کوردستان
بە بۆنەی 51 ساڵەی دامەزراندنی یەکێتیی نیشتمانیی کوردستانەوە، هاوسەرۆکایەتی کۆنسەی بەڕێوەبەریی کۆما جڤاکێن کوردستان (کەجەکە) پەیامێکی پیرۆزبایی بڵاوکردەوە و تێیدا هاتووە؛ یەکێتیی نیشتیمانیی کوردستان بە هەڵگرساندنی شۆڕشی نوێ و سەرلەنوێ دەستپێکردنەوەی تێکۆشان و خۆڕاگری دژی رژێمی فاشیستی بەعس جارێکی دی بوو بە تروسکەی هیوا بۆ کۆمەڵانی خەڵکی کوردستان.
کەجەکە ئەماژەی بەوەشکردوە، یەکێتی بە پێشەنگایەتی سەرۆک مام جەلال تاڵەبانی، لە هاوکاری و پشتیوانی بۆ خەبات و تێکۆشان لە بەشەکانی تری کوردستان و هەروەها هەوڵدان بۆ چارەسەرکردنی ئاشتییانەی پرسی کورد لەم بەشانەدا خاوەن رۆڵ و کاریگەریی بووە
دەقی پەیامەکەی کەجەکە
"بەڕێز/ بافڵ جەلال تاڵەبانی، سەرۆکی یەکێتیی نیشتیمانیی کوردستان
بەڕێزان/ ئەندامانی مەکتەبی سیاسی و ئەنجوومەنی باڵای سیاسی
بە بۆنەی ٥١ـەمین ساڵرۆژی دامەزراندنی یەکێتیی نیشتیمانی کوردستان پیرۆزبایی گەرمی خۆمان ئاراستەی ئێوەی بەڕێز، هەموو کادیر و ئەندامان و لایەنگرانی یەکێتی دەکەین و هیوای تەندروستی و سەرکەوتنتان بۆ دەخوازین.
بەڕێزان،
دامەزراندنی یەکێتیی نیشتیمانیی کوردستان خاوەن گرنگییەکی مێژووییە. لە کاتێکدا کە بێهیوایی باڵی بە سەر باشووری کوردستاندا کشاندبوو، یەکێتیی نیشتیمانیی کوردستان بە هەڵگرساندنی شۆڕشی نوێ و سەرلەنوێ دەستپێکردنەوەی تێکۆشان و خۆڕاگری دژی ڕژێمی فاشیستی بەعس جارێکی دی بوو بە تروسکەی هیوا بۆ کۆمەڵانی خەڵکی کوردستان. لەو سەردەمەوە تا ئێستا یەکێتیی نیشتیمانیی کوردستان ڕۆڵێکی گرنگی بینیوە لە مسۆگەرکردنی دەسکەوتە نەتەوەیی و دیموکراتییەکان لە باشووری کوردستاندا. هەروەها یەکێتیی نیشتیمانیی کوردستان، بە پێشەنگایەتی سەرۆک مام جەلال تاڵەبانی، لە هاوکاری و پشتیوانی بۆ خەبات و تێکۆشان لە بەشەکانی تری کوردستان و هەروەها هەوڵدان بۆ چارەسەرکردنی ئاشتییانەی پرسی کورد لەم بەشانەدا خاوەن ڕۆڵ و کاریگەریی بووە. پەیوەندی هاوڕێتی و دۆستایەتی لە نێوان سەرۆک مام جەلال، ڕێبەر ئاپۆ و مامۆستا ئیبراهیم ئەحمەد سەلمێنەری ئەم ڕاستییەیە. ئەم پەیوەندییە لە هەمانکاتدا، هەوێن و بزوێنەری یەکێتی نەتەویی و دیمۆکراتییە لە نێوان کوردی هەر چوار بەشی کوردستان. لەو بڕوایەداین کە وەک وەفادارییەک بۆ ئەم میراتە مێژووییە پێویست دەکات زیاتر گوڕ بە خەبات و تێکۆشان بدەین لە پێناو مسۆگەرکردنی یەکێتیی نەتەوەیی و دیموکراتی کورد بە بەشداری هەموو هێز و لایەنە سیاسییەکانی سەرتاسەری کوردستان.
جارێکی دی ئەم یادە مەزنە لە ئێوەی بەڕێز، خانەوادەی شەهیدە سەربەرزەکان و هەموو گەلی کوردستان پیرۆز دەکەین، سەری ڕێز و نەوازش بۆ شەهیدان دادەنەوێنین و هیواخوازین سەرکەوتوو و سەرفراز بن".
لە ساڵیادی دامەزراندنی یەكێتیی نیشتمانیی كوردستاندا سەرۆكی بزوتنەوەی بابلیون ، جەخت لەگرنگی رۆڵ و پێگەی سەرۆك مام جەلال و بەردەوامییدان بە رێبازە نیشتمانییەكەی دەكاتەوە و ستایشی رۆلی سەرۆك بافڵیش دەكات.
رەیان كلدانی سەرۆكی بزوتنەوەی بابلیون لەپەیامێكدا رایگەیاند: بە بۆنەیەوە51 مین ساڵیادی دامەزراندنی یەكێتیی نیشتمانیی كوردستاندا، بە پێزانینێكی زۆرەوە یادی سەركردەی كۆچكردوو، مام جەلال تاڵەبانی بەرز رادەگرین، كە هەمیشە بڕوای وابوو هێزی نیشتمان بە گفتوگۆ، هاوبەشی و رێزگرتن لە فرەیی و جیاوازییەكانەوە بنیاد دەنرێت، هاوكات لەم یادەدا، ستایشی هەوڵەكانی بافڵ تاڵەبانی دەكەین لە بەردەوامیدان بەو رێڕەوە نیشتمانییە و كاركردنی بەردەوامی لەپێناو بەهێزكردنی سەقامگیری و لێكتێگەیشتن لە نێوان سەرجەم پێكهاتە جیاوازەكانی عیراقدا.
لە كۆتاییدا، گەرمترین پیرۆزبایی ئاڕاستەی سەركردایەتی و جەماوەری یەكێتیی نیشتمانیی كوردستان دەكەن، بەو هیوایەی هەمیشە لە سەركەوتندا بن بۆ خزمەتكردنی زیاتری عیراق و گەلەكەی.
سەرۆکی رەوتی حیکمەی نیشتمانی، عەممار حەکیم، بەبۆنەی 51مین ساڵیادی دامەزراندنی یەکێتیی نیشتمانیی کوردستانەوە، پەیامێکی پیرۆزبایی ئاراستەی سەرکردایەتی ئەو حزبە و لە سەرووشیانەوە بافڵ جەلال تاڵەبانی کرد.
حەکیم لە پەیامەکەیدا رایگەیاند: پیرۆزبایی لە سەرکردایەتی یەکێتیی نیشتمانیی کوردستان و لە پێشەنگیاندا برا بەڕێز بافڵ تاڵەبانی دەکەم، بەبۆنەی 51مین ساڵیادی دامەزراندنی یەکێتییەوە.
