کوردستان
دەقی راگەیەندراوەکە :
جەماوەری خۆشەویستی کوردستان
حزب و لایەنە سیاسیەکان
وا جارێکی دیکە و لە درێژەی سیاسەتە شەڕنگێزەکانی سێ دەیەی ڕابردوویاندا، دیسان چەکدارانی پەکەکە بە فەرمانی ڕاستەوخۆی سەرانی گومانباری قەندیل، دەستیان چووە خوێنی پێشمەرگەی کوردستان و لەھێرشێکی لەناکاودا لە چیای مەتینی ناو خاکی ھەرێمی کوردستان پەلاماری ھێزێکی پێشمەرگەیان دا، لە ئەنجامی ئەو پەلامارەدا پێنج پێشمەرگە شەھید و حەفتی دیکەش بریندار بوون.
خەڵکی ئازیزی کوردستان..
ئێمە بە حوکمی تەجرەبەی زۆرمان لەگەڵ پەکەکە و سەرانیان، باش لە مەبەست و مەرامەکانی پەکەکە تێدەگەین و ئەوەشمان زۆر جاران بە راشکاوی پێڕاگەیاندوون کە ئەوەی چەکدارەکانیان ساڵانیکە لە ھەرێمی کوردستان ئەنجامی دەدەن، تەنیا لە بەرژەوەندیی نەیارانی گەلی کوردستان و ئەو لایەنانەیە کە نەک خۆشیان بۆ خەڵکی کوردستان ناوێت، بگرە لە دووی فورسەتێکن بۆ لەنیوبردنی، کەچی بەداخەوە، سەرانی پەکەکە، بە پێچەوانەی چاوەروانیی خەڵکی کوردستان و بانگەشەکانی خۆیانەوە ئەمڕۆ، نەک ھەر ڕەچاوی ھەلومەرجی ھەستیاری ھەرێمی کوردستان و گوزەرانی خەڵکەکەی ناکەن، بەڵکو بوونەتە جێبەجێکاری ئەجیندای دەرەکی و بیانوویەکی حازربەدەست بۆ دەوڵەتانی ئیقلیمی تا ھەر کاتێک و لە ھەر جێیەک بیانەوێت سنوورەکان و سەروەری ھەرێمی کوردستان ببەزێنن و فشارێکی ناوەختەی زۆر بخەنە سەر ھەرێمی کوردستان، لەگەڵ ئەوەی باش دەرک بەوە دەکەن کە ھەر زەبرێک بەر ھەرێمی کوردستان بکەوێت، دەبێتە کارەساتێکی گەورە بۆ تێکڕای کوردستانیان و کورد لە ھەر کوێیەک بن.
جیا لە شەڕفرۆشتنی بەردەوام و ڕاکێشانی سوپای دەرەوە و گێچەڵەکانیان بە ھەرێمی کوردستان، سەران و چەکدارانی پەکەکە لەو رۆژەوەی ھەڵاتوون و ھاتوونەتە نێو خاکی ھەرێمی کوردستانەوە، لە جیاتی ئەوەی وەک پەنابەر و میوان ھەڵسوکەوت بکەن، نەک وەک خانەخوێش بگرە وەک داگیرکەر مامەڵە لەتەک گوندنشینان و جووتیارانی کوردستاندا دەکەن، منداڵانی کوردستان دەڕفێنن و مەشقی سەربازیان پێدەکەن و چەکداریان دەکەن. بەدرێژایی ناوچە کوردستانیەکانی دەرەوەی ئیدارەی ھەرێم لە خانەقینەوە تا شنگال، پەکەکە، دۆست و ھاوپەیمانی ئەو ھێز و تاقم و میلیشیایانەیە کە دژایەتی خەڵکی ھەرێمی کوردستان دەکەن و ناوەناوە ھەولێر مووشەکباران دەکەن..ھەر بە ھاوکاریی ئەوانیش، بوونەتە ڕێگری یەکەم و ھەرە گەورەی بەردەم جێبەجێکردنی ڕێککەوتنی شنگال و ئاوادەنکردنەوەی دەڤەرەکە و گەڕانەوەی خەڵکە ماڵوێرانەکەی بۆ زێد و سەر ماڵوموڵکی خۆیان.
