قوباد تاڵەبانی جێگری سەرۆک وەزیرانی ھەرێمی کوردستان لەگەڵ ژمارەیەک لە پسپۆڕان و کەسانی ئاکادیمی لە بواری ژینگە کۆبووەوە و رایگەیاند، لەم سەردەمەدا ھیچ حکومڕانییەک باش نییە ئەگەر پاراستنی ژینگە ئەولەوییەتی ستراتیژی نەبێت، ھیچ کۆمەڵگایەکیش کۆمەڵگایەکی زیندووی ھۆشیاری بەرپرسیار نییە کە بەرامبەر بە ژینگەکەی ھەستیار نەبێت.

وتیشی، لە کۆبوونەوەکەدا پلانەکانی چۆنییەتی بەرەنگاربوونەوەی مەترسییە ژینگەییەکانیان تاوتوێکردوە و لە داھاتووشدا کۆبوونەوەی فراوانتریش لەسەر ئاستی پسپۆڕانی ھەرێم و عێراق دەکەن بۆئەوەی بە ھەوڵی ھەمەلایەنە بتوانن پرسی ژینگە بکەنەوە ئەولەوییەتی ستراتیژی لە سیاسەتی عێراق و ھەرێمی کوردستان و ھەر لەو چوارچێوەیەشدا رۆژی دوو شەممە کۆبوونەوەیەکی فراوانتر دەکەن بە بەشداری وەزارەت و لایەنە پەیوەندیدارەکانی حکومەتی ھەرێم و سەرجەم کونسوڵ و نێردە دیپلۆماسییەکان لە ھەرێم بۆئەوەی بە ھاوکاری نێودەوڵەتی و وڵاتانی دۆست پێکەوە پلانێکی تۆکمەی گشتگیر ئامادە بکەن.

رێکخراوی ھەنگاو بۆ مافەکانی مرۆڤ لە راگەیەندراوێکدا بڵاویکردەوە، ئەحمەد رەزا حائێری، کە خەڵکی شاری ئیلامی رۆژھەڵاتی کوردستانە و لەئێستادا بەندکراوە لە زیندانی ئێڤیندایە، لەسەر سکاڵای ڕێکخراوی زیندانەکانی تاران دۆسییەکی نوێ لەدژی کراوەتەوە و بە تۆمەتی (پڕوپاگەندە و بڵاوکردنەوەی درۆ) لە دادگاییەکدا لە دادگای تاوانەکانی تاران بەبێ ئامادەبوونی خۆی، سزای ٣ مانگ و ١ ڕۆژ بەندکردنی دیکەی بەسەردا سەپێندراوە.

ئاماژەی بەوەشکردووە، پێشتر ئەو بەندکراوە سیاسییە کوردە، لەلایەن دادگای شۆڕشی تاران بە تۆمەتی (پێکھێنانی گروپ و باند بە مەبەستی ھەوڵی تێکدانی ئاسایشی نیشتمانی) سزای ٣ ساڵ و ٨ مانگ بەندکردنی بەسەردا سەپاوە.

رێکخراوی ھەنگاو ئەوەشی خستووەتەڕوو، ئەحمەد رەزا حائێری لەماوەی چەند ساڵی رابردوودا دووجار دەستگیرکراوە و ماوەیەک لە زینداندابووە.

 

دەقی پەیامەکەی قوباد تاڵەبانی:

بەڕێز لیوا/ پیرداود حەسەن بندیان 
بەڕێز پارێزەر/ کارەسول حەسەن بندیان

خێزان و خانەوادەی کۆچکردوو ئەحمەد حەسەن بندیان

بەبیستنی ھەواڵی کۆچی دوایی (ئەحمەد حەسەن بندیان)ی براتان، نیگەران و دڵگران بووم. 

پرسەو سەرەخۆشی لەخۆتان و خانەوادە نیشتمانپەروەرەکەتان دەکەم و ھاوبەشی غەمتانم، خوای گەورە لەکۆچکردوو خۆش بێت، سەبوری و دڵنەواییش بەھەموو لایەک ببەخشێت. 

انا للە و انا الیە راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

 

مەریوان وەلی برای گەنجە خنکاوەکە بە کوردسات نیوزی ڕاگەیاند، ئەمڕۆش تیمەکان و خەڵکی خۆبەخش بەردەوام بوون لە گەڕان بە دوای تەرمی براکەیدا، بەڵام تائێستا نەیانتوانیوە بیدۆزنەوە.

