بەرێوەبەرایەتی پۆلیسی راپەڕین رایگەیاند، دوای پێدانی زانیاری لە پێشانگەیەکی ئۆتۆمبێل لە ناحیەی چوارقوڕنە سەر بەقەزای رانیە ئۆتۆمبێلێکی جۆری نیسان تیدا کڕین و فرۆشتنی پێوە دەکرێت و گومانی دزی لێدەکرێت مەفرەزەکانیان لە بەشی پۆلیسی نەھێشتنی تاوانی راپەڕین گەیشتوونەتە شوێنەکە و توانیان دەستبگرن بەسەر ئۆتۆمبێلەکە و شۆفێرەکەشی دەستگیر بکەن .

ئاشکرایکرووە، لە ئەنجامی  لێکۆڵینەوەدا دەرکەوت ئۆتۆمبێلەکە لە پارێزگای سلێمانی دزراوە.

ئاماژەی بەوەشکردووە، دادوەر بڕیاریدا بە راگرتنی تۆمەتبارەکە بەپێی مادەی ٤٤٦ و گواستنەوەی پەڕاوەکە بۆ بەشی پۆلیسی نەھێشتنی تاوانی سلێمانی بۆ تەواوکردنی لێکۆڵینەوەکە.

بەئامادەبوونی"ئۆلیڤییە دێکۆتینی"کونسوڵی گشتی فەرەنسا لە ھەرێمی کوردستان و بە ئامادەبوونی لێپرسراوانی حکومی لە ئیدارەی پارێزگای ھەڵەبجە پرۆژەی ئاوی خواردنەوەی گوندی ھاواری سەر بە پارێزگای ھەڵەبجە کرایەوە.
پارێزگاری ھەڵەبجە رایگەیاند، پرۆژەکە دەبێتە ھۆی چارەسەرکردنی گرفتی ئاوی خواردنەوەی گوندەکە، بەڵێنیشیدا گرفتی قیرکردنی نزیکەی دوو کیلۆمەتر ڕێگای ناو گوندەکە چارەسەر بکات.

مامۆستا ئەحمەد سۆفی پێشنوێژی مزگەوتی سەعید نورەسی لە سەنتەری قەزای سۆران بە  کوردسات نیوزی رایگەیاند، بە بڕیاری بەڕێوەبەری ئەوقافی سۆران لە پێشنوێژی دوورخراوەتەوە و کەسێکی تر خراوەتە شوێنەکەی.

وتیشی، بەڕێوەبەری ئەقاف پێی وتووە بڕیاری دوورخستنەوەی بەھۆکاری حزبی بوونە لەکاتێکدا لە ھەموو تەمەنیدا کاری حزبی نەکردووەو سەر بە ھیچ حزبێکیش نەبووە.

ئەو مامۆستا ئایینیە ئاشکراشیکرد، چەندین مامۆستای ئایینی تر ھەن کە وتار خوێن و پێشنوێژی دەکەن و کاری حزبیش دەکەن، لەبەر ئەوەی سەر بەلایەنێکی دیاریکراون دوورناخرێنەوە، بەڵام درووخستنەوەی مامۆستای ئایینی لە سنوورەکە بووەتە دیاردە و ھەر پێشنوێژ و وتارخوێنێک بە دڵی ئەوان قسە نەکات ئەوا سزا دەدرێت و دروور دەخرێتەوە.

ماوەی چەند ساڵێکە بەھۆی ئاماژەکردنی مامۆستایانی ئایینی و وتاربێژانی ھەینی بە قسەی ھەق و وەستانەوە لە دژی گەندەڵی و نادادپەروەریی و کەمی خزمەتگوزاریی بۆ ھاوڵاتیان لە مینبەری مزگەوتەکانەوە، چەندین مامۆستای ئایینی لە ھەردوو پارێزگای ھەولێر و دھۆک و دەوروبەریان، لەلایەن وەزارەتی ئەقاف و ئیدارە خۆجێیەکانی لە وتاردان دوورخراونەتەوە. 

مامۆستایەکی ئاینیش دەڵێت، وەزارەتی ئەوقاف زیاتر پشتگیریی لەو مامۆستا ئاینییانە دەکات کە دەست لەسەرسنگن یان بێدەنگن بەرامبەر ئەو ھەموو نادادپەروەری و خراپەکارییانە. 

جەختیشی کردەوە کە ئەوقاف نەیتوانیووە بێلایەنیی خۆی بپارێزێت وەک دەزگایەکی دەوڵەتی، چونکە ئەوەی خەڵکی خۆیان بێت، ھەموو کارئاسانییەکی بۆ دەکەن و پشتگیریی دەکەن ئەوەی بە دڵیشیان نەبێت سزای دەدەن.

