"جومانە غەلای" وتەبێژی کۆمسیۆنی ھەڵبژاردنەکانی عێراق بە کوردسات نیوزی راگەیاند، ھەڵبژاردن لە کاتی خۆیدا ئەنجام دەدرێت و ئەو دەنگۆیانەی بڵاوبوونەوەتەوە سەبارەت بە دواخستنی دوورن لە راستییەوە و ھەموو لایەنەکان جەختدەکەنەوە لە ئەنجامدانی لەکاتی خۆیدا، وتیشی ئامادەکارییەکان بۆ ئەنجامدانی ھەڵبژاردنەکە بە سەرکەوتوویی، بەردەوامە و ھیچ داواکارییەکیان بۆ دواخستنی ھەڵبژاردن بەدەست نەگەیشتووە.

ھێزە ئاسمانییەکانی ئەمریکا رایگەیاند، تا ئێستا نازانرێت چەند کەس بەھۆی بەرکەوتن و کەوتنەخوارەوەیان لەو فڕۆکەیە گیانیان لەدەستداوە کە لە فڕۆکەخانەی کابوڵەوە فڕی و چەند ھاوڵاتییەکی ئەفغانی خۆیان پێدا ھەڵواسی و کەوتنەوە خوارەوە، بەڵام پارچەی مرۆڤ بە تایەی فڕۆکەکەوە بینراوە.

بەگوێرەی ئەنجامی لێکۆڵینەوەکان گومان دەکرێت فڕۆکەکە لە کاتی دەرچوونی لە فڕۆکەخانەکەدا چەند ھاوڵاتییەکی ئەفغانی شێلابێت. 

راپۆرتێکی روسیش باس لەوە دەکات، ئەو فڕۆکەیەی ژمارەیەکی زۆری ئەفغانی چووبوونە ناوی بۆ قەتەر نەچووە بەڵکو رووی لە ئۆگەندا کردووە.

لێپرسراوێکی وەزارەتی خەزێنەی ئەمریکا ھەرچەندە ئاماژەی بەبڕی یەدەگی دراوی بیانی ئەفغانستان نەکردووە بەڵام تەئکیدکردووەتەوە، زۆرینەی یەدەگی دراوی بیانی ئەفغانستان لە دەرەوەی وڵاتەکەیە و بەھیچ شێوەیەک بزوتنەوەی تاڵیبان ناتوانێت بەکاری بھێنێت.

ئەوەشی خستووەتەڕوو، واشنتوان دەتوانێت سەرجەم ئەو یارمەتییە داراییانە ببڕێت پێشتر دراون بە ئەفغانستان لەلایەن سندوقی نەختی نێودەوڵەتی و بانکی نێودەوڵەتیەوە ھاوشێوەی ئەو حکومەتانەی کە دانیان پێدا نانێت وەک فەنزوێلا .

بەپێی راپۆرتێکی سندوقی نەختی نێودەوڵەتی، یەدەگی دراوی بیانی ئەفغانستان لە کۆتایی مانگی نیسانی  ٢٠٢١ دا نۆ ملیارو ٤٠٠ ملیۆن دۆلار بووە.

ھاوکات کۆمەڵەی بانکەکانی ئەفغانستان رایگەیاندووە، بەھۆی ئەو دۆخەی لەوڵاتەکەیان دروست بووە، سەرجەم بانکەکان داخراون ھیچ بڕە پارەیەکیش لە بانکەکاندا نەماوە.

حەیدەر فاروق، وتەبێژی وەزارەتی پەروەردەی عێراق رایگەیاند، وەزارەتەکەیان بڕیاری داوە دەوامی ساڵی ئایندەی قوتابخانەکان لەناو پۆلدا بێت، ئەمەش دوای ئەوەی ژمارەیەکی زۆری ھاووڵاتیان ڤاکسینی کۆرۆنایان وەرگرتووە.
فاروق ئاماژەی بەوەش کردووە، تەواوی ھەوڵی خۆیان دەدەن کە پلانەکەیان سەرکەوتوو بێت و لەناو پۆلدا دەوام بکرێت، بەڵام لەگەڵ ئەوەشدا دەستبەرداری خوێندنی ئەلکترۆنی نابن کە بووەتە ئامراز و رێگایەکی گرنگی خوێندن.