ھاوکات عەقید مازن غەریب بەڕێوەبەری پۆلیسی فریاکەوتنی کەرکوک بە کوردسات نیوزی راگەیاند، وێڕای ئەوەی چەند تیمێکی مەلەوانی و تیمی غەواسیان ناردووە بۆ شوێنەکە و ئەمڕۆش لە سەعات ٩ی بەیانیەوە ئاوی بەنداوی دوبز کەمکراوەتەوە، بەڵام نەتواندراوە تەرمەکە بدۆزرێتەوە.

بە وتەی کەسوکارەکەی، ئەو گەنجە خنکاوە کارمەندی کۆمپانیای نەوتی باکور بووە و رۆژی دووشەممە بۆ مەلەکردن لەگەڵ دوو ھاوڕێی چووەتە بەنداوی دوبز لە پارێزگای کەرکوک، بەڵام کوڕەکەی ئەوان نەگەڕاوەتەوە.

بەگوێرەی زانیارییەکانی پەیامنێری کوردسات نیوز لە رۆژئاوای کوردستان، لە ماوەی شەش مانگدا، زیاتر لە ٣٠ جار سوپای تورکیا بۆردومانی ناوچەکانی رۆژئاوای کوردستانی کردووە و بەوھۆیەشەوە ٤٤ کەس گیانیان لەدەستداوە و  ٢٧ی دیکەش برینداربوون.

ھەر بە گوێرەی زانیارییەکان، سوپای تورکیا لە بۆردومانەکاندا ١٣ جار شاری حەلەب و چوار جار شاری  حەسەکە و یەک جار شاری رەقە و شەش جار شاری  قامیشلۆی بە ئامانج گرتووەتەوە، ھەروەھا چوار جار کۆبانێ و چوار جار مەنبەج و ھەریەک لە شارەکانی دێریک و عەین عیسای بۆردومانکردووە.

بەپێی نوسراوێک کە جێگری پارێزگاری ھەڵەبجە لە ھەژماری خۆی لە فەیسبوک بڵاویکردووەتەوە و ئیمزای ئیسحاق جیھانگیری جێگری سەرۆک کۆماری ئێرانی لەسەرە، کۆماری ئیسلامی ئێران لە ١٠ی ئابی ٢٠١٩ەوە رەزامەندی داوە لەسەر ھاتووچۆی گەشتیاران لە مەرزی تەوێڵە و پشتە و کێلی.

رۆژی ١٨ی ئەم مانگەش قوباد تاڵەبانی جێگری سەرۆکی حکومەتی ھەرێم مەرزەکەی بەسەرکردەوە و رایگەیاند، لە داھاتوویەکی نزیکدا مەرزەکە بەرەسمی بە ڕووی ھاتووچۆی گەشتیاراندا دەکرێتەوە، ئەوەش کاریگەری دەبێت لەسەر بووژانەوەی ئابوری ھەڵەبجە و ھەورامان. 

جەختیشیکردەوە، لەداھاتوویەکی نزیکدا گەشتیاران دەتوانن بەرەسمی بە ئۆتۆمبێلی خۆیان لەنێوان ھەرێم و ئێران ھاتووچۆ بکەن کە ئەوەش ھاوکار دەبێت بۆ بوژانەوەی زیاتری ئابوری و گەشەکردنی کەرتی گەشتوگوزار لە ھەڵەبجە.

کۆمەڵەی زەحمەتکێشانی کوردستان لە راگەیەندراوێکدا ئاماژەی بەوەکردووە، ئەم بەیانیە لە  لایەنی کۆمەڵەی شۆڕشگێڕەوە بە سەرپەرشتی عەبدوڵای ئازەربار ھێرشکراوەتە سەر فێرگە و ئوردوگانیان و بە قەناس تەقە لە پێشمەرگەکانیان کراوە و تائێستا دوو پێشمەرگەی کۆمەڵە زەحمەتکێشان بە ناوەکانی سامان ئیبراھیمی و ھیوا سادقی گیانیان لەدەستداوە.

ئاماژەی بەوەشکردووە، لە دوێنێوە دوای راگەیاندنی کۆتایی پڕۆسەی یەکگرتنەوە لەلایەن ئەوانەوە، ھەوڵیاندا کە ئەم شەڕە ڕوونەدات، بەڵام کۆمەڵەی شۆڕشگێڕ بۆ قەرەبووی شکستەکانیان لە ھیچ کردەوەیەک دەست ناپارێزن.

