حكومەتی دانیمارك بڕیاریداوە بە تەرخانکردنی 3.4 ملیۆن دۆلار لە رێگەی نەتەوەیەكگرتووكانەوە، تایبەت بە هەوڵەكانی هەڵگرتنەوە و پاککردنەوەی خاکی عیراق لە مین.

نێردەی نەتەوەیەكگرتووەكان بۆ عیراق رایگەیاندووە، پێشوازی لە بڕیارێکی حكومەتی دانیمارك دەكەن بۆ تەرخانکردنی بڕی سێ ملیۆن و 400 هەزار دۆلاری ئەمریکی تایبەت بە پرسی هەڵگرتنەوە و پاککردنەوەی خاکی عیراق لە مین.

حکومەتی دانیمارک ئەو پارەیەی تەرخانکردووە بۆ بەشداریكردن لە هەوڵەكانی هەڵگرتنەوەی مین لە عیراق، ئەوەش بە ئامانجی پاراستنی کەسانی مەدەنی لە مەترسییەكانی مین و ئاوەدانكردنەوەی ئەو ناوچانەی بەهۆی مینەوە زیانیان بەركەوتووە.

بەهۆی رژێمی پێشووەوە؛ عیراق رووبەرێکی زۆری خاکی پیسبووی بە مین هەیە، ئەگەرچی لەماوەی ساڵانی رابردوودا هەوڵەکانی پاککردنەوەی خاکی عیراق لە مین و پاشماوەکانی بەردەوام بوون، بەڵام هێشتا رووبەرێکی زۆری پیسبوو بە مین هەن، بەتایبەتیش لە ناوچە سنورییەکانی نێوان عیراق و ئێران و ناوچە شاخاوییەکانی هەرێمی کوردستان.

پێگەی ئەكسیۆسی ئەمریكی ئاشكرایكرد ، تا ئێستا نێوەندگیرەكان وەڵامی بزوتنەوەی حەماسیان سەبارەت بە پێشنیازی نوێی ئاگربەستی غەززە پێنەگەیشتوە .

پێگەی ئەكسیۆس بلاویكردەوە، نێوەندگیرەكان لە دەوحە تا ئێستا چاوەروانی حەماس دەكەن بۆ نوێترین پێشنیازی ئاگربەست و بەپێی زانیارییەكانیش لێپرسراوانی  حەماس لە دەوحە تا رادەیەكی زۆر پشتیوانی پێشنیازەكە دەكەن ، بەڵام باڵی سەربازی حەماس تا ئێستا وەڵامێكی رونی لەبارەی ئەو پێشنیازەوە نیە .

كەناڵی 13 ی ئیسرائیلیش لە زاری لیپَرسراوێكی ئیسرائیلییەوە ئاشكرایكردوە ،  وەفدەكەی ئیسرائیل لە دەوحە دەمێنێـتەوە بۆ پێشخستنی دانوستانەكان .

پێشنیازی نوێی ئاگربەستی غەززە ، ئازادكردنی 28 بارمتەی ئیسرائیلی لە خۆ دەگرێت لەلایەن بزوتنەوەی حەماسەوە و لە بەرامبەریشدا ئیسرائیل ژمارەیەكی زۆر لە دەستگیركراوانی فەلەستینی ئازاد دەكات و بە چەند قۆناغێك دەست بە كشانەوە دەكات لە زۆرینەی ناوچەكانی غەززە بەڵام هێزەكانی بە درێژایی 1.2 كیلۆمەتر لە باكوری میحوەری فیلادیلفیا و 1.1 كیلۆمەتر لە باكور و رۆژهەڵاتی غەززە دەهێڵێتەوە .

 

 

سەرۆكی جەهەپە ئاشكرایكرد، سەرۆك كۆماری توركیا بۆئەوەی بتوانێت خۆی بۆ پۆستەكەی كاندید بكاتەوە داوای هەمواركردنەوەی دەستور دەكات.

ئۆزگور ئۆزیل سەرۆكی پارتی گەلی كۆماری "جەهەپە" رایگەیاند، رەجەب تەیب ئەردۆغان سەرۆك كۆماری توركیا و سەرۆكی پارتی داد و گەشەپێدان "ئاكەپە" سەردانی جەهەپەی كردووە بۆئەوەی لە هەمواركردنەوەی دەستوردا پشتیوانی بكەن.

