کوردستان
ئەو کەسەی دەستگیرکراوە ناوی تێکۆشەر حسێنە کە مامۆستا و چالاکوانێکی ناسراوی سۆرانە، مەسعود حسێن، برای ئەو چالاکوانە بە کوردسات نیوزی راگەیاند، چەند رۆژێک لەمەوبەر براکەی لەلایەن ئاسایشی سۆرانەوە پەیوەندی پێکراوە و ئەمڕۆش خۆی چووەتە ئاسایش، بەڵام دواتر ئازاد نەکراوە.
وتیشی، تائێستا نازانن ھۆکاری دەستگیرکردنەکەی لەسەر چییە، بەڵام لەرێگەی ژمارەیەک پارێزەری خۆبەخشەوە بەدواداچوون بۆ دۆسییەکەی دەکەن.
دەقی پەیامەکەی قوباد تاڵەبانی...
شەھید ئارام، وەکو یەکێک لە لێھاتووترین سەرکردەکانی یەکێتیی نیشتیمانیی کوردستان، ڕۆڵێکی گەورە و کاریگەر و یەکلاکەرەوەی لە سەرپێخستنی شۆڕشی نوێی گەلەکەماندا ھەبوو. دڵسۆزی و خۆنەویستییەکەی، لەگەڵ ڕۆشبیرییە قووڵ و ھەمەلایەنەکەی، کردیان بەو سیمبولەی کە تەنھا بە ناوھێنانی، گوڕوتین بە یەکێتییەکان ببەخشێت.
رۆحی کاک ئارام و سەرجەم شەھیدانی ڕێگەی ڕزگاریی کوردستان شاد بێت. لە مێژووی نەتەوەکەماندا، ناوی کاک ئارام بە بەرزی و شکۆوە دەمێنێتەوە.
فەرمانگەی میدیا و زانیاری حكومەتی هەرێم رایگەیاند، لە كۆبونەوەكەی ئەنجومەنی وەزیران دواپەرەسەندنەكانی گفتوگۆی حكومەتی هەرێم لەگەڵ حكومەتی فیدراڵ سەبارەت بە پرسی بودجە و مووچە و تێچووی بەرهەمهێنان و گواستنەوەی نەوتی هەرێمی كوردستان تاوتوێ دەكات.
ئاماژەی بۆ ئەوەشكرد، تەوەرێكی دیكەی كۆبونەوەكە پێشنیازی وەزارەتی شارەوانی و گەشتوگوزارە، تایبەت بە دەستپێكردنەوەی گرێبەستەكانی پەیوەست بە پڕۆژەكانی ماستەپلانی شار و شارۆچكەكانی هەرێم.
لە بەشێكی دیكەدا دەنگدەدرێت لەسەر ڕەشنووسی كۆتایی (ڕێنمایی كاركردنی بیانی لە هەرێمی كوردستان).
دوێنێ وەزیری دارایی هەرێم لە میانی كۆبونەوەی لەگەڵ یان برێم كونسوڵی گشتی فەڕەنسا لە هەرێم رایگەیاند، لەسەر ناوەڕۆكی هەمواری یاسای بودجە لەگەڵ حكومەتی عێراق رێككەوتون، بە جۆرێك پرسی مووچەی فەرمانبەران چارەسەر بكرێت و لە هەموو كێشە و پابەندیەك جیابكرێتەوە.
دەقی پەیامەکە…
پەیامی مەکتەبی سیاسیی
بۆ ٤٦ ساڵەی شەھیدبوونی کاک ئارام
یاد و بیرەوەری شەھیدی سەرکردە کاک ئارام، شاسوار جەلال، بۆنەیەکی ئیلھامبەخشە بۆ جۆشدانەوەی خەبات و تێکۆشانی گەلەکەمان بەرەو مافی چارەنووس و بەدیھێنانی ویست و ئاواتەکانی کۆمەڵی کوردەواری لە دادپەروەری کۆمەڵایەتی و ئازادی و یەکسانیدا.