سەلام شەمەری سەرۆکی لیژنەی کشتوکاڵ و ئاو و زۆنگاوەکان، لە ئەنجومەنی نوێنەرانی عێراق رایگەیاند، بەھۆی خراپی بەڕێوەبردن لە وەزارەتی دارایی و وەزارەتەکانی تری کەرتە خزمەتگوزارییەکان و خەرجنەکردنی شایستە داراییەکانی جوتیاران، ئەمساڵ بەرھەمھێنانی گەنم لە عێراق بۆ سێ ملیۆن تۆن کەمیکردووە، وتیشی، بەشێکی زۆر لە جوتیارانی عێراق لە ھەموو پارێزگاکان، شایستە داراییەکانیان وەرنەگرتووە، بەتایبەت شایستە داراییەکانیان ساڵی ٢٠١٤.

فەرمانبەرانی گرێبەست لە یاداشتێكدا رایانگەیاند، سەڕەڕای بەجێهێنانی ئەركی خۆیان بەمووچەیەكی كەم، لەپاشەكەوتی مووچە و لێبڕینی 21٪ زەرەمەندی یەكەم بوون. 

پەیامنێری کوردسات نیوز رایگەیاند، دوا نیوەڕۆی ئەمڕۆ بەشێک لە دانیشتووانی قەزای "خەبات" خۆپیشاندانیان کرد لە دژی رووخاندنی خانووەکانیان کە بە زیادەڕەویی دروست کراوە، ھێزێکی ئەمنی زۆریش لە شوێنی خۆپیشاندانەکە بڵاوکراونەوە و توندوتیژی لە نێوانیاندا روویدا، ھاوکات ھێزە ئەمنییەکان رێگەیان نەدا ھیچ میدیایەک روماڵی بکات، بە زەبری ھێزیش کۆتاییان بە خۆپیشاندانەکە ھێنا. 
 

لە رۆژی کۆتایی وۆرک شۆپەکەدا خەڵات بەسەر چوار مامۆستای زانکۆ  وۆرک شۆپەکەیان دەوتەوە دابەشکرا و خەڵاتی رێزلێنانیش بەسەر بەشداربواندا دابەشکرا.

لەوتەیەکدا فەھی بورھان سەرپەرشتیاری مەکتەبی رێکخراوە دیموکراتییەکانی یەکێتی نیشتمانی کوردستان پشتیوانی مەکتەبەکەی بۆ ئەو جۆرە چالاکیانە دووپات کردەوە. 

ھاوکات د.ئومێد حەیدەر سەرۆکی کۆمەڵەی کیمیای و فیزیای کوردستان لەڕێگەی سەرپەرشتیاری مەکتەبی رێکخراوە دیموکراتیەکانەوە، داواکارییەکانی کۆمەڵەکەیانی خستەڕوو.

بەپێی ئاماری وەزارەتی تەندروستی ھەرێم، لە ٢٤ سەعاتی رابردوودا  ١٩٣٨ حاڵەتی نوێی توشبوون و ٢١ حاڵەتی نوێی گیانلەدەستدان بە ڤایرۆسی کۆرۆنا تۆمارکراوە و  ١٩٨٧ توشبووش چاکبوونەوە.

 

قوباد تاڵەبانی پێشوازیکرد لە وەفدێکی ئەمریکی بە سەرۆکایەتیی پۆڵ گرۆوڤ لە ئەنجومەنی پیران، لە کۆبوونەوەکەدا کە رۆبەرت پالاندینۆ کونسوڵی گشتی ئەمریکا ئامادەبوو، ھەردوولا لەبارەی چۆنییەتی بەڕێوەچوونی ھەڵبژاردنی ئەنجومەنی نوێنەران و سیناریۆکانی دوای ھەڵبژاردن گفتوگۆیان کرد و ئاسایش و رەوشی ئابوری عێراقیشیان تاوتوێکرد.

