هەسەدە رەتیدەكاتەوە چەكدارانی  سوریا چوبێتنە ناوشاری تەبقا و دەڵێت؛ هێزەكانیان لە پێگەكانی خۆیان جێگیرن.

ناوەندی راگەیاندنی هێزەكانی سوریای دیموكرات-هەسەدە بڵاویكردەوە، دوای ئەوەی چەند شانەیەكی تێكدەر هەوڵیان دابوو ئاسایشی شارۆچكەی مەنسوڕەی نزیك شاری تەبقە بشێوێنن، هێزەكانیان پیلانەكانیان پووچەڵكردوەتەوە و توانیویانە ئارامی بۆ ناوچەكە بگەڕێننەوە.

ئاماژەی بەوەشكرد، لەئێستادا رێكارە ئەمنییەكان چڕكراونەتەوە و هێزەكانیان لە ناوچەكە بڵاوەیان پێكراوە بۆ دەستەبەركردنی سەلامەتی و پاراستنی سەر و ماڵی هاووڵاتیان.

وتیشی، ئەو دەنگۆیانە دوورن لە راستیەوە كە باس لە چوونەناوەوەی چەكدارانی سەر بە دیمەشق بۆ ناو شاری تەبقە دەكەن.

جەختیشیكردەوە، هێزەكانیان لە پێگەكانی خۆیاندا جێگیرن و هیچ گۆڕانكارییەك رووی نەداوە.

 

هەسەدە بە ناو سەنتەری شاری تەبقە دەسوڕێتەوە و بەردەوامە لە پاراستنی ئەو شارە، بۆ بینینی بەرخۆدانی هەسەدە کلیک لێرە بکە......

سێنتۆکم داوای ئاشتی لە سوریا دەکات و چەکدارانی دیمەشقیش ئاگادار دەکاتەوە هێرشەکانیان رابگرن.

ئەدمیراڵ براد کوپەر، فەرماندەی فەرماندەیی ناوەندی ئەمریکا 'سێنتکۆم' رایگەیاند، پێشوازی لەو هەوڵانە دەکەین کە لایەنەکان لە سوریا ئەنجامی دەدەن بۆ رێگریکردن لە پەرەسەندی گرژییەکان و دۆزینەوەی چارەسەر لە رێگەی دیالۆگەوە.

ئاماژەی بەوەشکرد، داوا لە ‌چەکدارانی سوریا دەکەین هێرشەکانیان بۆ سەر حەلەب و تەبقە رابگرن.

ئەدمیراڵ براد کوپەر راشیگەیاند، سوریایەکمان دەوێت کە لە ناوخۆی خۆیدا و لەگەڵ درواسوێکانیدا لە ئاشتیدا بێت، ئەمەش لەپێناو سەقامگیری ناوچەکە.

ئاشکراشیکرد، ئاڵۆزییەكانی سوریا كاریگەری دەبێت لەسەر شەڕی داعش و داوا هاوبەشانمان دەكەین لە سوریا سەرنجیان لەسەر داعش بێت.

نێردەی ئەمریكا بۆ سوریا لەگەڵ فەرماندەی گشتی هەسەدە كۆبوونەوە بۆ گەیشتنە ئاشتی و رێگریكردن لە توندوتیژی لە سوریا.

لە كۆبوونەوەی نێوان  مەزڵوم كۆبانێ فەرماندەی گشتی هێزەكانی سوریای دیموكرات و تۆم باراك نێردەی تایبەتی ئەمریكا بۆ سوریا، بە ئامادەبوونی ویندی گرین كونسوڵی گشتی ئەمریكا لە هەولێر و ژەنەراڵ كێڤن لامبارت فەرماندەی هێزەكانی ئەمریكا لە سوریا، تاوتوێی دوایین پێشهاتەكانی سوریا و بەدیاریكراوی گرژییەكانی نێوان هەسەدە و گروپە چەكدارەكانی سوریا كرا.

