هەواڵەکان
بۆ ڕێگریکردنیش لە چوونە ناوەوەی خۆپیشاندەران بۆ ناوچەی سەوز، ھێزێکی ئەمنی زۆر بڵاوکراوەتەوە و باڵیۆزخانەی ئەمریکاش لە بەغداد بەھۆی ناجێگیری ڕەوشەکەوە زەنگی ئاگادارکردنەوەی لێدا.
بومەلەرزەکە لە بە دووری سێ کیلۆمەتر لە شارۆچکەی سواۆ ڕوویداوە و ھێشتا زیانەکانی نەزانراوە. مانگی ڕابردووش بومەلەرزەیەکی بەھێز بە گوڕی ٥.٧ پلە ئەو وڵاتەی ھەژاند.
ھاوپەیمانی فەتح لە ڕاگەیەندراوێکدا بڵاویکردەوە، پیرۆزبایی ئەنجومەنی ئاسایشی نێودەوڵەتی بۆ سەرکەوتنی ھەڵبژاردنی عێراق بەر لە یەکلاکردنەوەی تانەکان، تووشی سەرسوڕمانی کردوون.
وتیشی، بەو پیرۆزباییە ئەنجومەنی ئاسایشی نێودەوڵەتی لە بێلایەنی لایداوە و پرسیار لەسەر ڕۆڵی ئەو ئەنجومەنە لەسەر ھەڵبژاردنەکە دروست دەکات، بە تایبەت کە چاودێرە نێودەوڵەتییەکان تێبینی و سکاڵایان لەسەر پڕۆسەکە ھەبووە.
ھاوپەیمانی "فەتح" جەختیشی کردەوەی لەوەی، سازش لە داواکاری خەڵک و ھێزە سیاسییەکان بۆ ژماردنەوەی دەنگەکان بە دەست لە سەرجەم وێستگەکان ناکەن، ھەموو دەستوەردانێکی دەرەکیش لە ئەنجامی ھەڵبژاردن ڕەتدەکەنەوە.
میدیاکانی ڕۆژھەڵاتی کوردستان بڵاویانکردەوە، لە ڕێگەی نێوان شارەکانی مەریوان و نۆدشە و لە ناوچە شاخاوییەکانی "داڵانی" ھەورامان، ئۆتۆمبێلێک لە جۆری "پڕاید" کە ھەڵگری شەش کۆڵبەر بووە، وەرگەڕاوە و لە ئاکامدا سێ لە کۆڵبەرەکان گیانیان لە دەستداوە و سیانەکەی تریش برینداربوون و باری تەندروستی یەکێک لە بریندارەکان ناجێگیرە.
ئاماژە بەوەشکراوە، ئەو کۆڵبەرانەی گیانیان لە دەستداوە، خەڵکی گوندەکانی "قەڵاشێخان" و "تووەسورانی" شاری مەریوان بوون.
"سادق مۆعتەمێدیان" پارێزگاری نوێی ورمێ لە ڕێوڕەسمی دەستبەکاربونیدا ڕایگەیاند، دەبێت بەڵێنێک بە خەڵکی بدەن کە توانای جێبەجێکردنیان ھەبێت و لە ئێستاشدا تەواو کردنی پڕۆژە ناتەواوەکان لە ئەولەویەتی بەرنامەکانیان دایە. وتیشی بوژاندندنەوەی دەریاچەی ورمێ بابەتێکی گرنگە و بەجددی بەدواداچوونی بۆ دەکات.
بەھۆی بێ بارانی و وشکەساڵی ئاوی دەریاچەی ورمێ بەردەوام کەم دەبێتەوە و ئەمساڵ ئاستی ئاوی دەریاچەکە زیاتر لە ٦٣ سانتیمەتر دابەزیوە، چەند ڕۆژ پێش ئێستاش ئیبراھیم ڕەئیسی سەرۆک کۆماری ئێران بڕیاریدا لیژنەی بوژاندنەوەی دەریاچەی ورمێ کارا بکرێتەوە.
خۆپیشاندانەکە بە ناوی ناڕەزایی دایکانی پۆڵەندییەوە ڕێکخرا و لە بەردەم بارەگایی پۆلیسی پاسەوانی سنور لە شاری میکۆلۆو بەڕێوەچوو، دایکانی پۆڵەندی نارەزایی توندیان دەربڕی بەرامبەر بە مامەڵەی خراپ لەگەڵ منداڵانی کۆچبەر و ئەو ڕەوشە خراپەی لە دارستانەکاندا ڕووبەڕووی کۆچبەران دەبێتەوە لە کاتی ھەوڵدان بۆ گەیشتن بە وڵاتانی ئەوروپا.
خۆپیشاندەران داوایان کرد سەرمای زۆری سنوورەکە لە بەرچاو بگیرێت و گیانی کۆچبەران و منداڵەکانیان بپارێزرێت و بەرەو سنوورەکان دیپۆرت نەکرێنەوە.
