بڕیاریشە کۆبوونەوەی لێپرسراوی یەکەمی حزبە کوردستانییەکان لە بارەگای مەڵبەندی یەکێتی لە کەرکوک ئەنجام بدرێت.  

کۆبوونەوەکانی وەفدی باڵای یەکێتی نیشتیمانی کوردستان بە سەرۆکایەتی "بافڵ تاڵەبانی" لە "بەغداد" لەگەڵ لێپرسراوانی حکومی و حزبی و نوێنەرانی وڵاتان بەردەوامە، ئەمڕۆش لەگەڵ "فالح فەیاز" سەرۆکی دەستەی حەشدی شەعبی کۆدەبنەوە. 

لە سەردانەکەیدا جێگری سەرۆک وەزیران، چەند بەشێکی فڕۆکەخانەی بەسەرکردەوە، دواتر بە ئامادەبوونی وەزیری گواستنەوە و گەیاندن و بەڕێوەبەری گشتی فڕۆکەخانە، لەگەڵ بەڕێوەبەر و لێپرسراوانی سەرجەم بەڕێوەبەرایەتی و بەش و بنکەکانی ناو فڕۆکەخانە کۆبووەوە. 

لە کۆبوونەوەکەدا قوباد تاڵەبانی سوپاسی بەڕێوەبەری گشتی فڕۆکەخانە و ستافەکەی کرد، کە سەرەڕای قەیرانی دارایی و بارودۆخی کۆرۆنا، توانیویانە دڵسۆزانە برەو بە پێشکەوتنی فڕۆکەخانە بدەن. 

لە بەشێکی تری کۆبوونەوەکەدا جێگری سەرۆک وەزیران، پشتیوانی حکومەتی ھەرێمی بۆ فڕۆکەخانەی نێودەوڵەتی سلێمانی دەربڕی و داوای بەردەوامی لێکردن لە پێشکەوتن و خزمەتکردنی زیاتری گەشتیاران.

لە کۆبوونەوەیەکدا کە ژمارەیەک لە ئەندامانی مەکتەبی سیاسی و سەرکردایەتی و لێپرسراوی دەزگای ھەواڵگری پێشمەرگە ئامادەبوون، ھەڵسەنگاندن بۆ ھەلومەرجی سیاسی و ئەمنی ناوچەکە کرا و جەخت لە ھەماھەنگی و ھاریکاری ھاوبەش لە نێوان ھێزەکانی ھەرێم و عێراق کرایەوە بۆ ڕووبەڕووبوونەوەی پاشماوەکانی داعش و بەرقەراربوونی ئارامی و ئاسایشی زیاتر لە ناوچەکە.

بافڵ تاڵەبانی ئاماژەی بە جموجوڵەکانی تیرۆریستانی داعش کرد و ڕایگەیاند، داعش ھێشتا مەترسییەکی جدییە و دەبێت ھەموومان پێکەوە ھاوکار و ھەماھەنگ بین. ئەرکی نەتەوەیی و نیشتمانیی ئێمەیە کە ژیانێکی ئارام و سەقامگیر بۆ ھاووڵاتییانمان دابین بکەین. بۆیە دەستبەکاربوونی ژووری ھاوبەش لە نێوان ھێزی پێشمەرگە و ھێزە عێراقییەکان فاکتەری ئارامی زیاترە لە ھەرێمی کوردستان و عێراق.

لە درێژەی کۆبوونەوەکەدا ھاوسەرۆکی یەکێتی خوێندنەوەی بۆ ئەگەر و پێشھاتەکان کرد و وتی، دیالۆگ و لێکتێگەیشتن، ھەماھەنگی ئەمنی و سەربازی ھۆکارێکی گرنگە بۆ ئارامیی سیاسی و داوای کرد ژیان و گوزەرانی خەڵک کاری لەپێشینەی سەرجەم ھێز و لایەنەکان بێت و ھەموو ھەوڵەکان بەو ئاڕاستەیە بێت.

