هەواڵەکان
بەپێی ئەنجامی راپرسییەكی هاوبەشی نێوان ناوەندی ئەمریكی بۆ توێژینەوەی سیاسی لە زانكۆی هارڤارد و سەنتەری زەهاریس پۆڵ ماوەی دوو رۆژی خایاندووە و 1578 كەس دەنگیان داوە، 48%ی بەشداربووانی راپرسیەكە بۆچوونێكی ئەرێنیان بەرامبەر دۆناڵد ترامپ سەرۆكی پێشووی ئەمریكا هەیە 46 و % بیروبۆچونێكی ئەرێنیان بەرامبەر جۆ بایدن سەرۆكی ئەمریكا هەیە،
هەر بەپێی راپراسییە 49% بەشداربووان لە كارەكانی جۆبایدن رازی نین. و لەبەرامبەردا كەمتر لە 47% لە كارەكانی دۆناڵد ترامپ رازی نین.
هاوكات دۆناڵد ترامپ سەرۆكی پێشووی ئەمریكا رایگەیاند، لە داهاتوویەكی نزیكدا بەهۆی قەیرانی كۆچبەرانەوە، ئەمریكا دەبێتە یەكێك لە وڵاتانی جیهانی سێیەم.
لەگەڵ هاتنی جۆ بایدن بۆ كۆشكی سپی رێوشوێنەكانی بەرامبەر كۆچبەران سوككرد و بەهۆیەوە رێژەی چوونی كۆچبەران بۆ ئەمریكا بەرزبۆوە.
مامۆستا نەجمەدین قادر سەرۆکی لقی سلێمانی یەکێتی زانیایانی ئاینی ئیسلامی کوردستان بە کوردسات نیوزی ڕاگەیاند: بە درێژای ٥١ ساڵی ڕابردووی تەمەنی ڕێکخراوەکەیان ڕۆڵێکی گرنگ و بەرچاویان بینییوە لە ڕوونکردنەوەی بنەماکانی ئاینی پیرۆزی ئیسلام و بەدیھێنانی ئاشتی کۆمەڵایەتی و گەیاندنی پەیامی یەکڕیی و تەبایی و یەکخستنی ڕیزەکانی خەڵکی کوردستان.
وتیشی، زانایانی ئاینی لەسەر ھەمان پەیام و ڕێچکە بەردەوام دەبن و وەک ھەمیشە ھەوێنی سەقامگیری و ئاشتی کۆمەڵایەتی دەبن لە ھەرێمی کوردستان.
٢١ی ئەیلولی ھەموو ساڵێک وەک ڕۆژی جیھانی ئاشتی دیاریکراوە، بۆ ئەو مەبەستە ئەمساڵ کۆنگرەیەک لە شاری قاھیرە ڕێکخراوە، کە لەلایەن کۆمکاری عەرەبیەوە سەرپەرشتی دەکرێت و جگە لە وڵاتانی کۆمکاری عەرەبی، نەتەوە یەکگرتووەکان و تونس و بەحرەین و میسڕ و پەرلەمانی ئەوروپی و عەرەبی بەشداری دەکەن.
یاسین ڕەئوف وەک نوێنەری یەکێتی لە کۆنگرەکەدا وتارێکی پێشکەشکرد و ڕایگەیاند، ئێستا لە ھەر کاتێک زیاتر ئاشتی لە جیھاندا لە مەترسیدایە، چونکە لە لایەک بەھۆی زیادبوونی ململانێکانی ئەمریکا و چین وەک دوو زلھێزی ئابووری و سیاسی جیھان و لە لایەک بەھۆی سەرھەڵدانەوەی گرووپە تیرۆرستی و توندڕەوەکان دوای کشانەوەی ئەمریکا لە ئەفغانستان.