شەڕەکەی ھەردوو کۆمەڵە لەدوای ئەوە دێت، کە رۆژی چوارشەممە دوای حەوت مانگ،، یەکگرتنەوەی ھەردوو کۆمەڵەکە ھەڵوەشایەوە.

حزبی دیموکراتی کوردستانی ئێران راگەیەندراوێکی لەبارەی شەڕەکەی زڕگوێز بڵاوکردەوە و رایگەیاند، ئەوپەڕی نیگەرانی و ناڕەحەتی خۆیان لەبارەی رووداوەکەی زڕگوێز رادەگەیەنن و داوا لە لایەنە ناکۆکەکان دەکەن دان بەخۆیاندا بگرن و رێگا نەدەن دۆخەکە ئاڵۆزتر بێت، چونکە ئەوەی روودەدات لە بەرژەوەندی بزوتنەوەی کوردایەتی و کۆمەڵەدا نییە.

حزبی دیموکراتی کوردستان ئاماژەی بەوەشکردووە، ئامادەن بۆ ھێورکردنەوەی دۆخەکە و رێگرتن لە ھەر جۆرە ئاڵۆزییەک و بەھیوان ھەموو لایەک ھەست بە بەرپرسیارییەتی خۆی بکات.

پێگەی میدل ئیست ئای ئەمریکی بڵاویکردووەتەوە، ئەنجومەنی نوێنەرانی ئەمریکا پشتیوانی پێدانی سیستمی بەرگریی ئاسمانی بە ھێزی پێشمەرگە کردووە، بە زۆرینەی دەنگ پەسەندکراوە.

دون بەیکن ئەندامی کۆنگرێس لە کۆمارییەکان کە ئەو بابەتەی خستووەتە دەنگدانەوە بە پێگەی میدل ئیست ئای وتووە، ئەو بڕیارە پشتیوانی بەھێزی ھەردوو پارتەکەی ھەبووە، ئیدارەی ئەمریکاش ئاڕاستە دەکەن بۆ ئامادەکاری و جێبەجێکردنی پلانی مەشق و راھێنان بە ھێزی پێشمەرگە و سوپای عێراق، بۆ بەرگریکردن و بەرپەرچدانەوەی موشەکەکان، پێویستیشی بەوەیە لە ئەنجومەنی پیران پەسەندبکرێت.

سەرچاوەیەکیش لە وەزارەتی پێشمەرگە بە کوردسات نیوزی راگەیاند، چەندجارێک لە کۆبوونەوەکاندا لەگەڵ وەفدەکانی ئەمریکا داوای ئەو سیستمەیان کردووە، بە تایبەت دوای ئەوەی لە ماوەی رابردوودا چەند جارێک ھێرشکراوەتەسەر فڕۆکەخانەکانی و ناوچەکانی دیکەی ھەرێم. 

ھاوکات جوناسان لورد سەرۆکی پڕۆگرامی ئەمنی خۆرھەڵاتی ناوەڕاست، لە ناوەندی ئەمنی ئەمریکی بە پێگەکەی وتووە، ھێزی پێشمەرگە مانگانە ٢٠ ملیۆن دۆلار لەسەر وەزارەتی بەرگری ئەمریکا وەردەگرێت، دابینکردنی سیستمی بەرگری ئاسمانیش بۆ پێشمەرگە رەنگە پێچەوانەی رێساویاساکان بێت، بەتایبەت کە ھاوپەیمانەکانی ئەمریکا کێبڕکێی چەک دەکەن و داواکارییەکی زۆر لەسەر ئەو سیستمە ھەیە.

دەزگای ئاسایشی ھەرێم رایگەیاند، دوای کۆکردنەوەی زانیاری و چاودێریکردنێکی ورد، ھێزەکانی ئاسایشی راپەڕین، بەفەرمانی دادوەری لێکۆڵینەوەی ئاسایش، لە رۆژی ٢٠٢٣/٦/٢١تۆمەتبارێکیان دەستگیرکرد، کە چەندین پارچەی ئامادەکراوی ماددەی ھۆشبەری لە جۆری ( ھێرۆین ) پێبووە بە مەبەستی فرۆشتنی. 

تۆمەتبار بەپێ ی ماددەی ٢٥ لەیاسای بەرەنگاربونەوەی ماددەی ھۆشبەر و کارتێکەرە عەقڵیەکان راگیراوە ،لێکۆڵینەوەش لە دۆسیەکەی بەردەوامە.