لە کۆبوونەوەکەدا کە لە سەرۆکایەتی شارەوانی سلێمانی بەڕێوەچوو، قوباد تاڵەبانی داوایکرد وەک ئەندامێکی فەخری ئەنجومەنەکە قبوڵی بکەن و ھەموو پشتیوانییەکی بۆ کارەکانیان دووپات کردەوە.

لە بەشێکیتری کۆبوونەوەکەدا قوباد تاڵەبانی داوای لە ئەندامانی ئەنجومەنی شارەوانی کرد دیدگای نوێ بخەنەڕوو بۆ پڕۆژەی ستراتیژی لە سلێمانی. ھەروەھا داوایکرد کار بکەن بۆ کەمکردنەوەی ڕۆتین و خێراترکردنی خزمەتگوزارییەکان.

جێگری سەرۆک وەزیران ئەوەشی ڕاگەیاند، بەم نزیکانە دەسەڵاتەکان شۆڕ دەکرێتەوە بۆ پارێزگا و ئیدارە سەربەخۆکان و بەڕێوبەرایەتییەکان و دەسەڵاتی زیاتریان دەبێت و پێویستە کەڵک لەم دەرفەتە وەربگیرێت بۆ پێشکەشکردنی خزمەتی زیاتر بە ھاوڵاتیان. 

لە کۆتایی کۆبوونەوەکەدا قوباد تاڵەبانی گوێی لە پێشنیار و بیروڕای ئەندامانی ئەنجومەنی شارەوانی سلێمانی گرت لە بارەی باشترکردنی ئەدای ئەنجومەنەکە.

لەدیدارێکدا کە بەشێک لە ئەندامانی مەکتەبی سیاسی و سەرکردایەتی ئامادەبوون، بەربەستەکانی بەردەم پرۆسەی سیاسی، ئابووری و ئەمنی لە ھەرێم و عێراق تاوتوێکران و بۆچوونیان لەبارەوە ئاڵوگۆڕکرا. ھەردوولا جەختیان لە بەھێزکردن و پتەوکردنی پەیوەندی نێوان ھەموو لایەن و نەتەوە و پێکھاتەکان کردەوە لەپێناو چارەسەری ریشەیی کێشەکانی نێوان ھەرێم و عێراق.

بافڵ تاڵەبانی بڕیار و ستراتیژی یەکێتی خستەڕوو و وتی، یەکێتی لەگەڵ زمانی دیالۆگ و لێکتێگەیشتن ھەیە و پێشوازی لە ھەر ھەوڵێکیش دەکات کە گیانی تەبایی و پێکەوەژیان زیندووبکاتەوە و بڕوای بە کاری ھاوبەش ھەبێت.

ھەڵبژاردنەکانی داھاتووی عێراق تەوەرێکی تری کۆبوونەکەوە بوو و وەفدی یەکێتی ھەڵوێستی یەکێتییان خستەڕوو و رایانگەیاند، یەکێتی لەگەڵ بەڕێوەچوونی ھەڵبژاردنە لە وادەی خۆی و ئەمەشمان بە ھەموو لایەنەکان راگەیاندووە. پێویستە ھەڵبژاردنێکی پاک و بێگەرد بەچاودێری کۆمەڵگای نێودەوڵەتی بەڕێوەبچێت و دووربێت لە ھەموو دەستتێوەردانێک.

