جیهان
بەهۆی هێرشی تیمساحەوە منداڵێک لە دوورگەی بۆرنیۆی ئیندۆنیزیا گیانی لەدەستدا، کە تەنها لەم مانگەدا ئەوە دووەم هێرشی تیمساحە لە دوورگەکەدا.
پۆلیسی ئیندۆزنیزیا رایگەیاند، بەهۆی هێرشی تیمساحەوە مندالێکی تەمەن 10 ساڵ لە دوورگەی بۆرنیۆ گیانی لەدەستداوە. باسی لەوەشکرد، ئەو منداڵە لەناو ئاودا مەلەی کردووە و لەو کاتەدا تیمساحەکە پەلاماری داوە.
ئاماژەی بەوەشکردووە، هێشتا تەرمی منداڵەکە نەدۆزراوەتەوە و پۆلیس و کەسوکاری بەردەوامن لە گەڕان بەدوای تەرمەکەید.
ئەوەشی خستووەتە روو، دوورگەکە یەکێکە لە دوورگە گەشتیارییە بەناوبانگەکانی جیهان، ئەو تیمساحەشی پەلاماری منداڵەکەی داوە درێژییەکەی نزیکەی چوار مەتر بووە.
ئیندۆنیزیا بە یەکێک لەو ناوچانەی جیهان دادەنرێت کە رێژەیەکی زۆری تیمساحی لە چەندین جۆری جیاواز لێیە و ساڵانەش رووداوی پەلاماردانی تیمساحی زۆر تێدا تۆمار دەکرێت، بە جۆرێک ئەم رووداوەی ئەمڕۆ، دووەم رووداوی ئەم مانگەی دوورگەی بۆرنیۆ'یە.
رۆژی ٧ی ئەم مانگە، لە هەمان دوورگە منداڵێک لەکاتی مەلەکردندا تیمساح پەلاماریدا و بەهۆیەوە گیانی لەدەستدا.
مانگی 12ی ساڵی رابردووش، لە کێڵگەیەکی دوورگەکەدا و لەکاتی کارکردندا، تیمساح پەلاماری ژنێکیدا و بەهۆیەوە گیانی لەدەستدا.
ئەمڕۆ حەماس تەرمی چوار بارمتە رادەستی ئیسرائیل دەكات، رۆژی شەممەی داهاتوش شەش بارمتەی دیكە ئازاد دەكات.
بزوتنەوەی حەماس لە راگەیەنراوێكدا بڵاویكردەوە، لە چوارچێوەی قۆناغی یەكەمی ئاگربەستی غەززەدا، ئەمرۆ تەرمی چوار بارمتەی ئیسرائیلی رادەستی سوپای ئەو وڵاتە دەكاتەوە كە پێكهاتوون لە دایكێك و دوو منداڵ و پیاوێكی بەتەمەن.
حەماس راشیگەیاند، ئەو چوار بارمتەیە بەمدواییانە بەهۆی بۆردومانی سوپای ئیسرائیل بۆسەر ئەو پێگەی تیدا حەشاردرابوون كوژران.
پێشتر، ئەمە لە كاتێكدایە كە باوكی دوو منداڵە لە سەرەتای مانگی شوبات لە لایەن حەمەساوە ئازاد كرا و دوای ئازادكردنیشی لە دیمەنێكی ڤیدیۆییدا سوپای ئیسرائیلی بە كوشتنی خێزانەكەی تۆمەتبار كرد.
هاوكات، بزوتنەوەی حەماس راشیگەیاند، رۆژی شەممەی داهاتووش شەش بارمتەی دیكە بە زیندویی ئازاد دەكات.
هەروەها، ئاژانسی فرانس پرێس بڵاویكردەوە، بزووتنەوەی حەماس وڵاتانی نێوەندگیری ئاگاداركردۆتەوە، لە قۆناغی دووەمی ئاگربەستی غەززە، سەرجەم بارمتە ئیسرائیلییەكان بە یەكجار ئازاد دەكات، بە پێچەوانەوەی قۆناغی یەكەم، كە هەر هەفتەیەك سێ بارمتەی ئازاد كردووە
پوتن دەڵێت، گفتوگۆ و دانووستانەكانی ریاز لەنێوان روسیا و ئەمریكا لە كەشێكی دۆستانەدا بەڕێوەچووە و ئامانج لێیان زیادكردنی متمانەیە لەنێوان هەردوو وڵات.