پاش راپەڕینی ئاداری ١٩٩١، گوندنشینە راگوێزراوەکان بە دەستی رژێمی بەعس، بە حەماسەت و چاو لە داھاتوەیەکی گەش، گەڕانەوە گوندەکانی خۆیان، بەڵام پەکەکە بووە ھۆی دووبارە دەربەدەربوونەوەی گوندنشینانی سەدان گوندی ناوچە سنوورییەکان. پەکەکە، ھەر بەوەندەوە نەوەستاوە کە بەناھەق باج و سەرانە لە جووتیارانی کوردستان وەربگرێت، بەڵکو بە بەرنامە، ھەوڵی تێکدانی قەوارەی دەستووریی ھەرێمی کوردستان دەدات.
لە ساڵی ٢٠١٤، کاتێ داعش پەلاماری کوردستانی دا، پێشمەرگە لە ناوچە سنوورییەکان بەرەو بەرەکانی شەڕی دژی داعش چوون، پەکەکەش ئەو بارودۆخەی قۆستەوە، بەرە بەرە چووە ناو گوندەکان، کاتێک پێشمەرگە بەسەر داعشدا سەرکەوت و فشار و مەترسیی داعشی تا ئاستێکی بەرچاو لە کوردستان دوورخستەوە، گەڕایەوە شوێنەکانی خۆی لە ناوچە سنوورییەکان، کەچی پەکەکە خۆی بە خاوەن ماڵ دەزانێ، پێشمەرگە و خەڵکی کوردستانیش بە بێگانە! بۆیە زووزوو ڕووقایمانە ڕایدەگەنێت کە نابێت پێشمەرگە بچنە ئەو ناوچانەی ئەوان ڕۆژگاری سەرقاڵی پێشمەرگە بە شەڕی داعشەوە داگیریان کردوون.
پەکەکە ھیچ کاتێک ڕێزی لە سەروەریی ھەرێمی کوردستان نەگرتووە و ئیعتباری بۆ حکوومەتی ھەرێم کوردستان و دامەزراوەکانی دانەناوە و ھیچ حسێبێکی بۆ یاساکان نەکردووە، بە پێچەوانەوە دانبەخۆداگرتنی حکوومەتی ھەرێم و دامەزراوەکانی بە خراپترین شێوە قۆستۆتەوە. پەکەکە بە مەبەست و دەستی ئەنقەست شەڕی لەگەڵ تورکیا گواستۆتەوە نێو خاکی ھەرێمی کوردستان و بەپیلانێکی دانراو شەڕ دەکات و ناوچەکان بۆ سوپای تورکیا بەجێ دەھێڵێت، تا خاکەکەمان بە داگیرکردن بدات و فشارەکانی سەر ھەرێمی کوردستان زێدەتر بکات.
ئەو دەستدرێژییەی دوێنێی پەکەکە بۆ سەر پێشمەرگە، دەستدرێژییە بۆ سەر تەواوی خاک و سەروەریی و خەڵکی ھەرێمی کوردستان، ھەر بۆیە لەسەر ھەموو ھێز و لایەنە سیاسییەکانی ھەرێمی کوردستان پێویستە دەکات، بە یەکدەنگی و یەکھەڵوێستی، رووبەڕووی ئەو پیلانە گەورەیە ببنەوە کە سەرانی پەکەکە جێبەجێکارین. ھاوکات لەسەر حکوومەتی فیدڕاڵی عێراقیش پێویستە رۆڵ و ئەرکی خۆی بگێڕێت.
سەروەری بۆ شەھیدان و، بەرز و پارێزراوبێ ئەزموونی ھەرێمی کوردستان...
ھەر لە کۆبوونەوەکەدا ھەردوولا ئامادەییان دەربڕی ئاستی پەیوەندییەکانیان باشتر بکەن بە تایبەت لە بوارەکانی بازرگانی و گەشتوگوزار و خوێندنی باڵا و چاکسازی و رووبەڕووبوونەوەی گەندەڵی کە جۆرجیا ئەزمونێکی سەرکەوتووی ھەیە لەو بوارانەدا.
لە بەشێکیتری کۆبوونەوەکەشدا باس لە کردنەوەی کۆنسوڵخانەی جۆرجیا لە ھەرێمی کوردستان کرا کە وابڕیارە لە داھاتوویەکی نزیکدا لە ھەولێر بکرێتەوە.
