کوردستان
رۆژی 1ـی 6، ساڵیادی دامەزراندنی یەکیتیی نیشتمانیی کوردستانە و لەمساڵیدا 51 ساڵ بەسەر ئەو یادەدا تێپەڕدەبیت و چەندین پیرۆزبایی ئاڕاستەی سەرۆک و ئەندامانی مەکتەبی سیاسی و سەرکردایەتی و هەموو یەکێتییەکان کراوە.
پیرۆزبایی یەکگرتووی ئیسلامی کوردستان
بەبۆنەی ساڵیادی دامەزراندنی یەكێتی نیشتمانی كوردستانەوە جوانترین پیرۆزبایی پێشكەش بەجەنابی كاك بافڵ سەرۆكی یەكێتی و بەڕێزانی مەكتەبی سیاسی و سەركردایەتی و ڕێكخستنەكانی یەكێتی دەكەین..
بەهیوای ساڵێكی پڕ لەسەركەوتن و پێشكەوتن بۆ ئێوەی بەڕێز و پرۆسەی سیاسی كوردستان..
یادەكەتان لەكاتێكدایە كە گەل و نیشتمان پێویستی بەهیمەتێكی باڵاو پێشوە چونێكی باشتر هەیە بۆ یەكڕیزی و چارەسەری گرفتە ناوخۆیەكانی ناوماڵی هەرێم و عێراق و چاوەڕێی زۆرتر ئەكرێ لە بەڕێزتان لەم بارەیەوە..
بۆ پەیوەندیە دوو قۆڵیەكانمان خوازیاری پێشكەوتن و بەتینترین لەپێناو خزمەتی زیاترو خەباتی هاوبەشی زۆرتردا..
سەركەوتووبن ...
مەكتەبی سیاسی
یەكگرتووی ئیسلامی كوردستان
31/5/2026
پیرۆزبایی حەمەی حەمەسەعید
پیرۆزبایی لێپرسراوی مەڵبەندی ڕێکخستنی شنگال
بەیاننامە و پیرۆزبایی بەبۆنەی ٥١ـەمین ساڵیادی دامەزراندنی یەکێتیی نیشتمانیی کوردستان
خەڵکی و جەماوەر و کادیرە کۆڵنەدەرەکانی یەکێتیی نیشتمانیی کوردستان، بە هەستێکی پڕ لە شانازی و سەربەرزییەوە، گەرمترین و قۆڵترین پیرۆزبایی ئاراستەی سەرۆک بافڵ جەلال تاڵەبانی و تەواوی کادیر و لایەنگران و جەماوەری یەکێتیی نیشتمانیی کوردستان دەکەین، بەبۆنەی پەنجا و یەکەمین ساڵیادی دامەزراندنی ئەم قەڵا تێکۆشەر و پێشەنگە. مێژووی ئەم حزبە، کاروانێکی پڕ لە قوربانیدان و دەستکەوتی حاشاهەڵنەگرە لەسەر ئەرزی واقیع.
لەم بۆنە ئازیزەدا، بە پێزانین و ئەمەکدارییەوە یاد و هاوکارییە گەورەکان، پشتگیرییە نەگۆڕەکان و هەڵوێستە مێژووییەکانی سەرۆکی نەمر "مام جلال" دەکەینەوە، پێش ئەوەی نەخۆشی لە گۆڕەپانی سیاسی دووری بخاتەوە؛ ئەو سەرکردەیەی کە کۆڵەکەی بنەڕەتیی بۆ پاراستن و خزمەتکردنی پێکهاتەی ئێزیدی و خەڵکی شنگال دانا، و بە ڕاستی باوکی ڕۆحی و پشتیوانێکی بەهێزی ئێمە بوو.
ئێمە ئەمڕۆ، لە سایەی ئەم یادەدا، باس لە ئاوات و خۆزگە ناکەین، بەڵکو بە شانازییەوە ڕاستی و ئەو دەستکەوتانە دەخەینەڕوو کە دوای ڕووداوەکانی ساڵی ٢٠١٤ و بە هەوڵ و دڵسۆزیی کادیرەکانمان بەدیهاتوون:
* **لەسەر ئەرزی واقیع و لە مەیدانی جەنگدا،** دەوری میحوەریی یەکێتیی نیشتمانیی کوردستان بە کرداری ڕەنگی دایەوە، کاتێک خوێنی تێکۆشەرانی تێکەڵ بە خوێنی هێزەکانی تر و پاڵەوانانی خۆڕاگریی ئێزیدی بوو، تا پێکەوە و بە خوێنی پاکیان، داستانی مێژوویی ڕزگارکردنی شنگال تۆمار بکەن و پشتی تیرۆر بشکێنن.
* **قۆناغی دوای ڕزگارکردن ئاسان نەبوو،** بەڵام ئێمە بە کردەوە سەرکەوتوو بووین لە چەسپاندنی سەقامگیریی باری ئەمنی و بڵاوکردنەوەی ئارامی لە تەواوی ناوچەکەدا، کە ئەمەش دیارترین دەستکەوتە کە ئەمڕۆ خەڵکەکەمان لە شنگال لە سایەیدا دەژین.
* **بەهۆی هەوڵە هاوبەشەکانمانەوە،** هانمەر و پشتبەستنی هاووڵاتیانمان کرد بۆ گەڕانەوە بۆ سەر زێد و ماڵوموڵکی خۆیان، تا دووبارە ڕۆح و ژیان بە شار و گوندەکانیان ببەخشنەوە و بە هیممەت و کارەکانیان، ناسنامەی ڕەسەنی خاکی باوک و باپیرانیان بسەلمێننەوە.
