رۆژهەڵاتی ناوەڕاست
ئۆزگور ئۆزەل، سەرۆکی پارتی گەلی کۆماری (جەهەپە) پێی وایە دەرفەتێک دروستبووە بۆ چارەسەری کێشەی 100ساڵە لە تورکیا و پێویستە ئەم هەلە بقۆزینەوە.
ئۆزەل لە لێدوانێکدا رایگەیاند: “پێویستە کورد و تورک دەست لە نێو دەست بن و ئەم دەرفەتە بقۆزنەوە، بەهۆیەوە ئەگەری هەیە تورکیا ببێتە ئەندامی یەکێتی ئەورووپا، ئەمەش بۆ ئایندەی هەمومان چاکە.”
سەرۆکی جەهەپە هۆشداری لە بەفیرۆچوونی ئەم دەرفەتەدا و وتی؛ وا دەکات جارێکی دیکە پرسێکی چارەسەری نایەتە ئاراوە.
سەبارەت بە ڕێوڕەسمی چەک دانانی پەکەکە، ئۆزەل رایگەیاند کە ئەگەرچی پارتەکەی بەئەگەرێکی زۆرەوە ناتوانێت بەشداری لە ڕێوڕەسمەکە بکات، بەڵام ئەمە بە مانای ئەوەنیە پشتیوانی لە پرۆسەی چەکدانان نەکات.
ئۆزەل، جەختی کردەوە کە ئەوان پشتیوانی لە پرۆسەی چەکدانان دەکەن.
وەزارەتی دەرەوەی ئەمریكا دەستەی تەحریر شامی لە لیستی تیرۆر دەرهێنا.
لە یاداشتێكەدا كە لە رۆژی 23ی حوزەیرانی رابردوو دەرچووە و ئیمزای ماركۆ روبیۆ وەزیری دەرەوەی ئەمریكای لەسەرە، ئاماژە بەوە دەكات، بڕیارەكە بە راوێژ لەگەڵ داواكاری گشتی و وەزیری گەنجینەی ئەمریكا دراوە.
ئەوە لەكاتێكدایە، هێشتا هیچ لێدوانێكی رەسمی لەلایەن دەسەڵاتدارانی سوریا و وەزارەتی دەرەوەی ئەمریكا نییە سەبارەت بە بڕیارەكە.
دەستەی تەحریر شام یان بەرەی نوسرە لە ساڵی 2012 بە سەرۆكایەتی ئەحمەد شەرع لە سوریا دروستبوو، لە ناوەڕاستی ساڵی 2018، لەلایەن ئەمریكا و ئەنجومەنی ئاسایشەوە خرایە ناو لیستی تیرۆرەوە.
لە تشرینی دووەمی 2024، ئەحمەد شەرع سەرۆكی سوریا، تەحریر شامی تێكەڵ بە وەزارەتی بەرگری كرد، بەڵام تا ئێستا دەستەكە بە فەرمی هەڵنەوەشاوەتەوە.
وەك هەوڵێكیش بۆ دەربازبوون لە قەیرانەكانی ئێستای، ئەمریكا دەستیكردووە بە هەڵگرتنی سزاكانی سەر دیمەشق و لە بەرانبەریشدا داوای پاراستنی پێكهاتە ئاینیی و نەتەوەییەكانی لێدەكات.
دەمپارتی راگەیەندراوێکی لەسەر کۆبوونەوەیان لەگەڵ ئەردۆغان بڵاوکردەوە
نوێنەرانی دەمپارتی ئیمڕاڵی (DEM)، ئەمڕۆ لەگەڵ سەرۆک کۆماری تورکیا رەجەب تەیب ئەردۆغان لە کۆشکی سەرۆکایەتی کۆبوونەوە و لە راگەیەندراوەکەیاندا هاتووە، لە کۆبوونەوەکەدا جەخت لەسەر بەردەوامیی ئیرادەی هاوبەشی هەردوولا بۆ بەرەو پێشبردنی پرۆسەی ئاشتی کرایەوە.
