کوردستان
دەقی پرسەنامەکە :
بەداخێکی زۆرەوە ھەواڵی کۆچی دوایی حاکم (فەرھاد حاتم حسێن)مان پێگەیشت.
حاکم فەرھاد دادوەرێکی بەئەزموون و کەسایەتی سەرڕاست و ناسراوی کوردستان بوو. خزمەتێکی بەرچاوی گەلەکەی کرد و بەداخەوە کوردستان یاساناسێکی شارەزای لەدەستدا.
بۆ ئەم خەمە گەورەیە پرسە و ھاوخەمی قووڵی خۆمان ئاڕاستەی کەسوکار، بنەماڵە و ھاوڕێیانی دەکەین و لەخوای گەورە داواکارین رۆحی کۆچکردوو شاد بکات و سەبووری و ئارامی بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
براشانت بیسای باڵیۆزی ھندستان لە بەغداد پەیامێکی ئاراستەی سەرۆک بافڵ جەلال تاڵەبانی کردووە بە بۆنەی ھەڵبژاردنی بە سەرۆکی یەکێتیی نیشتمانیی کوردستان و رایگەیاندوە، دڵنیان لەوەی بافڵ جەلال تاڵەبانی وەک سەرۆکی یەکێتی نیشتمانی کوردستان زیاتر کار دەکات بۆ پتەوکردنی پەیوەندییەکانی نێوان ھەردوولا.
ئاماژەی بەوەشکردوە، باوەڕی وایە کە لە سایەی سەرۆکایەتی بافڵ جەلال تاڵەبانیدا یەکێتیی نیشتمانیی کوردستان بەردەوام دەبێت لە خزمەتکردنی ھەرێمی کوردستان و درێژە بە ڕێبازەکەی سەرۆک مام جەلال دەدات.
وەزارەتی کارەبای ھەرێم رایگەیاند، بەمزوانە قۆناغی دووەمی پڕۆژەی بەستنی پێوەری زیرەک دەچێتە بواری جێبەجێکردنەوە، کە نزیکەی ٥٠٠ ھەزار پێوەری تر لە ھەرێم بۆ ھاوبەشانی کارەبا دەبەسترێت.
جەختی لەوشکردووەتەوە، تائێستا ملیۆنێک و ٤٥٠ ھەزار ھاوبەشی کارەبا پێوەری زیرەکیان بۆ بەشتراوە، بەوەش بڕێکی زۆری بەفیڕۆدانی کارەبا چارەسەرکراوە، ئەو پێوەرەش بە سەرکەوتووترین پێوەری کارەبا دادەنرێت.
وەفدێکی لایەنە سیاسییەکانی ڕۆژئاوای کوردستان لەگەڵ (نیکۆلاس گرینجەر) نێردەی نوێی ئەمریکا بۆ کاروباری باکور و خۆرھەڵاتی سوریا کۆبونەوە، لە کۆبوونەوەکەدا باس لە ھێرشەکانی سوپای تورکیا بۆ سەر ناوچەکانی رۆژئاوای کوردستان و مەترسی دووبارە سەرھەڵدانەوەی تیّرۆر کرا.
ھەر لە کۆبوونەوەکەدا (نیکۆلاس گرینجەر) ڕایگەیاند، بوونی نوێنەرایەتییەکی گەورەی ویلایەتە یەکگرتووەکانی ئەمریکا لە باکوری خۆرھەڵاتی سوریا، جددیەتی واشنتۆن لە پشتیوانیکردنی ناوچەکە و ھەوڵدان بۆ بەرقەرارکردنی ئاسایش و سەقامگیری پشتڕاست دەکاتەوە.
ئاماژەی بەوەشکرد، ئیدارەی ئەمریکا پەیامی ڕەتکردنەوە و ئیدانەکردنی ھێرشەکانی تورکیا بۆ سەر باکور و ڕۆژھەڵاتی سوریا بۆ ئەنقەرە ناردووە، جەختیشی لە گرنگی چارەسەری سیاسی بۆ قەیرانی سوریا کردەوە.
