دەروازەی نێودەوڵەتی پەروێزخان بڵاویکردەوە، دوای ئەوەی ژمارەیەکی زۆر ھاوڵاتی و گەشتیاری ئێران بە مەبەستی زیارەت و بەشداریکردن لە یادی عاشورا بەبێ ڤیزا ھاتنە ھەرێمی کوردستان و لەوێشەوە چوونە کەربەلا و شارەکانی عێراق، لە ئێوارەی ١٦ی ئابەوە ئێران ھاتووچۆی گەشتیاری لە ڕێگەی دەروازەی نێودەوڵەتی پەروێزخانەوە ڕاگرت. 

ئاماژەی بەوەشکردووە، لە ئەمڕۆوە ھاتووچۆی گەشتیاری لە ڕێگەی دەروازەی نێودەوڵەتی پەروێزخانەوە دەستیپێکردەوە و ھاوڵاتیان و گەشتیاران دەتوانن بە ڤیزا لە ڕێگەی دەروازەکەوە سەردانی ئێران بکەن.

بێوار عەبدولعەزیز وتەبێژی بەڕێوەبەرایەتی بەرگری شارستانی دھۆک بە کوردسات نیوزی راگەیاند، چەند گەنجێکی شاری دھۆک بە مەبەستی مەلەکردن سەردانی رووباری خاپووریان کرد لە قەزای زاخۆ، بەھۆی شەڕەئاو و ناشارەزایی لە مەلەکردن لە نزیک گوندی "کەرپتێ" دوو گەنجی تەمەن ١٦ و ٣٢ ساڵ لە ئاوی رووبارەکەدا خنکان.

وتیشی، تەرمی یەکێکیان لەلایەن ھاوڵاتیان و تەرمی ئەوی تریان لەلایەن تیمی بەرگری شارستانی دھۆکەوە دەرھێنران. 

ئاماژەی بۆ ئەوەشکرد، لە ئەمساڵدا ١٢ کەس لە سنوری پارێزگای دھۆک لە ئاودا خنکاون.

بەرێوەبەرایەتی گشتی کەشناسی و بومەلەرزەزانی ھەرێم رایگەیاند، لە سبەی ڕۆژی یەک شەممەوە پلەکانی  گەرما بەرەبەرە بەرزتر دەبنەوە، پێشبینیش دەکرێت رۆژی سێ شەممە بگاتە بەرزترین ئاست بۆ ھەولێر و سلێمانی و دھۆک و ھەڵەبجە لە نێوان ٤٣-٤٥ پلەی سیلیزی بێت.

ئاماژەی بەوەشکردووە، بۆ کەرکووک و ناوچەکانی گەرمیان و خانەقین ٤٦-٤٩ پلەی سیلیزی بێت.

 سەرچاوەیەک لە وەزارەتی دارایی بە کوردسات نیوزی راگەیاند، مووچەی مانگی ھەشتی فەرمانبەرانی ھەرێم لەکاتی خۆیدا و بەبێ لێرین دابەش دەکرێت، ئەو سەرچاوەیەی وەزارەتی دارایی وتیشی، داھاتی ئەم مانگەی حکومەتی ھەرێم زیادیکردووە. ئەوەش لەکاتێکدایە حکومەتی ھەرێم مانگی رابردوو مووچەی بەبێ لێبرین دابەش کرد.

زیاد جەبار سەرۆکی لیژنەی دارایی لە پەرلەمانی کوردستان بە کوردسات نیوزی راگەیاند: لەم مانگەوە خانەنشینی پلە باڵا و ئەندامانی پەرلەمان بەیاسای چاکسازی خەرج دەکرێت و زۆرترین مووچەش نابێت لە٥٠% کۆی مووچەکەی زیاتر بێت، ئاماژەی بۆ ئەوەشکرد" فەرمانبەرانی پلە باڵا کە تەمەنیان نەگەیشتبێتە ٤٥ بە لە٢٥% ی کۆی مووچەکەی خانەنشین دەکرێت.
وتیشی: پێشتر مووچەی خانەشینی پلە باڵاکان و پەرلەمانتاران دیاریی کرابوو بە لە٨٠% کۆی مووچەکانیان ، بەڵام بەپێی یاسا نوێکە ھیچ پلە باڵایەک نابێت لەسەرو ٥٠ % ی کۆی مووچەکەی وەربگرێت.

