کوردستان
دوای شكستی چەند هەوڵێكی هەردوو ئاراستەكەی گۆڕان بۆ یەكگرتنەوەو بەستنی كۆنفرانسی جیا ، رۆژی شەممە جارێكی دیكە هەردوو باڵەكە كۆنفرانس دەبەستن و پێدەچێت خاوەندارێتی حزبەكە بۆ یەكێكیان یەكلابێتەوە.
رۆژی 5ی نیسانی رابردوو لە گردی زەرگەتە كۆنفرانسی گۆڕان بەسترا، بەڵام دوای هەفتەیەك لەلایەن كۆمسیۆنەوە هەڵوەشێنرایەوە، دواتر و لە 26ی هەمان مانگ باڵەكەی تری گۆڕان كۆنفرانسیان بەست، بەڵام بەهۆی نەبوونی رێژەی یاساییەوە دواخرا بۆ 24ی ئەم مانگە كە تیایدا هەردوو ئاڕاستەی گەڕەكی كوردسات و گردی زەرگەتە بەشداری دەكەن و پێدەچێت یەكلاكەرەوە بێت و زۆرینەی رەها ببێتە خاوەنی بزووتنەوەكە.
بەپێی زیانیارییەكانی كوردسات نیوز، هەردوو ئاراستەكە لە زەرگەتە و كوردسات، لە هەوڵدان بۆئەوەی زۆرترین ئەندامی خۆیان بەشداری بكەن و دواجار ببنە خاوەنی ناو و لۆگۆ و مێژووی بزووتنەوەكە بەشێوەیەكی رەسمی.
ئەمڕۆ دادگای تاوانەكانی سلێمانی بڕیاری لە سێدارەدانی بۆ بكوژی ئاری چایچی دەركرد.
بەیانی ئەمڕۆ دانیشتنی دادگای تاوانەكانی سلێمانی بەڕێوەچوو، لە دانیشتنەکەدا دادوەر بڕیاری لە سێدارەدانی بۆ بكوژی ئاری چایچی دەركرد.
یەکێک لە پارێزەرانی دۆسیەی ئاری چایچی بە کوردسات نیوزی راگەیاند: دوای پێنج جار دانیشتن دادگا بڕیاریدا لەسەر دۆسیەکە داو سزای لە سێدارەدان بۆ بکوژ دەرکرد.
وتیشی، دادگا بە شێوەیەکی ئاشکرا و بێ لایەنانە بڕیاریدا و سزای لەسێدارەدانی بۆ تاوانباری سەرەکی تاوانەکە راگەیاند.
ئاری چایچی شەوی 27-7-2024، لە رووداوێكی تەقەكردن لە گەرەكی راپەرینی شاری سلێمانی كوژرا.
دواتر بەڕێوەبەرایەتیی گشتیی ئاسایشی سلێمانی لە راگەیێنراوێكدا دەستگیركردنی تۆمەتبارەكەی راگەیاند.
ئەمەش لەکاتێکدایە، 13ـی 5ـی 2025 دادگای تاوانەکانی سلێمانی سزای لەسێدارەدانی بۆ بکوژی کوڕەکەی وەستا حەسەنی کەبابچی دەرکرد.
وەزارەتی دارایی و ئابووریی حکوومەتی هەرێمی کوردستان رایگەیاند، بەشی گەنجینەی فیدراڵی لە داهاتی نانەوتیی هەرێم خرایە سەر هەژماری وەزارەتی دارایی فیدراڵ .
وەزارەتی دارایی و ئابووری هەرێم لە راگەیەندراوێکیدا دەڵێت، ئەمڕۆ بەشی گەنجینەی فیدراڵی لە داهاتی نانەوتی هەرێمی کوردستان بۆ مانگی نیسانی ساڵی کە بڕەکەی 50 ملیار و 522 ملیۆن و 750 هەزار دینارە، بەشێوەی کاش خرایە سەر هەژماری بانکی وەزارەتی دارایی حکومەتی فیدراڵ لەلقی هەولێری بانکی ناوەندی عیراق.
ئاڵدار خەلیل ئەندامی دەستەی سەرۆكایەتی پەیەدە رایگەیاند، كاریگەری هەڵوەشانەوەی پەكەكە لەسەر رۆژئاوای كوردستان ئەرێنییەو وادەكات هیچ بیانوویەك بۆ توركیا نەبێت پەلاماری رۆژئاوا بدات.
