بەشدار حەسەن رایگەیاند، "لەلایەن پارێزەرانی عێراق و نوخبەی رۆشەنبیران و چالاکوانانی موتەنەبی، خەڵاتی رێزلێنانمان پێشکەش کرا، لە بەرامبەر ئەوەی خۆم و تیمەکەمان وەک باشترین داکۆکیکاری مافەکانی مرۆڤ لەسەر ئاستی جیهان بۆ ساڵی ۲٠۲۲ لەلایەن وەزارەتی دەرەوەی ئەمریکا هەلبژێردراین."

دەقی پەیامەکە...

ئەمڕۆ ١٩ ساڵ بەسەر مورافەعە مێژووییەکەی سەرۆک مام جەلال بۆ سەلماندنی کوردستانیبوونی کەرکووک و ناوچە دابڕێندراوەکان لە ڕێگەی بەڵگەی مێژوویی و یاساییەوە تێدەپەڕێت.

خەبات و ھەوڵدانی بێوچان و لەمێژینەی سەرۆک مام جەلال لەپێناو کەرکووک و پاراستنی شوناسی شارەکە، نیشاندەری ئەو راستییە حاشاھەڵنەگرەیە کە یەکێتیی نیشتمانیی کوردستان ھەرگیز سازشی لەسەر خاکی کوردستان نەکردووە و نایکات. باوەڕی نەگۆڕ و پتەوی ئێمە سەبارەت بە کوردستانیبوونی کەرکووک روونە، بەڵام تەبایی و پێکەوەژیانی نێوان نەتەوە و کەلتوورە جیاوازەکانی شارەکەمان لەیادنەکردووە و پارێزگاریمان لێکردووە.

ئێمە بە شوێنپێی سەرۆک مام جەلال و سوودوەرگرتن لە میراتە دەوڵەمەندەکەیدا دەڕۆین، ھەربۆیە لەماوەی رابردوودا لە ماڵەکەی خۆی لە بەغدا کە کۆکەرەوەی ھەموو دەنگە جیاوازەکان بوو، کاراکردنەوەی مادەی ١٤٠ـمان لە کارنامەی حکومەتی نوێدا جێگیرکرد و ھەموو ھەوڵێکیشمان لەپێناو جێبەجێکردنیدا دەبێت.

سڵاوی قارەمانێتی و خۆڕاگری بۆ کەرکووکییە سەربەرزەکان دەنێرین و پێیاندەڵێین شارەکەتان قودسی کوردستان بووە و ھەرواش دەمێنێتەوە.

بافڵ جەلال تاڵەبانی
سەرۆکی یەکێتیی نیشتمانیی کوردستان

کۆمپانیای دانەغازی ئیماراتی لە راگەیەندراوێکدا ئاماژەی بەوەکردووە، لە ساڵی رابردوودا ئاستی بەرھەمھێنانی غاز بەڕێژەی ١٪ بەرزکردووەتەوە، ھاوکات لە نیوەی دووەمی ساڵی رابردوودا  توانای بەرھەمھێنانی لە رێگەی کێلگەی غازی کۆرمۆر رۆژانە بەبڕی ٥٠ ملیۆن پێ سێجا بەرزکردووەتەوە، لە رۆژی ١٤ی مانگی کانونی دووەمی ئەمساڵیشەوە ئاستی بەرھەمھێنانی غازی سروشتی رۆژانە ٥٠ ملیۆن پێ سێجا زیادبووە و لە ٤٥٠ ملیۆن پێ سێجاوە بۆ ٥٠٠ ملیۆن پێ سێجا بەرزبووەتەوە.

کۆمپانیاکە راشیگەیاندووە، لە چوارچێوەی پلانی پەرەپێدان بە کێڵگەی کۆرمۆر، چوار بیریان ھەڵکۆڵیوە لەو پێنج بیرەی پلانیان بۆ داڕشتبوو. 

ھەروەھا کۆی داھاتی کۆمپانیاکە کە گەورەترین کۆمپانیایە کە لە کەرتی غازی سروشتی لە رۆژھەڵاتی ناوەڕاست کار دەکات، لە ٢٠٢٢دا بەراورد بە ٢٠٢١ بەڕێژەی ٥٣٪ بەرزبووەتەوە بۆ ١٩٦ ملیۆن دۆلار.  

