دەقی راگەیەندراوەکە
بەداخەوە جارێکی دیکە بەھۆی ھێرشی تیرۆریستانی داعش بۆ سەر سەنگەرەکانی ھێزی پێشمەرگەی کوردستان لە سنوری پردێ  ، پۆلێک لە پێشمەرگەی دلسۆزی خاک و نیشتیمان شەھید و بریندار بوون .
بەناوی فراکسیۆنە جیاوازەکانی پەرلەمانی کوردستان وێرای ئیدانەکردنی ئەو پەلامارە تیرۆرستیەی شەوی رابردوو ،  پرسەو ھاوخەمی خۆمان ئاراستەی کەسوکاری سەربەرزی شەھیدان دەکەین و ھیوای زوو چاک بوونەوە بۆ بریندارەکان دەخوازین .

ئاشکرایە پەلاماری تیرۆرستان لە شەوی رابردوو دەرخەری ئەو راستیەیە ، ھێشتا ئێمە لەبەردەم ھەرەشەی دوژمنان و تیرۆرداین و مەترسییەکانی سەر قەوارەکەمان کەم نین، ھەربۆیە لە ئێستادا زیاتر لە ھەرکاتێک کوردستان پێویستی بە تەبایی و یەکریزی ھەیە ، باوەرمان وایە  تەنھا بە یەکێتی و یەکڕیزی و پێکەوە بوونمان  دەتوانین رووبەرووی پیلانی تیرۆرستان و دوژمنانی میللەتەکەمان ببینەوە .

ئەم بۆشاییە ئەمنییانەی کەلەدوای نەمانی پێشمەرگە لەناوچە کوردستانیەکاندا درووستبوون ھەمیشە بە زیان بۆ خەڵکی ناوچە کوردستانییەکانی دەرەوەی ئیدارەی ھەرێم شکاونەتەوەو تیرۆریستان سوودییان لەم کەلێنەنانە وەرگرتووە تا دەستی ڕەشیان نیشان بدەنەوە.
پێویستە ھەرچی زووە ھێزی پێشمەرگەی کوردستان و سوپای عێراقی بە ھاوبەشی پارێزگاری لەو ناوچانە بکەن و ئەم ڕووداوە نیشانمان دەداتەوە نەبوونی پێشمەرگە لەو ناچانەدا چەند زیانبەخشبووە.
دڵنیاین  ئیرادەی خۆراگری گەلەکەمان ورەی پۆڵاینی ھێزی پێشمەرگەی کوردستان  زۆر لە پەلاماری ترسنۆکانەی تیرۆستان بەھێزترە.

  گیانی شەھیدانمان شاد،خودا ئارامی و سەبووری بەھەموو لایەکمان بداتو بریندارەکان بێ شیفا نەکات.

فراکسیۆنی پارتی دیموکراتی کوردستان 
فراکسیۆنی یەکێتی نیشتمانی کوردستان

فراکسیۆنی گۆڕان 

فراکسیۆنی کۆمەڵی دادگەری کوردستان 
فراکسیۆنی یەکگرتووی ئیسلامی کوردستان 
فراکسیۆنی ھاوپەیمانی یەکێتی نەتەوەیی 
فراکسیۆنی پارتی گەشەپێدانی تورکمانی 
فراکسیۆنی سەردەم
فراکسیۆنی ئەنجومەنی گەلی کلدانی سریانی ئاشوری 
فراکسیۆنی میللەت 
فراکسیۆنی پارتی چاکسازی تورکمانی 
فراکسیۆنی ئازادی 
فراکسیۆنی رافیدەین 
فراکسیۆنی ئازادی 
فراکسیۆنی بەرەی تورکمانی 
فراکسیۆنی ئەرمەن 

١ی٥ی٢٠٢١

فڕۆکەخانەی نێودەوڵەتی سلێمانی خشتەی گەشتەکانی بڵاویکردەوە و بەپێی ئەو خشتەیە رۆژی یەکشەممە سەعات ٢ و ٥٥ دەقەی دوانیوەڕۆ گەشتی ئاسمانی لە نێوان فڕۆکەخانەی نێودەوڵەتی سلێمانی و فڕۆکەخانەی نێودەوڵەتی تاران و  بە پێچەوانەوە دەستپێدەکاتەوە.