تاوەکو ئێستاش ئیدارەی کەرکوک نەیتوانیوە لە بوارەکانی کارەبا و شارەوانی، خزمەتی پێویست بکات، ئەوەش لە کاتێکدایە لە ساڵی ڕابردوودا چەندین جۆر بودجە بۆ ئەو پارێزگایە تەرخانکراوە.
پێشتر و بەو ھۆکارانە، پەرلەمانتارانی کورد لە کەرکوک، ئیدارەی شارەکەیان بە گەندەڵ وەسفکردووە.

 

بە پێی ئاماری بەڕێوەبەرایەتییەکانی بەرگری شارستانی ھەر چوار پارێزگای ھەرێم، لە ماوەی ھەشت مانگی سەرەتای ئەمساڵ ١٤ کەس لە سنوری پارێزگای ھەولێر لە ئاوی ڕووبار و دەریاچەکاندا خنکاون و لە سنوری سلێمانی ٧ کەس و لە دھۆک ١٠ کەس و لە ھەڵەبجەش ٢ کەس خنکاون.

بە پێی بەدواداچوونی بەڕێوەبەرایەتییەکانی بەرگری شارستانی، ژمارەیەکی زۆر لەو کەسانەی لە ئاودا خنکاون، بەھۆی نە شارەزایی بووە لە مەلەکردن.

لە دوایین ڕووداوی خنکانیشدا، پێشمەرگەیەک دوای وەرگرتنی مووچەکەی بۆ خۆفێنککردنەوە لە ئاوی زێی بچوک لە نزیک ناحیەی پردێ مەلەی کرد و لە ئاوەکەدا خنکا، ٢٠ ڕۆژ بەسەر ئەو ڕووداوەدا تێپەڕیوە و تا ئێستا تەرمی ئەو پێشمەرگەیە نەدۆزراوەتەوە.

بە پێی بەدواداچوونەکانی کوردسات نیوز، سەرجەم کۆچبەرەکان خەڵکی سلێمانی و چەمچەماڵ و ڕانییە و سەیدسادقن و لە کەنارئاوەکانی تورکیاوە بەڕێکەوتن بەرەو ئیتاڵیا، بەڵام لە بەرەبەیانی ڕۆژی پێنجشەممە لە نزیک دورگەی"لارۆس"ی یۆنان ماتۆڕی بەلەمەکەیان لەکارکەوت و بۆ ئەوەی لە ئاودا تووشی ھیچ ڕووداوێکی نەخوازراو نەبن، بڕیاریاندا لە گەشتەکە بەردەوام نەبن و لەو دوورگە شاخاوییە لایاندا.

بە پێی زانیارییەکان، کۆچبەرەکان ئاو و خۆراکیان لێبڕاوە و بە مەبەستی ڕزگارکردنیان پەیوەندییان بە ھێزی دەریاوانی یۆنانەوە کردووە، بەڵام بەھۆی ھەڵکردنی ڕەشەبایەکی بەھێز لە ناوچەکە، ڕزگارکردنیان بە یەختی ھێزی دەریاوانی یۆنان کەمێک ئەستەمە و بەدوای ڕێگەچارەی ترن بۆ ڕزگارکردنیان.

حازم گۆران بەڕێوەبەری گشتی خانەنشینی ھەرێمی کوردستانی رایگەیاند، لە ئێستادا ھەمواری مووچەی پەرلەمانتارانی خانەنشین  لە ھەرێم گەیشتووەتە قۆناغی کۆتایی، لە ھەوڵی ئەوەدان ئەم مانگە بەپێی سیستمی نوێی مووچە وەربگرن.

 وتیشی، ٤٣٠ پەرلەمانتاری خانەنشین لە ھەرێم ھەیە، ئەو پەرلەمانتارانەی راژەی خزمەتیان ھەبێت، بە مووچەی ٥٠٪ خانەنشین دەکرێن، ئەوانەیان خزمەتییان نەبێت تەنیا مووچەی چوار ساڵەکەیان وەردەگرن.