لە کۆنگرەکەدا ئاماژە بەوەشکرا، پێویستە ھەموو تاکێکی کۆمەڵگە چاولە ئێمەی کورتەباڵاکان بکەن وەک (خورشیدە حسێن) کە ئەندامی کۆمەڵەی کورتە باڵاکانەو ھاوکاری گەیاندۆتە کەمپینەکە.
 

وەزارەتی رۆشنبیری  و لاوانی حکومەتی ھەرێمی کوردستان لە روونکردنەوەیەکدا رایگەیاندوە، لەچەند ڕۆژی ڕابردوودا  بومەلەرزەیەکی بەھێز، باکور و ڕۆژئاوی کوردستانی ھەژاند و بەدەیان ھەزار شەھید و برینداری لێکەوتەوە. وەک ھاودەردی لەگەڵ بنەماڵەی قوربانیانی ئەو دوو بەشەی کوردستان، بڕیاریداوە ھەموو چالاکییەکی ئاھەنگ ئامێز لەسەرجەم فەرمانگەکانی سەر بە وەزارەتەکەی رابگرێت.

شاناز ئیبراھیم ئەحمەد خانمی یەکەمی عێراق جەختی لەوە کردەوە مەسیحیەکان نوێنەرایەتی میراتی مێژووی عێراقن و پێکھاتەی سەرەکین ئەم نیشتمانەن.

 وتیشی، ھەر گۆڕانکارییەک لە ئامادەبوونیاندا کاردانەوەی نەرێنی دیمۆگرافیای ھەیە و کاریگەری دەخاتە سەر ئەو پێکھاتانەی دیکە کە میرات و کولتوور و مێژووی عێراق و ھاووڵاتیانی پێکبھێنن.

 خانمی یەکەمی عێراق خۆشحاڵی خۆی دەربڕی بە بەشداریکردن لە ئاھەنگی جەژنی کریسمس وھاتنی سەری ساڵی نوێ، ھەروەھا بە دیداری خێزان و منداڵە مەسیحییەکان کە نەوەکانی عێراقن کە ھەمیشەیی بەرھەمھێنان و کارلێککردن بە داھاتوو دەبەخشن بۆ خزمەتکردنی عێراق لە ھەموو بوارەکاندا.

لای خۆیەوە کاردیناڵ لویس ساکۆ سوپاس و پێزانینی خۆی دەربڕی بۆ بەشداریکردنی جەنابی سەرۆک کۆماری عێراق دکتۆر عەبدول لەتیف جەمال ڕەشید و خانمی یەکەمی عێراق   لە ئاھەنگەکانیان بۆ جەژنی کریسمس، جەختی لەسەر کاریگەرییە گەورەکانی ئەو بەشدارییە کرد لە بڵاوکردنەوەی دڵنیایی و خۆشی لە دڵی ھەموویان، وەک ھاندەرێکی گرنگ بوو لە تەرخانکردنی سەقامگیری دەروونی خۆیان و ئیرادەیان بۆ مانەوە لە وڵاتەکەیان و سوپاسی ھەموو ھەوڵەکانیان کرد بۆ خزمەتکردنی ئەو خۆشگوزەرانی مەسیحیەکان و سەرجەم ئاین و ئاینزاو پێکھاتەکانی ئەم نیشتمانە، ھاوڵاتی بوون کە شانازی بە سەربەخۆیی و ھاووڵاتیبوونی ڕاستەقینەی خۆیانەوە دەکەن

شەھید سەردار دووەم شەھیدی بنەماڵەکەیەتی لەدوای شەھید ئەندازیار قادر غەفور سلێمانی  براگەورکەی، لە شەوی ھەشت لەسەر نۆی ساڵی ۲۰۰۳ بەمەبەستی گفتوگۆ لەگەڵ  تاریک پەرستانی و دوژمنانی گەلی کورد لەگەڵ شەھیدان (شەوکەتی حاجی مشیر و حیکمەتی حاجی عوسمان) دەچنە ماڵی (مام ساڵح) کەسایەتی دیاری گوندی (گامێش تەپە)ی سەر بە سەیدسادق، بەڵام بەھۆی کارێکی دوور لە داب و نەریتی کوردەواری وئاینی ئیسلام لەکاتی گفتوگۆدا دەستی ڕەشی تاوانیان بۆ درێژدەکەن و شەھیدیان دەکەن  و دوا ماڵ ئاوایی لە گەل و یەکێتی و شارەزور دەکەن و دەگەنە کاروانی سەروەران.