ئاماژەی بۆ ئەوەشكردوە، خواستی ئەردۆغان بۆ هەمواركردنەوەی دەستور ئەوەیە جارێكی تر بتوانێت خۆی بۆ پۆستەكەی كاندید بكاتەوە، بەڵام جەهەپە پشتیوانی هەمواری دەستور ناكات ئەگەر ئامانجەكەی خۆكاندید كردنەوەی ئەردۆغان بێت.

وتیشی، داواكاری جەهەپە ئەوەیە لەمساڵدا یاخود لە نیوەی یەكەمی ساڵی 2026 هەڵبژاردنی پێشوەخت لە توركیا بكرێت بۆئەوەی وڵات لە كێشەكان رزگار بكرێت.

 

 

 

کۆشکی کرملن ئاشکرایکرد، روسیا ئامادەیە لە ئۆکراین کۆتایی بە شەڕ بهێنێت، بەڵام ئامانجەکانی مۆسکۆ رون و نەگۆڕە.

دیمیتری پێسکۆڤ وتەبێژی کۆشکی سەرۆکایەتی روسیا 'کرملن' رایگەیاند، مۆسکۆ ئامادەیە بەخێرایی کێشەکانی ئۆکراین چارەسەبکات و کۆتایی بە شەڕ بهێنێت.

وتیشی، چارەسەکردنی ئەو کێشەیە تەنها پەیوەست نییە بە روسیاوە بەڵکو لایەنی بەرانبەریش دەبێت هاوکار بێت.

پێسکۆڤ راشیگەیاند، گرنگترین شت بۆ ئێمە گەیشتنە بە ئامانجەکانمان، هەروەها ئامانجەکانمان رون و نەگۆڕن.

ئەمەش لە کاتێکدایە، ئەمڕۆ وەزارەتی بەرگری روسیا رایگەیاند، هێزەکانی بەرگری ئاسمانی لە ماوەی شەوێکدا 93 فڕۆکەی بێفڕۆکەوانی ئۆکرانییان خستۆتە خوارەوە.

دەستەی پاراستن و چاککردنی ژینگەی هەرێم راپۆرتێکی لەبارەی مەترسییەکانی زیادبوونی خۆڵبارین لە عیراق و زیانەکانی بڵاوکردووەتەوە و ئاماژەی بەوەکردووە، زیانەکانی خۆڵبارین لە عیراق رۆژانە بە نزیکەی یەک ملیۆن دۆلار دەخەمڵێنرێت.

خۆڵبارین یەکێکە لەو دیاردانەی سروشت کە کاریگەریی نەرێنی لەسەر ژینگە و شێوەی ژیان و تەندروستی و خۆراک و خاک دروست دەکات و زیانەکانی لە رووی ئابووریشە بە ملیاران دۆلار دەخەمڵێنرێت.

لە راپۆرتەکەی دەستەی پاراستن و چاککردنی ژینگەی هەرێمدا ئاماژە بەوەکراوە، تێچوونی ئابووری گەردەلولەکانی خۆڵبارین لە عیراق و وڵاتانی عەرەبی زۆرە، بەوپێیەی سەرچاوەی رێژەی 80٪ی خۆڵی جیهان لە بیابانەکانی باکوری ئەفریقا و رۆژهەڵاتی ناوەڕاستەوەیە.

بەپێی راپۆرتەکە، تێچووی ساڵانەوەی رووبەڕووبوونەوەی گەردەلولەکانی خۆڵبارین لە عیراق و وڵاتانی عەرەبی ساڵانە بە 150 ملیار دۆلار دەخەمڵێنرێت.

 

ناوچە عەرەبییەکان ئەم بەهارە ئاژاوەیەکی گەورەیان بەخۆیانەوە بینیوە

 

ئەوەش هاتووە، رێکخراوی کەشناسیی جیهانیی سەر بە نەتەوە یەکگرتووەکان ئاماژەی بەوەکردووە، ناوچە عەرەبییەکان ئەم بەهارە ئاژاوەیەکی گەورەیان بەخۆیانەوە بینیوە و لە عیراقیش زریانی بەهێز رویداوە، کە بەهۆیەوە نەخۆشخانەکان پڕ بوون لەو نەخۆشانەی گرفتی هەناسەدانیان هەیە.