ھونەر جەمال وتەبێژی وەزارەتی دارایی بە کوردسات نیوزی راگەیاند، رۆژی یەکشەممە ٤٠٠ ملیاری تر دەگاتە ھەرێمی کوردستان، ھەوڵ دەدەین پێش جەژنی قوربان مووچەی سەرجەم وەزارەتەکان دابەش بکەین. 

وتەبێژی وەزارەتی دارایی دەشڵێت، رۆژی شەممە ھەموو ئامادەکارییەکان تەواو دەکەن بۆ دابەشکردنی مووچەی ھەموو وەزارەتەکان، ھیچ کێشەیەکیش لە دابەشکردنی مووچەدا نابێت پێش جەژن.

دەقی پەیامەکەی سەرۆک بافڵ جەلال تاڵەبانی...

‎بەڕێزان کەسوکار و بنەماڵەی سەربەرزی مامۆستای گەورە مەلا عەبدولکەریمی مودەڕیس 

‎بۆ کۆچی دوایی مامۆستا (نەجیب) کوڕی زانای پایەبەرزی کورد مامۆستا مەلا عەبدولکەریمی مودەڕیس، پرسە و ھاوخەمی قووڵی خۆمان ئاڕاستەی ئێوەی بەڕێز دەکەین.

‎لە خوای گەورە داواکارین کۆچکردوو بە بەھەشتی بەرین شاد بکات و سەبووری و ئارامی بەھەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

محەمەد ئەمین نوێنەری جوتیارانی سەرگەڕان بە کوردسات نیوزی راگەیاند، بۆ یەکلاییکردنەوەی دەستێوەردانی سوپا لە کاروباری جوتیاران، وەفدێکی ھاوبەشی نوێنەرانی جوتیارانی سەرگەڕان و تۆبزاوا، سەردانی بارەگای فەرماندەیی ئۆپراسیۆنە ھاوبەشەکانی عێراقیان لە کەرکوک کردووە. 

لە کۆبوونەوەکەدا فەرماندەی ئۆپراسیۆنە ھاوبەشەکان لە کەرکوک پێی وتوون، بە بڕیاری وەزیری بەرگریی عێراق، دەستوەردان لە کێشەی زەوییە کشتوکاڵییەکان دەکەن و وەزیری بەرگری نوسراوی بۆ کردوون، کە رێگە نەدەن جوتیارانی سەرگەڕان و تۆبزاوا ھیچ کارێکی کشتوکاڵی بکەن.

بە وتەی نوێنەری جوتیارانی سەرگەڕان، فەرماندەی ئۆپراسیۆنەکان لە کەرکوک وتوویەتی تاکو نوسراوێکی نوێی لە وەزیری بەرگرییەوە پێنەگات و رێگە بە کاری جوتیاران نەدات، ئەوان  رێگە نادەن جوتیاران کشتوکاڵ بکەن.

ئارامگای ھەڵۆکانی ئازادی نیشتمان
شەھیدانی ئەشکەوتی داری خلە ناسنامەیەکی زێڕینن بە بەرۆکی شۆڕشی نوێوە

