کوردستان
سەرۆك كۆماری عیراق ئیمزای لەسەر هەمواری یاسای بودجە تایبەت بە هەناردەكردنەوەی نەوتی هەرێم كرد
پەیامنێری كوردسات نیوز ئاشکرایکرد: چاوەڕێدەكرێت رۆژی دووشەممە یاساكە لە رۆژنامەی وەقائیع بڵاوبكرێتەوە و دوای بڵاوکردنەوەشی دەچێتە بواری جێبەجێکردنەوە.
ئەمڕۆ كۆبوونەوەی وەفدی ئیمڕاڵی لەگەڵ لێپرسراوانی باڵای هەرێم بۆ گفتوگۆكردن لەبارەی پرۆسەی ئاشتی و تاوتوێكردنی پەیامەكەی عەبدوڵا ئۆجەلان دەستپێدەكات.
محەمەد كاماج پەرلەمانتاری دەم پارتی لە ئامەد و ئەندامی شاندەكە بە كوردسات نیوزی راگەیاند، وەفدی ئیمراڵی كە پێكهاتوون لە پەروین بوڵدان و سری سورەیا ئۆندەر ئەندامانی وەفدی ئیمراڵی و كەسكین بایندر هاوسەرۆكی گشتی دەبەپە و ئەندامانی فەرمانگەی یاسایی و وتەبێژی كۆمیسیۆنی پەیوەندییەكانی دەرەوەی دەم پارتی، رۆژی شەممە لە رێگەی دەروازەی زاخۆوە گەیشتونەتە هەرێمی كوردستان و ئەمڕۆ كۆبوونەوەكانیان لەگەڵ لێپرسراوانی هەرێم لە هەولێر دەستپێدەكات.
وتیشی، دوای تەواوبوونی كۆبوونەوەكانی هەولێر، سێشەممە سەردانی سلێمانی دەكەن و لەگەڵ لێپرسراوانی باڵای یەكێتی كۆدەبنەوە.
لای خۆیەوە سالار سەرحەد لێپرسراوی پەیوەندییە كوردستانییەكانی یەكێتیش بە كوردسات نیوزی رایگەیاند، وەفدەكەی دەم پارتی لە سلێمانی لەگەڵ بافڵ جەلال تاڵەبانی سەرۆكی یەكێتی نیشتمانیی كوردستان و لێپرسراوانی باڵای یەكێتی كۆدەبێتەوە.
لە سەردانەكەدا ئەنجامی چاوپێكەوتنەكانی رابردوویان لەگەڵ ئۆجەلان گفتوگۆیان لەسەر دەكرێت و بۆچوون و پێشنیارەكان وەردەگیرێن، دواتر بڕیارە ئەنجامی ئەو كۆبوونەوانەش بگەیەنرێتەوە ئیمراڵی.
بەیانی ئەمڕۆ یەکشەممە، بومەلەرزەیەک بە گوڕی 4.8 پلەی ڕێختەر باکوری کوردستانی هەژاند.
ناوەندی کارەسات و قەیرانەکانی تورکیا (ئافاد) بڵاوی کردووەتەوە، سەعات 02:24ی بەرە بەیانی ئەمڕۆ، بومەلەرزەیەکی بەهێز بە گوڕی 4.8 پلە، لە شارۆچکەی یەدیسوی سنووری پارێزگای چەولیگی باکوری کوردستان تۆمارکرا.
ناوەندی کارەسات و قەیرانەکان ئاماژەی بەوەداوە، بومەلەرزەکە لە قوڵایی 12 کیلۆمەتری زەوییەوە بووە و هیچ زەرەروزیانێک تۆمار نەکراوە.
سەبارەت بە چەقی بومەلەرزەکە هاتووە: چەقەکەی دەکەوێتە شارۆچکەی یەدیسوی سنووری پارێزگای چەولیگی باکوری کوردستان.
ئەمشەو شەممە، (سلیوە گۆرگیس مربێن) ناسراو بە ئەبو سەنا، کەسایەتی دیاری مەسیحییەکان و سلێمانی، لە وڵاتی بەریتانیا کۆچی دوایی کرد، بەو بۆنەیەوە چەند پرسە نامەیەک ئاراستەی کەسوکار و خانەوادەی کۆچکردوو کران.
