وەزارەتی سامانە سروشتییەکان لە راگەیەندراوێکدا بڵاویکردەوە، دوای گەیشتنی ٦٠ تەنکەر نەوتی سپی بەبێ بەرامبەر لەلایەن حکومەتی عێراقەوە، وەزارەتی سامانە سروشتییەکان رەوانەی پارێزگا و ئیدارە سەربەخۆکانی کردووە و لە ١ی شوباتەوە بە بڕی ١٠٠ لیتر نەوتی سپی بۆ ھەر خێزانێکی ھەژار و کەم دەرامەت، دەستکراوە بە دابەشکردنی.

ئەوەش لەکاتێکدایە کە لەم وەرزی سەرمایەدا، تائێستا ٨٣%ی ھاووڵاتیانی ھەرێم لە سەنتەری شارەکان و دەرەوەی شارەکان نەوتیان وەرنەگرتووە و حکومەتی ھەرێم تەنھا نەوتی سپی لە ناوچە شاخاوییەکان بە ١٠٣ ھەزار دینار دابەشکردووە.

راگەیاندنی بەڕێوەبەرایەتی گشتی کارەبای سلێمانی بڵاویکردەوە، بە مەبەستی ئاسانکاریی و کەمکردنەوەی رۆتین و خێرا راپەڕاندنی کاروبارەکانی ھاووڵاتیان،  بەڕێوەبەرایەتی دابەشکردنی کارەبای سلێمانی دەکرێت بە دوو بەڕێوەبەرایەتی جیاواز، ھەر بەڕێوەبەرایەتییەکیش کاروباری چەند گەڕەک و ناوچەیەکی شاری سلێمانی جێبەجێدەکات، کە بریتین لەبەڕێوەبەرایەتی دابەشکردنی کارەبای رۆژھەڵات و رۆژئاوا.

بەڕێوەبەرایەتی دابەشکردنی کارەبای رۆژھەڵات سنوری ھۆبەی ێیانەکانی "پارکی ئازادی، ئەزمەڕ، سەیوان، مامەیارە، مەڵکەندی، عەربەت، قەرەداغ، ماوەت، چوارتا" لەخۆدەگرێت.

ھەروەھا دابەشکردنی کارەبای رۆژئاوا ھۆبەی ێیانەکانی "کوردسات، رزگاری، راپەڕین، شەھید، پیشەسازی، سەرچنار، بەکرەجۆ" لەخۆدەگرێت. 

محەمەد بەلداوی سەرۆکی لیژنەی پلاندانان و چاودێری پڕۆگرامی حکومەت لە لێدوانێکی رۆژنامەوانیدا رایگەیاند، پڕۆژەیاسای بودجەی ئەمساڵ گەیشتووەتە قۆناغەکانی کۆتایی و تەواوی بەندەکانی لە ئەنجومەنی وەزیران کۆتاییھاتووە و ھەفتەی داھاتووش لە ئەنجومەنی وەزیران دەنگی لەسەردەدرێت و دواتر رەوانەی ئەنجومەنی نوێنەران دەکرێت.

وتیشی، پێشبینیدەکرێت تێکڕای بودجە ٢٢٠ ترلیۆن دینار بێت و ٦٢% بۆ ٦٤%ی بۆ بودجەی بەکاربردن دەبێت و ئەوەی تری بۆ بودجەی وەبەرھێنان دەبێت، پێشبینیشدەکرێت پڕۆژەیاساکە بۆ ماوەی سێ ساڵ بێت.

سەبارەت بە ناکۆکییەکانی ھەرێم و بەغدادیش، ئەو ئەندامەی ئەنجومەنی نوێنەران وتی، دانوستان لەنێوان ھەرێم و بەغداد ھەیە بۆ چارەسەرکردنی کێشەکان و ماددەکانی تایبەت بە ھەرێم لە پڕۆژەیاسای ساڵی ٢٠٢٣ دا ھیچ جیاوازییەکی لە بودجەی ساڵی ٢٠٢١ نییە.

پەیامنێری کوردسات نیوز رایگەیاند، سەعات ٧:٤٥ بەیانی ئەمڕۆ ١٢ مووشەک ئاڕاستەی بنکەی سەربازی تورکیا لە ناحیەی زێلکانی سەر بە پارێزگای نەینەوا کران.

وتیشی، پێنج لە مووشەکەکان لەناو سەربازگەکە کەوتوونەتە خوارەوە و مووشەکەکانی دیکە لە دەوروبەری سەربازگەکە کەوتوونەتە خوارەوە و وەک ھێرشەکانی رابردوو سەربازانی تورکیا زیانەکانی مووشەکبارانەکەیان ئاشکرانەکردووە.

