کوردستان
بەڕێوەبەرایەتی پۆلیسی پارێزگای سلێمانی رایگەیاند، پیاوێکیان دەستگیرکردووە کە تۆمەتبارە بە کوشتنی هاوسەرەکەی لە گەڕەکی کارێزە وشکی شاری سلێمانی.
بەپێی راگەیەندراوێکی پۆلیسی سلێمانی، شەوی رابردوو هێزەکانیان ئاگادار کراونەتەوە لە بوونی روداوێکی کوشتن لە گەڕەکی کارێزە وشک. دەستبەجێ مەفرەزەکانی پۆلیسی فریاکەوتن گەیشتوونەتە شوێنی روداوەکە و لەگەڵ تیمەکانی بەڵگەی تاوان، پشکنین و هێڵکارییان بۆ شوێنی تاوانەکە کردووە.
لە راگەیەندراوەکەدا هاتووە، "دوای کۆکردنەوەی بەڵگەکان و بە فەرمانی دادوەر، بڕیاری دەستگیرکردن بۆ تۆمەتبار دەرچوو و توانرا لەلایەن مەفرەزەکانی بەشی پۆلیسی فریاکەوتنەوە دەستگیر بکرێت."
لێکۆڵینەوە سەرەتاییەکان دەریانخستووە کە ژنەکە لەلایەن هاوسەرەکەیەوە کوژراوە و هۆکاری روداوەکەش بۆ "کێشەی خێزانی" دەگەڕێتەوە.
پۆلیس ناسنامەی تۆمەتبارەکەی بە (س، ف، ح) و لەدایکبووی ساڵی 1996 راگەیاندووە. لە ئێستادا بە بڕیاری دادوەر و بەپێی ماددەی 406 لە یاسای سزادانی عیراقی راگیراوە.
قوباد تاڵەبانی دەڵێت، "یەکێتی حزبی شەهیدانە و خانەوادە و کەسوکاری سەربەرزی شەهیدانیش لە هەموو کەس زیاتر مافیان بەسەر یەکێتییەوە هەیە".
قوباد تاڵەبانی لە هەژماری تایبەتی خۆی لە تۆڕی کۆمەڵایەتی فەیسبوک رایگەیاندووە، "لە کۆبوونەوەم لەگەڵ کەسوکاری سەربەرزی شەهیدان لە هەولێر، سەرسام بووم بەو هەموو دڵسۆزی و پەرۆشییەیان بۆ سەرخستنی یەکێتی. پێکەوە گفتوگۆمان کرد لەبارەی کاریگەریی و رۆڵی یەکلاکەرەوەی یەکێتی لە چارەسەرکردنی کێشەکان و بەدیهێنانی مافە دەستورییەکانی خەڵکی کوردستان".
ئاماژەی بەوەشداوە، "جەختمان کردەوە کە بۆ بەهێزترکردنی پێگەی هەرێمی کوردستان و باشترکردنی دۆخی ژیان و گوزەرانی خەڵکی کوردستان و چارەسەکردنی کێشەکانی نێوان هەرێم و بەغدا پێویستە هەموو لایەکمان هەوڵی تەواو بدەین تا زۆرترین دەنگ بۆ یەکێتی کۆبکەینەوە و پێگەی یەکێتی زۆر لە ئێستا بەهێزتر بکەین".
قوباد تاڵەبانی، لە پەیامێکدا رایگەیاند کە هەڵبژاردنی ئەمجارە بۆ چارەسەرکردنی کێشەکانی نێوان هەرێمی کوردستان و حکومەتی فیدراڵی عیراق "چارەنووسسازە". ناوبراو جەختی کردەوە کە یەکێتی بەهێزترین و کاریگەرترین لایەنە لە بەغداد و داوای لە خەڵکی کوردستان کرد کە بۆ چارەسەری کێشەکان، متمانەیان بە یەکێتی هەبێت.