دەستپێکردنەوەی ئەو گەشتانە، لە دوای بڕیاری حکومەتی ئێران دێت کە لە مانگی تشرینی یەکەمی ساڵی ٢٠٢٠ بەھۆی رێکارەکانی خۆپارێزی لە کۆرۆنا گەشتەکان راگیرا بوون.

رزگار حاجی حەمە ئەندامی مەکتەبی سیاسی یەکێتی بە کوردسات نیوزی راگەیاند، لەسەر پێشنیازی بافڵ تاڵەبانی ھاوسەرۆکی یەکێتی و ئەندامانی مەکتەبی سیاسی و سەرکردایەتی یەکێتی، لاھور شێخ جەنگی سەرۆکایەتی ھاوپەیمانێتییەکە دەکات.

وتیشی، بەپێی ئەو ھاوپەیمانێتییە، لەسەر ئاستی ھەرێمی کوردستان و کەرکوک،یەکێتی دەبێتە ھێزی یەکەم و لەسەر ئاستی عێراقیش دەبێتە براوەی سێیەمی ھەڵبژاردن.

رزگار حاجی حەمە رایگەیاند، ھاوپەیمانی کوردستان، لەسەر ئاستی ١٠ پارێزگای عێراق و ھەرێمی کوردستان بەشداری دەکات و کاندیدەکانیش لە نێوان یەکێتی و گۆران بە ھاوبەشی دەبێت.
 راشیگەیاند، کورد بەگشتی و ناوچە جێناکۆکەکان، سودمەندی یەکەمی ئەو ھاوپەیمانێتییە دەبن. 

ئیلی کۆھین وەزیری ھەواڵگریی ئیسرائیل رایگەیاند، فرۆکەکانیان توانای ئەوەیان ھەیە بگەنە ئێران و لە ئەگەری کاراکردنەوەی رێکەوتنە ئەتۆمیەکەشدا جەنگ سەرھەڵدەدات. 

وەزیری ھەواڵگریی ئیسرائیل جەختیشی کردووەتەوە لەوەی ھەوڵە دیپلۆماسیەکان ناتوانن رێگری لەو جەنگە بکەن و وتویەتی رێکەوتنێکی خراپ ناوچەکە بە خێرایی پەلکێش دەکات بۆ جەنگ . 

ئەو وەزیرەی ئیسرائیل داواشی لە ھێزە جیھانیەکان کردوە ریگریی لە ھەوڵەکانی ئیران بکەن بۆ تێکدانی سەقامگیریی وڵاتانی تر و دابینکردنی سەرچاوەی دارایی بۆ گروپە چەکدارەکانی لایەنگری و وشککردنی سەرچاوەکانی داھاتی ئەو وڵاتە بۆئەوەی چیتر نەتوانێت درێژە بە پیتاندنی یۆرانیۆم بدات.

میدیاکانی ئیسرائیل گیانلەدەستدانی ٤٤ کەس و برینداربونی زیاتر لە ١٥٠ کەسیان لە ئاکامی داڕمانی پردێک و بینایەک لە ناوچەی جەبەل جەرمەقی باکوری ئەو وڵاتە راگەیاندوە. 

ھاوکات پۆلیسی ئیسرائیل سەرجەم گەشتەکانی بۆ ئەو ناوچەیە راگرتوە و ریگریی لە بەرێکەوتنی خەڵکی کردوە بۆ شوێنی روداوەکە بۆ کارئاسانی بۆ گواستنەوەی تەرمەکان و برینداران. 

بنیامین نەتەنیاھۆ سەرۆک وەزیرانی ئیسرائیل روداوەکەی بە کارەساتێکی گەورە ناوبردوە. 

روداوەکە سەرلەبەیانیی رۆژی ھەینی رویداوە لەو بۆنە ئاینیەدا کە ساڵانە دەیان ھەزار کەس بەشداریی تێدا دەکەن.

