لە سەرەتادا، دەنگدان لەسەر پێشنیازەیاسای گەشتوگوزار لە ھەرێمی کوردستان دەکرێت. دواتر خوێندنەوەی یەکەم بۆ پێشنیازەیاساکانی سەندیکای خاوەن پیشە تەندروستییەکان و پاراستنی ئاژەڵان و مافەکانیان دەکرێت.

ھەروەھا خوێندنەوەی دووەم بۆ پێشنیازەیاسای بەرکارکردنی یاسای فیدڕاڵی واژۆی ئەلیکترۆنی و مامەڵەی ئەلیکتڕۆنییەکان و پڕۆژەیاسای ھەمواری یەکەمی یاسای نەوت و گاز و پڕۆژەیاسای ھەمواری یەکەمی یاسای پاراستن و چاککردنی ژینگە دەکرێت.

لە راگەیەندراوێکدا دانەگاز دەڵێت، ھێرشە مووشەکییەکان بۆسەر کێڵگەکە ھیچ زیانێکی گیانی و ماددی لێنەکەوتووەتەوە، ھەرچەندە " لە پاش روداوەکەی رۆژی ٢٢ی حوزەیران، دوو موشەکی دیکە لە رۆژانی ھەینی و شەممە لە کێڵگەی کۆرمۆر لە ھەرێمی کوردستانی عێراق کەوتوونەتە خوارەوە". 

لە بەشێکی راگەیێندراوەکەی دانەگازدا ھاتووە، بەرھەمھێنان لە کێڵگەی کۆرمۆر بەشێوەیەکی ئاسایی بەردەوامە، باری ئەمنی تووندوتۆڵتر دەکرێت، تەنیا کارکردن لە پڕۆژەی فراوانکردنی کۆرمۆر کەی ئێم ٢٥٠ بەشێوەیەکی کاتی راگیراوە.

کۆمپانیاکە دەشڵێت، "حکومەتی ھەرێمی کوردستان ھەموو رێکارێکی گرتووەتەربەر بۆ زیادکردنی رێکارە ئەمنییەکان لە کۆرمۆر، لەوانەش ھێنانی ھێزی سەربازیی زیاتر بۆ پاراستنی کێڵگە و دامەزراوەکان".

رۆژی ٢٢ی ئەم مانگە بە مووشەک ھێرشکرایە سەر کێڵگەی گازی کۆرمۆر، دواتر دوو موشەکی دیکە لە رۆژانی ھەینی و شەممە لە کێڵگەی کۆرمۆر کەوتنە خوارەوە. 

دوای روداوەکە، قوباد تاڵەبانی جێگری سەرۆک وەزیران بەیاوەری وەزیرانی پێشمەرگە و سامانە سروشتییەکان بەوەکالەت وبەرپرسانی تری ئەمنی، شەوی  ٢٥/٦، سەردانی کێڵگەی غازی کۆرمۆری کردو لەگەڵ بەرپرسانی کۆمپانیای دانا غاز کۆبووەوە.

قوباد تاڵەبانی دڵنیایی پێدان کە کار دەکەن لەپێناو پاراستنی ژیانی کارمەندانی ناو کێڵگەکە و ئەوان وەکو حکومەتی ھەرێم بەھیچ شێوەیەک رێگر نین لەبەردەم ھاتووچۆی کارمەندان و لەگەڵ لایەنە پەیوەندیدارەکانی عێراق لەسەر خەت دەبن بەمەبەستی بەرگرتن لەڕوونەدانی لەو جۆرە ھێرشانە.

ناوەندی راگەیاندنی ئەنجومەنی سەربازی مەنبەج رایگەیاند، سوپای تورکیا و چەکدارە بە کرێگیراوەکانی گوندی "عەرەب حەسەن"یان لە باکوری شاری "مەنبەج" بە تۆپھاوێژ و چەکی قورس و مام ناوەند بۆردوومان کردووە، ھێشتا زیانەکانی ئەو بۆردوومانەش نەزانراوە، بەڵام تا ئێستا بەردەوامە. 

لەلێدوانێکیدا ھیشام محەمەد وتەبێژی بەڕێوەبەرایەتی ئاوی کەرکوک بە کوردسات نیوزی ڕاگەیاند، بڕینی کارەباکە لەکەناڵی سەرەکی دابینکردنی ئاوەوەیە لەدووبز.