ئاڵدار خەلیل بە كوردسات نیوزی راگەیاند، ئەو هێزانەی رۆژئاوا دەپارێزن، هیچ پەیوەندییەكیان بە پەكەكەوە نییەو توركیا مافی ئەوەی نییە دەستوەردان لە داهاتووی ئەو هێزانە بكات.
سەبارەت بەرێككەوتنی رۆژئاواو دیمەشقیش، ئاڵدار خەلیل وتی، تا ئێستا رێككەوتنەكە نەچووەتە بواری جێبەجێكردنەوە، بەهۆی ئەوەی دیمەشق تاك لایەنانە دەستورێكیان راگەیاند، هەربۆیە دیمەشق سوورە لەسەر سوریایەكی ناوەندی و رۆژئاواش ئەوە رەتدەكاتەوە.
ئاشكراشیكرد، بەمزوانە وەفدێكی كوردی دروستدەكرێت بۆ گفتوگۆكردن لەگەڵ دەسەڵاتدارانی دیمەشق.
حاڵەتێكی دیكەی گوماناوی توشبوون بە تای خوێنبەربوون لە دهۆك تۆماركرا، تا ئێستا دوو حاڵەتی دیكەش لەو شارە تۆماركراون
سەگڤان سلێمان بەڕێوەبەری نەخۆشخانەی ئازادی دهۆك بە كوردسات نیوزی راگەیاند، حاڵەتێكی دیكەی گوماناوی توشبوون بە تای خوێنبەربوون لە دهۆك هەیە، وتیشی ئەو نەخۆشە بەركەوتەی ئەو نەخۆشەیە كە پێشوتر بە تای خوێنبەربوون گیانی لەدەستداوە.
راشیگەیاند، ئەو نەخۆشە ژنەوە لە ئێستادا رەوشی تەندروستی جێگرە ، چاوەرێی دەرچوونی ئەنجامی پشكنینەكانی دەكەن.
هاوكات، وەزارەتی تەندروستی هەرێمی كوردستان رایگەیاند، لەگەڵ وەزارەتە پەیوەندیدارەكان هەوڵەكانیان چڕكردووەتەوە بۆ رێگریكردن لە بڵاوبوونەوەی نەخۆشی تای خوێنبەربوون.
بەپێی پێشبینییەکانی کەشناسی ئەمڕۆ ئاسمانی هەرێم ساماڵ دەبێت و پلەکانی گەرما بەرزتر دەبنەوە.
بەڕێوەبەرایەتی گشتی کەشناسی هەرێم بڵاویکردەوە، ئەمڕۆ ئاسمان ساماڵ دەبێت و پلەکانی گەرما کەمێک بەرزتر دەبێتەوە بە بەراورد بە تۆمارکراوەکانی دوێنێ.
کەشناسی هەرێم ئاماژەی بەوەشکردووە، سبەینێ هەینی ئاسمان لەنێوان پەڵە هەور و نیمچە هەور دەبێت، پلەکانی گەرما نزیکدەبێتەوە لە تۆمارکراوەکانی ئەمڕۆ.
هاوکات کەشناسی عیراق ئاشکرایکردووە، لە هەندێک شارەکانی خواروی عیراق پلەکانی گەرما نزیک دەنبەوە لە نیوەی کوڵان و دەگەنە 50 پلەی سیلیزی.
بەرزترین پلەکانی گەرمای پێشبینیکراو بە پلەی سیلیزی بەم جۆرە دەبن:
هەولێر : 39 پلەی سیلیزی
سلێمانی : 37 پلەی سیلیزی
دهۆک : 38 پلەی سیلیزی
کەرکوک : 39 پلەی سیلیزی
زاخۆ : 39 پلەی سیلیزی
هەڵەبجە : 41 پلەی سیلیزی
سۆران : 35 پلەی سیلیزی
حاجی ئۆمەران : 26 پلەی سیلیزی
گەرمیان :44 پلەی سیلیزی
قوباد تاڵەبانی، جێگری سەرۆک وەزیران پێشوازیکرد لە ژەنەراڵ کێڤن لێیهی، فەرماندەی هێزەکانی هاوپەیمانیی نێودەوڵەتی لە عیراق و سوریا و لە کۆبوونەوەی نێوانیاندا چەند پرسێکی جێی بایەخی هەردوولا تاوتوێ کران.
