کوردستان
ئاماژەی بەوەشکرد، پارتی دیموکراتی کوردستان لەسەدا پەنچای کورسیەکانی لەدەستدەدات و حەفتا لەسەدی پۆستە خۆجێیەکانی لە پارێزگای نەینەوا لەدەستدەدات.
ھاوکات وتیشی حزبی تەقەدوم کە محەمەد حەلبوسی سەرۆکایەتی دەکات لەسەدا حەفتای کورسیەکانی لەدەستدەدات ، پێکھێنانی حکومەتی خۆجیی لەپارێزگای نەینەوا دەبێت بە تەوافقی بێت چونکە مودیلی زۆرینە و حزبی قاید لە بەرواری ١٢/١٨ کۆتایی دێت و کورسیەکان کە ژمارەیان ٢٦ کورسی دەبێت لە نێوان دە قەوارە و ھاوپەیمانی سیاسی دابەش دەبێت.
شاڵاو کۆسرەت رەسول وتیشی کاتێکی زۆر کەمی ماوە بۆ ئەوەی کەرکووکییە رەسەنەکان بە دەنگەکانیان دووبارە کوردستانی بوونی کەرکووک بسەلمێننەوەو دەنگ بەو یەکێتییە بدەن کە ھێزی رۆژانی تەنگانەیە بۆ کەرکووکییەکان.
ھەر ئەمڕۆ شاڵاو کۆسرەت رەسول لە چەمچەماڵ بەشداری لە چەند پرسەیەک کردو ھاوخەمی خۆی بە خانەوادەی کۆچکردووان گەیاند.
وەزارەتی کشتوکاڵ و سەرچاوە ئاوییەکانی حکومەتی ھەرێم لە راگەیەندراوێکدا بڵاویکردەوە، پرۆژەی چارەسەرکردنی زیانەکانی بەنداوی دەربەندیخان، کە لەلایەن کۆمپانیایەکی کەرتی تایبەتەوە بۆ بەڵێندەرایەتی گشتی جێبەجێدەکرێت، لە قۆناغەکانی کۆتاییدایە.
ئەوەشی خستەڕوو، پرۆژەکە بە ھەماھەنگی بەڕێوەبەرایەتی گشتی بەنداو و کۆگاکانی ئاو و تیمێکی تەکنیکی و ئەندازیاری ھاوبەشی وەزارەتی کشتوکاڵ و سەرچاوەکانی ئاوی حکومەتی ھەرێم جێبەجێ دەکرێت.
ئەوەشھاتووە، پرۆژەی چارەسەرکردنی بەنداوی دەربەندیخان، بە گوژمەی دوو ملیار و ٢٨٠ ملیۆن دینار جێبەجێدەکرێت و بوودجەکەشی لەلایەن حکومەتی ھەرێمی کوردستان و وەزارەتی کشتوکاڵ و سەرچاوەکانی ئاو دابینکراوە.
دەقی پرسەنامەکەی قوباد تاڵەبانی...
برای بەڕێزم ھەڤاڵ ڕزگاری حاجی حەمە ئەندامی مەکتەبی سیاسی یەکێتی
بەبیستنی ھەواڵی کۆچی دوایی کاک (حاجی قاسم)ی براتان، نیگەران و دڵگران بووم.
بۆ ئەم کۆستە، پرسە و سەرەخۆشی ئاڕاستەی ئێوە و خێزان و خانەوادە نیشتمانپەروەر و تێکۆشەرەکەتان دەکەم. بەشداری خەم و پەژارەتانین و خوای گەورە لەکۆچکردوو خۆش بێت، سەبوری و دڵنەواییش بەھەموو لایەک ببەخشێت.
انا للە وانا الیە راجعون
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال
دەقی پرسەنامەکە..
کۆچی ناوەختی کاکە ( ژیرۆ تەھا) خوێندکاری بەشی پزیشکیی زانکۆی سلێمانی لە دڵەوە نیگەرانیکردم.