هەر لە كۆبوونەوەكەدا، تیشكخرایەسەر هەنگاوەكان بۆ بەدیهێنانی ئاشتی و رێگریكردن لە توندوتیژی لە سوریا، جەختیشكرایەوە، لە گرنگی دیالۆگ و سەقامگیری و پێكەوەژیان لە سوریا.

لەبەشێكیتری كۆبوونەوەكەشدا، گفتوگۆكرا لەسەر چەند پرسێكی تایبەت بە هێنانەكایەی سەقامگیری كرداری لە سوریا.

هەسەدە رایدەگەیەنێت: لە ئەنجامی ناپاكی حكومەتی دیمەشق گروپێك لە شەڕڤانانمان لە دێر حافر و مەسكەنە گەمارۆدراون.

هێزەکانی سوریای دیموکرات 'هەسەدە' راگەیەنراوێکی بڵاوکردەوە و ئاماژەی بەوەکرد، حکومەتی دیمەشق و هێزە نێودەوڵەتییەکان بە بەرپرسیاری پاراستنی گیانی شەڕڤانە گەمارۆدراوەكانمان دەزانین.

راشیگەیاند، جەخت لە گەڕانەوەی سەلامەتی شەرڤانەكانمان دەكەینەوە بۆ باكور و رۆژهەڵاتی سوریا،

ئەوەشی خستەڕوو، لە ئێستادا هێزەکانیان لەگەڵ چەکدارانی سوریا لە شەڕێکی سەختدان.

ئیدارەی خۆسەر، وەڵامی مەرسومەکەی ەحمەد شەرع دەداتەوە و  رایگەیاند مافەکانی کورد بە مەرسومێکی کاتی ناپارێزرێن، بەڵکو لە رێگەی دەستووری هەمیشەییەوە دەپارێزرێن و دەچەسپێن.

ئیدارەی خۆسەر بە راگەیەندراوێک وەڵامی فەرمانە مەرسومییەکەی ئەحمەد شەرع دەداتەوەو ئاماژەیان بەوەکردوە؛ چارەسەری بنەڕەتی بۆ پرسی ماف و ئازادییەکان لە سوریا لە تووێژێکی تۆکمەی نیشتمانی و دەستوورێکی لامەرکەزی و دیموکراسیدایە، کە گەرەنتی هاوبەشی راستەقینە لە نێوان هەموو سوورییەکاندا بکات.

لە راگەیەندراوەکەدا هاتووە؛ سەبارەت بە مافەکانی گەلی کورد لە سوریا ئیدارەی خۆسەر دووپاتی دەکاتەوە کە مافەکان بە فەرمانی کاتی ناپارێزرێن، دەرکردنی هەر فەرمانێک، بەبێ گوێدانە مەبەستەکانی، ناتوانێت زامنێکی راستەقینەی مافەکانی پێکهاتەکانی سوریا پێکبهێنێت، ئەگەر نەبێط بە بەشێک لە دەستوری وڵات.

ئەوەشیان خستوەتەڕوو، ئەوان پێیان وایە ئەو فەرمانە رەنگە هەنگاوی یەکەم بێت، بەڵام ئاوات و هیواکانی گەلی سوریا بەدی ناهێنێت، کە قوربانییەکی بێئەندازەیان داوە و شۆڕشێکی راستەقینەیان بۆ گەیشتن بە مافە رەواکانی خۆیان و بنیاتنانی داهاتوویەکی باشتر ئەنجامداوە.

ئیدارەی خۆسەر جەختدەکاتەوە لەوەی چارەسەری بنەڕەتی بۆ پرسی ماف و ئازادیەکان لە سوریا لە وتوێژێکی تۆکمەی نیشتمانی و دەستورێکی لامەرکەزی و دیموکراسیدایە، کە گەرەنتی هاوبەشی راستەقینە لە نێوان هەموو سوورییەکان بکات

لەسەر فەرمانی مەزڵوم کۆبانێ، فەرماندەی گشتی هێزەکانی سووریای دیموکرات هێزەکانی هەسەدە لە ناوچەی دێرحافر لە رۆژهەڵاتی حەلەب کشانەوە  بەرەو رۆژهەڵاتی روباری فورات و دوای کشانەوەشیان هێزە چەکدارەکانی سوریا چونە ناو شارەکە. 