بەرێوەبەرایەتی پۆلیسی سلێمانی رایگەیاندووە، شەوی ڕابردوو لە گەڕەکی ڕاپەرینی شاری سلێمانی لە ئەنجامی دەمەبۆڵەی نێوان دوو دراوسێ دوکان شەرو ئاڵۆزی دروست بوو لەئەنجامدا خاوەنی یەکێک لە دوکانەکان(دوکانی ساردەمەنی ) بەچەقۆھێرشی کرابووە  سەروو بریندار بوو و گیانی لەدەستدا.

ئاماژەی بەوەشکردووە، توانرا لەماوەیەکی کەمدا لەلایەن ھێزەکانی پۆلیسەوە تۆمەتباری سەرەکی ڕوداوەکە کە ھەڵاتبوو لەچەند کۆڵانێک نزیک شوێنی ڕوداوەکە لەلایەن بەشی پۆلیسی فریاکەوتنەوە دەستگیرکرا کە خاوەنی کافتریە و تۆمەتبارێکی تریش کە ھاوکاری کوشتنەکە بووە دەستگیرکرا.

رونیکردووەتەوە، لەئێستادا ھەریەک لە تۆمەتباران بەبڕیاری دادوەرو بەپێی ماددەی ٤٠٥ لەیاسای سزادانی عیراقی راگیراون و لێکۆڵینەوە لە گەڵیان بەردەوامە.

بەرێوەبەرایەتی گشتی تەندروستی بەسڕە رایگەیاند، لە ماوەی ھەفتەی رابردوو، ٤٤٠ حاڵەتی توشبوون بە ڤایرۆسی کۆرۆنا لەناو خوێندگاکانی ئەو پارێزگایە تۆمارکراوە، کە ٣٩٠یان خوێندکاران و  سێ خوێندنگەش داخراون.

 تەندروستی بەسڕە، بەھۆی تەشەنەکردنی ڤایرۆسەکە، پێشنیاری راگرتنی دەوام و داخستنی خوێندنگەکانی کردووە.

لە پلەی دووەمیشدا وڵاتی بەرازیل دێت بە گیانلەدەستدانی ٣٩٨ ھەزار و ١٨٥ کەس و  توشبوونی ١٤ ملیۆن و ٥٢١ ھەزار و ٢٨٩ کەس. 

پلەی سێیەم وڵاتی مەکسیکە، کە ٢١٥ ھەزار و ٩١٨ گیانلەدەستدان تۆمارکراوە و ٢ ملیۆن و ٣٣٦ ھەزار و ٩٤٤ کەس توشبوون.  

پلەی و چوارەم وڵاتی ھندستانە بە گیانلەدەستدانی ٢٠١ ھەزارو ١٨٧ کەس و توشبوونی ١٧ ملیۆن و ٩٩٧ ھەزارو ٢٦٧ کەس. پلەی پێنجەمیش بەریتانیا داگیری کردووە بە ١٢٧ ھەزار و ٧٣٤ گیانلەدەستدان و ٤ ملیۆن و ٤٢٧ ھەزار و ٣٩٠ توشبوون.  

پلەی شەشەم تا دەیەمیش وڵاتانی ( ئیتاڵیا، رووسیا، فەرەنسا، ئەڵمانیا و ئیسپانیا) داگیریان کردووە. 

ئیمانوێل ماکرۆن سەرۆکی فەرەنساش بریاری دا لە ٣٠ حوزەیران بریاری قەدەغەکردنی ھاتووچۆ لەسەر وڵاتەکەی ھەڵبگرێت.

دەقی پەیامەکە : 

بەبۆنەی ڕۆژی  (یەکی ئایار)  جەژنی کرێکارانی جیھان، پیرۆزبایی گەرم لە سەرجەم  کرێکارانی جیھان دەکەین بە تایبەتی کرێکاران و ڕەنجدەرانی بیروبازووی کوردستان. 
یەکی ئایار جەژنی کرێکاران و ڕۆژی ھاوپشتی کرێکاری و جۆشدانەوەی خەباتی چینایەتی کرێکارانە، ھەموو ساڵێک لەم رۆژەدا کرێکاران لەسەرانسەری جیھاندا ھەڵوەستە لەسەر گوزەران و مافە چینایەتییەکانیان و پێداچوونەوەو دەکردنی یاسای گونجاوی کار دەکەن، کە مافەکانی کرێکاران دەستەبەر بکات. 