* **هەوڵەکانمان سەركەوتوو بوون لە دامەزراندنی هەماهەنگییەکی ڕاستەقینە** لە نێوان هێزە سیاسییەکان و سەرجەم پێکهاتەکاندا، کە توانی ڕیزی شنگالییەکان یەکبخات و ببێتە کەناڵێکی فەرمی و کاریگەر بۆ گەیاندنی داواکارییەکانی خەڵک بەوپەڕی دەستپاکی و قورساییەوە بۆ باڵاترین دەسەڵاتە فیدراڵییەکان لە بەغدای پایتەخت.
* **هەروەها وەک بەربەستێکی پۆڵایین و بە توندی وەستاینەوە** دژی هەموو ئەو پیلان و نەخشەیانەی کە لایەنەکان دەیانویست پێی یاری بە چارەنووس و بەرژەوەندیی شنگال و خەڵکەکەیەوە بکەن، و بە کردەوە سەلماندمان کە بڕیاری شنگال تەنها و تەنها لەلایەن خەڵکە دڵسۆز و شەریفەکەی خۆیەوە دەدرێت.
سەروەری و نەمرانی بۆ شەهیدانی یەکێتیی نیشتمانیی کوردستان و شەهیدانی خۆڕاگریی ئێزیدی، و بژیت یەکێتیی نیشتمانیی کوردستان وەک بەدیهێنەر و دەستەبەرکاری مافی هەموان.
داود جندی شێخ کالۆ
لێپرسراوی مەڵبەندی ڕێکخستنی شنگالی
یەکێتیی نیشتمانیی کوردستان
پیرۆزبایی وەزیری پلاندانانی حکومەتی هەرێم
یەکێتیی نیشتمانیی کوردستان لە ڕابردوودا هێزی پارێزەری گەل و نیشتمان بووە، لە ئێستاشدا هێزی ئاوەدانی و سەقامگیریی هەرێمی کوردستانە و بۆ داهاتووش هێزی حوکمڕانییەکی باش و چەسپاندنی دادپەروەری و دەوڵەتدارییە. بە درێژایی ٥١ ساڵی خەبات، یەکێتی هەمیشە هەڵگری ئامانجە نەتەوەیی و نیشتمانییەکانی گەلی کورد بووە و بەردەوام بووە لە خزمەتکردنی گەل و پاراستنی دەستکەوتە نەتەوەییەکان.
کاروانی یەکێتی بەردەوامە؛ لە نەوەی شۆڕشەوە بۆ نەوەی بنیادنان.
لە یادی ئەم بۆنە پیرۆز و شکۆدارەدا، سەری ڕێزمان بۆ ڕۆحی پاکی شەهیدانی ڕێگای ئازادی و سەربەخۆیی دادەنێین و بە شانازییەوە یادی سەرۆک مام جەلال و هاوڕێیانی، پێشمەرگە قارەمانەکان، تێکۆشەران و هەموو خەباتگێڕانی ڕێبازی یەکێتی دەکەینەوە؛ ئەوانەی کە بە گیانفیدایی و خۆبەخشین، بناغەی ئێستای کوردستانیان دامەزراند و میراتێکی پیرۆزیان بۆ نەوەکانی داهاتوو بەجێهێشت.
د. دارا ڕەشید
وەزیری پلاندانانی حکومەتی هەرێم
دامەزراوەی سەرۆک جەلال تاڵەبانی
دامەزراوەی سەرۆک جەلال تاڵەبانی، پیرۆزبایی ٥١ـەمین ساڵڕۆژی دامەزراندنی یەکێتیی نیشتمانیی کوردستان دەکات.
بەبۆنەی (٥١)ــــەمین ساڵڕۆژی دامەزراندنی یەکێتیی نیشتمانیی کوردستانەوە جوانترین و گەرمترین پیرۆزبایی ئاراستەی، کەسوکاری سەربەرزی شەهیدان، تێکۆشەرانی یەکێتی، پێشمەرگە قارەمانەکان، زیندانیانی سیاسی، کەمئەندامانی سەنگەر، گەنجان و لاوان، ژنان، خوێندکاران و تەواوی خەڵکی کوردستان دەکەین، سڵاو و درود دەنێرین بۆ گیانی پاک و بەرزەفڕی شکۆی نەتەوە، نیشتمان و رابەری نەتەوەییمان، سەرۆک مام جەلال و سەرجەم شەھیدانی رێگەی رزگاریی کورد و کوردستان.
یەکێتیی نیشتمانیی کوردستان لە رۆژی ١-٦-١٩٧٥، بەیاننامەی دامەزراندنی خۆی بڵاوکردەوە لەکاتێکدا باڵی نائومێدی هەموو تاکێکی کورد و کوردستانی گرتبووە خۆی لە ئەنجامی ئاشبەتاڵی شۆڕشی ئەیلول لە ئازاری ١٩٧٥ دا بەمەش ئومێدی بەخشی بە کوردستانییان، شۆڕشێکی راستەقینە لەو ساتەوە ھەڵگیرسا کە رۆلی گەورەی لەلایەن سەرۆک مام جەلالەوە بوو؛ هەروەها بە خوێنی ھەزاران شەھیدی سەر بەرز و داکۆکیکارانی یەکێتی ئامانجە رەواکانی میللەتی کورد هاتەدی.
