ئەمڕۆ عەقید پیتەر کوپەر، فەرماندەی هێزی سەربازیی وڵاتی ئەڵمانیا لە هەرێمی کوردستان و وەفدی یاوەری سەردانی مەزاری سەرۆک مام جەلال-یان کرد و لەلایەن باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و سەرکرتاریەتیی سەرۆک مام جەلال-وە پێشوازیان لێکرا.

فەرماندەی هێزی سەربازیی وڵاتی ئەڵمانیا لە هەرێمی کوردستان چەپکەگوڵی رێز و وەفای لەسەر مەزاری سەرۆک مام جەلال دانا و نزای خێریان بۆ سەرۆک مام جەلال خوێند، فەرماندەی هێزی سەربازیی وڵاتی ئەڵمانیا بیرەوەری خۆی لە تیانووسی یادەوەرییەکان سەرمەزاری سەرۆک مام جەلال نووسییەوە.

باڵیۆز د. محەمەد سابیر قۆناغ و هەنگاوەکانی ژیانی پێشمەرگایەتی و سیاسی سەرۆک مام جەلالی تا بوون بە سەرۆک کۆماری عیراقی بەوێنە پێشانی هێزەکانی ئەڵمانیا و وەفدی یاوەریدا.

 سەرۆکی دامەزراوەی سەرۆک جەلال تاڵەبانی باسی لەوەشکرد، دامەزراوەی سەرۆك جەلال تاڵەبانی کارەکانی بە شوێن پێ سەرۆک مام جەلال-دا دەڕوات و وتیشی: "ئەم دامەزراوەیە لەبواری ئەرشیفکردن، رۆشنبیری، کولتووری و زانستی کار دەکات".

سەرۆکی دامەزراوەی سەرۆک جەلال تاڵەبانی بۆ فەرماندەی هێزی سەربازیی وڵاتی ئەڵمانیا: "سەرەڕای هاوکاریی سەربازیتان بۆ عیراق داوادەکەین هاوکاری زیاتر پێشکەش بکەن لەبوارەکانی مرۆیی، کولتووری و رۆشنبیری، ئێمە پیزانینی زیاترمان دەبێت و لەیادمان ناچێت".

هێڵەکانی گواستنەوەی کارەبای سلێمانی نۆژەندەکرێنەوە و بەڕێوەبەرایەتی کارەباش دەڵێت: هەموو کەموکورتییەکان چارەسەر دەکرێن.

ئەندازیار سامان سابیر بەڕێوەبەرای گواستنەوەی کارەبای سلێمانی رایگەیاند، ماوەیەکە دەستیان کردووە بە نۆژەنکردنەوەی هێڵێ ' OPGW'تۆڕی گواستنەوەی نێوان وێستگەکانی گۆڕینی کارەبا نێوان و سەرجەم کەموکورتییەکان چارەسەردەکرێن.

وتیشی، كارەكان لەلایەن تیمی چاكسازیی هێڵەكانی گواستنەوەی كارەبای سلێمانی و بە هەماهەنگی و هاوكاری بەڕێوەبەرایەتی كۆنترۆڵی كارەبای هەرێم و بەرێوەبەرایەتی كۆنترۆڵی كارەبای سلێمانی ئەنجام دەدرێن.

 

ئەو هێڵانەی لەلایەن کارەبای سلێمانی نۆژەندەکرێتەوە......

 

نۆژەنكردنەوەی ئەو (OPGW) ZM, هێڵانەش گرنگی زۆری هەیە بۆ دووربارە بەستنەوەی پەیوەندی نێوان وێستگەكان بە هێڵی فایبەر ئۆبتیك.

ئەو هێڵەنەش لە چاكسازیی لە هێڵی (OPWG)ەكەی دەكرێت بریتین لە :-

- هێلی  KV 132  رانیە - قەڵادزێ  لاینی (1 و 2).