ڤلادیمیر پوتن سەرۆكی روسیا رایگەیاند، هەنگاوی یەكەمیان ناوە بۆ كاركردن لەگەڵ ئەمریكا لەو پرسانەی جێی بایەخی هەردوولان، لەنێویاندا دوایین رووداوەكانی رۆژهەڵاتی ناوەڕاست و جەنگی ئۆكراین.
وتیشی، بەبێ بەرزكردنەوەی ئاستی متمانە لە نێوان روسیا و ئەمریكا، ناتوانرێت جەنگی ئۆكراین رابگیرێت.
دیمیتری بیسكۆڤ وتەبێژی كرملنیش رایگەیاند، گفتوگۆ و دانوستانەكانی ریاز هەنگاوی دەستپێك بوون، بۆ دەستبەركردنی ئاشتی و راگرتنی جەنگ لە ئۆكراین.
وتیشی، لەژێر رۆشنایی ئەنجامی گفتوگۆ و دانووستانەكانی سعودیە و لەپێناو جێبەجێكردنی رێوشوێنەكانی بوژانەوە، دیپلۆماتكارانی روسیا و ئەمریكا بەشێوەیەكی سەرەتایی دەستیان بەكارەكانیان كردووە.
رۆژی 18ی ئەم مانگە، هەردوو وەفدی ئەمریكا و روسیا بە سەرۆكایەتی وەزیرانی دەرەوەی هەردوو وڵات بە نێوەندگیری سعودیە لە شاری ریاز كۆبوونەوە و لەسەر چەند خاڵێك گەیشتنە رێككەوتن، دیارترینیشیان، پێكهێنانی دوو لیژنە بۆ بەدواداچوون بۆ دۆسییەی جەنگی ئۆكراین.
سەرۆكی ئۆكراین رایگەیاند، كۆبونەوەی ئەمریكا و روسیا لە سعودیە بۆ ئەوان سوپرایز بووە لە میدیاكانەوە گوێبیستی بوون.
ڤلادیمیر زیلینسكی سەرۆكی ئۆكراین لە توركیا لەگەڵ رەجەب تەیب ئەردۆغان سەرۆك كۆمار ئەو وڵاتە كۆبوەوە و تاوتوێی جەنگی ئۆكراینیان كرد.
زیلینسكی رایگەیاند، كۆبونەوەی وەزیرانی دەرەوەی ئەمریكا و روسیا لە ریازی پایتەختی سعودیە بۆ ئەوان سوپرایز بووە و ئەوانیش لە میدیاكانەوە ئەو بابەتەیان بیستووە.
دەشڵێت، توركیا هەوڵی زۆریداوە بۆ ئازادكردنی سەربازە دیلەكان لە روسیا و گرنگی بە یەكپارچەیی خاكی ئۆكراین داوە.
هاوكات، سەرۆكی توركیاش وتی، وڵاتەكەیان شوێنێكی زۆر گونجاوە بۆ میوانداری ئەگەری هەرچەشنە كۆبوونەوەیەك لە نێوان روسیا و ئۆكراین و ئەمریكا و پشتیوانی تەواوی دانوستان دەكەن و پێویستە جەنگ و كوژرانی خەڵك كۆتایی پێبێت.
وەزیری دەرەوەی روسیا رایگەیاند، كۆبونەوەكەی لەگەڵ وەزیری دەرەوەی ئەمریكا لە سعودیە ئەرێنی بووە و زەمینەسازی بووە بۆ كۆبونەوەی ترەمپ و پوتن.
سێرگی لاڤرۆڤ، وەزیری دەرەوەی روسیا لە كۆنفڕانسێكی رۆژنامەوانیدا لە سعودیە رایگەیاند، لە كۆبوونەوەكەدا لەگەڵ وەفدی ئەمەریكی باسیان لە چالاككردنی نوێنەرایەتییە دیپلۆماسییەكانی نێوان مۆسكۆ و واشنتن كردووە، هاوكات باسیان لە پەرەپێدانی پەیوەندییە بازرگانییەكان لەگەڵ ئەمریكا و رێگەكانی گەیشتن بە چارەسەری كێشەی ئۆكراین كردوە، هەروەها رێككەوتن بۆ زەمینەسازیی بۆ كۆبوونەوەی پوتن و ترەمپ.