دوای ئەوەی بەیانی ئەمرۆ هێزەکانی هەسەدە، دێرحافریان بەجێهێشت، بەگوێرەی ئەو ڤیدیۆیانەی لە تۆڕەکۆمەڵایەتییەکان بڵاوکراونەتەوە، هێزە چەکدارەنای سوریا دەچنە ناو شارەکەوە و ئۆپەراسیۆنەکانی سوپای سوریاذ راگەیەندراویكی بڵاوکردەوە و داوایی لە هاووڵاتییان کرد نەچنە ئەو ناوچانە تاوەکو هێزەکانیان جێگیر دەبن.

ئەمەش لە دوای ئەوەدێت  دوای شەڕ و پێکدادانەکانی چەند رۆژی رابردوو مەزڵوم کۆبانێ، شەوی رابردوو  رایگەیاند لەسەر داوای وڵاتانی دۆست و نێوەندگیرەکان وەک نیازپاکییە دەکشێنەوە بەرەو رۆژهەڵاتی فورات.

 درەنگانێکی شەوی رابردوو چەندین پێشهاتی نوێ رویدا، ئەحمەد شەرع مەرسومێکی دەرکر کە تایبەت بوو بە بەشیک لە مافەکانی کورد لە سوریا و دواتر  هێزە چەکدارەکانی سوریا، بە چڕی دەستیان کردوە بە بۆردومانکردنی دیرحافر و هەسەدەش وەڵامی دانەوە، مەزڵوم کۆبانێ رایگەیاند وەک نیەتپاکییەک لە سەرداوای وڵاتانی دۆست و نێوەندگیرەکان لە بەرەکانی پێکدادان لە رۆژئاوای حەلەب دەکشێنەوە بۆ رۆژهەڵاتی فورات.

دوابەدوای راگەیاندنەکەی مەزوڵم کۆبانێ، فەرماندەی گشتی هێزەکانی هەسەدە، وەزارەتی بەرگری سوریا، پیسوازی لێکرد و رایگەیاند، لە ئێستاوە هێرشەکانیان بۆسەر دێرحافر رادەگرن.

گەرچی دیار نییە کشانەوەکەیان تا چ سنورێکە بەدیاریکراوە، بەڵام راگەیاندنەکانی هەسەدە ئەوەیان خستەڕوو، کشانەوەی هێزەکانیان، تەنها ناوچەی دێرحافرو مەسکەنەی پارێزگای حەڵەب دەگرێتەوە و بەنداوی تشرین و دەوروبەری و هەموو ئەو ناوچانەی لەڕووی ئیداریەوە سەر بە شاری رەقەن، لەژێر کۆنترۆڵی ئیدارەی خۆسەردا دەمێننەوە.

رۆژنامەی وۆڵ ستریت جۆرناڵیش ئاشکرای کردوە،  واشنتۆن هەڕەشەی سزای نوێ لە دیمەشق دەکات ئەگەر ئۆپەراسیۆنەکانی دژی هێزەکانی سوریای دیموکرات فراوانتر بکات.

هەموو ئەمانە لە کاتێكدایە، شەوی رابردوو، ئەحمەد شەرع، سەرۆکی کاتی سوریا مەرسومێکی سەرۆکایەتی دەرکرد، کە لە هەشت خآڵ پێکدێت و تێیدا بەشێک لە مافەکانی کورد دەستبەر دەکات، هەر زوو کاردانەوەی بەدوای خۆیدا هێناو و بەسێک لە کوردانی سوریا رژانە سەرشيقامەکان و مەرسومەکەیان رەتکردەوە.