ڕونیکردەوە لە ڕۆژانی سێشەممە و چوارشەممە کاری سیانە لە ھێڵەکانی کارەبا دەکرێت و بەو ھۆیەشەوە لە ڕۆژی یەکەم بۆ ماوەی شەش سەعات و لە ڕۆژی دوەم بەتەواوەتی کارەبا دەبڕێت و بەوەش ناتوانن ئاو بۆ گەڕەکەکانی کەرکوک دابین بکەن و تەنگژەی ئاویش سەر ھەڵدەدات.

وتیشی داواکارین ھاوڵاتیان لەماوەی ئەو دوو ڕۆژەدا کەمتر ئاو بەکار بهێنن. وتیشی لەئێستادا سەرچاوەی ئاوی خواردنەوەی کەرکوک ھەردوو قۆناغی یەکەم و دووەمی پرۆژەی ئاوی کەرکوکە کە بەھەردوو قۆناغەکە ٣٤٠٠٠ مەتر سێجا ئاو لەسەعاتێکدا  بۆ شاری کەرکوک دابین دەکات و ئەگەر کێشەی کارەبای نیشتمانی نەبێت و ئاویش لە کەناڵی سەرەکی دوبزەوە بۆ پڕۆژەکان دابین بکرێت ھیچ کێشەیەکی ئاو لەکەرکوک بوونی نابێت.

وەزیری ئاوەدانکردنەوە و نیشتەجێکردنی ھەرێم لە رایگەیەندراوێکدا بڵاویکردەوە، وەزارەتی دارایی رەزامەندیدا بۆ تەرخانکردنی بڕی ١٨٧ ملیۆن و ٨٢٨ ھەزار دینار بۆ پڕۆژەی چاککردن و نۆژەنکردنەوەی تونێلی دەربەندیخان.

راشیگەیاند، رەزامەندی ئەنجومەنی وەزیران وەرگیراوە و بڕیاردراوە کە لیژنەیەکی ھاوبەش لە ئەنجومەنی وەزیران و وەزارەتی ئاوەدانکردنەوە و وەزارەتی پلاندانان پێکبھێنرێت بۆ گفتوگۆکردن لەگەڵ باشترین کۆمپانیای ناوچەکە تایبەت بە دروستکردنی تونێلی دووەمی دەربەندیخان.

بە پێی راگەیەندراوێکی دادگای سلێمانی، لە سەردانکردنی سەرۆکی دادگا و کۆبونەوەی لەگەڵ بەشی پۆلیسی گرتن و گواستنەوەی سلێمانی ئەو پرسە تاوتوێکراوە، جەختیشکراوەتەوە لەسەر ئەوەی بە زووترین کات شوێنی تایبەت بۆ ئەو مەبەستە تەرخان بکرێت و سەرجەم پێداویستیەکانی بەردەستبوونی ئەو خزمەتگوزارییە دابین بکرێت.

ئاماژە بۆ ئەوەشکراوە ، داداگاییکردن بە شێوەی ڤیدیۆکۆنفرانس تەنھا لە وڵاتە پێشکەووتوەکان کاری پێدەکرێت و سەرۆکایەتی دادگای تێھەڵچونەوەی ناوچەی سلێمانی دەبێتە یەکەمین دادگا لەسەر ئاستی ھەرێمی کوردستان و  عێراق کە ئەو سیستمە جێبەجێ دەکات. 

جێبەجێکردنی ئەو سستمە، دەبێتە ھۆی دابینکرنی ئارامییەکی زیاتر بۆ تۆمەتباران و کارئاسانیەکی زۆر بۆ پۆلیس و کەمکردنەوەی تێچوونی گواستنەوەی تۆمەتباران، سیستمەکە بە جۆرێکە کە تۆمەتباران لە شوێنی مانەوەیان لە ڕێگەی سیستمێکی تایبەتەوە بە دەنگ و ڕەنگ و لە ڕێگەی شاشەوە قسە دەکەن و پڕۆسەی دادگاییکردنەکە بەڕێوەدەچێت.

لە راگەیەندراوێکدا بەڕێوەبەرایەتی ھاتووچۆی گەرمیان دەڵێت، ناو تۆمار کردن لە سبەینێ سێشەممە دەست پێ دەکات تاکو ڕۆژی دوو شەممە و ٤/ ۷/ ۲۰۲۲ کۆتا ڕۆژی ناوتۆمارکردن دەبێت.

