کوردستان
ھەرچەندە تا ئێستا بە پێی پشکنین ھیچ ھاووڵاتیەک دەرنەچووە پەتای کۆلێرای ھەبێت بەڵام بەپێی نیشانەکان گومان دەکەن ئەو پەتایە پەتای کۆلێرا بێت.
بەڕێوەبەری گشتی تەندروستی سلێمانی راشیگەیاند، ئامادەکارییان بۆ پەتای کۆلێرا کردووەو داوا لە ھاووڵاتیان دەکەنپابەندی رێنماییە تەندروستییەكان بن.
لە دیدارەکەدا بیروڕا لەبارەی دۆخی گشتیی عیراق و یەکخستنی ھەوڵەکان بۆ پێکھێنانی حکومەتی نوێ ئاڵوگۆڕکرا و جەخت لە چارەسەرکردنی کێشەکان و چڕکردنەوەی ھەوڵەکان کرایەوە بۆ زاڵبوون بەسەر ئاستەنگەکان و گەیشتن بە رێککەوتنێکی نیشتمانی لەسەر بنەمای ھاوبەشیی راستەقینە کە چوارچێوەکەی دەستوور و بەرژەوەندی گشتی بێت.
ھەر لە دیدارەکەدا بانگھێشتی ھەموو ھێز و لایەنە سیاسییەکان کرا بۆ کۆبوونەوەیەکی نیشتمانی و چارەسەرکردنی کێشەکان لەسەر مێزی گفتوگۆ و گەیشتن بەڕێککەوتنێک بۆ دەربازکردنی عیراق لەو دۆخە سیاسییەی تێیکەوتووە و حکومەتێک دروستبکرێت کە عیراق بەرەو سەقامگیری سیاسی، کۆمەڵایەتی و ئابووری ببات.
بافڵ جەلال تاڵەبانی، سەرۆکی یەکێتیی نیشتمانیی کوردستان پەرۆشی و سوربوونی یەکێتی بۆ رێککەوتن و چارەسەرکردنی کێشەکان دووپاتکردەوە و و رایگەیاند، ھەموومان لەبەردەم دۆخێکی چارەنووسسازداین و پێویستە بڕیارەکانیان لە خزمەت گەل و وڵاتدا بێت. گیانی تەبایی و پێکەوەیی قوڵتر بکەنەوە و ھەمووان پێکەوە ھەنگاو بۆ داھاتوویەکی گەش بنێین.
ئاری ئەحمەد، بەڕێوەبەری گشتیی ئاو و ئاوەڕۆ لە وەزارەتی شارەوانی و گەشتوگوزار ڕایگەیاند، بە بودجەی ٦ ملیۆن و ٧٠٠ ھەزار دۆلار دوو پڕۆژەی ئاو لە سلێمانی و ھەڵەبجە جێبەجێ دەکرێن کە بەشێکی زۆری کێشەی ئاو لەو دوو شارەدا چارەسەر دەکەن.
وتیشی، ئێستا بەشێکی پڕۆژەکان کەوتوونەتە بواری کارکردنەوە، پڕۆژەکەی سلێمانی لە قۆناغی تاقیکردنەوەدایە و کۆتایی ئەم مانگەش ھەردوو پڕۆژەکە بە ڕەسمی دەکرێنەوە.
بە پێی لێدوانی بەڕێوەبەری گشتیی ئاو و ئاوەڕۆ، پڕۆژەکەی سلێمانی بریتییە لە ڕاکێشانی بۆریی ٦٠٠ ملم لە نێوان تاسڵوجە تا خەزانی سەرەکیی ئاو لە سەنتەری شاری سلێمانی لە نزیک سەرچنار و پڕۆژەکەی ھەڵەبجەش بریتییە لە گۆڕینی تۆڕی ئاوی دوو گەڕەک و چارەسەرکردنی ئاوەڕۆی چەند شوێنێکی سەنتەری شارەکە.
لەدوای کۆبوونەوە لەگەڵ وەزارەتی کاروکاروباری کۆمەڵایەتی و نووسینگەی ئابوری سەرۆکی حکومەت، قوباد تاڵەبانی رایگەیاند، "بڕیاردرا کۆبوونەوەکانمان بۆ ھەفتەی داھاتوو بەردەوام بێت تاکو دڵنیا بین یاساکە بەشێوەیەک ھەموار بکرێت لەگەڵ بارودۆخی ئابوری و کۆمەڵایەتی ئەمڕۆی کوردستان گونجاو بێت."