دەقی پرسەنامەکان:
لەدڵەوە نیگەرانبووم بەکۆچی دوایی کەسایەتی دیاری مەسیحییەکان و شاری سلێمانی (سلیوە گۆرگیس مربێن) ناسراو بە ئەبو سەنا.
بۆ ئەم خەمە گەورەیە، پرسەو سەرەخۆشی ئاڕاستەی کوڕانی بەڕێزی ئەبوسەنا، کەسوکارو خانەوادە سەربەرزەکەیان و خوشک و برایانی مەسیحی لە سلێمانی دەکەم و هاوبەشی ماتەمیانم.
خوای گەورە رۆحی کۆچکردوو بۆ هەمیشە شادبکات، ئارامی و دڵنەوایی بە هەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
بەرێزان كەسوكارو خانەوادەی كۆچكردوو ئەبو سەنا
بۆ كۆچی دوایی كەسایەتی مەسیحی دیاری شاری سلێمانی وكوردستان(سڵێوە گۆرگیس مەربێن) ناسراو بە ئەبوسەنا ،پرسەوماتەمینی خۆمان ئاراستەی بەرێزتان و گشت خوشك و برا مەسیحیەكانی شاری سلێمانی دەكەین .
لە یەزدانی مەزن دواكارین رۆحی كۆچكردوو بەبەهەشتی بەرین شاد بكات و ئارامی بەگشت لایەك ببەخشێت
مەكتەبی سیاسی
یەكێتیی نیشتمانیی كوردستان
بافڵ جەلال تاڵەبانی، سەرۆکی یەکێتیی نیشتمانیی کوردستان، لە ئەڵمانیا لەگەڵ جۆناسان پاوڵ، راوێژکاری ئاسایشی نەتەوەیی بەریتانیا کۆبووەوە و دووپاتی لە گرنگی و پێویستی بەرەوپێشبردنی پەیوەندی دۆستانە و ھاریکاری نێوان هەرێمی کوردستان و عیراق لەگەڵ بەریتانیا کردەوە.
لە کۆبوونەوەکەدا سەرۆک بافڵ لەسەر تەواوی پرس و روداوەکانی هەرێمی کوردستان، عیراق و ناوچەکە هەڵوەستەیکرد و بۆچوون و ستراتیژی نیشتمانیی یەکێتی لەبەرانبەر پێشهاتەکان خستەڕوو و پشتیوانی تەواوی خۆی بۆ کەمکردنەوەی ئاستەنگەکان لەپێناو فەراهەمکردنی ئاسایش و ئارامی دەربڕی.
هەر لە کۆبوونەوەکەدا سەرۆک بافڵ جەلال تاڵەبانی دووپاتی لە گرنگی و پێویستی بەرەوپێشبردنی پەیوەندی دۆستانە و ھاریکاری نێوان هەرێمی کوردستان و عیراق لەگەڵ بەریتانیا کردەوە، بەجۆرێک کە خزمەت بە بەرژەوەندییە باڵاکانی ھەردوولا و بەھێزکردنی ئاسایش و سەقامگیری لە ناوچەکەدا بکات.
پرسی رووبەڕووبوونەوی پاشماوەکانی تیرۆرستانی داعش و یەکخستنی هەوڵە سەربازییەکان تەوەرێکی تری دیدارەکە بوو کە بیروبۆچوونیان لەبارەوە ئاڵوگۆڕ کرا و تەئکید لەبەردەوامی هەماهەنگییەکان و راوێژی بەردەوام کرایەوە بە ئاڕاستەی نەهێشتنەوەی هیچ دەرفەتێک بۆ جموجۆڵەکانی تیرۆرستان و زاڵبوون بەسەر ئاڵنگارییە ئەمنییەکاندا.
لە بەرانبەردا راوێژکاری ئاسایشی نەتەوەیی بەریتانیا پابەندبوونی وڵاتەکەی بە سەقامگیریی هەرێمی کوردستان و بەردەوامیی هاریکارییەکان دەربڕییەوەو رایگەیاند بەریتانیا بە گرنگییەوە لە پێگەی هەرێمی کوردستان دەڕوانێت و لە هەماهەنگییەکانیشمان بەردەوام دەبین.
