کوردستان
لە کۆبونەوەکە دا کاندیدانی یەکێتی لە لیستی ھاوپەیمانی کوردستان بەشداربوون، ئەوە روونکرایەوە کە بە شێوەیەکی شارستانیانە بانگەشەی ھەڵبژاردن بۆ لیستی ھاوپەیمانی و کاندیدانی یەکێتی بکەن و ھەموو پێداویستیەک ئامادە بکەن تا زۆرترین ھاوڵاتیانی ئەم ناوچەکانە بەشداری ھەڵبژاردن بکەن دەنگ بە لیستی ھاوپەیمانی کوردستانی و کاندیدانی یەکێتی نیشتمانی کوردستان بدەن چونکە بەشێکی زۆری ھاوڵاتیانی ئەم ناوچانە تاکو ئێستاش لە ئاوارەین و نەتوانراوە بگەرێندرێنەوە ناوچەكانیان.
سۆران غەفور بەڕێوەبەری چاودێری بازرگانی لە قائیمقامیەتی سلێمانی لە لێدوانێکدا بە کوردسات نیوزی راگەیاند، ھیچ بڕیارێک لە قائیمقامییەتەوە بۆ کەمکردنەوەی ژمارەی و کێشی نان نەدراوە و پێویستە نانەواخانەکان پابەندی بڕیارەکانی پێشووبن و هەشت نانی ١٠٠ گرامی بە ھەزار دینار بدەن بە ھاوڵاتیان.
وتیشی، لیژنەکانیان چاودێری بازاڕ دەکەن ھەر نانەواخانەکیش پابەند نەبێت رێکاری یاسایی بەرامبەر دەگیرێتەبەر.
ئاماژەی بۆ ئەوەشکرد، بۆ کەمکردنەوەی ئەو بارگرانیەی کەوتووەتەسەر نانەواخانەکان قائیمقامیەتی سلێمانی بە نوسراوی رەسمی داوا دەکات باج لەسەر ئارد و نرخی کارەبا و غاز لەسەریان کەمبکرێتەوە.
نەسرین محەمەد بەڕێوەبەری دروستکردنی دانەوێڵەی سلێمانی بە کوردسات نیوزی رایگەیاند، ھۆکاری بەرزبونەوەی نرخی ئارد دەگەڕێتەوە بۆ بەرزبونەوەی نرخی بۆرسەی جیھانی گەنم بەھۆی وشکەساڵییەوە.
بافڵ تاڵەبانی ھاوسەرۆکی یەکێتیی نیشتمانیی کوردستان لە دەباشان پێشوازیکرد لە کۆڵۆنێڵ سویک فەرماندەی ھێزەکانی ئەڵمانیا لە ھەرێمی کوردستان و وەفدێکی سەربازیی یاوەری، بافڵ تاڵەبانی گرنگی پتەوکردنی ھەماھەنگی سەربازیی نێوان ھەردولای بەپێویستزانی لەچوارچێوەی ھەوڵە نێودەوڵەتیەکان بۆ روبەڕوبونەوەی تیرۆر و پاراستنی ئارامی و ئاسایش لەناوچەکە.
داواشیکرد، ھێزەکانی ئەڵمانیا ھاوکارییەکانیان بۆ ھێزەکانی پێشمەرگە فراوانتر بکەن و پشتیوانی لەسەرخستنی ھەنگاوەکانی یەکگرتنەوە و رێکخستنەوەی ھێزی پێشمەرگە بکەن.
لەبارەی بۆشایی ئەمنی لەچەند ناوچەیەکی عێراق و جموجوڵی پاشماوەکانی داعش، بافڵ تاڵەبانی جەختی لە ھەماھەنگی زیاتر لەنێوان پێشمەرگە و سوپای عێراق و ھێزەکانی ھاوپەیمانان کردەوە بۆ بەرقەراکردنی ئاسایشی ئەو سنوورانە.
راشیگەیاند، شکستپێھێنانی چەندین پیلانی تیرۆریستانی داعش لەماوەی رابردوو بۆ تێکدانی ئارامی ھەرێم لەلایەن ھێزەکانی دەزگای ئاسایشی ھەرێم و دژەتیرۆرەوە ئەوەمان پێدەڵێت ھێشتا مەترسییەکان ماون و پێویستە ھەموومان پێکەوە رووبەڕووی ببینەوە.
ئازاد رەمەزان نوێنەری نانەواخانە و سەمونخانەکانی سلێمانی بە کوردسات نیوزی رایگەیاند، ئەو ئاردەی بەکاری دەھێنن لە تورکیاوە دێت، بۆیە ھەرکات ئەو وڵاتە ئاردی گران کرد، ئەوانیش ناچاران نرخی نان بەرزبکەنەوە.
وتیشی، بەھۆی خراپی کوالێتی، ناتوانن ئاردی ناوخۆ بەکاربھێنن و زیاتر لە ١٠ ساڵە ئەو کێشەیان ھەیە.
