لەلایەکی ترەوە فڕۆکەی بێفڕۆکەوان بە ئاسمانی ناوچەکانی عەفرین و شەھبادا دەسوڕێنەوە، ھاوکات بە چەکی قورس گوندی قەنتەرای سەر بە ناحیەی شێراوای عەفرینیان بۆردومان کردووە.

حکومەتی ھەرێمی کورستان دەڵێت، ھێشتا پێدانی تابلۆی نوێێ ئۆتۆمبێل بە ھاوڵاتییان لەلایەن حکومەتی فیدراڵی دەستیپێنەکردووە و بە ھۆی ئامادەکاری خێرای وەزارەتی ناوخۆی حکومەتی ھەرێمی کوردستان، لە ئێستادا پرۆسەکە تەنیا لە ھەرێمی کوردستان دەستی پێکردووە.

حکومەتی ھەرێمی کورستان راشیگەیاند، " ئەو کەسانەی پەلەیانە تابلۆی نوێ وەربگرن و نایانەوێت چاوەڕێ بکەن تا ساڵیانەی ئۆتۆمبێلیان بەسەر دەچێت، دەبێت دوو بەرامبەر کە دەکاتە (١٢٠ھەزار دینار) بۆ جووتێک تابلۆ بدەن و رسوماتی دیکەی بورغو و پێشکەشکردنی پرۆسەکە کە (١٥ ھەزارە) بدەن. بۆیە لە ڕاستیدا بۆ ئەوانەی بە نۆرەی خۆیان تابلۆ وەردەگرن نرخی کۆی پرۆسەکە (٧٥ ھەزار دینارە)."

دەقی روونکردنەوەکەی فەرمانگەی میدیا و زانیاری:

ھەولێر، ھەرێمی کوردستان، عێراق (GOV.KRD)- ئەو دەنگۆیانەی لە تۆڕە کۆمەڵایەتییەکان بڵاو دەکرێنەوە لەبارەی نرخی تابلۆی نوێی ئۆتۆمبێل گوایە لە حکومەتی فیدراڵ بە ٥٠ ھەزارە و لە حکومەتی ھەرێمی کوردستانیش بە ١٢٠ ھەزار دینار دەدرێتە ھاووڵاتیان، دوای تاوتوێکردنی ئەم پرسە لە گەڵ وەزارەتی ناوخۆ، ڕاستی بابەتەکە بەم شێوەیەیە:

یەکەم: بە ڕێکەوتنی ھاوبەشی نێوان ھەولێر و بەغدا، بڕیاردراوە تابلۆی ئۆتۆمبێل بە ستانداردێکی نوێ و یەکگرتوو لەسەر ئاستی ھەموو عێراق دروست بکرێتەوە. بەشێکی ئەم پرۆسەیە لابردنی ناوی شارەکانە و لە بری شارەکان کۆد بۆ ھەر شارێک داندراوە و دەستەواژەی (KR) کە کورتکراوەی (Kurdistan Region- ھەرێمی کوردستان)ە بۆ یەکەم جار دەخرێتە سەر تابلۆی ئۆتۆمبێلی شارەکانی ھەرێمی کوردستان، کە ئەمە خۆی دەستکەوتێکی گرنگە و ھاوتەریبە لە گەڵ پێگەی دەستووری ھەرێمی کوردستان. لە پاڵ ئەمەشدا چەند جۆرێک کۆدی ئاسایشی و پارێزگاری لە ساختەکردن خراوەتە ناو ئەو تابلۆیە و لە کۆمپانیایەکی ناوداری ئەڵمانییەوە دیزاین و چاپ دەکرێت. بە ھۆی ئامادەکاری خێرای وەزارەتی ناوخۆی حکومەتی ھەرێمی کوردستان، لە ئێستادا پرۆسەکە تەنیا لە ھەرێمی کوردستان دەستی پێکردووە و دیار نیە بەغدا پێویستی بە چەند کاتی دیکە ھەیە بۆ ئەوەی ئامادەکارییەکانی جێبەجێکردنی ئەو سیستمە تەواو بکات. واتا پێویستە ھاووڵاتیان بزانن کە لە بنەڕەتدا لە بەغدا جارێ ئەو تابلۆیە و ئەو سیستمە نەخراوەتە کار تا بەراوردی نرخ بکرێت.