سەرۆکی رەوتی حیکمە وتیشی: لەم بۆنەیەدا، بە ڕێز و شکۆوە مێژووی پڕ لە سەروەریی سەرکردە و دامەزرێنەری کۆچکردوو مام جەلال تاڵەبانی (ڕەحمەتی خوای لێبێت) بەبیردەهێنمەوە، کە رۆڵی هەبوو لە چەسپاندنی رێبازێکی نیشتمانیی لەسەر بنەمای فرەیی و دیموکراسی.
عەممار حەکیم لە کۆتایی پەیامەکەیدا جەختی لەوە کردەوە: ئەم یادە وێستگەیەکی گرنگە لە مێژووی ئەم رێکخراوە دێرینەدا کە بەردەوامە لە خزمەتکردنی نیشتمان و داکۆکیکردن لە پرەنسیپەکانی ئازادی و دادپەروەری، و کارکردن لەگەڵ هێزە نیشتمانییە جیاوازەکان بۆ بەهێزکردنی سەقامگیری و چەسپاندنی ئەزموونی دیموکراسی لە عیراقدا.
پاشان داوای سەرکەوتنی بەردەوامی بۆ یەکێتی و سەرجەم هێزە نیشتمانییەکان کرد لەپێناو خێری وڵات و هاووڵاتییاندا.
وەزارەتی پێشمەرگەی حکومەتی هەرێمی کوردستان رایگەیاند کە هاوکاریی دارایی هێزەکانی هاوپەیمانان بۆ مانگی نیسان (4)ی ساڵی 2026، خراوەتە سەر هەژماری وەزارەتەکە و وادەی دابەشکردنەکەشی دیاریکرا.
بەپێی راگەیەندراوێکی رەسمی وەزارەتی پێشمەرگە، لە ئێستادا بەڕێوەبەرایەتی گشتیی بوودجە و بەرنامەکان (ژمێریاریی سەربازی) سەرقاڵی ئەنجامدانی رێکارە دارایی و ژمێریارییە پێویستەکانە بە مەبەستی ئامادەکردنی تێچووی هاوکارییەکە بۆ دابەشکردن.
وەزارەتی پێشمەرگە ئاماژەی بەوەش کردووە، بۆ ئەم مەبەستە رۆژی پێنجشەممە، رێکەوتی 4ی حوزەیرانی 2026، بە رەسمی دەست بە دابەشکردنی هاوکارییە داراییەکە بەسەر هێزەکانی پێشمەرگەدا دەکرێت.
وەزارەتی ئەوقافی هەرێم رایگەیاند، بەرەبەیانی ئەمڕۆ لە مەدینە یەکەم حاجی کورد بە ناوی (ئەحمەد محەمەد سەعید نوری بریفکانی) دوای بەجێگەیاندنی فەریزەی حەج گیانی لەدەستدا
ئەمڕۆ دووشەممە، وەزارەتی ئەوقاف بڵاویکردەوە، بەرەبەیانی ئەمرۆ لە شاری مەدینە یەکەم حاجی هەرێمی کوردستان گیانی لەدەستداوە.
ئەوقافی هەرێم ئاماژەی بەوەشکردوە، حاجییەکە خەڵکی پارێزگای دهۆکە و لە دایکبووی ساڵی 1945.
لە راگەیەندراوەکەی ئەوقافدا هاتووە؛ لەسەر رەزامەندی کەسوکاری حاجییەکە لە شاری مەدینە بەخاک دەسپێردرێت و ناهێندرێتەوە بۆ هەرێم.
سەرۆکی هەرێمی کوردستان بەبۆنەی 51 ساڵەی دامەزراندنی یەکێتیی نیشتمانیی کوردستانەوە، پەیامێکی پیرۆزبایی بڵاوکردەوە و دەڵێت؛ یەکێتی كه مێژوويهكى درێژى خهباتى لهپێناو مافهكانى گهلى كوردستاندا ههيه و لهم رێگهيهدا به ههزاران شههيدى داوه، هەمیشە خاوەن پێگەیەکی گرنگ و کاریگەر بووە لە پرۆسەی سیاسیی هەرێمی کوردستان و عیراقدا.
ئاماژەی بەوەشکردوە، هیواخوازم ئەم بۆنەیە ببێتە دەرفەتێکی نوێ بۆ بەهێزکردنی یەکڕیزیی نیشتمانی و باڵادەستکردنی زمانی گفتوگۆ و لێکگەیشتن لەپێناو چارهسهركردنى كێشهكان، سەقامگیری، گەشەپێدان و داهاتوویەکی باشتر و شایستە بۆ گەلی کوردستان.
دەقی پەیەماکەی سەرۆکی هەرێم
بهڕێز بافڵ جهلال تاڵهبانى
سهرۆكى يهكێتيى نيشتمانيى كوردستان
سڵاو و ڕێز..
له ساڵیادی دامەزراندنی یەکێتیی نیشتمانیی کوردستاندا، به گهرمى پيرۆزبايى لە بەڕێزتان و سەرکردایەتی و ئەندامان و تەواوی جەماوەری یەکێتیی نیشتمانیی کوردستان دەکەم و هیوای سەرکەوتنتان بۆ دەخوازم. لەم یادەدا پێگەی مێژوویی و خهبات و تێکۆشانی خوالێخۆشبوو سەرۆک مام جەلال بەرز دەنرخێنین و به ڕێزهوه يادى دهكهينهوه.
یەکێتی كه مێژوويهكى درێژى خهباتى لهپێناو مافهكانى گهلى كوردستاندا ههيه و لهم ڕێگهيهدا به ههزاران شههيدى داوه، هەمیشە خاوەن پێگەیەکی گرنگ و کاریگەر بووە لە پرۆسەی سیاسیی هەرێمی کوردستان و عێراقدا. لەم یادەدا دووپاتی دەکەینەوە كه زیاتر لە ههموو كاتێك بەرپرسیاريهتیی هاوبەش، تەبایی و کاری پێکەوەیی لەنێوان سەرجەم هێز و لایەنە سیاسییەکاندا پێويسته، تا پێکەوە بتوانین پارێزگاری لە قەوارەی دەستووریی هەرێمی کوردستان و مافەکانی گەلى كوردستان بکەین.
هیواخوازم ئەم بۆنەیە ببێتە دەرفەتێکی نوێ بۆ بەهێزکردنی یەکڕیزیی نیشتمانی و باڵادەستکردنی زمانی گفتوگۆ و لێکگەیشتن لەپێناو چارهسهركردنى كێشهكان، سەقامگیری، گەشەپێدان و داهاتوویەکی باشتر و شایستە بۆ گەلی کوردستان.
نێچیرڤان بارزانی
سەرۆکی هەرێمی کوردستان
2026/6/1
بە وتەی لێپرسراوانی ئەمریكا، فەرماندەیی ناوەندیی هێزەكانی وڵاتەكە هەماهەنگی كردووە بۆ تێپەڕبوونی 70 كەشتی بە گەروی هورمزدا.