- هێلی KV  132 بازیان P.P - قولەرەیسی) لاینی (1 و 2) .

- هێڵی KV  33 ( تاسڵوجە - چەقژ ) و ( ( تاسڵوجە بازیان كۆن ( پێشانگای نێودەوڵەتی - سۆزی دەرونی)

- هێلی KV132  بازیان  KV 400 - كفری  و (بازیان  KV 400 - قەیوان ستیل).

- هێلی KV 132 (دەربەندیخان - سبائك الحدید) و (دەربەندیخان - باشور).

کاروان یاروەیس ئەندامی لیژنەی گواستنەوە و پەیوەندیەکان لە ئەنجومەنی نوێنەرانی عیراق ئەم وێنەیەی بڵاوکردووەتەوە و نوسیویەتی: دەسەڵاتی فڕۆکەوانی تورکیا ئەمڕۆ بە رەسمی کۆتاییهاتنی سزاکانی سەر فڕۆکەخانەی نێودەوڵەتی سلێمانی راگەیاند. ئەم هەنگاوە دوای ئەوە دێت کە ئیمەیلی (نۆتام)ێکی نوێ لە سیستەمی جیهانیی چێبسی دابەزێنراوە، کە تێیدا ئاماژە بە هەڵوەشاندنەوەی بڕیاری پێشووی قەدەغەکردنی فڕین بۆ سلێمانی کراوە.

بەپێی ئەو وێنەیەی بڵاوکراوەتەوە، نۆتامەکە ئاماژە بەوە دەکات کە فڕۆکەخانەی سلێمانی چیتر لەژێر قەدەغەی فڕیندا نییە و بڕیارەکە هەڵوەشاوەتەوە. ئەمەش واتای وایە ئاسمانی تورکیا بە تەواوی بەڕووی هەموو گەشتێکی تورکی و ئەوروپی بۆ سلێمانی کراوەیە و لەم ساتەوە هەر فڕۆکەیەک بیەوێت بەرەو فڕۆکەخانەی نێودەوڵەتی سلێمانی بفڕێت، ئازادە.

بۆردی راگەیاندنی یەکێتیی نیشتمانیی کوردستان وەڵامی وتەکانی هێمن هەورامی دەداتەوەو رایدەگەیەنێت: قسەکانی نوکتەی سیاسین و حسابی لەسەر نییە.

لە راگەیەنراوێکی بەشی هەڵسەنگاندن و چاودێری بۆردی راگەیاندنی یەکێتیدا هاتووە، هێمن هەورامی دەیەوێت بەو قسانە تەنها دڵی خۆی خۆش بکات، ئەگینا خۆی باش دەزانێت، کە هیچ کەسێک نەک بڕوا بەقسەکانی ناکات، بەڵکو هاوشێوەی قسەکانی دیکەی  تەنها وەکو نوکتەی سیاسی گوێی لێ دەگرن و پاشان بۆ ناو ئەرشیفی نوکتە سیاسییەکان هەڵدەگیرێت.

ئاماژە بەوەشکراوە، بۆ ئێمەش دەرفەتێکە کە لە رێگەی  نوکتە تازەکەیەوە جارێکی دیکە گوێبیستی نوکتەکەی پێشوی بین، کاتێک لەسەر شاشەی کەناڵێکی ئاسمانییەوە دەستی بۆ وڵاتە ئیقلیمییەکان رادەکێشا و هەڕەشەی ئەوەی دەکرد کە ئەگەر هێزەکانی وڵاتانی ئیقلیمی یەک بست، تەنها یەک بست بێنە ناو خاکی هەرێمی کوردستانەوە سەریان پان دەکەینەوە، بۆیە خەڵکی کوردستان راهاتوون لەگەڵ هەڕەشە ناجددی و نوکتە سیاسییەکانی هێمن هەورامی لەبەر ئەوە پێویست ناکات وەڵامی ئەو جۆرە قسانە بدەینەوە، کەبەلای ئێمەوە هیچ حسابێکی لەسەر نییەو تەنها بۆ خۆشی گوێی لێ دەگرین.