لە تەوەرێکی کۆبوونەوەکەدا باس لە دواین هەوڵەکان بۆ پێکهێنانی حکومەتی داهاتووی هەرێم کرا، لەمبارەیەوە قوباد تاڵەبانی ئاماژەیدا بە کۆبوونەوەی ئەمڕۆی هەردوو وەفدی دانووستانکاری پارتی و یەکێتی و روونیکردەوە کە کۆبوونەوەکە بە گشتی ئەرێنی بووە و هەنگاوێکی دیکە لە پێکهێنانی کابینەی نوێ نزیکتر بووینەتەوە.
لە بەشێکی دیکەی کۆبوونەوەکەدا باس لە پرۆسەی ئاشتی لە تورکیا کرا، هەردوولا هاوڕابوون سەرکەوتنی پرۆسەی ئاشتی لە بەرژەوەندی هەردوو گەلی کورد و تورک و هەموو ناوچەکەدایە و بە پێویستیشیان زانی هەردوولایەنی کێشە بەپێی نەخشەرێگایەک هەنگاوی پێویست بنێن بۆ سەرخستنی پرۆسەکە.
سەبارەت بە دۆخی سوریاش، هەردوولا گەشیبینی خۆیان دەربڕی کە لە سوریای نوێدا هەموو پێکهاتەکان مافەکانیان پارێزراوبێت و بە پێویستیشیان زانی کۆمەڵگای نێودەوڵەتی زیاتر هاوکاربێت تا سوریای نوێ بتوانێت بەرەو سەقامگیری و جێگیرکردنی سیستمێک هەنگاوبنێت کە لە ئاستی چاوەڕوانی هەموو پێکهاتە جیاوازەکانی وڵاتەکەدابێت.
هاتوچۆی هەولێر دەڵێت، نابێت هیچ شۆفێرێک شۆفێرەکانی دیکە لەسەر شەقام بێزار بکات و داواش لە هاووڵاتیان دەکات، ئەگەر ئۆتۆمبێلێکیان بینی لە لاڕێی شەقام سەر شۆستەکاندا دەڕوات و شۆفێران بێزار دەکات، ئەوا وێنە و ڤیدیۆی بنێرن بۆ هاتوچۆ.
هاتوچۆی هەولێر داوا لە شۆفێران دەکات، لە کاتی گەشتکردنیان بۆ ناوچە گەشتیارییەکان، ئارامیان هەبێت و پابەندی یاسا و رێنماییەکانی هاتوچۆ بن، پابەندبن بە لێخوڕین لەسەر رێگای قیرتاوکراو، بە هیچ شێوەیەک لەسەر شۆستەی رێگاکان نەڕۆن بۆئەوەی نەبنە هۆکاری بێزارکردنی گەشتیارانی تر و توشی سزای پێبژاردن نەبن .
داواش لە هاووڵاتیان دەکات، ئەگەر دیاردەی لەو جۆرەیان بینی، لە رێگەی واتس ئەپ، تێلگرام و ڤایبەری ژمارەی تایبەت بە هاتوچۆوە، وێنە و ڤیدیۆی بنێرن بۆیان بۆئەوەی ئەوانیش رێکاری یاسایی بەرامبەر بگرنە بەر.
ئەوەش لە کاتێکدایە، بەشێکی زۆری هاووڵاتیان لەکاتی گەڕانەوە لە گەشت و سەیران، بۆئەوەی لە قەرەباڵغی رێگاکاندا نەوەستن، بە لارێی شەقامەکاندا دەڕۆن کە دەبنە هۆی بڵاوکردنەوەی تەپوتۆزی زۆر لەپاش خۆیان، یان بەسەر شۆستەکاندا دەڕۆن، کە بەدەر لە بێزارکردنی شۆفێران قەرەباڵغی زیاتریش دروست دەکەن.
هاتوچۆی هەولێر بۆ هاووڵاتیان: ئەگەر ئەم دیاردەیەتان بینی وێنە و ڤیدیۆمان بۆ بنێرن
سەركردەیەكی پەكەكە باس لەوەدەکات، ئەگەر هێرشەكانی توركیا بەردەوام بێت بە زمانێک وەڵامی دەدەنەوە کە تێبگات و دەشڵێت، گەریلا زۆر لە جاران بە ئەزمونتر و بەهێزترە.
ئاژانسی هەواڵی فورات بەشێك لە وتەكانی موراد قەرەیلان ئەندامی دەستەی بەڕێوەبردنی پارتی كرێكارانی كوردستان 'پەکەکە'ی لە كۆنگرەی 12 بڵاوكردووەتەوە و ئاماژە بەوە دەکات، ئەوان بڕوایان بە رێبازی رێبەرەكەیان هەیە بۆ هەڵوەشاندنەوەی پەكەكە، بەڵام ئەگەر توركیا بەردەوام بێت لە هێرشەكان ئەوا وەڵامیان دەبێت.