لە پەیامەکەیدا، کە لە تۆڕی کۆمەڵایەتیی فەیسبووک بڵاویکردووەتەوە، قوباد تاڵەبانی پرسیارێکی ئاراستەی دەنگدەران کردووە و دەڵێت: "کام لایەن ئەوەندەی یەکێتی لە بەغدا بەهێز و کاریگەرە کە بتوانێت شەڕی دابینکردنی مافە دەستورییەکان و شایستە داراییەکانی خەڵکی کوردستان بکات؟"
ناوبراو ئاماژەی بە رۆڵی مێژوویی یەکێتی لە چارەسەرکردنی قەیرانەکاندا کردووە و نووسیویەتی: "بە درێژایی ساڵانی رابردوو کام لایەن جگە لە یەکێتی توانیوویەتی بە تایبەت لە کاتی کێشە و قەیرانەکاندا، گرێکوێرەکان بکاتەوە و چارەسەری کێشەکانی بکات؟" لەسەر ئەم بنەمایە، داوای لە خەڵکی کوردستان کردووە کە "بۆ چارەسەرکردنی کێشەکانی نێوان هەرێم و حکومەتی فیدراڵ، بەغدا بە یەکێتی بسپێرن."
قوباد تاڵەبانی ئاشکرای کردووە کە لە یەکەم هەنگاوی دەستپێکی بانگەشەی هەڵبژاردندا لە هەولێری پایتەخت، لەگەڵ بەرپرسان و کادرانی یەکێتی لە بازنەی یەکی شۆڕش و بازنەی دووی برایەتی کۆبووەتەوە.
لەو کۆبوونەوەیەدا داوای لێکردوون کە "هەموو توانای خۆیان بخەنەگەڕ و بۆ دانیشتوانی هەولێری پایتەخت رون بکەنەوە کە بۆچی دەبێت لەم هەڵبژاردنەدا دەنگ بە لیستی ٢٢٢ی یەکێتی بدەن."
لە پەیامێکیدا بۆ دەستپێکردنی بانگەشەی هەڵبژاردن، بافڵ جەلال تاڵەبانی، سەرۆکی یەکێتیی نیشتمانیی کوردستان، ڕایگەیاند کە ئەم هەڵبژاردنە جیاوازە لەوانەی پێشوو و چارەنووسسازە، چونکە بڕیارە گرنگ و قورسەکان لە بەغداد دەدرێن. داوای لە هاووڵاتییان کرد بە جددی بەشداری بکەن و دەنگ بە لایەنێک بدەن کە لە عیراق خاوەن هێز و کاریگەرییە.
سەرۆک بافڵ جەلال تاڵەبانی ئاماژەی بەوەدا کە یەکێتیی نیشتمانیی کوردستان لە هەڵبژاردنی پێشوودا توانیویەتی 93٪ی دەنگەکانی زیاد بکات، ئەمەش نیشانەی متمانەی خەڵکە بە سیاسەت و رێبازەکەیان. جەختی کردەوە: "بڕۆن دەنگ بەو لایەنە بدەن کە ئیشی پێدەکرێت لە بەغداد، چونکە یەکێتی لە بەغداد قسەی دەخوات."
بافڵ تاڵەبانی رایگەیاند: کە لە کوردستان خەڵک روو لە یەکێتی دەکات بۆ چارەسەرکردنی کێشەکانیان، ئەمەش بەڵگەیە لەسەر رۆڵی کارای حیزبەکەیان لە گۆڕەپانی سیاسیدا. داوای لە دەنگدەران کرد کە دەنگی خۆیان "نەسوتێنن" و بە لایەنێکی دیکەی "بێ کاریگەری" نەدەن.
كتێبی كۆنگرەكانی ئۆپۆزسیۆنی عیراقی و وتاری یەكبوونخوازیی مام جەلال بڵاوکرایەوە
كتێبی كۆنگرەكانی ئۆپۆزسیۆنی عیراقی و وتاری یەكبوونخوازیی مام جەلال - كۆنگرەی لەندەن بە نموونە، كە د. عەدالەت عەبدوڵا نووسیویەتی بە زمانی عەرەبی چاپ و بڵاوكرایەوە.