دووەم: لەبارەی نرخی تابلۆکان، وەزارەتی ناوخۆی حکومەتی ھەرێمی کوردستان ئەو بابەتەی ڕێکخستووە بە ڕێنمایی ژمارە ٢ی ساڵی ٢٠٢٢ کە بە (ڕێنمایی دیاریکردنی شێواز و قەبارە و رەنگ و ناوەڕۆکی تابلۆی ئۆتۆمبێل لە ھەرێمی کوردستان) ناسراوە و لە ژمارە ٨٢ی رۆژنامەی فەرمی وەقائیعی کوردستان لە ٢٨ی نیسانی ٢٠٢٢ بڵاوکراوەتەوە. بە گوێرەی ئەحکامە داراییەکانی ئەو رێنماییە کە لە ماددەی ١١ ڕوونکراوەتەوە، نرخی جوتێک تابلۆ بۆ ئۆتۆمبێل تەنھا (٦٠ ھەزار دینارە) و لە پاڵیدا رسوماتی دیکەی وەکو (٥ ھەزار دینار بۆ لێدانی برغو و سیکیوریتی تابلۆکان ) و ( ١٠ ھەزار دیناریش رسوماتی پرۆسەکەیە) وەردەگیرێت. واتا کۆی گشتی کڕین و لێدانی دوو تابلۆی نوێی ئۆتۆمبێل (تەنیا ٧٥ حەفتا و پێنج ھەزار دینارە).

لەبارەی بڕی ١٢٠ ھەزار دینار، کە بە چەواشەکاری باس کراوە و بەراوردکاری پێ کراوە، ئەمەشیان لە خاڵی پێنجەم لە ماددەی ١١ ی ڕێنمایی سەرەوە ڕوونکراوەتەوە. ئەو کەسانەی پەلەیانە تابلۆی نوێ وەربگرن و نایانەوێت چاوەڕێ بکەن تا ساڵیانەی ئۆتۆمبێلیان بەسەر دەچێت، دەبێت دوو بەرامبەر کە دەکاتە (١٢٠ھەزار دینار) بۆ جووتێک تابلۆ بدەن و رسوماتی دیکەی بورغو و پێشکەشکردنی پرۆسەکە کە (١٥ ھەزارە) بدەن. بۆیە لە ڕاستیدا بۆ ئەوانەی بە نۆرەی خۆیان تابلۆ وەردەگرن نرخی کۆی پرۆسەکە (٧٥ ھەزار دینارە).

سێیەم: ئایا لە بەغدا ٥٠ ھەزار بۆ تابلۆ وەردەگیرێت؟ بۆ زانیاری ھاووڵاتیانی خۆشەویست، حکومەتی فیدراڵ جارێ دەستی بە پرۆسەی جێبەجێکردنی تابلۆی نوێی ئۆتۆمبێل نەکردووە تا بڕی پارەکە دیار بێت. ئەوەی ئێستا ھەیە سیستەمی کۆنە و نرخی تابلۆی کۆن ٥٠ ھەزارە و جاران لێرەش ھەمان نرخ بوو. ئەوەش پێویستە بگوترێت کە لە ئێستادا حکومەتی فیدراڵ پلێتی تابلۆی کۆنیشی نەماوە و ئەو بڕە ٥٠ ھەزار دینارە لە بەرامبەر کاغەزێکی ئەی فۆڕە کە ژمارەکەی لەسەر دەنووسرێت و شوفێر ناچارە لە جامی پشتەوەی ئۆتۆمبێلەکەی بدات.

ئەو جۆرە بەراوردکارییەی لە میدیا و تۆڕە کۆمەڵایەتییەکان بڵاو دەکرێتەوە، بێ ئەوەی زانیاری پێویست و ڕاست و دروست بخەنە ڕوو، کاری ئەوان بووەتە رەخنەی ڕووخێنەر و ئەو کارەیان کردۆتە پیشەی خۆیان و ھەمیشە لە بۆسەدان بۆ ئەوەی زانیاری ناراست و چەواشەکار دەرخواردی خەڵکی ئازیزی کوردستان بدەن.

قەرەباڵغی بەڕێوەبەرایەتییەکانی ھاتوچۆی شارەکان بە دوو دەوامەوە (بەیانیان و ئێواران) نیشانەی دڵخۆشی و پێشوازی خەڵکی کوردستانە لەو پرۆسەیە.

فەرمانگەی میدیا و زانیاری
٣ی حوزەیرانی ٢٠٢٢

پۆلیسی گەرمیان لە راگەیەندراوێکدا دەڵێت، "بەوتەی کەسوکاری ناوبرا بەمەبەستی مەلەکردن  ڕووی لەڕوباری سیروان کردوەو لەکاتی مەلەکردندا خنکا."

دەشڵێت، "دوای گەشتنی مەفرەزەکانی ١٠٤ی کەلار و تیمی غەواز توانیان تەرمەکەی بدۆزنەوە."

