لەسەرەتای ڕێوڕەسمی کردنەوەی کۆنفرانسەکەدا، کە ئەمڕۆ سێشەممە ١٣-٢-٢٠٢٤ بەڕێوەچوو، سرودی نیشتمانی لێدرا و دواتر د.کامل دلێمی سەرۆکی دیوانی سەرۆکایەتی کۆمار، بەناوی سەرۆککۆمارەوە وتەیەکی پێشکەشکرد.
لە وتەکەی سەرۆککۆماردا، ئاماژە بەوەکرا، بەڕێوەچوونی کۆنفرانسەکە لەچوارچێوەی زنجیرەیەک چالاکیی دیالۆگی پەیوەست بە واقیعی کۆمەڵایەتی، ئابوری و کولتوری دێت، کە بە ھاریکاری لەگەڵ ژمارەیەک وەزارەت و رێکخراوی پەیوەندیدار و بەپشتیوانی پسپۆڕان و توێژەران رێکخراوە.

لە وتەکەی سەرۆککۆماردا جەختکرایەوە، کە خێزان بناغەی سەرەکیی کۆمەڵگەیە، بە باشی و دروستیی خێزان ھەموو سێکتەرەکانی ژیان باش دەبن، ھەروەک مەترسیدارترین شت کە کاریگەری لەسەر پێکھاتەی خێزان ھەیە، توندوتیژییە لە چوارچێوە جۆراوجۆرەکانیدا، جا لەلایەن پیاوەوە بێت یان ژنەوە بێت، قوربانییەکانیشی ھەموو ئەندامانی خێزانن.

لە وتەکەدا، ئاماژە بەوە کرا کە دادپەروەری و ئازادی بنەمایەکی گرنگن بۆ چەسپاندنی یەکێتیی کۆمەڵگە، ھەروەھا جومگەیەکی پێویستن بۆ بنیاتنانی کۆمەڵگەکان و پێشکەوتنیان و وەبەرھێنان و بەگەڕخستنی ھەموو توانا مرۆییەکان بۆ سودی بونیادنان و پێشکەوتن. جەختیشی لەوە کردەوە، ژنانی عێراق رۆڵی کارا و ھاوبەشیی بەرپرسیارێتی گرنگیان لەگەڵ پیاوان ھەیە. ھەروەھا عێراق ھەر لە زووەوە دەستپێشخەری ھەیە لەنێوان وڵاتانی ناوچەکەدا لەڕووی رەخساندنی دەرفەتی فێربوون بۆ ژنان و کچان و کردنەوەی رێگا بۆ گەیشتن بە پۆستە ئەکادیمییەکان و پۆستە گرنگەکانی دەوڵەت.

پاشان ھانا ئیمانوێل گۆرگیس  بەڕێوبەری گشتی فەرمانگەی کاروباری ژنان وتەیەکی پێشکەشکرد و دووپاتیکردەوە، دیاردەی توندوتیژی خێزانی بەڕوونی لە کۆمەڵگەکەماندا تەشەنەی کردووە، بۆیە ئەمڕۆ رۆشنایی دەخەینەسەر ئەم بابەتە و لە ھەموو لایەنەکانییەوە و لەڕێگەی پسپۆڕانی ئەم بوارە و لایەنە پەیوەندیدارەکانەوە گفتوگۆی لەسەر دەکەین، چونکە توندوتیژی خێزانی کاریگەری نەرێنی لەسەر تاک و کۆمەڵگە ھەیە.