بەهۆی بەفربارینی زۆرەوە رێگاكانی دەیان گوندی جۆلەمێرگ، موش و بەدلیس لە باكووری كوردستان داخران.
بەفربارین رێگای نێوان 284 گوندی ئەو سێ پارێزگایەی داخستووە و تیمەكانی كردنەوەی رێگەوبانیش رایانگەیاندووە، توانیویانە هاتوچۆی 282 گوند بكەنەوە.
بارینی بەفر و هاتنی سەرما لە چەند رۆژی رابردوودا هاتوچۆی لە رێگای گوندەكان و ناوشارەكانی جۆلەمێرگ و موش و بەدلیس پەكخستووە و سەرەڕای ماڵینی بەفریش، بەڵام رێگای زۆربەی گوندەكانی ئەو سێ پارێزگای باكووری كوردستان نەكراونەتەوە.
بەفربارین لە هەندێك ناوچەی باكووری كوردستان گەیشتوەتە زیاتر لە یەك مەتر و لە ناو شارەكانیش لە 40 سانتیم نزیك بوەتەوە.
وەفدی ئیمراڵی گەیشتە هەرێمی كوردستان و سبەینێ كۆبونەوەكانیان لەگەڵ لێپرسراوانی باڵای هەرێمی كوردستان دەستپێدەكات.
پارتی یەكسانی و دیموكراسیی گەلان 'دەم پارتی' رایگەیاندووە، وەفدی ئیمراڵی كە پێكهاتوون لە پەروین بوڵدان و سری سورەیا ئۆندەر ئەندامانی وەفدی ئیمراڵی و كەسیكن بایندر هاوسەرۆكی گشتی دەبەپە و ئەندامانی فەرمانگەی یاسایی و وتەبێژی كۆمیسیۆنی پەیوەندییەكانی دەرەوەی دەم پارتی، لە رێگەی دەروازەی زاخۆ گەیشتە هەرێمی كوردستان و سبەینێ كۆبوونەوەكانیان لەگەڵ لێپرسراوانی هەرێم دەستپێدەكات.
سالار سەرحەد لێپرسراوی پەیوەندییە كوردستانییەكانی یەكێتیش بە كوردسات نیوزی رایگەیاند، وەفدەكەی دەم پارتی لە سلێمانی لەگەڵ بافڵ جەلال تاڵەبانی و قوباد تاڵەبانی و لێپرسراوانی یەكێتی كۆدەبێتەوە.
لە سەردانەكەدا ئەنجامی چاوپێكەوتنەكانی رابردوویان لەگەڵ ئۆجەلان گفتوگۆیان لەسەر دەكرێت و بۆچوون و پێشنیارەكان وەردەگیرێن، دواتر بڕیارە ئەنجامی ئەو كۆبوونەوانەش بگەیەنرێتەوە ئیمراڵی.
تۆماركردنی منداڵی تازە لەدایكبوو لە فۆڕمی بەشەخۆراك دەستپێدەكاتەوە، بەڕێوەبەری گشتی بازرگانی هەرێمیش دەڵێت، دەبێت منداڵ كارتی نیشتمانی هەبێت.
نەوزاد كامیل بەڕێوەبەری گشتی بازرگانی لە وەزارەتی بازرگانی هەرێم بە كوردسات نیوزی راگەیاند، بەپێی سیستمی ئەلیكترۆنی خۆراك، هەموو كەسێك بە منداڵی تازە لە دایكبووشەوە تۆمار دەكرێت، بەڵام بە مەرجێك خاوەنی كارتی نیشتمانی بێت.
وتیشی، ئەگەر خێزانێك یان كەسێك كارتی نیشتمانی نەبێت، فۆڕمی خۆراكەكەی هەڵدەپەسێردرێت تا كارتی نیشتمانی بۆ دروست دەكرێت.