ئەم كتێبە توێژینەوەیەكی زانستی و ئەكادیمییە سەبارەت بە گوتارە سیاسییەكانی سەرۆك مام جەلال، كە لە كۆنگرە جیاجیاكانی ئۆپۆزسیۆنی عیراقیدا پێشكەشی كردوون، بەڵام سامپڵی سەرەكیی توێژینەوەكە ئەو وتارەی سەرۆك مام جەلالە كە ساڵی 2002 لە كۆنگرەی ئۆپۆزسیۆنی عیراقیدا لە لەندەنی پایتەختی بەریتانیا پێشكەشی كرد.
كتێبەكە سەرەتا پوختەیەكی توێژینەوەكە و دواتر پێشەكی و پاشان سێ بەشی سەرەكیی لەخۆ دەگرێت؛ بەشی یەكەم: میتۆدی توێژینەوەكەیە و بەشی دووەمیش تایبەت كراوە بە وتارەكانی سەرۆك مام جەلال لە كۆنگرەكانی ئۆپۆزسیۆنی عیراقیدا، لە بەشی سێیەمدا توێژەر د. عەدالەت عەبدوڵڵا بە وردی قسە لەسەر پێكهاتە و ئاماژەكانی وتارەكەی سەرۆك مام جەلال دەكات، كە لە لەندەن پێشكەشی كرد.
لە پێشەكی ئەم كتێبەدا نووسەر ئاماژە بە رۆڵی گرنگ و پێشەنگی سەرۆك مام جەلال دەكات لە یەكخستنی ئۆپۆزسیۆنی عیراقی و گەڵاڵەكردنی سیناریۆكانی بەردەم داهاتووی عیراق، كە ئەوكات مەسەلەی یەكپارچەیی خاكی عیراق خەمی سەرەكی ئۆپۆزسیۆن بوو، هەروەها باس لەوەش دەكات كە سەرۆك مام جەلال لەو كاتەدا بەشداربوو لە بەدیهێنانی كۆدەنگیی نیشتمانیی سەبارەت بە گۆڕینی رژێم و قەناعەتپێكردنی ئۆپۆزسیۆنی عیراقی بە بەشداریكردن لە رووخاندنی رژێمدا، ئەوەش لە كاتێكدا بوو، كە لەو سەردەمەدا ئۆپۆزسیۆنی عیراقی وا دەهاتەبەرچاو كە تەنیا بینەرێكی دەستەپاچە و پەرتەوازەیە و هیچی پێناكرێت، بەڵام سەرۆك مام جەلال رۆڵی سەرەكی بینی لە نزیكخستنەوەی بۆچوونەكان و بە دەستهێنانی كۆدەنگیی لە ناویاندا.
جێگەی ئاماژەیە، ئەم توێژینەوەیە لەگەڵ كۆمەڵێك توێژینەوەی زانستیی دیكەدا لە یەكەم دیداری ساڵیادی شەشەمی كۆچی دوایی سەرۆك مام جەلال كە لە تشرینی یەكەمی ساڵی 2023دا لە نەجەف بەڕێوەچوو، پێشكەش كرا، دیدارەكەش بە سەرپەرشتی دامەزراوەی سەرۆک جەلال تاڵەبانی و دامەزراوەی بەحرئەلعلوم بەڕێوەچوو.
هەسەدە ئاشكرایكرد، چەكدارانی حكومەتی دیمەشق بەردەوامن لە پێشێلكارییەكان لە دەوروبەری دێرحافر و هێزەكانی ئاسایشی ناوخۆیان كردوەتە ئامانج.
ناوەندی راگەیاندنی هێزەكانی سوریای دیموكرات"هەسەدە" لەرایگەیەنراوێدا بۆ رای گشتی ئاماژەی بۆ ئەوەكردوە، دوای كۆمەڵكوژییەكەی مانگی ئەیلول لە دێر حافر، چەكدارانی حكومەتی دیمەشق بەردەوامن لە پێشێلكاریییەكان و شەڕڤانان و دانیشتوانی ناوچەكە دەكەنە ئامانج.
راشیگەیاندوە، بەیانی ئەمڕۆ درۆنی خۆكوژ لە دەوروبەری دێرحافر هێرشیان كردووەتە سەر ئۆتۆمبێلێكی سەربازی و بەهۆیەوە سێ شەڕڤان بە سوكی بریندار بوون. هاوكات ئێوارەی ئەمڕۆش بە درۆن هێزەكانی ئاسایشی ناوخۆ لەكاتی جێبەجێكردنی ئەركدا كراونەتە ئامانج، بەو هۆیەوە چوار شەڕڤان بریندار بوون.
