خوێندکارێکی زانکۆی راپەڕین هەڵەیەکی زانستی لە پەرتوکی Lewis’s Medical-Surgical Nursing eleventh edition  دەدۆزێتەوە و دەزگای بڵاوکردنەوەی پەرتوکەکەش هەڵەکە راست دەکاتەوە.

وەزارەتی خوێندنی باڵا و توێژینەوەی زانستی هەرێم بڵاویکردووەتەوە، 'ژیوار حسن خدر' خوێندکاری قۆناغی سێیەمی کۆلێژی پەرستاری لە زانکۆی ڕاپەڕین هەڵەیەکی زانستی لەچاپتەری ٣٣ی کتێبی Lewis’s Medical-Surgical Nursing eleventh editio  دۆزیوەتەوە لەبارەی،Fibric acid debriative  کە ئاماژە بەوە دەکات کاریگەری نییە بەسەر خەستی LDLدا.

ئاماژەی بەوەشکردووە، پەرتوکەکە لەلایەن دەزگای(Elsevier)  بڵاوکراوەتەوە و دوای ئاگادارکردنەوەی دەزگاکە، بە پشتبەستن بە چەند سەرچاوەیەکی تری زانستی ئاستبەرز، هەڵەکە راستکراوەتەوە.

خوێندنی باڵای هەرێم ئەوەشی خستووەتە روو، دوای راستکردنەوەی هەڵەکە لەلایەن دەزگاکەوە سوپاس و پێزانین ئاڕاستەی خوێندکار ژیوار حسن کراوە.

وەزارەتی ناوخۆی حکومەتی هەرێمی کوردستان رونکردنەوەیەکی بڵاوکردەوە و تیایدا هاتووە؛ بە داخەوە هەست دەکەین جۆرێك لە پەردەپۆشكردن و خۆدزینەوە لە بەرپرسیارێتی هەیە بەرانبەر ئەو زێدەڕۆییە ئەمنییانەی كە لە دژی هەرێمی كوردستان ئەنجام دەدرێن.


دەقی راگەیەندراوەکە:

ڕوونكردنەوەیەك لە وەزارەتی ناوخۆی حكومەتی هەرێمی كوردستانەوە

ئەو چاوەڕوانییە لە لایەنە پەیوەندیدارەكانی حكومەتی فیدڕاڵ هەیە كە لە كاتی بوونی هەڕەشە لەسەر هەرێمی كوردستان یان هەر ناوچەیەكی تری عێراق، لەپێناو دەركەوتنی ڕاستییەكان و ڕێگەگرتن لە دووبارەبوونەوەی هەڕەشەكان و سزادانی ئەنجامدەران، ڕێوشوێنی پێویست بگیرێتە بەر، بەڵام بە داخەوە هەست دەکەین جۆرێك لە پەردەپۆشكردن و خۆدزینەوە لە بەرپرسیارێتی هەیە بەرانبەر ئەو زێدەڕۆییە ئەمنییانەی كە لە دژی هەرێمی كوردستان ئەنجام دەدرێن.
لە ساڵانی ڕابردووش كە بە دەیان جار هەرێم بەر پەلاماری درۆن و مووشەكەكان دەكەوت، هەرچەندە ئاراستە و سەرچاوەی مووشەك و درۆنەكانیش دیار بوون و چەندین جار بۆ دەرخستنی ڕاستییەكان لیژنەی هاوبەشی نێوان حكومەتی هەرێم و حكومەتی فیدڕاڵ دروست بوون، بەڵام دیسان بەداخەوە نە دەرئەنجامی لێكۆلینەوەكان بۆ ڕای گشتی ئاشكرا دەكران و نە لەسەر ئەو تاوانە ئاشكرا و كردەوە نایاساییانە كەس سزا دەدرا و هیچ ڕێوشوێنێكیش لەبەرانبەر هیچ لایەنێك نەگیرایەبەر. 
ئەمە لە حاڵێكدا بوو كە لە بەرزترین ئاستی نێوان هەردوولا هەماهەنگی هەبووە و بەڵگەی ڕوون و ئاشكراش لەبەر دەست بوونە.
لێرەدا ڕایدەگەیەنین كەشوهەوای سیاسی و بیروڕای سیاسیی لایەنەكان بەهەر بارێكدا بێت، پاراستنی ئاسایشی وڵات و ڕێگەگرتن لە بە ئامانجگرتنی ژیانی هاووڵاتییان و سەروەری و سەقامگیریی وڵات ئەركی لەپێشینەی دامودەزگە فەرمییەكانی هەردوو حكومەتی فیدڕاڵی عێراق و حكومەتی هەرێمی كوردستانە.