رێڕەوی خەباتی سیاسی، پێشمەرگایەتی و روناکبیری شەھید ئارام و رۆڵی لەسەرپێشخستنی شۆڕشی نوێی گەلەکەمان، بەڕابەرایەتیی یەکێتی نیشتمانی کوردستان، رۆڵێکی جوامێرانە و سەربەرزانەیە کە وێڕای (٤٦)ساڵ تێپەڕبوون بەسەر شەھیدبونیدا ھێشتا لە یادەوەری و دڵودەروونی یەکێتییەکان و گەلەکەماندا زیندووە و بۆ لەمەودواش ھەوێنی سەرخستنی تێکۆشانی ھەمەلایەنە دەبێت تا سەرکەوتنی یەکجارەکی.
بەرزو پیرۆزبێت یادی کاک ئارام و ھەموو شەھیدانی بزوتنەوەی رزگاریخوازی گەلی کوردستان.
مەکتەبی سیاسی
یەکێتیی نیشتمانیی کوردستان
٣١/١/٢٠٢٤
پەیامنێری کوردسات نیوز رایگەیاند، رۆژی ٢٩ی ئەم مانگە ئەندامانی دەرچووی ئەنجومەنی پارێزگا سوێندی یاساییان خوارد و بڕیاربوو کۆبونەوەی ئەنجومەنی نوێی پارێزگای کەرکوک سبەینێ پێنجشەممە ئەنجام بدرێت و کۆبونەوەکە بە سەرۆکایەتی بەتەمەنترین ئەندامی ئەنجومەنەکە بەڕێوەبچێت. بەڵام دانیشتنێک لە نێوان لیستەکاندا بەڕێوەچووە و نەگەیشتونەتە رێککەوتن، لەبەر ئەوە یەکەم کۆبونەوە دواخراوە و راکان جبوری پارێزگاری پێشووی کەرکوک بەوەکالەت بڕیاریدا بە دواخستنی کۆبونەوەی ئەنجومەنی پارێزگا بۆ دووشەممەی داھاتوو ٥ی شوبات.
دەشڵێت، بەپێی یاسا پێویستە ئەندامانی ئەنجومەنی پارێزگا لە ماوەیەکی دیاریکراودا سەرۆک و بڕیاردەری ئەنجومەن و پارێزگار ھەڵبژێرن.
عەمید ئاسۆ حەسەن، بەڕێوەبەری نوسینگەکانی کارتی زانیاری سلێمانی لەگەڵ ئاوات محەمەد، قائیمقامی سلێمانی کۆبوەوە و باسیان لە گرنگی کارتی زانیاری کرد بۆ ھاووڵاتیان، کە وەک پشتگیری نیشتەجێبوونە بۆ ھەر خێزانێک و زانیاری تەواوی خێزان لەخۆدەگرێت.
وتیشی، دادگای فیدراڵی ھیچ بڕیارێکی بۆ راگرتنی کارتی زانیاری نەداوە و ئەو زانیارییە بە ھەڵە گەشتبوو بە ھاووڵاتیان، چونکە ئەو کارتە زانیاری زۆری تێدایە و پێویستە ھەموو خێزانێک ھەیبێت.
لە رۆژی ٨ی ئەم مانگە لە تۆڕەکۆمەڵایەتییەکان بڵاوکرایەوە کە دادگای فیدڕاڵی کارکردنی بە کارتی زانیاری ھەڵوەشاندوەتەوە، بەڵام دادگا ئەو سکاڵایەی رەتکردوەتەوە کە داوای وەستاندنی کارکردن بەو کارتە دەکات.
ھێزی کەناراوی یۆنان رایانگەیاند، بەلەمێکی کۆچبەران بە نزیکەی ٦٠ کۆچبەرەوە بەھۆی خراپی کەشوھەوا و بایەکی بەھێزەوە، لە کەناراوەکانی دوورگەی لیسبۆس خۆی کێشاوە بە ناوچەیەکی شاخاوی و کەوتوونەتە دەریاوە.
بەھۆی رووداوەکەوە تەرمی دوو کۆچبەر دۆزراونەتەوە کە ژن و پیاوێکن، دەشوترێت یەکێکی دیکە بێسەروشوێنە.
ھاوکات ٥٧ کۆچبەر رزگاریان بووە کە توانیویانە خۆیان بگەیەننە وشکانی، لە ئێستاشدا لە شوێنێکن لە دوورگەکە و لەلایەن پۆلیسەوە لێکۆڵینەوەیان لەگەڵدا دەکرێت.