دەستەی پاراستن و چاککردنی ژینگەی هەرێم راشیگەیاندووە، لە چەند ساڵی رابردوودا رێژەی و خۆڵبارین لە عێراق زیادیکردووە و روانگەی "عیراقی سەوز" زیانەکانی خۆڵبارینی بە نزیکەی یەک ملیۆن دۆلار لە رۆژێکدا خەمڵاندووە.

ئاماژەی بەوەشکردووە، عێراق یەکێکە لەو وڵاتانەی کە زۆرترین زیانی لە گەردەلولەکانی خۆڵبارین بەرکەوتووە و تەنها لە ساڵی 2023دا 158 رۆژ خۆڵبارین تۆمار کراوە.

باس لەوەشکراوە، رێکخراوی کەشناسیی جیهانیی داوای لە سەرجەم وڵاتان کردووە کە خۆڵبارین بخەنە ناو ئەجێندای جیهانی و نیشتمانییەوە، چارەسەر هەیە بەڵام پێویستی بە "بڕیار و بودجەی بەکۆمەڵ" هەیە بۆ فراوانکردنیان.

بەپێی راپۆرتی رێکخراوی کەشناسیی جیهانیی، خۆڵبارین کاریگەری لەسەر 330 ملیۆن کەس و 150 وڵات لە جیهاندا هەیە، ئەگەرچی گەردەلولەکان بوونەتە دیاردەیەکی ناسراو، بەڵام دەبێت هەنگاوی کرداریی و مەبەستدار و هاوبەش بۆ رووبەڕووبوونەوەیان بدرێت بۆ کەمکردنەوەی کاریگەرییە نەرێنییەکانی.

هاوکات، بەپێی راپۆرتی نەتەوە یەکگرتووەکان، بەهۆی گەردەلولەکانی خۆڵبارینەوە ساڵانە حەوت ملیۆن کەس پێشوەختە گیان لەدەست دەدەن، یان توشی گرفت و نەخۆشییەکانی کۆئەندامی هەناسە و دڵ دەبنەوە، ئەوە جگە لە کەمبوونەوەی بەرهەمی دانەوێڵە و بوون بە هۆکارێک بۆ دیاردەی کۆچکردن.

بەهۆی وەرگەڕانی بەلەمێکی گەشتیاری لە ڤێتنام 38 کەس گیانیان لەدەستدا و پێنج کەسی دیکە بێسەروشوێنن، کە چەندین منداڵیان لەناودایە.

حکومەتی ڤێتنام رایگەیاند، بەلەمە گەشتیارییەکە 53 کەسی لەسەر بووە، کە 48یان گەشتیار و پێنج کەسی دیکەیان سەر بە ستافی کەشتیوانی بوون، بەلەمەکە لە کەنداوی هالۆنگ لە ڤێتنام وەرگەڕاوە.

بەپێی ئامارە سەرەتاییەکان 38 کەس گیانیان لەدەستداوە و 10 کەسی دیکە رزگار کراون، بەڵام هێشتا  پێنج کەس بێسەروشوێنن.

ئەم روداوە بە گەورەترین روداوی لەو جۆرە دادەنرێت لەماوەی چەند ساڵی رابردوودا لە ناوچەیەکی گەشتیاری بەناوبانگی ڤێتنام.

ئاژانسی رەسمی هەواڵی ڤێتنامی رایگەیاندووە، سەرجەم گەشتیارەکان خەڵکی ڤێتنام بوون و لەناو گەشتیارەکانیشدا چەندین منداڵ بوونیان هەیە.

بەپێی ئەو زانیارییە سەرەتاییانەی لەسەر روداوەکە بڵاوکراوەتەوە، هۆکاری وەرگەڕانی کەشتییەکە بوونی بایەکی بەهێز و ناجێگیری کەشوهەوا بووە کە بە گەردەلولی وێبا ناسراوە، تەنانەت بە جۆرێک ئەوەندەی نەماوە تیمەکانی فریاگوزاریش نوقمی دەریا ببن، هەر ئەو ناجێگیرییە لە کەشوهەواشدا گرفتی بۆ تیمەکان دروست کردووە و کارەکانی خاو کردووەتەوە.

گەردولەلی وێبا، سێیەم گەردەلولە لەمساڵدا کە لە دەریای چینی باشوور هەڵی کردووە و لەم هەفتەیەشدا درێژ بووەوە بۆ کەناراوەکانی باکوری ڤێتنام.