زەبیحوڵا موجاھید وتەبێژی بزوتنەوەی تاڵیبان ڕایگەیاند، دوو کەس کە یەکێکیان لە ولایەتی پەنجشیرە بۆ بەڕێوەبردنی وەزارەتەکانی بازرگانی و تەندروستی دەستنیشانکردووە، لەگەڵ دامەزراندنی ١١ جێگری وەزیری نوێ بۆ کابینەی حکومەتە کاتیەکەی ئەفغانستان. ڕاشیگەیاند، کچان لە کاتێکی گونجاودا دەگەڕێنەوە بۆ ناو خوێندنگەکان.
بەڕێوەبەرایەتی شارەوانی ھەڵەبجە کە ئەندامی ڕێکخراوی شارەوانیەکانی جیھانە بۆ ئاشتی، بە ئامادەبوونی بنەماڵەی شەھیدان و ژمارەیەک لە لێپرسراوانی حکومی خەڵاتەکانی بەخشی و ھیوای خواست پەیامی ئاشتی لە جیھاندا زیاتر بڵاوببێتەوە و چیتر ھیچ تاکێک نەبێتە قوربانی جەنگەکان.
لە دیدارێکدا کە ئەمین بابە شێخ و سۆران جەمال تاھیر، ئەندامانی مەکتەبی سیاسی ئامادەبوون، جەخت لە فراوانکردنی پەیوەندییەکان و ھەماھەنگی زیاتری ھەردوولا کرایەوە بە جۆرێک خزمەت بە بەرژەوەندییە باڵاکان بکات بە تایبەت لە بوارەکانی ئابووری، پەروەردە و کلتووری.
بافڵ تاڵەبانی خواستی یەکێتی دووپاتکردەوە بۆ پەرەپێدان و بونیادنانی پەیوەندییەکی پتەو و دۆستانە لەسەر بنەمای بەرژەوەندی ھاوبەش و ھەموو پشتیوانی و کارئاسانییەکی یەکێتی بۆ ئەم مەبەستە دەربڕی.
ڕاشیگەیاند لە چوارچێوەی ھەوڵەکانمان بۆ بونیادنانی ھەرێمێکی خۆشگوزەرانتر و پێشکەوتووتر، پێویستمان بە ھاوکاری و پشتیوانیی دۆستەکانمان دەبێت تاوەکو لەگەڵمانبن بۆ پێشخستنی ھەموو کایەکانی ژیان.
لە دیدارێکدا کاسبکار و دوکاندارەکانی ناوبازاڕی سلێمانی رایانگەیاند: کە شارەوانی سلێمانی موزایەدەیان بەسەردا کردوون و بڕیاری وەرگرتنەوەی دوکانەکانیان دراوە و کرێی مانگانەیان لەسەر زیاد کردوون، ئەوەش بۆتە گرفتێکی گەورە لە بەردەم کاسبکاراندا.
بەوتەی ئەو کاسبکارانە، خاوەندارێتی و شوێنی کارکردنی ژمارەیەکیان لەو دوکانانەدا بۆ ٨٠ ساڵ پێش ئێستا دەگەڕێتەوە، بۆیە داوایان کرد خاتوو شاناز بەدەنگ خواست و کێشەکانیانەوە بچێت تا ھیچ بڕیارێک دژی بەرژەوەندیی ئەوان و خێزانەکانیان نەدرێت.
لای خۆیەوە، شاناز ئیبرایم ئەحمەد، دوای ئەوەی لە نزیکەوە گوێی بۆ کێشە و داواکارییەکانیان گرت، پشتگیری خۆی بۆ چارەسەری کێشە و داواکارییەکانیان دووپاتکردەوە، وتیشی:"ئاگاداری خەم و کێشەکانتانم و لەگەڵ لایەنە پەیوەندیدارەکان گفتوگۆمان کردووە، بۆئەوەی رەچاوەی بەرژەوەندیی ئێوەی کاسبکار و خێزانەکانتان بکرێت، دڵنیابن رێگە بە کەس نادەین غەدرتان لێ بکات".