"رێواز فایەق"سەرۆكی پەرلەمانی كوردستان لە كۆبونەوەیكی تایبەتدا لەگەڵ نوێنەرانی رێكخراوە ناحكومییەكان سەبارەت بە نەبونی یاسای بودجە لە هەرێمی كوردستان رایگەیاند، لیژنە پەیوەندیدارەكان كاری خۆیان كردوە و چەند جارێكیش داوا لە حكومەتی هەرێم كراوە پڕۆژە یاسای بودجە ئامادە بكات، وتیشی، نەبوونی یاسای بودجە بەسە بۆ ئەوەی متمانە لە حكومەت وەربگیرێتەوە.
دەقی پرسەنامەکە:
کۆسرەت رەسول عەلی ھاوخەمی بۆ کۆچی دوایی حاکم فەرھاد حاتەم دەردەبڕێت
بەڕێزان: کەسوکارو خانەوادەی حاکم فەرھاد حاتەم
بەداخێکی زۆرەوە ھەواڵی کۆچی دوایی دادوەری بەتواناو کەسایەتی دیارو ناسراوی بواری یاساو سەرۆکی پێشووی داواکاری گشتی (د. فەرھاد حاتەم)م بیست، دڵگران و خەمباری کردم، ھاوبەشی خەمتانم.
حاکم فەرھاد لەژیانی خۆیدا وەک دادوەرێکی دڵسۆزو پارێزەری جێبەجێکردنی یاساو بەرەنگاربوونەوەی ناعەدالەتی رۆڵێکی دیارو بەرچاوی ھەبوو، بەوپەڕی دڵسۆزییەوە خزمەتی دەکردو داکۆکیکارێکی سەرسەختی جێبەجێکردنی یاسا بوو، کۆچی دوایی و لەدەستدانی زیانێکی گەورەیە و کەلێنێکە بە ئاسانی پڕ ناکرێتەوە، بۆ ئەم خەمە قووڵە پرسەو سەرەخۆشی و ھاوخەمی خۆم ئاراستەی ئێوەو خانەوادە تێکۆشەرەکەتان دەکەم، ھیواخوازم ئەمە دواکۆست و ناخۆشیتان بێت، خوای گەورە سەبووری ھەموو لایەک بدات و کۆچکردوو جێگای بەھەشتی بەرین بێت.
کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان
"رەنج پشدەری"رۆژنامەنووس بە کوردسات نیوزی راگەیاند، ئەو ٥٥ کۆچبەرەی کە بەشێکیان کوردی ھەرێم و رۆژھەڵاتی کوردستان و ئەفغانی بوون و ماوەی دوو رۆژ بوو لە یەختێکدا لە نزیک دوورگەی کریتی لە نێوان یۆنان و ئیتاڵیا گیریانخواردبوو، لەلایەن پۆلیسی یۆنانەوە رزگارکراون.
وتیشی، لەئێستادا ئەو کۆچبەرانە لەلای پۆلیسی یۆنانن، بەڵام نازانرێت یۆنان وەریاندەگرێت یاخود دیپۆرتی تورکیایان دەکاتەوە، بۆیە چارەنوسیان نادیارە.
پەیامنێری کوردسات نیوز رایگەیاند، رووداوەکە نزیکەی سەعات ٩ی بەیانی ئەمڕۆ روویداوە، خاوەنی ماڵەکە لە کاتی ئیشپێکردنی ئۆتۆمبێلەکەی، بۆمبەکە تەقیوەتەوە و بەھۆیەوە برینداربووە و بۆ چارەسەر رەوانەی نەخۆشخانە کراوە.
وتیشی، ھێزە ئەمنییەکان دەستیان بە لێکۆڵینەوە کردووە، بەڵام تا ئێستا ھۆکاری و پاڵنەری رووداوەکە نەزانراوە.
پەیامنێری کوردسات نیوز راشیگەیاند، بەھۆی تەقینەوەکەوە زیان بەر ماڵەکە و چەند ماڵێکی دراوسێی کەوتووە.
بە وتەی مەزھەر محەمەد ساڵح، پێویستبوو قەرزە دەرەکییەکانی عێراق لە ساڵی ٢٠٢٠ بۆ ٢٠٢٢ بدرێتەوە، بەڵام حکومەت نیتوانیوە بۆ ئەو مەبەستە پلانێکی داڕشتووە بۆ کەمکردنەوەی قەرزەکان لەماوەی پێنج ساڵی داھاتوودا.