وتیشێ، لە ھەمواری یاسای خانەنشینیدا، کارمەندانی کەرتی تایبەت ھاوشێوەی کەرتی گشتی خانەنشین دەکرێن، بەم کارە گەشەی زیاتر بە کەرتی تایبەت دەدەین و ھەلی کاری زیاتر دەرەخسێنین.
لە رونکردنەوەیەکدا ئەنجومەنی دادوەری ھەرێمی کوردستان دەڵێت، دوای تەواوبوونی لێکۆڵینەوە، ئەنجامەکان بۆ رای گشتی رادەگەیەنین.
دەشڵێت، نیگەرانن لە روداوی هێرشکردنە سەر چەند ئافرەتێک لەلایەن هێزە ئەمنییەکان.
دەقی رونکردنەوەکە:
لە رۆژی ١٣/٦/٢٠٢٢ لەناو دادگای سلێمانی رووداوێکی ھێرشکردنە سەر چەند ئافرەتێک لەلایەن ھێزە ئەمنیەکان روویدا، وێڕای دەربڕینی نیگەرانی خۆمان سەبارەت بەو رووداوە ناخۆش و نەخوازراوە، بڕیارماندا بە پێکھێنانی لێژنەیەک بۆ لێکۆڵینەوە لە چۆنیەتی دروستبوونی رووداوەکە و دەرکەوتنی راستیەکان و دوای تەواوبوونی لێکۆڵینەوە، ئەنجامەکان بۆ رای گشتی رادەگەیەنین.
ئەنجومەنی دادوەری ھەرێمی کوردستان
لەو بارەیەوە دڵسۆز زەنگەنە، چالاکوانی مافەکانی ژنان بە کوردسات نیوزی ڕاگەیاند، ئەو ڕووداوە لێدانە لە شکۆی ھەموو ھاوڵاتیان نەک ژنێک بە تەنھا.
دلاوەر قوباد، سەرپەرشتیاری ئیدارەی ڕاپەڕین بە وەکالەت بە کوردسات نیوزی ڕاگەیاند، ھێشتا بەشێک لە بەڕێوەبەرایەتییە گشتییەکانیان لە پارێزگای سلێمانی دانەبڕاون، بەڵام چاوەڕوان دەکەن ئەمساڵ بەڕێوەبەرایەتییەکانی کارەبا و ڕێگەوبان و ڕۆشنبیری بکرێنەوە، کە کارئاسانی بۆ کاروبار و مامەڵەی ھاوڵاتیان دەکەن.
بەڕێوەبەری ڕاگەیاندنی پۆلیسی دارستانی سلێمانی ئاماژەی بۆ ئەوەشکرد لە ماوەی ٣ مانگی ڕابردوودا کە ڕاوەماسی قەدەغە بووە، ھەوڵەکانیان چرکردووەتەوە و توانیوویانە دەست بگرن بەسەر ٤٣١ تۆڕ و ١٦ بەلەم و چەندین کەرەستەی تری ڕاوەماسی و سەدان ماسیش لە تۆڕەکان ڕزگارکراون و گەڕێندراونەتەوە بۆ دەریاچەکان.
ئەمین بابە شێخ وتەبێژی یەکێتی نیشتیمانی کوردستان ڕایگەیاند، یەکێتی ھەمیشە لە قۆناغە جیاجیاکاندا پەیوەندیەکی باش و پتەوی ھەبووە لەگەڵ پارتەکانی ڕۆژئاوا و ڕۆڵی نیشتیمانی و سیاسی و مەدەنییانەیان ھەبووە پێکەوە لە چارەسەکردنی کێشەکان ھەر بۆ ئەو مەبەستە و زیاتر بەھێزکردنی پەیوەندیەکان لە یادی دامەزراندنی پارتی پێشکەوتووخوازی کوردی سوریا چەپکە گوڵی پیرۆزباییان پێشکەشکردن.
لە کۆبوونەوەکەدا، بافڵ جەلال تاڵەبانی سەرۆکی یەکێتیی نیشتمانیی کوردستان، جەختی لە یەکخستنی ھەوڵەکان بۆ پێکھێنانی حکومەتێکی نیشتمانیی خزمەتگوزار کردەوە، کە ببێتە ھۆی سەقامگیری زیاتر لە وڵات و ھەنگاو و ئاڕاستە سیاسییەکانیش لە چوارچێوەی بەرژەوەندی گشتی و بنەما دەستوورییەکان بنرێن.