بەپێی پێشبینییەکانی کەشناسی لە 48 سەعاتی داهاتوودا ئاسمان ساماڵ دەبێت و پلەکانی گەرما بە جێگیری دەمێننەوە.

بەڕێوەبەرایەتی گشتی کەشناسی هەرێم لە راگەیەنراوێکدا پێشبینییەکانی بۆ ئەمڕۆ و سبەینێی بڵاوکردەوە و ئاماژەی بەوەکردووە، ئەمڕۆ بەگشتی ئاسمان ساماڵ دەبێت، هەروەها پلەکانی گەرما نزیک دەبێتەوە لە تۆمارکراوەکانی دوێنێ.

راشیگەیاند، سبەینی هەینی، ئاسمان ساماڵ و پەڵە هەور دەبێت و پلەکانی گەرما نزیک دەبێتەوە لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی

هەولێر : 30 پلەی سیلیزی

سلێمانی : 29 پلەی سیلیزی

دهۆک : 30 پلەی سیلیزی

زاخۆ : 31 پلەی سیلیزی

ئامێدی : 26 پلەی سیلیزی

ئاکرێ : 31 پلەی سیلیزی

کەرکوک : 32 پلەی سیلیزی

هەڵەبجە : 32 پلەی سیلیزی

سۆران : 30 پلەی سیلیزی

حاجی ئۆمەران : 21 پلەی سیلیزی

گەرمیان : 35 پلەی سیلیزی

 

عومرەکارێکی کورد لەکاتی گەڕانەوەی لە سعودیەوە بۆ هەرێمی کوردستان کۆچی دواییکرد.

کاروان ستونی وتەبێژی حەج و عومرەی کوردستان رایگەیاند، عومرەکارێکی کورد، بەناوی 'مەلیحە ئەحمەد' لە سنوری عەرعەری سعودیە کۆچی دواییکرد.

وتیشی، ئەم عومڕەکارە خەڵکی شاری کەلارە وتەمەنی 88 ساڵ بووە و هیچ نەخۆشییەکی نەبووە، ئەمرۆ لەکاتی گەڕانەوەیان بۆ هەرێمی کوردستان لە سعودیە لە مەرزی عەرعەر کۆچی دوایی کردووە.

ئاماژەی بەوەشکرد، دوای تەواوکردنی مامەڵەکان هەر ئەمرۆ بڕیارە تەرمەکەی لە شاری کەلار بەخاک بسپێردرێت.

کاروان ستونی راشیگەیاند، پەیوەندییان بە خاوەن کۆمپانیای حەج و عومڕە کردووە، کە ئەو عومڕەکارەی لەگەڵدا بووە ئامادەیی خۆیان نیشان داوە بۆ هەر هاوکاری و هەماهەنگییەک بۆ گەڕانەوەی تەرمی ئەو عومڕەکارە.

ئەوەشی خستەڕوو، بە بەردەوامی دوو فەرمانبەری بەرێوەبەرایەتی گشتی حەج و عومرە لەسەر ئەرکی حکومەتی هەرێمی کوردستان لە سنووری عەرعەر دەوام دەکەن تا کارئاسانی بۆ عومرەکارانی کوردستان بکەن.

نرخی زێڕ بەردەوامە لە بەرزبوونەوە و ئەمڕۆ ئۆنسەیەک زێڕ گەیشتە چوار هەزار و 225 دۆلار، هەروەها نرخی یەک مسقاڵ زێڕی عەیارە 21 بە 865 هەزار دینارە.

 ئەمڕۆ پێنجشەممە، لە بازاڕەکانی هەرێمی کوردستان نرخی ئۆنسەیەک زێڕ بە چوار هەزار و 225 دۆلارە.

