کوردستان
کەمال محەمەد وەزیری کارەبای ھەرێم لە لێدوانێکدا بۆ رۆژنامەنوسان رایگەیاند، چەند تەوەرێکی تایبەت بە کێشەکانی کارەبا لە نێوان ھەرێم عێراق گفتوگۆیان لەسەرکرا، بەتایبەت شوێنە ھاوبەشەکانی وەک قەزای شێخان و بەردەڕەش، بەڵێندراوە بە ھاوکاری ھەردوولا کێشەکان چارەسەر بکەن.
ھاوکات عادل کەریم وەزیری کارەبای عێراق بە وەکالەت رایگەیاند، ھەوڵدەدەن ھاوکارییەکانی بواری کارەبا پەرەپێدن، بە ھاوکاری ھەردولاش کێشەکان چارەسەر بکەن.
حەسەن رەحیم رێکخەری سێیەمین پێشانگای نێودەوڵەتی بۆ کتێب لە سلێمانی لە لێدوانێکدا بە کوردسات نیوزی رایگەیاند، زیاتر لە ٢٠٠ ناوەندی چاپ و بڵاوکردنەوە لە ١٣ وڵاتەوە بەشدارییان لەو پێشانگەیە کردوە و زیاتر لە دوو ملیۆن کتێبیش ھێنراوەتە پێشانگەکە.
وتیشی، زیاتر لە ٣٨٠ ھەزار ناونیشان نمایشکراوە، تیمێکیش بۆ دۆزینەوەی ناونیشان و سەرچاوەکان بە ناوی "لێم بپرسە" بۆ ھاووڵاتیان ئامادەکراوە.
لەو دیدارەدا، گفتوگۆکرا لە بارەی بارودۆخی ناوخۆی حزب و ڕووداو و پێشھاتەکان، لەبەر ڕۆشنایی دوایین گۆڕانکارییەکانی سەرگۆڕەپانی سیاسی ھەرێم و عێراق.
لە بەشێکی دیکەی دیدارەکەدا، ئاماژە درا بە ئەرک و تێکۆشانی ئەمڕۆی کادر و ئەندامانی ڕێکخستنەکان، و جەخت کرایەوە کە پێویستە ھەنگاو بنرێت بە ئامانجی چالاککردن و ڕێکخستنەوەی ئۆرگانەکانی یەکێتی و خزمەتکردن بە ھاوڵاتیان لە ھەموو ئاستەکاندا.
ھاوکات بەشداربووانی ڕاپرسیەکە خراپی ڕەوشی ئابووی و سیاسی و کۆمەڵایەتی و کەمی خزمەتگوزارییەکان بە ھۆکاری سەرەکی کۆچکردنیان دەزانن.
سەبارەت بە مامۆستایانی وانەبێژیش وەزیری پەروەردە ڕایگەیاند، لەگەڵ وەزارەتی دارایی گەیشتوونەتە ڕێککەوتن لەسەر دەرکردنی ڕێنمایی ژمارە ١٤ی ساڵی ٢٠٢١ کە ئەوە تێڕوانین و چارەسەری حکومەتە بۆ ئەوەی ڕەوشی وانەبێژان بەرەو باشتر بەرن.
لە دیدارێکدا عەمید سالار سەرباری پێشکەشکردنی چەپکە گوڵی پیرۆزبایی، پوختەیەکی لە بارەی کاروبارەکانیان و ھەوڵەکانیان پێشکەشکرد بۆ خزمەتکردنی ھاوڵاتیان و کەمکردنەوەی ڕۆتین و ئاسانکاری پێویست بۆیان، ھاوکات ئاماژەی بە میکانیزمی کارکردنیان کردەوە کە کۆمەڵێک ئەفسەر و کارمەندی بە توانا و دڵسۆز کاروبارەکان بەڕێوەدەبەن.
لە بەرامبەردا شاناز ئیبراھیم ئەحمەد ھانیدان بۆ پێشکەشکردنی باشترین خزمەتگوزاری بۆ ھاوڵاتیان و کارئاسانیکردنی زیاتر بۆیان.
وتیشی، کاری ئەم بەرێوەبەرایەتیە جێی دەستخۆشییە بەو پێیەی خزمەتگوزارییەکی گرنگ پێشکەشی ھاوڵاتیان دەکات، لەمبارەیەوە داوای لێکردن کە زیاتر چاوکراوە بن و ھەموو ھەوڵێک بۆ ڕووبەڕووبوونەوەی ساختەکاری و خراپ بەکارھێنانی بەڵگەنامەکان، بگرنەبەر.