 راشیگەیاند، ئەو پارەیە لە ژمارە حیسابی ھاووڵاتیەکی پاکستانی بووە بە ناوی"مورتەزا لاخانی" سەرپەرشتی پڕۆسەی نەوت و غازی ھەرێمی کوردستانی کردووە، لە ژمارە حسیابیەکەی کۆمپانیا قوبرسییەکەی لە لوبنان کێشە دروست بووە.

وتیشی ، لە ساڵی ٢٠٢٠ کۆی بەڵگەکانیان داوە بە داواکاری گشتی، داواکاری گشتیش ئەو کاتە نوسراوی کرد بۆ "ئاشتی ھەورامی" وەزیری سامانە سروشتییەکانی ھەرێم و "مورتەزا لاخانی"، بەڵام وەڵامی نوسراوەکەی داواکاری گشتی نەدرایەوە.

شەوقی جۆرج بەدر جێگری بەڕێوەبەری گشتی بانکی ( بی بی ئەی سی) لوبنانی لە پەیوەندییەکی تەلەفۆنیدا بە کوردسات نیوزی رایگەیاند، جێگری سەرۆک وەزیرانی لوبنان، لێدوانەکەی لەبارەی مایەپوچبوونی حکومەت و بانکی ناوەندی رەتکردۆتەوە.

سەبارەت بە مەترسی لەسەر لقەکانی بانکەکەیان لە ھەرێم و عێراق رایگەیاند، رەوشەکە ئاساییەو ھیچ کاریگەرییەک لەسەر مامەڵە بانکییەکانیان نیە.

ستران عەبدوڵا ئەندامی مەکتەبی سیاسی یەکێتیی نیشتمانیی کوردستان لە بەرنامەی پانۆرامای کوردسات نیوز رایگەیاند، سەرۆکی حکومەت لای پارتییە و بەھۆی ئەوەی سەرۆکی حکومەت لێپرسراوی یەکەمە، پێوستە لێپرسراوێتی ھەڵبگرێت، بەڵام نایەوێت بەرپرسیاریەتی ئەو دۆخەی لە ھەرێمی کوردستان ھەیە بگرێتە ئەستۆ.

وتیشی، ئەو شێوە حکومڕانییەی ھەیە کێشەکانی ئێستای ھەرێمی کوردستانی دروستکردوە، ٤٥ کورسی لەگەڵ ١١ کورسی کە لە گیرفانی پارتیدایە تەحەکوم بەکوردستانەوە دەکات، بەڵام کێشەی پارتی لە کوردستان و عیراق ئەوەیە لێپرسراوێتی ھەڵناگرێت.

راشیگەیاند، کاتی ئەوەیە ھەڵوەستە بکرێت و ستۆپ بە پارتی بکرێت، وەکو یەکێتی دەستیان پێکردووە و نابێت ئەم باردوخە بەمشێوەی ئێستا بەردەوامبێت و قبوڵ بکرێت، بەبێ ئەوەی رێگە بدرێت ھەرێمی کوردستان بکرێت بە دوو زۆن وەک ئەوەی پارتی حەزی پێدەکات.

ئەندامەکەی مەکتەبی سیاسی یەکێتی ئاماژەی بەوەشکرد، بارودۆخی سیاسی کوردستان دەریدەخات پارتی لەشوێنێکە و ھەموو ھێزە سیاسیەکانی تر لەشوێنێکی ترن، بارودۆخی ئابوری ئێستای ھەرێمیش ئەنجامی سیاسەتی ئابووری سەربەخۆیە.

ستران عەبدوڵا تەئکیدیکردەوە، دەبێت ئەمساڵ ھەڵبژاردن بکرێت، بەڵام ئەگەر بە یاسا و کۆمسیۆنێکی کۆن بکرێت ئەوا ھیچ پێویست ناکات ھەڵبژاردن بکرێت، چونکە ھەمان ئەنجامی پێشتر دەبێت، بۆیە پێویستە یاسای ھەڵبژاردن ھەموار بکرێتەوە و بۆ ئەو مەبەستە فراکسیۆنەکان جگە لەپارتی پرۆژەیەکیان پێشکەشکردوە، تا یاسایەکی نوێ بێت و فرەبازنەیی بێت.

بەرێوەبەرایەتی ھاتوچۆی گەرمیان لە راگەیەندراوێکدا ئاماژەی بەوەکردووە، لە رۆژی پێنج شەممە رێکەوتی ٣١ی ٣ی ٢٠٢٢ لە کاتی کۆتاییھاتنی یاری نێوان دوو یانەی وەرزشی لە یەکێک لەیاریگەکانی قەزای کەلار کۆمەڵێک بەناو ھاندەر لەپاش تەواوبوونی یاریەکە ھێرشیان کردە سەر ماڵی گشتی کە پێکھاتبوو لە ترافیک لایت و کەرەستەکانی ھاتوچۆ لە یەکێک لە فلکەکانی نزیک لەو یاریگەیە و دوور لە ھەموو بەھایەکی نیشتیمانی و نزیکەی  ١٥ گڵۆپی ترافیک لایتیان شکاندووە.