لە کۆبوونەوەکەدا کە ژمارەیەک لە ئەندامانی مەکتەبی سیاسی و سەرکردایەتیی یەکێتیی ئامادەیبوون، پێشھات و گۆڕانکارییەکانی ھەرێمی کوردستان و عێراق و ھەنگاوەکانی یەکخستنی ھێزی پێشمەرگە و دۆخی ئەمنی تاوتوێکران.
لاھور شێخ جەنگی ئاماژەی بە بڕیار و سیاسەتی نوێی و بەھێزی پێگەی یەکێتیی کرد و ڕایگەیاند؛ یەکێتیی دوای کۆنگرەی نوێبوونەوە لە سەر ئاستی ھەرێم و بەغداد ھەنگاوی گەورەی ناوە و بە شێوەیەکی واقیعی و حەکیمانە مامەڵەی لەگەڵ پرسەکاندا کردووە بە تایبەت لە مەسەلەی کێشەکانی نێوان حکومەتی ھەرێم و حکومەتی فیدراڵی ، بۆ ئەو مەبەستەش لە بەغدا چەندین کۆبوونەوەی گرنگ و بەرھەمدارمان لەگەڵ ھێز و لایەنە سیاسییەکانی عێراق و لایەنی حکومی ئەنجامدا 
لاھور شێخ جەنگی باسی لە دۆخی ئەمنیی ھەرێمی کوردستان کرد و جەختیکردەوە؛ دژی ھەموو شەڕێکی براکوژیین، سەرکۆنەی ھەموو لایەنێکیش دەکەین کە بیەوێت ئارامی و سەقامگیریی کوردستان بخاتە مەترسییەوە
ھەروەک ئاماژەی بە پڕۆسەی چاکسازیی و یەکخستنەوەی ھێزی پێشمەرگە و بوونی یەک ھێزی نیشتمانی پڕچەک و مەشقپێکراو کرد

"بەشدار حەسەن" ئەندامی تیمی پارێزەرانی  بە کوردسات نیوزی راگەیاند، بڕیار بوو دانیشتنی دادگا بۆ مامۆستا بەدەل بەرواری و رۆژنامەنووس ئومێد بەرۆشکی لە رۆژی ١٧ی ئابی ٢٠٢١ بەڕێوەبچێت، بەڵام لەسەر داوای تیمی پارێزەران پێشخراوە بۆ ٢٩ی تەمموزی ٢٠٢١.

وتیشی، ئەو ماددەیەی مامۆستا بەدەل و ئومێد بەرۆشکی پێ تۆمەتبارکراوە، ماددەی ١ لە یاسای ژمارە ١ی ساڵی ٢٠٠٣ی پەرلەمانی کوردستانە و تایبەتە بە سیخوڕی، ئەوەش ھەمان ئەو ماددەیە کە پێنج رۆژنامەنوس و چالاکوانەکەی تری بادینانی پێ سزادرا. لەبارەی دۆسیەی ئەو پێنج رۆژنامەنوس و چالاکوانەکەی کە سزای ٦ ساڵ زیندانی دران، "بەشدار حەسەن" ئاشکرایکرد، بە مەبەستی پێداچوونەوە رۆژی پێنج شەممەی رابردوو جارێکی تر دۆسیەکەیان ئاڕاستەی دادگای پێداچوونەوەی ھەرێم کراوەتەوە و چاوەڕوانی دوا بڕیاری دادگان.

بافڵ تاڵەبانی لەبارەی کێشەکانی ئەمڕۆی ھەرێم و عێراق و قوڵبوونەوەی ناکۆکییەکان پێشنیاری دیالۆگی نیشتمانی لەنێوان ھەموو ھێزەکان کرد بۆ گەیشتن بەڕێککەوتن و لێکتێگەیشتن و رایگەیاند، دەبێت چیتر بە لۆژیکی زۆرینە و کەمینە مامەڵە لەگەڵ یەکتر نەکرێت و ئەم لۆژیکە نەبێتە پێوەر بۆ تێپەڕاندنی یاساکان چونکە ئەمە دۆخەکە ئاڵۆزتر دەکات. پێویستە ھەموومان باوەڕمان بە داڕشتنی سیاسەتێکی نوێ ھەبێت بۆ بەڕێوەبردنی عێراق و دەستوور بنەمای پەیوەندییەکان بێت و ھیچ نەتەوە و پێکھاتەیەک پشتگوێ نەخرێت.