رۆژنامەی نیویۆرك تایمز لە زاری لێپرسراوانی ئەمریكی بڵاویكردووەتەوە، فەرماندەیی ناوەندی ئەمریكا "سێنتكۆم" لە ماوەی سێ هەفتەی رابردوودا تێپەڕبوونی بۆ 70 كەشتی بە گەروی هورمزدا رێكخستووە و هێزەكانی ئەمریكاش بۆ تێپەڕینی كەشتییە بازرگانییەكان هاوكار بوون.
ئەوەش لەكاتێكدایە دانوستانەكانی ئەمریكا و ئێران لەڕێی نێوەندگیرانەوە بۆ گەیشتن بە رێككەوتنی كۆتاییهێنان بە جەنگ بەردەوامە، باس لەوەش دەكرێت سەرۆكی ئەمریكا پێشنیازێكی زۆر توندی ئاڕاستەی ئێران كردووە، كە ئەوەش ماوەی دانوستانەكان درێژ دەكاتەوە.
بەبۆنەی 51 ساڵەی دامەزراندنی یەکێتیی نیشتیمانیی کوردستانەوە قوباد تاڵەبانی پەیامێکی پیرۆزبایی بڵاوکردوەتەوە و دەڵێت؛ ئێستا هەمووان بوونی یەکێتی لە بەغداد وەک گەرەنتییەک بۆ پاراستنی مافەکانی کورد و چارەسەرکردنی کێشەکانی هەموو عیراق دەبینن.
ئاماژەی بەوەشکردوە، وەک پێشتر بەڵێنمان داوە و ئێستاش دووپاتی دەکەینەوە، خزمەتکاری خەڵکی کوردستان دەبین. بەرژەوەندی و خواستی چین و توێژەکانی خەڵکی کوردستان، بەرژەوەندی و خواست و هەڵوێستی یەکێتیی نیشتمانیی کوردستانە.
دەقی پەیامەکەی قوباد تاڵەبانی
ساڵی 1975 دوای ئەو تاڵاوی شکست و تەمی بێ هیواییەی باڵی سەر کوردستاندا کێشابوو، یەکێتیی نیشتمانیی کوردستان چەندە پێویست بوو بۆ گەڕاندنەوەی ورە و هیوا و بۆ رێکخستنەوەی خەڵک و جۆشدانەوەی خەباتی مافخوازانە و رزگاریخوازانەی خەڵکی کوردستان، ئێستاش دوای 51 ساڵ، بە هەمان ئەندازە یەکێتی پێویستە بۆ پاراستنی دەستکەوتەکان و چارەسەرکردنی کێشەکان و دابینکردنی مافە دەستوورییەکانی خەڵکی کوردستان.
بۆ؟
چوونکە یەکێتی لە بەغدا و لەسەر ئاستی نێودەوڵەتیشدا ئەو هێزەیە هەمووان بە رێزەوە حیساب بۆ هەڵوێست و سیاسەتەکانی دەکەن. هاوپەیمانی بەهێزی هەیە و بە سیاسەتی ژیرانە و حەکیمانە لە قورسترین قەیرانەکاندا و سەخت ترین ساتەوەختەکاندا دەرگا بەڕووی چارەسەردا دەکاتەوە.
ئێستا هەمووان بوونی یەکێتی لە بەغدا وەک گەرەنتییەک بۆ پاراستنی مافەکانی کورد و چارەسەرکردنی کێشەکانی هەموو عێراق دەبینن.
بۆ ناوخۆی کوردستانیش ئاشتی و ئازادی و دیموکراسی و دادپەروەری باوەڕی نەگۆڕی یەکێتییە. ئامانجی یەکێتی لە گەڕاندنەوەی هاوسەنگی هێز بۆ چەسپاندنی دیموکراسی و دادپەروەری و باشترکردنی خزمەتگوزاری و دۆخی ژیانی هاوڵاتییانە بەبێ هیچ جۆرە جیاوازی دانانێک.
هەر لە سۆنگەی باوەڕمان بە دادپەروەری و باشترکردنی ژیانی هاوڵاتییان سیاسەتی یەکێتی لەم قۆناغەدا گرنگیدانە بە گەشەپێدانی هاوسەنگ و بووژانەوەی ئابووریی قەزا و ناحییەکان.
وەک پێشتر بەڵێنمان داوە و ئێستاش دووپاتی دەکەینەوە، خزمەتکاری خەڵکی کوردستان دەبین. بەرژەوەندی و خواستی چین و توێژەکانی خەڵکی کوردستان، بەرژەوەندی و خواست و هەڵوێستی یەکێتیی نیشتمانیی کوردستانە.
لە یادی 51 ساڵەی دامەزراندنی یەکێتیی نیشتمانیی کوردستاندا بە ڕێز و شکۆوە یادی هەموو شەهیدانی یەکێتی دەکەینەوە و سڵاو دەنێرین بۆ سەرۆک مام جەلال و ئەندامانی دەستەی دامەزرێنەر و هەموو ئەو هەڤاڵ و ئازیزانەی بە خەبات و تێکۆشانی یەکێتییەوە ماندووبوون.
هەروەها پیرۆزباییەکی گەرم لە هەموو هەڤاڵان و جەماوەری دڵسۆزی و کەسوکاری سەربەرزی شەهیدانی یەکێتی دەکەین. دڵنیاین یەکێتی بە پشتیوانی و بە خەمخۆری جەماوەرەکەی هەر دەمێنێت و هەر گەشە دەکات و هەر وەک هێزی جێی هیوا و متمانەی خەڵکی کوردستان دەمێنێتەوە.
دەزگای ئاسایشی هەرێم دەستگیرکردنی دوو بازرگانی ماددەی هۆشبەر و دەست بەسەرداگرتنی 35 کیلۆ و 38 گرام ماددەی هۆشبەر لەجۆری کریستاڵی شل راگەیاند.
دەقی بڵاوکراوەکە:
لە رۆژی 25ـی 5ـی 2026، بەڕێوەبەرایەتی ئاسایشی گشتیی سلێمانی/بەڕێوەبەرایەتی نەهێشتنی ماددەهۆشبەرەکان، لە دوای بەدواداچوون و ئەنجامدانی لێکۆڵینەوەی ورد لە چالاکییەدا، توانیان دەستبەسەر بڕی 35 کیلۆ و 38 گرام مادەی هۆشبەر لە جۆری کریستاڵی شل بگرن و دوو بازرگانی مادەی هۆشبەر کە خاوەن رەگەزنامەی بیانین لە سنوری سلێمانی دەستگیربکەن.
لەئێستادا تۆمەتباران بەماددەی 20 لەیاسای ماددە هۆشبەرەکان و کارتێکارە ئەقڵییەکان راگیراون و لێکۆڵینەوە لەدۆسییەکەیان بەردەوامە.
بزوتنەوەی گۆران بەبۆنەی 51ـەمین ساڵیادی دامەزرانی یەکێتیی نیشتمانیی کوردستان پەیامێکی پیرۆزبایی ئاڕاستەی ئەو حزبە و تەواوی ئەندامانی دەکات و دەڵێت: دامەزراندنی یەکێتی وەرچەرخانێکی گەورەی خەباتی سیاسی و گەڕانەوەی هیوایەکی نوێبوو لەبەرخودانی خەڵک بۆ ئازادی.
