نێچیرڤان بارزانی لە ڕێوڕەسمی دەستبەکاربوونی ٦٠ دەرچووی خولی چوارەمی پەیمانگەی دادوەران ئاماژەی بەوەکرد، ئەرکی دەسەڵاتی دادوەری و دادوەرانە سەربەخۆییی خۆیان بپارێزن. دادوەرە دەبێت قبووڵی نەکات و ڕازی نەبێت ھیچ کەس و لایەن و دەسەڵاتێک، ھیچ شتێکی بەسەریاندا بسەپێنن.

سەرۆکی ھەرێمی کوردستان وتیشی، بێگومان نەیانووتووە و ناڵێن لە ھەرێمی کوردستان ھیچ کێشەیەک لەبەردەم سەربەخۆییی دادوەری و سەروەریی یاسادا نییە! ناشڵێن ھەموو شتێکی دەسەڵاتی دادوەری دروستە و لەژێر ھیچ گوشارێکی سیاسیدا نییە!

لە روونکردنەوەیەکەی بنەماڵەی شەھید نیاز دەرگەڵەیی ھاتووە، "لە چەند رۆژی رابردوو، کەسێک بەناوی بنەماڵە و خوشکەزای شەھید نیاز دەرگەڵەیی چەند پەیوەندییەکی تەلەفۆنی لەگەڵ بەرپرسان و کاربەدەستان ئەنجامداوە، ئەو کەسە ھیچ جۆرە پەیوەندییەکی خزمایەتیشی لەگەڵ بنەماڵەکەمان نیە و لای ئێمە ناسراو نیە، وادیارە بە مەبەست کۆمەڵێک قسەی بێسەروبەر و بێڕێزی کردووە، کە ئەمە دوورە لە داب و نەریت و ئادابی بنەماڵەکەمان و ئێمە لێی بێبەرین." 

دەشڵێن، "ھەموو لایەک ئاگادار دەکەینەوە، کە تەنھا (چیا ھاوار دەرگەڵەیی) برازای شەھید نیاز دەرگەڵەیی لەلایەن بنەماڵەکەمانەوە دیاریکراوە و رێگە پێدراوە، کە لەسەر ئەم کەیسە پەیوەندی و بەدواداچوون بکات و ھەر کەسێکی تر ھەرجۆرە پەیوەندی و بەدواداچوون بۆ ئەو کەیسە بکات ئێمە لێی بێ ئاگاین و نوێنەرایەتی ئێمە ناکات." 

دەقی پرسەنامەکە... 
بەڕێزان خانەوادە و بنەماڵەی سەربەرزی شەھیدی فەرماندە سەید ساڵح

‎بۆ کۆچی دوایی سەید جەمال سەید حەمد، تێکۆشەر و کەسایەتی دیاری بناری کۆیە و برای شەھیدی فەرماندە سەید ساڵح، پرسە و ھاوخەمیی قووڵی خۆمان ئاڕاستەی ئێوە و کەسوکارە سەربەرزەکەتان دەکەم.
‎لە خوای گەورە داواکارم کۆچکردوو بە بەھەشتی بەرین شادبکات و سەبووری بەھەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

(فیراس مسلماوی) ئەندامی ئەنجومەنی نوێنەرانی عێراق رایگەیاند، لیژنەیەکی ھاوبەش لەلایەن وەزارەتەکانی نەوت و سامانە سروشتییەکانی ھەرێم و کۆمپانیای سۆمۆ و پارێزگا بەرھەمھێنەرەکانی نەوت پێکھێنراوە بۆ داڕشتنی رەشنوسی پرۆژە یاسای نەوت و غاز و خستنەڕووی بۆ حکومەت و ئەنجومەنی نوێنەران.

رونیشیکردەوە، یاسای بودجە گەرەنتی دوو ماددەی بۆ پرۆژە یاسای نەوت و غاز کردووە کە بریتین لە رێکخستنی ھەناردەی نەوتی ھەرێمی کوردستان لەرووی ھەناردەو دانانی داھاتەکەی لە ھەژمارێکی بانکی متمانەپێکراو لە لای بانکی ناوەندی.