وتیشی، كۆبوونەوەكە بەرهەمدار بووە و لایەنی ئەمریكا تێگەیشتنێكی باشتری بۆ هەڵوێستەكانی روسیا هەیە.
لە بەرانبەردا مارك رۆبیۆ، وەزیری دەرەوەی ئەمەریكاش رایگەیاند، هەردولا رێككەوتن بەرژەوەندی یەكتری لەبەر چاوبگرن و دووپاتیانكردەوە لەوەی پێویستە باڵیۆزخانەكانیان لە وڵاتی یەكدی بكەنەوە بۆ ئەوەی دیپلۆماسی سەربگرێت.
مەکسیک دوێنێ دوشەممە رایگەیاند کە چاوەڕوانی وەڵامی نوێی کۆمپانیای ئەمریکی گووگڵ دەکات سەبارەت بەو داواکارییەی پێشکەشی کردبوو بۆ گەڕاندنەوەی ناوەکەی لە ماپەکەیدا کە بەهۆی لێدوانەکانی ترەمپ ەوە لە کەنداوی مەکسیکەوە گۆڕی بۆ کەنداوی ئەمریکا.
کلاودیا شەینبام سەرۆکی مەکسیک نامەیەکی کریس تۆرنەری جێگری سەرۆکی کۆمپانیای گووگڵ بۆ کاروباری حکومەت و سیاسەتی گشتی بۆ حکومەتی مەکسیک بڵاوکردەوە.
لە نامەکەدا هاتووە، گووگڵ سیاسەتی خۆی دەگۆڕێت، دوای ئەوەی دۆناڵد ترەمپ، سەرۆکی ویلایەتە یەکگرتووەکانی ئەمریکا، گۆڕینی ناوی کەنداوەکەی بۆ کەنداوی ئەمریکا ڕاگەیاند.
بەرەبەیانی ئەمڕۆ دووشەممە، شەینبام لە کۆنگرەیەکی رۆژنامەوانیدا رایگەیاند، چاوەڕێی وەڵامی گووگڵ دەکەین، ئەگەر وەڵام نەداتەوە، دەچینە بەردەم دادگا.
لە ئێستادا کەنداوەکە لە نەخشەی گووگڵدا وەک "کەنداوەکانی ئەمریکا" دەردەکەوێت. تۆرنەر لە نامەکەیدا ئاماژەی بەوەشکردووە، کۆمپانیاکە ناوی "کەنداوەکانی ئەمریکا" بەکاردەهێنێت وەک درێژەدان بە "سیاسەتی نەخشەسازی کۆن" ئەمەش بەتەواوی دژ بە سیاسەتی پشت بەستنە بە راستیە مێژووییەکان.
کلاودیا شەینبام سەرۆکی مەکسیک نامەیەکی کریس تۆرنەری جێگری سەرۆکی کۆمپانیای گووگڵ بۆ کاروباری حکومەت و سیاسەتی گشتی بۆ حکومەتی مەکسیک بڵاوکردەوە.
لە نامەکەدا هاتووە، گووگڵ سیاسەتی خۆی دەگۆڕێت، دوای ئەوەی دۆناڵد ترەمپ، سەرۆکی ویلایەتە یەکگرتووەکانی ئەمریکا، گۆڕینی ناوی کەنداوەکەی بۆ کەنداوی ئەمریکا ڕاگەیاند.
بەرەبەیانی ئەمڕۆ دووشەممە، شەینبام لە کۆنگرەیەکی رۆژنامەوانیدا رایگەیاند، چاوەڕێی وەڵامی گووگڵ دەکەین، ئەگەر وەڵام نەداتەوە، دەچینە بەردەم دادگا.
لە ئێستادا کەنداوەکە لە نەخشەی گووگڵدا وەک "کەنداوەکانی ئەمریکا" دەردەکەوێت. تۆرنەر لە نامەکەیدا ئاماژەی بەوەشکردووە، کۆمپانیاکە ناوی "کەنداوەکانی ئەمریکا" بەکاردەهێنێت وەک درێژەدان بە "سیاسەتی نەخشەسازی کۆن" ئەمەش بەتەواوی دژ بە سیاسەتی پشت بەستنە بە راستیە مێژووییەکان.