لەئێستادا بەمەبەستی توێکاری تەرمی زیرەک خەلیل عەبدوڵا ڕەوانەی پزیشکی دادوەری کەلار کراوە.

دوای دوو مانگ لە ڕاگرتنی دانیشتنەکانی پەرلەمان، بڕیارە ئەمڕۆ کۆبوونەوەکانی پەرلەمانی کوردستان دەستپێبکاتەوە، بە پێی بەرنامەی کار دەنگدان لەسەر پێشنیازە یاسای بەڕێوەبردن و پاراستنی ئاو لە ھەرێمی کوردستان دەکرێت.

ھەروەھا خوێندنەوەی یەکەم بۆ پێشنیازە یاسای ئەرک و مافەکانی ھێزکاری تەندروستی لە ھەرێم و پڕۆژە یاسای وەزارەتی شارەوانی و گەشتوگوزار و پڕۆژەیاسای دەستەی متمانە بەخشین بە دامەزراوەکان و پڕۆگرامەکانی پەروەردە و خوێندنی باڵا.

لە تەوەرێکی تری کۆبوونەوەکەدا گفتوگۆ لەسەر ڕاپۆرتی لیژنەی کاروباری تەندروستی سەبارەت بە دەرمانی بێ کوالیەتی و ماوە بەسەرچوو و قاچاغ  و نرخی نەخۆشخانە تایبەتەکان دەکرێت.

"مھاباد کامیل" سەرۆکی زانکۆی ھەڵەبجە بە کوردسات نیوزی ڕاگەیاند، دوای ئەوەی ساڵی ڕابردوو لەلایەن عێراقەوە ھەڵسەنگاندن بۆ زانکۆی ھەڵەبجە کرا و بە مەرج بە شێوەی یەدەگ ناسێنرا، دواجار دوای جێبەجێکردنی مەرجەکانی عێراق، لەلایەن وەزارەی خوێندنی باڵای عێراقەوە زانکۆکە بە ڕەسمی ناسێنرا.

ئەوەش لە کاتێکدایە وەزارەتی خوێندنی باڵای عێراق بە نوسراوی ڕەسمی ڕایگەیاندووە، ھەموو ئەو ڕێوشوێنانە تەواو کراون، کە تایبەتن بە دانپێدانانی زانکۆی ھەڵەبجە، لە ئێستادا لە ڕێبەری خوێندکاران بۆ وەرگرتنی ناوەندی جێگیر دەکرێت.

وەفدێکی وەزارەتی تەندروستی ھەرێم لەگەڵ وەزیری تەندروستی عێراق کۆبوونەوە و بە پێی ڕاگەیەندراوێکی کۆبوونەوەکە بڕیاردرا کێشەکانی دەرمان و چارسەرە پزیشکیەکانی شێرپەنجە لە ھەرێم چارەسەربکرێت، بریاریشدراوە  لە دابینکردنی  ئامێری پزیشکی، ھەرێم بێبەش نەکرێت.

جەخت لەوەشکراوەتەوە پێویستە ھەماھەنگی زیاتر بکرێت لە نێوان سندوقی کۆمەک بۆ تووشبووانی نەخۆشی شێرپەنجە، ھاوکات بڕیاریشدرا وەفدێکی وەزارەتی تەندروستی عێراق سەردانی ھەرێم بکات بۆ ڕاھێنان و چارەسەرکردنی گرفتەکانی کەرتی تەندروستی.

وتیشی، ئەو ئۆتۆمبێلانە وەک ئاسن دەفرۆشرێن، چونکە سەرەتایان نییە و وەک ئۆتۆمبێل دەتواندرێت تۆمار بکرێن.

"د. یاد نەقشبەندی" بەڕێوەبەری نەخۆشخانەی ھیوا لە لێدوانێکدا بۆ کوردسات نیوز ڕایگەیاند، ئاستی خزمەتگوزاری شێرپەنجە لە سلێمانی بە پێی ستانداردە جیھانییەکان پلەی یەکەمی بەدەستھێناوە.

 وتیشی، کۆنفرانسێکی تایبەت بە شێرپەنجە لە سلێمانی بەڕێوەدەچێت و دەیانەوێت خاڵی دروستکردنی ھەماھەنگی لە نێوان سەنتەرەکانی شێرپەنجە دەستنیشان بکەن، تاکو ئەو ئاستە باشەی سلێمانی لە خزمەتگوزاری شێرپەنجە بگاتە ھەموو پارێزگاکانی عێراق.