 چوارئەندام لە بنەماڵەی مام ساڵح شەھید دەکرێن و زاھیر گەڵاڵی و فوئادی ئاغا بەگ کە بە دیل  گیرابوو لەلایەن تیرۆرستانەوە ئەوانیش شەھید دەکرێت و حەمە تۆفیقیش برای شەھید زاھیر بە سەختی بریندار دەبێت.

سەربەرزی بۆ سەرجەم شەھیدانی ڕیگای یٔازادی کوردستان و سەر شۆڕی و ڕوڕەشی بۆ تیرۆرستان

ژیان نامەی شەھید ئەندازیار سەردار غفور سلێمان:

ئەندازیار سەردار غفور سلێمان لەساڵی١٩٦١ لەزەڕایەن لەناوچەی شارەزورلەبنەماڵەیەکی کوردپەروەر چاوی بەدنیا ھەڵھێناوە، خوێندنی سەرەتای لە زەڕایەن تەواو کردوە و خوێندنی ئامادەیی لە سلێمانی تەواو دەکات، وە لە کۆلێژی ئەندازیاری لەبەغداد دەخوێنێت بەڵام بەھۆی بارودۆخی سیاسی ئەوکات ناتوانێ تەواوی بکات.

لەساڵی ١٩٨٥ دەبێتە پێشمەرگەو پلەکانی پێشمەرگەیاتی  زۆربەباشی دەبڕێت و بەردەوام دەبێت بەشداری چەندین داستان وچالاکی  پێشمەرگەکردوە، دواتر دەست دەکاتەوە بەخوێندن لەوڵاتی کۆماری ئیسلامی ئێران لە تەبرێز لەزانکۆ ی تەبرێز  لەبەشی (بەنداو)و وەردەگیرێت بەسەرکەوتووی تەواوی دەکات.

شەھید ئەندازیار سەردار چەندین پلەی حزبی بو حوکمی بڕیەوە لەوانە:

١- فەرماندەی فەوج بووە لەگەڵ کاک محمود سەنگاوی
٢- فەرماندەی  ھێزی(دوو)ی مەڵبەندی ڕێکخستنی شارەزور بووە.
٣- بەشداری خولی دووەمی ئاسایش وپۆلیسی کردوە
٤- دەبێتە لێپرسراوی ئاسایشی ھەڵەبجەی تازە دواتر دەبێتە لێپرسراوی ئاسایشی سەیدسادق
٥- دواین پلەی پێشمەرگایەتی دەبێتە فەرماندەی تانجەرۆ لەسنوری شارەزور.

 

شەھید ئەندازیار سەردار بەشداری چەندین خولی حزبی کردوە لەوانە:

١- خولی پەیمانگای کادیران
٢-خولی تایبەتی وزانیاری
٣-خولی جەنگ  نھێنی
٤-خولی ئامێری بێ سیم لەفەرماندەی گشتی

لەچاوپێکەوتنەکەدا باس لە پرسە جۆراوجۆرەکانی پەیوەست بە بەرپرسیارێتی خۆی وەک خانمی یەکەم و ئەو پلانانەی کە بۆ کارکردن دایڕشتبوو، کە مامەڵە لەگەڵ لایەنە جیاوازەکان دەکات، کۆمەڵایەتی، خێزانی، ڕۆشنبیری ،و ڕۆشنبیری، جگە لە پرسی ژن و منداڵ. وە ڕۆڵی گەنجان لە بنیاتنانی کۆمەڵگا و خۆشگوزەرانییەکەیدا.

ھەروەھا لە دیالۆگەکەدا باس لە واقیعی ژنان لە کوردستان و توانای بەشداریکردنیان لە کار و بەخشینی جیاکراوە و دیارترین وێستگەکان کە بە ژیانی ناوچەکەدا تێپەڕیون و ئەو کارەساتە نامرۆڤانەی کە لە ئەنفالدا ڕوویانداوە، و چۆنیەتیی کۆمەڵگا توانای تێپەڕاندنی زۆرێک لە قەیرانەکان لە سەردەمی ڕژێمی پێشوودا و سەرلەنوێ دەستپێکردنەوە بە پلاندانانی دروست کە گەشەکردن و گەشەپێدان و مافەکانی ھاووڵاتیانی بەدەستبھێنێت.