یەکێتیی نیشتمانیی کوردستان لە ماوەی پێنج دەیە خەبات و تێکۆشاندا، رۆڵێکی گرنگی هەبووە لە پاراستنی مافە نەتەوەیی، نیشتمانییەکانی گەلی کوردستان، بەدیهێنانی دەستکەوتە سیاسی، دیموکراسییەکان، ئازادی، دیموکراسی، یەکسانی، چەسپاندنی مافی مرۆڤ و نەھێشتنی دیکاتۆریەت و ھێنانە کایەی بیر و ئاراستەی سیاسیی جیاواز و فرە حزب هێنایە کایەوە کە ئێستا ئەزموونەکەمان لەسایەیدا بە ھەرێمێکی دەستووری و دامەزراوە یاساییەکانی لە حکومەت و پەرلەمان و سیستمێکی فیدراڵی شاد بووە.
لەم یادە پیرۆزەدا، بە ڕێز و شانازییەوە یادی شەهیدان و خەباتگێڕانی ڕێگەی ئازادی دەکەینەوە، بە تایبەتی سەرۆک جەلال تاڵەبانی کە بە هەوڵ و تێکۆشانی خۆی بناغەی ئەم حزبە نیشتمانییەی دانا، بۆیە لە ھەموو کات زیاتر میللەتەکەمان پێویستی بە پرەنسیپەکانی لێبوردەیی، حیکمەت، دووربینی و قبوڵکردنی بەرانبەر ھەیە کە سەرۆک مام جەلال سەرمەشق بووە تیایدا. هەر لەم بۆنە گرنگەدا تەبایی و یەکڕیزی و پەیوەندی لایەنە سیاسییەکان بۆ پاراستنی ئەزموونەکەمان بە پێویست دەزانین.
بەرز و شکۆ داربێت ساڵڕۆژی دامەزارندنی حزبی شەھیدان
دروود بۆ رۆحی پاکی سەرۆک مام جەلال و شەهیدانی رێگەی رزگاریی کورد و کوردستان
باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی
وەزیری پێشمەرگەی حکومەتی هەرێمی کوردستان
پەیامی پیرۆزبایی وەزیری پێشمەرگە بەبۆنەی (٥١)ەمین ساڵیادی دامەزراندنی یەکێتیی نیشتمانیی کوردستان
بەبۆنەی (٥١)ەمین ساڵیادی دامەزراندنی یەکێتیی نیشتمانیی کوردستان و (٥٠)ەمین ساڵیادی هەڵگیرساندنەوەی شۆڕشی نوێی گەلەکەمان، گەرمترین پیرۆزبایی لە گەلی کوردستان و جەماوەری یەکێتیی دەکەم.
بەوپەڕی ڕێز و وەفادارییەوە، یادی پڕ لە شانازیی، سەرۆک مام جەلال و سەرکردە نەمرەکانی یەکێتیی نیشتمانیی کوردستان و تەواوی تێکۆشەرانی گەلی کوردستان بەرزڕادەگرین.
لەم ساڵیادەدا، دروود بۆ گیانی شەهیدانی ڕێگەی ئازادی کوردستان، سڵاو و ڕێز و وەفاداری دەگەیەنین بە بنەماڵەی سەربەرزی شەهیدان و قارەمانەکانی مەفرەزە سەرەتاییەکانی شۆڕشی نوێ و سەرجەم شۆڕشگێڕانی ڕزگاریخوازی گەلی کوردستان، کە بە خوێن و قوربانیدان و گیانفیدایی بەردەوامی تێکۆشەرانی یەکێتیی و هێزە شۆڕشگێرەکان و پێشمەرگەی کوردستان، بوونە هەوێنی ڕاپەڕینی سەرتاسەری گەلی کوردستان؛ سەرکەوتن بەرامبەر رژێمی بەعسی دیکتاتۆر و داگیرکەری کوردستان، بە پشتیوانی خەڵکی دڵسۆزی کوردستان ئازادی و رزگاری بۆ کوردستان بەدەستهات.
دروود و نەمری بۆ گیانی شەهیدانی کوردستان
سەربەرزی بۆ کەسوکاری شەهیدان
سڵاو و ڕێز بۆ تێکۆشەران و هێزی پێشمەرگەی کوردستان
شۆڕش ئیسماعیل
وەزیری پێشمەرگەی حکومەتی هەرێمی کوردستان
پیرۆزبایی د. رێبوار تەها ئەندامی ئەنجومەنی سەرکردایەتیی یەکێتی
بەبۆنەی یادی (٥١) ساڵەی دامەزراندنی یەکێتیی نیشتمانیی کوردستان و (٥٠) ساڵەی هەڵگیرسانی شۆڕشی نوێی گەلەکەمان، گەرمترین پیرۆزبایی لە کۆمەڵانی خەڵک و هەڤاڵانی یەکێتی دەکەین.
بە شانازییەوە یادی ئەو ڕۆژە مەزنە دەکەینەوە کە بووە وەرچەرخانێکی مێژوویی لە خەباتی نەتەوەیی و دیموکراسی گەلەکەمان.
لەم یادەدا، سەری ڕێز و نەوازش بۆ ڕێباز و ڕۆڵی مێژوویی سەرۆک و ڕابەری کۆچکردوو مام جەلال دادەنەوێنین، کە قوتابخانەی تەبایی و دیالۆگی دامەزراند و یەکێتیی کردە چەتری کۆکەرەوەی تێکۆشەران.
