کوردستان
"تارق حەیدەری"قائیمقامی قەزای کۆیە لە لێدوانێکدا رایگەیاند، کردنەوەی نوسینگەی بایۆمەتری بۆ قەزای کۆیە بەکارێکی گرنگە، چونکە پێشتر دەبوایە ھاووڵاتیان و مووچەخۆرانی کۆیە لەکاتی ھەبوونی گرفتێکدا سەردانی پارێزگای ھەولێریان بکردایە، بەڵام بەکردنەوەی نوسینگەی بایۆمەتری لە قەزاکە ئەو گرفتانە چارەسەرکران و لەمەودوا دەتواندرێتن ھەر گرفتیک لە بایۆمەتریدا ھەبێت لە نوسینگەی کۆیە چارەسەری بکەن.
"عومەر جەبار"سەرۆکی کۆمەڵەی کورتەباڵاکانی کوردستان لە کۆنفرانسێکی ڕۆژنامەوانیدا ڕایگەیاند، ڕەوشی ئابوری ھەرێم کاریگەری ڕاستەوخۆی لەسەر خاوەن پێداویستی تایبەت دروستکردووە، لەبەرئەوە داوا لە لایەنە پەیوەندیدارەکان و سەرۆکایەتییەکانی ھەرێم دەکات ھاوکار و پشتویانی کورتە باڵاکان بن.
سەبارەت بە ھەمواری یاسای ماف و ئیمتیاراتی خاوەنپێداویستی تایبەت "دلێر فەریق" وتەبێژی کۆمەڵەی کورتە باڵاکانی کوردستان ڕایگەیاند، یاسای ماف و ئیمتیاراتی خاوەن پێداویستی تایبەت ھەموار کراوەتەوە و لە ئەمڕۆوە دەچێتە بواری جێبەجێکردنەوە.
عامر شوانی وتەبێژی بەرێوەبەرایەتی پۆلیسی کەرکوک رایگەیاند، ھێزەکانی نەھێشتنی تاوان لەکەرکوک تاوانێکی کوشتنیان لەگەرەکی راپەرینی شاری کەرکوک ئاشکرا کردوە و ئەنجامدەرەکەشیان دەستگیرکردوە.
وتەبێژی بەرێوەبەرایەتی پۆلیسی پارێزگای کەرکوک راشیگەیاند، ھەفتەی رابردوو حاڵەتێکی کوشتن لەنێو گەرەکی راپەرینی شاری کەرکوک ئەنجامدراوە و ھێزەکانیان دەستیان بەلێکۆڵینەوە لەرووداوەکە کردوە.
عامر شوانی وتەبێژی پۆلیسی کەرکوک وتیشی، دوای ئاگادارکردنەوەیان لەلایەن ھاوڵاتیانەوە لیژنەیەکیان بۆ لێکۆڵینەوە لەو روداوە پێکھێناوە و توانیویانە لەماوەیەکی کورتدا ئەنجامدەری تاوانە بدۆزنەوەو دەستگیری بکەن کەخزمی کوژراوەکەیە.
وتەبێژی پۆلیسی کەرکوک راشیگەیاند، ئەو کەسەی تاوانەکەی ئەنجامداوە خەسووی کەسە کوژراوەکەیە.
رونی کردەوە، رووداوەکە بەو ھۆیە روویداوە کێشەی خێزانی لەنێوان زاواکە و ماڵی خەسویدا ھەبوە و خەسۆکە فرسەتی ھێناوە زاواکەی بەفیشەک لەماڵەکەیاندا کوشتوە و دەست بەسەر ئەو چەکەشدا گیراوە کەتاوانەکەی پێ ئەنجامدراوە.کەسی کوژراو و تاوانبارەکەش لەپێکھاتەی عەرەبن.
لیژنەی وزە و سامانە سروشتییەکانی پەرلەمانی کوردستان لە بارەی کێشە و کەمیی بەرھەمھێنان و گرانی نرخی نەوت و غاز کۆبوونەوە.