ئەوەش لەکاتێکدایە لە چەند ساڵی ڕابردوودا بەھۆی شەڕی داعش و دابەزینی نرخی نەوت و بڵاوبوونەوەی ڤایرۆسی کۆرۆنا عێراق ڕووبەڕووی قەیرانی ئابووری بوەوە.
لە ڕاگەیەندراوێکدا دەستەی کەشناسی عێراق بڵاوی کردەوە، لە رۆژی شەممەوە عێراق دەکەوێتە ژێر نزمەپاڵەپەستۆیەکی گەرماری وەرزییەوە، بەو ھۆیەشەوە بۆ ماوەی چەند ڕۆژێک پلەکانی گەرما لە سەرانسەری عێراق بەرزتر دەبنەوە لە چاو ڕۆژانی ڕابردوو.
ئاماژەی بەوەش کردوە، لە ڕۆژی چوارشەممەی داھاتووەوە جارێکی تر پلەکانی گەرما نزم دەبنەوە، بەدیاریکراویش لە ناوچەکانی باکور و ناوەراستی عێراق، لە ناوچەکانی باشوریش لە ڕۆژی پێنجشەممەی داھاتوەوە پلەکانی گەرما دەستبە نزمبوونەوە دەکەن.
کەشناسی عێراق ھۆشداری داوەتە ھاوڵاتیان، لەو چەند ڕۆژەدا خۆیان بە دوور بگرن لە کاریگەرییەکانی تیشکی خۆر و، لە کاتە گەرمەکاندا بۆ کاری زۆر پێویست نەبێت نەچنە دەرەوە.
جۆزیف وو، وەزیری دەرەوەی تایوان ڕایگەیاند، ئامانج لە مانۆڕە سەربازییەکانی چین لە دەوروبەری تایوان، بۆ ڕێگریکردنە لە گەیشتنی ھێزە بیانییەکان، ئەگەر ھاتوو جەنگ لە ناوچەکەدا بەرپا ببێت.
وەزیری دەرەوەی تایوان ڕوونیکردەوە، سوپای چین بەردەوامە لە خڕکردنەوەی ھێز و کۆمەکی سەربازیی زیاتر، وەک ئامادەکارییەک بۆ ھێرش کردنە سەر دورگەی تایوان.
لە لایەکی دیکەوە وەزارەتی بەرگری تایوان ئاشکرایکرد، لەماوەی ڕابردوودا پێشێلکاریە ئاسمانییەکان چین بۆ سەر ئاسمانی تایوان زیادیکردووە و، لە ماوەی ڕابردوودا ٤٤٠ فڕۆکەی سەربازیی چین ھاتوونەتە سەر ئاسمانی تایوان، ئەوەش گومان و نیگەرانییەکانی ئەوانی زیاتر کردووە، سەبارەت بە پیلانە سەربازییەکانی چین لە دژی وڵاتەکەیان.
ڕاوێژکاری ئەڵمانیا لە دیدارێکدا لەگەڵ ھاوڵاتیانی وڵاتەکەی ڕایگەیاند، تا ئێستا چەند جارێک لەسەر یەک مێزی گفتوگۆ لەگەڵ پوتن دانیشتووە، و چەند جارێکیش بە تەلەفۆن پێکەوە قسەیانکردووە، بۆیە بەڕاشکاوی دەڵێت بەردەوام دەبێت لە گفتوگۆکردن لەگەڵ سەرۆکی ڕوسیا، چونکە ئەو گفتوگۆکردنە پێویستە.
سەبارەت بە دەستبەرداربوونی ئەڵمانیا لە گازی سروشتی روسیا لە لایەن ئەڵمانیا، شۆڵتز ڕایگەیاند، ئەوان بە ھیچ شێوەیەک برٍیاری لەو شێوەیە نادەن، چونکە بە ھەڵسوکەوتێکی نابەرپرسانەی دەزانن.
لە بەشێکی دیکەی وتەکانیدا ڕاوێژکاری ئەڵمانیا جەختیکردەوە، ئەوان بایەخ بە ھاوکاریکردنی ئۆکراین دەدەن، بەڵام بە ھیچ شێوەیەک نایانەوێت جەنگ لە نێوان ڕوسیا و ناتۆ بێتە ئاراوە.