سەرۆک بافڵ جەلال تاڵەبانی راشیگەیاند، پێویستە ھەوڵبدرێت سەرجەم ھێز و لایەنە سیاسییەکان بەشداربن لە حکومەتی نوێی عێراق و جیاوازییەکان بخەنە خزمەت ھێنانەدی ئامانجە باڵاکان، چونکە ئەگەر بیانەوێت وڵاتێکی ئارام و ئاوەدان و پێشکەوتوو بونیاد بنێن، پێویستە ھەمووان پێکەوە شان بدەنە بەر راپەڕاندنی ئەرکە چارەنووسساز و نیشتمانییەکان، ئەوەش ئەو سیاسەتە دروست و حەکیمانەیەیە کە یەکێتی کار بۆ بەدیھێنانی دەکات.
چوارچێوەی ھەماھەنگی داوای لە ھەموو ھێزەکاریگەرەکانی گۆڕەپانی سیاسی کرد بەشداری گفتوگۆکان بکەن، ئامادەیی خۆیشی بۆ دەستپێکردنی گفتوگۆ لەگەڵ ھەموو لایەنەکان دەربڕی، لە سۆنگەی باوەڕبوونی کە دەبێت حکومەتی داھاتوو حکومەتێکی بەھێز و بە توانا بێت و خزمەتگوزاری پێشکەش بکات.
ئەمین بابە شێخ لە لێدوانێكدا بۆ كوردسات نیوز رایگەیاند، یەكێتی هەمیشە دەستپێشخەری دەكات بۆ چارەسەركردنی كێشەكان و سەردانیكردنی لایەنە سیاسیەكانی هەرێم لەپێناو بەرژەوەندی گشتیدا، وتیشی، یەكێتی بەردەوام دەبێت لە سەردانیكردنی لایەنە سیاسیەكانی هەرێم و عێراق چونكە ئەوە بەشێكە لەپرەنسیپی یەكێتی كە هەمیشە دەستپێشخەرە و لەهەر قۆناخ و كاتێكدا بێت، لەپێناو بەرژەوەندی گشتی و چارەسەركردنی كێشەكان كاردەكات.
بەڕێوەبەرایەتی تەندروستی سلێمانی لەراگەیەنراوێکدا ئاماژەی بەوەشکردوە، بە ئامانجی پێشوازیکردن لە نەخۆش و چارەسەرکردنیان بەڕێوبەرایەتی گشتی تەندروستی سلێمانی لەسەر ڕاسپاردەی (د.سەباح نەسرەدین ئەحمەد، بەڕێوبەری گشتی تەندروستی سلێمانی) دوایی چەندین کۆبونەوەو گفتوگۆ لەگەڵ بەڕێوەبەری نەخۆشخانەکان و لیژنەی زانستی بەڕێوەبەرایەتی، بە پێویست زانرا نەخۆشخانەی د.شەھید ھێمن ناسراو بە جمورییەکە بەڕوی ھاوڵاتیانی شاری سلێمانی بکاتەوە بۆ بونی ھەر کەیس و حاڵەتێکی سکچون و ڕشانەوە کە پێویست بە داخڵبون بکات.
ئەوەش ھاتوە، ئامانج لەو ھەنگاوەش بۆ ئەوەیە تا بتوانرێت ئەو فشارە زۆرە و سەردانیکردنەی ھەیە کەم بێتەوە لەسەر نەخۆشخانەکانی شار، د.جەمال ئەحمەد ڕەشیدی منداڵان و ناوەندە تەندروستییەکانی دیکە کە بەڕوی ھاوڵاتیاندا کراونەتەوە، بۆیە لە سبەی چوارشەممەوە ھاوڵاتیان دەتوانن سەردانی نەخۆشخانەی شەھید د.ھێمن بکەن.
