کوردستان
دەقی پرسەنامەکە...
کۆچی دوایی خاتوو (سەبیحە شیر محەمەد) ژنە تێکۆشەری شاخ، ھاوسەری سەرکردەی کۆچکردوو کاک جەبار فەرمان و دایکی ھەڤاڵ بڵێسە جەبار فەرمان، ئەندامی ئەنجوومەنی سەرکردایەتی لە دڵەوە نیگەرانی کردین.
خاتوو سەبیحە ژنێکی قارەمان و ھاوخەباتی کاک جەبار فەرمان بوو، لەھەموو قۆناغە سەختەکانی خەباتدا، نموونەی ھەڵوێست و خۆڕاگری بوو.
بۆ ئەم خەمە گەورەیە پرسە و ھاوخەمی قووڵی خۆمان ئاڕاستەی کەسوکار و بنەماڵە سەربەرزەکەی دەکەم. لەخوای گەورە داواکارم کۆچکردوو بە بەھەشتی بەرین شاد بکات و سەبووری بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
دەقی پرسەنامەکە...
بەڕێز: خاتوو بڵێسە جەبار فەرمان
بەڕێزان: خانەوادەو کەسوکاری خاتوو سەبیحە شیر محەمەد
بەداخێکی زۆرەوە ھەواڵی کۆچی دوایی ژنە تێکۆشەری شاخ و خێزانی سەرکردەو فەرماندەی تێکۆشەر کاک جەبار فەرمان خاتوو سەبیحە شیر محەمەد-ی دایکی بەڕێزتانم بیست، دڵگران و خەمباری کردم.
خاتوو سەبیحە ژنێکی تێکۆشەرو قارەمان، ھیلاک و ماندوو و کۆڵنەدەر بوو، ھاوشانی کاک جەبار فەرمانی سەرکردە لە رۆژانی سەختی خەبات لە شاخ و شار خەباتی دەکرد لەپێناو میللەتەکەمان، ژنێکی میھرەبان و خانەدان بوو، خزمەتی پێشمەرگەی دەکردو سەربەرزانە منداڵەکانی بە رۆحی کوردایەتی پەروەردە کرد.
بەداخەوە بۆ لەدەستدانی ئەم ژنە تێکۆشەرو قارەمانە، دەزانم لەدەستدانی دایک قوڕسەو ئازاری زۆرە، بەڵام دەبێ بەھێز بن و وەک دایک و باوکتان قارەمان و کۆڵنەدەر بن، بۆ ئەم کۆستە گەورەیە ھاوبەشی خەمتانم، پرسەو سەرەخۆشی و ھاوخەمی خۆمتان ئاراستە دەکەم، ھیواخوازم ئەمە دواکۆست و ناخۆشی ھەموو لایەک بێت، خوای گەورە سەبووری ھەموو لایەک بدات و کۆچکردوو جێگای بەھەشتی بەرین بێت.
کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان
دەقی پرسەنامەکە...
ھەڤاڵ بڵێسە جەبارفرمان ئەندامی سەرکردایەتی ی.ن.ک، خاتوو کڵپە و دەریا ، بنەماڵەی سەرکردە کاک جەبار فەرمان
بەخەم و پەژارەیەکی زۆرەوە ھەواڵی ماڵئاوایی یەکجارەکی خاتوو سەبیحەی ھاوسەری سەرکردەی کۆچکرد کاک جەبار فەرمانمان پێگەیشت و لە دڵەوە خەمباری کردین.
خاتوو سەبیحە لەھەموو قۆناغە سەختەکانی خەباتدا، نموونەی ھەڵوێست و خۆڕاگری بوو و خاوەنی مێژوویەکی پڕ لە سەربەرزی و تێکۆشان بووە ھەم لەڕێکخستنەکانی ناو شار و تا سەردەمی خەباتی شاخ، ھەمیشە ھاوسەنگەری سەرکردە جەبارفەرمانی بووە، لەکاری ڕێکخراوەی و مرۆڤ دۆستیدا لەناوچەکانی گەرمیان و سلێمانی جێگە دەستی دیار بوە و چەند پڕۆژەیەکی لانەی بێ سەرپەرشتان کردۆتەوە, جگە لەوە باخچەیەکی ساوایانی لە قەزای خانەقین.
باخچیەکی ساوایان و خوێندنگایەکی ١٢ پۆلی لەناحیەی ڕزگاری سەربەقەزای کەلار بەناوی رەوەند جەبار فەرمان کوڕە جوانەمەرگەکەی دروستکردووە، لەدەستدانی خەسارەتێکی گەورەیە و بۆ ئەم خەمە ھاوبەشی خەمتانم، پرسەو سەرەخۆشی و ھاوخەمی خۆمتان ئاراستە دەکەم ، لەیەزدانی گەورە داواکارم سەبووری ھەموو لایەک بدات و کۆچکردووش جێگای بەھەشتی بەرین شاد بکات.