بە پێی ئەو زانیارییانەی لە وەزارەتی داراییەوە دەست کوردسات نیوز کەوتووە، بۆ ئەم مانگە چەند ڕۆژێک دابەشکردنی مووچە پێش دەخرێت و بڕیارە ڕۆژی دوو شەممە دەست بە دابەشکردنی مووچەی مانگی ئایاری وەزارەت و فەرمانگەکانی ھەرێم بکرێت.

ھەر بە پێی زانیارییەکان، فەرمانگەکان لیستی مووچەی مانگی پێنجیان ڕەوانەی گەنجینەکان کردووە و بەشێکی زۆری لیستەکانیش ووردبینی تێدا کراوە.

وەفدەکە بۆ گەیاندنی پەیامی پیرۆزبایی کۆماری ئیسلامی ئێران بە بۆنەی بە سەرکەوتوویی کۆتاییھاتنی دیداری یەکێتی و ساڵیادی دامەزراندنی یەکێتیی نیشتمانیی کوردستانەوە سەردانی مەڵبەندیان کرد.

لەو دیدارەکە کە یاسینە ڕەش لێپرسراوی پەیوەندییەکانی یەکێتیی نیشتمانیی کوردستان و کۆماری ئیسلامی ئێران ئامادەیبوو، شاناز ئیبراھیم ئەحمەد سوپاسگوزاری خۆی بۆ پەیام و سەردانەکەی وەفدی میوان دەربڕی.

دکتۆر سەباح نەسڕەدین بەڕێوەبەری گشتی تەندروستی سلێمانی لە کۆنفرانسێکی ڕۆژنامەیدا ڕایگەیاند بۆ چارەسەرکردنی گرفتی کەمی دەرمان لە سنوری پارێزگای سلێمانی و پارێزگاکانی تر، بڕیارە حکومەتی ھەرێم لە بوجەی نەوت ژمارەی حسابی بۆ دابینکردنی پارەی دەرمان بکاتەوە بۆ ئەوەی تا ڕادەیەک گرفتی کەمی دەرمان چارەسەربکرێت.

وتیشی، جگە لەو بڕە دەرمانەی حکومەتی عێراق دەینێرێت لەسەر داوای ھیچ کەس و لایەنێک حکومەتی عێراق دەرمانی بۆ سلێمانی نەناردووە.

دەقی سوپاس نامەکە:

بەڕێز.. کەناڵی کوردسات نیوز

بە ناوی خۆم و ھەڤاڵانم لە ئەنجومەنی مەڵبەندی١١ی ڕێکخستنی گەرمیان دەستخۆشی لە بەڕێوەبەر و پەیامنێر و کارمەندانتان دەکەم بە بۆنەی ڕووماڵی بەردەوام و گرنگیدانتان بە کەرنەڤاڵی ٤٧ساڵیادی دامەزرانی ی ن ک لەگەرمیانی قەڵای سەوز.

کەناڵی کوردسات نیوز دەسکەوتێکی گەورەی میدیاییە کە ڕۆڵی بەڕچاوی ھەیە لە ڕووماڵ و گوستنەوەی زانیاری و ئەو بابەتانەی کە سود بە بەرژەوەندی گشتی و کۆمەڵگا دەگەیەنێت. دووبارە دەستتان خۆش و ماندوو نەبن بەھیوای سەرکەوتن.

مقداد شێخ بەھادین، ئەندامی ئەنجومەنی سەرکردایەتی یەکێتی نیشتمانی کودستان 

لێپرسراوی مەڵبەندی ١١ ڕێکخستنی گەرمیان

دەقی پەیامەکە : 

ساڵیادی دامەزراندنی یەکێتیی نیشتمانیی کوردستان لە کەسوکاری سەربەرزی شەھیدان و پێشمەرگە قارەمانەکان و تێکۆشەران و ئەندام و لایەنگرانی یەکێتی پیرۆز دەکەم.

ھیواخوازم (٤٧)ەمین ساڵەی دامەزراندنی یەکێتی بکەینە وێستگەیەک بۆ خزمەتکردنی زیاتری خەڵکی کوردستان.

دەقی پەیامەکە : 

یاد و دیدارتان پیرۆزبێت

بەبۆنەی ٤٧ ھەمین ساڵیادی دامەزراندنی یەکێتیی نیشتمانیی کوردستان و ٤٦ ھەمین ساڵیادی ھەڵگیرساندنی شۆڕشی نوێی گەلەکەمان بە رێبەرایەتی (ی.ن.ک ) ،پیرۆزبایی لە خەڵکی کوردستان و کەسوکاری سەربەرزی شەھیدان و  سەرجەم ڕێکخراوە دیموکراتی و جەماوەری و پیشەییەکان و ڕێکخراوە ناحکومییەکان و تەواوی ئەندامان و لایەنگرانی یەکێتی دەکەین، لەم بۆنەیەشدا درود دەنێرین بۆ ڕۆحی بەرزی سەرۆک (مام جەلال) ڕابەری بزوتنەوەی ڕزگاری خوازی گەلی کورد و سەرجەم شەھیدانی کورد و کوردستان .