کۆمپانیای گۆگڵ پێشتر رایگەیاندبو کە لە ئەپڵیکەیشنی نەخەشەکانیاندا، ناوی "کەنداوی مەکسیک" بۆ "كەنداوی ئەمریکا" دەگۆڕێت، ئەوەش وەک جێبەجێکردنی ئەو فەرمانەی کە سەرۆکی ئەمریکا، دۆناڵد ترەمپ لەوبارەیەوە ئیمزای کردبوو.
ئاژانسی هەواڵی تاسی روسی ئەمڕۆ سێشەممە بە پشتبەستن بە دیمیتری پێسکۆڤ وتەبێژی کرێملین رایگەیاند، دەستپێکردنی دانوستانەکانی رووسیا و ئەمریکا کاریگەری لەسەر هاوکارییەکانی مۆسکۆ نابێت بۆ تاران.
پێسکۆڤ وتیشی: رووسیا ئامادەیە یارمەتی ئێران بدات، بۆ چارەسەرکردنی کێشەکانی پەیوەست بە بەرنامە ئەتۆمییەکەی.
ئەم لێدوانە هاوکاتە لەگەڵ لێدوانێکی ئیسماعیل باقایی، وتەبێژی وەزارەتی دەرەوەی ئێران کە رایگەیاند، تاران بەرگری لە بەرنامە ئەتۆمییەکەی دەکات و رێگە بە هیچ دەستێوەردانێک نادات لەو بارەوە.
باقایی زیادی کرد: بەرنامەی ئەتۆمی ئێران بەردەوامە، و لە سێ دەیەی رابردوودا دەرکەوتووە کە سیاسەتی فشاری زۆر لەسەر ئێران کاری نەکردووە و شکستی هێناوە. وتیشی: "هەڵوێستی تاران روونە، ئێمە لەژێر فشار و هەڕەشەدا دانوستان ناکەین".
سبەینێ گەڕی یەكەمی كۆبوونەوەی وەزیرانی دەرەوەی روسیا و ئەمریكا لە ریاز دەستپێدەكات، كرملنیش هۆكاری دیاریكردنی سعودیە بۆ كۆبوونەوەكە ئاشكرا دەكات.
دیمیتری پیسكۆف، وتەبێژی كرملن رایگەیاند، وڵاتی سعودیەیان دەستنیشانكردووە بۆ بەڕێوەچوونی گفتوگۆكانی ئەمریكا و روسیا لەم هەفتەیەدا، لەنێویشیاندا كۆبوونەوەی پوتن و ترەمپ بە ئامانجی كۆتاییهێنان بە كێشەكانی هەردوو وڵات و جەنگی ئۆكراین كە ماوەی سێ ساڵە بەردەوامە.
دەشڵێت، دۆناڵد ترەمپ لەمیانی پەیوەندییەكەیدا لەگەڵ ڤلادیمیر پوتن لە چوارشەممەی رابردوودا، پێشنیازی سعودیەی كردووە، بەوپێیەی شوێنێكی گونجاوە بۆ هەردوو وڵات.
دووپاتیشیكردەوە، سبەینێ سێشەممە یەكەم كۆبوونەوەی مۆسكۆ و واشنتۆن بە ئامادەبوونی وەزیرانی دەرەوە لە ریاز دەستپێدەكات لەبارەی كۆتاییهێنان بە جەنگی ئۆكراین و ئامادەكاری بۆ كۆبوونەوەی لوتكەی ترەمپ و پوتن.
رۆژنامەی واشنتن پۆست لەزاری بەرپرسێکی ئۆکراینەوە رایگەیاندووە، ئۆکراین ئامادەیە بەرامبەر بە پشتیوانی سەربازی، بڕێکی زۆر هێلکە هەناردەی ئەمریکا بکات.
رۆژنامەکە ئەوەی باسکردووە، سەرکردە ئۆکراینییەکان، بۆ هێشتنەوەی پاڵپشتی سەربازیی ئەمریکا هەموو کارێک دەکەن.