قەرەیلان وتوشییەتی، سەرەڕای ئەوەی ئەزموونی 41 ساڵ خەباتی شاخیان هەیە، بەڵام بڕوایان بە شێوازی نوێی رێبەری پەكەكە هەیە و لە هەمانكاتیشدا ئەگەر ناچار بن جارێكی دیكە و بە هێز و توانای زیاترەوە بەرەنگاری دوژمنەكانیان دەبنەوە.
ئەو سەركردەیەی پەكەكە لە كۆنگرەی 12ی پارتەكەیدا وتوویەتی: ئەگەر توركیا بەردەوام بێت لە توندوتیژیی ئەوا ئەوان بەو زمانە وەڵامیان دەدەنەوە كە لێی تێدەگات.
قەرەیلان جەختی لەوە كردووەتەوە، گەریلا بە تەكنیكی نوێ و بە ئەزمونێكی زۆرەوە توانای بەرگریی و شەڕی بەهێزی هەیە بۆیە توركیا و هەمو كەسێك دەبێت ئەو راستییە بزانێت، ئەگەر پەكەكە ناچار بكرێت ئەوە هەمو بەرگرییەك لە خۆی دەكات.
ئەوەش لە کاتێکدایە، رۆژی 12ی ئایار، پەکەکە ئەنجامەکانی کۆنگرەی 12ی خۆی بڵاوکردەوە و رایگەیاند، کە کۆتایی بە خەباتی چەکداریی خۆی هێناوە و لەمەودوا لەبری خەباتی چەکداریی لە فۆڕمێکی دیکەدا لە رێگای خەباتی سیاسییەوە بەردەوام دەبێت.
پەیامنێری کوردسات نیوز رایگەیاند: کۆبونەوەی وەفدی باڵای دانوستانکاری یەکێتیی نیشتمانیی کوردستان و پارتی دیموکراتی کوردستان بە سەرپەرشتی قوباد تاڵەبانی لە هەولێر بەڕێوەچوو.
بەپێی زانیاریەکانی کوردستان نیوز: وەفدی یەكێتی پێكهاتبوو لە قوباد تاڵەبانی، شاڵاو كۆسرەت رەسوڵ، نزار ئامێدی، هەروەها وەفدی پارتی پێکهاتبوو لە هۆشیار زێباری، پشتیوان سادق، ئۆمێد سەباح.
پەیامنێری کوردسات نیوز ئاماژەی بەوەشدا: لە كۆبونەوەكەدا گفتوگۆ لەبارەی چۆنێتی پێكهێنانی حكومەت كراوە.
کەشناسیی هەرێم پێشبینییەکانی کەشوهەوای ئەمڕۆ و سبەینێی بڵاوکردەوە و ئاماژەی بەوەکردووە، پلەکانی گەرما بەرز دەبنەوە.
کەشناسیی هەرێم رایگەیاند، ئەمڕۆ چوارشەممە، ئاسمان ساماڵ و پەڵەهەور دەبێت لە هەندێک شوێن دەگۆڕێت بۆ نیمچەهەور، پلەکانی گەرماش بەنزیکەیی هاوشێوەی دوێنێ دەبن.
ئەوەشی خستووەتە روو، سبەینێ پێنجشەممە، ئاسمان ساماڵ دەبێت لەگەڵ دروستبوونی کەمێک هەور لە ناوچە شاخاوییەکان، هەروەها پلەکانی گەرما 1 بۆ 3 پلەی سیلیزی بەرز دەبنەوە.
بەرزترین پلەکانی گەرمای پێشبینیکراو بە پلەی سیلیزی بۆ سبەینێ بەم جۆرە دەبن:
هەولێر : 39 پلەی سیلیزی
سلێمانی : 39 پلەی سیلیزی
دهۆک : 37 پلەی سیلیزی
کەرکوک : 41 پلەی سیلیزی
زاخۆ : 38 پلەی سیلیزی
هەڵەبجە : 39 پلەی سیلیزی
سۆران : 35 پلەی سیلیزی
حاجی ئۆمەران : 27 پلەی سیلیزی
گەرمیان :44 پلەی سیلیزی
بەپێی راگەیەندراوی بەڕێوەبەرایەتی ئاوی سلێمانی، دابەشکردنی ئاو لە هەردوو هێڵی یەک و دووی ئاوی دوکانی سلێمانی بۆ ماوەی 24 کاتژمێر لە بەرواری 21/5/2025رادەگیرێت.