ئاماژەی بەوەشکرد، ئەرکی ئەمڕۆمان روبەڕوبونەوەی ئەم دیاردەیە و بەرزکردنەوەی ئاستی ھۆشیارییە سەبارەت بە مەترسی توندوتیژیی خێزانی و ھاندانی تاکەکان بۆ گەڕان بە دوای یارمەتی و پاڵپشتی، ئەویش لەڕێگەی بەرنامەکانی ھۆشیاری و راھێنان بۆ باشترکردنی تواناکانی خێزان و پەیوەندی کاریگەر، ھەروەھا ھاندانی دەسەڵات بۆ سەپاندنی سزای یاسایی توند دەرھەق بە ئەنجامدەرانی توندوتیژی خێزانی بۆ سنوردانان بۆ ئەو دیاردەیە، کە بوەتە مەترسییەکی ئاشکرای ناو کۆمەڵگە. ھەروەک باسی لە گرنگی روبەڕوبونەوەی ئەم دیاردەیە کرد، کە لەم ساڵانەی دواییدا بە چەند ھۆکارێک، زیادیکردوە و روبەڕوبونەوەی بە توندی و یاسایی و ھۆشیاری و پەروەردەیی، بۆتە پێویستی.

دواتر، گفتوگۆی بەرفراوان لەسەر تەوەرەکانی دانیشتنەکە سەبارەت بە توندوتیژیی خێزانی لە لایەنی داتا و خۆپارێزی و رێککارەکانەوە کرا و لیوا عەدنان حەممود سەلمان بەڕێوەبەری روبەڕوبونەوەی توندوتیژیی خێزانی لە وەزارەتی ناوخۆ. پێشکەشیکرد، ھەروەھا تەوەری ھۆکارەکانی دروستبونی توندوتیژیی خێزانی لەلایەن عەمید نیبراس محەمەد عەلی رەشید بەڕێوەبەری پۆلیسی کۆمەڵگەیی پێشکەشکرا.

ھەروەھا میدیاکار عەلی عەزاب چەند چیرۆکێکی لەبارەی توندوتیژیی خێزانی خستەڕو، لیوا بەسمە مەزعەل ھاشم بەڕێوەبەری بەشی ژنان لە پۆلیسی کۆمەڵگەیی-ش ھەندێک نمونەی لە دیاردەی توندوتیژیی خێزانی و ئامرازەکانی کەمکردنەوەی لەڕێگەی پەروەردە و رێنماییەوە، باس کرد.

لە میانی دیدارەکەدا، کە ئەمڕۆ سێشەممە ١٣-٢-٢٠٢٤ لە کۆشکی بەغداد بەڕێوەچوو، سەرۆککۆمار جەختیکردەوە لەسەر بایەخی ناوەندەکانی توێژینەوە و لێکۆڵینەوە لە بواری داڕشتنی سیاسەت و پلانی ستراتیژی لە بوارە جیاجیاکاندا، ھەروەھا ئاماژەی بە پێویستی گرنگیدان بە بزووتنەوەی رۆشنبیری لە وڵات و بەردەوامبون لە سەردان و دیداری رۆشنبیری کرد لەگەڵ چەسپاندنی بنەمای پشتبەستن بە کتێب و بڵاوکراوە زانستی و کولتورییەکان لە دامەزراوەکانی دەوڵەت و سوودوەرگرتن لە کتێبخانەکان و ناوەندە رۆشنبیرییەکان.

ھەروەھا باسی لە دامەزراندنی سەنتەری رۆشنبیری عەرەبی - کوردی لە بەغداد و سلێمانی کرد، کە ئامانج لە دامەزراندنی، بەھێزکردنی ھاوکاری و بونیادی ھاوبەشی نێوان کولتوری عەرەبی و کوردییە، لەم نێوەندەشدا ئاماژەی بە رۆڵی زمان کرد لە پتەوکردنی پەیوەندییەکان و بڵاوکردaنەوەی مەعریفە لەنێوان ھەموو پێکھاتەکاندا.