ئەوەشی خستووەتە روو، ئۆکراین ئاگاداری ئەو قەیرانی هێلکەیەیە کە لە ئەمریکادا دروست بووە، بەجۆرێک تەنها 12 هێلکە بە 7 دۆلارە، بۆیە ئامادەن بەرامبەر بە مانەوەی پشتیوانی سەربازی بۆیان، بڕێکی زۆر هێلکەیان بۆ هەناردە بکەن.
بەهۆی بڵاوبوونەوەی ئەنفلەوەنزای باڵندەوە، ئەمریکا رووبەڕووی قەیرانی هێلکە بووەتەوە و بەهۆیەوە نرخی هەریەک لە مریشک و هێلکە بەشێوەیەکی بەرچاو بەرزبوونەتەوە.
بزوتنەوەی حەماس ئامادەیی دەربڕی غەززە رادەستی دەسەڵاتی فەلەستین بكات بە مەبەستی بەڕێوەبردنی.
ئاژانسی هەواڵی سكای نیوزی عەرەبی لە زاری چەند سەرچاوەیەكی ئاگادارەوە ئاشكرایكردوە، بزوتنەوەی حەماس لە نامەیەكی رێكخراودا، ئامادەیی دەربڕیوە بۆئەوەی كەرتی غەززە رادەستی دەسەڵاتی فەلەستین و لیژنەی حكومی بكات بۆ بەڕێوەبردنی شارەكە.
بە وتەی ئەو سەرچاوانە، تەنها مەرجی حەماس ئەوەیە فەرمانبەرەكانی كەرتی غەززە لە ئیدارەی نوێدا شوێنیان بكرێتەوە یاخود خانەنشین بكرێن و گرەنتی دابینكردنی موچەكانیان بكرێت.
ئاماژە بۆ ئەوەشكراوە، ئەو بڕیارەی حەماس دوای ئەو فشارە گەورانە دێت كە میسر خستویەتیە سەر وەفدی دانوستانكاری بزوتنەوەكە.
بڕیارە ئەم هەفتەیەش دانوستانەكان لەبارەی قۆناغی دوەمی ئاگربەستی غەززە و گۆڕینەوەی بارمتەكان بەردەوام بێت و تەوەری سەرەكی دانوستانەكانیش ئازادكردنی سەرجەم ئەو بارمتە ئیسرائیلیانەیە كە لای حەماسن و لە ژیاندا ماون.
بەهۆی شەپۆلی بەفر و باران و دروستبوونی لافاوەوە لە ویلایەتی کێنتاکی ئەمریکا نۆ کەس گیانیان لەدەستدا، کە یەکێکیان منداڵێکی حەوت ساڵانە.
شەپۆلێکی بەفر و باران و رەشەبای بەهێز چەند ویلایەتێکی ئەمریکای گرتووەتەوە و نەدا بەشیر حاکمی ویلایەتی کێنتاکی رایگەیاندووە، بەهۆی ئەو شەپۆلە بەفر و بارانەی ویلایەتەکەی گرتووەتەوە و لە هەندێک ناوچە لافاو دروست بووە و تاوەکو ئێستا نۆ کەس گیانیان لەدەستداوە، کە دووانیان دایک و منداڵێکن و منداڵەکە تەمەنی حەوت ساڵانە.
باسی لەوەشکرد، لە چەندین شوێنی ویلایەتەکەدا ئۆتۆمبێلەکان پەکیان کەوتووە و لافاو زیانی بە سەدان ماڵ گەیاندووە.
داواش لە دانیشتووانی ئەو ناوچانە کراوە کە مەترسی لافاویان لەسەرە، ماڵەکانیان چۆڵ بکەن و دووربکەونەوە لەو ناوچانەی مەترسیدارن.
هەر بەهۆی زریان ولافاوەوە کارەبای چەندین ناوچە بڕاوە و نزیکەی 39 هەزار ماڵ بێکارەبا بوون.
لەلایەکی دیکەوە کەشناسی هۆشداری داوە لە دەستپێکردنی رەشەبایەکی بەهێز، کە ئەوەش کاریگەریی زیاتر دەکاتە سەر بڕینی کارەبا.
هەر بەهۆی ئەو زریان و لافاوەوە، دۆناڵد تڕەمپی سەرۆکی ئەمریکا بڕیاریداوە بە خەرجکردنی بڕەپارەیەک بۆ رووبەڕووبوونەوەی زیانەکان و رزگارکردنی دانیشتووانی ئەو ناوچانەی مەترسیان لەسەرە.