نێچیرڤان بارزانی سەرۆکی هەرێمی کوردستان لە یادی عاشورادا پەیامێکی بڵاوکردەوە و تێیدا رایگەیاند، "جەخت لەسەر برایەتیی نێوان عیراقییەکان و پێویستیی چارەسەرکردنی کێشەکان لەپێناو بەرژەوەندیی باڵای وڵات و پتەوکردنی دەکەینەوە".

دەقی پەیامەکە..

لە یادی عاشورادا بەهاکانی حەق و ئارامی و قوربانیدان کە ئیمام حوسەین سەلامی خوای لەسەر بێت بەرجەستەی کردن و ئەم بۆنەیەش کە هەڵگری واتای شکۆداری مرۆیی و وانە و پەندی نەمرن کە داوای دادپەروەری و لێبووردەیی و ئاشتی دەکەن، وەبیر دێنینەوە.

جەخت لەسەر گیانی پێکەوەیی و برایەتیی نێوان عیراقییەکان و پێویستیی چارەسەرکردنی کێشەکان لەپێناو بەرژەوەندیی باڵای وڵات و پتەوکردنی سەقامگیری، دەکەینەوە.

هەر هاووڵاتییەک خۆڵ و خاشاک لەسەر شەقام و رێگای سەرەکی فڕێبدات روبەروی سزا دەبێتەوە، شارەوانی هەولێریش داوا لە هاووڵاتیان دەکات شارەکە پاکوخاوێن رابگرن.

سەرۆکایەتی شارەوانی هەولێر لە راگەیەنراوێکدا بڵاویکردەوە، دوای ئەوەی لە چەند رۆژی رابردوودا لەلایەن ژمارەیەک بارهەڵگر لە شوێنی قەدەغەکراو سەرپێچیان کرد و هەڵسان بە فرێدانی پاشماوەی خانووبەرە، هەر زوو لەلایەن تیمەکانیانەوە لە بەڕێوەبەرایەتی خزمەتگوزاری و ژینگەپارێزی بارهەڵگرەکان دەست نیشان کران و لێکۆڵینەوەیان لەگەڵدا ئەنجامدرا.

ئاماژەی بەوەشکردووە،  لە بەرانبەر کارە سەرپێچیەکەیاندا بۆ ماوەی دوو رۆژ دوو گۆرەپانی گەورەی گەرەکی نیشتیمان و گەلاوێژ یان پێپاکراوەتەوە، وەکو سزایەک بۆ ئەو سەرپێچیەی کە کردوویانە.

شارەوانی هەولێر ئەوەشی خستوەتەڕوو، بۆ گلدانەوەی تەواوی زبڵ و پاشماوەکانی شاری هەولێر سەرچاوەی زبڵخانەی کانی قڕژاڵەی دەستنیشان کردووە، هەروەها هۆبەی خزمەتگوزاری و ژینگەپارێزی وەک تیمێکی تایبەتی بە کەرەستە و پێداویستی و ئامێری قوڕس بۆ داپۆشینی زبڵ و پاشماوەکان جێگیر کراون، بەردەوام هەماهەنگن لەگەڵ هەموو ئەو ئۆتۆمبێلە کەپسانەی زبڵەکان دەگوازنەوە بۆ زبڵخانەکە یاخود کە هاووڵاتیان بۆ فڕێدانی پاشماوەکانی بیناسازی و خانووبەرە دێنە زبڵخانەی ناوبراو.

وتوشیەتی،  پاک و خاوێنی شار ئەرکی هەموولایەکمانە لەپێناو رەخساندنی ژینگەیەکی تەندروست و پاراستنی سیمای جوانی شارەکەمان .

سەرچاوەیەکی ئەمنی لەسنوری قەزای دوبز بە کوردسات نیوزی راگەیاند: بەهۆی کێشەی زه‌ویوزاره‌وه‌ لە گوندی کێفی سەر بە قەزای دوبز لە پارێزگای کەرکوک کەسێک کوژراوە و کەسێکی دیکەش بریندارە.

سەرچاوەکە باسی لەوەش کرد، شەڕەکە لە نێوان خەڵکی گوندەکە رویداوە و کوژراوەکە ناوی (سەڵاح غازی)ـە و بریندارەکەیش برای كوژراوه‌كه‌یه‌ به‌ ناوی (ساڵح غازی).

بەپێی پێشبینییەکانی کەشناسی پلەکانی گەرما بەرزدەبنەوە و لەهەندێک ناوچە خۆڵبارین بەردەوام دەبێت.

بەڕێوەبەرایەتی گشتی کەشناسی هەرێم ئاشکرایکرد، ئەمڕۆ ئاسمانی هەرێم ساماڵ دەبێت، لەگەڵ هەبوونی تۆز و خۆڵ لەهەندێ ناوچەی رۆژهەڵاتی هەرێم، هەروەها پلەکانی گەرما نزیک دەبێتەوە لە تۆمارکراوەکانی دوێنێ.