ھاتووچۆی گەرمیان دەشڵێت، ئەو کەسانەی کە ئارەزووی کارکردن دەکەن بۆ ئەم مەبەستە سەردانی بەڕێوەبەرایەتی ھاتووچۆی گەرمیان بکەن بەم مەرجانەی لای خوارەوە:

۱. ھەڵگری مۆڵەتی شۆفێری گشتی بێت.
۲ .دانیشتووی سنوری ئیدارەی گەرمیان بێت.
۳. بڕوانامەی شەشی ئامادەیی، میکانیک و پیشەسازی کەمتر نەبێت.

پێداویستیەکان:
۱. کارتی نیشتمانی یان پێناسی باری کەسێتی (جنسێ)
۲. کارتی زانیاری
۳. دوو وێنە

بەپێی وتەی شایەتحاڵەکانیش بەشێک لە دەستگیرکراوەکان لە کاتی دەستگیرکردنیاندا ئازار دراون.

پێشتر و لە ٢١ی حوزەیرانی ساڵی رابردوو دادگای دەستوری تورکیا دۆسێنامەی داخستنی ھەدەپەی پەسەند کرد کە لە لایەن داواکاری گشتی کۆماری تورکیاوە ئامادە کرابوو، مانگی تەموز دادگاکە بە رەسمی مۆڵەتی سێ مانگی بە ھەدەپە دا بۆ ئەوەی بەرگرینامەکەی پێشکەش بکات.

لە دۆسێکەدا کە لە ٨٤٣ لاپەڕە پێکھاتووە، داوا کراوە چالاکی سیاسیی لە ٤٥١ بەرپرس و ئەندامی ھەدەپە قەدەغە بکرێت و پارتەکەش بە تەواوی دابخرێت.

وتیشی، جگە لە وەفدی رەسمی ئێران و ھەرێم، وەفدێکیش لە بەڕێوەبەران و نوێنەرانی نزیکەی ٣٠ کۆمپانیای ئێرانی لە بوارە جیاوازەکانی پزیشکی و تەندروستی، ئای تی، ئەلیکترۆنی، نانۆتەکنەلۆژی، مەوادی کیمیایی، کانزا، پەروەردە و خزمەتگوزاری و چەند بوارێکی تریش بەشداری لە کردنەوەی ئەو ناوەندە دەکەن و رۆژێک پێش ئەوەش بەشداری لە کۆڕبەندی گفتوگۆ بازرگانییەکان (B٢B) دەکەن لەگەڵ ھاوتاکانی خۆیان لە ھەرێمی کوردستان.

 بەو ھویەوە بریندار بوە و ئێستا لە نەخوشخانە چارەسەری وەردەگرێت. ئاماژە بەوەش کرد تا ئێستا تومەتبار دەستگیر نەکراوە بەلام خوش بەختانە تەندروستی ئەو گەنجە بە ناوی ئەیاز سەردار لەو مەترسیەدا نیە و ھیوادارین باشتر ببێت بەلام زانیاری لەسەر تومەتبار کوکراوە بو دەستگیرکردنی

لە تەوەرێکی کۆبوونەوەکەدا کە رۆژی دووشەمە ٢٧ی حوزەیرانی ٢٠٢٢ بەڕێوەچوو، باسی دۆخی سیاسی عێراق و بەربەستەکانی بەردەم پێکھێنانی حکومەتی نوێ کرا و جێگری سەرۆک وەزیران جەختی کردەوە لەوەی پێویستە لایەنە کوردستانییەکان بە یەکدەنگی بەشداری لە دانووستانەکاندا بکەن. داواشیکرد لایەنە عێراقییەکان لەپێناو پاراستنی سەقامگیری عێراقدا ئاستی داواکارییە حیزبییەکانی خۆیان کەم بکەنەوە و لە جیاتی ئەوە گفتوگۆ بکەن لەسەر چارەسەری بنەڕەتی کێشەکانی حکومڕانی و کێشەکانی نێوان ھەرێم و بەغدا.

لە بەشێکیتری کۆبوونەوەکەدا تاوتوێی چۆنییەتی پەرەپێدانی پەیوەندییە کلتوری و زانستییەکانی نێوان ھەرێمی کوردستان و وڵاتی روسیا کرا. باس لە پێویستی پێکھێنانی دامەزراوەیەکی تایبەت کرا بۆ دروستکردنی پەیوەندیی زانستی لەنێوان زانکۆکانی کوردستان و زانکۆکانی روسیا و بۆ ئەمەش خوێندکارانی کورد لە زانکۆکانی روسیا ئەندام بن لەو دامەزراوەیەدا تا رۆڵی زیاتر ببینین لە بەھێزکردنی پەیوەندی کلتوری و رۆشنبیری و زانستی لەنێوان دوو وڵاتدا.