ھەروەک سەرۆککۆمار ئاماژەی بەوەکرد، کە پێویستە دامودەزگا فەرھەنگییەکان و بەرھەمە ئەدەبی و فیکرییەکان سەربەخۆبن و دوربن لە کاریگەرییە لاوەکییەکان بۆ ئەوەی کولتورێکی تەندروست بنیات بنرێت بێ ھیچ لایەنگرییەک لە تێڕوانین و بیرکردنەوەکان بە تایبەت لە نووسینی مێژوو، بڵاوکردنەوەی کولتوری قبوڵکردنی بەرامبەر، بەشێوەیەک کە خزمەت بە بنیاتنانی کۆمەڵگەیەکی تۆکمە و نیشتمانێکی یەکگرتوو بکات.

ھاوکات سەرۆککۆمار باسی لە رۆڵی سەرۆکایەتی کۆمار لە سازکردنی کۆنفرانس و وۆرک شۆپ کرد بۆ زیادکردنی ھۆشیاری و مەعریفە و پتەوکردنی یەکێتیی نیشتمانی، کە عێراقییەکان کۆدەکاتەوە بۆ سەرخستنی بەرژەوەندی گشتی بەسەر بەرژەوەندییە تاکەکەسی و حزبییەکاندا.

لای خۆیانەوە ئەندامانی وەفدەکە رێنماییە بەنرخەکانی  سەرۆککۆماریان بەرزنرخاند و جەختیان لە ھەوڵی دامەزراوەکەیان کردەوە بۆ جێبەجێکردنی ھەر کارێک، کە خزمەت بە عێراق و گەلەکەی بکات و پێکەوەژیان لەنێوان ھەموو پێکھاتەکاندا بەھێزتر بکات.

ھەروەھا ئەندامانی وەفدەکە جەختیان لە گرنگی کردنەوەی ناوەندەکانی توێژینەوە کردەوە بۆ پێشکەشکردنی ئەو بیرۆکانەی خزمەت بە گەل دەکەن، ھەروەھا رونکردنەوەیەکیان لەبارەی چالاکییەکانیان لەچوارچێوەی بەڕێوەبردنی قەیرانەکان بۆ لێکنزیککردنەوەی دیدگاکان و رەچاوکردنی بەرژەوەندی گشتی بە ھاریکاری لەگەڵ دامەزراوە نێودەوڵەتییەکان، پێشکەشکرد.

تاڵیب حەسەن، بەڕێوەبەری گشتی پلاندانان لە وەزارەتی بازرگانی عێراق، لە لێدوانێکی رۆژنامەوانیدا ڕایگەیاند، لەئێستادا بەھەماھەنگی لەگەڵ کۆمپانیایەکی کەرتی تایبەت سەرقاڵی ئامادەکردنی سەبەتەیەکی نوێن بە ناوی سەبەتەی بیناسازی، کە پێکھاتووە لە ١٦ ھەزار بابەتی بیناسازی بۆ مووچەخۆران.

ئەوەشی خستەڕوو، مووچەخۆرانی ئارەزوومەندی سەبەتە بیناسازییەکە دەتوانن بە قیست و نرخی پاڵپشتیکراو و ھاوکات بە وەرگرتنی قەرز لە بانکی رافیدەین سوودمەندبن لە بابەتەکانی ناو سەبەتەی بیناسازی.

بەڕێوەبەری گشتی پلاندانان راشیگەیاند، لە دوای پشووی جەژنی ڕەمەزانەوە، سەبەتەی بیناسازی لە سەنتەری پارێزگاکان بۆ مووچەخۆرانی ئارەزوومەند بەردەستدەبێت، بە نرخێک کە رکابەری ھاوتاکانیان بکات.

ناسر ئەسەدی، راوێژکاری سەرۆکوەزیرانی عێراق بۆ کاروباری گواستنەوە ڕایگەیاند، لەگەڵ یاریدەدەری وەزیری گەنجینەی ئەمریکا کۆبوونەتەوە، سەبارەت بەو تۆمەتانەی ئاڕاستەی کۆمپانیای فڕۆکەوانی فلای بەغدادیان کردووە و داوایانکردووە بەڵگە بۆ ئەو تۆمەتانە بخەنەڕوو، بەڵام تائێستا وەزارەتی گەنجینەی ئەمریکا بەڵگەی بۆ تۆمەتەکان نەبووە.