ئەوەش لە كاتێكدایە لە 20ی مانگی رابردوو، لە دێرحافر لە ئەنجامی تۆپبارانی ماڵی هاووڵاتییان لەلایەن چەكدارانی دیمەشقەوە ، هەشت هاووڵاتی كوژران.
بافڵ جەلال تاڵەبانی، سەرۆکی یەکێتیی نیشتمانیی کوردستان سەردانی شێخ جەعفەر شێخ مستەفا، لێپرسراوی ئەنجوومەنی پاراستنی بەرژەوەندییە باڵاکانی یەکێتیی نیشتمانیی کوردستانی کرد.
لە دیدارێکدا جەلال شێخ ناجی، سەرۆکی ئاژانسی پاراستن و زانیاری/زانیاری ئامادەبوو، جەخت لە هەماهەنگی و یەکخستنی توانای هەموو دامەزراوەکانی یەکێتی کرایەوە بۆ خزمەتکردنی زیاتری خەڵکە خۆشەویستەکەمان و جێبەجێکردنی داواکارییەکانیان.
سەرۆک بافڵ پەرۆشی یەکێتی بۆ چارەسەرکردنی هەموو ئەو کێشانە دەربڕی کە خزمەت بە باشترکردنی ژیانی هاونیشتمانییان دەکات.
هەڤاڵ شێخ جەعفەر شێخ مستەفا رایگەیاند، پێکەوە بەرەو دەستکەوتی گەورەتر هەنگاوی گرنگ و بەرپرسیارانە دەنێین لە بەرژەوەندی گەلەکەمان.
مەكتەبی سیاسی یەكێتیی نیشتمانیی كوردستان بەبۆنەی جەژنی رۆژووی ( جەمایێ) ئێزدییەوە، لە پەیامێکدا پیرۆزبایی لە ئێزدییەکان دەکات.
دەقی پەیامەکە
بە بۆنەی جەژنی رۆژووی ( جەمایێ) ئێزدییەوە
پیرۆزباییەكی گەرم ئاراستەی خوشك و برایانی ئێزدی لە كوردستان و جیهان دەكەین
ئومێدەوارین لە سایەی كەشێكی پڕ لە ئارامیدا ئێزدییەكانی كوردستان گشت سروتەكانی ئەم جەژنەیان ببەن بەڕێوە و رۆژە سەخت و پڕ لە نەهامەتیەكانیان تێپەڕێنن و شەنگال و ناوچەكانی زێدی باو و باپیرانیان باشتر ئاوەدانبكرێتەوە و ژیانێكی پڕ لە خۆشی و ئاسودەیی بەرنە سەر
مەكتەبی سیاسی
یەكێتیی نیشتمانیی كوردستان
بەڕێوەبەرایەتی گشتی نەهێشتنی ماددە هۆشبەرەکانی دەزگای ئاسایشی هەرێم دەستگیرکردنی بازرگانێکی ماددەی هۆشبەری بە پێنج کیلۆگرام کریستاڵەوە راگەیاند، ئاماژەیان بەوەشکردوە، مەبەستی ساغکردنەوە ماددەکانی هێناوەیتە هەرێم.
ئەمڕۆ یەکشەممە، بەڕێوەبەرایەتی گشتی نەهێشتنی ماددە هۆشبەرەکان راگەیەندراوێکی بڵاوکردوەتەوە تێیدا هاتوە؛ بەهەماهەنگی بەڕێوەبەرایەتی ئاسایشی ڕاپەڕین توانیویانە لە سنوری ئیدارەی راپەڕین بازرگانێکی ماددەی هۆشبەریان دەستگیر بکەن.
دەشڵێن؛ لەئەنجامی کۆکردنەوەی زانیاری پێشوەخت و چاودێری ورد و بەدواداچوونی بەڕێوەبەرایەتی گشتی نەهێشتنی ماددە هۆشبەرەکان، کارەکەیان کردوە، بە بڕیاری دادوەر.