وتیشی، کەشێکی ئەرێنی بۆ پەسەندکردنی پرۆژە یاسای نەوت و غاز ھەیەو چاوەڕوان دەکرێت لە وەرزی یاسادانانی ئێستادا پرۆژە یاساکە بگاتە ئەنجومەنی نوێنەران و لە وەرزی یاسادانانی داھاتوو کە دوای چوار مانگی ترە دەنگی لەسەر بدرێت.

بەھمەن عەبدوڵا وتەبێژی ھاتووچۆی سلێمانی بە کوردسات نیوزی راگەیاند، لە حەوت مانگی ساڵی رابردوو ٥٩٣ روداوی ھاتوچۆ لە سنوری سلێمانی رویداوە، بەوھۆیەشەوە ٩٩ کەس گیانیان لە دەستداوە، ٢ ھەزار و ١٢١ کەسیش برینداربوون.

وتیشی، لە حەوت مانگی سەرەتای ئەمساڵی ٢٠٢٣ش، ٥٨٣ روداوی ھاتوچۆ تۆمارکراوە، لە ئەنجامی ئەو روداوانەش ٨٩ کەس گیانیان لەدەستداوە، ٢ ھەزار و ١٨٩ کەسیش برینداربوون، بەپێی ئامارەکانیش روداوەکانی ھاتوچۆ بەراوورد بە ساڵی رابردوو کەمیان کردووە.

بەڕێوەبەرایەتیی گشتیی تەندروستیی سلێمانی رایگەیاند، حاڵەتەکانی سکچوون و رشانەوە بەشێوەیەکی بەرچاو زیادیکردووە و گومانی بڵاوبوونەوەی کۆلێرای لێدەکرێت و سەرجەم تیمەکانی بەڕێوەبەرایەتییان لەئیستادا پشکنین و بەدواداچوون بۆ حاڵەتەکان دەکەن.

تەندروستیی سلێمانی داوا لە ھاووڵاتیان دەکات خۆیان بەدووربگرن لە بەکارھێنانی ئەو ئاوەی لە سەرچاوەکەی دڵنیانین و تەنھا ئەو ئاوەی لەلایەن بەڕێوەبەرایەتیی ئاوی سلێمانییەوە دابیندەکرێت و ئاوی بتڵکراوەکان، کە لە ژێرچاودێریی تیمەکانی تەندروستیدا کاردەکەن، بەکاربھێنن.

ئاشکراشیکرد، بڕیاردرا بە قەدەغەکردنی سەوزە و ماستاو لە چێشتخانە، خواردنگەکان و شوێنەگشتییەکاندا، تەنیا رێگە بە بەکەرھێنانی ماستاوی لە قتوونراو دەدرێت.

بەڕێوەبەرایەتیی گشتیی تەندروستیی سلێمانی داوا لە ھاووڵاتیان دەکات پابەندی رێنماییە خۆپارێزیەکان بن و دڵنیایی دەدات ھەموو ئامادەکارییەکی تەواویان کردووە بۆ ھەر ئەگەرێک لە زیادبوونی حاڵەتەکان.

رۆژی ٢٤ی ئەم مانگە لێپرسراوی مەڵبەندی زاخۆی یەکگرتوو بە کوردسات نیوزی راگەیاندبوو، ئیسلام کەشانی کادیری پێشکەوتووی حزبەکەی و بەرپرسی نوسینگەی سپێدە لە زاخۆ و رۆژنامەنووس و پێشکەشکار لە خابیر تیڤی لەلایەن ئاسایشەوە رفێندراوە.

دوو رۆژ دواتر بەڕێوەبەرایەتی ئاسایشی زاخۆ لە راگەیەندراوێکدا ئاماژەی بەوەکردبوو، ئیسلام کەشانی لەلایەن ھێزێکی ئاسایشی زاخۆوە بە تۆمەتی بوونی پەیوەندی لەگەڵ پەکەکە و بەپێی ماددەی ١ی یاسای ژمارە ٢٣ی ساڵی ٢٠٠٣ دەستگیرکراوە، لەکاتێکدا ئەو یاسایە تایبەتە بە دەرماڵەی منداڵبوون و دایکایەتی.