"ئاڤێستا محەمەد"یش وەک لێپرسراوی مەڵبەندی ۱۸ی ڕۆژھەڵاتی کەرکوک دەستبەکاردەبێت بە پێی ھەمان بڕیار کە سنوری قەزای داقوق و ناحیەی لەیلان و تۆپ زاوا و قەرەھەنجیر دەگرێتەوە. ئەم بڕیارە لە ڕۆژی ١٦-١١-٢٠٢١ بە ئیمزای بافڵ جەلال تاڵەبانی دەرچووە.
بافڵ جەلال تاڵەبانی فەرماندەیی ھێزەکانی لیوای یەکی پاراستنی سلێمانی، فەرماندەیی لیوای سێی بەرگری و فریاکەوتن و ھێزەکانی ئۆپراسیۆنی ئاسایشی سلێمانی بەسەرکردەوە و لە نزیکەوە دەستخۆشی لێکردن لە بەرامبەر راپەڕاندنی ئەرکەکانیان و رۆڵیان لە پاراستنی ئاسایش و ئارامیدا.
لە دەستپێکدا بافڵ جەلال تاڵەبانی سەردانی لیوای یەکی پاراستنی سلێمانی کرد و لەلایەن لیوا ڕوکن عومەر ساڵح، فەرماندەی لیوای یەکی پاراستنی سلێمانی و ژمارەیەک ئەفسەر و پلەدار پێشوازی لێکرا، لە کۆبوونەوەیەکدا وێڕای دەربڕینی سوپاس و پێزانینی بۆ ھێزەکانیان کە ڕۆڵی گرنگ دەگێڕن لە بەرقەرارکردنی ئاسایش و داواشی لێکردن وەک ھەمیشە ھاوکار و ھەماھەنگ بن بۆ ڕووبەڕووبوونەوەی پێشێلکارانی یاسا.
ھەر لە سلێمانی بافڵ جەلال تاڵەبانی لیوا ڕەمەزان دێکۆنی، فەرماندەی لیوای سێی بەرگری و فریاکەوتنی بەسەرکردەوە و ستایشی پێشمەرگە قارەمانەکانی لیوای سێی بەرگری و فریاکەوتنی کرد کە لە جەنگی ڕووبەڕووبوونەوەی داعش ئازایانە لە سەنگەرەکاندا دەجەنگان، ئەمڕۆش بە ھەمان شێوە لە سنوورەکانی ناوچە کێشە لەسەرەکان ھاوشانی براکانی ترتان لە ھێزی پێشمەرگە لە ئەرکدان و ھەرێمەکەتان لە دەستی تیرۆر دەپارێزن.
لەلایەکی ترەوە بافڵ جەلال تاڵەبانی لە فەرماندەیی بە ئامادەبوونی ھیوا ئەحمەد، بەڕێوەبەری بەڕێوەبەرایەتی ئاسایشی سلێمانی و موقەدەم سەرخێڵ، سەرپەرشتیاری ھێزەکانی ئۆپراسیۆنی ئاسایشی سلێمانی سەردانی ھێزەکانی ئۆپراسیۆنی کرد، لە نزیکەوە یەکە و بەشەکانی ھێزەکانی ئۆپراسیۆنی ئاسایشی سلێمانی بەسەرکردەوە و سوپاس و دەستخۆشی پێگەیاندن لە بەرامبەر شەونخونی، ماندووبوون و ڕۆڵیان لە ڕووبەڕووبوونەوەی تیرۆر و پاراستنی ئاسایش و ئارامی، پێی ڕاگەیاندن جێگای شانازین و چالاکی و خەمخۆریتان بۆ ھەرێمەکەتان سەلمێنەر و دەرخەری دڵسۆزیتانە بۆ خاک و گەلەکەتان.
ڕوونیشیکردەوە، لە ماوەی ڕابردوودا دەستگیرکردنی دەیان تیرۆریست و شکستپێھێنانی چەندین پیلان بۆ تێکدانی ئارامی لەلایەن ھێزەکانی دەزگای ئاسایش ئەوەمان پێدەڵێت مەترسی تیرۆر ماوە و پێویستە بەئاگاتر بن و بە پلانی نوێ و ستراتیژی ئەمنی تۆکمەترەوە خۆتان ئامادە بکەن و شکست بە ھەر مەرامێک بھێنن کە ئارامی و ژیانی خەڵک تێکبدات.
بافڵ جەلال تاڵەبانی لە میانی سەردان و کۆبوونەوەکاندا تەئکیدیکردەوە لە سەروەری یاسا و جێبەجێکردنی بڕیارەکانی دەسەڵاتی دادوەری و ڕوونیکردەوە ھیچ کەسێک لەسەروو بڕیارەکانی دادگاوە نابێت و بە ھەموو ھێزمانەوە ڕووبەڕووی ئەو کەسانە دەبینەوە ژیان لە خەڵک تێکدەدەن و ئارامی دەشێوێنن، بۆیە نابێت چاوپۆشی لە پێشێلکارانی یاسا بکرێت.