قوباد تاڵەبانی لەبارەی ھەنگاوەکانی چاکسازیکردن لە سیستمی سیاسی عێراق بە گرنگییەوە باسی لە پێویستیی دەرکردنی یاسای نەوت و گاز کرد بۆ باشترکردنی ڕەوشی ئابووری، داواشیکرد ھەنگاوەکانی بەرەنگاربوونەوەی تیرۆر زیاتر چڕ بکرێنەوە و ھەماھەنگییەکانی نێوان ھاوپەیمانان و ھێزە ئەمنییەکانی عێراق و ھەرێمی کوردستان زیاتر بکرێن.

لیژنەی پەیوەندییەکان و رەوەندی کوردستانی پەرلەمانی کوردستان لەگەڵ فەرمانگەی پەیوەندییەکانی دەرەوەی حکومەتی ھەرێمی کوردستان لەبارەی چارەنووسی ئەو ھاووڵاتییە کوردانەی لە لیتوانیان کۆبوونەوە. 

سەفین دزەیی رایگەیاند، لە پەیوەندییەکانیان لەگەڵ لێپرسراوانی لیتوانیا و وەزارەتی دەرەوەی عێراق و رێکخراوە نێودەوڵەتییەکان بەردەوامن بۆ دیاریکردنی چارەنووسی ئەو پەنابەرە کوردانەی کە ئێستا ٣٧ کەسیان گیریان خواردووە و ئەوانی تریش لەکەمپدان.

لەکۆبوونەوەکەدا کە د.ئەرسەلان بایز، ئەندامی ئەنجوومەنی باڵای سیاسی و بەرژەوەندی یەکێتیی نیشتمانیی کوردستان و دەرباز کۆسرەت رەسوڵ، کارگێڕی مەکتەبی سیاسی و سەعدی ئەحمەد پیرە، ئەندامی مەکتەبی سیاسی و د.رێواز فایەق، سەرۆکی پەرلەمانی کوردستان و قوباد تاڵەبانی، جێگری سەرۆکی حکومەتی ھەرێم ئامادەیبوون، گفتوگۆکرا لەبارەی دۆخی ناوخۆی یەکێتی، گۆڕانکاری و چاکسازییەکان و ئامادەکارییەکانی یەکێتی بۆ ھەڵبژاردنی ئەنجوومەنی نوێنەرانی عێراق و سەرخستنی ھاوپەیمانی کوردستان.

بافڵ تاڵەبانی ئاماژەی بە خۆڕێکخستنەوە و چاکسازیکردن لەناو دامەزراوەکانی حیزب کرد و وتی، یەکێتی چەند ھەنگاوێکی بەئاڕاستەی یەکێتی ناو یەکێتی ناوە و گۆڕانکارییەکان لەپێناو پاراستنی شکۆی یەکێتی و پارێزگاریکردن بووە لە دەستکەوتەکان و ئەو بەھا نەتەوەیی و نیشتمانییانەی یەکێتییەکەمان بڕوای پێیانە. ئەم حیزبە بەرھەمی رەنجی تێکۆشەران و خوێنی شەھیدانە و بەھیچ شێوەیەک رێگەنادەین لە رێبازە پیرۆزەکەی مام لابدات.

