کوردستان
لە پەیامێکدا ، سکرتێری گشی پارتی چەپرەوی کوردی لە سوریا، پیرۆزبایی لە سەرۆک بافڵ جەلال تاڵەبانی و تەواوی ئەندامانی مەکتەبی سیاسی و ئەندامانی ئەنجومەنی سەرکردایەتی و لایەنگرانی یەکێتی کردوە بە بۆنەی ھەڵبژاردنی سەرۆک بافڵ جەلال تاڵەبانی وەک سەرۆکی یەکێتی نیشتمانی کوردستان و ھیوای خواستوە ئەو بۆنەیە سەرەتایەک بێت بۆ گەشەکردنی زیاتری یەکێتی و پتەوکردنی پەیوەندییەکانی نێوان یەکێتی و پارتی چەپرەوی کوردی سوریا کە پەیوەندییەکی مێژوویی لە نێوانیاندا ھەیە سەرباری ھەموو ئەو قورسایی و ئاستەنگانەی لەو پەیوەندییە سیاسییەدا ھەبووە.
ھەر لەو راگەیەندراوەدا، پشتگیری پارتی چەپرەوی کوردی سوریا بۆ ھەڵوێستە نیشتمانیی و نەتەوەییەکانی یەکێتی نیشمانی کوردستان لە ھەرچوار پارچەی کوردستان دوپاتکراوەتەوە.
بەرێوەبەرایەتی گشتی کارەبای سلێمانی رایگەیاند، ئەمڕۆپێنجشەممە لیژنەی دیاریکردنی نرخی موەلیدە ئەھلییەکان کۆبوەوە، بە گوێرەی نرخی گازوایل نرخی کاتژمێرێک ئەمپێری موەلیدە بە (٦٥) دینار بۆ مانگی ئاب دیاریکرا، کەبە تێکڕایی موەلیدە ئەھلییەکان لەنێوان (٢٨٠) بۆ (٣٠٠) کاتژمێڕ کاریان کردوە، بەمەش نرخی ئەمپێرێک کارەبا لەنێوان (١٨) ھەزار بۆ (١٩) ھەزار و (٧٥٠) دینار دەبێت و نرخی ئەمپێرێکیش لە گەڕەکێک بۆ گەڕەکێکی دیکە جیاوازە بەو پێیەی بەپێی ئەو پێوەرە ھەژماردەکرێت کەبۆ موەلیدەکان دانراوە و کاتژمێڕی کارکردنیان تۆماردەکات.
ئاماژەی بەوەشکرد، سەبارەت بە بەرنامەی کارکردنی موەلیدەکان بۆ مانگی ئەیلول، ھەرکاتێک کارەبای نیشتمانی کوژایەوە پێویستە موەلیدە ئەھلییەکان کارەبا بۆ ھاوڵاتیان دابین بکەن، لەکۆبوونەوەکەشدا ئەو خاڵە دووپاتکرایەوە، کە پێویستە پاش کوژانەوەی کارەبای نیشتمانی (١٠) خولەک زیاتر بەسەر کارپێکردنی موەلیدە تێنەپەڕێت، بەپێچەوانەوە سەرپێچیکار روبەڕوی یاسا دەکرێتەوە.
لە ئاگادارییەکەی بەرێوەبەرایەتی ھاتوچۆی ھەولێردا ھاتووە، سەرجەم ھاوڵاتیان وشوفێران لەکاتی سەردانیکردنی بەشی مۆڵەت بۆ وەرگرتنی فۆرم یان تازەکردنەوەی مۆڵەت، دەبێت ئەو بەڵگەنامانەیان بەوێنەی ڕەسەن لەلابێت.
١- کارتی نیشتیمانی یان ناسنامەی باری کەسی
٢- کارتی زانیاری
٣- مۆڵەتی بەسەرچوو (بۆئەوکەسانەی مۆڵەت تازەدەکەنەوە)
٤- پاسپۆرت ئەگەرھەیان بێت، ەئەگەر نەیانبێت سپێڵی ناوی سیانی خۆیان بەئینگلیزی لەسەر ھەربەڵگەنامەیەکی رەسمی یان نوسینگەیەکی وەرگێڕان وەربگرن وھاوپێچی بکەن لەگەڵ بەڵگەنامەکانیان.