بەپێی ئاماری وەزارەتی تەندروستی ھەرێم، لە ٢٤ سەعاتی رابردوودا  ١٨٢٣ حاڵەتی نوێی توشبوون و ٢٥ حاڵەتی نوێی گیانلەدەستدان بە ڤایرۆسی کۆرۆنا تۆمارکراوە و  ٢٢٣٥ توشبووش چاکبوونەوە.

ڕاگەیاندراوی ( ٢٤ ) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩               ژمارە ( ٥٤٠ )  
١. پشکنین: ( ١٢١٢١ پشکنینی نوێ)
• ( ٤٥٢٢) ھەولێر
• ( ٢٢٣٠) سلێمانی
• ( ٤٥٩٨) دھۆک
• ( ٨٣) ھەڵەبجە
• ( ٤٠٤) گەرمیان
• ( ٢٨٤) ڕاپەڕین

٢. تووشبوو: ( ١٨٢٣ تووشبووی نوێ)
• ( ٤٣١) ھەولێر
• ( ٧٠٢) سلێمانی
• ( ٥٢٨) دھۆک
• ( ٣٥) ھەڵەبجە
• ( ٧٣) گەرمیان
• ( ٥٤) ڕاپەڕین

٣. چاکبوون: ( ٢٢٣٥ چاکبوون)
• ( ٣٤٤) ھەولێر
• ( ٦٩٠) سلێمانی
• ( ١١٢٣) دھۆک
• ( ١٣) ھەڵەبجە
• ( ٦٢) گەرمیان
• ( ٣) ڕاپەڕین

٤. مردن: ( ٢٥ مردن)
• ( ٧) ھەولێر
• ( ٥) سلێمانی
• ( ٨) دھۆک
• ( ١) ھەڵەبجە
• ( ٢) گەرمیان
• ( ٢) ڕاپەڕین 

ئاماری گشتی:
کەرەنتین ھاوڵاتی ٢١٨٧١ (٢١٨٧١ دەرچوو)
پشکنین ٢٧١٤٧١١ (٩٢٥١٠٨ ھەولێر، ٦٧٤٩٧٣ سلێمانی، ١٠٩٦٠٥٣ دھۆک، ١٨٥٧٧ ھەڵەبجە)
تووشبوون ٢٧٥١٣٤ (٧٩٤٤٨ ھەولێر، ٩٠٨٦٥ سلێمانی، ٩٩٩٩٨ دھۆک، ٤٨٢٣ ھەڵەبجە)
چاکبوون ٢٢٣٥٤٦ ( ٦٢٩٨٢ ھەولێر، ٧١٩٧١ سلێمانی، ٨٤٦٧٥ دھۆک، ٣٩١٨ ھەڵەبجە)
لەژێر چارەسەر  ٤٦٤٤٤ (١٥٠٦٠ ھەولێر، ١٦٦٢٧ سلێمانی، ١٤٠٣٠ دھۆک، ٧٢٧ ھەڵەبجە)
مردن ٥١٤٤ (١٤٠٦ ھەولێر، ٢٢٦٧ سلێمانی، ١٢٩٣ دھۆک، ١٧٨ ھەڵەبجە)
بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).

وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە ( ١٢٢ ). 

 وەزارەتی تەندروستی       
حکومەتی ھەرێمی کوردستان    
١٩ی ئاب ٢٠٢١

سەبارەت بە بەرزبوونەوەی نرخی ئاردیش پارێزگاری سلێمانی رایگەیاند، پێشنیازیان بۆ ئەنجومەنی وەزیران کردووە بۆ ئەوەی ئاردی خۆماڵی بەکار بھێنرێت و بڕی پێویستی غاز و کارەبا بە نرخێکی گونجاو بۆ نانەواخانەکان دابین بکرێت تا نرخی نان داببەزێت. 

سەبارەت بە گرانبوونی نرخی غازی LPGیش ھەڤاڵ ئەبوبەکر rایگەیاند، بەرزبوونەوەی نرخی غاز پەیوەندی بە بەرزبوونەوەی نرخی دۆلارەوە ھەیە، ھەرچەندە لە ناوخۆشدا بەرھەم دەھێنرێت.