لەبارەی ئەنجامی کۆبوونەوەکەیانەوە، عەلی چاوڕەش یەکێک لە نوێنەرەکانی دوکاندار و کاسبکارانی ناوبازاڕی سلێمانی وتی: "کۆمەڵێک کێشە و گرفتمان ھەبوو کە ئەمڕۆ خستمانە بەردەم خاتوو شاناز ئیبراھیم ئەحمەد بۆئەوەی چارەسەری بکات، جێگەی دڵخۆشییە کە خاتوو شاناز کێشەکانی بۆ چارەسەر کردین و کارەکەی بۆ جێبەجێکردین.
وتیشی: "خۆزگە چوار شاناز خانمان ئەبوو لە سلێمانی، بۆئەوەی ھەمیشە ئاوڕ لە کار و کەسەبەتی خەڵکی ناو بازاڕ بدرایەتەوە.
لایخۆشیەوە، دڵشاد حاجی محەمەد کە وەکو نوێنەری کاسبکار و دوکاندارانی بازاڕی زێوەری دوو بەشداری لە کۆبوونەوەکە کردبوو، ئاماژەی بەوەدا: وەکو ژمارەیەک دوکانداری ناوبازاڕی شاری سلێمانی، سەردانی خاتوو شاناز-مان کرد و تەواوی کێشە و داواکارییەکانمان پێگەیاند، ئەویش بەوپەڕی دڵسۆزی و خەمخۆرییەوە، بەڵێنی پێداین کێشەکەنمان بۆ چارەسەر بکات".
لەدرێژەی کۆبوونەوەکەدا بافڵ تاڵەبانی جەختی لە یەکڕیزی و کۆدەنگی ھێز و لایەنە سیاسییەکان کردەوە و ڕایگەیاند، ھاوپەیمانی کوردستان لەنێوان ئێمە و بزووتنەوەی گۆڕان بەئامانجی بەھێزترکردنی پێگەی ھەرێم و یەکڕیزی نیشتمانی دروستبووە، وتیشی، دەمانەوێت پێکەوە یەک گوتاری نیشتمانیمان ھەبێت و بەرگری لە بەرژەوەندییە باڵاکانمان بکەین و بیانپارێزین. پێشوازی لە ھەر ھەوڵێکیش دەکەین کەبیەوێت لەو پێناوەدا کار بکات.
لەبارەی بەڕێوەچوونی ھەڵبژاردنی ئەنجوومەنی نوێنەرانی عێراق بافڵ تاڵەبانی جەختی لەبەڕێوەچوونی ھەڵبژاردنێکی پاک و بێگەرد کردەوە کە زامنی پاراستنی سەقامگیری سیاسی، ئابووری و ئەمنی بکات و رەنگدانەوەی خواستی ھەمووان بێت.
بڕیاردرا بەپێدانی زەوی دانیشتوانی ئەو گەڕەکە قەرەبوو بکرێنەوە. ھەروەھا بڕیاردرا گەڕەکی ناسراو بە (لیوا رەشەکە) لە کەلار کە مەترسی روخانی لەسەرە و ھەندێ لە خانوەکانی داڕوخاوە، چۆڵبکرێت.
شاناز ئیبراهیم ئەحمەد كارگێڕی مەكتەبی سیاسی یەكێتی و لێپرسراوی میحوەری سلێمانی بۆ هەڵمەتی بانگەشە و هەڵبژاردن، رایگەیاند، كەمتەرخەمی لە هیچ بەرپرسێكی حكومی قبوڵ ناكەن، كە بۆ خزمەتكردنی هاوڵاتیان دیارییكراون دەشلێت، ئەوانەی كەمتەرخەمی بكەن دەیانگۆڕن.
شاناز ئیبراهیم ئەحمەد بە قائیمقام و بەڕێوەبەری پێشووی ناحیەكانی ڕاگەیاند كارەكانی ڕابردوویان جێگەی ڕێزە، ئێستاش كە لەپۆستەكانتاندا نەماون خەمخۆر و داكۆكیكاری ڕاستەقینەیان دەبن، وتیشی پێویستە لەم قۆناغەدا بە ئەرك و ڕۆڵی حزبی خۆیان هەڵسن.