بەڕێوەبەرایەتی ئاسایشی ھەولێر لە ڕاگەیەندراوێکدا ئاماژەی بەوەکردووە، لە رۆژی ٢٥ی ئابی رابردوودا تۆمەتبارێک لەکاتی گواستنەوەیدا لە دەستی ھێزە ئەمنیەکان ڕایکرد و خۆی حەشاردا، بەڵام ئەمڕۆی لەلایەن ھێزە ئەمنییەکانی ھەولێرەوە دەستگیرکرایەوە.
بەڕێوەبەرایەتی ئاسایشی ھەولێر باسی لەوەشکردووە، لەکاتی دەستگیرکردنی ئەو تۆمەتبارەدا دوو کەسی دیکە دەستگیرکراون کە دەستیان ھەبووە لە شاردنەوەی ئەو تۆمەتبارەی ھەڵاتبوو.
لە راگەیەندراوێکدا تیمی پارێزەرانی زیندانیانی بادینان ئاماژەیان بەوەکردووە، لەبەر پاراستنی دۆخی تەندروستیان و وەکو پرسێکی مرۆڤایەتی زیندانیانی بادینان مانگرتنەکەیان بشکێنن و رێکارە ئیدارییەکان بۆ گواستنەوەی زیندانیانی بادینان بۆ چاکسازی گەورانی سلێمانی بکرێت کە مافێکی ئاسایی و یاسایی خۆیانە و داواکەش پێشکەشی بەرێوەبەرایەتی چاکسازی ھەولێر کراوە.
ئاماژە بەوەشدراوە، بەبیانووی جیاواز و نا مەنتقی رێگری لە پارێزەران و ئەندامانی لیژنەی مافی مرۆڤی پەرلەمان و دامەزراوەکانی دیکە دەکرێت سەردانی سزادراوانی بادینان بکەن، بۆیە داواکراوە لایەنی پەیوەندیدار رێگربن لە سزادانی زیندانیانی بادینان و وەکو پرسێکی یاسایی و بەپێ پرەنسیپەکانی مافی مرۆڤی مامەڵەیان لەگەڵدا بکرێت.
پارێزەرانی زیندانیانی بادینان جەختیشیان کردووەتەوە لەوەی کە لایەنێکی سیاسیەی لەپشت سزادانی زیندانیانی بادینانە لە ھەولێر و بەسەر ھەموو دامەزراوەیەکدا زاڵە، ھەربۆیە دەیانجار ئەو گیراوانە سزادراون و بێبەشکراون لە چەندین مافی سەرەتاییان.
ئەوەش داواکاریەش لە دوای ئەوە دێت کە رۆژی چوارشەممە، دوای داوکاری گشتی، دادگای کەتنی دەشتی ھەولێریش ئازادکردنی مەرجداری بۆ پێنج دەستگیرکراوی شیلادزێ رەتکردەوە، کە ماوەی زیاتر لە مانگێکە مانیان لە خواردن گرتووە.
بەڕێوەبەرایەتی ئاسایشی رۆژئاوای سلێمانی لە راگەیەندراوێکدا دەڵێت، تۆمەتبارەکە لە چەمچەماڵ دەستگیر کراوە و لە کاتی لێکۆڵینەوەدا دانی بە تاوانەکەیدا ناوە چەندین گرتەی ڤیدۆیتر لەناو مۆبایلەکەیدا دەستیبەسەردا گیراوە.
دەشڵێت، " لەبەر ھەستیاری دۆسێکەو ڕەوتی لێکۆڵینەوە گرتە ڤیدۆییەکانی تر بڵاوناکەینەوەو پارێزراون ."
لە کۆتایی راگەیەندراوەکەی ئاسایشی سلێمانیدا ھاتووە، "ئۆپراسیۆنەکە بەردەوامدەبێت بۆ قەڵاچۆکردن و دەستگیرکردن و بنبڕکرندی تێرۆرو تێرۆریستان لەپێناو پاراستنی ئارامی و ئاسایش و خۆشگوزەرانی ھاوڵاتیان."
راگەیاندنی پارێزگای ھەولێر بڵاویکردەوە، لەم ھەفتەیەدا لە کۆی پشکنینی ٤٨ وێستگە، لە لایەن لیژنەی پشکنین و چاودێریکردنی بەنزینخانەکانی سەر بە بەڕێوەبەرایەتیی نەوت و کانزاکانی ھەولێر، ١٢ بەنزینخانە لە ھەولێر و دەوروبەری بەھۆی دەستکاریکردنی کوالیتی بەنزین و خراپی ئەو بەنزینەی دەیفرۆشن بە ھاووڵاتیان، سزادراون و رێکاری یاسایی بەرامبەریان گیراوەتەبەر.
