هەواڵەکان
ئەحمەد مەسعود لە تویتەری خۆیەوە ڤیدیۆیەکی بڵاوکردووەتەوە کە شەڕی نێوان تاڵیبان و چەکدارەکانی بەرەی بەرگرییە و باسی لەوەش کردووە، پێکدادانەکانیان لەگەڵ تاڵیبان بەردەوامە. مەیسەم نزاری، وتەبێژی بەرەی بەرگریش رەتیکردووەتەوە تاڵیبان دەستی بەسەر پەنجشیردا گرتبێت.
ئاماژەی بەوەشکردوە، دبلۆماتکاران و ھەڵگرانی پاسپۆرتی دبلۆماسی و حکومی و کارمەندانی رێکخراوە نێودەوڵەتییەکان و شارەزایان و کارمەندانی پرۆژە خزمەتگوزارییەکانیش دەتوانن گەشت بۆ ھندستان بکەن.
رۆژی چوارشەممەی رابردووش وەزارەتی ناوخۆی ھەرێم رایگەیاند، رێگە بە گەشتکردنی ھاووڵاتیانی عێراق دەدرێت لە دەروازە سنورییەکانی ھەرێمی کوردستانەوە گەشت بۆ ھندستان بکەن، بە مەرجێک لەکاتی گەڕانەوەیان پشکنینی"پی ئاڕ سی" بکەن و لەسەر ئەرکی خۆیان بۆ ماوەی ١٤ ڕۆژ لەو شوێنانە کەرەنتینە بکرێن کە وەزارەتی تەندروستی دەستنیشانی دەکات.
ئاماژەی بەوەشکردوە، لیژنەکەیان ھیچ رێگرییەک لە حکومەت ناکات بۆ ئەنجامدانی گرێبەستی پڕچەککردنی سوپای وڵات لەگەڵ فڕەنسادا و پێشتریش ئەزمونی کڕینی چەکی فڕەنسیاین تاقیکردوەتەوە.
دوای دەستبەسەرداگرتنی ئەفغانستان، تا ئێستا چەند جارێک خۆپیشاندان دژی دەسەڵاتی تاڵیبان ئەنجامدراوە و بزوتنەوەکەش دەڵێت، مافی ژنان دەپارێزن و رێگە لە کارکردنیان ناگرن.
دەقی پرسەنامەکە...
بەڕێزان خانەوادە و کەسوکاری ھونەرمەند عەبدوڵا خەیات
ھونەرمەندان و ھاوڕێ و ھونەردۆستان
بەداخ و خەمێکی قووڵەوە ھەواڵی کۆچی دوایی ھونەرمەندی خۆشەویست عەبدوڵا حەمە ساڵح ناسراو بە (عەبدوڵای خەیات)مان پێگەیەشت.
بۆ ئەم خەمە پرسە و ھاوخەمی خۆمانتان ئاڕاستە دەکەین و بەشداری خەمتانین
ھونەرمەند عەبدوڵا خەیات، یەکێکبوو لە ھونەرمەندە ناسراوەکانی کوردستان کە خزمەتێکی بەرچاوی لە بواری نواندندا کردووە و کەسایەتییەکی خۆشەویستی شاری سلێمانی بوو.
ھیوای سەبووری بۆ خێزان و بنەماڵەکەی دەخوازین و رۆحی کاک عەبدوڵا شاد و ئارام بێت.
بافڵ تاڵەبانی
ھاوسەرۆکی یەکێتیی نیشتمانیی کوردستان
دەقی پرسەنامەکە...
بەڕێزان خێزان و خانەوادەی کۆچکردوو (عەبدوڵا خەیات)
بەڕێزان ھونەرمەندانی کوردستان
بەبیستنی ھەواڵی کۆچی دوایی ھونەرمەند (عەبدوڵا خەیات) دڵگران و نیگەران بووین.
کۆچکردوو (عەبدوڵا خەیات) ھونەرمەندێکی ناسراوی ھەرێمی کوردستان، یەکێک بوو لەئەکتەرە دیار و پێشەنگەکانی بواری دراما و تەلەفزیۆن، بەکۆچکردنیشی کەلێنێکی تر کەوتە نێو کایەی ھونەری.
بەم بۆنە خەمناکەوە پرسە و سەرەخۆشی لەھونەرمەندانی کوردستان و خێزان و خانەوادە بەڕێزەکەی دەکەم و خۆم بە ھاوبەشی خەمتانم دەزانم.
خوای گەورە سەبوریی و دڵنەوایی بەھەموو لایەک ببەخشێت، جێگای کۆچکردووش بەھەشتی بەرین بێت.