ئاماژەی بەوەشکرد، سبەینێ یەکشەممە پلەکانی گەرما 2 تا 3 پلە بە تۆمارکراوەکانی ئەمڕۆ بەرزدەبێتەوە.

هاوکات کەشناسی عیراق رایگەیاندووە، لە رۆژی دووشەممەوە شەپۆلێکی دیکەی گەرما تەواوی ناوچەکە دەگرێتەوە.

وادەی پڕکردنەوەی فۆڕمی ئەلیکترۆنی خۆراک لەهەرێمی کوردستان درێژکرایەوە و بەڕێوەبەری بازرگانی هەرێمیش دەڵێت: تا سەرەتای مانگی داهاتوو پڕۆسەکە بەردەوام دەبێت.

نەوزاد شێخ کامیل بەڕێوەبەری گشتی بازرگانی هەرێم بە کوردسات نیوزی راگەیاند، پڕکردنەوەی فۆڕمی ئەلیکترۆنی بەشەخۆراک تا رۆژی 1ـی8ـی2025 درێژکرایەوە.

وتیشی، بڕیاربوو سبەینێ پرۆسەی پڕکردنەوەی فۆرمەکە تا سبەینێ کۆتایی پێبهێنین، بەڵام بەپێی ڕێککەوتنێک لەگەڵ حکومەتی عیراق، ئێمەش وادەکەمان تا سەرەتای مانگی داهاتوو درێژکردەوە.

بەپێی پێشبینییەکانی کەشناسی، ئەمڕۆ ئاسمان ساماڵ دەبێت لەگەڵ بوونی تۆزێکی کەم لە هەندێک ناوچە.

بەڕێوەبەرایەتی کەشناسی هەرێم بڵاویکردەوە، ئەمڕۆ هەینی پلەکانی گەرما 1 بۆ 2 نزمتر دەبێت بە بەراورد بە تۆمارکراوەکانی دوێنێ.

ئاماژەی بەوەشکردووە، سبەینێ شەممە بەگشی ئاسمان ساماڵ دەبێت و پلەکانی گەرما نزیک دەبێتەوە لە تۆمارکراوەکانی ئەمڕۆ.

هاوکات کەشناسی عیراق ئاشکراکردووە، لە رۆژی دووشەممەی داهاتووەوە، شەپۆلی گەرمای دیکە تەواوی ناوچەکە دەگرێتەوە.

ئەمڕۆ و سبەینێ شەممە شەقامی بازنەیی مەلیک لە نزیک نەخۆشخانەی شار بە ئاڕاستەی پردی کۆبانێ دادەخرێت و کاری قیرتاوکردن تێیدا دەستپێدەکاتەوە.

سەرۆکایەتی شارەوانی سلێمانی، ئاگاداری هاووڵاتیان و شۆفێران دەکاتەوە، تیمەکانیان هەڵدەستن بە تەواوکردنی کاری قیرتاوکردنی شەقامی بازنەیی مەلیک مەحمود، کە لەرۆژانی رابردوودا بەهۆی ئاستەنگی هاتوچۆوە کارەکان دواخرا بۆ کاتێکی گونجاو.

شارەوانی سلێمانی راشیگەیاندووە، ئەمڕۆ و سبەینێ شەممە کارەکانیان لەو شەقامە بەردەوام دەبێت و هەروەها کارکردن لەسەر لە بەیانییەوە تا ئێوارە دەستپێدەکات.

هێزەکانی پۆلیسی راپەڕین سێ کەسیان بە تۆمەتی دزینی ئۆتۆمبیل لە ناحیەی چوارقوڕنە دەستگیرکردووە، کە یەکێکیان دانی بە دزینی ئۆتۆمبیلی پوری خۆشی دا ناوە.

بەپێی راگەیەندراوی بەڕێوەبەرایەتی پۆلیسی ڕاپەڕین، دوای بەدەستهێنانی زانیاری لە لایەن هێزەکانی نوسینگەی نەهێشتنی تاوانی ڕانیەوە، سێ کەس بە ناوەکانی (م، م، ق) لە دایکبووی ساڵی 2005 پیشە کاسب دانیشتووی کەرکوک-ئیسکان، (هـ، ج، ک) لە دایکبووی ساڵی2005 پیشە کاسب دانیشتووی کەرکوک-پەنجا عەلی، و (م، ئ، م) لە دایکبووی ساڵی 1998 پیشە کاسب دانیشتووی کەرکوک-رەحیماوا لە پێشانگاکانی کڕین و فرۆشتنی ئۆتۆمبیل لە ناحیەی چوارقوڕنە دەستگیرکراون.