رۆژنامەی سەباحی رەسمی عێراق بڵاویکردەوە، ھێزەکانی پێشمەرگە بە ھەماھەنگی لەگەڵ ھێزە ئەمنییەکانی عێراق رووبەرێکی فراوان لەو ناوچانەی کە بۆشایی ئەمنییان تێدایە و دەکەونە سنوری پارێزگاکانی دیالە و سەڵاحەدین و کەرکوک و ھەولێر پڕ دەکەنەوە.

ئاماژەی بەوەشکردووە، سنورەکە لەو ناوچانەوە دەستپێدەکات کە دەکەونە سنوری ئێران لە خانەقین و رووبەری ناوچەکە ٦٥٠ کیلۆمەترە.

سەعدی ئەحمەد پیرە ئەندامی مەکتەبی سیاسی یەکێتی بەکوردسات نیوزی راگەیاند، کۆبونەوەکان بۆ ئامادەکارییە بۆ بەستنی کۆنگرەی پێنجەمی یەکێتی نیشتمانی کوردستان و کۆبونەوەی مەکتەبی سیاسی سەعات ١١ بەڕێوەدەچێت و کۆبونەوەی سەرکردایەتی سەعات دووی پاش نیوەڕۆ دەبێت.

 ئاماژەی بەوەشکرد تەوەری سەرەکی کۆبونەوەکان بۆ ئامادەکاری پێویستە بۆ ئەنجامدانی کۆنگرەی یەکێتی، کۆبونەوەی ئەم جارەش لەشاری ھەولێر دەبێت و لەکۆبونەوەکاندا باس لەدیاریکردنی لیژنەی ئامادەکاری کۆنگرە دەکرێت.

بەپێی پەیڕەوی ناوخۆی یەکێتی لیژینەی باڵای ئامادەکاری کۆنگرە پێکدێت لە سەرۆکی دەزگای ھەڵبژاردنی یەکێتی و مەکتەبی رێکخستن و بۆردی ناوەندی کاروباری یاسایی و لێپرسراوی مەڵبەندی دیراسات.
سەعدی ئەحمەد پیرە ئەندامی مەکتەبی سیاسی یەکێتی دەڵێت، کۆبونەوەکانی مەکتەبی سیاسی تا چەند رۆژێک پێش کۆنگرە بەردەوام دەبن.

 سەبارەت بە کۆبونەوەکانی ئەنجومەنی سەرکردایەتیش، پێشتر فەرید ئەسەسەرد سکرتێری ئەنجومەنی سەرکردایەتی یەکێتی بەکوردسات نیوزی راگەیاندبوو، پێدەچێت ئەمە دواین کۆبونەوەی ئەنجومەنی سەرکردایەتی یەکێتی بێت کەپێش کۆنگرە بەڕێوەبچێت.

پەیامنێری کوردسات نیوز رایگەیاند، بریندارەکان پەنابەری سورین و چواریان رەوانەی نەخۆشخانەی شەھید “شەوکەت حاجی موشیر “ کراون و چارەسەری سەرەتاییان بۆ کراوە، دوانی دیکەشیان بۆ چارەسەری زیاتر نێردراونەتە سلێمانی، ئەوانەی دیکەش رەوانەی ماڵەوە کراونەتەوە.

ئاماژەی بەوەشکرد، تا ئێستا ھیچ سکاڵایەک تۆمارنەکراوە و بەو ھۆیەشەوە ھیچ کەس لەشەر شەڕەکە دەستگیرنەکراوە.