لای خۆشیەوە ساڵح موسلیم، هاوسەرۆکی پارتی یەکێتیی دیموکراتی سوریا رایگەیاند، مافەکانی کورد پێویستە لەنێو دەستوری سوریدا بچەسپێندرێت، نەک لەنێو مەرسومی کۆماریدا، ئەوان پێویستیان بەمافی دەستورییە بۆ کورد، نەک بەمەرسومێک کەنازانین کێ لەپشتیەتی و چۆن نوسراوەو چۆن ئامادەکراوەو چۆنیش جێبەجێ دەکرێت.

 

رۆژنامەی وۆڵ ستریت جۆرناڵیش ئاشکرای کردوە،  واشنتۆن هەڕەشەی سزای نوێ لە دیمەشق دەکات ئەگەر ئۆپەراسیۆنەکانی دژی هێزەکانی سوریای دیموکرات فراوانتر بکات و ناوچە کوردییەکان وەک بەربەستێکی سەرەکی دەمێنێتەوە لەبەردەم چەسپاندنی کۆنترۆڵی سەرۆکی نوێ بەسەر سوریادا.

رۆژنامەکە لەزاری دوو بەرپرسی ئەمریکییەوە رایگەیاندوە، بەرپرسانی باڵای ئەمریکا بەتەواوەتی نیگەرانن لەوەی، کە هێرشێکی نوێی سەربازی سوریا بۆ سەر هێزە کوردییەکان فراوانتر بێت، چونکە  دەبێتە هۆی هەڕەشەی تێکدانی سەقامگیری سوریا و زیاتر دابەشکردنی دوو هاوبەشی ئەمنی گرنگی ئەمریکا، کە لە ئێستادا شەڕی داعش دەکەن.

دوو بەرپرسەکە ئەوەیان ئاشکراکردوە، کە ئەمریکا دەزگا هەواڵگرییەکانی ئەمریکا هەڵسەنگاندنیان بۆ ئەوە کردوە، رەنگە ئەحمەد شەرع ئۆپراسیۆنی فرەلایەن بە پاڵپشتی تورکیا لە دژی هەسەدە ئەنجامبدات لەو دیو سنوری فوراتەوە.

رۆژنامەکە ئاماژەی بەوەشکردووە، واشنتۆن هەڕەشەی ئەوەی کردووە، کە ئەگەر دیمەشق بەردەوام بێت لە هێرشە کانی بۆسەر هەسەدە، جارێکیتر سزاکانی یاسای قەیسەر بەسەر حکومەتی سوریادا دەسەپێنێتەوە.

ئەمەش لە دوای ئەوە دێت کە هێزە چەکدارەکانی سوریا، دوێنێ شەو بە چڕی بۆردومانی دێر حافریان کرد،  مەزڵوم کۆبانێ رایگەیاند؛ وەک نیەتپاکییەک لە سەرداوای وڵاتانی دۆست و نێوەندگیرەکان لە بەرەکانی پێکدادان لە رۆژئاوای حەلەب دەکشێنەوە بۆ رۆژهەڵاتی فورات.

گەرچی دیار نییە کشانەوەکەیان تا چ سنورێکە بەدیاریکراوی، بەڵام راگەیاندنەکانی هەسەدە ئەوەیان خستەڕوو، کشانەوەی هێزەکانیان، تەنها ناوچەی دێرحافر و مەسکەنەی پارێزگای حەلەب دەگرێتەوە و بەنداوی تشرین و دەوروبەری و هەموو ئەو ناوچانەی لەڕووی ئیداریەوە سەر بە شاری رەقەن، لەژێر کۆنترۆڵی ئیدارەی خۆسەردا دەمێننەوە.

ئەحمەد شەرع، سەرۆکی کاتی سوریا، مەرسومێکی تایبەتی بە بەشێک لە مافەکانی گەلی کورد لە سوریا دەرکرد، کە هەشت مادە لەخۆدەگریت  و تێیدا هاتووە؛  هاوڵاتیانی سوری کورد بەشێکی سەرەکی و رەسەنی گەلی سوریان، وناسنامە کولتوری و زمانەکەیان بەشێکی دانەبڕاوە لە ناسنامەی نیشتمانی سوریایی فرەنەتەوە و و یەکگرتوو.