بە پێی ڕاگەیەندراوێکی وەزارەتی تەندروستی ھەرێم، لە ماوەی ٢٤ سەعاتی ڕابردوو لە ھەرێمی کوردستان ٥٤٦ کەسی تر تووشی ڤایرۆسی کۆرۆنا بوون و حەوت تووشبووی تری کۆرۆنا گیانیان لە دەستدا و ٥٧٥ تووشبووی تری ڤایرۆسەکە چاکبوونەتەوە.
لە دیدارێکدا کە ژمارەیەک لە ئەندامانی مەکتەبی سیاسی ئامادەبوون، دوایین گۆڕانکاری و پێشھاتە سیاسی، ئابووری و ئەمنییەکان تاوتوێکرا و جەخت لە پتەوکردنی پەیوەندییەکان و چارەسەرکردنی سیاسییانەی کێشەکان کرایەوە لە پێناو ئارامی و ئاشتی لە ناوچەکە.
بافڵ تاڵەبانی پەرۆشی یەکێتی دووپاتکردەوە بۆ چارەسەرکردنی ڕیشەیی گرفت و کێشەکان لەسەر بنەمای دەستوور و ئاماژەی بە دروستکردنی کۆدەنگی نیشتمانی کرد لەسەر ئاستی ھەرێم و عێراق بۆ ڕووبەڕووبوونەوەی تەحەددییەکان و ڕایگەیاند، کاتی ئەوە ھاتووە پێکەوە ھەموو ھێزە شۆڕشگێڕەکان لەسەر بنەمای متمانە و بەرژەوەندوی گشتی لاپەڕەیەکی نوێ ھەڵدەینەوە و پەیوەندییەکی دۆستانە بونیادبنین و وڵات بەرەو دۆخێکی باشتر ببەین، چونکە لەم دۆخە پڕ لە کێشمەکێش و مەترسییەدا تەنھا گفتوگۆ و زمانی ھاوبەش دەمانگەیەنێتە کەناری ئارامی.
ھەر لە دیدارەکەدا ھەردوولا تەئکیدیانکردەوە لە پەرەپێدانی پەیوەندییە لەمێژینەکانی نێوانیان و کارکردنی پێکەوەیی لەپێناو بەرژەوەندی گشتی و خزمەتکردنی زیاتری کۆمەڵانی خەڵک و سەقامگیری زیاتر لە ناوچەکە.
قوباد تاڵەبانی جێگری سەرۆکی حکومەتی ھەرێم لە پێگەی تايبەتی خۆی لە تۆڕی کۆمەڵایەتی فەیسبوک نووسیوێتی رووداوەکەی چیای مەتینا رووداوێکی دڵتەزێن بوو کە بووە مایەی نیگەرانی و پەرۆشی ھەموو کوردێکی دڵسۆز و نیشتمانپەروەر، گەلەکەمان لە رابردوودا تاڵی و ناخۆشی زۆری بینیوە بەھۆی ئاڵۆزی و شەڕی نێوان لایەنە کوردییەکانەوە، بۆیە حەق نییە ئەم گەلە خێرنەدیوە لەوە زیاتر تووشی دڵەڕاوکێ و نیگەرانی بکرێت، دۆخەکە وا دەخوازێت ھەموو لایەکمان لە قسە و کردار و ھەڵوێستماندا بەرپرسیارانە مامەڵە بکەین و لەم دۆخەدا لە ھەمووکات زیاتر پێویستمان بە یەکڕیزی و بیرکردنەوەی ورد و دان بەخۆداگرتن ھەیە بۆ ئەوەی ھەرێمی کوردستان و گەلی کورد بەگشتی لەو مەترسیانەی ھەن پارێزراوبێت.
ئاماژەی بەوەشکردووە، بەرھەمی ئاڵۆزی و ناکۆکییەکانی رابردوومان تەنیا شکست و بێھیوایی بووە بۆ گەلەکەمان، تا ئێستاشی لەگەڵدابێت ئێمە باجی شەڕی خۆکوژی و ئاڵۆزییەکانی رابردوومان دەدەین. ئەگەر لەم قۆناغەشدا بەردەوام بین لەسەر ھەڵە کوشندەکانی رابردوو بێ گومان دەرەنجامەکەی شکست و بێھیواییەکی گەورەتر دەبێت بۆ ھەموو کورد. بۆیە ئێستا ھەموو لایەکمان لەبەردەم بەرپرسیارێتییەکی گەورەداین و دەبێت ھەموو ھەوڵێکمان بە ئاراستەی چارەسەرکردن بێت نەک ئاڵۆزترکردنی دۆخەکە؛ با ژیرانە و خەمخۆرانە و کوردانە و بەرپرسیارانە کێشەکان چارەسەر بکەین.