لە چاوپێکەوتنەکەیدا باس لە سەردەمی داعش و ڕۆڵی نەرێنی میدیاکان کرا، کە بەشدار بوو لە زیادەڕۆییکردن لە بوونی و قەیران و قەیرانەکان کە کاریگەرییان لەسەر چەندین توێژ دروست کرد.
خامی یەکەمی عێراق جەختی لەوە کردەوە، کە دیموکراسی زاراوەیەکی زوو تێپەڕ نییە و ئەو کۆمەڵگایانەی بەدوایدا دەگەڕێن کۆمەڵگان کە توانای بەکارھێنانی گونجاوی وشەسازییەکەی و تێکرای ژیانی گشتی  تێیدا ھەیە.

ئاوات شێخ جەناب وەزیری دارایی و ئابوری لە میانەی کۆبوونەوەی لەگەڵ کلاوس شتڕایشەر کونسوڵی گشتی ئەڵمانیا لە ھەرێم رایگەیاند،  لەسەرەتای ئەم کابینەیەوە بڕوایان بەوە بووە کێشەکان بە گفتوگۆ چارەسەربکەن، لەو پێناوەشدا زیاتر لە ٣٠ جار سەردانی بەغدایدان کردووە و دوای دانوستانێکی دورو درێژ گەیشتوونەتە ڕێکەوتن لەسەر بودجەو نەوت و ماددەی ١٤٠.   

وتیشی، گرنگی دەدەن بەوەی پەیوەندییەکانی نێوان ھەرێم و بەغداد بە یاسا رێکبخرێت و دادگایەکی بێلایەنی تایبەتمەند ھەبێت بۆ یەکلاکردنەوەی ئەو دۆسیە ھەڵپەسێردراوانەی لەنێوان ھەردوولادا ھەن، رونیشیکردەوە وەفدی ھەرێم ئامادەیی نیشانداوە بۆ وردبینی لەسەرجەم داتا و زانیار و دۆسیەکانی تایبەت بە فرۆشتنی نەوت و داھاتی ناوخۆ و چەند جارێکیش وەفدی دیوانی چاودێری دارایی عێراق ھاتونەتە ھەرێم و ھاوکاری تەواوکراون، لەلایەکی ترەوە لێکتێگەیشتنی تەواوکراوە لە رێگای لیژنەی ھاوبەشەوە چاودێری و سەرپەرشتی پرۆسەی دەرھێنان و فرۆشتن و داھاتی نەوتی ھەرێم بکرێت.

کونسوڵی ئەڵمانیاش لە ھەرێمی کوردستان رایگەیاند، بەرەوپێشچوونی باش لە گفتوگۆکانی نێوان ھەرێم و بەغداد ھەیە و ئەوانیش ھاوکار و پشتیوان دەبن بۆ گەیشتن بە چارەسەری بنیاتنەرانە.

بەپێی دواین ئامار تائێستا دوو ھەزار و ٩٢١ کەس گیانیان لەدەستداوە و ١٥ ھەزار و ٨٣٤ کەسی تریش برینداربوون، ھەروەھا شەش ھەزار و ٢١٧ باڵەخانەش ھەرەسیان ھێناوە و تیمەکانی فریاگوزاری لە ھەوڵی رزگارکردنی ئەو کەسانەدان لەژێر داروپەردووی باڵەخانە ڕووخاوەکاندان و تائێستا زیاتر لە ھەشت ھەزار کەس بە زیندوویی رزگارکراون.

بەھۆی بوومەلەرزەکەوە سیستمی کارەبا و دابەشکردنی غاز تێکچووە و چەند ناوچەیەک بێ غازن، بەھۆی ھەرەسی رێگەکانەوە گەیشتن بە ھەندێک ناوچەی کارەساتبار قورس بووە.

بەرەبەیانی رۆژی دووشەممە بومەلەرزەیەکی بەھێز بە گوڕی ٧.٧ پلە بە پێوەری رێکختەر  ١٠ پارێزگای باکوری کوردستان و تورکیای ھەژاند و دواتریش دەیان بومەلەرزەی بچوکتری بەدواداھات.