بۆ ئەم خەمە گەورەیە پرسە و ھاوخەمیی قووڵی خۆمان ئاڕاستەی کەسوکار، خانەوادە و ھاوڕێ بەڕێزەکانی دەکەم و ھاوبەشی خەمیانم.
لەخوای گەورە داواکارم کاکە ژیرۆ بە بەھەشتی بەرین شادبکات و سەبووری و ئارامیی بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
ئەنجومەنی وەزیرانی ھەرێمی کوردستان کۆبوونەوەی ئاسایی خۆی ئەنجام دەدات و سێ بڕگە لەخۆدەگرێت.
لە بڕگەی یەکەمدا، گفتوگۆ لەبارەی دوا پێشھاتی بەشە بودجە و مووچەی ھەرێمی کوردستان، لە میانەی دوا سەردانی وەفدی دانوستانکاری ھەرێمی کوردستان بۆ بەغداد، دەکرێت.
لە بڕگەی دووەمی کۆبوونەوەکەدا راپۆرتی جێگری سەرۆک وەزیران پشتبەست بە بڕیاری ئەنجومەنی وەزیران تایبەت بە راسپاردنی جێگری سەرۆک وەزیران بۆ سەرپەرشتی کۆبوونەوەی لایەنە پەیوەندیدارەکان تایبەت بە پرسی زیادبوونی ژمارەی حاڵەتەکانی توندوتیژی دژی ئافرەتان و راسپاردە و چارەسەرەکان دەخرێتەڕوو.
لە بڕگەی کۆتایی کۆبوونەوەکەشدا راپۆرتێک سەبارەت بە بارودۆخی کارەبا لە ھەرێمی کوردستان دەخرێتەڕوو.
بنکەی سەربازی ھەریر بە دوو فڕۆکەی بێفڕۆکەوان کراوەتە ئامانج و ئامانجەکانیان پێکاوە.
ھەر ئەمڕۆ جارێکی تر لە ڕێگەی فڕۆکەیەکی بێفڕۆکەوانەوە بنکەی سەربازی عەین ئەسەدی ئەمریکا لە ئەنبار کرایە ئامانج و راستەوخۆ ئامانجەکانیان پێکاوە.
گروپی مقاوەمی ئیسلامیش بەرپرسیارێتی ئەو ھێرشانەی گرتە ئەستۆ و رایگەیاند، ئەو ھێرشانە وەڵامێکە بۆ ئەو کارانەی کە بەرامبەر بە فەڵەستینیەکان لە کەرتی غەززە دەکرێت.
ھاوکات، وەزارەتی دەرەوەی ئەمریکا پنتاگۆن رایگەیاند، لە دوای دەستپێکردنی شەڕی ئیسرائیل و حەماس زیاتر لە ٧٥ جار ھێرشکراوەتەوە سەر ھێزەکانیان لە عێراق و سوریا و بەوھۆیەوە ٦٢ کەس برینداربوون.
لە کۆبوونەوەکەدا دۆخی گشتیی وڵات و ھەوڵەکانی حکومەت بۆ پێشکەشکردنی خزمەتگوزاریی زیاتر گفتوگۆی لەبارەوەکرا و جەخت لە ھەماھەنگی و ھاریکاریی نێوان ھێز و لایەنە سیاسییەکان کرایەوە لەپێناو چارەسەرکردنی کێشەکان و پاراستنی سەقامگیریی لە ناوچەکە.
لەدرێژەی کۆبوونەوەکەدا سەرۆک بافڵ جەلال تاڵەبانی ئاماژەی بە ھەوڵەکانی وەفدی ھەرێم کرد بۆ گەیشتن بە رێککەوتنێکی نیشتمانی لەگەڵ بەغدا و روونیکردەوە، گەڕانەوە بۆ دەستوور و ھاوبەشیی راستەقینە، فاکتەری سەرەکیی چارەسەرکردنی کێشەکانە. وتیشی، ژیان و گوزەرانی خەڵک دەبێت کاری لەپێشینەی حکومەت بێت و ھەموولایەکیش ھاوکار و ھەماھەنگبن لەو پێناوەدا.