 ھەر لە لەکۆبوونەوەکەدا وێڕای بیروڕا ئاڵوگۆڕکردن لەسەر پەرەسەندنە سیاسییەکان، پرسی کاری ئەنجومەنی نوێنەران، یاسادانان و چاودێریکردنی دەسەڵاتەکان و پارێزگاری لەمافی گشتی و نەتەوە و پێکھاتەکان لەڕێگای شەرعییەتی پەرلەمانییەوە گفتوگۆی لەبارەوە کرا و جەخت لە تێگەیشتن و پەنابردن بۆ زمانی گفتوگۆ کرایەوە بۆ رووبەڕووبوونەوەی کێشەکان و چارەسەرکردنیان.

لەبەشێکی تری کۆبوونەوەکەدا جەخت لە ئەنجامدانی زەمینەی لەبار بۆ ئەنجامدانی ھەڵبژاردنێکی پاک و بێگەرد و دابینکردنی ئاسایشی ھەڵبژاردن کرایەوە بەشێوەیەک کە مافی ھەموولایەک پارێزراوبێت.

لەبارەی شەھیدبوونی پێشمەرگەیەک لە ناوچەی "شەرانش" لە ناحیەی دەرکاری سەربە قەزای زاخۆ ھەپەگە رایگەیاند، ئەو ڕووداوە ھیچ پەیوەندییەکی بە ھێزەکانی گەریلاوە نییە، دەشڵێت، سوپای تورکیا بە ھەڕەمەکی گوندەکانی ھەرێمی کوردستان دەکاتە ئامانج.

پێشتر "ئەدیب سندی" بەڕێوەبەری ناحیەی دەرکار بە کوردسات نیوزی راگەیاند، سەعات حەوتی  ئەمرۆ لە بەرزاییەکانی کێرە لە زنجیرە شاخەکانی خامتیر، بە قەناس تەقەیان لێکراوە و بەھۆیەوە پێشمەرگەیەک شەھید بووە. وتیشی، ئەو ھێرشە پەکەکە کردویەتی. بەپێی زانیارییەکان، چەند خاڵێکی سەربازیی تورکیا لە بەرزاییەکانی شاخی خامتیر ھەن کە زۆر نزیکن لەو خاڵەی ھێزەکانی پێشمەرگە.

بەڕێوەبەرایەتی کۆنترۆڵی جۆری دەرمان لە وەزارەتی تەندروستی ھەرێم رایگەیاند، لە بەردەوامی پشکنین و بەدواداچوونەکان لە شاری ھەولێر نۆ کۆمپانیای دەرمان بە ھۆکاری سەرپێچی جۆراوجۆر و پابەندنەبوون بە رێنمایی و مەرجەکانی کوالێتی کۆنترۆڵی دەرمان داخران.

ھۆشداریش دەدات بە سەرجەم کۆمپانیاکانی دەرمان کە پابەندی رێنماییەکان بن، بە پێچەوانەوە سەرپێچیکاران رووبەڕووی سزای یاسایی توند دەکرێنەوە. لە ماوەی رابردوودا خراپی چەند جۆرێکی دەرمان و نزمی کوالێتییان لە بازاڕەکانی ھەرێمی کوردستان، ناڕەزایی ھاووڵاتیانی لێکەوتەوە و چەند جارێکیش لیژنەکانی چاودێری بازاڕ دەستیان بەسەر بڕێکی زۆر دەرمانی قاچاخ و بێ ستیکەردا گرتووە.

دەقی رونکردنەوەکە...
رونکردنەوەیەک بۆ رای گشتی و جوتیارانی خۆشەویست 
بۆ بەرچاوڕونی گشت لایەک وەزارەتی کشتوکاڵ و سەرچاوەکانی ئاوی ھەرێم چۆنیەتی وەرگرتنی گەنمی جوتیاران ڕووندەکاتەوە دوابەدوای بریاری وەرگرتن و کرینەوەی گەنم بەپێی فەرمانی وەزاری ژمارە (٣٧٥٠ ) ٦-٦-٢٠٢١
١.لە کاتی فرۆشتنەوەی گەنم بەم کۆمپانیایانە جوتیار پێویستی بە کڕینەوەی پسولەی سایلۆکان نابێت کە نرخەکەی سالی پار لە نێوان (٨٠،٠٠٠—١٠٠،٠٠٠)

٢.پارەی کرینەوەی گەنم یەکسەر دەدرێت و دوا ناخرێت.
بەپێچەوانەی وەزارەتی بازرگانی عێراق کە جاری واھەیە چەندین مانگ و زیاتر لە سالێک دەخایەنێت.
٣.گەنم بە پێی مواسافاتی وەزارەتی بازرگانی عێراقی دەبێت.