د.سەباح نەسرەدین بەڕێوەبەری گشتی تەندروستی سلێمانی لە کۆنفرانسێکی رۆژنامەوانیدا رایگەیاند، بە قۆناغێکی ھەستیار و ترسناکدا تێپەڕین بۆ روبەڕوبوونەوەی کۆرۆنا، لە ئێستاشدا پلان بۆ دابەشکردنی ڤاکسین بەشێوەیەکی فراوان دادەنێن.
وتیشی، پشتیوانی ھاوڵاتیان دەبن و بۆیان روندەکەنەوە وەرگرتنی ڤاکسین تاکە رێگەیە بۆ روبەڕوبونەوەی کۆرۆنا، لەبەر ئەوە دەبێت ھاوڵاتیان دوو دڵ نەبن لە وەرگرتنی ڤاکسین.
پەروین فاتیح بەڕێوەبەری یەکەی سەرپەرشتیاری لە پەروەردەی کەرکوکیش دەڵێت ئامادەکاری تەواو کراوە بۆ ئەنجامدانی تاقیکردنەوەکان و ٤٥ ناوەندی تاقیکردنەوەی تایبەت بە خوێندنی کوردی کراونەتەوە.
"بڕیار ڕەشید" کاندیدی لیستی ھاوپەیمانی کوردستان لە لێدوانێکدا بۆ کوردسات نیوز ڕایگەیاند، ھەموو کۆمەڵگەیەک گەنجی زۆری تێدابێت، داھێنان و بەرھەمیشی زۆر دەبێت، بەڵام لە ئێستادا کۆچکردنی گەنجان بۆ دەرەوەی وڵات، وایکردووە بەرھەمھێنان کەمبێت و بەکاربەر زۆرتربێت، لەبەر ئەوە گرنگە ئەو جۆرە دەرفەتانە بۆ گەنجان بڕەخسێنرێت. وتیشی، ئەو پڕۆژانەی ھەیانە دەرفەتی یەکسان بە بێ جیاوازی بۆ گەنجان دەڕەخسێنێت.
"ڕزگار حاجی حەمە" لێپرسراوی مەکتەبی بیر و ھوشیاری یەکێتی لە لێدوانێکدا بۆ کوردسات نیوز ڕایگەیاند، لەو دیبەیتەدا گرنگی بەڕێوەچوونی پڕۆسەی ھەڵبژاردن شیدەکرێتەوە، چونکە لە ئێستادا بەسیستمێکی نوێ ھەڵبژاردن ئەنجام دەدرێت.
سەبارەت بە دواخستنی ھەڵبژاردنیش ڕایگەیاند، کۆمسیۆن ھەموو ئامادەکارییەکی بۆ بەڕێوەچوونی ھەڵبژاردن کردووە، دواخستنیشی ئەگەرێکی لاوازە.
شوناس حسێن: ڕەخساندنی دەرفەتی گونجاو بۆ گەنجان وادەکات پڕۆژەی داھێنانیان ھەبێت
وتیشی، لیستی ھاوپەیمانی کوردستانیش گرنگی تایبەت بە گەنجان دەدات بۆ داھێنان و جێبەجێکردنی پڕۆژەکانیان.
وتیشی، پێویستە حکومەتی ھەرێم چارەسەرێکی گونجاو بدۆزێتەوە و یارمەتی نانەواخانەکان بدات، لە دابینکردنی پێداویستییەکان و کەمکردنەوەی باج.
"ناسک سدیق" بەڕێوەبەری ئامادەیی ژیانەوە لە کەرکوک لە لێدوانێکدا بۆ کوردسات نیوز ڕایگەیاند، ھەموو پێداویستییەکان بۆ بەڕێوەچوونی تاقیکردنەوەکانی قۆناغی ئامادەیی بە جێبەجێکردنی ڕێنماییەکانی تەندروستی دەستپێکردووە.
وتیشی، ھەفتانە دوو تاقیکردنەوە ئەنجام دەدرێت و ڕۆژی ١١ی ئەیلولی ٢٠٢١ تاقیکردنەوەکان کۆتاییان دێت.
"ئارام محەمەد" وەزیری خوێندنی باڵا و توێژینەوەی زانستی ھەرێمی کوردستان ڕایگەیاند، بە پێی ھەڵسەنگاندنەکانی وەزارەتی تەندروستی، ڕەوشی خوێندنی ئەمساڵ بەراورد بە ساڵی ڕابردوو باشتر دەبێت و دەتوانرێت لەناو ھۆڵەکانی خوێندن وانەکان بخوێنرێت.
وتیشی، بۆ ئەمساڵ پلانیان ھەیە زۆرترین دەرچووی قۆناغی ١٢ی ئامادەیی بە ھەموو بەشەکانەوە لە زانکۆکان وەربگیرێن.