پەروین بوڵدان و میتهات سانجار وەک ئەندامانی وەفدی ئیمڕاڵی، لەم کۆبوونەوەدا کە ماوەی کاتژمێرێکی خایاند بەشدارییان کرد. هەروەها وەفدی دەمپارتی لە دیدارەکەدا بۆچوون و پێشنیازەکانی خۆیان سەبارەت بە ئاستی نوێی پرۆسەکە و هەنگاوەکانی داهاتوو خستە روو.
بەپێی راگەیەندراوەکەی نووسینگەی راگەیاندنی دەمپارتی، لە کۆبوونەوەکەدا جەخت لەسەر بەردەوامبوونی ئیرادەی لایەنەکان بۆ بەرەو پێشبردنی پرۆسەکە کراوەتەوە.
وەفدی ئیمراڵی لە پەروین بوڵدان، پەرلەمانتاری دەم پارتی لە بازنەی وان و بریکاری سەرۆکی پەرلەمانی تورکیا و میتحەت سانجار، پەرلەمانتاری دەم پارتی لە بازنەی رووها پێکهاتبوون.
ئەم کۆبوونەوەیە دووەمین کۆبوونەوەی ئەردۆغان و دەم پارتی بوو، دوایین جار رۆژی پێنجشەممە، 10ی نیسانی ئەم ساڵ .کۆبوونەوە و پرۆسەی چارەسەرییان تاوتوێ کرد
مەسعود پزیشکیان سەرۆک کۆماری ئێران لە چاوپێکەوتنێکدا لەگەڵ پێشکەشکاری ئەمریکی تاکەر کارلسۆن، ئەمریکای تۆمەتبار کرد بە تێکدانی پرۆسەی دیپلۆماسی.
“لەسەر مێزی دانوستان بووین”
پزیشکیان رایگەیاند کە لە سەرەتاوە ئامادەیی هەبووە بۆ دانوستان و وتی: “ئێمە لەسەر مێزی دانوستان بووین. ئێمە قسەمان دەکرد و سەرۆکی ئەمریکا بانگهێشتی کردبووین بۆ ئاشتی. لەو دیدارەدا پێیان وتین ئیسرائیل هێرش ناکات تا ئیزن نەدەین.”
سەرۆک کۆماری ئێران وتیشی؛ “لە سەروبەندی کۆبوونەوەی شەشەمدا، لە کاتێکدا ئێمە هێشتا لە دانوستاندا بووین، بە کردەوە بۆمبێکیان خستە سەر مێزی دانوستان و دیپلۆماسییان تێکدا.”
سەبارەت بە چاودێری سەر بەرنامە ئەتۆمییەکە، پزیشکیان جەختی لەسەر ئامادەیی ئێران کردەوە و وتی: “بە دڵنیاییەوە ئامادەین دووبارە بچینە ناو گفتوگۆوە و پشتڕاستی بکەینەوە. ئێمە هەرگیز لە بەرپرسیارێتی رامان نەکردووە.”
مەسعود پزیشکیان ئاماژەی بە زیانی هێرشەکانی ئەمریکا کرد بۆ سەر دامەزراوە ئەتۆمیەکان و رایگەیاند: “بەداخەوە دوابەدوای هێرشی ئەمریکا بۆ سەر دامەزراوە ئەتۆمییەکان، بەشێکی زۆر لە کەرەستە و دامەزراوە ئەتۆمییەکان لەناوچوون و دەستڕاگەیشتن پێییان قورسە.”
ئەم چاوپێکەوتنە لە کاتێکدایە کە پەیوەندییەکانی نێوان ئێران و ئەمریکا لە روی دبلۆماسیەوە گرژییەکی زۆر بەخۆیەوە دەبینێت.
کەمێک پێش ئێستا وەفدی ئیمراڵی و رەجەن تەیب ئەردۆغان سەرۆک کۆماری تورکیا کۆبوونەوە.
نوێدەکرێتەوە...