وەزارەتی دارایی ھەرێم سەبارەت بە گەیشتنی ٦١٨ ملیاردینارەکەی بەغداد بۆ ھەرێمی کوردستان رونکردنەوەیەکی بڵاوکردەوە و ئاماژەی بۆ ئەوەکرد، وەزیری دارایی رایگەیاندوە، سەرجەم بەربەستەکانی بەردەم ناردنی بڕی ٦١٨ ملیار دینارەکەی بەغداد تێپەڕێنراوە، ھەموو رێکارە ئیداریی و یاساییەکانیش تەواوبووە، چاوەڕوانن لەسبەینێوە ئەو بڕە پارەیە بخرێتە سەر ھەژماری بانکی وەزارەت، لەگەڵ گەیشتنی پارەکەش بۆ بەڕێوبەرایەتی گشتی بانکە بازرگانیەکان، ڕاستەوخۆ دەستبە دابەشکردنی مووچە دەکرێت و لیستی مووچەی سەرجەم فەرمانبەران و مووچەخۆران ڕادەگەیەنرێت.
ھاوکات ئەنجومەنی وەزیرانی ھەرێم لە راگەیەنراوێکدا ئاماژەی بۆ ئەوەکردووە، ھەرێم ھەموو پابەندییەکانی خۆی جێبەجێکردووە و پڕۆژەی خۆیان سەبارەت بە ھەمواری یاسای بودجەی فیدڕاڵی پێشکەش بە لایەنی فیدڕاڵی کردووە بە ئاراستەی لابردنی ھەموو ئەو ئاستەنگانەی لە یاسای ئێستای بودجەی فیدڕاڵ ھەن کە ڕێگرن لە ناردنی شایستە داراییەکانی ھەرێم.
ئاماژەی بەوەشکردووە، ھەرێم بە شایستەی خۆی دەزانێت لەبەرانبەر بەجێگەیاندنی پابەندییەکانی، بەشەبودجە و مووچەی شایستەی خۆی بۆ بنێردرێت.
دەقی پەیامەکە...
کۆمەڵانی خەڵکی کوردستان
ھاوڵاتیانی خۆشەویستی ھەوڵێری پایتەخت
بیست ساڵ لەمەوپێش، لەبەرە بەیانی جەژنی قوربانی ساڵی ٢٠٠٤ دا، تیرۆریستان بۆنەی جەژن و گەردەن ئازادی گەلی کوردستانیان خەڵتانی خوێن و فرمێسک کرد.
کارەساتی ١ی شوبات کە زیاتر لە سەد و پێنج شەھید و برینداری لێکەوتەوە لە سەرکردە و ئەندامانی یەکێتیی و پارتی و ھاوڵاتیانی ھەولێری خۆشەویست، زیان و کۆستێکی گەورە بوو لە میللەتەکەمان لە عێراقی پاش کەوتنی دیکتاتۆری کە رووی لە داڕشتنی پرۆسەیەکی سیاسیی نوێ، دیموکراسیی و فیدراڵی بوو، لە ھەمان کاتدا پەیام و راچڵەکینێکی مێژووییش بوو بۆ بزوتنەوەی سیاسیی کوردستان و ھێزە سیاسییەکانی کە تیرۆرستان و دوژمنانی گەلەکەمان بێ جیاوازی بارەگای مەڵبەند و لق بێ جیاکاری لە نێوان یەکێتیی و پارتی و رەنگەکانمان، وەک یەک نەتەوە و یەک چارەنووس دەمانکەنە ئامانجی لەناوبردن و کوشتن و جینۆساید، بۆیە بەرگرتن لە دوبارەبونەوەی کارەساتێکی وەھا جگە لە ئاگایی و چاوکراوەیی زیاتری ئەمنی، پێویستی بە یەکریزی و یەک ھەڵوێستی بەردەوامی ھەموو لایەکمانە، بەتایبەتی لەمڕۆدا کە ھەڕەشەی ھەمەجۆری سەر ئەزموونەکەمان لێمان دەخوازێ پێکەوە تەگبیری ھاوبەش و دەستپێشخەری بنیاتنەرانە بگرینەبەر و ھەڕەشەکان بکەینە دەرفەتێکی گونجاوتر بۆ داھاتوومان.