راشیگەیاندووە، بۆ ئەومەبەستە سکاڵای یاساییان لە دژی ئەنجامدەرانی ئەو کارە تۆمار کرد لە دادگای لێکۆڵینەوە و دادوەری لێکۆڵینەوەش کۆنووسی بۆ کەیسەکە کردەوە و بەپێی مادەی  ٤۷۷ لە یاسای سزادانی عێراقی ژمارە ۱۱۱ ساڵی ۱۹٦۹ فەرمانی راگرتنی بۆ ژمارەیەک لەو کەسانە دەرکرد .

بەرێوەبەرایەتی ھاتوچۆی گەرمیان رونیکردوەتەوە، ھۆکاری دواخستنی راگەیەندراوەکە لەبەر پاراستنی سەلامەتی لێکۆڵینەوە و دروست دەرخستنی راستیەکان بووە .

بەڕێوەبەرایەتی ئاوی سلێمانی لە راگەیەندراوێکدا ھاووڵاتیان ئاگادار دەکاتەوە کە دوا کات بۆ لێخۆشبونی لە ١٥%ی کرێی ئاو، رۆژی ١٧ی نیسانی ٢٠٢٢، بۆیە داوایان لێ دەکات سەردانی بنکەکانی وەرگرتنی کرێی ئاو بکەن تا سودمەندبن لەو داشکاندنە. 

لە ماوەی شەش ساڵی رابردوو حکومەتی ھەرێمی کوردستان چەندین جار مووچەی لە کاتی خۆیدا دابەش نەکرد و چەند جارێکیش بە لێبڕین و چارەکە مووچە دابەشکرا، بەو ھۆیەوە ھاوڵاتیانی ھەرێم نەیانتوانی بەپێی پێویست پارەی خزمەتگوزارییەکان بدەن و بڕێکی زۆر کرێی ئاو و کارەبایان لەسەریان کۆبوەتەوە.

سامان شێخ لەتیف وتەبێژی بەڕێوبەرایەتی گشتی تەندروستی سلێمانی رایگەیاند، لە ئەمڕۆوە بەھۆی گرفتی نەبوونی دەرمان و کەرەستە و پێداویستییە پزیشکییەکان بەشێک لە ناوەندە تەندروستییەکانی سەر بە بەڕێوبەرایەتی گشتی تەندروستی سلێمانی خزمەتگوزارییەکانیان رادەگرن.

وتیشی، ھەریەک لە نەخۆشخانەکانی ھیوا و منداڵبوون و د.جەمال ئەحمەد رەشیدی منداڵان و پسپۆڕییەکانی دڵ و بانکی خوێن، بەشێکی زۆری  خزمەتگوزارییەکانیان رادەگرن.

بەرێوەبەرایەتی گشتی ھاتوچۆی سلێمانی رایگەیاندووە، ماوەیەکە دوو دیاردە لە بواری ھاتوچۆدا دەرکەوتووە، کە ھەم سەرپێچییە لە یاسا و رینماییەکانی ھاتوچۆ، ھەم بووەتە مایەی گلەیی و ناڕەزایی ھاوڵاتیان، ئەویش پێشبڕکێکردنە بە ئۆتۆمبێلەکانیان بەشێوەیەکی مەترسیدار وە گۆڕینی ساڵانسای ئۆتۆمبێلەکان لەلایەن چەند شۆفێرێکەوە و بێزاری ھاوڵاتیانی لێدەکەوێتەوە.

ئاماژەی بەوەشکردووە، بەڕێوەبەرایەتی ھاتوچۆی سلێمانی ئاگاداری ئەو شۆفێرانە دەکات کە بەپێی یاسای ھاتوچۆ لێخوڕین بە تیژڕەوی و بەشێوەیەکی مەترسیدار و نەبوونی مەرجەکانی توندو تۆڵی لە ھەر بڕگەیەکی مەرجەکان سەرپێچییە و وە سزای یاسایی دیاری کراوی ھەیە وێڕای دەستبەسەرداگرتنی ئەو ئۆتۆمبێلانە.