سەرۆکی سوریا، جەخت دەکاتەوە لەوەی هاووڵاتیانی  کوردی سوریا  بەشێکی سەرەکی و ڕەسەنی گەلی سوریان و دەوڵەت پابەندە بە پاراستنی فرەیی کولتوری و زمانیان و  مافی هاووڵاتیانی کورد دەستەبەر دەکات لە زیندووکردنەوەی کەلەپوور و هونەرەکانیان و گەشەپێدانی زمانی دایکیان لە چوارچێوەی سەروەری نیشتمانیدا.

هەروەها زمانی کوردی بە زمانێکی نیشتمانی دادەنرێت و رێگە دەدرێت بە خوێندن لە قوتابخانە حکومی و تایبەتەکاندا لەو ناوچانەی، کە کورد رێژەیەکی بەرچاو لە دانیشتوان پێکدەهێنن و ناسنامەی سوری دەدرێتە تەواوی  ئەو هاوڵاتییانەی بە رەچەڵەک کوردن و نیشتەجێن لەسەر خاکی سوریا.

لە فەرمانە مەرسومییەکی شەرعدا، جەژنی نەورۆز بە پشووی رەسمی دادەنرێت لە سەرانسەری سوریا و جەژنێکی نیشتمانییە و گوزارشت لە بەهار و برایەتیی دەکات .

لە مادەی شەشەمی مەرسومەکەدا هاتووە؛ دامەزراوەکانی دەوڵەت لە راگەیاندن و پەروەردە پابەند دەبن بە پەیڕەوکردنی گوتارێکی نیشتمانی گشتگیر و هەر جیاکارییەک یان پەراوێزخستنێک لەسەر بنەمای رەگەزی یان زمانی بە یاسا قەدەغەیە.

بە ئامانجی رێگریکردن لە گرژییەکان و پشتیوانیکردنی هەسەدە، کاروانێکی سەربازیی هێزەکانی ئەمریکا و هاوپەیمانیی نێودەوڵەتی بە چاودێریی چڕی فڕۆکە گەیشتە شارۆچکەی "دێر حافر" لە رۆژهەڵاتی حەلەب.

موهەنەد ئیبراهیم پەیامنێری کوردسات نیوز رایگەیاند، دوانیوەڕۆی ئەمڕۆ کاروانێکی سەربازیی گەورەی ئەمریکا و هاوپەیمانان کە ژمارەیەک زرێپۆشی لەخۆگرتووە، لە رۆژئاوای کوردستان و بنکەکانی رەققەوە گەیشتوونەتە شارۆچکەی دێر حافر لە رۆژئاوای روباری فورات.

ئاماژەی بەوەشکرد، هێلیکۆپتەرەکانی هاوپەیمانان بە ئاسمانی ناوچەکانی (تەبەقە، رەققە و گوندەکانی دێرەزور)دا سوڕاونەتەوە و چاودێریی گەیشتنی هێزەکەیان کردووە بۆ ناوچەکە.

ئەم جوڵە سەربازییەی ئەمریکا و هاوپەیمانان لە کاتێکدایە، گرژییەکان لە دێر حافر پەرەیانسەندووە و دوای هێرشەکان بۆ سەر گەڕەکە کوردنشینەکانی حەلەب، چەکدارانی سەر بە حکومەتی سوریا و گروپە نزیکەکانی تورکیا لە دەوروبەری شارۆچکەکە کۆبوونەتەوە و ناوبەناو تۆپبارانی سەنگەرەکانی هەسەدە دەکەن.

وەزارەتی دەرەوەی روسیا نیگەرانیی لە رەوشی حەلەب دەردەبڕێت و دەڵێ، زیانگەیاندن بە هاووڵاتیانی مەدەنیی قبوڵكراو نییە. 