وەزیری کشتوکاڵی تورکیا رایگەیاند، ساڵی رابردوو وڵاتەکەی لە پلەی حەوتەمی جیهاندا بووە بۆ داهاتی بەرهەمی کشتوکاڵی و داهاتی ساڵی 2024 بەراورد بە ساڵانی پێش خۆی بە رێژەی 7٪ بەرزتربووەتەوە.
ئیراهیم یوماکلی وەزیری کشتوکاڵ و دارستانی تورکیا رایگەیاند، ساڵی رابردوو بەراورد بە ساڵانی پێشووتر داھاتی تورکیا لە بەرھەمی کشتوکاڵیدا، بەرێژەی 7٪ بەرزبوونەوەی تۆمار کردووە.
باسی لەوەشکرد، تورکیا ساڵی رابردوو لە داھاتی بەرھەمی کشتوکاڵیدا لەسەر ئاستی جیھان پلەی حەوتەمی بەدەستھێناوە بەو پێیەی داھاتی بەرھەمی کشتوکاڵی تورکیا لە ساڵی رابردوودا، گەیشتووەتە ٧٤ ملیار دۆلار.
ئەوەشی خستووەتە روو، بە پشتبەستن بە داتاکانی بانکی نێودەوڵەتی، بۆ یەکەمجار تورکیا بەربەستی ٧٠ ملیار دۆلاری لە داھاتی بەرھەمی کشتوکاڵیدا تێپەڕاند.
تورکیا یەکێکە لەو وڵاتانەی بەرهەمهێنە و بەرهەمەکانی هەم لە ناوخۆی وڵاتی خۆی بەکاردەهێنێتەوە هەم هەناردەی دەرەوەی وڵاتەکەی دەکات، کە پانتاییەکی گەورەی لە داهاتی ئەو وڵاتەدا داگیر کردووە.
بەهۆی ئاگركەوتنەوە لە پارێزگایەكی سوریا هەزاران هێكتار زەوی سوتان وڵاتانی دراوسێی سوریا هاوكارن لەهەوڵەكان بۆ كۆنتڕۆڵكردنی ئاگرەكە.
رائید ساڵح وەزیری فریاكەوتنی سوریا رایگەیاند، بەهۆی ئەو ئاگرەوە كەچند رۆژێكە پارێزگای لازقیەی گرتوەتەوە، 10 هەزار هێكتار زەوی لە 28 جێگەی ئەو پارێزگایە سوتاون و نزیكەی 100 تیمی بەرگری شارستانی لە نێویاندا چەند تیمێك لە وڵاتانی توركیا و ئوردنەوە بەشدارن لە هەوڵەكان بۆ كۆنتڕۆڵكردنی ئاگرەكە.
راشیگەیاند، 60 ئۆتۆمبێلی ئاگركوژێنەوە و ژمارەیەك هەلیكۆپتەر لە هەوڵدان بۆ كوژاندنەوەی ئاگرەكە.
وەفدی ئیمراڵی دوای دیدارەی لەگەڵ ئۆجەلان راگەیەنراوێكی بڵاوكردەوە، كە جەخت لە پرۆسەی ئاشتی كراوەتەوە ئۆجەلان رایگەیاندوە، پڕۆسەی ئاشتیی دەچێتە قۆناغێكی نوێوە.
وەفدی ئیمراڵی پارتی یەكسانی و دیموكراسی گەلان"دەم پارتی"لەدوای ئەنجامدانی كۆبوونەوەیەكی دوو سەعات و نیوی لەگەڵ عەبدوڵا ئۆجەلان لە ئیمراڵی راگەیەنراوێكی بڵاوكردەوە، بە پێی راگەیەنراوەكە لە كۆبونەوەكەدا ئۆجەلان ئاماژەی بۆ ئەوەكردوە، پڕۆسەی ئاشتی پێی ناوەتە قۆناغێكی نوێوە و دەبێت هەموو لایەك بۆ ئەو هەنگاوە نوێیانە و بەپێی پێویستی پڕۆسەكە بەرپرسیارێتی خۆیان جێبەجێ بكەن.