Search and rescue operations continued through Saturday night, as authorities raced against time to find the remaining 14 victims of the boat capsizing incident in Hạ Long Bay on July 19. Of 53 people on board, so far 10 have been rescued, 29 were dead.

📸VNA/VNS Photos pic.twitter.com/OQhnKK9z3E

— Việt Nam News (@VietnamNewsVNS) July 19, 2025

 

🆘 At 2:02am July 20, the capsized tourist boat with 53 people on board in Hạ Long Bay was successfully salvaged, towed ashore for further investigation.
As of now, 10 people were rescued alive, and 37 were confirmed dead (with the identities of 4 victims still being verified). pic.twitter.com/sUrinbKbhv

— Việt Nam News (@VietnamNewsVNS) July 20, 2025

سەرۆکی ئەمریکا دەڵێت: دامەزراوە ئەتۆمییەکانی ئێران بە تەواوی لە ناوبراون و ساڵانێکی زۆری دەوێت تا بیانگەڕێننەوە بۆ خزمەت.

دۆناڵد ترەمپ سەرۆکی ئەمریکا لە پۆستێکدا لە تۆڕی کۆمەڵایەتی تروس رایگەیاند، هەر سێ دامەزراوە ئەتۆمییەکانی ئێران لەناوبران و ئەگەر ئێران بیەوێت ئەو وێستگانە بخاتەوە کار، پێویستە لە شوێنی جیاواز وێستگەی نوێ بنیاد بنێتەوە، چونکە ئەگەر بخێرنەوە کار بە تەواوی دەیانسڕینەوە.

ئاماژەی بەوەشکرد، هەر سێ دامەزراوە ئەتۆمییەکەی ئێران ساڵانێکی زۆری دەیەوێت بگەڕێندرێتەوە بۆ خزمەت.

لە کۆتایدا پۆستەکەیدا راشیگەیاندووە، سوپاس بۆ گرنگیدانتان بەم بابەتە!.

ئەمڕۆ هەینی، بەهۆی تەقینەوەیەک لە بنکەیەکی مەشقی هێزەکانی پۆلیسی لۆس ئەنجلس، لانیکەم سێ ئەفسەری پۆلیس گیانیان لەدەستدا.

بەڕێوەبەرایەتیی پۆلیسی ناوچەی لۆس ئەنجلس (LASD)  رایگەیاند، تەقینەوەکە کاتژمێر7:30 خولەکی بەیانی بە کاتی ناوخۆ لە بنکەی مەشقی "بیسکایلوز" لەرۆژهەڵاتی لۆس ئەنجلس رویداوە، کە بنکەی نووسینگەی ئۆپەراسیۆنە تایبەتەکانیشە.

سەرچاوەکان لەناو دەزگای پۆلیسەوە بە فۆکس نیوزیان وتووە کە ناسنامەی ئەفسەرە کوژراوەکان هێشتا بە فەرمی ئاشکرا نەکراوە.

هەروەها سەرچاوەکان ئاماژەیان بەوەداوە کە تەقینەوەکە بەشێک نەبووە لە هیچ مەشقێکی پێشتر داڕێژراو. وا دیارە روداوەکە لە کاتێکدا بووە کە ئەفسەرەکان خەریکی گواستنەوەی کەرەستەی تەقەمەنی بوون لەناو بنکەکەدا.

لێکۆڵەرانی پۆلیسی فیدراڵی (FBI) و نووسینگەی چەک و تەقەمەنی (ATF) گەیشتوونەتە شوێنی روداوەکە و یارمەتیی لێکۆڵینەوەکان دەدەن بۆ زانینی هۆکاری تەقینەوەکە.

تیمەکانی لێکۆڵینەوە لە تاوانە قورسەکان (Homicide) لە شوێنی روداوەکەن و لێکۆڵینەوەکان بەردەوامن. هێشتا رون نییە کە ئایا تەقینەوەکە لەناو ئۆتۆمبێلی تایبەت بە پوچەڵکردنەوەی بۆمبدا رویداوە یان لە دەرەوەی.

فرێدریش مێرتس، راوێژکاری ئەڵمانیا، ئەمڕۆ هەینی داوای لە بنیامین ناتانیاهۆ، سەرۆک وەزیرانی ئیسرائیل کرد، کە گەیاندنی هاوکارییە مرۆییەکان بۆ کەرتی غەززە مسۆگەر بکات.