دەقی پەیامەکە
بەڕێز بافڵ جەلال تاڵەبانی سەرۆکی یەکێتی نیشتیمانی کوردستان
بەڕێزان ئەندامانی مەکتەبی سیاسیی و ئەندامانی سەرکردایەتی ئەندامان و ودۆستان ولایەنگران
لە ساڵیادی دامەزراندنی یەکێتی نیشتیمانی کوردستان پیرۆزباییەکی گەرم لەئێوە و دۆست و لایەنگرانتان دەکەین.
دامەزراندنی یەکێتیی نیشتیمانی کوردستان لەهەلومەرجی ئەوکاتەدا کە گەلی کورد لەژێر زەبر و زەنگی داگیرکەرانی کوردستان و لەناو نائومێددا بوو، وەرچەرخانێکی گەورەی خەباتی سیاسی و گەڕانەوەی هیوایەکی نوێبوو لەبەرخودانی خەڵک بۆ ئازادی.
بەتایبەتی بەڕابەرایەتی هەردوو ڕەوانشادان جەنابی مام جەلال و کاک نەوشیروان مستەفا
هەر لەم بۆنەیەدا، بەپێویستی دەزانین ململانێی لایەنە سیاسیەکان لەسەر خزمەتکردنی هاوڵاتیان و باشترکردنی خزمەتگوزاریەکان وبژێوی ژیانیان بێ.
سڵاو دەنێرین بۆ گیانی شەهیدانی رێگای ئازادی کوردستان
بزوتنەوەی گۆڕان
١/٦/٢٠٢٦
کۆسرەت رەسوڵ عەلی بەبۆنەی یادی 51ـەمین ساڵەی دامەزرانی یەکێتیی نیشتمانی کوردستان پەیامێکی پیرۆزبایی بڵاوکردەوە و دەڵێت: یەکێتی لە رۆژگاری بێ ئومێدی و لووتکەی بەهێزی رژێمی بەعس شۆڕشی هەڵگیرساندەوەو سەلماندی لە رۆژە تاریکەکانیش ئومێد هەیە.
دەقی پەیامەکە:
(٥١)ەمین ساڵیادی دامەزراندنی یەکێتیی نیشتمانیی کوردستان لە پێشمەرگە قارەمانەکان و تێکۆشەرە دێرینەکان و کەسوکاری سەربەرزی شەهیدان، زیندانیانی سیاسی و کەمئەندامانی سەنگەر و سەرجەم ئەندام و لایەنگرانی یەکێتیی پیرۆز دەکەم.
یەکێتیی نیشتمانیی کوردستان لە رۆژگاری بێ ئومێدی و لووتکەی بەهێزی رژێمی بەعس شۆڕشی هەڵگیرساندەوەو سەلماندی لە رۆژە تاریکەکانیش ئومێد هەیە و بە هەمووانی گوت تا کوردێک مابێت خەبات بەردەوامەو هەرگیز دەست لە مافەکانمان بەرنادەین، لەوساوە تا ئەمڕۆ زیاتر لە نیو سەدەیە، یەکێتیی لە شاخ و شار خەبات دەکات لەپێناو ئازادی و دادپەروەری، دیموکراسی و خۆشگوزەرانی و ژیانێکی شایستە بۆ میللەتەکەمان لەپێناو گەیشتن بە ئاواتە وەدینەهاتووەکانی گەلەکەمان.
دووبارە ئەم یادە پیرۆزە لە خەڵکی کوردستان و سەرجەم کوردپەروەران پیرۆز دەکەم، خەبات بەردەوامە و گرنگە بەو رۆحیەتەوە بەردەوام بین.
کۆسرەت رەسول عەلی
بەڕێوەبەرایەتیی تەندروستیی سلێمانی ئاماری رۆژانی جەژنی بڵاوکردووەتەوە و تێیدا هاتووە: تەنها لە رۆژانی جەژندا نزیکەی حەوت هەزار نەخۆش سەردانی نەخۆشخانەکانی سلێمانییان کردووە.
دەقی بڵاوکراوەکەی تەندروستیی سلێمانی:
لە رۆژانی جەژنی قوربان 6,873 نەخۆش سەردانی نەخۆشخانە و ناوەندە تەندروستیەكانی سلێمانی یان كردووە و 1,250 نەخۆش تۆمارکراون و 580 نەشتەرگەری ئەنجامدراوە.
لە رۆژانی جەژنی قوربان 4,515 نەخۆش سەردانی نەخۆشخانەی شاریان كردووە و 959 نەخۆش تۆمارکراون و 449 نەشتەرگەری فریاكەوتن و كتوپڕ كراوە و 76 نەشتەرگەری تر ئەنجامدراوە، هەروەها 17,487 پشكنینی تاقیگەیی و 672 سۆنەر كراوە و 1,493 تیشك گیراوە و 129 شووشتنەوەی گورچیلە و 7 قەستەرە كراوە.
لە رۆژانی جەژنی قوربان 435 نەخۆش سەردانی نەخۆشخانەی منداڵبوونی فێركاری یان كردووە و 72 منداڵ لەدایكبوون كە 49 منداڵیان بە سروشتی لەدایكبوون و 23 منداڵ بە نەشتەرگەری لەدایكبوون،
لە نەخۆشخانەی سووتاوی و نەشتەرگەری جوانكاری 161 نەخۆش سەردانیان كردووە و 2 نەخۆش داخڵ كراون.
لە نەخۆشخانەی د.جەمال ئەحمەد ڕەشیدی منداڵان 1,788 منداڵی نەخۆش لە ڕۆژانی جەژن بینراون و 187 منداڵ داخڵ كراون و چارەسەری پێویستیان بۆ كراوە،
لە نەخۆشخانەی كۆئەندامی هەرس و جگەری فێرکاری 31 نەخۆش پێویستیان بە فریاكەوتنی خێرا هەبووە و چارەسەری پێویستیان بۆ كراوە.
لە نەخۆشخانەی دڵ 104 نەخۆش داخڵ كراون و چارەسەری پێویستیان بۆ كراوە و 35 نەشتەرگەری قەستەرە و 19 دانانی باڵۆن و 1 پەیس مەیكەر ئەنجام دراوە،
تیمەكانی سەنتەری فریاكەوتنی خێرای 122 لە ڕۆژانی جەژن 70 حاڵەتی گەرمی بە هاناوەچوونی برینداری ڕووداوەكانی هاتوچۆ و شەڕ و كەوتنەخوارەوە و ڕووداوە جیاجیاكان و 200 حاڵەتی بەهاناوەچوونی ئاساییان بۆ هاووڵاتیان لە شوێنە گشتیەكان ئەنجام داوە.
مەکتەبی سیاسیی پارتی دیموکراتی کوردستان بەبۆنەی 51ـەمین ساڵیادی دامەزراندنی یەکێتیی نیستمانیی کوردستان پەیامێکی پیرۆزبایی ئاڕاستەی سەرۆکی یەکێتی و تەواوی ئەندامانی حزبەکە دەکات.