جارێکی تر لەم یادەدا سەری رێز و نەوازش و وەفاداری بۆ شەھیدانی سەرکردە و تێکۆشەران و ھاوڵاتیانی کە بۆ پیرۆزبایی و گەردەن ئازادی جەژن ھاتبوون، و گشت شەھیدانی رێگای ڕزگاری و سەرفرازی گەلەکەمان، دادەنەوێنین.
مەکتەبی سیاسی
یەکێتیی نیشتیمانیی کوردستان
١-٢-٢٠٢٤
دەقی پرسەنامەکەی قوباد تاڵەبانی...
بەڕێزان خێزان و خانەوادەی کۆچکردوو دڵشاد عوسمان
بەبیستنی ھەواڵی کۆچی دوایی (دڵشاد عوسمان فتح اللە)، نیگەران و دڵگران بووم.
کۆچکردوو دڵشاد عوسمان کەسایەتیەکی نیشتمانپەروەر، کادرێکی خەمخۆر و دڵسۆز، لەئەرک و بەرپرسیارێتیدا بەئەمەک و سەرڕاست، ھەموو ھەوڵێکی بۆ خزمەتکردن بوو، دوایین پلەشی لەحکومەت و دەوڵەتداریدا بریکاری وەزارەتی دارایی بوو.
بۆ ئەم خەمە، پرسە و سەرەخۆشی لەخۆتان و خانەوادەکەی دەکەم، خوای گەورە لەکۆچکردوو خۆش بێت و جێگەی بەھەشت بێت، سەبوری و دڵنەواییش بەھەموو لایەک ببەخشێت.
انا للە وانا الیە راجعون
قوباد تاڵەبانی
جێگری سەرۆکی ئەنجومەنی وەزیران
پارێزگاری کەرکوک بە وەکالەت لە نوسراوێکدا کە ئاڕاستەی ئەندامانی نوێی ئەنجومەنی پارێزگاکەی کردووە ئەوەشی خستوەتەڕوو، بە گوێرەی یاسای ئەنجومەنی پارێزگاکان داوا دەکات ئەنجومەنی نوێی پارێزگای کەرکوک رۆژی پێنجشەممە (١ـی شوبات) کۆببێتەوە.
ئەوەشی خستوەتەڕوو، کۆبوونەوەکە لە ھۆڵی نوێی پارێزگای کەرکوک و سەعات ٢:٠٠ـی دوا نیوەڕۆی رۆژی پێنجشەممە ساز دەکرێت.
ئەوەش لەکاتێکدایە رۆژی دووشەممە ئەندامانی نوێی ئەنجومەنی پارێزگای کەرکوک لەبەردەم سەرۆکایەتی دادگای پارێزگاکەیاندا سوێندی یاساییان خوارد و بەرەسمی وەک ئەندامی نوێی ئەنجومەن دەستبەکاربوون.
دەقی پرسەنامەی مەکتەبی سیاسی یەکێتی...
بەڕێزان کەسوکارو خانەوادەی تێکۆشەر وپێشمەرگەی دێرین ھەڤاڵ ساڵح سەدرەدین لێپرسراوی نوسینگەی کۆیەی کۆمەڵەی پێشمەرگە دێرینەکانی (ی.ن.ک)
بۆکۆچیدوایی ھەڤاڵ ساڵح ناسراو بە مەلا ساڵح ھاوبەشی پرسە و ماتەمتانین
ھەڤاڵ مەلاساڵح گشت تەمەنی خۆی لە پێناو نیشتمان و کوردایەتی و ڕێبازی یەکێتیدا بەخشی و ناو و ڕۆڵی ئەو بۆ ھەمیشە بە زیندوو ڕادەگرین.
بۆ ئەم خەمە لەیەزدانی مەزن داواکارین ئارامی بە خانەوادە تێکۆشەرەکەتان وگشت ھەڤاڵان و ھاوسەنگەرانی ببەخشێت و کۆچکردوش جێگەی بەھەشت بێت.
مەکتەبی سیاسی یەکێتیی نیشتمانیی کوردستان
وەزارەتی بەرگریی ئەمریکا و سەرۆکایەتی ھەرێم راگەیەنراوێکی ھاوبەشیان بڵاوکردەوە
وەزارەتی بەرگریی ئەمەریکا و سەرۆکایەتیی ھەرێمی کوردستان لە راگەیەندراوێکی ھاوبەشدا ئاماژەیان بەوەکردووە، لە کۆبوونەوەی دەستبەکابوونی کۆمیتەکەدا ھەڵسەنگاندن بۆ ئەو پێشکەوتنانە کرا لە پرۆسەی چاکسازی لە ھێزی پێشمەرگەدا بەدیھاتوون، لە چوارچێوەی یاداشتنامەی لێکگەیشتنی نێوان وەزارەتی بەرگریی ئەمەریکا و وەزارەتی پێشمەرگە.