ئاماژەیان بەوەشکردوە لەگەڵ دەستگرکردنی بازرگانەکە توانیویانە دەستبەسەر پێنج کیلۆگرام ماددەی هۆشبەر لەجۆری کریستاڵ (ئەمفیتامین)بگرن، ویستی بووە ماددەکان لە هەرێمی کوردستاندا ساغ بکاتەوە.
لە بەەشێکی دیکەی راگەیەندراوەکەدا هاتووە؛ تۆمەتبار بەبڕیاری دادوەر بەماددەی 25 لەیاسای بەرەنگاربونەوەی ماددە هۆشبەرەکان و کارتێکارە ئەقڵییەکان ڕاگیراوە و لێکۆڵینەوە لەدۆسیەکەی بەردەوامە.
تەندروستی چەمچەماڵ دەستبەسەرداگرتنی چوار تۆن خۆراک و شمەکی بەسەرچووی لە ناحیەی ڕزگاری راگەیاند و ئاماژەیان بەوەشکردوە لەلایەن لیژنەکانیانەوە لەناو براون.
ئەمڕۆ یەکشەممە، لە پەڕەی رەسمی خۆیان، تەندروستی چەمچەماڵ رایگەیاندوە؛ لەهەڵمەتێکی گەڕان و پشکنیندا لەلایەن لێژنە هاوبەشەکانیان لە ناحیەی شۆڕش دەستیان بەسەر چوار تۆن خۆراک و شمەکی بەسەرچودا گرتووە.
ئاماژەیان بەوەشکردوە؛ هەڵمەتەکە لەلایەن لێژنە هاوبەشەکانی ناحیەی شۆڕش و چاودێری تەندروستی مەڵبەندی تەندروستی سەرەکی شەهید سەید جەوهەروە ئەنجامدراوە و 34 شوێنیان لە ناحیەکە بەسەر کردوەتەوە.
جۆری شووێنەکانیشیان دیاریکردوە کە؛ لەفەفرۆش، مارکێت، کارگە، گۆشت فرۆش، سەرتاشخانە، مەیدانی ئاژەڵان و ئارێشتگاکانی گەڕەکەکانی ناحیە شۆڕ بوون.
تەندروستی چەمچەماڵ دەشڵێت؛ ئەو خۆراک و شمەکانەی دەستیان بەسەردا گیراوە لەلایەن لیژنەکانیانەوە لەناوبراون.
هێزەکانی سوریای دیموکرات رایگەیاند بە هاوبەشی لەگەڵ هێزەکانی ئاسایشی ناوخۆ هەڵمەتێکی ئەمنی هاوبەشیان لە دژی شانەکانی داعش و باندە تاوانکارەکان لە لادێکانی عەین عیسا ئەنجام داوە و توانیویانە 71 ئەندامی شانەکانی داعش و تاوانباران دەستگیر بکەن.
ئەمڕۆ یەکشەممە، هەسەدە ڕاگەیەندراوێکیان بڵاوکردوەتەوە و تێیدا هاتووە؛ لە میانی هەڵمەتێکی ئەمنی بەرفراوان و پلان بۆ داریژراوەدا لە سنوری عەین ئەسەد، هێزەکانیان توانیویانە گورزێکی گەورە لە شانە نوستوەکانی داعش بدەن
ئەماژەیان بەوەشکردوە لە ئۆپراسیۆنەکەدا 71 کەسیان دەستگیرکردوە، کە تاوانەکانیان جۆراوجۆرە؛ ژمارەیەک لەوانە ئەندامی داعشن هەروەها کەسانی بەشدار لە تۆڕەکانی تاوانی رێکخراو کە تێوەگلاون لە دزی و بازرگانیکردن بە ماددە هۆشبەرەکان و هۆکاربوون بۆ تێدانی ئاسایشی ناوخۆیی و هەڕەشەکردن لە سەلامەتی هاووڵاتییان.
هەسەدە راشیگەیاندوە؛ لە م ئۆپەراسیۆنەکەدا دەستیان بەسەر بڕێکی زۆر چەک و تەقەمەنی و کەرەستەی بەکارهێنراو بۆ ئەنجامدانی کردەوەی توندوتیژی و تیرۆردا گیرا، کە ویستویانە بەکاری بهێنن بۆ تێکدانی توانای ئەم شانانە بۆ زیانگەیاندن بە ئاسایش و ئاشتی مەدەنی.