دوای ئەنفالی بەعسیانە و لەو زەمەنەی کە بەعس سەرمەستی سەرکەوتنەکانی بوو وە بڕیاری دابوو خەبات و شۆڕشی کورد بۆ چارەنووس ئیتر تەواو ... لەو ڕۆژگارەدا ھەڵوێستی پارتیزانەکان وەڵامێکی توندی ئەو بڕیارە ناکامەی بەعسی دایەوە و کوڕەکانی یەکێتی نیشتیمانی کوردستان بڕیاریاندا لە قوڵایی چۆڵەوانیەکانی گەرمیاندا ئاڵای بە گداژا چوونەوە ھەڵبکەن. لە ساتەوەختەکانی پارتیزانی پاش ئەنفالدا، کۆمەڵە پێشمەرگەیەکی قارەمان و خۆڕاگری گەرمیان دوور لە باوەشی گەرمی کەس و کاریان بە فەرماندەیی شەھید مەلا ئەحمەد کەلاری، خەباتی پارتیزانی لە ئەشکەوتێکدا کۆی کردبوونەوە و بیر و باوەڕیان لە چوارچێوەی ڕێکخراوێکی شۆڕشگێریدا یەکی خستبوون و پێشمەرگایەتیش لە ئامێزی گرتبوون، لەو چۆڵەوانییە بێ باوەنەدا و لە کارەساتێکی سرووشتی دڵتەزێندا ئەم کۆمەڵە پێشمەرگە قارەما بوونە ژێر ھەرەسی ئەشکەوتی (داری خلە ی سەر بە ناحیەی شێخ تەویلی نزیک شاری کەلار) وەو شەھید بوون کە سەرجەمیان حەوت شەھیدی قارەمانن بە ناوەکانی (مەلا ئەحمەد کەلاری، حاجی حەمید، حەیدەر، نوری قادر ڕەحیم ناسراو بەپۆڵا، رەحیم ڕەشید ئەحمەد ، محەمەد حسین ، دارا قادر سەمین). لەم ڕۆژەدا، حەوت ئەستێرەی گەشی ئاسمانی سەخترین ھەلومەرجی کوردایەتی لە بەرزییەوە داچۆڕانە خوارەوە، ئەمانە حەوت کەڵە مێرد بوون کە لە بارێکی ناسکدا بارەگایان بەرەو سەرەوە پێچایەوە، ھەر یەکە بە کۆڵێ خەم و ژان و ئاواتەوە ماڵ ئاوای کرد و بۆشاییەکی گەورەیان خستە ھێزی پێشمەرگەی ئەو کاتەی یەکێتی نیشتیمانی کوردستانەوە و کاریگەری ئەم ڕووداوە لەو ساتەوەختەدا بۆسەر برادەرە پارتیزانەکانی خوارەوە زۆر دژوار بوو، ئەشکەوتێکی گەورە داڕمێ و دەرچەکەی لەسەر ئەم ھەڤاڵانە داخرێ لەو چۆڵەوانیەدا بەبێ ھەبوونی کەرەستەی پێویست بەچی ئەو ھەموو خۆڵ و بەردە لا ئەچێت، سەرەڕای ھەبوونی مەترسی ھێزی ڕژێم و کێوماڵکردن.

لەو مەفرەزە پێشمەرگەدا تەنیا شەھیدی فەرماندە (سەید محەمەد) و پێشمەرگەی پارتیزان (حەمە سۆران) رزگاریان بوو کە ئەوانیش پێش داڕمانی ئەشکەوتەکە چووبوون بۆ پەیوەندیکردن بە جیھاز لەگەڵ ھەڤاڵەکانی تریاندا، لە کاتی گەڕانەوەیاندا و لەسەر گردۆڵکەیەکی نزیک ئەشکەوتەکە گوێیان لە زرمەیەکی گەورە دەبێت، بەڵام نازانن چییە، کە ئەگەڕێنەوە دەبینن ھەوارگەکەیان داڕماوە و دەرگاکەی کڵۆم دراوە، ئەوسا تێدەگەن ئەو زرمەیە ھەرەسی ئەشکەوتەکە بووە، ئینجا پەیوەندی بە برادەرانی ترەوە ئەکەن و لە ڕووداوەکە ئاگاداریان دەکەنەوە. کە ھەواڵەکە بڵاو بووەوە ھەر کەسە و بە جۆرێ لێکدانەوەی بۆ دەکرد، بەڵام راستییەکەی ئەو ئەشکەوتە شووێنێکی زیخەڵانی تەنگ بوو، خۆیان فراوانیان کردبوو وە جارجارەش وردە بەردی لێ ھەڵئەوەری، کە بەلای خەڵکی شارەزاوە بەڵگەی ئەوەیە ئەو شووێنە ھەرەس دەکات، بەڵام ئەوان گوێیان نەدابوویە، لەوێ راھاتبوون بمێننەوە، حەزیان نەئەکرد بەجێی بھێڵن تا دواجار بووە مەنزڵگەی ھەتا ھەتاییان. شەھید (مەلا ئەحمەد) ماوەیەکی کەم پێش شەھید بوونی بە (عەدنانی حەمەی مینا) دا نامەیەکی پڕ جۆش و خرۆشی شۆڕشگێرانەی بۆ ئێران بۆ نووسیبووم کە بەتەمابووە لەگەڵ برادەراندا بێتەوە بۆ ئێران، بەڵام کە زانی بووی ئێمە دادەبەزینە خوارەوە لە ھاتنەکەی وازی ھێنا بوو وە چاوەڕوانی ئێمەی کردبوو. لەو نامەیەدا باسی خەباتی نوێی بۆ کردبووم کە چۆن ئەبێ ھەوڵبدەین بخزێینە ناو دڵی دوژمنەوە و ھەراسانی بکەین و لەو چۆڵەوانیە بێ باوانەدا خۆڕاگر و ورە بەرزبین، بەداخەوە ئەم نامەیەی شەھید( مەلا ئەحمەد) و چەندین نامەی دیکەی ھاوڕێ شەھیدەکانم لە ساڵی ١٩٩٦ نارد بۆ مەڵبەندی سلێمانی بەمەبەستی نمایشکردنیان لە پێشانگایەکی مێژوویدا، بەڵام بەداخەوە بەھۆی ڕوداوەکانی ٣١ ئابەوە لە ناوچوونو شەھید (مەلا ئەحمەد) لە ھەمان کاتدا نامەی بۆ ھەندێ برادەری تریش نووسیبوو بە تایبەتی بۆ کاک ( نەوشیروان و ملازم عومەر و مامۆستا عەلی عەبدوڵلا). تەرمی پیرۆزی ئەم ھەڤاڵە شەھیدانە ھەتاکو ڕاپەڕینی سەرتاسەری کوردستان لە ساڵی ١٩٩١ لە ناو ئەشکەوتەکەدا مایەوە و لە پایزی ساڵی ١٩٩١ دا لەگەڵ ھەڤاڵان کاک ( کوردۆ قاسم و کاک عەدنان و کاک عوسمان)دا کارمان کرد بۆ دەرھێنانی تەرمەکانیان و لە خوارەوەش بەسەرپەرشتی م. ( عەلی عبدڵا )کار کرا بۆ ئەنجامدانی ڕێوڕەسمی ناشتنیان و کۆڕبەستن و ئاگادارکردنەوەی کەس و کاری شەھیدان و خەڵکی ناوچەکە بۆ بەشداریکردن لە ھێنانەوە و بەخاکسپاردنیان لە گۆڕستانی کەلاری کۆن.