راشیگەیاند، لە سەرەتای مانگی حوزەیرانەوە تاوەکو یەکی مانگی ئەیلولی ئەمساڵ، کۆی گشتیی ئەو بەنزینخانەی سزادراون گەیشتووەتە ٢٥٤ بەنزینخانە و لیژنەکانی بەدواداچوون و چاودێرییکردنی بەنزینخانەکانیش، ھەوڵەکانیان چڕترکردووەتەوە بە مەبەستی کۆنترۆڵکردن و پاراستنی خەسڵەت و کوالێتی بەنزین.
شاناز ئیبراھیم ئەحمەد لە کاروباری وەبەرھێنەران و بەڵێندەران و بازرگانانی سلێمانی دەکۆڵێتەوە
شاناز ئیبراھیم ئەحمەد لەدوو کۆبوونەوەی جیادا لەگەڵ بەڵێندەران و وەبەرھێنەران و بازرگانان ھەوڵەکان بۆ سەرلەنوێ بوژاندنەوەی کەرتی ئابوری تاوتوێ دەکات و پشتیوانی یەکێتییان بۆ دەردەبڕێت.
لەمیانی ئەو کۆبوونەوانەدا کە ئەمڕۆ پێنج شەممە ١ی ٩ی ٢٠٢٢ ، لەھۆڵی دادە ھێرۆ لەبارەگای مەڵبەندی ١ی رێکخستنی سلێمانی بەرێوەچوو، شاناز ئیبراھیم ئەحمەد کارگێڕی مەکتەبی سیاسی و سەرپەرشتیاری مەڵبەندەکانی (سلێمانی، چەمچەماڵ، شارەزوور، گەرمیان و راپەڕین)ی یەکێتیی نیشتمانیی کوردستان، تاوتوێی شێوازی دۆزینەوەی میکانیزمی پێویستی کرد بۆ کاراترکردنی کارەکانی وەبەرھێنەران و بەڵێندەران و بازرگانان بۆ خزمەتکردنی شاری سلێمانی و جێبەجێکردنی پرۆژەکانیان لەپێناو جوڵاندنی بازاڕی کار و وەگەڕخستنی سەرمایەکانیان، ھاوکات بەووردی گفتوگۆ کرا لەبارەی ئاستەنگەکانی بەردەم جموجوڵی بازرگانی لەسنوری سلێمانی و کێشەی بازرگانان و خاوەن کارە خۆماڵییەکان.
لەکۆبوونەوەکەدا، وەبەرھێنەران و بەڵێندەران و بازرگانانی سلێمانی راشکاوانە باسیان لەو کێشانە کرد کە رووبەڕوویان دەبێتەوە و بۆ ئەوەش داوایان کرد کە خاتوو شاناز وەک دڵسۆز و خەمخۆرێکی سلێمانی پشتیوانیان بێت تا زەمینەی لەبارتر بۆ کارکردنیان بێتەکایەوە و بەدڵنیاییەکی زیاترەوە سەرمایەکانیان بخەنە خزمەت جێبەجێکردنی پرۆژەکانەوە.
دوای گوێگرتن لەگرفت و پێشنیازەکانیان، شاناز ئیبراھیم ئەحمەد پێی راگەیاندن وەک یەکێتیی نیشتمانیی کوردستان پەرۆشین بۆ چارەسەرکردنی کێشەکانتان بەمەبەستی ھاندان و پشتیوانیی بۆ بەردەوامیدان بەکاروانی خزمەت لەپێناو رەخساندنی ھەلی کار و جوڵاندنی بازاڕ و بوژاندنەوەی ژێرخانی ئابوری تا بازاڕی کار لەسلێمانی جموجوڵی ئاسایی خۆی بەخۆوە ببینێتەوە و بەبنیاتنان و ئاوەدانی لەسێکتەرە جیاوازەکاندا، خۆشگوزەرانی بۆ کۆمەڵانی خەڵکی خۆمان فەراھەم بکەین.
ھاوکات شاناز ئیبراھیم ئەحمەد لەگەڵ بەڵێندەران و وەبەرھێنەران بیرۆکەی دانانی (سندوقی شار)ی پێشنیازکرد تا بەتەنگ سێکتەرە گرنگەکانی پایتەختی رۆشنبیرییەوە بچن و بەھەوڵی ھەموو لایەک شاری شاران ئاوەدانتر بکرێتەوە و کلتور و شارستانیەتی بپارێزرێت.