هاوکات نرخی یەک مسقاڵی عەیارە 21 بە 865 هەزار دینارە و مسقاڵێک عەیارە 18 بە 742 هەزار دینار مامەڵەی پێوەدەکرێت.

هەروەها، مسقاڵێک عەیارە 22 لەو کانزا زەردە بە 906 هەزار دینار مامەڵەی پێوەدەکرێت.

جێگەی ئاماژەیە نرخی زێڕ لە سەرەتای ئەمساڵەوە بە رێژەی زیاتر ٪52 بەرزبووەتەوە، ئەمەش دوای ئەوە دێت لە ساڵی 2024دا بەڕیژەی ٪27 رووی لە بەرزبوونەوەکرد.

وەزارەتی بازرگانی هەرێم بڵاویکردوەتەوە، لە بەغدادەوە بڕی پانزە ملیار و پێنج سەد ملیۆن دینار وەک شایستەی گەنمی جوتیاران بۆ ساڵی 2025 خراوەتە سەر هەژمارەکەیان و سەبەینێ لە هەولێر دەست بەدابەشکردنی دەکرێت.

ئەمڕۆ چوارشەممە، لە ڕاگەیەندراوێکدا وەزارەتی بازرگانی و پێشەسازی هەرێم بڵاویکردوەتەوە  بۆ پارەی گەنمی جوتیاران بە غداد 15 ملیار و 500 ملیۆن دیناری خستوەتە سەر هەژمارەکەیان.

ئاماژەیان بەوەشکردوە، شەش ملیریان بۆ سنوری سلێمانی،  پێنج ملیاریش بۆ سنوری هەولێرە و چوار ملیار و 500 ملیۆن دینارەکەی دیکەش بۆ سنوری پارێزگای دهۆکە.

بەگوێرەی راگەیەندراوەکەی وەزارەتی بازرگانی، سبەینێ دەست بەدابەشکردنی پارەکە دەکەن لە هەولێر و هەفتەی داهاتوش لە سلێمانی و دهۆک دەستپێدەکات.

جوتیارانیشیان ئاگادار کردوەتەوە، دابەشکردنی پارەکە بەپێی رۆژی رادەستکردنی گەنمەکانیانە و سەرەتاش بۆ ئەو جوتیارانەیە  کە لە یەک تەن تا پەنجا تەنیان لێ وەرگیراوە و دواتر ئەوانی دیکە شایستەکانیان وەردەگرن.

دوای زیاتر لە دوو ساڵ، فڕۆکەخانەی نێودەوڵەتی سلێمانی لە راگەیەندراوێکدا بڵاویکردوەتەوە، بە رەسمی تـورکیـا ئاسمانی وڵاتەکەی بەڕووی گه‌شته‌ ئاسمانییه‌کان بۆ سلێمانی کردوەتەوە.

ئەمڕۆ چوارشەممە، فڕۆکەخانەی نێودەوڵەتی سلێمانی راگەیەندراوێکی لەسەر دەستپێکردنەوەی گەشتە ئاسمانییەکانی نێوان فڕۆکەخانەکە و وڵاتی تورکیا بڵاوکردوەتەوە و تێیدا هاتووە؛ ده‌سه‌ڵاتی فڕۆکه‌وانی تورکیا ئاگاداری نامەی (NOTAM) لە سایتی جیهانی بڵاوکردنەوەی ئاگاداری نامە ئەلەکترۆنییەکانی (NOTAM) لابردوە.

ئاماژەیان بەوەشکردوە؛ ئەمەش بەواتای ئەوەدێت ده‌سه‌ڵاتی فڕۆکه‌وانی شارستانی تورکیا گەشتە ئاسمانییەکان و ئاسمانی وڵاتەکەی بەڕووی گەشتەکان بۆ فڕۆکەخانەی نێودەوڵەتی سلێمانی ئاسایی کردوەتەوە.