ھەروەھا غەیاس سورچی لێپرسراوی راگەیاندنی مەڵبەندی نەینەوای یەکێتی بە کوردسات نیوزی راگەیاند، مووشەکەکان لە سنوری ناحییەی باشیکەوە ئاڕاستەی بنکە سەربازییەکە کراون و ئەمنییەتی ئەو سنورەش لە ژێر دەستی لیوایەکی حەشدی شەعبیدایە.

وەزیری بازرگانی سەبارەت بە داوایەکی حکومەتی عێراق بۆ رادەستکردنی زیاتر لە ١١٨ ملیار دینار وەک پارەی ناردنی بەشەخۆراکی مانگانە بۆ ھاووڵاتیانی ھەرێم رایگەیاند، لەگەڵ وەزارەتی بازرگانی عێراق قسەیان کردووە لەسەر ئەوەی کە ئەوەی رابردوو رۆیشت و لە مانگی ١١ی ساڵی رابردوەوە وا رێککەوتوون کە پارەی بەشەخۆراکیان رادەستبکەن.

بەڕێوەبەری گشتی کۆمپانیای بازرگانی خۆراکی عێراق لەبەرامبەر رادەستنەکردنی پارەی بەشەخۆراکی مانگانە لە ساڵی ٢٠٠٤ەوە لە دادگای فیدراڵی سکاڵایەکی دژی وەزارەتی بازرگانی ھەرێم و کۆمپانیای بازرگانی خۆراکی ھەولێر تۆمارکردووە، دوێنێش دادگای فیدراڵی سکاڵاکەی بۆ ٢٨ی مانگی داھاتوو دواخست.

بە وتەی وەزیری بازرگانی ھەرێم کە بۆ دەنگی ئەمریکا قسەی کردووە، پێشتر چەندجارێک ئەو سکاڵایە دواخراوە و وەزارەتەکەی دووبارە داوای دواخستنی کردووە بۆ ئەوەی لە کۆتایدا بەتاڵ ببێتەوە.

لە دیدارێکدا، کە یاکۆ بێرێندز، کونسوڵی گشتیی شانشینی ھۆڵەندا لە ھەرێمی کوردستان ئامادەیبوو، بە وردی باس لە ڕەوشی مافەکانی مرۆڤ لە عێراق و کوردستان کرا، ھاوکات پرسی ژن، ئازادیی ڕۆژنامەوانی، تەوەرێکی دیکەی گفتوگۆکان بوون. سەرۆکی پەرلەمان ئاماژەی بە زۆربەی ئەو یاسا گرنگانەدا کە لە پەرلەمانی کوردستان دەرچوون بۆ پشتیوانیکردن لە مافەکانی ژنان و داکۆکیکردن لە ڕۆژنامەنووسان. 

ھەروەک ڕوانگەی خۆیشی بۆ دۆخی گشتیی مافەکانی مرۆڤ و ژنان لەسەر ئاستی عێراق و ناوچەکە ڕوون کردەوە، بە تایبەت لە ڕووی پێکەوەژیان و قبووڵکردنی یەکتریی جیاوازییەکان.

ھەر لە دیدارەکەدا، ھەردوولا جەختیان لەسەر گەشەپێدانی زیاتری مافەکانی مرۆڤ، ئازادییە گشتیەکان و بەرەوپێشەوەبردنی پرسی ژنان کردەوە.

لای خۆیانەوە، وەفدی میوان سوپاسگوزاریی خۆیان ئاراستەی سەرۆکی پەرلەمان کرد، بۆ پێشوازیلێکردنیان و خستنەڕووی ئەو بابەتانەی کە لە دیدارەکەدا تیشکیان خرایە سەر.

شێخ نیاز راغب نەقشبەندی بەڕێوەبەری گشتی حەج و عومرەی ھەرێم لە کۆنفرانسێکی رۆژنامەوانیدا رایگەیاند، سعودیە بۆ حەجی ئەمساڵ ژمارەی حاجیانی بۆ دوو ملیۆن حاجی زیادکردووە و لە کۆی ٣٣ ھەزار و ٩٦٠ کەس لە عێراق، چوار ھەزار و ٦٨٥ کەس وەک پشکی ھەرێمی کوردستان دیاریکراوە.

وتیشی، ئەمساڵ ژمارەیەک لە حاجیان بە رێگەی وشکانی دەچن بۆ حەج کە تێچووی کەمتر دەبێت و ساڵی داھاتووش داواکاری حەج بە رێگەی ئۆنلاین دەبێت.

حکومەتی ھەرێم لە راگەیەنراوێکدا، وێڕای دووپاتکردنەوەی خواستی ھەرێمی کوردستان بۆ چارەسەرکردنی کێشەکان بەشێوەیەکی بنەڕەتی و لەسەر بنەمای دەستوور و ڕێککەوتنی لایەنەکانی پێکھێنەری حکومەت و کارنامەی وەزاری کابینەی نوێی حکومەتی عێراق، ئاماژەی بەوەکردووە، ئەوەی لەسەر ھەرێمی کوردستان و وەفدی ھەرێم بووە ئەنجامی داوە بۆ گەیشتن بە ڕێککەوتن، بۆیە چاوەڕێی حکومەتی فیدراڵن پابەندبێت بە جێبەجێکردنی ڕێککەوتنەکان. 