دەقی پەیامەکە
بەڕێز/ بافڵ جەلال تاڵەبانی، سەرۆکی یەکێتیی نیشتیمانیی کوردستان
بەڕێزان/ ئەندامانی مەكتەبی سیاسی و ئەنجوومەنی باڵای سیاسی و بەرژەوەندیی یەكێتیی نیشتیمانیی كوردستان
بە بۆنەی(٥١)مین ساڵیادی دامەزراندنی یەكێتیی نیشتیمانیی كوردستان، پیرۆزباییەكی گەرم لە ئێوەی بەڕێز و کادیر و ئەندام و لایەنگرانی یەکێتی دەكەین و، هیوای بەردەوامیتان بۆ دەخوازین.
لەم دەرفەتەدا، جارێكی دیكە جەخت دەكەینەوە سەر هەماهەنگی و تەبایی نێوان سەرجەم هێز و لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییە چارەنووسسازەکان و، پاراستنی دەستكەوتەكانمان و بەهێزکردنی دامەزراوەکان و داکۆکیکردن لە قەوارەی دەستووری و سیاسی هەرێمی کوردستان.
جارێکی دیکە پیرۆزباییتان لێدەکەین.
مەكتەبی سیاسیی پارتی دیموكراتی كوردستان
رۆژی 1ـی 6، ساڵیادی دامەزراندنی یەکیتیی نیشتمانیی کوردستانە و لەمساڵیدا 51 ساڵ بەسەر ئەو یادەدا تێپەڕدەبیت و دامەزراوەی سەرۆک جەلال تاڵەبانی پیرۆزبایی لە ساڵڕۆژی دامەزراندنی یەکێتیی نیشتمانیی کوردستان دەکات.
دەقی پەیامەکە
دامەزراوەی سەرۆک جەلال تاڵەبانی، پیرۆزبایی ٥١ـەمین ساڵڕۆژی دامەزراندنی یەکێتیی نیشتمانیی کوردستان دەکات.
بەبۆنەی (٥١)ــــەمین ساڵڕۆژی دامەزراندنی یەکێتیی نیشتمانیی کوردستانەوە جوانترین و گەرمترین پیرۆزبایی ئاراستەی، کەسوکاری سەربەرزی شەهیدان، تێکۆشەرانی یەکێتی، پێشمەرگە قارەمانەکان، زیندانیانی سیاسی، کەمئەندامانی سەنگەر، گەنجان و لاوان، ژنان، خوێندکاران و تەواوی خەڵکی کوردستان دەکەین، سڵاو و درود دەنێرین بۆ گیانی پاک و بەرزەفڕی شکۆی نەتەوە، نیشتمان و رابەری نەتەوەییمان، سەرۆک مام جەلال و سەرجەم شەھیدانی رێگەی رزگاریی کورد و کوردستان.
یەکێتیی نیشتمانیی کوردستان لە رۆژی ١-٦-١٩٧٥، بەیاننامەی دامەزراندنی خۆی بڵاوکردەوە لەکاتێکدا باڵی نائومێدی هەموو تاکێکی کورد و کوردستانی گرتبووە خۆی لە ئەنجامی ئاشبەتاڵی شۆڕشی ئەیلول لە ئازاری ١٩٧٥ دا بەمەش ئومێدی بەخشی بە کوردستانییان، شۆڕشێکی راستەقینە لەو ساتەوە ھەڵگیرسا کە رۆلی گەورەی لەلایەن سەرۆک مام جەلالەوە بوو؛ هەروەها بە خوێنی ھەزاران شەھیدی سەر بەرز و داکۆکیکارانی یەکێتی ئامانجە رەواکانی میللەتی کورد هاتەدی.
یەکێتیی نیشتمانیی کوردستان لە ماوەی پێنج دەیە خەبات و تێکۆشاندا، رۆڵێکی گرنگی هەبووە لە پاراستنی مافە نەتەوەیی، نیشتمانییەکانی گەلی کوردستان، بەدیهێنانی دەستکەوتە سیاسی، دیموکراسییەکان، ئازادی، دیموکراسی، یەکسانی، چەسپاندنی مافی مرۆڤ و نەھێشتنی دیکاتۆریەت و ھێنانە کایەی بیر و ئاراستەی سیاسیی جیاواز و فرە حزب هێنایە کایەوە کە ئێستا ئەزموونەکەمان لەسایەیدا بە ھەرێمێکی دەستووری و دامەزراوە یاساییەکانی لە حکومەت و پەرلەمان و سیستمێکی فیدراڵی شاد بووە.
لەم یادە پیرۆزەدا، بە ڕێز و شانازییەوە یادی شەهیدان و خەباتگێڕانی ڕێگەی ئازادی دەکەینەوە، بە تایبەتی سەرۆک جەلال تاڵەبانی کە بە هەوڵ و تێکۆشانی خۆی بناغەی ئەم حزبە نیشتمانییەی دانا، بۆیە لە ھەموو کات زیاتر میللەتەکەمان پێویستی بە پرەنسیپەکانی لێبوردەیی، حیکمەت، دووربینی و قبوڵکردنی بەرانبەر ھەیە کە سەرۆک مام جەلال سەرمەشق بووە تیایدا. هەر لەم بۆنە گرنگەدا تەبایی و یەکڕیزی و پەیوەندی لایەنە سیاسییەکان بۆ پاراستنی ئەزموونەکەمان بە پێویست دەزانین.
بەرز و شکۆ داربێت ساڵڕۆژی دامەزارندنی حزبی شەھیدان
دروود بۆ رۆحی پاکی سەرۆک مام جەلال و شەهیدانی رێگەی رزگاریی کورد و کوردستان
باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی
ڤاتیکان دەرگا بەڕووی توێژەرانی کوردستاندا دەکاتەوە و وەک هەنگاوی سەرەتاش، سالار مەحمود لێپرسراوی بۆردی ناوەندی دەرەوەی یەکێتی نیشتمانی کوردستان، لە وڵاتی ڤاتیکان سەردانی دامەزراوەی ( وەزارەت)ـی ئەرشیفی ڤاتیکانی کرد.
لە دیدارێکدا لەگەڵ مۆنسنیور فلاڤیۆ بۆنومۆ بەڕێوبەری ئەرشیفی ئاینەکان لە وڵاتی ڤاتیکان، گفتوگۆیان کرد لە بارەی میکانیزی هاوکاریکردنی خوێندکارانی کورد و توێژەران و رێکخراوە کەلتورییەکان بۆ لێکۆڵینەوە، سەبارەت بە مێژووی ناوچەی میزۆپۆتامیای جاران و کوردستانی ئێستا.
ئەم دامەزراوە هەموو نوسراو و ئەرشیفی بەر لە پێنج سەدەی جیهان و ناوچەی میزۆپۆتامیای تیا هەڵگیراوە. کە لەلایەن گەڕیدە ئاینی و باوەڕ پێکراوەکانی ڤاتیکانەوە لە سەردەمە جیاجیاکاندا نوسراوەو ئاڵوگۆڕ کراوە.
هەر دیکۆمێنتێک دوای ٧٥ ساڵ دەخرێنە بەردەست ئەکادیمیست و توێژەران بە رێکاری تایبەت بۆ دیراسەو شەن و کەوکردن.