وتەبێژێکی حکومەتی ئەڵمانیا رایگەیاند کە مێرتس ئەمڕۆ هەینی پەیوەندییەکی تەلەفۆنی لەگەڵ ناتانیاهۆ ئەنجامداوە و تێیدا "هیوای خواستووە بۆ گەیشتن بە ئاگربەستێکی خێرا" لە کەرتی غەززە.

وتەبێژەکە هەروەها وتی، "فرێدریش مێرتس جەختی لە پێویستیی گەیاندنی هاوکارییە مرۆییە بەپەلەکان بۆ دانیشتووانی کەرتی غەززە بە شێوەیەکی سەلامەت و لە بارودۆخێکی گونجاودا کردەوە،" لەگەڵ ئەوەشدا پێویستیی "چەککردنی" حەماسی دووپاتکردەوە.

هەروەها رونیکردەوە کە راوێژکاری ئەڵمانیا "پێداگریشی لەسەر ئەوە کردووەتەوە کە هیچ هەنگاوێک بەرەو لکاندنی کەناری رۆژئاوا بە ئیسرائیلەوە نەگیرێتەبەر."

لەلایەکی دیکەوە، کەناڵی 13ی ئیسرائیلی رۆژی هەینی لە زاری نێردەی ئەمریکا بۆ کاروباری بارمتەکانەوە گواستیەوە کە ئیسرائیل و حەماس لە گەیشتن بە رێککەوتنێکی ئاگربەست نزیکبوونەتەوە.

ئادەم بولەر، نێردەی ئەمریکا وتی: "ئێمە لە هەموو کاتێک زیاتر نزیکین. ئەگەر ئێستا ڕوونەدات، ئەوا هۆکارەکەی کەلـلەڕەقی حەماس دەبێت."

ناوبراو گەشبینی خۆی دەربڕی سەبارەت بە ئەگەری گەیشتن بە رێککەوتن لە ماوەیەکی نزیکدا و وتیشی: "ئەمە ئەگەری رودانی هەیە، هیچ کاتێک لە ئێستا باشتر نەبووە. ناتانیاهۆ دژی ئێران سەرکەوتنی بەدەستهێنا، ئەمەش کاریگەرییەکی گەورەی لە ناوخۆدا پێبەخشی، کاتێک هێزت هەبوو، ئەوە باشترین کاتە بۆ ئەوەی هەنگاوێک بنێیت."

بەهۆی بارانبارینی زۆر و دروستبوونی لافاو لە پاكستان، تائێستا زیاتر لە 170 كەس گیانیان لەدەستداوە كە زیاتر لە نیوەیان منداڵن.

نوسینگەی بەهاناوەچوونی كارەساتە نیشتمانییەكانی پاكستان رایگەیاند، ماوەی دوو رۆژە بارانێكی بەخوڕ لە پارێزگای پەنجاب لە پاكستان بەردەوامە و بەهۆیەوە لافاوێكی بەهێز دروستبووە و تائێستاش زیاتر لە 170 كەس گیانیان لەدەستداوە كە 84 یان منداڵن و 54یشیان تەنها لە ماوەی 24 سەعاتی یەكەمی دروستبوونی لافاوەكەدا گیانیان لەدەستداوە.

ئاماژەی بەوەشكردووە، هەر بەهۆی لافاوەكە ژمارەیەكی زۆری بینا و باڵەخانە و شەقام زیانیان بەركەوتووە كە هەندێكیان بەتەواوی روخاون.

دەسەڵاتدارنی پاریزگاكەش باری لە ناكاویان راگەیاند و هۆشدارشیانداوە لە زیادبوونی لافاوەكە.

لە یەكی تریشەوە لە كۆریای باشوریش لافاو دروستبووە و بەهۆیەوە چوار كەس گیانیان لەدەستدا و زیاتر لە هەزار و 300 كەسیش ئاوارەبوون.

یەكێتی ئەوروپا بە ئێرانی راگەیاند، تا كۆتایی هاوین نەگەیشتنە رێككەوتن لەسەر بەرنامە ئەتۆمییەكە ئەوا سەرجەم سزا نێودەوڵەتییەكانی بەسەردا دەسەپێنێت.