وتیشی، سەرەڕای ئەوەی رێگەدراوە بە کۆمپانیای فڕۆکەوانی فلای بەغداد گەشتەکانی دەستپێبکاتەوە، کۆمپانیاکە لەئێستادا نایەوێت گەشتەکانی دەستپێبکاتەوە.

پێشتر وەزارەتی گەنجینەی ئەمریکا تۆمەتی ھاوکاریکردنی گروپە چەکدارەکانی نزیک لە ئێرانی خستە پاڵ کۆمپانیای فڕۆکەوانی فلای بەغداد و دواتریش بە فەرمانی محەمەد شیاع سودانی سەرۆکوەزیرانی عێراق کاروبارەکانی کۆمپانیاکە تاکاتی پشتڕاستکردنەوەی تۆمەتەکان ڕاگیرا.

بەپێی راپۆرتێکی رێکخراوەکە، بەرھەمھێنانی نەوتی ڕێکخراوەکە، لە مانگی رابردوودا بەراورد بە مانگێک پێش خۆی، ٣٥٠ ھەزار بەرمیل کەمیکردووە لە ڕۆژێکدا، لە کاتێکدا وڵاتانی ئۆپێک پڵەس ڕۆژانە دوو ملیۆن و ٤٦٦ ھەزار بەرمیل کەمتر لە ئاستی ڕێگەپێدراویان بەرھەمھێناوە.

لە راپۆرتەکەدا ئەوەش خراوەتەڕوو، مانگی ڕابردوو، قەبارەی بەرھەمھێنانی نەوتی ئۆپێک بەگشتی گەیشتووەتە ٢٦ ملیۆن و ٣٤٠ ھەزار بەرمیل لە ڕۆژێکدا.

بەوتەی ئۆپیک، بەرھەمھێنانی نەوت لە ئیمارات و سعودیە و ڤەنزوێلا زیادیکردووە، لەکاتێکدا لە لیبیا، کوێت، عێراق و جەزائیر کەمیکردووە، ھەروەھا بەدرێژایی ئەمساڵ ئۆپێک بەردەوام دەبێت لە کەمکردنەوەی بەرھەمھێنانی خۆبەخشانە.

ئەعرەجی ئاماژەی بەوەکرد، لە ئێستادا ھیچ بژاردەیەک نییە جگە لە کێشانی نەخشە بۆ ئاشتی جیھانی، دووپاتیشیکردەوە، حکومەتی عێراق ھەڵوێستی ڕوون و ڕاشکاوانەی خۆی لەبارەی پێشێلکردنی سەروەری عێراق و کوشتنی ھاوڵاتیانی عێراق و بەئامانجکردنی دامودەزگاکانی دەوڵەت راگەیاندووە.

قاسم ئەعرەجی دەڵێت، عێراق ڕەتیدەکاتەوە خاکەکەی ببێتە گۆڕەپانێک بۆ یەکلاکردنەوەی ململانێکان، لەکاتێکدا مەترسی لەسەر ھیچ وڵاتێکیش دروست ناکات و دەیەوێت خۆی لە ھەر ململانێیەکی ناوچەیی دووربخاتەوەو دەبێت ھەمووان ھاوکار بن لەم بوارەدا.

کەتائیبی حزبوڵا دەڵێت ئەو پەرلەمانتارانەی بەشداری کۆبوونەوەکەی ئەنجومەنی نوێنەرانیان نەکردووە بۆ گفتوگۆ لەسەر دەرکردنی ھێزە بیانییەکان کاریگەری ئەمریکایان لەسەرە.