پیرۆزبایی سەرکەوتنی یەکەمین دیداری یەکێتیش لەھەموان دەکەین، دەستخۆشی و ماندونەبونی خۆمان ئاراستەی سەرجەم لیژنەکان و بەشداربوانی دیداری یەکێتیدەکەین، دیدار وەک داھێنانێکی نوێی حزبی و  ئیڤێنتێکی گەورە و بەرفراوان، بەبەشداری ھەزاران کادیری یەکێتی، بەوپەڕی دڵسۆزی و خەمخۆریەوە، بۆ یەکێتی و خەڵکی کوردستان، پاش گفتوگۆی چڕ و پڕ و ھەمەلایەنە بەسەرکەوتویی کۆتایی ھات، بە ئومێدەوە دەڕوانین لەوەی کە  ڕاسپاردەکانی لە ژیانی حزبایەتیماندا جێبەجێ بکەین، ئێمەش لەمەکتەبی ڕێکخراوەدیموکراتییەکانی ئامادەیی خۆمان دەردەبڕین بۆ جێبەجێکردنی ئەو بڕگەو بابەتانەی کە پەیوەندی بەمەکتەبمان و ڕێکخراوەکانی سەربەمەکتەبەکەمانەوەھەیە، لەکۆتایشدا پیرۆزبایی یاد و دیدار لەھەموولایەک دەکەین.

ھەرشاد و سەرکەوتووبن

دەقی پەیامەکە : 

پەیامی پیرۆزبایی سەرۆکی حکومەتی ھەرێمی کوردستان لە ساڵیادی دامەزراندنی یەکێتیی نیشتمانیی کوردستان 
بەبۆنەی ( ٤٧)مین ساڵیادی دامەزراندنی یەکێتیی نیشتمانیی کوردستان، پیرۆزبایی لە سەرکردایەتی و ئەندام و لایەنگرانی یەکێتی دەکەم و ھیوای سەرکەوتنیان بۆ دەخوازم لە پێناو خزمەتکردنی گەلی کوردستان. 

ئومێدەوارم یەکێتیی نیشتمانیی کوردستان ، وەک بەشدارێکی سەرەکی لە حکومەتی ھەرێمی کوردستان، لە گەڵ ھێز و لایەنەکانی دیکەی کوردستان، پشتیوانی بەھێزی حکومەت بن لە پێناو جێبەجێکردنی کارنامەکەی بۆ ئەوەی بتوانێت خزمەتێکی شایستەی خەڵکی کوردستان بکات. 

لەم یادەدا، جەخت لە گرنگیی ھەماھەنگیی و کارکردنی لایەنە کوردستانییەکان دەکەینەوە بۆ داکۆکیکردن لە دەسکەوتە نیشتمانییەکان و مافە دەستوورییەکانی گەلی کوردستان.

مەسرور بارزانی 
سەرۆکی حکومەتی ھەرێمی کوردستان 

لە راگەیەندراوێکی بەرێوەبەرایەتی گشتی کارەبای سلێمانیدا ھاتووە، لیژنەی سەرپەرشتیاری موەلیدە ئەھلییەکانی سلێمانی بۆ ھەژمارکردنی نرخی کارەبای موەلیدە ئەھلییەکان کۆبونەوە و بەگوێرەی نرخی گازوایل و سەعاتەکانی کارکردن نرخی ئەمپێرێک کارەبای موەلیدەی ئەھلی بۆ مانگی رابردوو لە نێوان ٤٥٠٠ بۆ ٦٥٠٠ ھەزار دینار دەبێت. 

راشیگەیاندووە، بەھۆی جیاوازی کارپێکردنی موەلیدەکان لەگەڕەکێک بۆ گەڕەکێکی تر، نرخی ئەمپێڕێک کارەبای موەلیدەی ئەھلی جیاواز دەبێت.

بەرێوەبەرایەتی کارەبای سلێمانی ئاماژەی بەوەشکردووە، بەرنامەی کارکردنی موەلیدەکان لە ئەمڕۆ چوارشەممەوە ٢٤ کاتژمێر دەبێت و ھەرکاتێک کارەبای نیشتمانی کوژایەوە، پێویستە کار بە موەلیدەکانیان بکەن.