وەزارەتی دەرەوەی فەرەنسا رایگەیاند، لە كۆبونەوەی وەزیری دەرەوەی وڵاتەكە و وەزیری دەرەوەی بەریتانیا و ئەڵمانیا و لێپرسراوی سیاسەتی دەرەوەی یەكێتی ئەوروپا لەگەڵ عەباس عراقچی وەزیری دەرەوەی ئێران جەختیان لەوەكردووەتەوە، تا كۆتایی هاوین چاوەڕێی تاران دەكەن بۆ گەیشتن بە رێككەوتن لەسەر بەرنامە ئەتۆمییەكە.

دەشڵێت، ئەگەر تا ئەو كاتە رێككەوتن لەسەر بەرنامە ئەتۆمییەكەی ئێران نەكرا سەرجەم سزا نێودەوڵەتییەكان بەسەر تاراندا دەسەپێننەوە.

پێگەی ئەكسیۆسی ئەمریكیش بڵاویكردەوە، ماركۆ رۆبیۆ وەزیری دەرەوەی ئەمریكا كۆتایی مانگی هەشتی داناوە بۆ ئێران بەمەبەستی گەیشتن بە رێككەوتن لەگەڵی.

راشیگەیاند، ئەگەر رێككەوتن لەگەڵ ئێران نەكرێت ئەوروپیەكان سزاكانی سەر ئێران لەلایەن ئەنجومەنی ئاسایشی نێودەوڵەتی لە ساڵی 2015 سەپێنراوبوو چالاك دەكەنەوە.

حکومەتی بەریتانیا بە سەرۆکایەتی پارتی کرێکاران، پلانێکی  راگەیاندووە کە دەبێتە هۆی گۆڕانکارییەکی گەورە لە دیموکراسیی ئەو وڵاتەدا، ئەویش کەمکردنەوەی تەمەنی دەنگدانە بۆ ١٦ ساڵ لە هەڵبژاردنە گشتییەکاندا.

ئەم هەنگاوە، کە بەڵێنێکی سەرەکیی پارتی دەسەڵاتدار بوو پێش هەڵبژاردنەکان، ئەگەر بچێتە بواری جێبەجێکردنەوە، بەریتانیا دەکاتە یەکێک لەو وڵاتە دەگەمەنانەی جیهان کە رێگە بەو تەمەنە کەمە دەدەن بەشداری لە دیاریکردنی چارەنووسی سیاسیی وڵاتەکەیاندا بکەن.

کیەر ستارمەر، سەرۆکوەزیرانی بەریتانیا، بەرگری لە بڕیارەکە کرد و رایگەیاند: "زۆر گرنگە

ئەم گۆڕانکارییە بەشێکە لە پاکێجێکی گەورەتر بۆ "مۆدێرنکردنی دیموکراسی" کە تۆمارکردنی ئۆتۆماتیکیی دەنگدەران و بەکارهێنانی کارتی بانکی وەک ناسنامە لە بنکەکانی دەنگدان لەخۆدەگرێت.

بەپێی وتەی هاری کویڵتەر پینەر، بەڕێوەبەری دامەزراوەی توێژینەوەی سیاسەتی گشتی، ئەمە "گەورەترین چاکسازییە لە سیستەمی هەڵبژاردنی بەریتانیادا لە ساڵی 1969ەوە" و دەتوانێت نزیکەی 9.5 ملیۆن دەنگدەری نوێ بۆ لیستەکان زیاد بکات.

---

ماریا زاخارۆڤا، وتەبێژی وەزارەتی دەرەوەی روسیا، لە وەڵامی لێدوانێکی وەزیری بەرگریی ئەڵمانیا رایگەیاند، قسەکانی بۆریس پیستۆریۆس سەبارەت بە ئامادەییان بۆ کوشتنی سەربازانی روس، نیشانەی ئەوەیە کە ناتۆ "شێت بووە".

زاخارۆڤا لە کۆنگرەیەکی رۆژنامەوانیدا وتی: "ئەوان بە راستی شێت بوون، کام ئەندامی ناتۆ هێرش دەکاتە سەر ڕوسیا؟ بەڵکو ئەندامانی ناتۆ لە دۆخ و پێکهاتەی پێشوویاندا ئەوان بوون کە هێرشیان کردە سەر وڵاتەکەمان."

وتەبێژی وەزارەتی دەرەوەی روسیا جەختی کردەوە کە چەندین جار لە بەرزترین ئاستەوە بە پیستۆریۆس و هاوشێوەکانی وتراوە کە "روسیا هێرش ناکاتە سەر وڵاتانی ناتۆ."