جەختیش دەکەنەوە لەوەی بەردەوام دەبن لە بەدواداچوون بۆ پاشماوەکانی داعش و هەڵوەشاندنەوەی تۆڕەکانی تاوانی ڕێکخراو کە هۆکران بۆ تێكدانی سەقامگیری و بردنی ماڵای هاووڵاتییانی مەدەنی.
رۆژانی حەوت و هەشتی ئەم مانگە، دیداری میری لە هەولێر بەرێوە دەچێت و بڕیاریشە یەکێک لەو کەسانەی تێیدا قسەدەکات مەزڵوم کۆبانی بێت، یەکێک لە تەوەرەکانی دیدارەکەش باسکردنە لە ئایندەی سوریا و پێشهاتەکانی ئەم دوایەی وڵاتەکە.
بەگوێرەی ئەو پلانەی بڵاوکراوەتەوە لە ماڵپەڕی رەسمی دیداری میریدا، مەزڵوم کۆبانی، فەرماندەی هێزەکانی سوریای دیموکرات (هەسەدە) بۆ گفتوگۆکردن لەگەڵ سەرکردە سیاسییە کوردەکان سەبارەت بە نوێترین پێشهاتە ئەمنییەکانی سوریا و ناوچەکە دێتە هەولێر و لەگەڵ بەرپرسانی باڵای هەرێمدا کۆدەبێتەوە.
تا ئێستا بەڕونی دیار نییە فەرماندەکەی هەسەدە لەگەڵ کێ و کێدا کۆدەبێتەوە و پلانی کۆبوونەوەکانی ئاشکرانەکراوە، بەڵام لە دیداری میلیدا چەندین کەسایەتی بەناوبانگ و سیاسی قسەدەکەن و بە ئەگەری زۆرەوە ژمارەیەک چاوپێکەوتن و کۆبونەوە ئەنجام دەدات.
عەبدی پێشتر لە مانگی نیسانی ساڵی رابردوو سەردانی هەولێری کردبوو، لەوێ لەگەڵ سەرۆکی هەرێم و سەرکردە سیاسییە کوردەکان و هەروەها وەزیری دەرەوەی فەرەنسا کۆبووەوە، ئەمەش لە چوارچێوەی هەوڵەکان بۆ هەماهەنگی لەسەر ئایندەی کوردانی سوریا و پەیوەندییەکانی لەگەڵ دیمەشق.
ئەمساڵیش لە ناوەراستی مانگی یەکدا بە هەمانشێوە مەزڵوم کۆبانی لە سەردانێکی رانەگەیەندراودا و لە ڕێگەی فڕۆکەی تایبەتی ئەمریکییەوە لە ڕۆژئاوای کوردستانەوە گەشتبوە هەولێر و لەگەڵ مەسعود بارزانی کۆبوونەوەیەکیان ئەنجامدا.
بەشداریکردنی عەبدی لە دیدارکەدا، دەبیتە سێیەم سەردانی فەرماندەکەی رۆژئاوا بۆ هەرێمی کوردستان، دیداری مێری چالاکیی ساڵانەی سەرەکی پەیمانگاکەیە، کە داڕێژەرانی سیاسەتی ناوخۆیی، نیشتمانی و نێودەوڵەتی، ئەکادیمیستەکان، سەرکردەکانی بۆچوون، چالاکوانانی کۆمەڵگەی مەدەنی، ڕۆژنامەنووسان و دیپلۆماتکاران کۆدەکاتەوە. سەکۆیەک بۆ مشتومڕکردن لەسەر زەختترین پرسەکان کە کاریگەرییان لەسەر ناوچەکە هەیە و پێشکەشکردنی چارەسەری پراکتیکی بۆ بڕیاردەران دابین دەکات. ئامانجی کۆتایی کۆڕبەندەکە بریتییە لە پێشخستنی ئاشتی و سەقامگیری و خۆشگوزەرانی لە عێراق و ڕۆژهەڵاتی ناوەڕاستی فراوانتر لە ڕێگەی گفتوگۆی بنیاتنەر و بەشداریکردنی گشتگیر و وەبەرهێنانی هاوبەش لە داهاتوودا.