سەرۆكی ئەمریكا دەڵێت، بەزوترین كات چاوی بە پوتن دەكەوێت و مامەڵەكردنیش لەگەڵ حەماس پەیوەستە بە ئیسرائیلەوە.
دۆناڵد ترەمپ سەرۆكی ئەمریكا لە كۆنفرانسێكی رۆژنامەوانیدا رایگەیاند، رەنگە زۆر بە زوویی لە سعودیە لەگەڵ ڤلادیمیر پوتن سەرۆكی روسیا كۆببێتەوە بۆ گفتوگۆكردن لەسەر وەستاندنی جەنگ لە ئۆكراین.
ئاماژەی بەوەشكرد، هەوڵی زۆر دەدات بۆ گەیشتن بە ئاشتی و پوتن و زیلنسكیش دەیانەوێت جەنگ رابگرن.
لێدوانەكانی ترەمپ لە كاتێكدایە كە ئەمریكا و روسیا خۆیان ئامادە دەكەن لە چەند رۆژی داهاتوودا بۆ دەستپێكردنی دانوستانە سەرەتاییەكان لە سعودیە لەبارەی راگرتنی جەنگی ئۆكراین.
سەبارەت بە رەوشی غەززەش رایگەیاند، بڕیاردان لەسەر ئیسرائیلە كە چۆن مامەڵە لەگەڵ حەماس بكات، بەڵام دوای راوێژكردن لەگەڵ ئەودا.
سەرۆكی ئەمریكا وتیشی، بە وتەی حەماس سەرجەم بارمتەكان رەوشیان باشە و بەم نزیكانە هەموویان رزگار دەكرێن.
حكومەتی بەریتانیا رایگەیاند، ئامادەیە بۆ ناردنی هێزی سەربازی بۆ ئۆكراین ئەگەر پێویست بكات.
كەیر ستارمەر سەرۆك وەزیرانی بەریتانیا لە چاوپێكەوتنێكی لەگەڵ رۆژنامەی دەیلی تەلەگرافی بەریتانی ،ئاماژەی بەوەكرد، وڵاتەكەی ئامادەیە هێزی سەربازی رەوانەی ئۆكراین بكات، ئەوەش لە ئەگەری پێویست بۆ دەستەبەركردن و پاراستنی ئاسایشی بەریتانیا و ئەوروپا.
ستارمەر راشیگەیاند، ئامادەیە بۆ ناردنی هێزی ئاشتیپارێز بۆ ئۆكراین ئەگەر بێتو رێككەوتن لەگەڵ فلادیمیر پوتن سەرۆكی روسیا بكرێت بۆ كۆتایهێنان بە جەنگ، ئەگەر نا ئەو هێزە سەربازیەكەی ناكاتە مەترسیەوە رەوانەی ئۆكراینیان ناكات چونكە ئەگەری هەیە پوتن جارێكی دیكە هێرشبكاتەوە.
ستارمەر وتیشی، بەریتانیا ئامادەیە ڕۆڵی پێشەنگ بگێڕێت لە بەرگری و ئاسایشی ئۆكراین، بڕیاریشە تا ساڵی 2030 سێ ملیار و 78 ملیۆن دۆلار وەك هاوكاری بەرگری بداتە ئۆكراین.
لە پێشهاتێكی نوێدا، سەرۆكی ئۆكراین رەتیدەكاتەوە رێگە بە ئەمریكا بدات وەبەرهێنان لە كانزا بەنرخەكانی وڵاتەكەیدا بكات.
ڤلۆدیمیر زیلینسكی سەرۆكی ئۆكراین دووپاتیكردەوە، فەرمانی بە وەزیرەكانی كردووە رێككەوتن لەگەڵ ئەمریكا ئیمزا نەكەن، بەبێ لەبەرچاوگرتنی گەرەنتی ئەمنی بۆ ئۆكراین.
زیلینسكی دووپاتیشكردەوە، ئەو رێككەوتنەی لەگەڵ وەزیری دەرەوەی ئەمریكا تاوتوێیان كردووە، بەرژەوەندییەكانی كیێڤ ناپارێزێت كە خۆی دەبینێتەوە لە مافی دەستگەیشتنی ئەمریكا بەو كانزا دەگمەنانەی كە لە ئۆكراین دەدۆزرێنەوە و بۆ پیشەسازی فڕۆكەوانیی و بەرگریی و وزەی ئەتۆمی پێویستن.