لێدوانەکەی زاخارۆڤا دوای ئەوە هات کە بۆریس پیستۆریۆس، وەزیری بەرگریی ئەڵمانیا، لە چاوپێکەوتنێکدا لەگەڵ رۆژنامەی "فاینانشیاڵ تایمز" وتبووی، "ئاشتی تەنها لە روانگەی هێزەوە دەکرێت باسی لێوە بکرێت،" و وتبووی ئەگەر رێگرییەکان سەرکەوتوو نەبن، "روسیا هێرش دەکاتە سەر ناتۆ" و سەربازانی ئەڵمانیاش دەبێت "ئامادەبن بۆ کوشتنی سەربازانی روس."

جۆن هیلی، وەزیری بەرگریی بەریتانیا، لە وتارێکدا لە پەرلەمانی وڵاتەکەی رایگەیاند، ژمارەی کوژراو و بریندارانی سوپای روسیا لە جەنگی ئۆکراینیادا ملیۆنێک کەسی تێپەڕاندووە و مۆسکۆ هێرشەکانی بە درۆن بۆ سەر ئۆکرانیا زیاتر کردووە.

هیلی وتی: "ئەمڕۆ هەزار و 239هەمین رۆژی دەستپێکردنی داگیرکارییەکەی سەرۆک پوتینە، شانازی دەکەم کە پەرلەمانی بەریتانیا هێشتا یەکگرتووە لە پشتیوانیکردنی ئۆکرانیا."

وتیشی: "لە مانگی رابردودا، ژمارەی کوژراو و بریندارانی هێزەکانی روسیا ملیۆنێکی تێپەڕاند. تەنها لەمساڵدا، روسیا 240 هەزار قوربانی داوە. سەرەڕای ئەم زیانە گەورانەش، وا دیارە خواستە فراوانخوازییەکانی پوتین کەم نەکەنەوە، بەڵکو روسیا هێرشی درۆنی بۆ سەر ئۆکراین زیاتر کردووە."

وەزیری بەرگریی بەریتانیا جەختیشی کردەوە کە گەلی ئۆکراین، چ سەربازی و چ مەدەنی، "بە ورەیەکی بێ وێنەوە" بەردەوامن لە بەرگریکردن.

ئەمە لە کاتێکدایە کە بەریتانیا پشتیوانی خۆی بۆ ئۆکراین دووپاتکردووەتەوە و پێشوازی لە هاوکارییە سەربازییەکانی ئەمریکا کردووە. لە بەیاننامەیەکدا، راوێژکاری سەربازیی بەریتانیا لە رێکخراوی ئاسایش و هاریکاریی ئەوروپا رایگەیاند، "روسیا لە دوو مانگی رابردوودا هەشت لە گەورەترین هێرش2024 ٢٠٢٤ بووە.

وەزیری دەرەوەی ئەمریكا رایگەیاند، لەگەڵ لایەنە ناكۆكەكانی سوریا رێككەوتوون لەسەر چەند هەنگاوێك بۆ كۆتاییهێنان بە ئاڵۆزییەكانی سوەیدا و ئەمرۆش ئەنجومەنی ئاسایشی نێودەوڵەتی لەبارەی سوریاوە كۆدەبێتەوە. 

ماركۆ رۆبیۆ وەزیری دەرەوەی ئەمریكا رایگەیاندووە، پێشكەوتنێكی باش هەیە لە چارەسەركردنی ئالۆزییەكان لە باشوری سوریا و لەگەڵ هەموو ئەو لایەنانەی بەشدارن لەشەرو پێكدادانەكاندا پەیوەندییدان كردوە و رێككەوتون لەسەر چەند هەنگاوێك بۆ كۆتاییهێنان بەو رەوشە مەترسیدارە، داواشیكرد هەموو لایەنەكان پابەند بەو بەڵێنانەی داویانە . 

لەلایەكی تریشەوە ئەمرۆ ئەنجومەنی ئاسایشی نێودەوڵەتی سەبارەت بە بۆردومانەكانی ئیسرائیل بۆ سەر سوریا كۆدەبێتەوە  ، ئەوەش دوای ئەوەی حكومەتی دیمەشق داوای كرد كۆبونەوەیەكی بەپەلەی ئەنجومەنەكە رێكبخرێت و هێرشەكانی ئیسرائیل ئیدانە بكرێت و هێزەكانی ناچار بكرێن لە سوریا بكشێنەوە .