 کرێکاران و ڕەنجدەرانی بیروبازوو لە کوردستاندا، لە خەبات بۆ دەستەبەرکردنی مافەکانیان درێغیان نەکردووە. لەگەڵ ئەوەشدا، لەخەباتی ڕزگاریخوازی گەلەکەماندا، بەتایبەتی لە شۆرشی نوێ دا، قارەمانی نێو سەنگەری پێشمەرگایەتی ‌و ئازا و خۆراگری خەباتی نھێنی و چالاکی ‌و ناڕەزایەتیەکانی ناو شارەکان و کەم نین ژمارەی ئەو کرێکارە تێکۆشەرانەی شەھید و بریندار بوون. 

لە دوای ڕاپەرینیش کرێکاران سەرمەشقی  خەباتی مەدەنی قۆناغەکە بوون  بۆ دەرکردنی یاسای کار و دەستەبەری کۆمەڵایەتی لە کەرتی گشتی و تایبەت  وھێنانەدی مافی دیموکراسیەکانیان و ڕەخساندنی ھەلی کار و پاراستنی ژیان و سەلامەتی کرێکاران.

یەکێتیی، وەک حزبێکی سۆشیال دیموکرات پشتیوانی  خەباتی سەندکایی و پیشەیی کرێکارانە و داکۆکی لەمافە پیشەیی و چینایەتی و دیموکراسییەکانی کرێکاران دەکات  ‌و لەرێگای نوێنەرانی لە حکومەت و پەرلەمان و رێکخراو و سەندیکاکانەوە پێداگری دەکات بۆ چەسپاندنی بنەماکانی یاسای کاری ھاوچەرخی کرێکاران، لەعێراق و کوردستان و باشکردنی ژیان و گوزەرانیان. 

جارێکی تر پیرۆزە (یەکی ئایار) جەژنە جیھانی کرێکاران

 دەقی ڕاگەیەنراوەکە : 

ئاماژە بە بەیانی ژمارە(١٧)ی ساڵی ٢٠٢١ ی لێژنەی باڵای بەرنگاربوونەوەی ڤایرۆسی کۆرۆنا لەپێناو پاراستنی تەندروستی و گیانی نوێژخوێنان بۆشەوی قەدری پیرۆز بریارماندا بە دەرچوواندنی ئەم ڕێنماییانە. 
یەکەم : شەوی قەدری پیرۆز لەکاتژمێر ١٢ شەو تاکو  ئەنجامدانی نوێژی بەیانی مزگەوتەکان کراوە دەبن 

دووەم : مەرجە ھەموو کەسێک لەناو مزگەوت ماسک ببەستێت 

سێیەم : دەست نوێژ لەماڵەوە ئەنجام دەدرێ ، نوێژ خوێنان بەرماڵی تایبەت لەگەڵ خۆیان دەھێنن و دووری نێوانیان رەچاو بکرێ لە مەترو نیوێک تا دوو مەتر. 
چوارەم : خواردن و خواردنەوە پێشکەش ناکرێت 

پێنجەم : پاراستنی پاک و خاوێنی ناو مزگەوت بەگشتی 

شەشەم : لەکاتی بونی سەرپێچی، دەسەڵات دەدرێتە ئەوقافەکان بۆ جێبەجێکردنی رێکارەکانی کارگێری و یاسایی بەرامبەر سەرپێچیکاران 

حەوتەم : بەرێوەبەرایەتی گشتی ئەوقافی پارێزگاکان و ئەوقافی قەزاکان بەدواداچوونی بەردەوام بۆ جێبەجێ کردنی رێنمیایەکان دەکەن

ھەشتەم : دەزگاکانی راگەیاندن دوای  ( ڕێپێدانی ئەوقافی پارێزگا ) دەتوانن روماڵی شەوی قەدر  لەمزگەوتەکان بکەن 

نۆیەم: ئەم ڕێنمایانە لەشەوی قەدری پیرۆز لەلایەن مامۆستای ئایینی مزگەوت و نوێژخوێنان وەک خۆی جێ بەجێ دەکرێن.