إنا للە وإنا إلیە راجعون
ھێرۆ ئیبراھیم ئەحمەد
ئەندامی ئەنجومەنی باڵای سیاسی و بەرژەوەندی ی.ن.ک
عەقید کاروان خۆشناو وتەبێژی ناوچەی یەکی پاسەوانی سنوور بە کوردسات نیوزی راگەیاند، لە ماوەی ٢٤ سەعاتی داھاتوودا وەزارەتی ناوخۆی عێراق لە رێگەی کورتانەمەوە وەرگیراوان لە پاسەوانی سنوور ئاگاداردەکاتەوە، واتە ناوەکان بە لیست بڵاوناکرێنەوە.
لای خۆیەوە، لیوا محەنا وتەبێژی وەزارەتی ناوخۆی عێراق بە کوردسات نیوزی راگەیاند، وەزارەتی ناوخۆ سەرجەم رێکارە ئیدارەییەکانی بۆ وەرگیراوان لە پاسەوانی سنوور تەواوکردووە و دەستبەکاربوونیان لەسەر جێبەجێکردنی یاسای بودجە وەستاوە.
رۆژی شەشی کانوونی یەکەمی ساڵی ٢٠٢٢، وەزارەتی ناوخۆ دەرگای دامەزراندنی بۆ پاسەوانی سنور کردەوە و رایگەیاند، نزیکەی سێ ھەزار کەس لە ھەرێمی کوردستان بۆ ناوچەی یەکی پاسەوانی سنور کە پارێزگاکانی ھەولێر، سلێمانی و دھۆک دەگرێتەوە دادەمەزرێندرێن.
کۆمپانیای دیلۆیت، لە راپۆرتێکدا ئاماری بەرھەمھێنان و ھەناردەکردن و خەرجی و فرۆشتنی نەوتی ھەرێمی کوردستانی بۆ سێ مانگی یەکەمی ئەمساڵ بڵاوکردەوە و ئاماژەی بەوەکرد، کۆی بەرھەمی نەوت، ٣٦ ملیۆن و ٧٢٣ ھەزار و ٤٧٥ بەرمیل نەوت بووە، کە ٣٢ ملیۆن و ٣٠٧ ھەزار و ٣٨٢ بەرمیلی ھەناردەی دەرەوە کراوە، چوار ملیۆن و ٣٩ ھەزار و ٢٣٢ بەرمیلی بۆ پاڵاوتگەکان تەرخاکراوە، ھەروەھا ٣٧٦ ھەزار و ٨٦١ بەرمیلی لە ناوخۆدا فرۆشراوە.
بەپێی راپۆرتەکەی دیلۆیت، تێکڕای نرخی بەرمیلێک نەوت ٦٧ دۆلار و ٦٣٩ سەنت بووە، کۆی داھاتی نەوتیش دوو ملیار و ١٩٩ ملیۆن و ٦٨٤ ھەزار و ٣٩٦ دۆلار بووە، داھاتی نەوتی ناوخۆش ٢٢ ملیۆن و ٩٨ ھەزار و ٤٥٦ دۆلار بووە و تێکڕای نرخی بەرمیلێکیش ٥٨ دۆلار و ٦٣٨ سەنت بووە.
ھەر بەپێی راپۆرتەکەی دیلۆیت، خەرجیی پڕۆسەی نەوت لە چارەکی یەکەمی ئەمساڵدا، ملیارێک و ٢٥٣ ملیۆن و ١٨٧ ھەزار و ٢٥٤ دۆلار بووە، بەوەش لە کۆی داھاتی نەوت تەنیا ٩٤٦ ملیۆن و ٤٩٧ ھەزار و ١٤٢ دۆلار بۆ حکومەتی ھەرێم ماوەتەوە کە بۆ مووچە تەرخانکراوە.
بەڕێوەبەرایەتی پاسپۆرتی سلێمانیدا لە راگەیەندراوێکدا رایگەیاند، پێدانی پاسپۆرت بە سیستەمی کۆن لە سلێمانی رادەگێرێت، دەستدەکرێت بە پێدانی پاسپۆرتی ئەلەکترۆنی بەھاوڵاتیان.