پێشتریش رێباز محەمەد خەلیل، بەڕێوەبەریی گشتیی فڕۆکەخانەی نێودەوڵەتیی سلێمانی بە وەکالەت بە کوردسات نیوزی راگەیاند بوو،  لە رێکەوتی 3ی 11 گەشتەکانی نێوان فڕۆکەخانەی نێودەوڵەتیی سلێمانی و تورکیا دەستپێدەکاتەوە و وا بڕیارە هەفتانە پێنج گەشت ئەنجام بدرێن.

ئەمە لە کاتێكدایە زیاتر لە دوو ساڵە وڵاتی تورکیا، بە بیانوی سیاسی، گەشتەکانی بۆ فڕۆکەخانەی نێودەوڵەتی سلێمانی راگرتووە و چەندین جاریش راگرتنەکەی درێژکردوەتەوە.

فڕۆکەخانەی نێودەوڵيتی سلێمانی، پیرۆزبایی لە گەشتیاران و هاونیشتمانیانیان دەکات و هیواداریشە لە زووترین کــاتـدا، سەرجەم هێڵە ئاسمانییەکان خشتەی گەشتەکانیان بۆ تورکیا و ووڵاتانی تری ئەوروپا و جيهان رێکبخەنەوە.

 

قوباد تاڵەبانی رایدەگەیەنێت، بۆ هەموو لایەک دەرکەوتووە ئەم یەکێتییەی ئێستا بە سەرۆکایەتیی بافڵ جەلال تاڵەبانی یەکێتییەکی بەهێزە و دەتوانێت مافەکانی خەڵکی کوردستان لە بەغداد گەرەنتی بکات.

ئەمڕۆ چوارشەممە، قوباد تاڵەبانی لەگەڵ هەڤاڵانی سێکتەری دەنگدانی تایبەت لە هەولێر کۆبوونەوە و رایگەیاند، بۆ هەموو لایەک دەرکەوتووە ئەم یەکێتییەی ئێستا بە سەرۆکایەتیی بافڵ جەلال تاڵەبانی یەکێتییەکی بەهێز و تۆکمە و خاوەن بڕیارە، لە هیچ بڕیارێک ناترسێت کە لە بەرژەوەندیی خەڵکی کوردستاندا بێت و جێبەجێشی دەکات.

هاوکات قوباد تاڵەبانی لە دیدارەکەدا، بە هەڤاڵانی سێکتەری دەنگدانی تایبەتی لە هەولێر راگەیاند: ئەرکی گەورەیان لەسەر شانە، هەم دەبێت لە رۆژی هەڵبژارندا ئاسایشی پرۆسەکە بە تەواوی بپارێزن و هەم لە ماوەی بانگەشەشدا هەوڵ بدەن نەک هەر ئەندامانی خێزانەکانیان، بەڵکو زۆرترین کەس لەناو دۆستان و کەسوکاری خۆیاندا هان بدەن بۆ بەشداریکردن لە هەڵبژاردن و دەنگدان بە یەکێتی، چونکە تەنها یەکێتی دەتوانێت مافەکانی خەڵکی کوردستان لە بەغداد گەرەنتی بکات.

رێكخراوی " سی پی تی " ئەمریکی بڵاویکردوەتەوە لە مانگی رابردوودا توركیا هیچ هێرش و بۆردومانێكی بۆ سەر خاكی هەرێمی كوردستان ئەنجامنەداوە، ئاماژەیان بەوەشکردوە؛ بە نزیکەیی لە 10 ساڵی رابردوودا شتی واڕوینەداوە کە تورکیا بۆ ماوەی مانگێک  هیچ هێرشێک نەکاتە سەر هەرێم.

ئەمڕۆ چوارشەممە، رێکخراوی "سی پی تی" ئەمریکی راپۆرتێکی لەسەر پڕۆسەی ئاشتی و بەردەوامی جموجۆڵی سەربازی تورکیا لە هەرێمی کوردستان بڵاوکردوەتەوە.