شاناز ئیبراھیم ئەحمەد وتیشی، دەبێ حکومەت بەدەنگ داواکاری بازرگانانەوە بچێت و دەرفەت بڕەخسێنێت بۆ وەبەرھێنانی ناوخۆیی و متمانە لای وەبەرھێنەران و بەڵێندەران دروست بکات، بەجۆرێک خستنەگەڕی سەرمایەکانیان و بەھێزکردنی سێکتەری بازرگانی و پیشەسازی و کشتوکاڵی ھەرێمی لێبکەوێتەوە.
کۆبوونەوەکان بەخستنەڕووی پێشنیازی وەبەرھێنەر و بەڵێندەران و بازرگانان کۆتایی ھات.
ھەسەدە و ئاسایشی ناوخۆی باکور و رۆژھەڵاتی سوریا رایانگەیاند/ لە ھەفتەی یەکەمی قۆناغی دووەمی ئۆپراسیۆنی مرۆیی و ئەمنی لە کەمپی ھۆل و دوای پشکنینی زیاتر لە ٥٠%ی کەمپەکە، ١٢١ کەس بەتۆمەتی پەیوەندی بە داعشەوە دەستگیرکراون کە ١٥یان ژنن، ١٦ تونێلیش ئاشکراکراون کە لەلایەن شانە نوستوەکانی داعشەوە بۆ خۆشاردنەوە بەکاریانھێناوە.
ھەروەھا ١١٩ خێوەت لابراون کە وەک شوێنی مەشق و دادگای شەرعی و ئەشکەنجەدان بەکارھێنراون و دەستیش بەسەر ٤٨ مۆبایل و لاپتۆپێک و دوو ھارددا گیراوە.
ھەسەدە و ئاسایشی باکور و رۆژھەڵاتی سوریا راشیانگەیاند، بە پێی لێکۆڵینەوە سەرەتاییەکان دەرکەوتووە، دەستگیرکراوان پەیوەندییەکی بەھێزیان لەگەڵ شانە نوستوەکانی دەرەوەی کەمپەکەدا ھەبووە.
دەقی پەیامەکە:
ئەمڕۆ یادی خەمی نیشتمانی و کارەساتی نەتەوەیی ٣١ ی ئابە کە شەڕی ناوخۆ و ناکۆکی سیاسی لە وڵاتەکامانی گەیاندە لوتکە و خیانەتێکی مێژوویی لێکەوتەوە، وەختێک سوپای بەعسی فاشی، لە ٣١-٨- ١٩٩٦ھەولێری پایتەختی حوکمرانی کوردستانی داگیر کرد بە ھاوکاری ھێزەکانی پارتی دیموکراتی کوردستان.
دوای چەندین ناکۆکی و ناخۆشی شەڕی براکان، گەلەکەمان و کەسوکاری شەھیدان و یەکێتیی نیشتمانیی کوردستانیش ئەم برینە قووڵەیان بە پێکەوەیی و ویستی یەکریزی کوردەواریی گۆڕییەوە و لاپەڕەی خەمناکی ناکۆکیان سپارد بە ئاشتی و ئاوەدانی و پێکەوە بەرەنگاری ھەڕەشەکانی سەر میللەتەکەمان.
ئەمڕۆش ھەمان ویست و پێویستی لە ئارادایە، کە ھەڕەشەی سەر کۆی پرۆسەی سیاسی عێراق بە کوردستانیشەوە وامان لێدەخوازێت بەرەی ناوخۆیی کوردستانی پتەو بکەین، بۆ ئەوەی پێکەوە ھەموو لایەنەکانی کوردستان بپەرژێنە سەر ئەرکەکانی قۆناغی داھاتوو، کە داکۆکییە لە مافەکانی گەلەکەمان لە عێراقێکی دیموکرات ، فیدراڵ و تەوافوقیدا.
نەمری بۆ سەرجەم شەھیدانی ٣١ ئاب و تەواوی شەھیدانی گەلەکەمان.
مەکتەبی راگەیاندن
٣١-ی ئابی ٢٠٢٢
لیژنەی وزە و سامانە سروشتییەکان و پیشەسازی و بازرگانی کۆبوونەوە و کێشە و گرفتەکانی بەردەم دابەشکردنی نەوتی سپی و کەمی غاز تاوتوێ کرا.