ئاماژەی بۆ ئەوەشکرد، بەھۆی ئامادەکاری بۆ سیستمی نوێی پاسپۆرتی ئەلەکترۆنی داوا لە ھاوڵاتیانی پارێزگای سلێمانی دەکەن رۆژی یەک شەممە و دوو شەممەی هەفتەی داهاتوو سەردانی پاسپۆرتی سلێمانی نەکەن بەمەبەستی مامەڵەی پاسپۆرت و وەرگرتنەوەی پاسپۆرت، چونکە پێدانی پاسپۆرت بە سیستەمی کۆن رادەگیرێت.
ئاشکراشیکرد، لەدوای ئەوە دەستدەکرێت بە پێدانی پاسپۆرت بە سیستەمی نوێی ئەلەکترۆنی، بۆ ئەو مەبەستەش ھاووڵاتیان دەتوانن رۆژانە سەردانی پێگەی بەڕێوەبەرایەتی پاسپۆرتی سلێمانی بکەن لە تۆڕی کۆمەڵایەتی فەیسبووک بۆ وەرگرتنی زانیاری نوێ.
لەو دیدارەدا کە ئایدن ئۆستان نوێنەری کاربەڕێکەری حکومەتی ھەرێمی کوردستان ئامادەیبوو، وەزیری کاروباری شەھیدان و ئەنفالکراوان تیشکی خستەسەر ئامانجی سەردانەکەیان کەبۆ بەشداریکردن بو لەشازدەھەمین کۆنفرانسی یەکێتی زانایانی جیھانی "IAGS" لە شاری بەرشەلۆنە.
لەتەوەرێکی تری ئەودیدارە عەبدوڵا حاجی مەحمود، باسی لە قوربانیدان و نەھامەتیەکانی خەڵکی کوردستان و ئەنفال و کیمیاباران و جینۆساید کرد.
لای خۆیەوە جێگری سەرۆکی پەرلەمانی کەتەلۆنیا خۆشحاڵی خۆی بەو سەردانە دەربڕی و رایگەیاند کە پەرلەمانی ھەرێمی کەتەلۆنیا پرسی جینۆسایدی کورد دەخاتە پێشینەی کارەکانی بۆ ئەوەی ئەو کارەسات و جینۆسایدانەی کەبەسەر خەڵکی کوردستاندا ھاتووە بە زیندوویی لەسەر ئاستی نێو دەوڵەتی بمێننەوە، لەکۆتاییشدا تیشک خرایەسەر ھەماھەنگی و ھاوکاری نێوان ھەردوولا.
دەقی پرسەنامەکەی خانمی یەکەمی عێراق...
بەڕێزان خێزان و خانەوادەی کۆچکردوو سەبیحەخان
بەداخ و پەژارەیەکی زۆرەوە ھەواڵی کۆچی دوایی خاتوو(سەبیحە شێر محەمەد) ژنە تێکۆشەری شاخ و ھاوسەر و ھاوخەباتی فەرماندەی تێکۆشەر کاک جەبار فەرمان و دایکی ھەڤاڵ بڵێسە و دەریا و کڵپەم-م بیست.
بۆ ئەم خەمە پرسەو سەرەخۆشیتان لێ دەکەم و ھاوبەشی غەمتانم، خودای گەورە لەکۆچکردوو خۆش بێت، سەبوری و دڵنەواییش بەھەموو لایەک ببەخشێت.
انا للە و انا الیە راجعون
شاناز ئیبراھیم ئەحمەد
خانمی یەکەمی عێراق
دەقی پەیامەکەی دەرباز کۆسرەت رەسول ....
دەرباز کۆسرەت رەسول ھاوخەمی بۆ کۆچی دوایی ھونەرمەند کاروان شەمسەدین دەردەبڕێت
بەڕێزان: خانەوادەو کەسوکاری ھونەرمەند کاروان شەمسەدین
بەداخێکی زۆرەوە ھەواڵی کۆچی دوایی ھونەرمەندی دیارو ناسراوی کوردستان و شاری ھەولێر (کاروان شەمسەدین)م بیست، دڵگران و خەمباری کردم، ھاوبەشی خەمتانم، پرسەو سەرەخۆشی و ھاوخەمی خۆم ئاراستەی ئێوەو سەرجەم ھونەرمەندان دەکەم، ھیواخوازم ئەمە دواکۆست و ناخۆشی ھەموو لایەک بێت، خوای گەورە سەبووریتان بدات و کۆچکردوو جێگای بەھەشتی بەرین بێت.