دیدارەکە بە ئامادەبوونی هەڤاڵ ئارام ئەحمەد براخاس و بەڕێز لوئەی سامی گۆرگیس ئەنجام درا.
لە درێژەی سەردانەکەدا لێپرسراوی ناوەندی دەرەوە رۆژی هەینی ٢٠٢٦/٥/٢٩ سەردانی (دامەزراوەی دیەلۆگی نێوان ئاینەکان)ی کرد. لەلایەن مونسنیور شربل عطااللە بەرپرسی دۆسیەی رۆژهەڵاتی ناوەڕاست و ئاسیای دامەزراوەکەوە پێشوازی لێکرا.
لە دیدارێکدا سالار مەحمود باسی لە گرنگی برایەتی و پەرەپێدانی سیاسەتی ئاشتیخوازی کردو، رایگەیاند: گەلی کورد و یەکێتی نیشتمانی کوردستان باوەڕی تەواوی بە ئاشتی و پێکەوە ژیانی راستەقینەی نێوان پێکهاتەکان هەیە، بەتایبەتیش بەشداری و نوێنەرایەتی راستەقینەیان لە پرۆسەی سیاسی و پارێزگاری لەمافە مەدەنی و سیاسیەکانیان بەپێی دەستورو یاسا بەرکارەکان.
مونسنیور شربل عطااللە بەرپرسی رۆژهەڵاتی و ناوەڕاست و ئاسیای دامەزراوەکە باسی لە میهرەبانی خەڵکی کوردستان کرد، بەتایبەتی لە دۆخە دژوارەکاندا باوەشیان بۆ مەسیحیەکان و پێکهاتەکانی تری ناوچەکانی عیراق کردۆتەوە.
رایگەیاند: کوردستان شوێنێکی گرنگی ژیان و مرۆڤدۆستیەو لە رابردوودا خەڵکەکەی زۆر ئازاردراون.
سالار مەحمود ئەو راستیەی بیرهێنایەوە کە لەشاڵاوەکانی ئەنفالدا هەموو پێکهاتەکانی کوردستان رووبەڕووی کۆمەڵکوژی بونەتەوە، لە قۆناغی هەشتەمی شاڵاوەکانی ئەنفالدا چەندین گوندی خوشک و برایانی کریستیان رووبەڕووی ئەو تاوانە نێوەدەوڵەتیە بوونەوەو هەم خۆیان بون بە قوربانی و هەم گوندەکانیان روخێنران.
هەر هەمان رۆژ سالار مەحمود چاوی کەوت بە سەفیری عیراق لە ڤاتیکان عەمار محەمەد داود لە دیدارێکدا باسی پرسی کارئاسانی بۆ خوێندکاران و توێژەران و رێکخراوە کەلتوریەکان کرا، سەبارەت بە چالاکی کەلتوریی و توێژینەوە.
رۆژی 1ـی 6، ساڵیادی دامەزراندنی یەکیتیی نیشتمانیی کوردستانە و لەمساڵیدا 51 ساڵ بەسەر ئەو یادەدا تێپەڕدەبیت و چەندین پیرۆزبایی ئاڕاستەی سەرۆک و ئەندامانی مەکتەبی سیاسی و سەرکردایەتی و هەموو یەکێتییەکان کراوە.
پیرۆزبایی یەکگرتووی ئیسلامی کوردستان
بەبۆنەی ساڵیادی دامەزراندنی یەكێتی نیشتمانی كوردستانەوە جوانترین پیرۆزبایی پێشكەش بەجەنابی كاك بافڵ سەرۆكی یەكێتی و بەڕێزانی مەكتەبی سیاسی و سەركردایەتی و ڕێكخستنەكانی یەكێتی دەكەین..
بەهیوای ساڵێكی پڕ لەسەركەوتن و پێشكەوتن بۆ ئێوەی بەڕێز و پرۆسەی سیاسی كوردستان..
یادەكەتان لەكاتێكدایە كە گەل و نیشتمان پێویستی بەهیمەتێكی باڵاو پێشوە چونێكی باشتر هەیە بۆ یەكڕیزی و چارەسەری گرفتە ناوخۆیەكانی ناوماڵی هەرێم و عێراق و چاوەڕێی زۆرتر ئەكرێ لە بەڕێزتان لەم بارەیەوە..
بۆ پەیوەندیە دوو قۆڵیەكانمان خوازیاری پێشكەوتن و بەتینترین لەپێناو خزمەتی زیاترو خەباتی هاوبەشی زۆرتردا..
سەركەوتووبن ...
مەكتەبی سیاسی
یەكگرتووی ئیسلامی كوردستان
31/5/2026
پیرۆزبایی حەمەی حەمەسەعید
پیرۆزبایی لێپرسراوی مەڵبەندی ڕێکخستنی شنگال
بەیاننامە و پیرۆزبایی بەبۆنەی ٥١ـەمین ساڵیادی دامەزراندنی یەکێتیی نیشتمانیی کوردستان
خەڵکی و جەماوەر و کادیرە کۆڵنەدەرەکانی یەکێتیی نیشتمانیی کوردستان، بە هەستێکی پڕ لە شانازی و سەربەرزییەوە، گەرمترین و قۆڵترین پیرۆزبایی ئاراستەی سەرۆک بافڵ جەلال تاڵەبانی و تەواوی کادیر و لایەنگران و جەماوەری یەکێتیی نیشتمانیی کوردستان دەکەین، بەبۆنەی پەنجا و یەکەمین ساڵیادی دامەزراندنی ئەم قەڵا تێکۆشەر و پێشەنگە. مێژووی ئەم حزبە، کاروانێکی پڕ لە قوربانیدان و دەستکەوتی حاشاهەڵنەگرە لەسەر ئەرزی واقیع.
لەم بۆنە ئازیزەدا، بە پێزانین و ئەمەکدارییەوە یاد و هاوکارییە گەورەکان، پشتگیرییە نەگۆڕەکان و هەڵوێستە مێژووییەکانی سەرۆکی نەمر "مام جلال" دەکەینەوە، پێش ئەوەی نەخۆشی لە گۆڕەپانی سیاسی دووری بخاتەوە؛ ئەو سەرکردەیەی کە کۆڵەکەی بنەڕەتیی بۆ پاراستن و خزمەتکردنی پێکهاتەی ئێزیدی و خەڵکی شنگال دانا، و بە ڕاستی باوکی ڕۆحی و پشتیوانێکی بەهێزی ئێمە بوو.
ئێمە ئەمڕۆ، لە سایەی ئەم یادەدا، باس لە ئاوات و خۆزگە ناکەین، بەڵکو بە شانازییەوە ڕاستی و ئەو دەستکەوتانە دەخەینەڕوو کە دوای ڕووداوەکانی ساڵی ٢٠١٤ و بە هەوڵ و دڵسۆزیی کادیرەکانمان بەدیهاتوون:
* **لەسەر ئەرزی واقیع و لە مەیدانی جەنگدا،** دەوری میحوەریی یەکێتیی نیشتمانیی کوردستان بە کرداری ڕەنگی دایەوە، کاتێک خوێنی تێکۆشەرانی تێکەڵ بە خوێنی هێزەکانی تر و پاڵەوانانی خۆڕاگریی ئێزیدی بوو، تا پێکەوە و بە خوێنی پاکیان، داستانی مێژوویی ڕزگارکردنی شنگال تۆمار بکەن و پشتی تیرۆر بشکێنن.