ئەو بەرپرسەی وەزارەتی دەرەوەی عێراق سەبارەت بە سەردانەکەی رۆژی سێشمەی وەزیری دەرەوەی تورکیا بۆ عێراق بە رۆژنامەی "عەرەبی جەدید" ی  راگەیاندوە، ھاکان فیدان دۆسیەکانی ئاو و ھەماھەنگی ئەمنی بۆ بەرەنگاربوونەوەی پەکەکە و رێگەی گەشەپێدان لەگەڵ بەرپرسانی عێراق تاوتوێ کردووە و داوای لە عێراق کردووە پەکەکە وەک گروپێکی تیرۆریستی بناسێنێت و رێگری بکەن لە عێراقەوە ھێرش بکاتەسەر تورکیا.

رونیشیکردوەتەوە، تورکیا خۆی وەک لایەنێکی ناپەیوەندیدار دەبینێت لە ناکۆکییە نەوتییەکانی ھەرێم و بەغداد و ھاکان فیدان دوای کردووە ھیچ لێکەوتەیەکی دارایی لەسەر ئەو دۆسییە نەخرێتە سەر وڵاتەکەی تاکو رازی بن بە دەستپیکردنەوەی ھەناردەی نەوت.

ئەو بەرپرسەی وەزارەتی دەرەوەی عێراق راشیگەیاندووە، تورکیا چاوەڕێی وەڵامی عێراق بۆ ئەو داواکارییانەی پێشکەشیکردوون بە تایبەت دۆسیەی پەکەکە و دەستپێکردنەوەی ھەناردەی نەوت و سەردانەکەی مانگی داھاتووی ئەردۆغانیش بەندە بە وەڵامی عێراق بۆ ئەو داواکارییانەی ھاکان فیدان پێشکەشیکردوون و پێدەچێت سەردانەکەی ئەردۆغان بۆ ئیمزاکردنی رێککەوتنی کۆتایی بێت لەسەر ئەو دۆسیانە.

لە پیرۆزباینامەکەدا دەڵێت " بەبۆنەی سازدانی یەکەمین فێستیڤاڵی ھونەری و پەروەردەیی لە شاری چوارتای دەڤەری شارباژێری ڕەنگین، بەگەرمی پیرۆزباییتان لێدەکەم و ھیوای سەرکەوتنتان بۆ دەخواز، دەستخۆشی لە سەرپەرشتیار و مامۆستایان ‌و خوێندکاران ‌و ھاوکارانی ئەم فێستڤاڵە دەکەم، کە ھونەر‌و پەروەردەیان ئاوێزان کردووە بۆ بەدیھێنانی سێ ئامانجی  پیرۆزی پەروەردەیی‌و ژینگەیی‌و نیشتمانی".

دەقی پیرۆزباییەکە... 

بەبۆنەی سازدانی یەکەمین فێستیڤاڵی ھونەری و پەروەردەیی لە چوارتای شارباژێر، بەگەرمی پیرۆزباییتان لێدەکەم ‌و ھیوای سەرکەوتنتان بۆ دەخوازم.

ئەم فێستڤاڵە ١٣ کورتە فیلمی لە خۆگرتووەو لە لایەن مامۆستایانی ھونەر‌و خوێندکارانی بەڕێوەبەرایەتیی پەروەردەی شارباژێڕ لە گوندەکانی شارباژێڕی رەنگین ‌و دڵگیر بەرھەم ھاتووە، فیلمەکان پەیامی ھۆشیاریی پەروەردەیی و ژینگەیی و نیشتمانی لەخۆدەگرن، ئەوەش سێ بابەتی گرنگن لەڕێی ھونەری سینەماوە دەگەنە  مێشک‌و دڵ‌و دەروونی بێگەردی خوێندکاران‌و بایەخی خوێندن‌و  خۆشەویستیی خاکی نیشتمان‌و پاراستنی ژینگە بەرجەستە دەکەن.

لەکۆتاییدا دەستخۆشی لە سەرپەرشتیار ‌و مامۆستایان ‌و خوێندکاران ‌و ھاوکارانی ئەم فێستڤاڵە دەکەم، کە ھونەر‌و پەروەردەیان ئاوێزان کردووە بۆ  بەدیھێنانی سێ ئامانجی  پیرۆزی پەروەردەیی‌و ژینگەیی‌و نیشتمانی. 