دەرباز کۆسرەت رەسول
کارگێڕی مەکتەبی سیاسی
یەکێتیی نیشتمانیی کوردستان
ئومێد ئەحمەد، لە گەشتێکی ھەواڵەکانی کوردسات نیوزدا وتی، خواستی خەڵک لەسەر کارەبا گەیشتووەتە ٥٥٠٠ مێگاوات، لەکاتێکدا توانای بەرھەمھێنان ٣٨٠٠ بۆ ٤ ھەزارە مێگاواتە. وتیشی، لە ھەندێک شوێن کە زۆر گەرمە، پێدانی کارەبا کەمتر لە ١٤ سەعات دەدرێت.
وتیشی، زیاتر لە یەک ملیۆن و ٣٥٠ ھەزار ھاوبەش پێوەری زیرەکیان بۆ دانراوە، ئەوەشی ماوە پێویستی بە بودجە و رەزامەندییە.
کەمال محەمەد ساڵح وەزیری سامانە سروشتییەکان بە وەکالەت رایگەیاند، بەمنزیکانە وەفدێکی باڵای تورکیا لەسەر پرسی نەوت، سەردانی عێراق دەکات، ھەروەھا ئامادەکارییەکانی ھەناردەکردنی نەوتی ھەرێم بە ھەماھەنگی لەگەڵ وەزارەتی نەوتی عێراق و کۆمپانیای سۆمۆ، تەواو بووە.
ئاماژەی بەوەشکرد کە، پرسی ھەناردەکردنی نەوتی ھەرێم پەیوەندی بە عێراق و تورکیاوە ھەیە.
لە ناوەڕاستی مانگی ئاداری رابردووەوە، ھەناردەکردنی نەوتی ھەرێکی کوردستان لەڕێی بەندەری جەیھانەوە لەسەر بڕیاری دادگای ناوبژیوانی پاریس راگیراوە، سەرباری چەندین کۆبوونەوە، بەڵام ھێشتا وادەی دەستپێکردنەوەی ھەناردەکردنەکە دیاری نەکراوە، زیانی راگرتنەکەش بە دوو ملیار دۆلار مەزەندە دەکرێت.
لە نووسراوێکی کە بەرواری دووشەممە ٢٠٢٣/٧/١٠ ئیمزای سەرۆکی دیوانی سەرۆکایەتیی ھەرێمی کوردستان ئاراستەی کۆمسیۆنی باڵای سەربەخۆی ھەڵبژاردنی عێراق کراوە و لایەنە پەیوەندیدارەکان دراوە، سەرۆکایەتیی ھەرێمی کوردستان داوای کردووە کۆمسیۆن ئامادەیی نیشان بدات بۆ سەرپەرشتیکردنی ھەڵبژاردنی پەرلەمانی کوردستان.
لە نووسراوەکەدا ئاماژە بەوە کراوە، کە بەپێی فەرمانی ھەرێمیی ژمارە (٩٠) لە ٢٠٢٣/٣/٢٦، بڕیار دراوە ھەڵبژاردنی پەرلەمانی کوردستان ڕۆژی ٢٠٢٣/١١/١٨ بەڕێوە بچێت، بۆ ئەو مەبەستەش داوای کردووە کۆمیسۆنی باڵای سەربەخۆی ھەڵبژاردنی عێراق ئامادەیی نیشان بدات بۆ سەرپەرشتیکردنی ھەڵبژاردن لە بەرواری دیاریکراودا، یانیش لەگەڵ ھەڵبژاردنی ئەنجومەنی پارێزگاکانی عێراق لە بەرواری ٢٠٢٣/١٢/١٨.
عەباس ئەکرەم، وتەبێژی وەزارەتی خوێندنی باڵا و توێژینەوەی زانستی رایگەیاند، لە گشتاندنێکدا کە لەلایەن فەرمانگەی خوێندن و پلاندانان و بەدواداچوون/بەڕێوەبەرایەتیی ناوەندی وەرگرتن ئامادە کراوە و ئیمزای وەزیری خوێندنی باڵا و توێژینەوەی زانستی لەسەرە و ئاراستەی گشت زانکۆ حکومییەکانی ھەرێمی کوردستان کراوە، لە ڕێکەوتی (٢٠٢٣/٧/١٢) تاکو (٢٠٢٣/٨/٣١)، پڕۆسەی گواستنەوە و دابەزین بە پێی مەرج و ڕێنماییەکان بەردەوام دەبێت.
لە ڕێنماییەکەدا گواستنەوەی خوێندکاران لە کۆلێژی کۆنمرە نزمەکان بۆ کۆلێژی کۆنمرە بەرزەکان، گواستنەوە لە نێوان زانکۆ و پەیمانگەکانی ھەرێم، گواستنەوەی خوێندنی خوێندکارانی دەرەوەی وڵات بۆ زانکۆ و پەیمانگەکانی ھەرێم، باشوور و ناوەڕاستی عێراق، ھەروەھا دابەزینی ئاسایی خوێندکاران، دابەزینی خوێندن بە شێوەی سیستمی خوێندنی پارالێل و چەندین وردەکاریی دیکە لەبارەی گواستنەوە و دابەزین خراوەتە ڕوو.