انا للە وانا الیە راجعون
قوباد تاڵەبانی
جێگری سەرۆکی ئەنجومەنی وەزیران
لە کۆبوونەوەکەدا د.رەزا حەسەن سەرۆکی زانکۆی سلێمانی بەناوی ئەنجومەنی زانکۆ و مامۆستا و فەرمانبەرانەوە لەگەڵ پێشکەشکردنی چەپکە گوڵی پیرۆزبایی، سوپاسی ھەوڵەکانی شاناز ئیبراھیم ئەحمەدی کرد و خۆشحاڵی نیشاندا بۆ ئەم بەدەنگەوەھاتنەی (ی.ن.ک) بۆ ئاشنابوون بەکێشە و گرفتەکانیان و ھەوڵدان بۆ پڕکردنەوەی کەم وکورتییەکانی زانکۆی سلێمانی، ئەو زانکۆیەی بەھەوڵی کاریگەری سەرۆک مام جەلال دامەزرا و بەردەوام پشتیوان و خەمخۆری سەرەکی زانکۆکە و خوێندنی باڵا بوو لە ھەرێمی کوردستان.
لەکۆبوونەوەکەدا، خاتوو شاناز ئیبراھیم ئەحمەد رۆڵی زانکۆی سلێمانی وەک ناوەندێکی ئەکادیمی گرنگ لەقەڵەمدا و وتی : زانکۆی سلێمانی سەرباری رۆڵی گرنگی وەک ناوەندێکی زانستی و مەعریفی و ئەکادیمی پێشکەوتنخواز، رۆڵێکی گرنگیشی گێڕاوە و خاوەنی مێژوویەکی پڕ لەقوربانیدان بووە، سمبولی مقاومەت و نیشتمانپەروەری بووە لەم شارەدا.
راشیگەیاند: وەک یەکێتیی نیشتمانیی کوردستان لەسەر ھەمان رێبازی سەرۆک مام جەلال پشتیوانی خوێندنی باڵا و زانکۆی سلێمانی دەبین لەپێناوی ئەوەدا کەدرێژەپێدەری کاروان و ئەو کارو پرۆژە باشانە بین و پەرەی زیاتری پێ بدەین.
لەکۆبوونەوەکەدا ئەندامانی ئەنجومەنی زانکۆی سلێمانی بیروبۆچوون و پلانەکانی خۆیان خستەڕوو لەپێناو زیاتر خزمەتکردنی ئەم ناوەندە ئەکادیمیە گرنگە، لەگەڵ شێوازەکانی گرتنەبەری رێوشوێنی پێویست بۆ رێکخستنی کاروبارەکانی زانکۆی سلێمانی و دابینکردنی کەم و کورتییەکانی.
ژمارەیەک زیندانی سیاسی و ئەوانەی لەشاڵاوی ئەنفال لەناحیەی رزگاری سەر بە قەزای کەلار لە گۆڕە بەکۆمەڵەکان رزگاریان بووە، داوای جێبەجێکردنی ئەو پڕۆژە یاساییانە لە حکومەت دەکەن کە پەرلەمانی کوردستان وەک ماف و ئیمتیازات بۆی دیاریکردوون.
نوێنەری زیندانییە سیاسییەکانیش لە کۆنفرانسێکی رۆژنامەنیدا رایگەیاند، ماوەیەکی زۆرە چاوەڕوانی جێبەجێکردنی یاسا و بڕیارەکانن، بەڵام تا ئێستا ئەو بڕیار و یاسایانەی تایبەتن بە ماف و ئیمتیازاتی زیندانیانی سیاسی جێبەجێ نەکراوە.
ھێزە ئەمنییەکان تەقەیان بەسەر خۆپیشاندەراندا کردووە و بەو ھۆیەشەوە سێ خۆپیشاندەر برینداروون، لە خۆپیشاندانەکەدا ھاووڵاتیان ئاگریان لەسەر شەقامەکان کردەوە و داوایان لە حکومەت کرد خانوەکانیان نەروخێنن و بۆیان تاپۆ بکەن.
لە ماوەی رابردوودا پارێزگاری ھەولێر بڕیاریدا بەھۆی زیادەڕۆییەوە خانووی ژمارەیەک گەڕەکی قەزای خەبات بڕوخێنرێن، چەند جارێک دانیشتوانی ئەو گەڕەکانە داوای قەرەبووکردنەوە یان تاپۆکردنی زەوییەکان کردووە، بەڵام داواکەیان وەڵام نەدراوەتەوە و ئەوانیش خۆپیشاندانیان دەستپێکردووە.
وەین مارۆتۆ وتەبێژی وتەبێژی ھاوپەیمانی نیودەوڵەتی دژبە داعش لە تویتێکدا بڵاویکردەوە، ھەوڵە ھاوبەشەکان و ھاوکارییەکانی نێوان ھاوپەیمانی نێودەوڵەتی و ھێزەکانی پێشمەرگە، وایان لێدەکات وەک ھاوبەشێک، ھێزێکی یەکجار کاریگەر پێکبھێنن و ئەوەش دڵنیایی دەدات لەوەی کە جارێکی تر داعش سەرھەڵنەداتەوە و ئاشتی و سەقامگیری لەناوچەکە بەرەوپێش بڕوات.