ھاتوچۆی سلێمانی داوا لە ھاوڵاتیان  دەکات ھاوکاریان بن لە دەست نیشانکردنی ئەو جۆرە رەفتارانە و ھەر ھاوڵاتییەک وێنە و ڤیدیۆی ئەو جۆرە سەرپێچیانەی لەلایە  لە ڕێگەی پەیجی ھاتوچۆی سلێمانییەوە بۆیانی بنێرن یان بە زانیاری ئاگاداریان بکەنەوە لە ڕێگەی ژمارە کۆنترۆڵی ھاتووچۆ ١٨٨ و سەنتەری ھەماھەنگی پەیوەندییەکان PJCC  ژمارە ١٠٠.

ئوسامە یونس فەرمانبەری  شارەوانی ھەڵەبجە بە کوردسات نیوز رایگەیاند، راگەیاندنی بەردەوامی بایکۆتکردنیان لە بەرامبەر دواکەوتنی موچەکانیانە و ئەوان لەسەرەتای مانگی سێ بایکۆتی دەوامیانکردوە و بڕیاریانداوە بەردەوابن تا مووچەی مانی سێ وەردەگرن.

 

شۆفێران رایدەگەیەنن، بەھۆی گرانی نرخی بەنزین ناتوانن بەپێی پێویست کارەکەیان بکەن و لە مانگی رەمەزانەدا بەشی بژێوی رۆژانەیان پارەیان دەست ناکەوێت. 

شۆفێران داوا لە حکومەتی ھەرێم دەکەن نرخی بەنزین بگەڕێنێتەوە بۆ نرخەکەی پێشووی و بە ٥٠٠ دینار بە شۆفێرانی بفرۆشێت.

ئیدارەی راپەڕین لە راگەیەندراوێکدا، ئاگاداری سەرجەم بەڕێوەبەرایەتی و فەرمانگە حکومییەکانی سنورەکە دەکات، لە مانگی ڕەمەزانی پیرۆزدا دەوام لە سەعات ٩:٠٠ وە دەستپێدەکات، جگە لە خوێندنگەکان و نەخۆشخانەکان ئەوانەی ئێشکگریان ھەیە.

بەبۆنەی مانگی رەمەزانەوە بەشێکی زۆر لە وەزارەتەکانی حکومەتی ھەرێمی سەعاتێک دەوامی رەسمیان کەمکردووەتەوە.

بەڕێوەبەرایەتی گشتی کارەبای سلێمانی بڵاویکردووەتەوە، ئەمڕۆ لیژنەی سەرپەرشتیاری موەلیدە ئەھلییەکانی سلێمانی بۆ ھەژمارکردنی نرخی کارەبای موەلیدەکان کۆبوونەوە و بەگوێرەی نرخی گازۆیل و سەعاتەکانی کارکردن نرخی ئەمپێرێک کارەبای موەلیدەی ئەھلی بۆ مانگی رابردوو لە نێوان ١٤ ھەزار دینار بۆ ١٤.٥٠٠ ھەزار دینار دەبێت، بەھۆی جیاوازی کارپێکردنی موەلیدەکانیش لە ‌گەڕەکێک بۆ گەڕەکێکی تر، نرخی ئەمپێڕێک کارەبای موەلیدە جیاواز دەبێت. 

لەبارەی کارکردنی موەلیدەکانیشەوە بۆ مانگی رەمەزان ئاماژەی بەوەکردووە، دەبێت بەیانیان لە سەعات حەوتی بەیانی تا سەعات ھەشتی بەیانی موەلیدەکان کاربکەن، دوای نیوڕوانیش لە سەعات  سێی دوای نیوەڕۆ تا ٤:٣٠ بەرەبەیانی کاردەکەن و لە ماویەدا ھەرکاتێک کارەبای نشتیمانی کوژایەوە پێویستە موەلیدەکان کارەبا دابین بکەن بۆ ھاوڵاتیان.

مامۆستایان و فەرمانبەران داوا دەکەن حکومەتی ھەرێم بەڵێنێکی راست بدات و چیتر بەبێ ھۆکار مووچەی مووچەخۆران دوانەخات، چونکە مووچە مافی ھەموو مامۆستا و فەرمانبەرێکە.

 

پەیامنێری کوردسات نیوز رایگەیاند، فراکسیۆنی یەکێتیی نیشتمانیی کوردستان لە ئەنجومەنی نوێنەرانی عێراق لە شاری کەرکوک بە سەرپەرشتی ئاسۆ مامەند کارگێڕی مەکتەبی سیاسی یەکێتیی نیشتمانی کوردستان لە کۆبوونەوەدان.

وتیشی، لە کۆبوونەوەکەدا ژمارەیەک لە ئەندامانی سەرکردایەتی و پەرلەمانتارانی خولی پێشووی پەرلەمانی عێراق ئامادەن.

پەیامنیری کوردسات نیوز ئاشکراشیکرد، کۆبوونەوەکە لەبارەی کێشە و ئاستەنگەکانی بەردەم رەوشی ناوچە جێناکۆکەکانە.