ئەمڕۆ، یەکێتی بەردەوامە لە کاروانە شکۆدارەکەی لەژێر سەرکردایەتی حەکیمانە و بوێرانەی سەرۆک بافڵ جەلال تاڵەبانی، کە بە دیدگایەکی نوێوە یەکێتی بەرەو لوتکە دەبات و پێگەی سیاسی حزبەکە لە عێراق و هەرێم بەهێزتر دەکات.
ئێمە جەخت دەکەینەوە لە سەر پاراستنی بنەماکانی پێکەوەژیانی ئاشتییانە لەنێوان هەموو نەتەوە و ئایینەکان، چونکە هێز لە تەبایی و فرەییدایە.
رێبوار تەها
ئەندامی ئەنجومەنی سەرکردایەتی یەکێتیی نیشتمانیی کوردستان
پیرۆزبایی مەکتەبی سیاسیی پارتی دیموکراتی کوردستان
بەڕێز/ بافڵ جەلال تاڵەبانی، سەرۆکی یەکێتیی نیشتیمانیی کوردستان
بەڕێزان/ ئەندامانی مەكتەبی سیاسی و ئەنجوومەنی باڵای سیاسی و بەرژەوەندیی یەكێتیی نیشتیمانیی كوردستان
بە بۆنەی(٥١)مین ساڵیادی دامەزراندنی یەكێتیی نیشتیمانیی كوردستان، پیرۆزباییەكی گەرم لە ئێوەی بەڕێز و کادیر و ئەندام و لایەنگرانی یەکێتی دەكەین و، هیوای بەردەوامیتان بۆ دەخوازین.
لەم دەرفەتەدا، جارێكی دیكە جەخت دەكەینەوە سەر هەماهەنگی و تەبایی نێوان سەرجەم هێز و لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییە چارەنووسسازەکان و، پاراستنی دەستكەوتەكانمان و بەهێزکردنی دامەزراوەکان و داکۆکیکردن لە قەوارەی دەستووری و سیاسی هەرێمی کوردستان.
جارێکی دیکە پیرۆزباییتان لێدەکەین.
مەكتەبی سیاسیی پارتی دیموكراتی كوردستان
بە بۆنەی یادی 51 ساڵەی دامەزراندنی یەکێتیی نیشتمانیی کوردستان، مەكتەبی سیاسی یەكگرتووی ئیسلامی كوردستان لە پەیامێکدا پیرۆزبایی لە سەرۆك و مەكتەبی سیاسی و سەركردایەتی و رێكخستنەكانی یەكێتی دەكات.
دەقی پەیامەکە
سڵاو و رێز ...
بەبۆنەی ساڵیادی دامەزراندنی یەكێتی نیشتمانی كوردستانەوە جوانترین پیرۆزبایی پێشكەش بەجەنابی كاك بافڵ سەرۆكی یەكێتی و بەڕێزانی مەكتەبی سیاسی و سەركردایەتی و ڕێكخستنەكانی یەكێتی دەكەین..
بەهیوای ساڵێكی پڕ لەسەركەوتن و پێشكەوتن بۆ ئێوەی بەڕێز و پرۆسەی سیاسی كوردستان..
یادەكەتان لەكاتێكدایە كە گەل و نیشتمان پێویستی بەهیمەتێكی باڵاو پێشوە چونێكی باشتر هەیە بۆ یەكڕیزی و چارەسەری گرفتە ناوخۆیەكانی ناوماڵی هەرێم و عێراق و چاوەڕێی زۆرتر ئەكرێ لە بەڕێزتان لەم بارەیەوە..
بۆ پەیوەندیە دوو قۆڵیەكانمان خوازیاری پێشكەوتن و بەتینترین لەپێناو خزمەتی زیاترو خەباتی هاوبەشی زۆرتردا..
سەركەوتووبن ...
مەكتەبی سیاسی
یەكگرتووی ئیسلامی كوردستان
31/5/2026
بە سەرپەرشتی قوباد تاڵەبانی، جێگری سەرۆکوەزیران لە رێوڕەسمێکدا لە ئیدارەی راپەڕین، دەزگای پەرەپێدانی ناوچەیی راپەڕین بە فەرمی راگەیەنرا و لە ئەمڕۆوە جێبەجێکردنی پڕۆژەی گەشەپێدانی دەڤەری راپەڕین دەستپێدەکات.
لە رێوڕەسمەکە کە بە ئامادەبوونی هەر یەکە لە کونسوڵەکانی بەریتانیا و فەڕەنسا و ئەرمینیا بەڕێوەچوو، جێگری سەرۆکوەزیران لە وتارێکدا رایگەیاند، پاش توێژینەوە و راوێژێکی زۆر لەگەڵ پسپۆڕانی ناوخۆ و ناوەندە ئەکادیمییەکان و هاوبەشە نێودەوڵەتییەکان بە تایبەتیش حکومەتی بەریتانیا، پڕۆژەی دروستکردنی دەزگای پەرەپێدانی ناوچەیی راپەڕینمان دروست کرد.
وتیشی، ئەم دەزگایە وەک چەترێک وایە کە کەرتی تایبەت و کەرتی گشتی و زانکۆ و ناوەندە ئەکادیمییەکان، کۆمەڵگای مەدەنی و هەموو چین و توێژەکانی دەڤەرەکە بە شێوەیەکی چالاکانە بەشدار دەکات لە پرۆسەی گەشەپێدانی ئیدارەی راپەڕین.