جەختیشیکردووەتەوە، دادگای باڵای فیدراڵی بەکاردەھێنرێت بۆ تێکدانی ھەر ڕێککەوتنێک لەگەڵ حکومەتی فیدراڵ بۆ چارەسەرکردنی کێشەکان دەکرێت، بۆیە ھیوادارن پڕۆژەیاسای بودجەی ٢٠٢٣ بە زووترین کات پەسەندبکرێت و ماف و شایستە دەستوورییەکانی ھەرێمی کوردستانیش دابینبکرێت.

وەزارەتی خوێندنی باڵا و توێژینەوەی زانستی ھەرێم نوسراوێکی ئاڕاستەی زانکۆ حکومییەکان کردوە، داوای ناوی سێ یەکەمەکانی زانکۆ و پەیمانگاکان دەکات، ئەوانەی لە ناوچە کوردستانییەکانی دەرەوەی ئیدارەی ھەرێمی کوردستان نیشتەجێن، بە مەبەستی دامەزراندنیان لەسەر میلاکی حکوومەتی عێراقی فیدراڵ.

بەپێی نوسراوەکە ھەموو سێ یەکەمەکانی دەرچوی ساڵانی ٢٠٠٣ تا ٢٠٢١ی ناوچە کوردستانییەکانی دەرەوەی ئیدارەی ھەرێم دەگرێتەوە، پێویستە لە ماوەی سێ رۆژدا ناوەکان رەوانە بکرێت مەبەستی دامەزراندنیان لەسەر میلاکی حکوومەتی عێراقی فیدراڵ.

"سروە محەمەد ڕەشید" ئەندامی فراکسیۆنی یەکێتی لە ئەنجومەنی نوێنەرانی عێراق بە کوردسات نیوزی راگەیاند، بەمەبەستی نەھێشتنی جیاوازی موچە و ئیمتیازاتی زیندانیانی سیاسی نێوان ھەرێم و بەغداد کە لە ئێستادا جیاوازییەکی زۆر ھەیە، سەردانی دەزگای زیندانیانی عێراقیان کردوە و داواکاریی زیندانییانی سیاسیی ھەرێمی کوردستانیان گەیاندوە، چونکە بەپێی ماددەی ١٣٢ی دەستوری ھەمیشەیی عێراق پێویستە، ھەموو زیندانیانی سیاسی ھەمان ماف و موچەو ئیمتیازیان ھەبێت.

وتیشی، ھەموو ئەو جیاوازییانەی لە نێوان ئیمتیازاتی زینداینانی سیاسی ھەرێم و بەغداد ھەیە خراوەتە روو بۆ چارەسەرکردنی ئەو کێشەیە، دواکراوە یاسای زیندانیان گۆڕانکاری تێدا بکرێت، ھەروەھا ھەماھەنگی لە نێوان زیندانیانی سیاسی ھەرێم و بەغداد ھەبێت و کێشە یاساییەکان نەھێڵرێت، بۆ ئەوەی زیندانیانی ھەرێمیش ھاوشێوەی بەغداد سودمەندبن لە ئیمتیازاتەکان.

 راشیگەیاندوە، ئاستی ئاو بەنداوە تازەکانی"چەمرگە و دێوانە و تورەجار وخنس"کە لە کۆتایی ساڵی ٢٠٢٢ تەواوو بوون، بە ڕادەیەکی باش زیادی کردووە، سەر رێژیان کردووە.

وتیشی، لەشەڕەکەدا چەقۆ بەکار ھاتوە و تەقەش کراوە بەھۆیەوە ٧ کەس بریندار بوون.

بەوتەی پۆلیس لەو ٧ بریندارە ٤ کەسیان فیشەک بەر قاچیان کەوتوە و ٣ کەسی تریشیان بە چەقۆ و دار بریندار بوون.

بەڕێوەبەری بنکەی پۆلیسی رەحیم ئاوا وتیشی، دەست بەجێ پۆلیسەکانیان ناردوەتە شوێنی ڕوداوەکە و توانیویانە ٤ کەس لەوانە دەستگیر بکەن کە دەستیان لە شەڕەکەدا ھەبووە .

عەقید عسام وتیشی بریندارەکان باری تەندروستیان جێگیرە و ڕەوانەی نەخۆشانەی گشتی کەرکوک کراون، لەبارەی تۆمار کردنی سکاڵا بەشێک لەبریندارەکان ڕەتیان کردووەتەوە سکاڵای یاسایی تۆمار بکەن لەلای پۆلیس و وتویانە کێشەی خێزانی نێوان خۆیانەو سکاڵایان نیە.