ئەوەشخراوەتەڕوو، کۆمیتەکە ئەو پێشکەوتنانەی خستەڕوو کە بۆ چاکسازیی لە ھێزی پێشمەرگەدا بەدەستھاتوون، ھەروەھا لەسەر خاڵە سەرەکییەکان بۆ ساڵی داھاتوو رێککەوتن وەک بەشێک لە پابەندیی ھاوبەش و درێژخایەن بۆ یەکخستنی ھێزی پێشمەرگە لە چوارچێوەی وەزارەتی پێشمەرگە و بنیاتنانی ھێزێکی پیشەیی، کە بتوانێت تێکشکاندنی یەکجارەکیی داعش مسۆگەر بکات.
لە راگەیەندراوەکەدا ئاماژە بەوەشدراوە، وەزارەتی پێشمەرگە پێشکەوتنی بەرچاوی لە پرسی چاکسازی لە پێکھاتەی دارایی و ھێزەکاندا بەدەستھێناوە. وەزارەتی بەرگریی ئەمەریکا و وەزارەتی کاروباری پێشمەرگە بە ستایشەوە دەڕواننە بەردەوامیی ھەوڵەکانی چاکسازی وەزارەتی پێشمەرگە.
بەڕێوەبەرایەتی ھاتوچۆی سلێمانی رایگەیاند، بەمەبەستی کارئاسانی و کەمکردنەوەی ڕۆتین و قەرەباڵغی ھاتوچۆی ناو شارەکان و زووتر ڕاییکردنی مامەڵەی باجی ئۆتۆمبێلی ھاوڵاتیان، رۆژی چوارشەممە تێبینەرانی باجی ئۆتۆمبێل لەناو بینای بەڕێوەبەرایەتی ھاتووچۆی پارێزگای سلێمانی دەکرێتەوە.
ئاماژەی بۆ ئەوەشکردوە، لە رۆژی چوارشەممە، گشت مامەڵەکانی کڕین و فرۆشتن و نوێکردنەوەو گۆڕینی تایبەتمەندی و ھەڵوەشاندنەوە، بۆ ھەڵگری تابلۆی سلێمانی -٢١ لەناو تێبینەرایەتی باجی ئۆتۆمبێل ئەنجام دەدرێت و کار بە ئەستۆپاکی ھیچ بەڕێوەبەرایەتیەک ناکرێت، بێجگە لە ئەستۆپاکی تێبینەرایەتی باجی ئۆتۆمبێل/سلێمانی.
ھەروەھا راشیگەیاندوە، بۆ مامەڵەی تۆماری یەکەم جاری ئۆتۆمبێلی"بارھەڵگر و ئینشائی" پێویست ناکات سەردانی تێبینەرایەتی باجی ئۆتۆمبێلی سلێمانی بکەن، ڕاستەوخۆ لە بەڕێوەبەرایەتی ھاتوچۆی سلێمانی کاری بۆ دەکرێت.
جەختی لەوەشکردوەتەوە، ئەو ھاووڵاتییانەی ئۆتۆمبێلەکانیان پێشتر لە فەرمانگەیەکی باج لە پارێزگایەکی ھەرێم تۆمار کردووە و باجی چەند ساڵێکی داوە، پێویستە ئەستۆپاکی لەو فەرمانگەیە بھێنێت و بەرواری دواین باج دیاریبکرێت.
لای خۆیەوە کونسوڵی گشتیی نوێی بەریتانیا، سوپاسی جێگری سەرۆکی ھەرێمی کوردستانی کرد و خۆشحاڵی خۆی دەربڕی، کە لە ھەرێمی کوردستان وەکو کونسوڵی گشتیی ووڵاتەکەی دەستبەکاربووە، ھەروەھا جەختی لە پەرەپێدانی پەیوەندییەکانی وڵاتەکەی لەگەڵ ھەرێمی کوردستان کردەوە.