ماریا زاخارۆڤا وتەبێژی وەزارەتی دەرەوەی روسیا لە كۆنفڕانسێكی رۆژنامەوانیدا رایگەیاند، مۆسكۆ لە نزیكەوە چاودێری تێكچوونی رەوشی ئەمنیی حەلەب دەكات كە لە سەرەتای ئەم مانگەوە گرژیی توندی بەخۆوە بینیوە و نیگەرانن لەسەر ئەو بابەتە.

وتیشی، لە نزیكەوە بەدواداچوون بۆ رەوشی حەلەب دەكەن، چونكە شێوەیەكی مەترسیدار گرژی دروستبووە و پێكدادانە سەربازییەكانی نێوان چەكدارانی سوریا و هێزەكانی ئاسایشی ناوخۆ لە دوو گەڕەكە كوردییەكە دەبێتە هۆی زیانگەیاندن بە مەدەنییەكان و ئەمەش قبوڵنەكراو نییە.

زاخارۆڤا جەختی لەوەشكردەوە كە ئاشتی و سەقامگیریی بەردەوام لە سوریا تەنها لە رێگەی دانوستانی گشتگیرەوە بەدیدێت و پێویستە كار بكرێت بۆ بەدەستهێنان و پاراستنی ماف و خواستی پێكهاتەكانی سوریا.

 

لیندسی گراهام، سیناتۆری کۆمارییەکانی ئەمریکا هۆشداری دەداتە دیمەشق و ئەنکەرە لە هەر هێرشێک بۆ سەر کوردانی سوریا و رایدەگەیەنێت، نیگەرانە لە هەماهەنگییەکانی نێوان حکومەتی نوێی سوریا و تورکیا دژی کورد.

لە پەیامێکدا لە تۆڕی کۆمەڵایەتیی ئێکس، گراهام نوسیویەتی: "نیگەرانییەکانم روو لە زیادبوونە سەبارەت بەوەی حکومەتی نوێی سوریا هاوتەریب لەگەڵ تورکیا هێزی سەربازی دژی کوردانی سوریا بەکاردەهێنێت، کە بەهێزترین هاوپەیمانی ئێمەن لە تێکشکاندنی یەکجارەکیی داعش".

سیناتۆرە ئەمریکییەکە ئاماژەی بەوەشکردووە، کوردەکان نزیکەی 9 هەزار لە "خراپترین و مەترسیدارترین" زیندانییانی داعشیان لایە، بۆیە لە بەرژەوەندیی ئاسایشی نەتەوەیی ئەمریکادایە رێگری بکات لەوەی ئەو زیندانییانە بگەڕێنەوە گۆڕەپانی جەنگ.

گراهام جەختیکردووەتەوە، هەرچەندە پشتیوانی لە دەرفەتدان بە حکومەتی نوێی سوریا دەکەن، بەڵام "ئەگەر هێرشەکان دژی کورد بە پشتیوانیی تورکیا زیاد بکات، دۆخێکی تەواو نوێ دروست دەبێت".

هۆشداریشیداوە کە بڕوای وایە لە کۆنگرێس پشتیوانییەکی بەرفراوان لە نێوان هەردوو پارتەکە (کۆماری و دیموکرات) دروست دەبێت بۆ رووبەڕووبوونەوەی ئەو هەنگاوە و دەڵێت: "ئەگەر هەرکەسێک پێی وابێت من یان هاوکارەکانم رازین بەوەی زیندانییانی داعش لەلایەن سوپای سوریا یان تورکیاوە پاسەوانی بکرێن لەبری کوردەکان، ئەوا زۆر بە هەڵەدا چوون. ژیرانە بڕیار بدەن".

هەسەدە رایگەیاند، بە توندی ئیدانەی ئەو بانگەشيەی وەزارەتی بەرگری سوریا دەکەن، کە دەڵێن هێزەکانیان رێگری لە هاووڵاتیانی مەدەنی دەکەن دێرحافر بەجێبهێڵین،  ئاماژەیان بەوەکردوە هۆکاری نەمانی جوڵەی هاووڵاتییانی مەدەنی بەهۆی پەرەسەندی سەربازی و کۆبونەوەی هێزەکانی سەر بە گروپەکانی دیمەشقە لە ناوچەکە.