بە پێی راگەیەندراوێکی وەزارەتی تەندروستی ھەرێم، لە ماوەی ٢٤ سەعاتی رابردوو لە ھەرێمی کوردستان  ٨٨٠ کەسی تر توشی ڤایرۆسی کۆرۆنا بوون و  ٥ توشبووی تری کۆرۆنا گیانیان لەدەستدا و  ٩١٩ توشبووی تری ڤایرۆسەکە چاکبوونەتەوە.


ڕاگەیاندراوی (٢٤) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩      ژمارە (٤٢٩)

 
١. پشکنین: (٩٤٨٦ پشکنینی نوێ) 
• (٢٩٥٢) ھەولێر
• (٢٠٩٩) سلێمانی
• (٣٩١٣) دھۆک
• (١٠٠) ھەڵەبجە
• (٣٧٦) گەرمیان
• (٤٦) ڕاپەڕین
•

 
٢. تووشبوو: (٨٨٠ تووشبووی نوێ)

• (١٧٦) ھەولێر
• (٢٦٩) سلێمانی
• (٣٧٦) دھۆک
• (٦) ھەڵەبجە
• (٣٨) گەرمیان
• (١٥) ڕاپەڕین

٣. چاکبوون: (٩١٩ چاکبوون)
• (١١٢) ھەولێر
• (٣٢٥) سلێمانی
• (٤١٥) دھۆک
• (٤) ھەڵەبجە
• (٥٣) گەرمیان
• (١٠) ڕاپەڕین
•
٤. مردن: (٥ مردن)
• (٣) ھەولێر
• (١) سلێمانی
• (١) دھۆک
• (٠) ھەڵەبجە
• (٠) گەرمیان
• (٠) ڕاپەڕین 

•
 
ئاماری گشتی:

کەڕەنتین ھاوڵاتی ٢١٨٧١ (٢١٨٧١ دەرچوو)
پشکنین ١٦٣٩٨٣٩ (٥٧٢٥٠٣ ھەولێر، ٣٧٥٥٢٤ سلێمانی، ٦٨٠١٥٣ دھۆک، ١١٦٥٩ ھەڵەبجە)
تووشبوون ١٥٠٨٨٨ (٤٨٧٤١ ھەولێر، ٤٥٤٢٤ سلێمانی، ٥٣٢٧١ دھۆک، ٣٤٥٢ ھەڵەبجە)
چاکبوون ١٢٧٤٢٧ (٤١٠٦٧ ھەولێر، ٣٧٠٥٥ سلێمانی، ٤٦٢٣٢ دھۆک، ٣٠٧٣ ھەڵەبجە)
لەژێر چارەسەر ١٩٤٤٠ (٦٥٧٠ ھەولێر، ٦٥١٢ سلێمانی، ٦١٢٤ دھۆک، ٢٣٤ ھەڵەبجە)
مردن ٤٠٢١ (١١٠٤ ھەولێر، ١٨٥٧ سلێمانی، ٩١٥ دھۆک، ١٤٥ ھەڵەبجە)

بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە (١٢٢). 
 
 وەزارەتی تەندروستی       
حکومەتی ھەرێمی کوردستان    
٣٠ی نیسان ٢٠٢١

 دەقی پەیامەکە : 

بەبۆنەی ١ی ئایار، ڕۆژی جیھانیی کرێکارانەوە، جوانترین پیرۆزبایی خۆمان ئاڕاستەی کرێکارانی کوردستان و عێڕاق جیھان دەکەین.
ئەم بۆنە جیھانییە بەدەرفەتێک دەزانین کەتێیدا ستایشی ڕۆڵ و کاریگەریی ڕاستەوخۆی کرێکاران بکەین لەئاوەدانکردنەوەو بنیادنانەوەی وڵاتدا، بووژاندنەوەو نوێکردنەوەی ھیچ سێکتەرێکی ژیان بەدی ناکەین کەشوێن پەنجەی زێڕینی کرێکارانی پێوە دیار نەبێت، ئەوەی کەھاتۆتە دی بەری ڕەنج و ماندووبوونی دڵسۆزانەی ئەوانە.