بۆ خوێندنەوەی دەقی ڕێنماییی گواستنەوە و دابەزین کلیک لەم لینکە بکەن
دەقی پرسەنامەکە...
بەڕێزان سەندیکای ھونەرمەندانی کوردستان
بەڕێزان خانەوادەی کۆچکردوو (کاروان شەمسەدین)
بەبیستنی ھەواڵی کۆچی دوایی ئەکتەرو ھونەرمەندی شانۆکار (کاروان شەمسەدین)، نیگەران و دڵگران بووم.
کۆچکردوو ھونەرمەندێکی شانۆکاری بەئەزمون و دڵسۆز بوو، ھەموو ھەوڵ و توانای خۆی خستبووە گەڕ لەپێناو خزمەتکردن بەکایەی ھونەری لەکوردستان.
لەم بۆنە غەمناکەدا پرسەو سەرەخۆشی لەخێزان و خانەوادەی کاکە کاروان و ھەموو ھونەرمەند و ھونەردۆست و ھاوڕێیانی دەکەم لە سەندیکای ھونەرمەندانی کوردستان و ھاوبەشی خەمتانم.
خوای گەورە لێی خۆش بێت، سەبوری و دڵنەواییش بەھەموو لایەک ببەخشێت.
انا للە و انا الیە راجعون
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال
ئەمڕۆ لە شاری ڤیلینۆسی پایتەختی لیتوانیا، سەرکردەی وڵاتانی ئەندام لە رێکخراوی پەیمانی باکووری ئەتڵەسی-ناتۆ کۆدەبنەوە، کۆبوونەوەکە بە یەکێک لە چارەنووسسازترین کۆبوونەوەکانی رێکخراوەکە لە ماوەی ٧٤ ساڵی دامەزرانیدا دادەنرێت، چونکە پرسی بەئەندامبوونی سوید لە ناتۆ تەوەرێکی سەرەکیی کۆبوونەوەکە دەبێت.
ھاوکات پرسی ھاریکارییە سەربازییەکان بۆ ئۆکراین یەکێکی دیکە دەبێت لە تەوەرەکانی کۆبوونەوەکە، بە تایبەت کە ئەمریکا بڕیاری پێدانی بۆمبی ھێشوویی بە ئۆکراین داوە.
ھەر لە کۆبوونەوەکەدا ئاستەنگە ئەمنییەکانی بەردەم ناتۆ و فراوانکردنی لایەنی بەرگریی رێکخراوەکە تاوتوێ دەکرێت.
لیتوانیا لە ساڵی ٢٠٠٤وە بووەتە ئەندامی ناتۆ و یەکەمجارە میوانداری لووتکەی ناتۆ دەکات، ئەو شارەشی کۆبوونەوەکەی تێدادەکرێت، تەنھا ٤٠ کیلۆمەتر لە خاکی بێلاڕووسی ھاوسنووری روسیاوە دوورە، بۆ پاراستنی ئاسایشی کۆبوونەوەکەش ١٢ ھەزار سەرباز و پۆلیس شاری ڤیلینۆس بڵاوەیان پێکراوە.
نزیکەی وەفدی ٥٠ وڵات بۆ بەشداریکردن لە کۆبوونەوەکە گەیشتوونەتە ڤیلینۆس، وەفدی ئۆکراینیش بە سەرۆکایەتیی ڤۆلۆدیمیر زیلینسکی سەرۆکی ئەو وڵاتە بەشداری کۆبوونەوەکە دەکات.
پەیامنێری کوردسات نیوز رایگەیاند، ئەمڕۆ لە دادگای سزا قورسەکانی ئامەد چوارەمین دانیشتنی دادگایکردنی ١٥ رۆژنامەنوسی کورد بەڕێوەدەچێت.
ئاماژەی بەوەشکرد، ئەو ١٥ رۆژنامەنووسە لە ئۆپراسیۆنێکدا لە رۆژی ٨ی حوزەیرانی ساڵی ٢٠٢٢ بەتۆمەتی ئەندامبوون لە رێکخستنەکانی پەکەکە دەستگیرکراون، بڕیارە لە بەڕێوەچوونی دادگایکردنەکەشدا چەند پەرلەمانتارێکی پارتی چەپی سەوز و نوێنەری رێکخراوەکان ئامادەبن.