قوباد تاڵەبانی روونیشیکردەوە، دەزگاکە جگە لەوەی کە ناوەندێکی توێژینەوەیە، شێوازێکی نوێشە بۆ ئیدارەدانی ناوچەکە و هەموو گرفتەکانی بەردەم گەشەپێدان و وەبەرهێنان لە بوارە جیاوازەکاندا چارەسەر دەکات و هاوکار دەبێت لە جێبەجێکردنی بیرۆکە نوێیەکان و ناوچەکە دەکاتە سەنتەرێک بۆ راکێشانی وەبەرهێنانی ناوخۆیی و بیانی.
جێگری سەرۆکوەزیران سوپاسی هاوبەشە نێودەوڵەتییەکان و بە تایبەتیش حکومەتی بەریتانیای کرد کە پشتیوان و بەشدارن لە پرۆسەی پەرەپێدانی ناوچەیی راپەڕین و وتیشی لە داهاتوویەکی نزیکدا ئەم مۆدێلە لە پەرەپێدان لە ناوچە و دەڤەرەکانی دیکەی کوردستانیش جێبەجێ دەکرێت.
بافڵ جەلال تاڵەبانی، سەرۆکی یەکێتیی نیشتمانیی کوردستان، بەبۆنەی ساڵیادی دامەزراندنی کۆمەڵی دادگەری کوردستانەوە، پەیامێکی پیرۆزبایی ئاڕاستەی مامۆستا عەلی باپیر، سەرۆکی کۆمەڵی دادگەریی کوردستان کردووە.
دەقی پەیامەکە
بە ناوی خودای بەخشندەی میهرەبان
بەڕێز مامۆستا عەلی باپیر، سەرۆکی کۆمەڵی دادگەریی کوردستان
بەبۆنەی ساڵیادی دامەزراندنی کۆمەڵی دادگەریی کوردستانەوە، لە دڵەوە گەرمترین پیرۆزبایی لە بەڕێزتان، ئەندامانی سەرکردایەتی و لایەنگرانتان دەکەین و هیوای سەرفرازی و سەرکەوتنی زیاترتان بۆ دەخوازین.
لەم دەرفەتەدا، بە رێزەوە لە رۆڵ و پێگەی جەنابتان و کۆمەڵی دادگەریی کوردستان دەڕوانین، وەک هێزێکی نیشتمانی و کاریگەر لە خزمەتکردنی گەل و خاکەکەمان.
یەکێتیی نیشتمانیی کوردستان وەک هەمیشە پابەند بە بەرژەوەندییە باڵاکانی گەلەکەمان دووپات لە پەرەپێدانی پەیوەندییەکانمان و هاریکاری لەگەڵ کۆمەڵی دادگەری دەکاتەوە، لەپێناو یەکخستنی هەوڵەکان و زیاتر خزمەتکردنی خەڵکە خۆشەویستەکەمان.
هەر شاد و سەرفرازبن
بافڵ جەلال تاڵەبانی
سەرۆکی یەکێتیی نیشتمانیی کوردستان
لەم هەفتەیەوە موچەی مانگی پێنجی مامۆستیانی گرێبەست دابەش دەکرێت.
عەلی رەئوف، نوێنەری مامۆستایانی گرێبەست بە کوردسات نیوزی راگەیاند، لەلایەن وەزارەتی دارایی هەرێمەوە ئاگادارکراوینەتەوە ئەم هەفتەیە موچەی مانگی پێنجی مامۆستایانی گرێبەست دابەش دەکرێت .
وتیشی، ئەو مامۆستایانەی گرێبەستن لە وەزارەتی پەروەردە و وەزارەتی خوێندنی باڵا زیاتر لە 43 مامۆستایی گرێبەستن، وانە بە خوێندکاران دەڵێنەوە تاوەکو ئێستا موچەی مانگی پێنجیان وەرنەگرتووە .
ئاماژەیبەوەشکرد، وەزارەتی دارایی پێراگەیاندووین لە بانکەکان پارەی کاش نییە لەم هەفتەیەوە پارە ئامادە دەبێت و تاوەکو رۆژی پێنچشەمە موچە وەردەگرن .
حەمەی حەمەسەعید، بە بۆنەی یادی 51 ساڵەی دامەزراندنی یەکێتی نیشتمانی کوردستان، پەیامێکی بڵاوکردووەتەوە و تێیداهاتووە: هیوادارم یەکێتی نیشتمانی کوردستان لە ژێر سایەی یەکڕیزی، یەکدەنگی و سەرکردایەتیی بەکۆمەڵ، هەروا بە خزمەتکردنی دڵسۆزانە بۆ گەل، بەردەوام بێت لەسەر ڕێبازی مام جەلال تاڵەبانی بۆ بەدیهێنانی ئامانجە بەرز و نیشتمانییەکان.
دەقی پەیامەکە
بە بۆنەی یادی 51 ساڵەی دامەزراندنی یەکێتی نیشتمانی کوردستانەوە، گەرمترین و دڵسۆزانەترین پیرۆزبایی خۆم ئاراستەی بنەماڵەی شەهیدان، کادران، پێشمەرگە قارەمانەکان، لایەنگرانی دڵسۆز و هەموو ئەو تێکۆشەرانە دەکەم کە لە ماوەی ئەم ساڵانەدا بە دڵسۆزی و قوربانیدانیان ڕۆڵی بەرچاویان لە گەشەپێدان و سەرکەوتنی ئەم ڕێکخراوە نیشتمانییەدا هەبووە.