ئۆجەلان راشیگەیاندوە، ئەو كۆمیسیۆنەی لە پەرلەمانی توركیا پێك دەهێندرێت، ڕۆڵێكی گەورەی دەبێت لە ئاشتی و پرۆسەی چارەسەری، هەروەها بۆ دیموكراسیكردنی توركیا بە گشتی سوودی دەبێت.
بڕیارە سبەینێ وەفدی ئیمراڵی لەگەڵ سەرۆك كۆماری توركیا كۆببێتەوە، بۆ گفتوگۆكردن لەسەر جێبەجێكردنی میكانیزمی پرۆسەی ئاشتی لە توركیا و باكوری كوردستان.
نوسینگەی پارتی یەكسانی و دیموكراسی گەلان"دەم پارتی"بڵاویكردەوە، دوای نیوەڕۆی رۆژی دووشەممە وەفدی ئیمراڵی دەم پارتی كە پێكهاتوون لە پەروین بوڵدان و مەدحەت سنجار لەگەڵ رەجەب تەیب ئەردۆغان، سەرۆك كۆماری توركیا لە ئەنقەرە كۆدەبێتەوە.
هەروەها بڕیارە پێش كۆبونەوەكەی لەگەڵ ئەردۆغان وەفدەكە لەگەڵ تونجەر باقرخان و تولای حاتیمئۆغولاری، هاوسەرۆكانی گشتی دەم پارتی كۆببێتەوە.
ئەوەش لە كاتێكدایە، ئەمڕۆ وەفدی ئیمرالی كە پێكهاتبون لە پەروین بوڵدان، مەدحەت سانجار و فایەق ئۆزگور، لە ئیمراڵی سەردانی عەبدوڵا ئۆجەلانی یان كرد، بۆ ماوەی دوو سەعات و نیو كۆبونەوە، لە چوارچێوەی جێبەجێكردنی پرۆسەی ئاشتی و كۆمەڵگەی دیموكراتی، گفتوگۆیان لەسەر قۆناغی لەناوبردنی چەك لەلایەن پەكەكەوە كرد.
بەپێی زانیارییەكانی نوسینگەی راگەیاندنی دەم پارتییش بڕیارە پەیامێكی نوسراوی ئۆجەلان بڵاوبكەنەوە.
وەزیری ئاسایشی نەتەوەیی ئیسرائیل داوا لە حكومەتی وڵاتەكەی دەكات پێشنیازی ئاگربەست پەسەند نەكات و تەواوی كەرتی غەززە داگیر بكەن.
ئیتمار بن غەفیر وەزیری ئاسایشی نەتەوەیی ئیسرائیل رایگەیاند، ئامانجی سەرەكی شەڕی غەززە لەناوبردنی بزوتنەوەی حەماسە، بۆیە راگرتنی شەڕەكە دەبێتەهۆی بوژاندنەوە و هەستانەوەی حەماس.
وتیشی، لە بەشێكی رەشنوسی ئاگربەستی غەززەدا هاتووە كە پێویستە سوپای ئیسرائیل لە بەشێكی غەززە بكشێتەوە و سەدان ئەندامی گروپە چەكدارەكان ئازاد بكات و یارمەتی مرۆیی بەشێوەیەكی بەرچاو بۆ غەززەییەكان بڕوات، بەم هەنگاوەش حەماس خۆی رێكدەخاتەوە و ئامانجی شەڕەكە نایەتە دی.
بن غەفیر داوای لە بنیامین ناتانیاهۆ سەرۆك وەزیرانی ئیسرائیل كرد پێشنیازی ئاگربەست قبوڵ نەكات و تەواوی كەرتی غەززە داگیر بكات وتیشی، تاكە رێگەچارە رزگاركردنی بارمتەكان و راگرتنی هاوكارییەكان بۆ غەززە و راگواستنی دانیشتوانەكەیەتی.