لە رێوڕەسمەکەدا پلاتفۆرمی  YOOZ لە ئاسیاسێڵ خەڵاتی باشترین ھەڵمەتی بەبازاڕکردنی بردەوە، بەخشینی خەڵاتەکە بەھۆی شێوازی داھێنەرانەی پلاتفۆرمەکە بووە لە ھەڵمەتی بەبازاڕکردندا، بەجۆرێک لە ماوەیەکی کەمدا توانی سەرنجی زۆربەی عێراقییەکان بۆخۆی رابکێشێت.

پلاتفۆرمی  YOOZ  پلاتفۆرمێکی دیجیتاڵییە بۆ گەنجان، یارمەتی گەنجان دەدات بۆ دەستڕاگەیشتن بە بابەتی دیجیتاڵی تایبەت بە چێژوەرگرتن، وەکو موزیک و فیلم و یاری.

global economic awards کە خەڵاتەکەی بەخشیوەتە پلاتفۆرمی  YOOZ، دامەزراوەیەکی نێودەوڵەتی باوەڕپێکراوە کە ناوەندەکەی لە شاری لەندەنی پایتەختی بەریتانیایە.

پەروین بوڵدان ھاوسەرۆکی پارتی دیموکراتی گەلان ھەدەپە لە کۆبوونەوەی فراکسیۆنی پارتەکەیدا رایگەیاند، ئاکپارتی ھیچ بەڵێنێکی بۆ دەنگدەرانی نەماوە، بۆیە بۆ بەدەستھێنانی دەنگی دەنگدەران پێش ھەڵبژاردن ئۆپراسیۆنی سەربازیی بۆ سەر رۆژئاوای کوردستان دەستپێدەکات و لەئێستاشدا ئامادەکاری بۆ ئەو ئۆپراسیۆنە دەکات.

ھاوسەرۆکی ھەدەپە دەربارەی داخستنی پارتەکەشی وتی، ھەدەپە پاروویەکی ئاسان نییە و باشترە ھەوڵی قوتدانی نەدەن، دەبێت ھەموان بزانن ھەدەپە لە بەرامبەر فشارەکان بەھێز دەبێت و سەرکەوتوو دەبێت.

پەروین بوڵدان وتیشی، کاتی سەرۆکایەتی ئەردۆغان تەواوبووە و بەپێی یاسا بە ھیچ جۆرێک ناتوانێت بۆ جاری سێییەم خۆی کاندیدبکات و کاندیدکردنەکەی نایاساییە.

مەحموود محەمەد وتەبێژی پارتی دیموکراتی کوردستان، بە رۆژنامەنووسانی راگەیاند، رۆژی شەممەی داھاتوو یەکێتیی نیشتمانیی کوردستان و پارتی دیموکراتی کوردستان کۆدەبنەوە، لەبارەی ناوەڕۆکی کۆبوونەوەکەش وتی، ئەوکاتە ئاشکرای دەکەن.

وتەبێژی پارتی باسی لە بەڕێوەچوونی ھەڵبژاردنی پەرلەمانی کوردستان کرد و رایگەیاند، ھەڵبژاردن پرسێکی نیشتمانییە و پێویستە ئەنجام بدرێت.

رۆژی شەممەی رابردوو یەکێتیی و پارتی لە بارەگای مەکتەبی سیاسیی یەکێتی لە سلێمانی کۆبوونەوە و لە راگەیەندراوێکدا ئاماژەیان بەوەکرد، بارودۆخی سیاسیی ھەرێمی کوردستان و ھاوکێشە ناوخۆیی و ناوچەییەکانیان تاوتوێکردووە و رێککەوتوون لە دەرفەتێکی نزیکدا کۆبوونەوەی دیکەی ھەردوو وەفد ئەنجام بدرێت.

د. نەرمین مەعروف ئەندامی لیژنەی دارایی ئەنجومەنی نوێنەران بە کوردسات نیوزی راگەیاند، لیژنەی دارایی میوانداری عەلی عەلاق پارێزگاری بانکی ناوەندیان کرد و گفتوگۆیان لەبارەی رێکارەکانی بانکی ناوەندی بۆ بەرزکردنەوەی بەھای دینار کردووە.

راشیگەیاند، لە کۆبوونەوەکەدا داوای لە پارێزگاری بانکی ناوەندی کردووە کارئاسانی بۆ ھاووڵاتیان و بازرگانان و ئەو کەسانە بکات کە قیستی خانووبەرەیان لەسەرە بە دۆلار، لە وەڵامدا عەلی عەلاق ئاماژەی بەوەکردووە، کار لەسەر ئەو بابەتە دەکەن و بڕیاری لەبارەوە دەدەن.