ئەمڕۆ پێنجشەممە، ناوەندی راگەیاندنی هێزەکانی سوریای دیموکرات راگەیەندراوێكی بڵاوکردوەتەوە و تێیدا هاتووە؛ بانگەشەی وەزارەتی بەرگری سوریا بێ بنەمایە و ئاوارەکردنی زۆرەملێی خەڵکی مەدەنیی لەلایەن حکومەتی کاتی سوریاوە بە زۆر و لەژێر هێزدا تاوانی جەنگە.

لە راگەیەنداروەکەدا ئاماژە بەوەشکراوە داوا لە کۆمەڵگەی نێودەوڵەتی و رێکخراوەکانی مافی مرۆڤ و نەتەوە یەکگرتووەکان دەکەن ئەو کارانەی حکومەتی دیمەشق، کە بوەتە هۆی هەرەشە بۆ سەر 170 هەزار هاووڵاتی مەدەنی و ئاوارەبونیان ئیدانە بکەن.

لە کۆتایی راگەیەندراوەکەدا، هەسەدە ئەوەشی خستوەتەڕوو، خەڵکی دێرحافر پابەندی خۆیان بۆ پاراستنی خاک و ماڵیان سەلماند و هیچ لایەنێک ناتوانێت لەژێر گوشاری سەربازیدا مافی مانەوەیان لێبسەنێت.

ئەم راگەیەنداروەی هەسەدە لە کاتێکدایە، وەزارەتی بەرگری سوریا ئەمڕۆ راگەیەندراوێکی بڵاوکردەوە و ئاماژەی بەوەکرد بوو، هەسەدە رێگری دەکات لە هاووڵاتییان دێرحافر بەجێبهێڵن.

ئیدارەی خۆبەڕێوەبەریی دیموکراتیی هەرێمی باکور و رۆژهەڵاتی سوریا، نیگەرانیی خۆی لە هەڵکشانی گرژییە سەربازییەکان لەلایەن حکومەتی دیمەشقەوە دەردەبڕێت و رایدەگەیەنێت، هەڵگیرسانی شەڕی نوێ هیچ براوەیەکی نابێت و ئامادەن بۆ گفتوگۆ.

لە راگەیەندراوێکدا بۆ رای گشتی، ئیدارەی خۆبەڕێوەبەری ئاماژەی بەوەکردووە، گەلی سوریا 15 ساڵە بەدەست وێرانکاری و کوشتنەوە دەناڵێنێت، بۆیە هەڵگیرساندنی هەر جەنگێکی نوێ و پەنابردن بۆ هێزی سەربازی، پڕۆسەی سیاسی لەباردەبات و ئاشتیی کۆمەڵایەتی تێکدەدات.

خۆبەڕێوەبەری جەختیکردووەتەوە، زمانی گفتوگۆ دەبێت زاڵ بێت بەسەر زمانی چەک و هەڕەشەدا، چونکە لە شەڕدا هیچ براوەیەک نییە و تەنیا گەل باجەکەی دەدات، بۆیە داوا لە هەموو لایەنەکان دەکات یەکدەنگ بن لە رەتکردنەوەی وتاری رق و کینە و کارکردن بۆ سوریایەکی لامەرکەزی.

لە بەشێکی دیکەی راگەیەندراوەکەدا داوا لە "حکومەتی کاتیی سوریا" کراوە، دانبەخۆیاندا بگرن و رێگای دانوستان و چارەسەری سیاسی هەڵبژێرن لەپێناو بەرژەوەندیی گشتی.

خۆبەڕێوەبەری دووپاتیشی کردووەتەوە کە: "ئامادەین بۆ گەڕانەوە بۆ گفتوگۆ و چارەسەری سیاسی بۆ هەموو دۆسیەکان" بۆ رێگریکردن لە خوێنڕشتن و شکستپێهێنانی پیلانی دروستکردنی ناکۆکی لە نێوان پێکهاتەکان.