لە راپۆرتی رێکخراوە ئەمریکیەکەدا هاتووە؛ هێرشەکان لە هەرێمی کوردستان وەستێندراون، پڕۆسەی ئاشتی بووەتە مایەی راگرتنی تەواوەتی بۆردوومان و هێرش و پێکدادانی چەکداری.

ئاماژەیان بەوەکردوە؛ لە مانگی ئەیلوولدا، سوپای تورکیا هیچ هێرش و بۆردوومانێکی بۆسەر هەرێمی کوردستان ئەنجامنەداوە، ئەمەش یەکەم جارە لە دوای ساڵی (2015)ەوە مانگێک بەبێ هێرش و بۆردوومانی سوپای تورکیا تێپەڕێت.

قوباد تاڵەبانی رایدەگەیەنێت، بژاردەی دروست بۆ دەنگدەر لە هەر هەڵبژاردنێکدا، دەنگدانە بە لایەنێک، کە بەهێز و کاریگەر و حیساب بۆکراو بێت و داواکارییەکانی خەڵکی پێ جێبەجێ بکرێت و بە کردار سەلماندبێتی کە هەوڵی بۆ داوە، ئەمەش تەنیا بە یەکێتی دەکرێت.

قوباد تاڵەبانی، لەگەڵ هەڤاڵانی بازنەی ٦ی ئازادیی هەولێر کۆبووەوە و رایگەیاند، بژاردەی دروست بۆ دەنگدەر لە هەر هەڵبژاردنێکدا، دەنگدانە بە لایەنێک کە بەهێز و کاریگەر و حیساب بۆکراو بێت، لە بڕیارە گرنگ و چارەنووسسازەکاندا رۆڵی کاریگەر و یەکلاکەرەوە ببینێت، بەشێکی گرنگی ویست و داواکارییەکانی خەڵکی پێ جێبەجێ بکرێت و بە کردار سەلماندبێتی کە هەوڵی بۆ داوە و هەوڵی زیاتریشی بۆ دەدات، ئەمەش تەنیا بە یەکێتی دەکرێت.

لە کۆتایی دیدارەکەدا قوباد تاڵەبانی روونیکردەوە، یەکێتی لە دوای ٢٠٠٣ـەوە زیاتر لە هەر لایەنی دیکە بەرگریکار و دابینکەری مافەکانی خەڵکی کوردستان بووە لە بەغداد، لە ئێستاشدا تەنها یەکێتییە بەپێی سەنگ و پێگە و ئەزموونە دەوڵەمەندەکەیەوە دەتوانێت مافەکانی خەڵکی کوردستان لە بەغداد بپارێزێت.

لە دوای کۆبوونەوەی ئاسایی، ئەنجومەنی وەزیرانی هەرێم راگەیەندراوێکی بڵاوکردەوە و داوا لە بەغداد دەکەن مووچەی موچەخۆرانی هەرێم خەرج بکات، دەشڵێن؛بۆ ئەوەی بەغداد بیانوی نەمێنێت پێش هەموو شتێک داهاتی نانەوتی بۆ بەغداد بنێرن، جەختیشیان لە بەدواداچوونەکان کردوەتەوە بۆ خەرجکردنی مووچەی هەردوو مانگی ئاب و ئەیلوول و مانگەکانی دیکەی ئەمساڵ کرد.

ئەمڕۆ چوارشەممە، ئەنجومەنی وەزیرانی هەرێم راگەیەندراوێکی بڵاوکردەوە و تێیدا هاتووە؛ ئەنجومەنی وەزیران لە پێناوی دابینکردنی موچە و شایستەی دارایی مووچەخۆرانی هەرێمی کوردستان و زامنکردنی پێشکەشکردنی خزمەتگوزارییە بنەڕەتییەکان، چەندین راسپاردە و پێشنیاری پەسەند کرد.