لەبارەی پێشھاتە ئەمنییەکانی ناوچەکە و لێکەوتەکانییەوە، سەرۆک بافڵ سیاسەتی یەکێتیی خستەڕوو و رایگەیاند، ناوچەکە بە قۆناغێکی ھەستیاردا تێدەپەڕێت، ئەرکی ھەموولایەکە بەرپرسیارانە مامەڵە بکەن و وڵات لە ھەموو ئەگەرێکی نەخوازراو بپارێزن.
لە درێژەی کۆبونەوە بەرفراوانەکانی بازنەی زانکۆ و پەیمانگەکان بەمەبەستی سەرخستنی لیستی ھاوپەیمانی کەرکوک ھێز و ئیرادەمانە بە ژمارە (١٤٢) بۆ ھەڵبژاردنی ئەنجومەنی پارێزگای کەرکوک، بەسەرپەرشتی د. یوسف گۆران ئەندامی مەکتەبی سیاسی (ی.ن.ک) و ئامادەبونی تەحسین نامیق لێپرسراوی مەڵبەندی ڕێکخستنی کۆیەو نوێنەری سکرتارییەتی سەرۆک مام جەلال، کۆبونەوەی بازنەی زانکۆ و پەیمانگەکان کە پێکھاتووە لە لێژنەکانی مامۆستایان و خوێندکاران و کارمەندان بەڕێوەچوو.
لە کۆبونەوەکەدا بە گرنگیەوە باس لە بەڕێوەچوونی ھەڵبژاردنی ئەم جارەی پارێزگای کەرکوک کرا بۆ ناساندنی ناسنامەی کوردستانی بوونی کەرکوک و وەرگرتنەوەی دەسەڵاتی زەوتکراوی شاری کەرکوکی خۆشەویست.
لە بەشێکی دیکەی کۆبونەوەکەدا بە بایەخەوە ئاماژە بە ھەنگاوەکانی ئایندە کرا بۆ سەرخستنی لیستی (۱٤۲)ی ھاوپەیمانی کەرکوک ھێزو ئیرادەمانە، بۆ ئەمەش دەستخۆشی ئاراستەی مامۆستایان و کارمەندان و خوێندکاران کرا بۆ ھەوڵ و ماندوبونەکانیان بەمەبەستی سەرخستی یەکجارەکی لیستی کوردستانی کەرکوک کە لیستی ھاوپەیمانی کەرکوک ھێزو ئیرادەمانە.
پەیامنێری كوردستان نیوز رایگەیاند، ژنێك و مێردێك بەهۆی كێشەی كۆمەڵایەتی لە گەڕەكی كۆستەی چەم لە شاری سلێمانی بووە بە شەڕ و دەمەقاڵێیان، لە ئەنجامدا لەلایەن هاوسەرەكەیەوە بە چەقۆ برینداركرا، دواتر بەهۆی سەختی برینەكەی لە نەخۆشخانەی شار گیانیلەدەستدا.
وتیشی، بكوژەكە لەلایەن هێزەكانی پۆلیسەوە دەستگیركراوە و پەڕاوی لێكۆڵینەوە بۆ دۆسیەكە كراوەتەوە.
راشیگەیاند، ئەو ژنە خەڵكی ناحیەی وارماوایە لە سنوری قەزای شارەزوور و تەرمەكەی رەانەی زێدی خۆی كراوەتەوە.
بەڕێوەبەرایەتی نەوت و کانزاکانی سلێمانی لە راگەیەندراوێکدا بڵاویکردەوە، لە ئەمڕۆوە دابەشکردنی نەوتی ماڵان بە ١٠٣ ھەزار و ٥٠٠ دینار لە ناو شاری سلێمانی بە ھەمان میکانیزم دەستپێدەکاتەوە.