محەمەد مەحی وتەبێژی کەتائیبی حزبوڵا رایگەیاند، پێویستە سەرجەم گەل و پێکھاتەکانی عێراق ئاگاداری وردەکاری کۆبوونەوەکەی ئەنجومەنی نوێنەران بن کە تایبەت بوو بە گفتوگۆکردن لەبارەی دەرکردنی ھێزە بیانییەکان لە عێراق کە ئەمریکا سەرۆکایەتییان دەکات و پێویستە رۆڵی ئەو پەرلەمانتارانەش لە بەرچاو بگیرێت کە ئیمزایان کۆکردەوە بۆ ئەنجامدانی ئەو کۆبوونەوەی ئەنجومەنی نوێنەرانی عێراق و ئامادەی کۆبوونەوەکەش بوون.

ئاماژەی بەوەشکردووە، ھەڵوێستی ئەو پەرلەمانتارانەش بەرز دەنرخێنن و رێزیان لێدەگرن کە بەشداری کۆبوونەوەکەیان نەکردووە، چونکە لێیان تێدەگەن و دەزانن کاریگەری و فشاری ئەمریکایان لەسەر کە چەندین پیلانی نەخوازراوی لە دژی عێراق ھەیە، بۆیە پێویستە ھەموو پێکھاتە و لایەنەکان ئەو راستییە بزانن و رەخنە لەو پەرلەمانتارانە نەگرن کە بەشداری کۆبوونەوەکەیان نەکردووە.

درەنگانی شەوی رابردوو، سەرۆکی کاتی ئەنجومەنی پارێزگای دیالە بانگھێشتی ئەندامانی کرد بچنە کۆبوونەوەی ئەنجومەن بە مەبەستی ئەنجامدانی کۆبوونەوە بۆ ھەڵبژاردنی سەرۆکی ئەنجومەن، بەڵام بەھۆی تەواو نەبوونی رێژەی یاسایی ئامادەبووانەوە کۆبوونەوەکە ئەنجامنەدرا.

یەکەمین جارە کە ئەنجومەنی پارێزگای دیالە رووبەڕووی دابەشبوونێکی گەورە بووەتەوە، کە ئەندامانی ئەنجومەکە بەسەر دوو تیمی ٨ کەسی و ٧ کەسی دابەشبوون و ھەردوولا رێژەی یاسایی بۆ کۆبوونەوەکە تەواو ناکەن و پۆستی سەرۆکی ئەنجومەنیش لەلایەن ھاوپەیمانێتی تەقەدوم بەسەرۆکایەتی محەمەد حەلبوسی و سیادە بەسەرۆکایەتی خەمیس خەنجەر کێبڕکێی توندی لەسەرە.

سەرچاوەیەک لە ئەنجومەنی وەزیرانی عێراق بە کوردسات نیوزی راگەیاند، سودانی ئەو سەردانەی ھەڵوەشاندووەتەوە و بەشداری لوتکەی نێودەوڵەتی حکومەتەکان لە دوبەی ناکات، کە بڕیار بووە لەو لوتکەیە ئامادە بێت و وتارێک پێشکەش بکات. 

سەرچاوەکە ھۆکاری بەشداری نەکردنی سودانی روون نەکردەوە، بەڵام میدیاکان دەڵێن، بەھۆی ھەندێک پێشھاتی نوێ و رەوشی عێراقەوە داوای لێبوردنی کردووە  وتویەتی ناتوانێت لەم کاتەدا عێراق بەجێبھێڵێت. 

لوتکەی نێودەوڵەتی حکومەتەکان لە دوبەی ئەمڕۆ دەستیپێکرد و سێ رۆژ بەردەوام دەبێت، مەسرور بارزانی سەرۆکی حکومەتی ھەرێم دوێنێ گەیشتە دوبەی بۆ بەشداریکردن لە لوتکەکە و بڕیارە وتارێک پێشکەش بکات.