لەبارەی بە ئەلیكترۆنیكردنی فۆڕمی بەشەخۆراكیش ئاماژەی بۆ ئەوەشكرد، لە پارێزگای ناسریە بە ئەلیكترۆنیكردنی فۆڕمی خۆراك تەواو بووە و سەركەوتنی بە دەستهێناوە، لە بەغدادیش دەستپێكردوە، لە هەرێمی كوردستانیش ئامادەكاریی دەكرێت بۆ بە ئەلیكترۆنیكردنی فۆڕمی خۆراك.
بافڵ جەلال تاڵەبانی، سەرۆکی یەکێتیی نیشتمانیی کوردستان هەر لە چوارچێوەی کۆبوونەوەکانی لە پەراوێزی بەشداریکردنی لە کۆنفرانسی ئاسایشی میونشن لە ئەڵمانیا لەگەڵ ئان کلێر، راوێژکاری ئیمانوێل ماکرۆن سەرۆکی فەرەنسا کۆبوووە.
لە کۆبوونەوەکەدا دواین گۆڕانکارییە سیاسییەکان لەسەر ئاستی هەرێم، عیراق و رۆژهەڵات بیروبۆچوونیان لەبارەوە ئاڵوگۆڕکرا و جەخت لە پێویستی و گرنگی هەماهەنگی و گفتوگۆ لەنێوان هەموولایەک کرایەوە لەپێناو سەقامگیریی ئەمنی و سیاسی لە ناوچەکەدا.
سەرۆک بافڵ جەلال تاڵەبانی سوپاسی پشتیوانییەکانی گەل و حکومەتی فەرەنسای کرد کە لە جەنگی رووبەڕووبوونەوەی تیرۆرستانی داعش هاوکاری گەلی کورد بوون و رایگەیاند، فراوانکردنی هاریکاریی و هەماهەنگییە سەربازییەکان دەرفەتێکی باشە بۆ پاراستنی ئارامی و کۆنتڕۆڵکردنی جموجۆڵی پاشماوەکانی داعش و لەو رووەوە میکانیزمی نەهێشتنی بەربەستەکانی بەردەم ئاڵنگارییە ئەمنییەکانی روونکردەوە.
ئەمڕۆ شەممە، دووهەمین دیداری یەكێتی بە ناونیشانی "بە دیدگایەكی نوێ، بەهێزی و بەرەوپێشچوون و خزمەتگوزاری" لە موسڵ دەست بە کارەکانی دەکات و یەکەمین کۆنفرانسی ئامادەکاری بەڕێوەدەچێت.
بەسەرپەرشتی قوباد تاڵەبانی لێپرسراوی سكرتارییەتی سەرۆك مام جەلال و بەناونیشانی “بە دیدگایەكی نوێ، بەهێزی و بەرەوپێشچوون و خزمەتگوزاری” ئەمڕۆ کاروبارەکانی دووهەمین دیداری یەكێتیی نیشتمانیی كوردستان بە بەشداری كادرانی حزب و پێكهاتە جیاوازەكان لە موسڵ بەڕێوەدەچێت.
فەهمی بورهان لێپرسراوی سكرتاریەتی دیدار بە كوردسات نیوزی راگەیاند، ئامانجی دیدارەكە داڕشتنەوە و تاوتوێكردنی دیدگایەكی نوێ و ئامادەكاری و خۆسازدانی یەكێتییە بۆ قۆناغێكی نوێی سیاسی و حكومڕانی لە هەرێمی كوردستان، وتیشی، دیدارەكە هەوڵێكی دیكەیە بۆ بەهێزكردنی پێگە و سەنگی یەكێتی وەك حزبێكی دیارو كاریگەر لەسەر ئاستی هەرێمی كوردستان و عیراق و وڵاتانی ناوچەكە و جیهان، بەمەبەستی خۆگونجاندنی لەگەڵ كۆی ئەو گۆڕانكاریانەی لە ئارادان.