ئۆفیسی راگەیاندنی دەم پارتی بە کوردسات نیوزی راگەیاند، وەفدی دەمپارتی بۆ دیداری عەبدوڵا ئۆجەلان بەرەو دوورگەی ئیمراڵی بەڕێکەوت.
ئۆفیسی راگەیاندنی دەم پارتی بە کوردسات نیوزی راگەیاند، سەعات 10:00ی بەیانی ئەمڕۆ وەفدی دەمپارتی بۆ دیداری عەبدوڵا ئۆجەلان رابەری باڵای پارتی کرێکارانی کوردستان 'پەکەکە' بەرەو دوورگەی ئیمراڵی بەڕێکەوت.
وەفدەکە پێکهاتووە لە پەروین بوڵدان، میتحات سەنجەر، فایەق ئوزگور ئەرۆڵ و بڕیارە دیدارێکی تایبەت لەگەڵ عەبدوڵا ئۆجەلاندا ئەنجام بدەن.
ئەوەش لە کاتێکدایە، دوای ١٠ ساڵ لە رێگریی دەسەڵاتدارانی توركیا، رۆژی ٢٨ی ١٢ی ساڵی رابردوو، رێگە درا وەفدێكی پەرلەمانتارانی پارتی یەكسانی و دیموكراسی 'دەم پارتی' بۆ دیدار لەگەڵ عەبدوڵا ئۆجەلان بچنە دوورگەی ئیمڕاڵی و لەگەڵیدا کۆببنەوە، کە کۆبوونەوەکەش سێ سەعاتی خایاند.
لە کۆتایی ساڵی رابردوو و سەرەتای ئەمساڵەوە پرسی ئاشتی لە باکوری کوردستان و تورکیا سەری هەڵداوەتەوە و چەند جارێک وەفدی ئیمڕاڵی سەردانی عەبدوڵا ئۆجەلان رێبەری زیندانیکراوی پەکەکەیان کرد، لە رۆژی 27ی شوباتدا وەفدەکە پەیامێکی مێژووییان لەلایەن ئۆجەلانەوە بڵاوکردەوە و لە پەیامەکەدا عەبدوڵا ئۆجەلان رایگەیاندبوو: بانگەوازی چەکدانان دەکەم و بەرپرسیارێتییەکەی دەگرمە ئەستۆ. پێویستە پەکەکە گۆنگرە ببەستێت و خۆی هەڵبوەشێنێتەوە.
لەکۆتاییدا و لەرۆژی 12ی ئایاری ئەمساڵدا، پەکەکە ئەنجامەکانی کۆنگرەی 12ی خۆی بڵاوکردەوە و بەپێی راگەیەنراوەکە، خەباتی چەکداریی خۆی کۆتایی پێهێنا و لەمەودوا لەبری خەباتی چەکداریی لە فۆڕمێکی دیکەدا لە رێگای خەباتی سیاسییەوە بەردەوام دەبێت.
میدیا ئیسرائیلیەکان بڵاویکردەوە، کە عومەر دوستەری، وتەبێژی سەرۆک وەزیرانی ئیسرائیل بنیامین نەتەنیاهو، پۆستەکەی بەجێدەهێڵێت و بەیانی لەگەڵ سەرۆک حکومەتدا بۆ واشنتۆن ناچێت، لەبەر ناکۆکی لەگەڵ سارە نەتەنیاهو، هاوسەری سەرۆک وەزیرانی ئیسرائیل.
رۆژنامەی "یەدیعۆت ئاحڕۆنۆت" ئاماژەی بەوە کرد کە عومەر دوستەری کە لە مانگی ئاب 2024 بۆ ئەو پۆستە هەرڵبژێردرابوو، پۆستەکەی بەجێدەهێڵێت و بەیانی لە گەشتەکەی نەتەنیاهۆ بۆ واشنتۆن بەشداری ناکات.
سەرچاوەکان لە نووسینگەی سەرۆک وەزیرانەوە رونیان کردەوە کە هۆکاری جێهێشتنی "کتوپڕی" پۆستەکە "دوای زنجیرەیەک لە ناکۆکیەکان" دێت، لە نێوان ئەو و سارە نەتەنیاهۆ.