* **قۆناغی دوای ڕزگارکردن ئاسان نەبوو،** بەڵام ئێمە بە کردەوە سەرکەوتوو بووین لە چەسپاندنی سەقامگیریی باری ئەمنی و بڵاوکردنەوەی ئارامی لە تەواوی ناوچەکەدا، کە ئەمەش دیارترین دەستکەوتە کە ئەمڕۆ خەڵکەکەمان لە شنگال لە سایەیدا دەژین.
* **بەهۆی هەوڵە هاوبەشەکانمانەوە،** هانمەر و پشتبەستنی هاووڵاتیانمان کرد بۆ گەڕانەوە بۆ سەر زێد و ماڵوموڵکی خۆیان، تا دووبارە ڕۆح و ژیان بە شار و گوندەکانیان ببەخشنەوە و بە هیممەت و کارەکانیان، ناسنامەی ڕەسەنی خاکی باوک و باپیرانیان بسەلمێننەوە.
* **هەوڵەکانمان سەركەوتوو بوون لە دامەزراندنی هەماهەنگییەکی ڕاستەقینە** لە نێوان هێزە سیاسییەکان و سەرجەم پێکهاتەکاندا، کە توانی ڕیزی شنگالییەکان یەکبخات و ببێتە کەناڵێکی فەرمی و کاریگەر بۆ گەیاندنی داواکارییەکانی خەڵک بەوپەڕی دەستپاکی و قورساییەوە بۆ باڵاترین دەسەڵاتە فیدراڵییەکان لە بەغدای پایتەخت.
* **هەروەها وەک بەربەستێکی پۆڵایین و بە توندی وەستاینەوە** دژی هەموو ئەو پیلان و نەخشەیانەی کە لایەنەکان دەیانویست پێی یاری بە چارەنووس و بەرژەوەندیی شنگال و خەڵکەکەیەوە بکەن، و بە کردەوە سەلماندمان کە بڕیاری شنگال تەنها و تەنها لەلایەن خەڵکە دڵسۆز و شەریفەکەی خۆیەوە دەدرێت.
سەروەری و نەمرانی بۆ شەهیدانی یەکێتیی نیشتمانیی کوردستان و شەهیدانی خۆڕاگریی ئێزیدی، و بژیت یەکێتیی نیشتمانیی کوردستان وەک بەدیهێنەر و دەستەبەرکاری مافی هەموان.
داود جندی شێخ کالۆ
لێپرسراوی مەڵبەندی ڕێکخستنی شنگالی
یەکێتیی نیشتمانیی کوردستان
پیرۆزبایی وەزیری پلاندانانی حکومەتی هەرێم
یەکێتیی نیشتمانیی کوردستان لە ڕابردوودا هێزی پارێزەری گەل و نیشتمان بووە، لە ئێستاشدا هێزی ئاوەدانی و سەقامگیریی هەرێمی کوردستانە و بۆ داهاتووش هێزی حوکمڕانییەکی باش و چەسپاندنی دادپەروەری و دەوڵەتدارییە. بە درێژایی ٥١ ساڵی خەبات، یەکێتی هەمیشە هەڵگری ئامانجە نەتەوەیی و نیشتمانییەکانی گەلی کورد بووە و بەردەوام بووە لە خزمەتکردنی گەل و پاراستنی دەستکەوتە نەتەوەییەکان.
کاروانی یەکێتی بەردەوامە؛ لە نەوەی شۆڕشەوە بۆ نەوەی بنیادنان.
لە یادی ئەم بۆنە پیرۆز و شکۆدارەدا، سەری ڕێزمان بۆ ڕۆحی پاکی شەهیدانی ڕێگای ئازادی و سەربەخۆیی دادەنێین و بە شانازییەوە یادی سەرۆک مام جەلال و هاوڕێیانی، پێشمەرگە قارەمانەکان، تێکۆشەران و هەموو خەباتگێڕانی ڕێبازی یەکێتی دەکەینەوە؛ ئەوانەی کە بە گیانفیدایی و خۆبەخشین، بناغەی ئێستای کوردستانیان دامەزراند و میراتێکی پیرۆزیان بۆ نەوەکانی داهاتوو بەجێهێشت.
د. دارا ڕەشید
وەزیری پلاندانانی حکومەتی هەرێم
دامەزراوەی سەرۆک جەلال تاڵەبانی
دامەزراوەی سەرۆک جەلال تاڵەبانی، پیرۆزبایی ٥١ـەمین ساڵڕۆژی دامەزراندنی یەکێتیی نیشتمانیی کوردستان دەکات.
بەبۆنەی (٥١)ــــەمین ساڵڕۆژی دامەزراندنی یەکێتیی نیشتمانیی کوردستانەوە جوانترین و گەرمترین پیرۆزبایی ئاراستەی، کەسوکاری سەربەرزی شەهیدان، تێکۆشەرانی یەکێتی، پێشمەرگە قارەمانەکان، زیندانیانی سیاسی، کەمئەندامانی سەنگەر، گەنجان و لاوان، ژنان، خوێندکاران و تەواوی خەڵکی کوردستان دەکەین، سڵاو و درود دەنێرین بۆ گیانی پاک و بەرزەفڕی شکۆی نەتەوە، نیشتمان و رابەری نەتەوەییمان، سەرۆک مام جەلال و سەرجەم شەھیدانی رێگەی رزگاریی کورد و کوردستان.
یەکێتیی نیشتمانیی کوردستان لە رۆژی ١-٦-١٩٧٥، بەیاننامەی دامەزراندنی خۆی بڵاوکردەوە لەکاتێکدا باڵی نائومێدی هەموو تاکێکی کورد و کوردستانی گرتبووە خۆی لە ئەنجامی ئاشبەتاڵی شۆڕشی ئەیلول لە ئازاری ١٩٧٥ دا بەمەش ئومێدی بەخشی بە کوردستانییان، شۆڕشێکی راستەقینە لەو ساتەوە ھەڵگیرسا کە رۆلی گەورەی لەلایەن سەرۆک مام جەلالەوە بوو؛ هەروەها بە خوێنی ھەزاران شەھیدی سەر بەرز و داکۆکیکارانی یەکێتی ئامانجە رەواکانی میللەتی کورد هاتەدی.
یەکێتیی نیشتمانیی کوردستان لە ماوەی پێنج دەیە خەبات و تێکۆشاندا، رۆڵێکی گرنگی هەبووە لە پاراستنی مافە نەتەوەیی، نیشتمانییەکانی گەلی کوردستان، بەدیهێنانی دەستکەوتە سیاسی، دیموکراسییەکان، ئازادی، دیموکراسی، یەکسانی، چەسپاندنی مافی مرۆڤ و نەھێشتنی دیکاتۆریەت و ھێنانە کایەی بیر و ئاراستەی سیاسیی جیاواز و فرە حزب هێنایە کایەوە کە ئێستا ئەزموونەکەمان لەسایەیدا بە ھەرێمێکی دەستووری و دامەزراوە یاساییەکانی لە حکومەت و پەرلەمان و سیستمێکی فیدراڵی شاد بووە.