لە کۆتاییدا داوا لە کۆمەڵگەی نێودەوڵەتی دەکات هەڵوێستی روونیان هەبێت و هەنگاوی جددی بنێن بۆ رێگریکردن لە هەڵگیرسانی جەنگێکی نوێ لە سوریا.

دوای نزیکەی پێنج سەعات لە داخستنی بەهۆی مەترسیی هێرشی سەربازیی ئەمریکا، ئێران ئاسمانی وڵاتەکەی بەڕووی گەشتە ئاسمانییەکاندا کردەوە، ئەوەش دوای ئەوەی بەشێک لە هێڵە ئاسمانییەکان ناچاربوون گەشتەکانیان هەڵبوەشێننەوە یان رێڕەوەکانیان بگۆڕن.

وردەکاریی داخستنەکە:

بەپێی زانیارییەکان، ئێران لە سەعات 22:15ـی شەوی چوارشەممەوە ئاسمانی وڵاتەکەی بەڕووی گەشتەکاندا داخستبوو، تەنیا رێگە بەو گەشتە نێودەوڵەتییانە دەدرا کە مۆڵەتی رەسمییان هەبوو. ماڵپەڕی "فلایت رادار 24" ئاشکرای کردووە، پێش سەعات 03:00ـی بەرەبەیان قەدەغەکە هەڵگیراوە و پێنج گەشتی ئێرانی دەستیان بە جوڵە کردووەتەوە.

مەترسییەکانی جەنگ:

ئەم داخستنە کاتییە هاوکات بوو لەگەڵ تاوتوێکردنی بژاردەکان لەلایەن دۆناڵد ترەمپ، سەرۆکی ئەمریکاوە بۆ مامەڵەکردن لەگەڵ دۆخی ئێران. بەرپرسێکی ئەمریکیش رایگەیاندووە، دوای ئەوەی تاران هۆشداریدا لە ئەگەری هێرشی ئەمریکا بۆسەر خاکەکەی بنکەکانی ئەمریکا لە وڵاتانی دراوسێ دەکاتە ئامانج، واشنتۆن دەستی بە کشانەوەی بەشێک لە کارمەندەکانی لە بنکەکانی رۆژهەڵاتی ناوەڕاست کردووە.

کاریگەری لەسەر گەشتەکان
بڕیارەکە کاریگەریی راستەوخۆی لەسەر هێڵە ئاسمانییەکان هەبوو:

• ئێرۆفلۆتی روسی: گەشتێکی کە بەرەو تاران دەچوو، ناچاربوو بگەڕێتەوە مۆسکۆ.

• لوفتهانزای ئەڵمانی: بڕیاریدا تا کاتێکی نادیار ئاسمانی ئێران و عیراق بەکارنەهێنێت و گەشتەکانی بۆ عەممان و تەل ئەبیب تەنیا لە رۆژدا ئەنجام بدات بۆ ئەوەی تیمەکانیان شەو لەوێ نەمێننەوە.

• ئیتا ئێروەیز (ئیتاڵیا): گەشتە شەوانییەکانی بۆ تەل ئەبیب راگرت.

• هیندستان: هەردوو کۆمپانیای ئیندیگۆ و ئێر ئیندیا رایانگەیاند گەشتەکانیان تووشی گرفت یان دواکەوتن دەبن بەهۆی گۆڕینی رێڕەوەکانەوە.

• پێشتریش هێڵە ئاسمانییەکانی تورکیا و فلای دوبەی بەشێک لە گەشتەکانیان بۆ ئێران هەڵوەشاندبووەوە.

جێی ئاماژەیە، ویلایەتە یەکگرتووەکانی ئەمریکا پێشوەختە فڕینی فڕۆکە بازرگانییەکانی وڵاتەکەی بەسەر ئاسمانی ئێراندا قەدەغە کردووە.