زیاتر لە نیو سەدە تێکۆشان، خەبات، کۆڵنەدان و قوربانیدان لە پێناو داکۆکیکردن لە مافە ڕەواکانی گەل، ئازادی، دادپەروەری و پێشکەوتنی کۆمەڵگە، مێژوویەکی پرشنگدار و پر دەستکەوتی تۆمار کردووە.
ئەم بۆنە دەرفەتێکە بۆ ڕێزلێنان و وەفاداری نیشاندان بە یادی نەمر مام جەلال، دامەزرێنەران، شەهیدان، پێشمەرگە و هەموو ئەو کەسایەتییانەی کە بە خۆشەویستی و خۆنەویستی و دڵسۆزییەوە بناغەکانی ئەم بزووتنەوە سیاسی و نەتەوەییەیان دامەزراند و پاراست.
هیوادارم یەکێتی نیشتمانی کوردستان لە ژێر سایەی یەکڕیزی، یەکدەنگی و سەرکردایەتیی بەکۆمەڵ، هەروا بە خزمەتکردنی دڵسۆزانە بۆ گەل، بەردەوام بێت لەسەر ڕێبازی مام جەلال تاڵەبانی بۆ بەدیهێنانی ئامانجە بەرز و نیشتمانییەکان.
خەبات و قوربانییدانی یەکێتی نیشتمانی شایەنی دەستکەوت و سەرکەوتنی زیاترە لە هەموو بوارە سیاسی، نەتەوەیی و کۆمەڵایەتییەکاندا، بەوهیواییەی لە داهاتوودا شایەتحاڵی سەرکەوتن و دەستکەوتی زیاتربین لەمەیدانەکەدا.
سڵاو و دروود بۆ رۆحی پاکی شەهیدان
حەمەی حەمەسەعید
٢٠٢٦/٥/٣١
وەزارەتی پێشمەرگە دەنگۆی تێكەڵكردنی هێزی پێشمەرگە لەگەڵ سوپای عیراق رەتدەكاتەوە و تەنیا لە تۆڕەكۆمەڵایەتیەكان ئەو بابەتە بڵاوكراوەتەوە.
فەریق روكن بەختیار محەمەد، ئەمینداری گشتی وەزارەتی پێشمەرگە بە كوردسات نیوزی راگەیاند، هیچ داوایەكی رەسمی بۆ وەزارەت نەهاتووە بۆ تێكەڵكردنی پێشمەرگە و سوپای عیراق.
وتیشی، بابەتی تێكەڵكردنی هێزی پێشمەرگە و سوپای عیراقیان تەنها لە میدیاكان بیستووە، بۆیە ئەو بابەتە رەتدەكەنەوە و بابەتێكی لەو شێوەیە پێویستی بە بریار و رێكەوتن هەیە لەگەڵ حكومەتی هەرێمی كوردستان.
لە جەژندا زیاتر لە 100 هەزار گەشتیار روویان لە پارێزگای هەڵەبجە کردووە و بەڕێوەبەری گشتیی گەشتوگوزاری پارێزگاکەش دەڵێت: لیژنەکانمان چاودێر بوون.
چیا قاسم، بەڕێوەبەری گشتیی گەشتوگوزاری هەڵەبجە بە کوردسات نیوزی راگەیاند: لە جەژندا زیاتر لە 100 هەزار گەشتیار روویان لە هەڵەبجە کردووە.
ئاماژەی بەوەشدا: زۆربەی ئەو گەشتیارانە کە روویان لە هەڵەبجە کردووە توانیویانە بمێننەوە، هاتنی ئەو ژمارە گەشتیارە کاریگەرییەکی گەورەی ئابوریی هەبووە.
بەڕێوەبەری گشتیی گەشتوگوزاری هەڵەبجە وتیشی: لیژنەکانیشمان بەردەوام چاودێری شوێنەکانیان کردووە و چەند جۆرە سزایەکمان هەبووە.
داهاتی نانەوتی ئەم هەفتەیەی سلێمانی و هەڵەبجە و هەردوو ئیدارەی سەربەخۆی راپەڕین و گەرمیان نزیكەی 273 ملیۆن دینارە و بەراورد بە هەفتەی رابردوو بەرێژەی زیاتر %98 كەمیكردووە.
ماڵپەڕی شەفافیەت بۆ خستنەڕووی داهاتی نانەوتی پارێزگاكانی سلێمانی و هەڵەبجە و هەردوو ئیدارەی سەربەخۆی راپەڕین و گەرمیان ئاشكرایكردووە، داهاتی ئەم هەفتەیەی سلێمانی و هەڵەبجە و ئیدارە سەربەخۆكانی راپەڕین و گەرمیان، بڕی 273 ملیۆن و 267 هەزار و 700 دینار بووە.
ئەوەشی خستووەتەڕوو، داهاتی ئەم هەفتەیە بەراورد بە هەفتەی رابردوو بە رێژەی زیاتر %98 كەمیكردووە، لەكاتێكدا هەفتەی رابردوو بڕی داهات 17 ملیار دیناری تێپەڕاندووە.
ماڵپەڕی شەفافیەت دەشڵێت، داهاتی نانەوتی ئەم هەفتەیە بە رێژەی ٪100 بەشێوەی نەختینەیە.