ھاوپەیمانی نێودەوڵەتی دژی داعش لە تویتێکدا ئاماژەی بۆ ئەوەکردووە، ھاوپەیمانی نێودەوڵەتی ھاوبەشی ھێزی پێشمەرگەیە و پابەندن بە بەردەوامی راوێژ و ھاوکارییەکانیان بۆ ھێزی پێشمەرگەی کوردستان بۆ لەناوبردنی داعش.

ھاوکات داوا لە یەکێتیی نیشتمانیی کوردستان و پارتی دیموکراتی کوردستانیش دەکات، لەسەر پرسی چاکسازی لە وەزارەتی پێشمەرگەدا ھەماھەنگ بن و ھاوکاری یەکتربن و یاداشتنامەی لێکتێگەیشتنی نێوان ئەمەریکا و وەزارەتی پێشمەرگەی حکومەتی ھەرێم جێبەجێبکەن.

میدیاکانی تورکیا بڵاویانکردووەتەوە، دوای ئەوەی چەند لە چەند رۆژی رابردوودا بەھۆی رووداوەکانی بومەلەرزە کە چەند پارێزگایەکی تورکیای گرتەوە، ھەناردەی نەوت لە رێگەی بۆری نێوان کەرکوک و بەندەری جەیھان کە لەنێوان عێراق و تورکیادا راکێشراوە، راگیرا، بەڵام رۆژی سێشەممە ھەناردەی نەوتی کەرکوک لە بەندەری جەیھانەوە دەستیپێکردەوە.

 قائیمقامی سلێمانی رایگەیاند،  لە یەکەم رۆژی کەمپینی ھاوخەمتانین بڕێکی زۆر خواردن و پێداویستی گەیەندراوەتە کەمپینەکەو بۆ ئەمەش سوپاسی نەبڕاوەی ھەڵوێست و خەمخۆری خەڵک و سەرمایەدارانی سلێمانی و ھەموو کوردستان دەکەین بۆ گەیاندنی کۆمەک و ھاوکارییەکانیان. 

ئاوات محەمەد قائیمقامی سلێمانی راشیگەیاند، ئەمڕۆ سێ شەممە حەوتی شوبات کۆبوونەوەی لیژنەی سەرپەرشتیکردنی کەمپینی«ھاوخەمتانین» بۆ بەھاناوەچونی لێقەوماوانی بومەلەرزەکەی باکور و رۆژئاوای کوردستان لە مۆزەخانەی  نیشتیمانی ئەمنە سورەکەی سلێمانی بەڕێوەچوو کە تێیدا پلان و میکانیزمی کۆکردنەوە و گەیاندنی کۆمەکەکان لە نزیکترین ماوەدا تاوتوێ کرا.

قائیمقامی سلێمانی وتیشی، داوا لە سەرمایەدارانی بەڕێز و رێکخراوە خێرخوازییەکان و ھاوڵاتیانی سلێمانی و ھەموو ھەرێمی کوردستان دەکەین تا رۆژی شەممەی داھاتوو ١١ مانگ وەک ھاوخەمی و ھەڵوێستێکی نیشتیمانی و نەتەوەیی و ئاینی و مرۆیی کۆمەک و ھاوکارییەکانتان بگەیەنن بە کەمپینەکە بۆئەوەی زۆرترین بڕی کۆمەک و ھاوکاری بگەیەنین بە خوشک و براکانمان لە باکور و رۆژئاواو رۆژھەڵاتی کوردستان کە ئێستا لە بارودۆخێکی سەخت و دژواردان ، چاوەڕێی کۆمەک و ھاوکارییەکانتانین ھەروەک سوپاستان دەکەین لە یەکەم رۆژی کەمپینەکەدا بڕێکی زۆر خواردن و پێداویستیتان گەیاندە کەمپینەکەو بەم ھەڵوێستە ئەو پەڕی دڵسۆزی پەرۆشی خۆتان نیشاندا.