وەزارەتی ئاوەدانکردنەوە و نیشتەجێکردنی ھەرێم ڕایگەیاند، کارکردن لە پڕۆژەی دروستکردنی پردی نوێی دەربەندی ڕانیە بەردەوامە و ڕۆژانی پشوو و ھەینیش کارکردن لەو پڕۆژەیە بەردەوامە.
ڕاشیگەیاندووە، پڕۆژەی پردی نوێی دەربەندی ڕانیە، پڕۆژەیەکی ستراتیژییە و لە سنوری ئیدارەی ڕاپەڕین جێبەجی دەکرێت و ئیدارەی ڕاپەڕین بە سلێمانییەوە دەبەستێتەوە. لە ئێستاشدا ٤٥٪ی کارەکانی ئەو پڕۆژەیە جێبەجێ کراوە.
بە پێی ئاماری وەزارەتی تەندروستی ھەرێم، لە ٢٤ سەعاتی ڕابردوودا ٧٢٢ حاڵەتی نوێی تووشبوون و ٣٣ حاڵەتی نوێی گیان لە دەستدان بە ڤایرۆسی کۆرۆنا تۆمارکراوە و ٢٠٤٤ تووشبووش چاکبوونەتەوە.
قوباد تاڵەبانی، لە میانەی وتارێکیدا لە پڕۆژەی TECHFEST بۆ کێبڕکێی تەکنەلۆجیا کە ئەمڕۆ ٢١ی ئابی ٢٠٢١ لە سلێمانی پێشکەشی کرد، ڕوونیکردەوە پلانی حکومەت ئەوەیە ھەماھەنگی تەواو لەنێوان حکومەت و ناوەندەکانی پەروەردە و خوێندن و کەرتی تایبەتدا دروست بکات و رایگەیاند، بە بەھێزکردنی ھەماھەنگی لەنێوان ئەم سێ کەرتەدا دەتوانین وڵات پێش بخەین و ژێرخانی ئابوری بەھێز بونیات بنێین و ھەلی کاری پێویستیش دروست بکەین.
قوباد تاڵەبانی باسی لەوەشکرد، بە دروستکردنی ھەماھەنگی لەنێوان ئەم سێ کەرتەدا لە داھاتوودا لەلایەکەوە دەرچووانی زانکۆ و پەیمانگاکان ئامادەیی زیاتریان دەبێت بۆ کارکردن لە کەرتی تایبەت و لەلایەکی دیکەشەوە بە کارئاسانیکردنی حکومەت بۆ کەرتی تایبەت ئاستی وەبەرھێنان پەرەدەسێنێت و بەمەش ھەلی کاری زیاتر بۆ گەنجان دەڕەخسێت.
جێگری سەرۆک وەزیران، ئاماژەی بەوەشدا لە چوارچێوەی ئەم بەرنامەیەدا تەنھا لە ماوەی دوو ساڵی رابردووی کابینەی نۆیەمدا مۆڵەتی وەبەرھێنان دراوە بە ٨٦٠ پڕۆژە کە بە تەواوبوونی پڕۆژەکان ٤٨ ھەزار ھەلی کاری نوێ بۆ گەنجان دروست دەبێت.
قوباد تاڵەبانی باسی لەوەکرد، بەداخەوە تا ئێستا پاراستنی فەرمانبەر لە کەرتی تایبەت زۆر لاوازە، ھەربۆیە حکومەت تەنھا بە دروستکردنی ھەلی کار ناوەستێت، بەڵکو بە گرتنەبەری رێوشوێنی تایبەت بەرنامەی ھەیە ھەموو ئەو شایستەیەیانەی فەرمانبەرانی حکومەت لە خانەنشینی و دەستەبەری کۆمەڵایەتی ھەیانە، فەرمانبەرانی کەرتی تایبەتیش بگرێتەوە.
لە بەشێکیتری وتەکانیدا جێگری سەرۆکی حکومەت باسی لە پرۆسەی بە ئەلەکترۆنیکردنی حکومەت کرد و ڕایگەیاند، متمانەی تەواوی بە توانای خۆماڵی و بە تایبەتیش بە گەنجان ھەیە و لە بەشێکی گەورەی پرۆسەی بە ئەلەکترۆنی کردنی حکومەت پشت بە توانای گەنجانی کورد و کۆمپانیای خۆماڵی بەستراوە، لەمەشدا توانیویانە سەرکەوتنی گەورە بەدەست بھێنن.
قوباد تاڵەبانی ئاماژەی بەوەشکرد، کە وەک دەستپێک لە پڕۆسەی بە ئەلەکترۆنیکردنی حکومەت ١٠٠ جۆر خزمەتگوزاری دەستنیشان کراوە کە لە داھاتوویەکی نزیکدا ئەم خزمەتگوزارییانە بە شێوەی ئەلەکترۆنی پێشکەشی ھاوڵاتیان دەکرێت وبەمەش کارئاسانییەکی گەورە بۆ ھاوڵاتیان دابین دەکرێت لە خێرا راپەڕاندنی کاروبارەکانیان.