لەگەڵ گۆڕینی کەش و ھەواو بەرزی پلەکانی گەرما ڕێژەیەکی زۆری حاڵەتی سکچون و ڕشانەوە لە نێو گەورە ساڵان و منداڵاندا بڵاوبوەتەوە پزیشکان و پسپۆڕانی تەندروستیش ڕێنمایی خۆپارێزی دەدەن بە ھاوڵاتیان بە ڕەچاوکردنی چەند ڕێنماییەک:
١ -بەکارنەھێنانی ئەو بەروبومانەی بەئاوی پیس ئاو دەدرێن
٢- شوشتنەوەی سەوزەو میوەبەباشی بەماددەی پەرمەنگەناتی پۆتاسیۆم
٣- بەکارنەھێنانی ئەوخواردن و خواردنەوانەی دڵنیانیت لەپاکو خاوێنی
٤- دڵنیابون لەسەرچاوەی ئاوی خواردنەوەو پاکڕاگرتنی
٥- شوشتنی دەستەکان بەباشی بە ئاوسابون دوای دەست لێدان لەو کەرەستانەی دڵنیانیت لە پاکیان
ئاسۆ مامەند، وارسی شەھیدانی سنوری کەرکوکی بەسەر کردەوە. لەو چوارچێوەیەدا دوا نیوەڕۆی ئەمڕۆ، ژمارەیەک وارسی شەھیدانی یەکێتی بەسەرکرانەوە و قەڵغانی وەفای یەکێتی بەخشرایە کەسوکار و وارسی شەھیدان.
ھەروەھا ئاسۆ مامەند ڕایگەیاند، ئەم بەسەرکردنەوانەمان درێژەی دەبێت و تەواوی ماڵی شەھیدانی یەکێتی بەسەر دەکرێنەوە لەتەواوی ھەرێمی کوردستاندا.
لە راگەیەندراوێکدا، بەڕێوەبەرایەتی گشتی وەبەرھێنانی سلێمانی دەڵێت دەرچوانی (یاسایی، ئەندازیاری شارستانی، ئەندازیاری تەلارسازی، ئەندازیاری میکانیک، ئەندازیاری کارەبا، ئابوری، ئامار و ژمێریاری، ڕووپێو، کارگێڕی و تایب، دەرچوی ئامادەیی، دەرچوی سەرەتایی و ناوەندی) دەتوانن فۆرم بە مەبەستی دامەزراندن پڕ بکەنەوە.
بۆ پڕکردنەوەی فۆڕم بەشێوەی ئۆنلاین کلیک لێرە بکە
مەکتەبی سیاسی یەکێتیی نیشتیمانی کوردستان لە پەیامێکدا رایگەیاند، پارتی دیموکراتی پێشکەوتنخوازی کورد لە سوریا، حزبێکی دێرین ولەمێژینەی رۆژئاوای کوردستانە، یەکەم پارتی سیاسی نەتەوەیی کوردییە لەرۆژئاوای کوردستان دامەزراوە و بەھەوڵ وتێکۆشان و قوربانیی خەباتی دەیان سەرکردە و ھاوڵاتی بەردەوامی پێدراوە، لەدیرۆکی ئەو بەشەی کوردستان جێدەستتان دیارە و شانازی زۆرتان بەردەکەوێت.
دەشڵێت، "ھەر لەم یادە پرشکۆیە سڵاو دەنێرین بۆ رۆحی مامۆستا حەمید دەروێش کە دێرینترین سیاسەتمەداری رۆژئاوای کوردستانە و ھاورێ و دۆستی دێرینی سەرۆک و رابەری کۆچکردوو مام جەلال بوو کە لە چەندین قۆناغ و وێستگەی ژیانیاندا پێکەوە خەباتیان بۆ مافە رەواکانی گەلەکەمان کردوە و خەباتی نەتەوەییان لەم دوو پارچەیە کوردستان گرێداوە."
راشیگەیاند، " تەکید لە یەکریزی و پێکەوەیی ھەموو لایەنە سیاسیەکان دەکەینەوە لە رۆژئاوای کوردستانـ ، ئەمە بە گرەنتی پاراستنی دەستکەوتەکان و مافی رەوای گەلەکەمان دەبینین، بۆیە ھانی ھەموو لایەن و ھێزە سیاسیەکان دەدەین بەرژەوەندییە باڵاکانی نەتەوەکەمان لە پێشەوەی ھەموو بەرژەوەندییەکان ببین و ناکۆکیەکانیان بەلاوەبنێن و یەکدەست و یەک ھەڵوێست بەرەنگاری ھەموو ئالنگارییەکان ببنەوە."