یەکەمجار لە هەواڵەکانی کەناڵی ١٣ ئاماژە بە دەرکردنی لە کارەکەی کرا. دواتر بەپێی هەمان کەناڵ، هۆکاری دەرکردنی لە کارەکەی بۆ ناکۆکیە بەردەوامەکانی لەگەڵ سارەی ژنی ناتانیاهۆ گەڕێنرایەوە.
جێگەی باسە لە چاوپێکەوتنێکی تایبەتی پۆدکاستی "عەناسیر موتەلەعە"ی سەر بە رۆژنامەی "مەعاریف"دا، دوستەری هەڵوێستی ئیسرائیلی سەبارەت بە مامەڵەکردن لەگەڵ بزووتنەوەی "حەماس" خستە ڕوو. دوستەری لە پۆدکاستەکەدا جەختی کردەوە کە ئیسرائیل لە داواکاری دەرچوونی "حەماس" لە کەرتی غەزە پاشەکشە ناکات.
عومەر دوستەری وتی: "دەتوانم بڵێم کە سەرۆک وەزیران بەگشتی کەسێکی تەواوکارە، گرنگی بە هەموو وردەکارییەکان دەدات." هەروەها وتیشی: "سەرۆک وەزیران تەنانەت لە راگەیەندراو و بڵاوکراوەکانیشدا زۆر وردەکارە، دەتوانم بڵێم:" کە باش گوێ لە راوێژکارەکانی دەگرێت، کراوەیە بۆ گوێگرتن لە بۆچوونەکان، ئەمەش شتێکی ئەرێنییە."
دواتر، لە وتەبێژی سەرۆک وەزیران پرسرا کە ئایا نەتەنیاهۆ لەگەڵی راوێژ دەکات و ئامۆژگاری لێ وەردەگرێت، وەڵامی دایەوە: "بەڵێ،" هەروەها وتیشی: "کراوەیە بۆ بۆچوون و ئامۆژگاری، وەریان دەگرێت، بەڵام لە کۆتاییدا خۆی بڕیار دەدات. جا نەک هەر لە بڕیارە میدیاییەکان، بەڵکو لەوانەشدا کە پێیان دەگوترێت بڕیارە کردەیی و سیاسییەکان."
هەروەها وتیشی: "لە کۆبوونەوەکاندا، گوێ لە یەکەم وتەبێژ تا کۆتا وتەبێژدەگرێت، لە کۆبوونەوە ئەمنییەکانی دیکەشدا بە وردی گوێ شل دەکات، پرسیار دەکات لە کاتی گفتوگۆکەدا، بەڵام لە کۆتاییدا خۆیەتی کە بڕیار دەدات."
لای خۆیەوە وەزیری دەرەوەی بەریتانیا رایگەیاند؛ ئەم سەردانە لە چوارچێوەی بەخشینی هەلدا دێت بە سوریایەکی نوێ.
لە چوارچێوەی بودجەی وەزارەتی بەرگری ئەمریكادا 130 ملیۆن دۆلار بۆ هێزەكانی هاوپەیمانان لە سوریا تەرخانكراوە و بەشێكیشی بۆ هەسەدە دەبێت.
میدیاكانی ئەمریكا ئاشكرایانكردووە، وەزارەتی بەرگریی ئەو وڵاتە لە بودجەی ساڵی 2026دا، پشكی تەرخانكراوی هێزەكانی هاوپەیمانانی لە سوریا و روبەڕوبوونەوەی داعش تەرخانكردووە كە 130 ملیۆن دۆلارە، بەشێكی ئەو بودجەیەش بۆ هێزەكانی سوریای دیموكرات "هەسەدە" دەبێت.