شۆڵتز باسی لەوەشکرد، ئەڵمانیا تاکە لایەنانە ھیچ بڕیارێک نادات، بەڵکو بە وریاییەوە بیر لە بارودۆخەکە دەکەنەوە بەر لەوەی ھیچ ھەنگاوێکی تاک لایەن ببنێت.
دەقی پرسەنامەکە...
بەڕێزان خێزان و خانەوادەی کۆچکردوو حاکم فەرھاد حاتم حسێن
بەداخ و پەژارەیەکی زۆرەوە ھەواڵی کۆچی دوایی حاکم (فەرھاد حاتم حسێن)م پێگەیشت.
کۆچکردوو دادوەرێکی ژیر و یاساناسێکی بەتوانا و بوێر بوو، لەدوای ژیانێکی پڕ بەخشین و خزمەت بە گەل و نیشتمان، بەداخەوە جێی ھێشتین. بەکۆچکردنی حاکم فەرھاد گەلەکەمان دادوەرێکی دڵسۆزی لەدەست دا کەرۆلێکی دیاری ھەبوو لە خزمەتکردن.
بەم بۆنە غەمناکەوە پرسەو سەرەخۆشی ئاراستەی کەسوکار و ئازیزانی و ھاوڕێیانی دەکەم، خوای گەورە لێی خۆش بێت و جێگای بەھەشت بێت، سەبوری و دڵنەواییش بەھەموو لایەک ببەخشێت.
انا للە و انا الیە راجعون
قوباد تاڵەبانی
جێگری سەرۆکی ئەنجومەنی وەزیران
ئەمەل جەلال سەرۆکی دەستەی گەشتوگوزاری ھەرێمی کوردستان ئاشکرایکرد، لە ماوەی شەش مانگی سەرەتای ئەمساڵ زیاتر لە چوار ملیۆن گەشتیار روویان لە ھەرێمی کوردستان کردووە.
راشیگەیاند، ژمارەیەکی زۆر لەو گەشتیارانەی روویان لە ھەرێم کردووە، ھاووڵاتی ناوەڕاست و باشووری عێراقن، چونکە پلەکانی گەرما لە ھەرێم بەراورد بە پارێزگاکانی تری عێراق نزمترە.
دوای ٢ مانگ پشوو، بڕیارە ئەمڕۆ سەعات ١١ی پێش نیوەڕۆ خولی پاییزەی دانیشتنەکانی پەرلەمانی کوردستان دەستپێبکاتەوە، "رێواز فایەق" سەرۆکی پەرلەمانی کوردستان بانگھێشتنامەی ئاڕاستەی سەرجەم ئەندامانی پەرلەمان کردووە بۆ ئامادەبوون لە دانیشتنەکەدا.
بەپێی کارنامەی دانیشتنەکە، خوێندنەوەی یەکەم بۆ پڕۆژە یاسای کار لە ھەرێمی کوردستان_عێراق و پڕۆژە یاسای ھەمواری یەکەمی یاسای ئەنجومەنی شورای ھەرێمی کوردستان_عێراق دەکرێت.
ڕێکخراوی مافی مرۆڤی ھەنگاو ئاشکرایکرد، کۆڵبەرێکی گەنجی کورد کە تەمەنی ٢٣ ساڵە و خەڵکی سەردەشتە لەلایەن ھێزە ئەمنییەکانی ئێرانەوە لە سنوری بانە تەقەی لێکراوە و کوژراوە. ھەر بەپێی زانیارییەکانی ڕێکخراوی مافی مرۆڤی ھەنگاو، ساڵی ڕابردوو برایەکی ئەو کۆڵبەری کوژراوە لە سنوری سەردەست لەکاتی کۆڵبەری بە تەقەی ھێزە ئەمنییەکانی ئێران کوژراوە. ئەوەش لەکاتێکدایە لەماوەی ٤٠ ڕۆژی ڕابردوو حەوت کۆڵبەری کورد لە سنوری بانە لەلایەن ھێزە ئەمنییەکانی ئێرانەوە کوژراون.