لە کۆبوونەوەکەدا بڕیاردرا سەردانی وەزارەتی سامانە سروشتییەکان بکەن و داوایان کرد سەرۆکایەتی پەرلەمانی کوردستان نوسراوێک ئاراستەی ئەنجومەنی ھەرێمی بۆ کاروباری نەوت و گاز بکات بەمەبەستی دابینکردنی بڕی پێویست لە نەوتی سپی و غازی ماڵان.
ھاوکات لیژنەکە دوو پێشنیازی بۆ حکومەت کردووە، کە پشکی بەشە غازی ماڵان زیادبکرێت، ھەروەھا کۆی بەرھەم بکرێتە کۆبۆن، بۆ ئەوەی دڵنیابن کە ئەو رێژەیە دەگاتە ماڵان یان نانەواخانەکان.
سەبارەت بە نەوتی سپییش، لیژنەکە داوادەکات حکومەت بڕیار و پلانی ھەبێت بۆ دابەشکردنی نەوتی سپی بەسەر ماڵاندا، داواشدەکەن ھەناردەی گازوایل رابگیرێت، لەکاتێکدا وەزارەتی سامانە سروشتییەکان بە لیژنەکەیان راگەیاندووە ئاگاداری ئەو ھەناردەیە نین و مۆڵەتیان پێنەداون.
دەقی پەیامەکە:
ئازاد ھەورامی سەرکردەیەکی سیاسی، کوردپەرەر، رووناکبیر و ھونەردۆست بوو!
ئازاد ھەورامی سەرکردەیەکی سیاسی، کوردپەروەر، رووناکبیر و ھونەردۆست و ناسراوی کوردستان و یەکێتیی نیشتمانیی کوردستان بوو، کەسایەتییەکی دیاری نێو بزوتنەوەی رزگاریخوازی گەلەکەمان و خۆشەویستی ناو خەڵک و ھەڤاڵەکانی بوو.
شەھیدی سەرکردە ئازاد ھەورامی لە ماوەی تەمەنی خۆیدا چەندین لێپرسراوێتی باڵای رێکخراوەیی و حزبی پێ سپێردراوە، لە ھەموویاندا سەرکەوتووانە ئەرکەکانی بە باشی راپەڕاندووە.
مەخابن! ئەم سەرکردە گەورە و دیارەی کورد و یەکێتیی نیشتمانیی کوردستان، لە دوا قۆناغەکانی ئەنفال، و لە رۆژی ٣ی ئابی ١٩٨٨دا لە گوندی کونەکۆتری دۆڵی باڵەییان، بەھۆی بۆردومانی فڕۆکەکانی رژێمی بەعسی لەناوچوو بە سەختی بریندار دەبێت، و رۆژێک دواتر لە ٣١-٨-١٩٨٨دا و لە کاتی گواستنەوەی لە شێخ ئایشەوە بۆ ئاڵوەتان و بەھۆی سەختی برینەکەیەوە شەھید دەبێ و دەچێتە ریزی کاروانی شەھیدانی کوردستان!
لەم یادەدا؛ سڵاو.. لە روحی بەرزەفڕی ئازادی سەرکردە..!
بە نەفرەت بن دووژمنانی گەلەکەمان..!
ئاسۆ مامەند
ئەندامی دەستەی کارگێڕی (م.س) و سەرپەرشتیاری کەرکوک-سەڵاحەدینی یەکێتیی نیشتمانیی کوردستان
کەمال محەمەد وەزیری سامانە سروشتییەکان بەوەکالەت، لەگەڵ ئیرڤین ھیکس کونسوڵی گشتی ئەمریکا لە ھەولێر کۆبووەوە و باسیان لە ھەماھەنگی نێوان تیمی کونسوڵخانەی ئەمریکا و وەزارەتی سامانە سروشتییەکان و پڕۆسەی بەرھەمھێنان و ھەناردەکردنی نەوتی ھەرێمی کوردستان کردووە و رایگەیاندووە، بەرھەمھێنان و ھەناردەکردنی نەوتی ھەرێم یاسایی و دەستوورییە.
ھاوکات کونسوڵخانەی ئەمریکا لە ھەولێر رایگەیاند، پشتگیریی گفتوگۆکانی نێوان حکومەتی ھەرێم و حکومەتی عێراق لەبارەی بەرھەمە نەوتی و گازییەکان دەکەن و ھاوڕان ئەو گرێبەستە نەوتییانەی کە ھەن دەبێت رێزیان لێبگیرێت.