ئەوەش لەکاتێکدایە، لە چەند مانگی رابردوودا سوپای عێراق و ھێزەکانی پێشمەرگە چەند ژوورێکی ئۆپراسیۆنی ھاوبەشیان بە بەشداری ھاوپەیمانی نێودەوڵەتی بۆ روبەڕوبونەوەی داعش لە ناوچە جێناکۆکەکان پێکھێناوە.
دەشڵێت، بۆ پاراستنی سنورەکان، ھەماھەنگی تەواو لە نێوان ھەسەدە و پۆلیسی پاسەوانی سنوری عێراقدا ھەیە.
بێگەرد تاڵەبانی وەزیری کشتوکاڵ و سەرچاوەکانی ئاوی حکومەتی ھەرێمی کوردستان رایگەیاند، تەنھا کێشەیەک کە ھەیانە لەسەر دانانی باج و ھاوردەکردنی بەرھەمی دەرەوە، ئەوەیە ساڵانە وەزارەتی کشتوکاڵی عێراق بەبێ گەڕانەوە و ھەماھەنگی لەگەڵ ھەرێمی کوردستان بڕیار لەسەر کردنەوەی مەرزەکان دەدات و ئەوەش کاریگەری لەسەر ھێنانی بەرھەمی تەماتە بۆ بازاڕەکانی ھەرێمی کوردستان دەبێت.
ئاماژەی بەوەشکردووە، بۆ ئەو مەبەستە قسەی لەگەڵ وەزیری کشتوکاڵی عێراق کردووە و پێی ڕاگەیاندووە، بەرھەمی تەماتەی پێنجوێن و ناوچەکانی ھەرێمی کوردستان بەشی ئەوە دەکات کە رەوانەی ناوچەکانی تری عێراقی بکەن، لەبەرامبەردا، وەزیری کشتوکاڵی عێراق بەڵێنیداوە، ئەو پرسە بباتە ئەنجومەنی نوێنەران و ھەوڵدەدەن ئاسانکاری بۆ ئەو بابەتە بکەن و کێشەکە چارەسەر بکەن.
شیروان عەوڵا خورشید بەڕێوەبەری گشتی راگەیاندن و چاپ و بڵاوکردنەوە لە وەزارەتی رۆشنبیری حکومەتی ھەرێمی کوردستان رایگەیاند، کەناڵی ئای پڵەس ھیچ مۆڵەتێکی رەسمی نییە، چونکە قۆناغە رەسمییەکانی بۆ دامەزراندنی کەناڵی تەلەفیزیۆنی جێبەجێ نەکردووە.
دەشڵێت، بۆ وەرگرتنی مۆڵەت پێویستە داوایەک سەبارەت بە دامەزراندنی کەناڵی تەلەفیزیۆنی رەوانەی وەزارەتی رۆشنبیری و ناوخۆ و گواستنەوە و گەیاندن بکرێت و دوای بوونی مەرجی پێویست، ئەو کات مۆڵەت دەدرێتە کەناڵەکە، بەڵام ئای پڵەس تەنھا رێکارێکی سەرەتایی ئەنجامداوە و ھەر بۆیە مۆڵەتی رەسمی نییە.
لەکاتێکدا شەڕ و پێکدادانەکانی نیوان بەرەی بەرگری ئەفغانستان و چەکدارانی تاڵیبان بۆ کۆنتڕۆڵکردنی ویلایەتی پەنجشیر بەردەوامە، ئاژانسی ھەواڵی رۆیتەرز بڵاویکردەوە، وەفدێکی پاکستان بە سەرۆکایەتی ژەنەڕاڵ فەیز حەمید سەرۆکی دەزگای ھەواڵگری ئەو وڵاتە گەیشتووەتە کابوڵی پایتەختی ئەفغانستان.
ھەرچەندە تاوەکو ئێستا ئامانجی سەردانەکەی سەرۆکی دەزگای ھەواڵگری پاکستان بۆ کابوڵ ئاشکرانەکراوە، بەڵام فەھیم دەشتی وتەبێژی بەرەی بەرگری نیشتیمانی ئەفغانستان لە تویتێکدا رایگەیاند، سەردانەکە بەمەبەستی ھاوکاریکردنی تاڵیبان لە شەڕی پەنجشیر، ئەنجامدراوە.
پێشتر ئەمریکا چەندین جار پاکستان و دەزگای ھەواڵگری ئەو وڵاتەی بە یارمەتیدانی بزوتنەوەی تاڵیبان تۆمەتبارکردووە و بەرپرسانی پاکستانیش بەردەوام ئەو تۆمەتانەیان رەتکردووەتەوە.