وەزارەتی بەرگریی ئەمریكا لەبارەی وردەكاریی پشكی هاوپەیمانان لە سوریا رایگەیاند، ئەو 130 ملیۆن دۆلارەی دیاركراوە، 65 ملیۆن دۆلاری بۆ موچەی هێزەكانە، 15.6 ملیۆن دۆلاریش بۆ پڕچەككردن و راهێنانی سەربازیی و 32.4 ملیۆن دۆلاریش بۆ پاڵپشتی لۆجێستی، لەگەڵ 1.5 ملیۆن دۆلار بۆ وەڵامدانەوەی پێداویستییە بە پەلەكان تەرخانكراوە.
ترەمپ دەڵێت، ئێران رازی نەبووە پشكنەرە نێودەوڵەتییەكان سەردانی بنكە ئەتۆمییەكان بكەن و پێشبینیش دەكات تاران لە شوێنێكی تر دەستبكاتەوە بە بەرنامە ئەتۆمییەكەی.
دۆناڵد ترەمپ سەرۆكی ئەمریكا رایگەیاند، تائێستا ئێران رەزامەندی دەرنەبڕیوە بۆ دەستبەرداربوون لە پیتاندنی یۆرانیۆم و سەردانیكردنی پشكنەرە نێودەوڵەتییەكان بۆ بنكە ئەتۆمییەكانی.
وتیشی، بەرنامە ئەتۆمییەكەی ئێران پاشەكشەی بەرچاوی كردووە، بەڵام پێشبینی دەكرێت تاران لە شوێنێكی تر دەستدەكاتەوە بە كاركردن لە بەرنامە ئەتۆمییەكەی، جەختیشیكردەوە، رۆژی دووشەممە لە كۆشكی سپی لەگەڵ بنیامین ناتانیاهۆ سەرۆك وەزیرانی ئیسرائیل گفتوگۆ لەسەر ئەو بابەتە دەكات.
ترەمپ راشیگەیاند، ئێران دەیەوێت گفتوگۆ لەگەڵ ئەمریكا بكات و ئەوانیش ئامادەن نوێنەرەكانیان بۆ دانوستان بنێرن لە هەر كات و شوێنێك پێویست بێت.
حەماس ئاشكرایدەكات، وەڵامێكی ئەرێنی ئەمریكایان بۆ رێككەوتن داوەتەوە، میدیای ئیسرائیلیش پێشبینی دەكات رۆژی دووشەممە ناتانیاهۆ و ترەمپ لە كۆشكی سپییەوە ئاگربەست رابگەیەنن.
سەركردەیەكی حەماس بە ئاژانسی ڕۆیتەرزی وتووە، وەڵامی پێشنیازی ئاگربەستی ئەمریكایان پێشكەشی نێوەندگران كردووە كە ئەرێنییە و یارمەتیدەر دەبێت بۆ گەیشتن بە ڕێككەوتن.
دەشڵێت، بزوتنەوەكە داوای گەرەنتی ڕوون دەكات كە دانوستان بۆ كۆتاییهێنان بە جەنگ لە ماوەی ئاگربەستی 60 ڕۆژەدا ئەنجام بدرێت و ئەگەر تا كۆتایی ئەو ماوەیە هیچ ڕێككەوتنێك نەكرێت، پێویستە ئاگربەست درێژ بكرێتەوە تا ئەو كاتەی هەردوولا دەگەنە ڕێككەوتن.
پێشتر ترەمپ ڕایگەیاندبوو، پێشبینی دەكات لە ماوەی 24 سەعاتی داهاتوودا حەماس وەڵامی پێشنیازەكەی بداتەوە بۆ ئاگربەست لە غەززە، وتیشی، ئیسرائیل ڕازی بووە بە مەرجەكانی ئاگربەست بۆ ماوەی 60 ڕۆژ.
هاوكات رۆژنامەی یەدیعۆت ئەحرۆنۆتی ئیسرائیلی بە پشت بەستن بە سەرچاوەی تایبەت رایگەیاندووە، رۆژی دوشەممە ناتانیاهۆ و ترەمپ لە كۆشكی سپییەوە ئاگربەست رادەگەیەنن.