دەرباز کۆسرەت ڕەسوڵ عەلی لە ڕێوڕەسمی چلەی ماتەمینی شەھید فەقێ شیخ وەسانی ڕایگەیاند، وەک یەکێتی کەموکوڕیان ھەیە و ناتوانن چاوپۆشی لەو کەموکوڕیانە بکەن، بەڵام بنەماڵەی شەھیدان و دڵسۆزانی یەکێتی دڵنیا دەکەنەوە، بە ھەر شێوەیەک بێت، چارەسەری کێشە و کەموکوڕییەکان دەکەن.
ئاماژەی بەوشکرد، گەورەترین سەروەرییە بۆ ئەوان کە بتوانن یەکێتی بپارێزن و گەشەی پێبدەن و بیکەنە جێی ئومێدی کۆمەڵانی خەڵکی کوردستان، جەختی لەوەشکردەوە کە گیانی تەبایی و لێبوردەیی دەکەنە ھەوێنی کارکردنیان بۆ ئێستا و داھاتوو و بە ھەموو توانایەکیشەوە ھەوڵ دەدەن خزمەتی زیاتری خەڵکی کوردستان بکەن.
ئەو كرێكارانە لە نەخۆشخانەی گشتی شەهید خالید گەرمیانی و مەڵبەنی تەندروستی كفرین و داوا دەكەن كۆمپانیای خاوەن كار موچەكانیان لەكاتی خۆیدا بدات. نوێنەری كۆمپانیاكەش رایدەگەیەنێت حكومەت ماوەی چوار مانگە بودجەی بۆیان تەرخان نەكردووە و ئەوانیش ناتوانن موچەی كرێكارەكان خەرج بدەن.
جووتیار عادل، وتەبێژی حکومەتی ھەرێمی کوردستان رایگەیاند، حکومەتی ھەرێم درێخی ناکات لە گەڕاندنەوەی ئارەزوومەندانەی ئەو ھاووڵاتییانەی کە لە سنووری بێلاڕووس گیریان خواردووە و کارئاسانییان بۆ دەکات.
وتەبێژی حکومەتی ھەرێم باسی لەوەشکردووە، لە چەند ھەفتەی ڕابردوودا، ژمارەیەک لە ھاووڵاتییانی ھەرێمی کوردستان بوونە قوربانی دەستی قاچاخچێتی بۆ بەرژەوەندی وسوودی ماددی، دەشڵێت، ھەندێک لایەن ئەم رەوشەیان قۆستووەتەوە بۆ لەکەدارکردنی ناوبانگی حکومەتی ھەرێمی کوردستان بۆ ئامانجێکی کورتخایەن، بەڵام سەرەنجام ھەموو ڕاستییەکان دەرکەوتن کە ئەو پڕوپاگەندانە دوورن لە ڕاستییەوە.
محەمەد ئیسماعیل بەڕێوەبەری ھاتووچۆی کەرکوک ڕایدەگەیەنێت، تۆمارکردنی ئۆتۆمبێلی مۆدێل نزم و پێدانی ژمارەش بەو ئۆتۆمبێلانە دەستیپێکردووەتەوە و ھاوڵاتیان دەتوانن بۆ ئەو مەبەستە سەردانیان بکەن.
دەستەی سەربەخۆی مافی مرۆڤ لەگەڵ ڕێکخراوی ھارتلاندی نێودەوڵەتی یاداشتێکی لەیەکتێگەشتنیان ئیمزا کرد، کە ئامانج لێی بەھێزکردنی چاودێری و پاراستنی مافەکانی مرۆڤ و بە ئەلکترۆنیکردنی سکاڵایە، کە پێشووتر بە شێوەیەکی تەقلیدی بەڕێوەدەچوو.
ئەو کۆمەڵەیە لە کۆنفرانسێکی ڕۆژنامەوانیدا ئامارێکی مەترسیداری کۆچکردنی ھاووڵاتیانی ھەرێمی ڕاگەیاند و باسی لەوەکرد، تەنھا لە ئیدارەی ڕاپەڕین زیاتر لە ٧ ھەزار ھاووڵاتی لە ڕێی "تورکیا و بێلاروس"ەوە کۆچیان کردووە و لەمساڵدا ٣٤ ھاووڵاتی کورد لە سنورەکانی "تورکیا و بێلاروس و پۆڵندا" گیانیان لە دەستداوە و بەشێکی زۆریشیان لە زیندانەکانی ئەو وڵاتانەدان و ھەندێکیشیان نادیارن.