ئەمڕۆ ئەنجومەنی نوێنەران خوێندنەوەی یەکەمی بۆ پڕۆژەیاسای ھەمواری یەکەمی یاسای ھاتووچۆ ژمارە ٨ی ساڵی ٢٠١٩ ئەنجامدا، ھەروەھا خوێندنەوەی یەکەم بۆ پڕۆژەیاسای ھەمواری یەکەمی یاسای نەشتەرگەری چاندنی ئەندامانی مرۆڤ و رێگری کردن لە بازرگانی کردن پێوەی ئەنجامدا. پەرلەمانتارێکیش لەجێی پەرلەمانتارێکی دیکە سوێندی یاسایی خوارد.

ھەروەھا موحسن مەندەلاوی سەرۆکی کاتیی ئەنجومەنەکەش بڕیاریداوە بەبڕی یەک ملیۆن دینار سزای ھەر پەرلەمانتارێک بدرێت کە لە دانیشتنەکەدا  ئامادەییان نەبووە، کە لە دانیشتنەکەدا ١٦٨ ئەندام ئامادەبوون.

بڕیارە سبەینێش ئەنجومەنی نوێنەرانی عێراق کۆببێتەوە و شەش بڕگە تاوتوێ بکات و لە بڕگەی یەکەمدا لێپرسینەوە لەگەڵ سەرۆکی تۆڕی راگەیاندنی عێراق بکات. 

دواتریش خوێندنەوەی یەکەم بۆ چوار پڕۆژەیاسا دەکرێت، کە بریتین لە پڕۆژەیاسای تۆمارکردنی گیانلەدەستدان و لەدایکبوون، ھەروەھا پڕۆژەیاسای وەرگرتنی زانیاری و ھەڵوەشانەوەی بڕیاری ئەنجومەنی سەرکردایەتی شۆڕش و دەستەی باڵا بۆ پەرەدان بە ژنان. 

لە کۆتا بڕگەشدا، خوێندنەوەی دووەم بۆ پڕۆژەیاسای پەسەندکردنی کۆماری عێراق لەسەر پرۆتۆکۆلی ھەمواری ماددەی ٥٠ و ٥٦ لە رێککەوتنی فڕۆکەوانی مەدەنی نێودەوڵەتی بۆساڵی ١٩٤٤ دەکرێت.

پاتریک رایدەر، وتەبێژی وەزارەتی بەرگری ئەمریکا پنتاگۆن رایگەیاند، ھێزەکانی ئەمریکا لە عێراق لە ئەرکەکانیان بەردەوام دەبن و پلانی کشانەوەیان نییە.

دەشڵێت، ئاگادارنین بەغداد بە رەسمی داوای کشانەوەی ھێزەکانی ئەمریکای کردبێت و ئەوان لەسەر داوای عێراق ماونەتەوە بۆ بەرەنگاربوونەوەی داعش.

ئاماژەی بەوەشکردووە، گفتوگۆکانی ١١ی ئەم مانگە لەبارەی شەڕی دژی داعش و ھەماھەنگی ئەمنی و تەکنینی نێوان واشنتۆن و بەغداد بووە. 

وتیشی، گۆڕینی ئەرکەکانی ھێزەکانی ھاوپەیمانان لە عێراق لەلایەن بایدنەوە پێداچونەوەی بۆ دەکرێت. 

پێشتر لێپرسراوانی عێراق چەندینجار باسیان لە کشانەوەی ھێزەکانی ئەمریکا و تەواوی ھاوپەیمانان لە عێراق کردووە.

 رۆژی ١٠ی ئەم مانگەش ئەنجومەنی نوێنەرانی عێراق لەسەر داوای ١٠٠ پەرلەمانتار کۆبوەوە و داوایانکرد، حکومەتی عێراق بڕیارێکی ئەنجومەنەکە کە لە ساڵی ٢٠٢٠ دەری کردووە بۆ کشانەی ھێزەکانی ھاوپەیمانان لە عێراق جێبەجێ بکات، بەڵام سونە و بەشێک لە فراکسیۆنە کوردییەکان بەشداری کۆبونەوەکەیان نەکرد.