لە گرنگترینیان، ناردنی بەشی گەنجینەی فیدڕاڵیی لە داهاتی نانەوتی و پێدانی پێشینە بەم بابەتە لە پێش هەموو خەرجییەکان، تاوەکو و وەزارەتی دارایی فیدڕاڵ هیچ شتێک نەکاتە بیانوو بۆ نەناردنی موچەی هەردوو مانگی ئاب و ئەیلوول.

داواش دەکەن، وەزارەتی دارایی فیدڕاڵ ڕاسپێرێت بە خەرجکردنی موچەی هەرێم، بە تایبەتیش دوای ئەوەی رێککەوتننامەی سێ لایەنەی هەناردەکردنی نەوتی هەرێمی کوردستان زۆر بە باشی بە بێ کەموکوڕی جێبەجێکراوە و زیاتر لە سێ ملیۆن بەرمیل نەوتی هەرێم لە بازاڕی جیهانی لە لایەن کۆمپانیای سۆمۆ فرۆشراوە و داهاتەکەشی گەڕاوەتەوە بۆ وەزارەتی دارایی فیدڕاڵ.

 

دەقی ڕاگەیەندراوەکەی ئەنجومەنی وەزیرانی هەرێم

 

ئەمڕۆ چوارشەممە 15ی ئۆکتۆبەری 2025، بە سەرپەرشتی سەرۆک وەزیران مەسرور بارزانی و ئامادەبوونی جێگری سەرۆک وەزیران قوباد تاڵەبانی ئەنجومەنی وەزیرانی هەرێمی کوردستان کۆبووەوە.

لە دەستپێکی کۆبوونەوەکەدا و بە بۆنەی دەستپێکردنی هەڵمەتی هەڵبژاردنی ئەنجومەنی نوێنەرانی عێراق ، سەرۆک وەزیران داوای کرد هەڵمەتێکی شارستانی و لە چوارچێوەی ڕێزگرتن لە یاسا و ڕێنماییەکان بەڕێوە بچێت. سەرۆک وەزیران هیوای سەرکەوتنیشی بۆ هەموو ئەو کەس و لایەنانە خواست کە دەبنە نوێنەری ڕاستەقینەی خەڵکی کوردستان و داکۆکی لە مافە دەستووریی و قەوارەی هەرێمی کوردستان دەکەن.

 

تەوەری سەرەکی کۆبوونەوە، تایبەت بوو بە هەڵسەنگاندنی بارودۆخی دارایی هەرێمی کوردستان لە دوای جێبەجێکردنی ڕێککەوتننامەی سێ لایەنەی هەناردەکردنی نەوتی هەرێم و هەروەها بەدواداچوونی ئەنجومەنی وەزیران بۆ هەنگاوەکانی خەرجکردنی مووچەی هەردوو مانگی ئاب و ئەیلوول و مانگەکانی دیکەی ساڵی 2025 ی مووچەخۆرانی هەرێمی کوردستان.

لە سەرەتای کۆبوونەوەکە، لە دووتوێی ڕاپۆرتێکدا، وردەکاریی بارودۆخی دارایی ئێستای هەرێم لە لایەن وەزارەتی دارایی و ئابووری خرایەڕوو کە لەلایەن بەڕێوەبەری گشتی ژمێرکاریی هەرێمی کوردستان بە ژمارە و داتای پێویست، سەرجەم بوارەکانی داهاتەکان و خەرجییەکان و کورتهێنانی مانگانە ڕوون کرایەوە کە لە چوارچێوەی تەرازووی پێداچوونەوە، وەزارەتی دارایی فیدڕاڵی لێ ئاگادارکراوەتەوە.