مخابن لە ئێوارەیەکی زستانی بەراناوی لە ڕێککەوتی ١٩ی شوباتی ساڵی ١٩٨٩ ئەشکەوتی داری خلە بووە مەنزڵگای خەباتیان بەکارەساتێکی سروشتی داروخاو حەوت پێشمەرگەکەی کاروانی خەبات بە ناوەکانی: شەھید نەمر مەلا ئەحمەد کەلاری،شەھید نەمر حاجی حەمید، شەھدی نەمر حەیدەر، شەھید نەمر نوری قادر ڕەحیم ناسراو( بەپۆڵا)، شەھیدی نەمر ڕەحیم ڕەشید ئەحمەد، شەھیدی نەمر محەمەد حسین، شەھیدی نەمر دارا قادر سەمین چوونە کاروانی نەمرانەوە.

لە کۆتایدا، ھەزاران سڵاو لە مەزاری ھەمیشە پیرۆزتان ئەی کوڕانی ڕۆژخانی سەختی خەبات و تێکۆشان
دروو بۆ گیانی پاکی ئەم پۆلە شەھیدای (ئەشکەوتی داری خلە)و سەرجەم شەھیدانی ڕزگاری گەلی کوردستان

محەمەد ئەمین، نوێنەری جوتیارانی سەرگەڕان بە کوردسات  نیوزی ڕاگەیاند، ھێزێکی فەوجی چواری فرقەی ٨ی سوپای عێراق لە درەنگانی شەودا چوونەتە سەر زەوی جوتیارانی گوندی پەڵکانە و جگە لە شکاندنی ژمارەیەکی زۆر کەرەستەی ئاودێری و زەوییە کشتوکاڵییەکان، جوتیارێکیشیان دەستگیرکردووە.

دەشڵێت، ھێزەکە دەستیان بەسەر کەلوپەلە کشتوکاڵییەکاندا گرتووە و ئەو جوتیارەش کە دەستگیریانکردووە گوستوویانەتەوە بۆ بنکەی پۆلیسی سەرگەڕان و بڕیارە ڕەوانەی دادگا بکرێت.

ئەوەش لەکاتێکدایە کە لەئێستادا ھەوڵەکان چڕکراونەتەوە بۆ ئەوەی دەستی سوپا لە کێشەی زەویوزاری جوتیارانی کورد دووربخرێتەوە و کارکردن بە گرێبەستی ھاوردەکان ڕابگیرێت.