سەبارەت بە راگرتنی دابەشکردنی نەوت و بڵاوبوونەوەی دەنگۆی دابەشکردنی نەوت بە ٥٠ ھەزار دینار ئاماژەی بەوەدا، تا ئێستا یەک لیتر لەو نەوتە نەھاتووە کە بڕیار بوو لە سەرەتای ئەم مانگەوە بە بڕی ٥٠ ھەزار دینار بدرێتە ھاووڵاتیان، ئەگەر ئەو نەوتەش ھات، لەسەر بڕیاری وەزارەتی سامانە سروشتییەکان لە ناوچە شاخاوییەکان دابەشی دەکەن.
لە دانیشتەنەکەی ئەمڕۆدا سەڵاحەدین دەمیرتاش، ھاوسەرۆکی پێشوتری پارتی دیموکراتی گەلان (ھەدەپە) لەسەر وتارە جەماوەرییەکانی ساڵانی ٢٠١٥ و ٢٠١٦ی دادگایی دەکرێت، لە سکاڵاکەدا تۆمەتبار کراوە بە "بێڕێزیکردن بە دامودەزگاکانی حکومەت و دەوڵەت".
لە دانیشتنی دادگادا دەمیرتاش بەرگری لە خۆی دەکات و روونکردنەوەش پێشکەش بە دادگا دەکات، چاوەڕێش دەکرێت لە دانیشتنەکەدا دادگای تاوانە قورسەکانی مێرسین بڕیاری خۆی لەسەر سکاڵاکە رابگەیەنێت.
بەڕێوەبەرایەتی كارەبای سلێمانی رایگەیاند، پێویستە ئەو شوێنانە پێوەری كارەبایان بۆ دابنرێت و مانگانە بخوێندرێتەوە، پاشان بڕی پارەكەی بەسەر خاوەنی یەكەكاندا دابەشبكرێتەوە، ئەو خزمەتگوزاری كارەبایەش تەنها تایبەتە بەو یەكانەی لەناو باڵەخانەكاندان و بەكاریدەهێنن.
بەڕێوەبەرایەتییەكە راشیگەیاند، دەبێت باڵەخانەیەك لەگەڵ باڵەخانەیەكی دیكە بەپێی پێوەرەكەیان بڕی پارەكەی جیاواز بێت.
د.بڕیار ڕەشید، ئەندامی ئەنجومەنی نوێنەرانی عێراق لە راگەیەندراوێکدا بڵاویکردەوە، دوای ئەوەی داواکارییەکانی کۆمەڵەی تالاسیمیای سلێمانی_یان گەیاندە وەزیری تەندروستی عێراق بۆ چارەسەرکردنی کێشەی کەمی کیسە خوێن لە سلێمانی، وەزیری تەندروستی عێراق رەزامەندیدا بە دابینکردنی دوو ھەزار کیسە خوێن بۆ سلێمانی.
ئەوەشی خستووەتەڕوو، کیسە خوێنەکان گەیشتوونەتە سلێمانی و لە کۆگاکانی بەڕێوەبەرایەتی تەندروستی سلێمانی کۆگاکراون.
ئەو ئەندامەی ئەنجومەنی نوێنەران دەشڵێت، پێشتر سەردانی کۆمەڵەی تالاسیمای سلێمانییان کردووە و لە نزیکەوە گوێبیستی پێداویستی و داواکارییەکانیان بوون و بەڵێنی جێبەجێکردنی کێشەکانیان پێداون.
د.بڕیار رەشید ئەندامێکی ئەنجومەنی نوێنەرانی عێراق لە کۆنفرانسێکی رۆژنامەوانیدا رایگەیاند، ھەوڵەکان بەردەوامن لەگەڵ بەغداد بۆ چارەسەرکردنی کێشەی ناردنی موچەی فەرمانبەران و ھەوڵەکان ئەرێنین و پێ دەچێت لە چەند رۆژی داھاتوودا ٧٠٠ ملیارەکە بخرێتەسەر ھەژماری بانکی ھەرێمی کوردستان.
دەشڵێت تەنیا چارەسەر بۆ ناردنی مووچەی فەرمانبەرانی ھەرێم بەبێ گرفت ھەموارکردنەوەی یاسای بودجەی عێراقە.