لەم یادە پیرۆزەدا، بە ڕێز و شانازییەوە یادی شەهیدان و خەباتگێڕانی ڕێگەی ئازادی دەکەینەوە، بە تایبەتی سەرۆک جەلال تاڵەبانی کە بە هەوڵ و تێکۆشانی خۆی بناغەی ئەم حزبە نیشتمانییەی دانا، بۆیە لە ھەموو کات زیاتر میللەتەکەمان پێویستی بە پرەنسیپەکانی لێبوردەیی، حیکمەت، دووربینی و قبوڵکردنی بەرانبەر ھەیە کە سەرۆک مام جەلال سەرمەشق بووە تیایدا. هەر لەم بۆنە گرنگەدا تەبایی و یەکڕیزی و پەیوەندی لایەنە سیاسییەکان بۆ پاراستنی ئەزموونەکەمان بە پێویست دەزانین.
بەرز و شکۆ داربێت ساڵڕۆژی دامەزارندنی حزبی شەھیدان
دروود بۆ رۆحی پاکی سەرۆک مام جەلال و شەهیدانی رێگەی رزگاریی کورد و کوردستان
باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی
وەزیری پێشمەرگەی حکومەتی هەرێمی کوردستان
پەیامی پیرۆزبایی وەزیری پێشمەرگە بەبۆنەی (٥١)ەمین ساڵیادی دامەزراندنی یەکێتیی نیشتمانیی کوردستان
بەبۆنەی (٥١)ەمین ساڵیادی دامەزراندنی یەکێتیی نیشتمانیی کوردستان و (٥٠)ەمین ساڵیادی هەڵگیرساندنەوەی شۆڕشی نوێی گەلەکەمان، گەرمترین پیرۆزبایی لە گەلی کوردستان و جەماوەری یەکێتیی دەکەم.
بەوپەڕی ڕێز و وەفادارییەوە، یادی پڕ لە شانازیی، سەرۆک مام جەلال و سەرکردە نەمرەکانی یەکێتیی نیشتمانیی کوردستان و تەواوی تێکۆشەرانی گەلی کوردستان بەرزڕادەگرین.
لەم ساڵیادەدا، دروود بۆ گیانی شەهیدانی ڕێگەی ئازادی کوردستان، سڵاو و ڕێز و وەفاداری دەگەیەنین بە بنەماڵەی سەربەرزی شەهیدان و قارەمانەکانی مەفرەزە سەرەتاییەکانی شۆڕشی نوێ و سەرجەم شۆڕشگێڕانی ڕزگاریخوازی گەلی کوردستان، کە بە خوێن و قوربانیدان و گیانفیدایی بەردەوامی تێکۆشەرانی یەکێتیی و هێزە شۆڕشگێرەکان و پێشمەرگەی کوردستان، بوونە هەوێنی ڕاپەڕینی سەرتاسەری گەلی کوردستان؛ سەرکەوتن بەرامبەر رژێمی بەعسی دیکتاتۆر و داگیرکەری کوردستان، بە پشتیوانی خەڵکی دڵسۆزی کوردستان ئازادی و رزگاری بۆ کوردستان بەدەستهات.
دروود و نەمری بۆ گیانی شەهیدانی کوردستان
سەربەرزی بۆ کەسوکاری شەهیدان
سڵاو و ڕێز بۆ تێکۆشەران و هێزی پێشمەرگەی کوردستان
شۆڕش ئیسماعیل
وەزیری پێشمەرگەی حکومەتی هەرێمی کوردستان
پیرۆزبایی د. رێبوار تەها ئەندامی ئەنجومەنی سەرکردایەتیی یەکێتی
بەبۆنەی یادی (٥١) ساڵەی دامەزراندنی یەکێتیی نیشتمانیی کوردستان و (٥٠) ساڵەی هەڵگیرسانی شۆڕشی نوێی گەلەکەمان، گەرمترین پیرۆزبایی لە کۆمەڵانی خەڵک و هەڤاڵانی یەکێتی دەکەین.
بە شانازییەوە یادی ئەو ڕۆژە مەزنە دەکەینەوە کە بووە وەرچەرخانێکی مێژوویی لە خەباتی نەتەوەیی و دیموکراسی گەلەکەمان.
لەم یادەدا، سەری ڕێز و نەوازش بۆ ڕێباز و ڕۆڵی مێژوویی سەرۆک و ڕابەری کۆچکردوو مام جەلال دادەنەوێنین، کە قوتابخانەی تەبایی و دیالۆگی دامەزراند و یەکێتیی کردە چەتری کۆکەرەوەی تێکۆشەران.
ئەمڕۆ، یەکێتی بەردەوامە لە کاروانە شکۆدارەکەی لەژێر سەرکردایەتی حەکیمانە و بوێرانەی سەرۆک بافڵ جەلال تاڵەبانی، کە بە دیدگایەکی نوێوە یەکێتی بەرەو لوتکە دەبات و پێگەی سیاسی حزبەکە لە عێراق و هەرێم بەهێزتر دەکات.
ئێمە جەخت دەکەینەوە لە سەر پاراستنی بنەماکانی پێکەوەژیانی ئاشتییانە لەنێوان هەموو نەتەوە و ئایینەکان، چونکە هێز لە تەبایی و فرەییدایە.
رێبوار تەها
ئەندامی ئەنجومەنی سەرکردایەتی یەکێتیی نیشتمانیی کوردستان
پیرۆزبایی مەکتەبی سیاسیی پارتی دیموکراتی کوردستان
بەڕێز/ بافڵ جەلال تاڵەبانی، سەرۆکی یەکێتیی نیشتیمانیی کوردستان
بەڕێزان/ ئەندامانی مەكتەبی سیاسی و ئەنجوومەنی باڵای سیاسی و بەرژەوەندیی یەكێتیی نیشتیمانیی كوردستان
بە بۆنەی(٥١)مین ساڵیادی دامەزراندنی یەكێتیی نیشتیمانیی كوردستان، پیرۆزباییەكی گەرم لە ئێوەی بەڕێز و کادیر و ئەندام و لایەنگرانی یەکێتی دەكەین و، هیوای بەردەوامیتان بۆ دەخوازین.
لەم دەرفەتەدا، جارێكی دیكە جەخت دەكەینەوە سەر هەماهەنگی و تەبایی نێوان سەرجەم هێز و لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییە چارەنووسسازەکان و، پاراستنی دەستكەوتەكانمان و بەهێزکردنی دامەزراوەکان و داکۆکیکردن لە قەوارەی دەستووری و سیاسی هەرێمی کوردستان.
جارێکی دیکە پیرۆزباییتان لێدەکەین.
مەكتەبی سیاسیی پارتی دیموكراتی كوردستان