قوباد تاڵبانی لە کۆتایی نوسینەکەیدا دەڵێت، لەدڵەوە پرسەو سەرەخۆشی ئاراستەی کەسوکاری پێشمەرگە شەھیدەکانی چیای مەتینا دەکەم و ھیوای زوو چاکبوونەوەش بۆ بریندارەکان دەخوازم و ھیوادارم بە حیکمەت و دانایی پێش بە دووبارەبوونەوەی رووداوی دڵتەزێنی دیکە بگرین.
لە کۆبوونەوەکەدا کە ژمارەیەک لە ئەندامانی مەکتەبی سیاسی و سەرکردایەتیی یەکێتی ئامادەیبوون گفتوگۆی ھەمەلایەنە لەسەر دۆخی گشتی و پرسە سیاسی، ئابووری، ئەمنییەکان کرا و کێشەکانی ھەرێم و عێراق و بونیادنانی زەمینەیەکی لەبار بۆ گفتوگۆی بونیادنەرانەی نیشتمانی و زاڵبوون بەسەر کێشە و ناکۆکییەکان تاوتوێکران.
بافڵ تاڵەبانی خواستی یەکێتی تەئکیدکردەوە بۆ چارەسەرکردنی ئەو کێشانەی بوونەتە بەربەست لە بەردەم تێپەڕاندنی ئەم دۆخە و قەیرانەکان و ڕوونیکردەوە، یەکێتی لەسەر بنەمای بەرژەوەندی ھاوبەش و مێژوویی دەمانەوێت وەحدەیەکی نیشتمانی بونیادبنێن و بە بەشداری ھەموولایەک ھەوڵبدەین بەسەر گرفتەکان زاڵبین و چارەسەری کێشەکان بکەین و پەنا بۆ دیالۆگی نیشتمانی ببەین.
ھاوسەرۆک بونیادنانی پەیوەندیەکی بەھێز و پتەوی لە نێوان ھەرێم و بەغدا بە فاکتەری پێشخستنی ھەرێم و عێراق لە قەڵەمدا و ئاماژەی بە بووژاندنەوەی پێکەوەژیان و یەکترقبووڵکردن و کۆتایھێنان بە دەمارگیری مەزھەبی، نەتەوەیی و ئایینی کرد و بۆ ئەوەش پڕۆژەی ئاشتەوایی نیشتمانیی بەزەروور لە قەڵەمدا. داواشیکرد دەستوور چەتری کۆکەرەوەی ھەمووان بێت و چیتر ڕێگەنەدرێت بەرژەوەندی خەڵک و پرسە نەتەوەییەکان تێکەڵ بە ململانێ سیاسییەکان بکرێت.
لە دیدارێکدا کە ژمارەیەک لە ئەندامانی مەکتەبی سیاسی و سەرکردایەتیی یەکێتیی نیشتمانیی کوردستان ئامادەیبوون جەخت لە پابەندبوون بە بنەما دەستوورییەکان کرایەوە بۆ چارەسەرکردنی کێشەکان و زاڵبوون بەسەر ئاڵنگارییە سیاسی، ئابووری و ئەمنییەکان و دۆزینەوەی میکانیزمێکی گونجاو بۆ ناردنی شایستە داراییەکانی ھەرێم بە پابەندبوون بە یاسای بودجە و دابینکردنی مووچەی ھەرێم.
بافڵ تاڵەبانی بەھێزکردنی پەیوەندی و ھاریکاری دامەزراوەکانی حکومەتی فیدڕاڵی و ھەرێمی دووپاتکردەوە لە پێناو سەرخستنی ھەنگاوەکانی خزمەتکردن و چاکسازی ڕیشەیی لە جومگەکانی بەڕێوەبردن. داواشی لە سەرۆکوەزیران کرد شایستە داراییەکانی ھەرێم، قوتی خەڵک و فەرمانبەرانی ھەرێم نەبەسترێتەوە بە کێشە سیاسییەکان و ڕێککەوتنی ھەرێم و عێراق بکرێتە مەرجەع بۆ یەکلاکردنەوەی ھەموو کێشەکان.