ئێمە لەپەرلەمانی کوردستان وێڕای پشتیوانیمان لەھەموو داخوازییە ڕەواکانی کرێکاران، ھاوکات داکۆکیکاری خەباتی ڕێکخراوەییان دەبین لەسەندیکا پیشەییەکانیاندا، لەپێناو فەراھەمکردنی ژیان و گوزەرانێکی ئاسوودەتر بۆیان و دابینکردنی بیمەو خانانەنشینکردنیان لەدوای تەمەنی یاسایی کارکردن.

ھەروەھا پاڵپشتیی تەواوی خۆمان دەردەبڕین بۆ کرێکاران و دەستی کاری ناوخۆیی، پێویستە لەسەر حکومەت چاودێریی ڕێژەی ھێنانی دەستی کاری دەرەکی بکات لەلایەن کۆمپانیاکانەوە، بەجۆرێک کار نەکاتە سەر بژێوی و کاری کرێکارانی ناوخۆیی، ھەروەھا یاساکانی کارو دەستەبەری کۆمەڵایەتی بەھەموو وردەکارییەکانییەوە جێبەجێ بکات، پەرلەمانی کوردستانیش، زەمینەی تەواو دەڕەخسێنێت بۆ دەستپێشخەریی ھەر پێشنیازەیاساو ھەموارکردنەوەیەکی نوێی یاسای کارو دەستەبەری کۆمەڵایەتی، کەگۆڕانکاری لەماف و داخوازییەکانی کرێکاران بکات بەرەو ژیانێکی شایستە تر. 
جارێکی تر پیرۆزبێت جەژنی کرێکاران، سڵاو بۆ گیانی پاکی ھەموو ئەو کرێکارانەی کە لەکاتی خزمەت و کارکردندا گیانیان سپارد.
ھەمیشە سەرکەوتوو و سەرفرازبن.

وەزیری ناوخۆی تورکیا ئاشکرایکرد: بنکەیەکی سەربازیی لە چیای مەتینای سنوری بادینان دادەمەزرێنن.

سلێمان سۆیلۆ وەزیری ناوخۆی تورکیا رایگەیاند: حکومەتی ئەنقەرە بەنیازە بنکەیەکی سەربازیی لەچیای مەتینا لە سنوری بادینان دابمەزرێنێت، وتیشی: چیای مەتینا ناوچەیەکی ستراتیژییەو نزیکە لە چیاکانی قەندیل کە بەپێگەو ناوەندی سەرەکی پارتی کرێکارانی کوردستان، دادەنرێت.

وەزیری ناوخۆی تورکیا باسی لەوەشکرد: ئۆپراسیۆنە سەربازییەکانی سوپای وڵاتەکەی لە ھەرێمی کوردستان  لەدژی پارتی کرێکارانی کوردستان، بەردەوام دەبێت.

لێدوانەکەی سلێمان سۆیلۆ لەکاتێکدایە، وەزارەتی بەرگریی تورکیاش لە راگەیاندراوێکدا، بڵاویکردەوە: ئۆپراسیۆنە سەربازییەکان لەدژی پارتی کرێکارانی کوردستان لە ھەرێمی کوردستان، بەردەوام دەبێت.

میدیاکانی باکوری کوردستان رایانگەیاند، بە بڕیاری داواکاری گشتی ئامەد لە ڕۆژی ٢٦ی نیسانی ئەمساڵ ١٢ ئەندام و بەرپرسی ھەدەپە و دەبەپە دەستگیر کران و دوای چوار ڕۆژ بەھۆی ئەو پۆستانەی ئەو کەسانە لە تۆڕە کۆمەڵایەتییەکاندا بڵاویانکردووەتەوە، دادگای سزاکانی ئامەد سزای زیندانیکردنی بەسەر ئەو ئەندام و بەرپرسانەدا سەپاند.