ئەوەش لە كاتێكدایە پێشتر لە رۆژی 12-3-2022 بەسەرپەرشتی قوباد تاڵەبانی، یەكەم دیداری یەكێتیی نیشتمانیی كوردستان لە سلێمانی دەستی بەكارەكانی كرد، كە 14 لیژنە بە نوێنەرایەتی سەرجەم چین و توێژ و كەرتە جیاوازەكان پێكهات، بۆ داڕشتنەوەی خشتەیەكی نوێی كاركردنی یەكێتی، لە رۆژی 31-5-2022 كۆتایی بەكارەكانی هات.
توركیا قەیومی لە جێگەی هاوسەرۆكی شارەوانی وان دانا، بە بڕیاری وەزارەتی ناوخۆی ئەو وڵاتەش هاوسەرۆكی شارەوانییەكە لە كارەكەی دوورخرایەوە.
ئەمڕۆ بە بڕیاری وەزارەتی ناوخۆی توركیا، عەبدوڵا زەیدان، هاوسەرۆكی گەورە شارەوانیی وان لە كارەكەی دوورخرایەوە، ئۆزجان باڵچی وەك قەیوم لە جێگەكەی دانرا.
ئەوەش لە كاتێكدایە رۆژی 11ی شوبات، دادگای باڵای تاوانەكانی ئامەد، بە تۆمەتی هاوكاریكردنی رێكخراوی قەدەغەكراو و بەشداریكردن لە خۆپیشاندان، سزای 3 ساڵ و 9 مانگ زیندانیكردنی بەسەردا سەپاند، دواتر بۆ ماوەی پێنج رۆژ لەبەردەم شارەوانی وان خۆپیشاندان و ناڕەزایەتی دژ بە سزاكەی عەبدوڵا زەیدان بەڕێوەچوو.
هێزەکانی دژەتیرۆر هەڵمەتێکی چڕی کێوماڵکردن لە زینانە ئەنجامدا و چەندین شوێنی گومانلێکراو پشکنراون.
لە چوارچێوەی هەوڵەکانی بەرەنگاربوونەوەی تیرۆر و پاراستنی ئاسایشی ناوچەکە، هێزەکانی بەڕێوبەرایەتی گشتیی دژەتیرۆر-CTG, بە هاوبەشی لەگەڵ دژەتیرۆری عێراق ICTS بە هاوبەشی لەگەڵ هێزەکانی هاوپەیمانان، هەڵمەتێکی بەرفراوانی کێوماڵکردنیان لە سنووری زینانە ئەنجامدا.
ئامانج لەم هەڵمەتە پاککردنەوەی ناوچەکەیە لە پاشماوەی گرووپە تیرۆریستییەکان و رێگرتنە لە هەر هەوڵێکی دووبارە رێکخستنەوە و سەرهەڵدانەوەیان و چەندین شوێنی گومانلێکراو پشکنراون.
ئەم هەڵمەتە بەشێکە لە ستراتیژی درێژخایەنی هێزە ئەمنییەکان بۆ پاراستنی سەقامگیری و ئاسایشی ناوچەکە و بەرگرتن لە هەر هەوڵێکی تێکدەرانەی تیرۆرستان.
لەم لینکەوە ڤیدیۆی ئۆپەراسیۆنەکە ببینن:
https://t.me/Kurdsat_telegram/1867
بافڵ جەلال تاڵەبانی سەرۆکی یەکێتیی نیشتمانیی کوردستان لە ئەڵمانیا لەگەڵ ناتالیا پوزیرێف، ئەندامی ئەنجوومەنی نیشتمانیی فەرەنسا لە لیژنەی بەرگری پەرلەمان کۆبووەوە.
لە کۆبوونەوەکەدا سەرۆک بافڵ جەلال تاڵەبانی دووپاتی لە بەردەوامی هەماهەنگی و کاری هاوبەش لەنێوان هەردوولا کردەوە لەپێناو یەکخستنی هەوڵەکان و بەرقەرارکردنی ئاشتی و سەقامگیری لە ناوچەکەدا بەجۆرێک ببێتە مایەی بەدیهێنانی خۆشگوزەرانی زیاتر بۆ وڵاتەکەمان.