لە درێژەی کۆبوونەوەکدا ھاوسەرۆک جەختی لەوە کردەوە کە یەکێتی موڵکی ھیچ گرووپ و بەرژەوەندیخوازێک نییە و رێگەنادەین مێژووی پڕ لە سەروەری ئەم حیزبە لەکەدار بکرێت. ئەوەی کردوومانە پاراستنی حیزبی شەھیدان بووە لە ھەڵدێر و بەلاڕێدا بردن. یەکێتی لەھەناوی کۆمەڵانی خەڵکەوە دروستبووە و دەبێت ھەموو ھەوڵەکانیشی لەپێناو خەڵکدا بێت نەوەک کۆمەڵێک کەس کە یەکێتییان بۆ بەرژەوەندی و مەرامی تایبەتی خۆیان بەکاردەھێنا. دڵنیایی دەدەینە یەکێتییە سەربەرزەکان کە جارێکیتر یەکێتی نابێتە قوربانیی مەرامە تایبەت و بەرژەوەندییە شەخسییەکان، ئەوانەشی لەرابردوودا ئەم کارانەیان کردووە نابەخشرێن و رادەستی دادگایەن دەکەین.

لەبارەی ھەڵبژاردنەکانی داھاتووی عێراقەوە بافڵ تاڵەبانی رایگەیاند، دروستکردنی ھاوپەیمانی کوردستان لەپێناو کۆدەنگی و یەکڕیزی گەلەکەمان بووە، ھەموو ھەوڵەکانیشمان بۆ سەرخستنی دەخەینەگەڕ و پێکەوە لەپێناو کوردستانێکی ئارام و خۆشگوزەران کار دەکەین.

بەپێی راگەیەنراوەکە، لەگەڵ دەستگیرکردنی ئەو کەسانە دەستگیراوە بەسەر ٣٠ گرام ماددەی ھۆشبەر لە جۆری کریستاڵ و ١١ دەنک حەپی سۆمەدرێل و دوو گرام ماددەی جۆری جامایکا و دوو پایپ، تۆمەتبارەکانیش رەوانەی دادگا کراون و پەڕاوی لێکۆڵینەوەیان بۆ کراوەتەوە.

لیوا بەختیار محەمەد راوێژکاری باڵای وەزارەتی پێشمەرگە دەڵێت، لە گفتوگۆدان لەگەڵ وەزارەتی بەرگری عێراق ھێزی ھاوبەش لەو ناوچانە جێگیر بکەن بەمەبەستی نەھێشتنی مەترسییەکانی تیرۆریستان. 
دەشڵێت، تا ئێستاش تیرۆرستانی داعش لەو ناوچانە مەترسی و ھەڕەشن.

قوباد تاڵەبانی لەگەڵ تیمەکانی یەکێتی و گۆڕان لە حکومەت و پەرلەمان کۆبووەوە، بە پێویستی زانی لەمەودوا تیمەکانی یەکێتی و گۆڕان چ لە حکومەت و چ لە پەرلەمان ھەماھەنگی و ھاوکاری زیاتر لە نێوانیاندا دروست بکەن بۆ سەرخستنی ھاوپەیمانیی کوردستان.

وتیشی، ھاوپەیمانی کوردستان ڕەنگدانەوەی خەون و خواستی ھاوبەشی یەکێتی و گۆڕانە بۆ دروستکردنی نوێنەرایەتییەکی بەھێزی کوردستانی لە بەغداد، باسی لەوەشکرد، لە ماوەی چەند ساڵی ڕابردوودا ھەردوولا بۆچوونی ھاوبەش و نزیکیان ھەبووە بۆ چارەسەرکردنی کێشە ھەڵپەسێردراوەکانی نێوان ھەرێم و بەغداد، بۆیە ئەرکی سەرشانی ھەموو کادران و ھەڵسوڕاوان و ئۆرگانەکانی یەکێتی و گۆڕانە لەم ھەڵبژاردنەدا بە ھەموو توانایانەوە کار بکەن بۆ سەرخستنی ھاوپەیمانی کوردستان بۆ ئەوەی بتوانێت مافە دەستورییەکانی ھەرێمی کوردستان دەستەبەر بکات.

لە بەشێکی دیکەی کۆبوونەوەکەدا قوباد تاڵەبانی داوای لە ئامادەبووان کرد کاری جدی بکەن بۆ پشتگیریکردنی کاندیدەکان و سەرخستنی لیستی ھاوپەیمانی کوردستان.