د.لەتیف رەشید سەرۆککۆماری عێراق لە کۆشکی بەغداد لەگەڵ زیاد جەنابی سەرۆکی لیژنەی دەستپاکی ئەنجومەنی نوێنەران کۆبووەوە و رایگەیاند، پێویستە بەدواداچوونی ورد بۆ دۆسێکانی گەندەڵی بکرێت و ھەوڵی جددیش بدرێت بە مەبەستی دانانی سنورێک بۆ رێگرتن لە بەھەدەردانی سامانی گشتی و پێویستە ئاستەنگەکانی بەردەم کارەکانی لیژنەکە نەھیڵدرێت بۆئەوەی رۆڵی چاودێرییەکەی لەسەر وەزارەت و دەستە و دامەزراوە جیاجیاکان بە باشی جێبەجێ بکات.

سەرۆککۆمار جەختیشکیردەوە، پێویستە کارەکانی لیژنەی دەستپاکی سەربەخۆ بێت و دوور بێت لە کاریگەرییە سیاسییەکان بۆئەوەی بنەماکانی دەستپاکی بڵاوببێتەوە و پەیوەندییەکی بەھێز لە نێوان ھاوڵاتیان و دامەزراوەکانی دەوڵەت دروست ببێت.

لای خۆیەوە، زیاد جەنابی سەرۆکی لیژنەی دەستپاکی ئەنجومەنی نوێنەران رایگەیاند، لیژنەکەیان بەپێی ستراتیژی پاراستنی سامانی گشتی کار دەکات و رۆڵی چاودێریکردنیش لە عێراق گەشەی کردووە بۆ ئاشکراکردنی گەندەڵییەکان و گرتنەبەری رێکارە یاساییەکان لە دژی ئەوانەی لە گەندەڵی تێوەدەگلێن.

کۆمپانیای کۆگای گشتی کوەیت کە بە ئەجیلیتی ناسراوە رایگەیاندووە، بۆ جێبەجێکردنی چەند پرۆژەیەک لە بواری وەبەرھێناندا، لەساڵی ٢٠١٥ گرێبەستێکی لەگەڵ حکومەتی عێراق ئیمزاکردووە و ساڵی ٢٠١٧ تیمەکانیان لەعێراق دەستیان بەکارکردووە، بەڵام لەساڵی ٢٠٢١ بەبێ ھیچ ئاگادارکردنەوەیەک حکومەتی عێراق تاکلایەنە گرێبەستەکەی ھەڵوەشاندووەتەوە و ھەر ئەو کاتەش کۆمپانیاکە لە ناوەندی نێودەوڵەتی بۆ یەکلاکردنەوەی کێشەکانی وەبەرھێنان سکاڵای تۆمارکردووە بەڵام رەتکراوەتەوە.

ئاماژەی بەوەشکردووە، لە دوای ساڵی ٢٠٢١ەوە تا چەند ھەفتەی رابردوو بە رەسمی ھەموو بەڵگەکانیان ھاوپێچیی داواکارییەکانیان کردووە و جارێکی تر لە لە ناوەندیی نێودەوڵەتی بۆ یەکلاکردنەوەی کێشەکانی وەبەرھێنان سکاڵایان لەسەر عێراق تۆمارکردووە و قبوڵیش کراوە، کە پێویستە حکومەتی عێراق بڕی ٣٨٠ ملیۆن دۆلار وەک قەرەبوو بداتە کۆمپانیای کۆگای گشتی کوەیت چونکە لە عێراق ئەو پارەیەی بۆ پرۆژەکان خەرجکردووە.