سەرۆک بافڵ دووپاتی لە خواستی یەکێتی و گەلی کورد کردەوە لە بەرەو پێشبردنی پەیوەندییە لە مێژینەکان و بەھێزکردنی ھاریکاری ھاوبەش لەگەڵ فەرەنسا لە بوارە جیاجیاکاندا بەتایبەت لە بواری ئابووری و دیپلۆماسیدا و رایگەیاند، یەکێتی هەمیشە بەچاوی رێزەوە لەگەڵ و دەوڵەتی فەرەنسا، بە تایبەت هەڵوێستیی دڵسۆزانهی خاتوو دانیاڵ میتران دەڕوانێت كه له سهرجهم قۆناغەکانی سەختی خەباتی کوردایەتیدا پاڵپشت و داکۆکیکار بوو لە مافەکانمان و رایگەیاند، ئێمە قەت دۆستەکانمان کە لەگەڵمان بوون و پشتیان لێنەکردین لە یادناکەین و بەپێزانینەوە لەو پەیوەندییانە دەڕوانین و دەمانەوێت گەشەی چۆنایەتی پێبدەین.
لە بەشێکی تری کۆبوونەوەکە دۆخی رۆژهەڵاتی ناوەڕاست، بە تایبەت سووریا و پرسی کورد لە رۆژئاوا بیروبۆچوونیان لەبارەوە ئاڵوگۆڕکرا و سەرۆک بافڵ جەلال تاڵەبانی جەختی لە پاراستنی مافی هەموو نەتەوە و پێکهاتەکان کردەوە لە چوارچێوەی سووریای نوێدا، و ووتی دەبێت رێز لە قوربانیدان و خەباتی گەلی کورد لە رۆژئاوا بگیرێت و بەشدارێکی راستەقینە بێت لە بنیادنانەوەی وڵاتەکەیان هەر هەوڵێکیش بۆ پەراوێزخستن و لە دەرەوەی ئەم ئامانجە نیشتمانییە بە زیان بۆ ئاسایشی ناوچەکە دەشکێتەوە.
مەسرور بارزانی سەرۆكی حكومەتی هەرێمی كوردستان رایگەیاند، هەسەدە نوێنەرایەتی هەموو كورد لە سوریا ناكات، هەروەها پێویستە دیمەشق لەگەڵ تەواوی پارتە كوردییەكان بكەوێتە گفتوگۆ.
مەسرور بارزانی لەمیانی چاوپێكکەوتنێكی لەگەڵ كەناڵی ئەل عەرەبییە لەبەر ڕۆشنایی پێشهاتە نوێیەكانی سوریا باسی لەوەكردووە، هێزەكانی سوریای دیموكرات نوێنەرایەتی هەموو كورد لە سوریا ناكەن.
وتیشی، هەسەدە نوێنەرایەتی بەشێك لە كورد دەكات و ئاگاداری گفتوگۆی نێوان ئەوان و دیمەشق نییە، دەشڵێت؛ پێویستە دیمەشق لەگەڵ تەواوی پارتە كوردییەكان بكەوێتە گفتوگۆ، نەوەك تەنیا هێزەكانی سوریای دیموكرات.
ئەوەش لەكاتێكدایە، سەرۆكایەتی سوریا ئەو هەواڵەی رەتكردەوە كە گوایە دانوستانەكان لەگەڵ هێزەكانی سوریای دیموكرات كۆتایی هاتووە.
بەمەبەستی کارکردن شەقامی تونێلی پێشڕەو بەرەو هەواری شار دادەخرێت.
سەرۆكایەتی شارەوانی سلێمانی ئاگاداری شۆفێران و هاووڵاتیان دەكات كە یەکشەممە 16_2_2025، بەمەبەرستی کارکردن لە شەقامی تونێلی پێشڕەو بەرەو هەواری شار هەردوو سایدەکە بەربەستدەکرێت (لە فلکەی بەردەم بەرزاییەکانی سلێمانی) بە ئاڕاستەی (تونێلی پێشڕەو) و بە ئاڕاستەی ڕۆشتن و هاتن بەربەستدەکرێت بەمەبەستی کارکردن لەو شەقامە.
راشیدەگەیەنێت؛ داواکارین لە هاووڵاتییان شەقامی سەرەکی دەباشان بەکاربهێنن تا کردنەوەی شەقامەکە.