 قائیمقامی سلێمانی دەشڵێت، لەماوەی ئەم چەند رۆژەی ھەڵمەتەکەدا چاوەڕێ دەکرێت دەیان تۆن کۆمەک و ھاوکاری کۆبکرێتەوەو بەپێی ئەو پلانەی کە دانراوە لە ماوەیەکی نزیکدا رەوانەی باکور و رۆژئاواو رۆژھەڵاتی کوردستان دەکرێت.

راگەیاندنی قائیمقامیەتی سلێمانی

"ھیوا عەلی"وتەبێژی وەزارەتی کشتوکاڵ و سەرچاوەکانی ئاوی ھەرێم بە کوردسات نیوزی راگەیاند، نوسراوێکیان ئاڕاستەی سەرۆکایەتی ئەنجومەنی وەزیران کردوە کە تورکیا بخرێتە لیستی قەدەغەی ھاوردەی بەرھەمی پەلەوەرییەوە، چونکە تورکیا لەلایەن رێکخراوی تەندروستیی جیھانەوە خراوەتە ریزی ئەو وڵاتانەی ئەنفلۆنزای باڵندەیان تێدا بڵاوبووەتەوە، لەبەرئەوە پێویستە ھاوردەی بەرھەمی پەلەوەری لە جۆرەکانی مریشک و ھێلکە و باڵندەوە قەدەغە بکرێت.

وتەبێژی وەزارەتی کشتوکاڵ ئاماژەی بۆ ئەوەکرد، بەڵام لەسەر راسپاردەی سەرۆکایەتی ئەنجومەنی وەزیران، کە داوای لە بەڕێوەبەرایەتی گشتی گومرگی ھەرێم کردوە کارکردن بەو نوسراوەی وەزارەتی کشتوکاڵ رابگرن و کاری پێنەکەن، لە ئێستادا گومرگی ھەرێم کار بەنوسراوەکە ناکات.

 "د. نەرمین معروف" ئەندامی لیژنەی دارایی ئەنجومەنی نوێنەرانی عێراق رایگەیاند، لەکۆبوونەوەی ئەنجومەنی وەزیراندا بڕیار دراوە لەسەر خەرجکردنی پارەی گەنمی ساڵی ٢٠١٥ و ٢٠١٦ جوتیاران.

وتیشی پێشتر چەندین ھەوڵیانداوە بۆ خەرجکردنی شایستەی دارایی ساڵانی رابردووی جوتیاران، تا ناردنی سکاڵا بۆ سەرۆک وەزیرانی عێراق دەربارەی کەمتەرخەمی وەزارەتی بازرگانی فیدڕاڵ لە خەرجکردنی شایستەی دارایی.

د. نەرمین معروف باسی لەوەشکرد، لەو چوارچێوەیەشدا ھەفتەی رابردوو بۆ گەیاندنی ئەو کێشەیە سەردانی سەرۆک کۆماری کردوە، بەڵێنی دا سەرۆک وەزیرانی عێراق رابسپێرێت بۆ ئەوەی لە کۆبونەوەی ھەفتانەی ئەنجومەنی وەزیران بڕیاری کۆتایی دەربکەن و دواجار بڕیارەکە دەرکرا.

بەڕێوەبەرایەتی گشتی کەشناسی و بومەلەرزەزانی ھەرێم لە راگەیەندراوێکدا رایگەیاند، سەعات ٤:١٧ بومەلەرزەیەک بە پلەی ٧.٨ بە پێوەری رێختەر باکوری کوردستان و تورکیا و سوریای گرتەوە و دوای سێ خولەک لە بومەلەرزەکە سەعات ٤:٢٠ لە پارێزگاکانی ھەرێمی کوردستان ھەستی پێکرا کە مەزندە دەکرێت پلەکە ٤.٧ بە پێوەری رێختەر کاریگەری لە ھەرێمی کوردستان ھەبووبێت و لە پارێزگای دھۆک زیاتر ھەست بە بومەلەرزەکە کراوە.

پەیامنێرانی کوردسات نیوز رایانگەیاند، بەشێک لە ھاووڵاتیانی دھۆک و ھەولێر بە تایبەت ھاووڵاتیانی یەکەکانی نیشتەجێبوون لە ماڵەکانیان ھاتنەدەرەوە و بۆ ماوەیەک لەناو ئۆتۆمبێلەکانیان مانەوە. دەشڵێن، بومەلەرزەکە لە ھەرێمی کوردستان ھیچ زیانێکی نەبووە.