یەحیا رەسوڵ، وتەبێژی فەرماندەی ھێزە چەکدارەکانی عێراق رایگەیاندووە، لیژنەی ھاوبەشی نێوان بەغداد و واشنتۆن ئەمرۆ دەست بە گفتوگۆکانیان دەکەنەوە لەبارەی کشانەوەی ھێزەکانی ئەمریکا لە عێراق، ئەوەش لەدوای ئەوەی پێشتر وەزارەتی دەرەوەی عێراق رایگەیاندبوو لەگەڵ ئەمریکا رێککەوتوون لەسەر ئەوەی لە چوارچێوەی لیژنەیەکی باڵای سەربازیدا بەردەوامی بە دانوستانەکان بدەن.

دەستپێکردنەوەی دانوستانەکان دوای ھەفتەیەک لە ئاڵۆزی توندی نێوان ئەمریکا و عێراق دێت ئەوەش بەھۆی نیگەرانیەکانی عێراق دوای کوژرانی سەرکردەیەکی حزبوڵای عێراق لە بەغداد لەلایەن ئەمریکاوە.

بە وتەی چەند سەرچاوەیەکی ئاگاداریش، ئەمریکا مەرجی قورسی داناوە بۆ دەستپێکردنەوەی دانوستانەکان و ھیچ لایەکیش گرەنتی سەرکەوتنی دانوستانەکانیان نەداوە .
ئەوەشھاتووە، یەکێک لە مەرجەکانی ئەمریکا ئەوەیە حکومەتی عێراق گرەنتی ئەوە بداتە ئەمریکا کە ھێزەکانیان رووبەرووی ھێرش نابنەوە.

یەحیا رەسوڵ وتەبێژی فەرماندەی گشتی ھێزە چەکدارەکانی عێراق لە راگەیەندراوێکدا ئاماژەی بەوەکردووە، رۆژی یەکشەممە لیژنەی باڵای سەربازی ھاوبەش لە عێراق، گفتوگۆکانی لەگەڵ ھاوپەیمانان دەستپێکردووەتەوە بۆ کۆتایی ھێنان بە ئەرکی ھێزەکانی ھاوپەیمانان.

ئاماژەی بەوەشکردووە، لە کۆبوونەوەکاندا خشتەیەکی کاتی بۆ کشانەوەی ھاوپەیمانان دیاری دەکرێت و کشانەوەی ھاوپەیمانان بە پلانێکی داڕێژرا و و بەشێوەی قۆناغ بەندی دەبێت تا ئەو کاتەی کۆتای بە ئەرکی ھاوپەیمانان دەھێنرێت.

لای خۆیەوە، حسین عەلاوی راوێژکاری سەرۆکوەزیرانی عێراق رایگەیاند، قۆناغی دووەمی گفتوگۆکان تراتیژیی  و گرنگە و پێویست بوو لەدوای کۆتایی ھاتنی داعش ئەرکی ھاوپەیمانان لە عێراق کۆتایی بھاتایە.

رونیشیکردەوە، لیژنەی باڵای سەربازی ھاوبەش سێ پرس تاوتوێ دەکات، کە بریتین لە ھەڵسەنگاندنی تواناکانی داعش و ھێزە چەکدارەکانی عێراق و دانانی خشتەیەک بۆ کشانەوەی راوێژکارانی سەربازی ھاوپەیمانان.

وتیشی، ھاوپەیمانی نێودەوڵەتی دانی بەوەداناوە، کە دۆخی عێراق لەرووی ئەمنییەوە سەقامگیر بووە.

بەپێی کارنامەی کۆبونەوەکە، خوێندنەوەی یەکەم بۆ پێشنیازی ھەمواری یەکەمی یاسای ڕێگریکردن لە فرۆشتنی ئەندامی جەستەی مرۆڤ دەکرێت.

ھەر لەکۆبوونەوەکەدا خوێندنەوەی دووەم دەکرێت بۆ پڕۆژەیاساکانی رێککەوتی نێوان عێراق و کۆریای باشوور بۆ پێدانی پاسپۆرتی دیبلۆماسی و ھەمواری یەکەمی یاسای ھاتوچۆ.