پاشان هەریەک لە وەزیری دارایی و ئابووری و سەرۆکی دیوانی ئەنجومەنی وەزیران و سکرتێری ئەنجومەنی وەزیران، وردەکاریی زیاتریان لەسەر ڕاپۆرتەکە خستەڕوو کە پێشتر بە هەماهەنگی لەگەڵ وەزارەت و دامەزراوەکانی هەرێم ئامادە کرابوو، دوای گفتوگۆ و تاوتوێکردنی بابەتەکە، ئەنجومەنی وەزیران لە پێناوی دابینکردنی مووچە و شایستەی دارایی مووچەخۆرانی هەرێمی کوردستان و زامنکردنی پێشکەشکردنی خزمەتگوزارییە بنەڕەتییەکان، چەندین ڕاسپاردە و پێشنیاری پەسەند کرد و وەزارەتی دارایی ڕاسپێردرا بۆ دەرکردنی ڕێنمایی پێویست بۆ ئاسانکاریی جێبەجێکردنیان، لە ناویشیاندا جێبەجێکردنی پابەندییەکانی هەرێمی کوردستان بۆ ناردنی بەشی گەنجینەی فیدڕاڵیی لە داهاتی نانەوتی و پێدانی پێشینە بەم بابەتە لە پێش هەموو خەرجییەکان، تاوەکوو وەزارەتی دارایی فیدڕاڵ هیچ شتێک نەکاتە بیانوو بۆ نەناردنی مووچەی هەردوو مانگی ئاب و ئەیلوول و مانگەکانی دواتریش، کە ئێمە لە مانگی تشرینی یەکەمین و مووچەخۆرانی هەرێم مووچەی مانگەکانی هەشت و نۆیان هێشتا وەرنەگرتووە .

ئەنجومەنی وەزیران داوا لە حکومەتی فیدڕاڵ دەکات، وەزارەتی دارایی فیدڕاڵ ڕاسپێرێت بە خەرجکردنی مووچەی هەرێم بە تایبەتیش وەک وەزیری سامانە سروشتییەکان بە وەکالەت خستیەڕوو، ڕێککەوتننامەی سێ لایەنەی هەناردەکردنی نەوتی هەرێمی کوردستان زۆر بە باشی بە بێ کەموکووڕی جێبەجێکراوە و زیاتر لە سێ ملیۆن بەرمیل نەوتی هەرێم لە بازاڕی جیهانی لە لایەن کۆمپانیای سۆمۆ فرۆشراوە و داهاتەکەشی گەڕاوەتەوە بۆ وەزارەتی دارایی فیدڕاڵ.

 

 

 لە ئاکرێ روداوێکی هاوتوچۆ لە نێوان شەش ئۆتۆمبێل رویدا و روداوەکە تەنها زیانی مادی لێکەوتەوە.

نێچیرڤان فەخرەدین لێپرسراوی راگەیاندنی تەندروستی ئاکرێ بە کوردسات نیوزی راگەیاند، بەهۆی روداوەکەوە سێ کەس گەندراونەتە نەخۆشخانە و برینداربوونە و لەئێستادا چارەسەری پزیشکییان بۆ دەکرێت.

هاوکات پەیامنێری کوردسات نیوز لە ئاکرێ ئاشکرایکرد، روداوەکە لە ترافیک لایتی پیشەسازی لە سەنتەری ئاکرێ رویداوە و زیانی زۆر بەر ئۆتۆمبێلەکان کەوتووە.

بەپێی خشتەی گەشتەکانی هێڵی ئاسمانیی تورکش ئێرلاین؛ وابڕیارە رۆژی 3ـی 11ـی ئەمساڵ گەشتەکانی نێوان فڕۆکەخانەی نێودەوڵەتی سلێمانی و ئیستەنبوڵ دەستپێدەکەنەوە.

لە خشتەی گەشتەکاندا هاتووە؛ گەشتەکان رۆژی دووشەممە 3ی تشرینی دووەم دەستپێدەکەنەوە.

ئەمەش ئاماژەیە بۆ کۆتاییهاتنی وەستانی گەشتەکان و دەستپێکردنەوەی هاتووچۆی ئاسمانی لە سلێمانییەوە بۆ تورکیا.