سەرۆكی ئۆكراین باسی لەوەشكرد، دەبێت رێككەوتنەكە مەرجی گەرەنتی ئەمنی بۆ ئۆكراین لە شەڕی داهاتووی روسیا دابین بكات.
وەزارەتی بەرگری ئیسرائیل گەیشتنی هاوکارییەکی گەورەی سەربازی لە جۆری بۆمبی قورسی ئەمریکی بۆ وڵاتەکەی راگەیاند، دوای ئەوەی نزیکەی ساڵێک بوو بەهۆی بڕیارەکانی ئیدارەی جۆ بایدن، سەرۆکی پێشووی ئەمریکا راگیرابوو.
بەپێی راگەیەنراوێکی وەزارەتی بەرگری ئیسرائیل، هاوکارییەکانی ئەمریکا هەزار و 800 بۆمب لە جۆری ئێم کەی 84ی لەخۆگرتووە، ئاماژەی بەوەشکردووە، شەوی رابردوو هاوکارییەکان لە بەندەری ئەشدۆد گەیشتوەتە ئیسرائیل، دواتر بۆمبەکان بە دەیان بارهەڵگر گواستراونەتەوە بۆ بنکە ئاسمانییەکانی ئیسرائیل.
وەزارەتەکە راشیگەیاندووە، لە سەرەتای جەنگەوە تەلئەبیب زیاتر لە 76 هەزار تۆن تەقەمەنی وەرگرتووە و وەزیری بەرگری ئیسرائیلیش، پێشوازی ئەو هاوکارییانەی بە "سەرمایەیەکی گرنگ بۆ هێزی ئاسمانی و سوپای ئیسرائیل" وەسفکرد.
بۆمبی MK-84 لە وێرانکەرترین تەقەمەنی ئاسمانین، کە بۆ بە ئامانجگرتنی شوێنەکانی ژێر زەوی دروستکراون. هاتنی ئەم هاوکارییانە لە کاتێکی هەستیاردا دێت، چونکە ئیسرائیل لە چەندین بەرەدا بەرەوڕووی ئاستەنگی زیاتر دەبێتەوە، لەوانە گرژی لەگەڵ فەلەستین لە کەرتی غەززە و حزبوڵڵا لە لوبنان.
وتەبێژی كۆشكی سەرۆكایەتی روسیا رایگەیاند، ئێستا مۆسكۆ و واشنتۆن سەرنجیان لەسەر ئاشتییە نەك جەنگ.
دیمیتری پیسكۆڤ، وتەبێژی كرملن لە كورتە ڤیدیۆیەكدا پەیوەندییە تەلەفونییەكەی ڤلادیمێر پوتن سەرۆكی روسیا و دۆناڵد ترەمپ سەرۆكی ئەمریكای پشتڕاستكردەوە رایگەیاند، مۆسكۆ و واشنتۆن لە ئێستادا تەنها سەرنجیان لەسەر ئەوەیە كە هەموو كێشەكان لە رێگەی دیالۆگەوە چارەسەر بكەن.
پێسكۆڤ ئاماژەی بەوەشكرد، یەكەمین كۆبوونەوەی نێوان پوتن و ترەمپ گرنگییەكی تایبەتی دەبێت بە لەبەرچاوگرتنی ئەو رەوشەی ئێستا جیهانی پێدا تێدەپەرێت، وتیشی، سزاكانی ڕۆژئاوا نابێتە بەربەست لەبەردەم گفتوگۆكانی نێوان روسیا و ئەمریكا چونكە دەتوانرێت بەو خێراییەی كە سەپێندران، بەهەمان شێوە هەڵیشبگیرێن.
ئەوەش لەكاتێكدایە كە سەرچاوە ئاگادارەكان باس لەوەدەكەن كە روسیا و ئەمریكا لە ئامادەكاریدان بۆ كۆبوونەوەی نێوان ترەمپ و پوتن و دەوترێت كۆبوونەوەكەش لە كۆتایی ئەم مانگە لە عەرەبستانی سعودیە دەبێت.