بە پێی ڕاگەیەنراوێکی کۆبوونەوەکە بڕیاردراوە یاداشتێک لە بارەی چاودێریکردنی کوالیەتیی غاز و کەمکردنەوەی نرخ و دادپەروەری لە دابەشکردنیدا لە شارەکانی ھەرێم ئاڕاستەی حکومەت بکات، بۆ ئەوەی پشکی ھاووڵاتییان پارێزراو بێت و بە ڕێگەی بازرگانی نەفرۆشرێت.
ڕاشیگەیاندووە، دەبێت کارگەکان و کۆمپانیاکانی بەرھەمھێنانی غاز پابەند بکرێن بە دروستکردنی کۆگا بۆ عەمبارکردنی غاز لە کۆگاکانیاندا بۆ ئەوەی لە کاتی پێویست سوودی لێ وەربگیرێت، یاداشتێکیش لە بارەی چاودێریکردن و کەمکردنەوەی نرخی نەوتی سپیی ماڵان لە بەرژەوەندیی گشتیی ھاووڵاتییان، ئاڕاستەی حکومەت دەکات.
جێی ئاماژەیە، ھەڵمەتەکە بەردەوامە و ھەر کەس و لایەنێک سەرپێچی بکات ڕووبەڕووی سزای یاسایی تووند دەبێتەوە.
ھۆشیار زێباری ئەندامی مەکتەبی سیاسیی پارتی دیموکراتی کوردستان، خۆی بۆ پۆستی سەرۆک کۆماری عێراق کاندید کرد و بەڵگەنامە ڕەسمییەکانی پێشکەشی ئەنجومەنی نوێنەران کرد.
سبەینێ پێنج شەممە دوا وادەیە بۆ خۆکاندیکردن بۆ پۆستی سەرۆک کۆماری عێراق و تا ئێستاش چەند کەسێک خۆیان بۆ ئەو پۆستە کاندید کردووە.
ئاسۆ کەمال، بەڕێوەبەری کەشناسی و بومەلەرزەزانی سلێمانی بە کوردسات نیوزی ڕاگەیاند، سەعات ٩ و ٢٩ خولەکی شەوی ڕابردوو بومەلەرزەیەک بە گوڕی ٤.٣ و بە قوڵایی ٧٢ کیلۆمەتر سلێمانی و ناوچەکانی دەورووبەری ھەژاند.
دواتریش چوار بومەلەرزەی تر بە گوڕ و قوڵایی جیاواز سلێمانی و ناوچەکانی دەورووبەری ھەژاند.
بە پێی زانیارییەکان بومەلەرزەکان ھیچ زیانێکی گیانیان نەبووە، بەڵام زیانی بە خانووی بەشێک لە ھاوڵاتیان گەیاندووە.
شیروان جەلال جێگری بەڕێوەبەری تەندروستی کۆیە بە کوردسات نیوزی ڕاگەیاند، خوێندکارەکان لایت شەحنیان لەسەر ھیتەر داناوە و دوای ھاتنەوەی کارەبا ھیتەرەکەیان ئیشی کردەوە لایت شەحنەکە گڕیگرتووە و دووچاری تەنگەنەفەسی بوون.
بە پێی ڕێنماییەکانی ئەنجومەنی عیراقی بۆ پسپۆڕییە پزیشکییەکانی سەر بە وەزارەتی خوێندنی باڵا و توێژیینەوەی زانستی عێراق لە فەرمانێکی کارگێڕیدا ئەنجومەنەکە بڕیاریداوە بە دانانی ژمارەیەک سەنتەری مەشقکردن لە ڕیزی سەنتەرەکانی پشت بەستراوی خوێندکارانی پسپۆڕییەکان، بەھۆی بوونی مەرج و ڕێنماییەکان تیایدا.
نەخۆشخانەی شار لە سلێمانی وەک گەورەترین سەنتەری مەشقی ڕاھێنانی خوێندکارانی پسپۆڕییەکان بۆ نەشتەرگەری لە ڕیزی سەنتەرەکان دەستنیشانکردووە.