ئەوەش لە کاتێکدایە کە ھەفتەی رابردوو ئاژانسی ھەواڵیی رۆیتەرز بڵاویکردەوە، کۆمپانیای سۆمۆی عێراق بە نامەیەک ھەڕەشەی گرتنەبەری رێکاری یاسایی توند دژی کڕیارانی نەوتی ھەرێمی کوردستانی کردووە، لە بەرامبەریشدا وەزارەتی سامانە سروشتییەکانی ھەرێم وەڵامی کۆمپانیای سۆمۆی دایەوە و رایگەیاند، نامەکەی سۆمۆ ھیچ نییە جگە لە دڵۆپێکی دیکە لە رژاندنی زانیاری ناڕاست وەک بەشێک لە شەڕێکی سیاسی.
دادگەی فیدڕاڵیی عێراق لە مانگی شوباتی ئەمساڵدا، بە بڕیارێک یاسای نەوت و گازی ھەرێمی کوردستانی بە نادەستووری ناساند.
مەکتەبی سیاسیی بزوتنەوەی دیموکراتیی ئاشووری، لە پەیامێکی پیرۆزباییدا دەڵێت، بەڕێز بافڵ جەلال تاڵەبانی سەرۆکی یەکێتیی نیشتمانیی کوردستان، سەرکردایەتی و جەماوەری بزوتنەوەی دیموکراتیی ئاشووری، دڵخۆشن بە پێشکەشکردنی گەرمترین پیرۆزبایی، بەبۆنەی ھەڵبژاردنتان بە سەرۆکی یەکێتی و وەرگرتنی متمانە لە سەرکردایەتیی یەکێتی، لەم رەوشە سیاسییە سەختە و چەقبەستووەی کە نیشتمانەکەمان و ھەرێمی کوردستانی تێدایە.
دەشڵێت، ھیوادارن لە کاتی سەرکردایەتیکردنی یەکێتیی نیشتمانیی کوردستان، رێبازەکەی مام جەلال تێدا بەردەوام و ئامادە بێت و سەرکەوتووبن لە سەرکردایەتیکردنی یەکێتی، لە بەدەستھێنانی خواستە رەواکانی گەلی کورد.
مەکتەبی سیاسیی بزوتنەوەی دیموکراتیی ئاشووری، داواش لە ھەمووان دەکات کار بکەن بۆ گەڕاندنەوەی رەوشەکە بۆ رێڕەوی سروشتی خۆی بە تەواوکردنی بنیادنانی سیستمێکی دیموکراسیی دادپەروەر و بەدەستھێنانی ھاوبەشیی نەتەوەیی و نیشتمانی و نوێنەرایەتیکردنی پێکھاتەکانی ھەرێمی کوردستان و عێراق، بە شێوەیەکی دادپەروەر.
لە کۆنفڕانسێکی رۆژنامەوانیدا فەرمان رەشاد سەرۆکی ریکخراوی ستۆپ بۆ چاودێری و پەرەپێدان راپۆرتێکی سەبارەت بە مەترسییەکانی کەمبوونەوەی ئاوی ژێرزەوی لە ھەولێر خستەروو و رایگەیاند، بۆ دابینکردنی ئاوی خاوێن لە ھەولێر، بە رێژەی لە سەدا ٦٠ پشت بە ئاوی ژێرزەوی دەبەسترێت، بەڵام لەئێستادا ئەو ئاوە تا رادەیەکی زۆر کەمبووەتەوە و قوڵایی بیرەکان تا ٦٠٠ مەتر گەیشتووە، بەڵام بەرھەمھێنانی ئاو بۆ ٧٠ گالۆن کەمبووەتەوە.
وتیشی، ئاوی ژێرزەوی ھەولێر لەچەند ساڵی رابردوودا ساڵانە ٥ بۆ ٦ مەتر کەمیکردووە، ھۆکارەکەشی گەڕاندەوە بۆ زیادبوونی پرۆژەکانی یەکەی نیشتەجێبوون کە بەشێوەیەکی سەرەکی پشت بە ئاوی ژێرزەوی دەبەستن و کاریگەرییان لەسەر کەمبوونەوەی ئاو ھەیە.
وتیشی، بەھۆی نەگونجانی لەگەڵ بنەماکانی ھاوسەرگیری لە ئیسلامدا، بۆیە داواکارن لە زانایانی ئایینی، خۆیان لە ئەنجامدانی گرێبەستی ئەو ھاوسەرگیرییە بەدووربگرن.