هۆکاری راگرتنەکەش بۆ کاری پاکردنەوەی وەرگری ئاوی هەردوو پڕۆژەکەیە لە کۆبوونەوەی لم و پاشماوەی ئەو گەشتیارانەی کە سەردانی سەیرانگەی دوکانیان کردووە.
بەڕێوەبەرایەتی هاتوچۆی راپەڕین رایگەیاند، ئەمشەو کاتژمێر 9:30ی شەو روداوێکی هاتوچۆ لە نێوان شارۆچکەی شکارتە و گوندی دواوە رویدا، کە بووە هۆی گیان لەدەستدانی کەسێک.
بەپێی بەڕێوەبەرایەتی هاتوچۆی راپەڕین، روداوەکە لە جۆری پێکدادان بووە لە نێوان ئۆتۆمبێلێکی تایبەتی جۆری تۆیۆتا لاندکروزەر و ماتۆڕسکیلێکی بێ سەرەتا.
لە ئەنجامی ئەو پێکدادانەدا، شۆفێری ماتۆڕسکیلەکە دەستبەجێ گیانی لەدەستداوە.
تیمەکانی هاتوچۆی راپەڕین و فریاکەوتنی پزیشکی دەستبەجێ گەیشتوونەتە شوێنی روداوەکە و لێکۆڵینەوە لە هۆکارەکانی ئەم روداوە دەستی پێکردووە.
شاناز ئیبراهیم ئەحمەد، خانمی یەکەمی عیراق، بەخێرهاتنەوەی محەمەد ئەلحەکیم، نوێنەری تایبەتی سکرتێری گشتی نەتەوە یەکگرتووەکان بۆ عیراق و سەرۆکی نێردەی یونامی کرد و پێکەوە سەردانی مۆزەخانەی زاموایان کرد.
لەماوەی سەردانەکەدا، خانمی یەکەم و نوێنەری نەتەوە یەکگرتووەکان بە نێو مۆزەخانەکەدا گەڕان و گفتوگۆیان لەسەر کار و بەرهەمە هونەری و کلتورییەکان کرد، هەروەها ئەو پرسە هاوبەشانەی کە هەردوولا گرنگییان پێدەدەن.
دوای سەردانی مۆزەخانەکە، هەردوو لایەن سەردانی دوکان و بازاڕەکانی شەقامی کاوەیان کرد لە سلێمانی، و دواتر نانی نیوەڕۆیان لە چێشتخانەیەکی خۆماڵی خوارد.
ئاسایشی شارەزور رایگەیاند، ئەو چوار تۆمەتبارەی لەسەر کێشەیەکی کۆمەڵایەتی هێرشیانکردە سەر دوو هاووڵاتی دەستگیرکران و روبەڕوی یاساکرانەوە.
بەڕێوەبەرایەتی ئاسایشی شارەزور رایگەیاند، لە شەوی 19/5/2025 لە قەزای شارەزور چوار تۆمەتبار لەسەر کێشەیەکی کۆمەڵایەتی هێرشیانکردە سەر دوو هاووڵاتی و دوای لێکۆڵینەوەکان و بەدواداچوونەکانیان لە روداوەکە، لەسەر بڕیاری دادوەری لێکۆڵینەوەی ئاسایش، توانیان چوار تۆمەتباری روداوەکە دەستگیربکەن.
ئاماژەی بەوەشکرد، لە ئێستادا تۆمەتباران بە مادەی 413 دەستگیرکراون و لێکۆڵینەوە لە دۆسیەکانیان بەردەوامە.
لە راگەیەندراوەکەی وەزارەتی کارەبادا هاتووە؛ ئەم پرۆژەیە لە سودی شوێنە بازرگانیەکانە چونکە دەبنە خاوەنی کارەبایەکی بەردەوامی بێ پچڕان.
پرۆژەی روناکی پرۆژەیەکە کە حکومەتی هەرێم دەیەوێت لە رێگایەوە کارەبای 24سەعاتی بۆ هاووڵاتیان دابینبکات، بەڵام بەهۆی زۆری نرخی کارەباکەوە لەلای بەشێک لە هاووڵاتیان و لە گەڕەکەکانی هەولێر نارەزایەتی لێکەوتەوە و لە ئێستاشدا ئەو پرۆژەیە لە سلێمانی خراوەتە کار.