دامەزراوەی ساڵ لە راگەیەنراوێکدا بەشداریی بەرفراوانی خەڵکی سلێمانی لە ئاهەنگی جەژنانەدا بەرز دەنرخێنێت و هەموو ئەو دەنگۆیانە رەتدەکاتەوە کە باس لە روداوی تەقەکردن و برینداربوون دەکەن.
راگەیەندراوێک بۆ ڕای گشتی
ئێمە لە «دامەزراوەی ساڵ»، خۆمان بە قەرزاری خەڵکی خۆشەویستی سلێمانی و میوان و رێبواران دەزانین بۆ ئەو بەشدارییە بەرفراوانەی ئەمڕۆیان لە ئاهەنگی جەژنانەی سلێمانیدا. لێرەوە ئاشکرای دەکەین بە پشتبەستن بە داتاکانی ئیدارەی شوێنەکە و وێنە و ڤیدیۆ تۆمارکراوەکان، ژمارەی بەشداربووان نزیکەی (دە هەزار کەس) بووە.
ئەم ئاهەنگە بە مەبەستی خۆشگوزەرانیی خەڵکی شارەکە و میوانان بە خۆڕایی ئەنجام درا، بەڵام بەداخەوە لە بەشی یەکەمی ئاهەنگەکەدا، ژمارەیەک کەسی ئاژاوەگێڕ هەوڵی تێکدانی کەشوهەوای ئاهەنگەکەیان دا. لەبەر ئەوە، بە بڕیاری خۆمان ئاهەنگەکەمان ڕاگرت. لێرەوە سەرجەم ئەو هەواڵانە بە درۆ دەخەینەوە کە باس لە روداوی تەقەکردن دەکەن؛ ڕایدەگەیەنین کە هیچ روداوێکی تەقەکردن ڕووی نەداوە و هیچ کەسێک بریندار نەبووە.
ئەو دەنگۆیانەی لەلایەن هەندێک دەزگای راگەیاندنەوە بڵاوکراونەتەوە، بەتەواوی ڕەتی دەکەینەوە و بە هەوڵێکی ناڕەوای دەزانین بۆ شێواندنی ناوبانگی شاری سلێمانی.
بڕیارمان داوە لە کات و شوێنێکی گونجاوی تردا، هەمان ئاهەنگ دووبارە ئەنجام بدەینەوە.
رۆژی پێنجشەممە یەکەم کاروانی حاجیانی کوردستان لە رێگەی فرۆکەخانەی نێودەوڵەتی هەولێرەوە دەگەڕێنەوە هەرێمی کوردستان.
کاروان ستونی وتەبێژی حەج و عەمرەی کوردستان راگەیاند: رۆژی 4-6-2026 یەکەم کاروانی حاجیانی کوردستان، کە ژمارەیان هەزار و 27 حاجیە لە رێگەی فڕۆکەخانەی نێودەوڵەتی هەولێرەوە دەگەڕێنەوە کوردستان.
وتیشی. ئەو دەنگۆیانە کە بڵاوکراونەتەوە سەبارەت بە گەڕانەوەی حاجیان، گوایە یەکەم کاروانی حاجیانی کوردستان لە 10-6-2026 دەگەڕێنەوە، راست نین و زانیاری دروست و تەواو لە لایەن وتەبێژی حەج و عەمرەی کوردستانەوە رادەگەیەنرێت.
کاروان ستونی ئەوەشی خستەڕوو، کە تا ئێستا دوا کاتی گەڕانەوەی حاجیان دیاری نەکراوە، حاجیان دوای تەواوبوونیان لە شاری مەککە ماوەی چوار رۆژ لە شاری مەدینە دەمێننەوە ئینجا بەرەو کوردستان دەگەڕێنەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان، پێشبینییەکانی کەشوهەوای 48 سەعاتی داهاتووی بڵاوکردەوە و ئاشکرایدەکات، شەپۆلێکی خۆڵبارین روو لە ناوچەکە دەکات.
کەشناسی هەرێم ئاشکرایکرد، ئەمڕۆ بەگشتی نیمچە هەور دەبێت، لەگەڵ ئەگەری بوونی تۆزێکی سوک لە کەشدا،ئەوەشی خستەڕوو پلەکانی گەرما بەراورد بە تۆمارکراوەکانی دوێنێ، بە رێژەی دوو بۆ سێ پلە بەرزدەبێنەوە.
کەشناسی هەرێم راشیگەیاند، سبەینێ هەینی، نیمچە هەور دەبێت، پێشبینی دەکرێت لە کاتەکانی بەیانییەوە شەپۆڵێکی تۆز و خۆڵ روو لە ناوچەکە بکات.
ئاماژەی بەوەشکرد، سەرەتا کاریگەری شەپۆلەکە لە ناوچەکانی باشور و رۆژئاوای هەرێم دەگرێتەوە، پاشان لە کاتەکانی دوای نیوەڕۆوە زۆربەی ناوچەکانی هەرێم دەگرێتەوە و کاریگەرییەکەی تا ئێوارەی رۆژی شەممە بەردەوام دەبێت.