ھەر لەم چوارچێوەیەدا باس لە چۆنییەتی زیادکردنی زەمالەی خوێندن بۆ خوێندکارانی کورد کرا لە زانکۆکانی روسیا و کۆنسوڵی روسیا ئامادەیی وڵاتەکەی دەربڕی بۆ دابینکردنی ژمارەیەکی زیاتری زەمالەی خوێندن بۆ خوێندکارانی ھەرێم.

ھەر لە کۆبوونەوەکەدا گفتوگۆکرا لەسەر دروستکردنی پەیوەندیی لەنێوان مۆزەخانەکانی کوردستان و روسیا. کۆنسوڵی روسیا ئاماژەی بەوەدا پلانیان ھەیە بەم نزیکانە سەردانی سلێمانی و مۆزەخانەی سلێمانی بکات بۆ دروستکردنی پەیوەندیی و ھاوکاری لەنێوان مۆزەخانەی سلێمانی و چەند مۆزەخانەیەکی روسیا.

راشیگەیاندوە، بۆ ماوەی ٣ مانگ و تا ٢٠ی ٩ ی ٢٠٢٢ دوا دەرفەت دەبێت بۆ سوود وەرگرتن لە داشکاندنی رێژەی لە ١٥%‏ لەو پێشینەی قەرزی بچوک کە لەلای ھاوڵاتیانە، ھەروەھا لێخۆشبوونی تەواوی سزای دارایی، دواکەوتنی قەرزی پارەی بەشدارییەکانی تایبەت بە دەستەبەری کۆمەڵایەتی ھەڵدەگیرێت، بە مەرجێک خاوەن کار تەواوی پارەی کەڵەکەبووی بەشێوەی کاش بدات بەیەکجار،  جارێکی تریش ئەو بڕیارە درێژ ناکرێتەوە.

 لەو کۆبوونەوە گرنگەدا کە بە مەبەستی تاوتوێکردنی دوایین ھەنگاوەکانی پێکھێنانی حکومەتی نوێی عیراق ئەنجامدرا، گفتوگۆ لەبارەی دوایین پێشھاتەکان و یەکخستنی ھەوڵەکان بۆپێکھێنانی حکومەتی نوێی عیراق کرا و جەخت لە دروستکردنی حکومەتێکی بەھێز کرایەوە کە توانای زاڵبوون بەسەر ئاڵنگارییەکان و تێپەڕاندنی ئاستەنگەکانی ھەبێت.

لەدرێژەی کۆبوونەوەکەدا داواکرا ھەوڵەکان خێرا بکرێن تاوەکو بەزووترین کات حکومەتێکی نیشتمانیی خزمەتگوزار دروستبکرێت کە کار بۆ بونیادنانی داھاتوویەکی سەقامگیر بکات و لەھەموو ئاستەکاندا خزمەتگوزاری پێشکەش بکات. جەختیش لەوە کرایەوە مافە یاسایی و دەستوورییەکانی ھەرێمی کوردستان و عیراق پارێزراوبێت.

بەڕێوەبەرایەتی گشتی کارەبای سلێمانی لە راگەیەندراوێکدا بڵاویکردەوە، لە ناو شاری سلێمانی ٤٥ فیدەر و ١١ ھێڵی ٣٣ کەیڤی لەکارکەوتن و لە دەرەوەی شاریش ٥٠ فیدەر و ٥ ھێڵی ٣٣ کەیڤی لەکارکەوتن.
ئاماژەی بەوەشکردووە، زۆربەی کێشەکانی سەر تۆڕی کارەبای سلێمانی چارەسەر کراون و تیمەکان سەرقاڵی چارەسەرکردنی ئەو کێشانەی دیکەن کە ماون.

هاوکات لە قەزای  کۆیەش بەهۆی ڕەشەبا و هەورە بروسکە زیان بەر چەند ستونێکی کارەبا کەوتووە و لە ئێستاشدا فەرمانگەی کارەبای کۆیە سەرقاڵی چاککردنەوەی ستونەکانن .