لە درێژەی کۆبوونەوەکەدا بافڵ تاڵەبانی جەختی لە کۆدەنگی ھێز و لایەنەکان کردەوە لە پێناو دەستەبەرکردنی ژیانێکی شایستە و خۆشگوزەران بۆ خەڵکی کوردستان و عێراق کە ماندووی قەیرانە یەک لەدوای یەکەکانن و ئەرکی ھەموومانە لەو پێناوەدا ھەوڵبدەین.
ناوەندی چاپەمەنی و راگەیاندنی ھێزەکانی پاراستنی گەل "ھەپەگە" لەبارەی رووداوەکەی چیای مەتین روونکردنەویەکی بڵاوکردەوە و ئاماژەی بەوەکردوە، رۆژی ٥ی حوزەیران ھێزە سەربازییەکانی پارتی بەبێ ھیچ زانیارییەک و بەشێوازی ئۆپەراسیۆن ویستیان بچنە ناوچەی گەریلا لە مەتینا، ئەوەش ھەڵەیە و خزمەت بە بەرژەوەندی نەتەوەیی ناکات.
لە بەشێکی تری روونکردنەوەکەدا ھاتووە، راستە ھێزەکانیان لەوێ چەند فیشەکێکیان بۆ ئاگادارکردنەوە تەقاندوە، بەڵام بەدڵنیایەوە ئەو چەکەی بووەتە ھۆی شەھیدبوونی پێشمەرگە و تێکشکاندنی ئەو ئۆتۆمبێلە، لەلایەن ھێزەکانیانەوە بەکارنەھاتووە، بەڵکو ئەو ئۆتۆمبێلە لە رێگەی ھەوا و موشەکەوە لێیدراوە.
جەختیش دەکاتەوە، بۆ پرسی تەقاندنەوەی ئۆتۆمبێلەکە، پێویستە وەفدێکی ھاوبەش یان وەفدێکی سەربەخۆ لێکۆڵینەوە لەو رووداوە بکەن و رونکردنەوەی لەسەر بدەن.
لە کۆبوونەوەکەدا کە بەشێک لە ئەندامانی مەکتەبی سیاسی و سەرکردایەتی یەکێتیی نیشتمانیی کوردستان و ژمارەیەک لە سەرکردەکانی ھاوپەیمانیی فەتح ئامادەبوون، بارودۆخی سیاسی، ئەمنی و ھەڵبژاردنی پێشوەختەی ئەنجوومەنی نوێنەرانی عێراق و پتەوکردنی پەیوەندییەکان و زیاترکردنی ھەماھەنگی و ھاریکاری ھاوبەش تاوتوێکران و بۆچوونیان لەبارەوە خرایەڕوو.
بافڵ تاڵەبانی بۆ کۆی پرس و کێشەکان گۆشەنیگای یەکێتی خستەڕوو و رایگەیاند، یەکێتی لەگەڵ دیالۆگی نیشتمانییە بۆ چارسەرکردنی کێشەکان و داڕشتنی پرۆژەیەکی ھاوبەش کە ھەموولایەنەکان بەشداری بکەن و ھەرێمی کوردستان و عێراق لە مەترسییەکان دووربخەنەوە.
ھەڵبژاردنی پێشوەختەی عێراق تەوەرێکی تری کۆبوونەوەکە بوو و ھاوسەرۆک جەختی لە ئەنجامدانی ھەڵبژاردن کردەوە لە وادەی خۆیدا و رەخساندنی کەشێکی لەبار و دوور لە دەستتێوەردان، کە ئەمەش فاکتەرێکی گرنگە بۆ سەقامگیری سیاسی لە عێراق و پێکھێنانی حکومەتێکی بەھێز کە رەنگدانەوەی ھەموو بۆچوون و رەنگەکان بێت.
لەبەشێکی تری کۆبوونەوەکەدا مەترسی پاشماوەکانی داعش تاوتوێکرا و ھەماھەنگی زیاتری نێوان ھێزی پێشمەرگە و ھێزە عێراقییەکان بەپێویست زانرا بۆ رووبەڕووبوونەوەی تیرۆر و فەراھەمکردنی ئاشتی و ئارامی زیاتر لەناوچەکە.