"سەعدی ئەحمەد پیرە" ئەندامی مەکتەبی سیاسی یەکێتی و سەرپەرشتیاری ھەر سێ مەڵبەندی "قەرەچووغ و شەنگال و موسڵ" لەگەڵ ژمارەیەک لە پێشمەرگە دێرینەکان و کادیرانی یەکێتی لە سنووری ماددەی ١٤٠ کە لە ھەولێر نیشتەجێن کۆبووەوە.

لە کۆبوونەوەکەدا جەخت لەوە کرایەوە بە شێوەیەکی شارستانیانە بانگەشەی ھەڵبژاردن بۆ لیستی ھاوپەیمانی و کاندیدانی یەکێتی بکەن، بۆ ڕۆژی دەنگدانیش ھەموو پێداویستیەک ئامادە بکەن بۆ ئەوەی بە شێوەیەکی تەندروست و ئاسان بڕۆنەوە ناوچەکانیان و بەشداری ھەڵبژاردن بکەن.

داواشیکرد، پێش کردنەوەی دەرگای خوێندنگەکان، مامۆستایان و خوێندکاران و فەرمانبەرانی خوێندنگەکان ڤاکسینی کۆرۆنا وەربگرن.

 

بە ئامادەبوونی بەشێک لە ئەندامانی مەکتەبی سیاسی و ئەنجومەنی سەرکردایەتی یەکێتیی نیشتمانیی کوردستان، لە ھۆڵی مەڵبەندی ٩ی ڕێکخستنی شارەزوور، کۆبوونەوەی ئامادەکاری بۆ ھەڵبژاردنی ئەنجومەنی نوێنەرانی عێراق ئەنجامدرا.

لە کۆبوونەوەکەدا پلان و بەرنامەی کاری داھاتوو بۆ دەستپێکردنی بانگەشەی ھەڵبژاردن و ھەوڵدان بۆ سەرخستنی لیستی ھاوپەیمانی کوردستان خرایەڕوو.

ئاسۆ حەوێزی وتەبێژی وەزارەتی تەندروستیی ھەرێم ڕایگەیاند، پێچەوانەی ئەو دەنگۆیانەی کە دەوترێت ھەرێم گەیشتووەتە ھێڵی سوور، ڕێژەی تووشبووان بە ڕێڕەوێکی ڕاست دەڕوات و تا ڕادەیەکیش نزمبووەتەوە.

وتیشی، بۆ کەمبوونەوەی زیاتری ڕێژەی تووشبوون، پێویستە ھاوڵاتیان پابەندی ڕێکارەکان بن و پەلە بکەن لە ناو تۆمارکردن بۆ وەرگرتنی ڤاکسین، چونکە تاکو ژمارەی تووشبوونی ڕۆژانە بە کۆرۆنا کەمنەبێتەوە، حاڵەتە خراپەکانیش کەمنابێت و ڕێژەی مردنیش ھەر بەرز دەبێت.

لەلایەکی ترەوە ھێرش سەید سەلیم، جێگری بەڕێوەبەری تەندروستیی سلێمانی ڕایگەیاند، بۆ کردنەوەی دەرگای خوێندنگاکان چاودێری ھەڵسەنگاندنەکان بۆ ڕەوشی تەندروستی دەکەن، داواشیکرد، پێش کردنەوەی دەرگای خوێندنگاکان، مامۆستایان و خوێندکاران و فەرمانبەرانی خوێندنگاکان ڤاکسینی کۆرۆنا وەربگرن.

بە پێی دواین ئاماری وەزارەتی تەندروستی، لە ٢٤ سەعاتی ڕابردوودا ھەزار و ٨٢٣ کەس تووشی کۆرۆنا بوون، ٢٥ تووشبووی ڤایرۆسەکەش گیانیان لە دەستداوە، تا ئێستاش ٢٧٥ ھەزار و ١٣٤ کەس تووشی کۆرۆنا بوون، کە پێنج ھەزار و ١٤٤ کەسیان گیانیان لە دەستداوە.