ھەروەھا لە پارێزگای چەولیک و شرنەخ و سێرت بە ھۆی بەفربارین و سەختی کەشوھەواوە رێگای ٦٢ گوند و ناوچەی نێشتەجێبوون داخراون
ئاسۆ کەمال بەڕێوەبەری کەشناسی و بومەلەرزەزانی سلێمانی بە کوردسات نیوزی ڕاگەیاند، بەھۆی کاریگەریی ئەو نزممە پاڵەپەستۆیەی کە لەسەر ھەرێم دروستبووە، لە ڕۆژی پێنجشەمەوە تا ڕۆژی دووشەمممەی داھاتوو باران بارین بەردەوام دەبێت.
لەلایەکی ترەوە کەشناسی بڵاویکردەوە، لە ٢٤ کاتژمێری رابردوودا زۆرترین بڕی باران بارین لە قەزای بەرزنجە بووە و زیاتر لە ٢٩ ملیم باران باریوە.
ھەر بەھۆی ئەو پێشبنینی و گۆڕانکارییانەی کە لە ڕەوشی کەشوھەوا دێتە ئاراوە، عەمار جەبر خەلیل پارێزگاری سەلاحەدین بڕیاریدا رٍۆژی چوارشەممە و پێنجشەممە دەوامی فەرمی لەسەرجەم فەرمانگەکانی حکومەت و خوێندنگەکان ڕابگیرێت و، قەدەغەی ھاتووچۆی دیاریکراویش جێبەجێ بکرێت.
بەپێی خشتەی وەزارەتی سامانە سروشتییەکان ھەر خێزانێک ٢٠٠ لیتری پێ دەدرێت بە نرخی ٥٥ ھەزار دینار.
بۆ ھەر پرسێکی ناوخۆیی و نیشتمانیی کە پەیوەندی بە سیاسەت و ئاڕاستەی رەسمی یەکێتیی نیشتمانیی کوردستانەوە ھەبێت، و بەتایبەتی پرسی سەرۆک کۆمار و پێکھێنانی حکومەتی نوێی ئیتحادی لەعێراق، بە ڕای گشتی ڕادەگەیەنین کە تەنھا لێدوان و ڕاگەیاندراوە کانی وتەبێژی ڕەسمی گوزارشت لە سیاسەتی ڕەسمی و دروستی یەکێتیی نیشتمانیی کوردستان دەکات .
بەڕێوەبەرایەتی پۆلیسی پارێزگای سێلمانی رایگەیاند، دوای ئەوەی تۆمەتبارێک لەشاخی ئەزمەڕ تەقەی کردبوو سێ ھاوڵاتی بریندار کردبوو، دوای وەرگرتنی وتەی سکاڵاکاران و فەرمانی دادوەر و لێکۆڵینەوەکانی پۆلیس توانرا تۆمەتبارەکە لەلایەن بنکەی پۆلیسی کوردساتەوە دەستگیربکرێت.
ئاماژەی بەوەشکردووە، لەکاتی دەستگیکردنی تۆمەتبارەکەدا کە ھەوڵی ھەڵاتنی دابو، دەستگیرابەسەر چەکێکی جۆری دەمانچە کەتەقەکەی پێکردبوو.
پۆلیسی سلێمانی راشیگەیاند، لە ئێستادا تۆمەتبار "ئ. م. م" بە فەرمانی دادوەر ڕاگیراوەو لێکۆڵینەوە لەگەڵیدا بەردەوامە.
د. سەباح ھەورامی بەڕێوەبەری گشتی تەندروستی سلێمانی لە کۆنفرانسێکی رۆژنامەوانیدا رایگەیاند، تا ئێستا ھیچ حاڵەتێکی توشبوون بە کۆرۆنای ئۆمیکرۆن لە سلێمانی تۆمار نەکراوە، ئەو کەسانەشی پێش شەش مانگ ژەمی دووەمی ڤاکسینیان وەرگرتووە دەتوانن ژەمی سێیەم وەربگرن.
سەبارەت بە دابینکردنی دەرمان و پێداویستیی پزیشکی لە کەرتی تەندروستیی سلێمانی، د. سەباح ھەورامی رایگەیاند، پشت بەو بودجە تەرخانکراوە دەبەستین کە لە ئەنجومەنی وەزیرانی ھەرێمی کوردستانەوە دابیندەکرێت و ھیوادارە حکومەت ھاوکاریان بێت.