پەیامنێری کوردسات نیوز ڕایگەیاند، ھێزێکی پێشمەرگە بە چەکی قورس لە بناری چیای مەتینا لە سنوری ئامێدی جێگیرکراون، بە مەبەستی ئەوەی لە بەرزاییەکانی مەتینا بنکەی سەربازیی دابمەزرێنن و پێنج پێشمەرگەش شەھیدبوون و چەند پێشمەرگەیەکی تریش برینداربوون و بریندارەکان ڕەوانەی نەخۆشخانەی فریاکەوتنی دھۆک کراون.
وتیشی، ھەندێک زانیاری باس لەوە دەکەن ئەو پێشمەرگانە بەھۆی بۆردومانی تورکیا شەھیدبوون و ھەندێک زانیاریی تریش ئاماژە بەوە دەکەن کە ھۆکاری شەھیدبوونی ئەو پێشمەرگانە تەقینەوەی بۆمب بووە.
ھاوکات ناوەندی ڕاگەیاندن و چاپەمەنیی ھێزەکانی پاراستنی گەل "ھەپەگە"ش ڕایگەیاندووە، ھێزێکی سوپای عێراق و پارتی دیموکراتی کوردستان ھەوڵی ئەوەیان داوە ھێرش بکەنە سەر کەمپێکی گەریلا، بەڵام ھێزەکانی ھەپەگە و یەژاستار بۆ ئەوەی ئەو ھێزانە زیاتر بەرەو پێش نەڕۆن گولـلەی ھۆشیارکردنەوەیان تەقاندووە.
بە پێی زانیارییەکان، پاسە بچوکەکە کۆچبەرە کوردەکانی بۆ سنوور گواستووتەوە و لە ڕێگەدا وەرگەڕاوە، سەرجەم بریندارەکانیش ڕەوانەی نەخۆشخانەیەکی یۆنان کراون و لە ئێستادا لە ژێر چاودێری پزیشکیدان.
ئەم ڕووداوە دوای ١١ ڕۆژ لە وەرگەڕانی پاسێکی کۆچبەرانی ھەرێمی کوردستان لە یۆنان دێت کە تیایدا گەنجێکی دانیشتووی قەزای سەیدسادق بە ناوی ھەژین ساڵح گیانی لە دەستدا.
پەیامنێری کوردسات نیوز لە کەرکوک ڕایگەیاند لیژنە باڵاکە لە سوپا و پێشمەرگە پێکھاتوون و لیژنەکە لە ڕۆژانی ڕابردوودا سەنتەری ھەماھەنگییان لە موسڵ بەسەرکردووەتەوە و ئەمڕۆش کەرکوک بەسەر دەکاتەوە.
ئامانجی سەردانی وەفدەکەش بەدواداچوونە بۆ پێداویستیەکانی ئەو سەنتەرانەی کراونەتەوە. لە ئێستاشدا لە سەنتەری ھەماھانگی ھاوبەشی کەرکوک کە بارەگاکەی لە سەربازگەی کەیوانە ١٠ ئەفسەر دەوام دەکەن کە پێنجیان سەر بەسوپا و پێنجیشیان لە ھێزی پێشمەرگە پێکھاتوون و ئەفسەرەکان لە پلەی لیوا ڕوکن بۆ خوارتر لەخۆ دەگرێت.
بە پێی بڕیارێکی حکومەتی عیراق چەند سەنتەرێکی ھەماھەنگی ھاوبەش لە ناوچە جێناکۆکەکان کراونەتەوە و یەکێک لەو سەنتەرانەش لە کەرکوکە و لە ڕۆژی ٢٠٢١/٥/٢٢-ەوە بە فەرمی کراوەتەوە.
کۆمسیۆنی پەنابەرانی سەر بە ڕێکخراوی نەتەوە یەکگرتووەکان سەبارەت بە ڕووداوی ئاگرکەوتنەوە لە کەمپی شاریا تایبەت بە ئاوارەکانی شەنگال لە دھۆک ڕاگەیەنراوێکی بڵاوکردەوە، و لە ڕاگەیەنراوەکەدا داوا دەکات ھاوکاری و کۆمەک بۆ دانیشتوانی کەمپەکە دابین بکرێت.