ئەمرۆ یەکشەممە ٢٠٢٥/١٠/٥ دادوەر عومەر ئەحمەد محەمەد سەرۆکی دادگای تێهەڵچونەوەی ناوچەی سلێمانی، پێشوازی لە وەفدێکی دەستەی سەربەخۆی مافی مرۆڤ کرد کە پێکهاتبوون لە د. مونی یاقو سەرۆکی دەستەکە و وەفدی هاوڕێی.
لە کۆبونەوەکەدا باس لە رەوشی مافی مرۆڤ لە کوردستان بەگشتی کرا و جەختکرایەوە لە هەماهەنگی نێوان دەستەکە لەگەڵ دامەزراوە دادوەرییەکان.
لەو بارەیەوە سەرۆکی دادگای تێهەڵچونەوەی ناوچەی سلێمانی ئامادەیی دەربڕی بۆ هەموو کارئاسانیەک بۆ لیژنە یاساییەکانی دەستەی سەربەخۆی مافی مرۆڤ لە بینینی دۆسیەکان و سەردانکردنی هەر کەسێک کە ئەوان بیانەوێت.
لە کۆتاییدا وەفدی میوان خۆشحاڵی خۆیان بۆ سەردانەکە دەربڕی و سوپاسی سەرۆکی دادگایان کرد بۆ هەماهەنگی و هاوکاریەکانی لەگەڵ تیمەکانی دەستەکە.
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە رزگار حاجی حەمە، لێپرسراوی مەکتەبی هەڵبژاردن کرد.
لە دیدارێکدا رزگار حاجی حەمە لە راپۆرتێکی ورددا بەرنامە و پلانی مەکتەبی هەڵبژاردنی خستەبەردەم سەرۆکی یەکێتی و جەختی لەوە کردەوە، لە چوارچێوەی بڕیارەکانی سەرکردایەتیی یەکێتی ئەرکەکان بەشێوەیەک رێکخراون کە شایستەبن بە پێگە و سەنگی یەکێتییەکەمان و خواستی کۆمەڵانی خەڵک.
لای خۆیەوە، بافڵ جەلال تاڵەبانی سوپاسی هەڤاڵ رزگار حاجی حەمە و مەکتەبی هەڵبژاردنی کرد کە دڵسۆزانە ئەرکەکانیان رێکخستووە. لەبارەی کارکردنیشیان بەرچاوروونی زیاتری پێدان و رایسپاردن کە بە هەماهەنگی سەرجەم بازنەکان و ئۆرگانەکان بەرنامەی یەکێتی بۆ خزمەتکردنی زیاتری خەڵک جێبەجێ بکەن و تەواوی پەیام و هەنگاوەکانی یەکێتیش هەر لە خزمەتی گشتی و بەدیهێنانی مافەکانی هاووڵاتییان بێت.
بەڕێوەبەرایەتی جێبەجێکردنی دووەمی سلێمانی سەربە وەزارەتی دارایی و ئابوری ئاشکرایکرد، بەشێک لە پشکەکانی کۆمپانیای چاڤی گەشتیاری لە زیادکردنی ئاشكرادا فرۆشرا.
پەیامنێری کوردسات نیوز رایگەیاند، 60 موڵکی چاڤی لاند، بەبڕی 91 ملیار فرۆشرا و وەبەرهێنێک ئەو موڵکانەی کڕیوە.
وتیشی، فرۆشتنەکە بە نرخی ئەو قەرزانە بووە کە لەسەر کۆمپانیای چاڤی لاند بووە و نەیگەڕاندووەتەوە بۆ وەزارەتی دارایی.
پەیامنێری کوردسات نیوز ئاماژەی بەوەشکرد، پێشتر لەلایەن وەزارەتی داراییەوە چەند جارێک ئەو کۆمپانیایە ئاگادارکراوەتە، کە ئەو قەرزانەی لەسەری کەڵەکەبووە بیگەڕێنێتەوە، بەڵام کۆمپانیاکە ئامادە نەبووە قەرزەکانی بداتەوە.