٤.لێبرین لە عێراق ٪٣ بەلام لە کۆمپانیا تەنھا ٪٢ دەبێت.

٥.وەزیری کشتوکاڵی عێراق پرۆژەکەی زۆر بەلاوە گرنگ بوە و گەرەکیەتی ئەم پرۆژە لە ناوچەکانی تری عێراق بکرێت.وە داوای لە کۆمپانیاکان کردووە کە بۆ وەرگرتنەوەی گەنمی جوتیاران میکانیزمێک دابنێن .

 ٦.ئەم نرخە لە بەرژەوەندی بەکاربەرو جوتیارە چونکە ئەم پرۆژەیە یٔاردی سفر  و ساوار و بروش .... بەرھەم دێنێت و دەبێتە ھۆی کەم بونەوەی ھاوردە زیاتر پشت بەستن بە بەرھەمی ناوخۆ رکابەری بەرھەمی دەورو بەر دەکرێت.

٧.لە بۆرسەی جیھانی نرخی گەنم لە نێوان ٣٠٠$ — ٣٠٥$ باشترین کوالیتی لە رێژەی پرۆتین وگلۆتین کە زۆر باشترە لە کوالیتی گەنمی ناوخۆ نرخی گەنمی ناوخۆ بە ٣٣٠$

٨.پێویستە گەنمی ناوخۆ بگاتە یٔاستێک بتوانێ رکابەری گەنمی ھاوردە بکات.

٩. جوتیار دەتوانێت قەرزەکان زووتر بداتەوە لە بنەتۆ و قرکەر و پەین کیماوی لە پارەی ساغکردنەوەی بەرھەمەکە.

١٠. لە وەزارەتی بازرگانی حکومەتی فیدرالی عێراق رێژەی وەرگرتن لە نێوان ١٠٪ بۆ ١٢٪ تێپەرناکات لە کاتێک دا یٔەو کۆمپانیایانە ھەموو گەنمی بەرھەم ھاتوو لە جوتیاران وەردەگرنەوە.

١١. رێژەی قازانجی کۆمپانیا لە ١٠٪ تێناپەرێت دوای بەرھەم ھێنانی ھەموو بەرھەمەکان لەبەر بەرژەوەندی گشتی دانیشتوان و جوتیاران بۆ یٔەوەی بە ھیچ شێوەیەک خەلک زەرەرمەند نەبێت.

١٢. جوتیار پێویستی بە چاوەروانی زۆر نیە و لە چەند شوێنێک دەتوانێت گەنم تسلیم بکات واتە سڕەی پێویست نیە و وە ئەمە دەبێتە ھۆی ئەمەی کە کرێی کەمتر بێتە سەر بارھەلگرەکان بە بەراورد بەساڵانی پێشوو .

١٣. ھەموو باری گەنمەکە یٔەژمار دەکرێت  واتە سەرجەم بارەکە تەسلیمی سایلۆکە دەکرێت .

١٤.ئەم بریارە لە پێناوی بەرژەوەندی گشتی جوتیاران و ساغکردنەوەی بەرھەمی ناوەخۆ دراوە ، ھەروەھا ئەم بەرھەمانە نزیکەی شەش ملیۆن کەس لە دانیشتوانی ھەرێمی کوردستان بەکاری دەھێنن .

راگەیاندنی وەزارەتی کشتوکاڵ و سەرچاوەکانی ئاو