لەگەڵ رێزمدا
حەمەی حەمەسەعید
وەزیری ڕۆشنبیری ‌و لاوان

سەرچاوەیەک لە وەزارەتی دارایی و ئابوری حکومەتی ھەرێمی کوردستان بە کوردسات نیوزی ڕاگەیاند: حکومەتی عێراق مانگانە ٥٩٨ ملیار دینار بۆ حکومەتی ھەرێم دەنێرێت، ئەوەش بەشی مووچەی فەرمانبەرانی ھەرێمی کوردستان ناکات، ھەربۆیە ئەوان نارازین و داوایان کردووە تەواوی شایستەکانی ھەرێمی کوردستان لە بودجە رەوانە بکرێت.

وتیشی ئەگەرچی لە ماوەی رابردوودا چەندین جار وەفدی ھەرێم سەردانی بەغدایان کردووە و داوایان کردووە پشکی ھەرێم ڕەوانە بکات،  بەڵام بەغدا وەڵامی نەداونەتەوە و بڕی ٥٩٨ ملیار دیناری ناردووە و ئەوانیش بەو پڕە پارەیە ڕازی نین.

سەرچاوەکەی وەزارەتی دارایی باسی لەوەشکرد، بەھۆی سەردانەکەی وەزیری دەرەوە و وەزیری وزەی تورکیا بۆ عێراق و ھەرێمی کوردستان، سەردانی وەفدی ھەرێم بۆ بەغداد دواکەوتووەو چاوەڕێن بزانن دەرئەنجامی سەردانەکەیان بۆ بەغدا چی بووە.

بۆ کۆنگرەی ئەمجارەی ھەدەپە، ھەریەکە لە"مەتحەت سەنجارو پەروین بوڵدان" ھاوسەرۆکانی ئێستای ھەدەپەش بڕیاریانداوە خۆیان بۆ پۆستی ھاوسەرۆکی کاندید نەکەنەوە، لە جێگەی ئەوان ھەریەک لە"سوڵتان ئۆزجان"سیاستمەداری ناسراوی باکوری کوردستان و ئەندامی دەستەی کارگێڕیی ھەدەپە و"جاھید کرکازاک"ئەندامی دەستەی کارگێڕی پارتی چەپی سەوز و پارێزەری "سەڵاحەدین دەمیرتاش" خۆیان بۆ پۆستی ھاوسەرۆکی ھەدەپە کاندید دەکەن.

کۆنگرەی نائاسایی"ھەدەپە"لە کاتێکدایە، ئەندامانی پارتەکە نیگەران بوون لەو ئەنجامەی لە ھەڵبژاردنی پەرلەمانی تورکیا لە ١٤ی ئایاری ئەمساڵ بەدەستیان ھێنا.

دەزگای ھەواڵگری سەر بە وەزارەتی بەرگری عێراق بڵاویکردەوە، ھێزەکانیان لە کەرکوک دوو ئەندامی "مەترسیداری" داعشیان دەستگیرکردووە کە یەکێکیان لە وڵاتێکی دراوسێوە ھاتووەتە ناو عێراق.

باسی لەوەشکردوە، ئەو ئەندامەی داعش کە لە وڵاتێکی دراوسێوە ھاتووەتە ناو عێراق، بە ناسنامەی ساختە ھاتووەتە کەرکوک و ویستویەتی بچێتە دیالە، تا لەو پارێزگایەدا کاری تیرۆریستی ئەنجام بدات.

ئەمڕۆش دەزگای ھەواڵگری فیدڕاڵی عێراق رایگەیاند، لە دوو ھەفتەی رابردودا ھێزەکانیان لە بەغداد و پارێزگاکانی دیکە، ١٧٢ تیرۆریست و ١٠٨ بازرگان و بەکارھێنەری مادەی ھۆشبەریان دەستگیرکردووە.