داواشی لە حکومەتی ھەرێمی کوردستان کردووە ڕێگری بکات لە دووبارەبوونەوەی ڕووداوی لەو شێوەیە، ھاوکات شەوی ڕابردووش حکومەتی عێراق بڕیاریدا بە قەرەبووکردنەوەی زیان لێکەوتووانی کەمپەکە.
نوسینگەی پارێزگاری دھۆک لە ڕاگەیەنراوێکدا ئاماژەی بۆ ئەوەکردووە، لەسەر داوای دانیشتوانی کەمپی شاریا "ھەکار محەمەد ئەمین" بەڕێوەبەری پێشوی لە پۆستەکەی دانراوەتەوە، ئەوەش لە کاتێکدایە ڕۆژی ھەینی ئاگرێکی گەورە لە کەمپی شاریا کەوتەوە، دانیشتوانەکەشی وەک کاردانەوەیک داوایان کرد بەڕێوەبەری کەمپەکە لەسەر کار لاببرێت و بەڕێوەبەری پێشوو دابنرێتەوە.
ھاوکات بەھۆی ئاگرەکەی کەمپی شاریا سەر بە پارێزگای دھۆک، ٣٠٠ چادری ئاوارەکان سوتان، چەند کەسێکیش گیانیان لە دەستداوە.
پەیامنێری کوردسات نیوز ڕایگەیاند، ھێزێکی پێشمەرگە بە چەکی قورس لە بناری چیای مەتینا لە سنوری ئامێدی جێگیرکراون، بە مەبەستی ئەوەی لە بەرزاییەکانی مەتینا بنکەی سەربازیی دابمەزرێنن، بەرەو چیاکە ڕۆیشتوون و لە ڕووداوێکدا پێنج پێشمەرگە شەھیدبوون و چەند پێشمەرگەیەکی تریش برینداربوون و بریندارەکان ڕەوانەی نەخۆشخانەی فریاکەوتنی دھۆک کراون.
وتیشی، ھەندێک زانیاری باس لەوە دەکەن ئەو پێشەمەرگانە بەھۆی بۆردومانی تورکیا شەھیدبوون و ھەندێک زانیاریی تریش ئاماژە بەوە دەکەن کە ھۆکاری شەھیدبوونی ئەو پێشمەرگانە تەقینەوەی بۆمب بووە.
ھاوکات ناوەندی ڕاگەیاندن و چاپەمەنیی ھێزەکانی پاراستنی گەل "ھەپەگە"ش ڕایگەیاندووە، ھێزێکی سوپای عێراق و پارتی دیموکراتی کوردستان ھەوڵی ئەوەیان داوە ھێرش بکەنە سەر کەمپێکی گەریلا، بەڵام ھێزەکانی ھەپەگە و یەژاستار بۆ ئەوەی ئەو ھێزانە زیاتر بەرەو پێش نەڕۆن گولـلەی ھۆشیارکردنەوەیان تەقاندووە.
لەلایەکی تریشەوە وەزارەتی پێشمەرگە لە ڕاگەیەنراوێکدا ئاماژەی بەوە کردووە، ھێزێکی پێشمەرگە لە کاتی ئەنجامدانی ئەرکێکی سەربازی لە چیای مەتینی قەزای ئامێدی، بە مەبەستی پاراستنی خەڵک و گوندەکانی ئەم ناوچەیە و گەڕاندنەوەی ئاسایش بۆ دەڤەرەکە، لەلایەن ھێزێکی (پ.ک.ک)ەوە بۆسەیەکیان بۆ دانراوە، لە ئەنجامدا پێنج پێشمەرگە شەھید بوون دوو پێشمەرگەی تریش برینداربوون.
ناوەندی ڕاگەیاندنی ھێزەکانی پاراستنی گەل (ھەپەگە) لە ڕاگەیەندراوێکدا ئاماژەی بەوەدا، کە ئەو ھێزانەی چوونەتە چیای مەتینا دەیانەوێت بچنە ناو مەیدانەکانی ھێزەکانیان و ئەوان لە بەرامبەر دەوڵەتی داگیرکەری تورک کە بە نیازە کوردستان داگیر بکات بەرخۆدان دەکەن.
داواشیان کرد کە ئەو ھێزانە لە پشتەوە خنجەریان لێنەدەن و خوێنی خۆشک و براکانیان نەڕێژن، بۆیەش داواکەیان ئاڕاستەی گەل و ھێزەکان دەکەن.