بەرزترین پلەکانی گەرمای پێشبینیکراو بە پلەی سیلیزی
هەولێر: 36 پلەی سیلیزی
پیرمام: 32 پلەی سیلیزی
حاجی ئۆمەران: 23 پلەی سیلیزی
سلێمانی: 34 پلەی سیلیزی
چەمچەماڵ: 36 پلەی سیلیزی
دهۆک: 35 پلەی سیلیزی
زاخۆ: 37 پلەی سیلیزی
هەڵەبجە: 37 پلەی سیلیزی
گەرمیان: 41 پلەی سیلیزی
بەڕێوەبەرایەتیی ئاسایشی هەولێر رایگەیاند، کە هێزەکانیان توانیویانە ئەو تۆمەتبارە دەستگیر بکەن، کە لە یەکەم رۆژی جەژنی قورباندا زیانی بە چەند ئۆتۆمبێلێکی هاووڵاتیان گەیاندبوو، دوای ئەوەی گرتە ڤیدیۆیی روداوەکە لە تۆڕە کۆمەڵایەتییەکاندا بڵاوبووەوە و دەنگدانەوەی لێکەوتەوە.
ئاسایش ئاماژەی بەوە کردووە، کە دەستبەجێ دوای بڵاوبوونەوەی ڤیدیۆکە، هێزەکانیان دەستیان بە بەدواداچوونی ورد و چڕ کردووە بۆ دۆزینەوەی ئەنجامدەری ئەو کارە.
ئاسایش ئاماژەی بەوەکردوە، لە ئەنجامی بەدواداچوونەکاندا توانیویانە ناسنامەی تۆمەتبارەکە ئاشکرا بکەن کە ناوی (ش. ئـ. ص)ـە و دواتر بە فەرمانی دادوەری لێکۆڵینەوەی ئاسایشی هەولێر دەستگیرکراوە.
لە ئێستاشدا پەڕاوی لێکۆڵینەوەی بۆ کراوەتەوە و رێکارە یاساییەکان لە دژی بەردەوامن.
لە یەکەم رۆژی جەژنی قورباندا روداوێکی سەختی هاتوچۆ رویدا و باتوچۆی سلێمانی دەڵێت، "هۆکاری سەرەکی روداوەکە بەپێی کەشف و هێڵکارییەکان، دەگەڕێتەوە بۆ خێرایی".
بەڕێوەبەرایەتی هاتوچۆی سلێمانی رایگەیاندووە: لە یەکەم رۆژی جەژنی قوربانی پیرۆزدا روداوێکی سەختی هاتووچۆ لە نزیک چوار ریانی قەرەداغ رویدا.
هاتوچۆی سلێمانی دەشڵێت: هۆکاری سەرەکی روداوەکە بەپێی کەشف و هێڵکارییەکان، دەگەڕێتەوە بۆ خێرایی و بەداخەوە لەم روداوەدا زیانی گیانی و مادی تیادابووە و بریندارەکان رەوانەی نەخۆشخانە کراون، لێکۆڵینەوە لە روداوەکە بەردەوامە و لایەنی هاتووچۆ بە ئەرکی خۆی هەستاوە و کەشف و هێڵکاری بۆ روداوەکە کردووە و کەیسەکەی ئاراستەی لایەنی پەیوەندیدار کردووە، هەروەها داواکارین لە شۆفێران پابەندبن بە خێراییە دیاریکراوەکان و سەرجەم رێنماییەکانی هاتووچۆ.
بە بۆنەی جەژنی قوربانی پیرۆزەوە، دێرین لەتیف رەشید بەڕێوەبەری گشتی دەزگای میدیایی کوردسات پەیامێکی پیرۆزبایی بڵاوکردەوە
دێرین لەتیف رەشید، وتویەتی هیوادارە ئەم جەژنە ببێتە مایەی ئاشتی، خۆشەویستی، هاوبەشی و دڵخۆشی بۆ هەموو ماڵ و بنەماڵەکان و یەکریزی گەلەکەمان
هەرهاو ئاماژەی بەوەشکردوە، پیرۆزباییەکی تایبەت لە کەسوکاری سەربەرزی ئەنفالکراوان دەکات، بەوپێیەی ئەم جەژنە بۆ ئەوان دوو جەژنە و هاوکات لەگەڵ جەژنی قوربان جەژنی بەسزا گەیاندنی تاوانباری ئەنفال عەجاج و بەدیهاتنی دوعاو ئاواتەکانیانە.
دەقی پەیامەکەی بەڕێوەبەری گشتی دەزگای میدیایی کوردسات
بەبۆنەی جەژنی قوربانی پیرۆزەوە ، گەرمترین پیرۆزبایی خۆم ئاراستەی هەموو موسڵمانان و گەلی کوردستان و عیراق دەکەم.
هیوادارم ئەم جەژنە ببێتە مایەی ئاشتی، خۆشەویستی، هاوبەشی و دڵخۆشی بۆ هەموو ماڵ و بنەماڵەکان و یەکریزی گەلەکەمان، هەروەها دەمەوێت پیرۆزباییەکی تایبەت لە کەسوکاری سەربەرزی ئەنفالکراوان بکەم، بەوپێیەی ئەم جەژنە بۆ ئەوان دوو جەژنە، هاوکات لەگەڵ جەژنی قوربان جەژنی بەسزا گەیاندنی تاوانباری ئەنفال عەجاج و بەدیهاتنی دوعاو ئاواتەکانیانە.
جەژنی قوربان پەیامی قوربانیدان، لێبوردەیی و یەکگرتنە، و پێویستە هەمیشە ئەو بەها و مانایانە لە نێوان کۆمەڵگەکەماندا بپارێزین و بە بەهێزی بیهێڵینەوە. هیوادارم خوا ئەم جەژنە بکاتە جەژنی ئاسوودەیی، تەندروستییەکی باش و سەرکەوتن بۆ هەمووان و کۆتایی ناخۆشییەکانبێت.