی زیاد دەکات. لە درەنگانی شەودا، باران بارین زۆربەی ناوچەکانی هەرێم دەگرێتەوە و هەندێک کات بە خوڕ دەبارێت و هەورە تریشقەشی لەگەڵ دەبێت.
لە درێژەی راگەیەندراوەکەدا هاتووە، پێشبینی دەکرێت رۆژی شەممە کەش سەقامگیر بێت و کاریگەری ئەم شەپۆلە بارانە کۆتایی پێ بێت.
بەرزترین پلەکانی گەرمای پێشبینیکراو بە پلەی سیلیزی:
- هەولێر:23 پلە
- سلێمانی: 20 پلە
- دهۆک: 20 پلە
- کەرکوک: 25 پلە
- زاخۆ: 20پلە
- هەڵەبجە: 19پلە
- سۆران: 16 پلە
- حاجی ئۆمەران: 9 پلە
- گەرمیان: 23 پلەی سیلیزی
هێزەكانی دژەتیرۆر ژمارەیەك تیرۆرستیان دەستگیر كرد كە خەڵكی پارێزگاكانی بەغداد و دیالەن و لە قەزای شارەزوور نیشتەجێبوون.
بەڕێوبەرایەتیی گشتیی دژەتیرۆر لە راگەیەندراوێكدا ئاماژەی بەوە كردووە، پاڵپشت بە زانیاری هەواڵگری ورد و بەدواداچوونی بەردەوامی تیمە تایبەتەكانیان، توانیویانە ژمارەیەك تیرۆرست لە چەند شوێنێكی جیاوازی سنووری قەزای شارەزوور دەستگیر بكەن.
دژەتیرۆر هێمای بۆ ئەوەش كردووە، دەستگیركراوەكان خەڵكی پارێزگاكانی بەغداد و دیالەبوون، كاری لۆجستی و دابینكردنی كەرەستەیان بۆ شانە نوستوو و چالاكەكانی تیرۆرستانی داعش كردووە، پاش ئاشكرابوونیان لەلایەن دەزگا ئەمنییەكانی عێراقەوە بەرەو هەرێمی كوردستان هەڵاتوون و لە سنووری شارەزوور نیشتەجێبوون.
بەڕێوەبەرایەتیی پاسپۆرتی پارێزگای سلێمانی رێنماییە نوێیەکانی تایبەت بە نۆرەگرتن و پێدانی پاسپۆرتی ئەلیکترۆنی بڵاوکردەوە.
ئەمڕۆ پێنجشەممە، بەڕێوەبەرایەتیی پاسپۆرتی پارێزگای سلێمانی لە راگەیەندراوێکدا ئاماژەی بەوە کردووە کە "نرخی تێچووی پاسپۆرت 91 هەزار دینارە گەر حجزی ئەلیکترۆنیت هەبێت، بەڵام ئەگەر حجزی ئەلەکترۆنیت نەبێت پێویستە 100 هەزار دینار رسوماتی زیادە بدەیت، لەگەڵ 91هەزار دینار تێچووی پاسپۆرتەکە، کۆی گشتی191هەزار دینار دەکات".
هەر لە راگەیەندراوەکەدا، بەڕێوەبەرایەتیی پاسپۆرت دوپاتی کردوەتەوە کە "باشترە حجزی ئەلیکترۆنی بکەیت، تاوەکو تەنها 91هەزار دینار بدەیت".
لەلایەکی دیکەوە، داوا لە هاوڵاتیان کراوە "بە گوێرەی کاتی دیاریکراوی خۆتان کە بە نامەی ئەلیکترۆنی بۆتان دیاریکراوە سەردانمان بکەن، واتە کاتژمێر و رێکەوتی حجزی ئەلەکترۆنییەکەت لە چ کات و رێکەوتێکدا بوو، ئەوا لەو کاتەدا سەردانمان بکەن، بۆ ئەوەی ئێمەش لە کاتی خۆیدا مامەڵەکانتان بۆ ڕایی بکەین".
لە کۆتاییدا، بەڕێوەبەرایەتی جەختی کردووەتەوە کە "تەنها کار بە کارتی نیشتمانی رەسەن (اصلي) دەکرێت، واتە کار بە (صورة قيد الكتروني)، پێناسی باری شارستانی، ڕەگەزنامەی عیراقی ناکرێ".