بەپێی راگەیەندراوەکە، تۆمەتباران هەستاون بە هێنانی ئۆتۆمبیلی جۆری BMW330 مۆدێل 2024 رەنگی رەش لە شاری هەولێرەوە بۆ پێشانگاکانی کڕین و فرۆشتنی ئۆتۆمبیل لە ناحیەی چوارقوڕنە و لێکردنەوەی تابلۆکانی بە مەبەستی ساخکردنەوەی بە ئۆتۆمبیلی بێ سەرەتا. ئۆتۆمبیلەکە پێشتر لە لایەن تۆمەتبار (م، م، ق)ەوە بە کرێ بۆ ماوەی مانگێک بەکرێگیراوە.

دوای لێکۆڵینەوە لەگەڵیاندا، تۆمەتبار (م، م، ق) لە کاتی وەرگرتنی ووتەکانیدا دانی بە تاوانێکی ترناوە. ئەو هەستاوە بە دزینی ئۆتۆمبیلی پوری لە جۆری کیا سپۆرتاج مۆدێل 2014 رەنگی سپی لە شاری کەرکوک و فرۆشتوویەتی بە بڕی 13000دۆلاری ئەمریکی.

شارەوانیی سلێمانی رایگەیاند کە لەڕۆژی شەممەوە، کاری نۆژەنکردنەوەی شەقامی سەرەکیی سلێمانی - عەربەت دەستپێدەکات و داوا لە شۆفێران دەکات رێگاکانی جێگرەوە بەکار بهێنن.

بەپێی راگەیەندراوی شارەوانیی سلێمانی، تیمەکانی کارگێڕی هەڵدەستن بەکاری کڕاندنی رووی شەقامەکە لە نێوان یەکتربڕی فلکەی قەرەداغ تا بازگەی عەربەت سلێمانی، پاشان قیرکردنەوەی شەقامەکە ئەنجام دەدرێت.

شارەوانیی سلێمانی داوای لە شۆفێران و هاووڵاتییان کردووە کە لەکاتی ئەنجامدانی ئەم پڕۆژەیەدا، ئەو شەقامانە بەکاربهێنن کە وەک جێگرەوە دیاریکراون.

دوای نزیکەی دوو هەفتە تەرمی عەبدولڕەحمان خالیدی تەمەن حەوت ساڵ لە زێی بچووک دۆزاریەوە کە لە سەیرانگای بۆگد لەگەڵ باوکی و خوشکێکیدا خنکان.

لە رێکەوتی 21/6 لە سەیرانگای بۆگد خێزانێکی بە رەگەز عەرەب کە پێک هاتبوو لە "باوکێک و دوو منداڵ" کەوتنە ناو ئاوی سەیرانگەکەوە و دوای 13 رۆژ لە بێ سەروشوێنبوونی تەرمی کوڕەکە، ئەمڕۆ تەرمەکەی لەلایەن دانیشتووانی گوندەکەوە دۆزرایەوە.

رووداوەکە 13 رۆژ پێش ئێستا رویداوە و لەپاش گەڕانێکی درێژ ئەمڕۆ تەرمی منداڵەکە لەلایەن دانیشتووانی گوندەکەوە دۆزراوەتەوە.

ئەندامانی دەستەی بەڕێوەبەری ناوەندیی پارتی یەکسانیی و دیموکراسیی گەلان کۆبوونەوە و تیایدا باسیان لەوە کرد کێ بەشدار دەبێت لەو شاندەی، کە دیدار لەگەڵ عەبدوڵا ئۆجەلان ئەنجام دەدات.

ئەندامانی دەستەی بەڕێوەبەریی ناوەندیی پارتی یەکسانیی و دیموکراسیی گەلان "دەم پارتی" بە سەرۆکایەتی تونجەر باقرخان و تولای حاتەم ئۆغۆللاری، هاوسەرۆکانی گشتیی پارتەکە بۆ لەبارەی چۆنییەتی بەڕێوەچوونی پڕۆسەی ئاشتیی و کۆمەڵگەی دیموکراتیک کۆبوونەوە.

لە کۆبوونەوەکەدا، گفتوگۆ لەبارەی ئەندامانی ئەو کۆمیسیۆنەوە كرا کە بڕیارە لە پەرلەمان پێکبهێنرێت، لەگەڵ هەڵبژاردنی ئەندامانی ئەو وەفدەی دیدار لەگەڵ عەبدوڵا ئۆجەلان رێبەری پەکەکە ئەنجام دەدەن.

لەلایەکی دیکەوە، باس لە کۆبوونەوەی وەفدی ئیمراڵی کراوە لەگەڵ رەجەب تەیب ئەردۆغانی سەرۆکی تورکیا، دەوڵەت باخچەلی سەرۆکی گشتی مەهەپە و ئۆزگور ئۆزەل سەرۆکی گشتی جەهەپە.

هەر لە کۆبوونەوەکەدا دەم پارتی باسیان لە دوایین روداوەکانی رۆژهەڵاتی ناوەڕاست و جیهان کردووە.