بە پێی ڕاپرسییەکی دامەزراوەی "گالوپ"، لە چارەکی سێیەمی ئەمساڵدا ئاستی جەماوەریی "بایدن" بۆ ٤٤.٧٪ دابەزیوە، لە کاتێکدا لە چارەکی یەکەمی ئەمساڵدا ٥٦٪ بووە، واتە بە ڕێژەی ١١.٣٪ پشتیوانی کردنی کەمبووەتەوە.
بە پێی ڕاپرسییەکە، "بایدن" لە سەرەتای گرتنە دەستی دەسەڵات پشتیوانی کردنی لەلایەن ھاووڵاتیانەوە کەمبووەتەوە، بە شێوەیەک ھیچ سەرۆکێکی ئەمریکا لە دوای جەنگی دووەمی جیھانییەوە ئاستی جەماوەری بەو ڕادەیە کەمنەبووەتەوە.
لە ڕاگەیەنراوێکدا کە لە پێگەی ئەلکترۆنی خامنەیی بڵاو کراوەتەوە ئاماژە کراوە بەوەی، بە بۆنەی یادی لە دایکبوونی پێغەمبەری ئیسلام بڕیاری لێبوردن و سووککردنی سزای سەر ٣٤٥٨ کەسی پەسەند کرد.
پێشتریش خامنەیی لە مانگی تەمووزی ڕابردوودا بە بۆنی جەژنی قوربانەوە لێخۆشبوونی بۆ زیاتر لە ٢٨٠٠ زیندانی دەرکرد.
خامنەیی ساڵانە لە بۆنە ئاینییەکاندا فەرمانی لێخۆشبوون دەردەکات، لەگەڵ ئەوەشدا دەستگیرکردن بە دۆسیەی جیاجیا لەو وڵاتە بەردەوامە.
ناوەندی ڕاگەیاندنی ھێزەکانی سوریای دیموکرات بڵاویکردەوە، ٣ ئەندامیان بۆ وەرگرتنی چارەسەر لە شارۆچکەی "سرین"ەوە چوونەتە "کۆبانێ"، بەڵام لە کاتی گەڕانەوەیاندا ڕووبەڕووی بۆردوومانی فڕۆکەیەکی بێفڕۆکەوانی تورکیا بوونەتەوە و شەھید بوون.
ڕوانگەی سوریاش بۆ مافەکانی مرۆڤ ڕایگەیاندبوو، لە ماوەی ٧٢ سەعاتی ڕابردوودا بۆ دووەم جارە تورکیا ھێزەکانی سوریای دیموکرات لە ڕۆژئاڤای کوردستان دەکاتە ئامانج و ڕۆژی چوارشەممەی ڕابردووش تورکیا ئۆتۆمبیلێکی تری لەناو کۆبانێ بۆردومان کرد و بەھۆیەوە پێنج کەس کوژران.
نوری مەحمود وتەبێژی ھێزەکانی سوریای دیموکرات (ھەسەدە) ڕایگەیاند، ڕەجەب تەیب ئەردۆغان دەیەوێت کورد لە ڕۆژئاڤای کوردستان کۆمەڵکوژ بکات.
دووپاتیشی کردەوە، مامەڵەکردن لەگەڵ سەرۆکی تورکیا بە واتای پەسەندکردنی کۆمەڵکوژکردنی کورد دێت.
ماوەی چەند ڕۆژێکە ئاماری تووشبوون و گیان لە دەستدان بە کۆرۆنا لە ھەرێمی کوردستان ڕووی لە بەرزبوونەوە کردووە و لێپرسراوانی وەزارەتی تەندروستیش داوا لە ھاوڵاتیان دەکەن پەلە بکەن لە وەرگرتنی ڤاکسینی دژ بە کۆرۆنا.
دەشڵێن، ڤاکسین بۆ مامۆستایان و ئەو کارمەندانەی لە شوێنە داخراوەکان کار دەکەن، دەکرێتە ناچاری و دەبێت ھەرچی زووتر ڤاکسینەکە وەربگرن.
سەرۆکایەتی پەرلەمانی کوردستان لە نوسراوێکدا داوای لە سەرجەم پەرلەمانتاران کردووە ئامادەی کۆبوونەوەی ڕۆژی سێشەممە بن کە تیایدا گفتوگۆ دەکرێت لە بارەی خستنەڕووی دواین بەدواداچوون و کارەکانی پەیوەست بە بابەتی سێ یەکەمەکان و وانەبێژان و ئامادەکارییەکان لەگەڵ لایەنی پەیوەندیدار.
ھەر لە کۆبوونەوەکەدا پەرلەمانی کوردستان بەدواداچوونی لیژنەکان لە بارەی گرفتتی سوتەمەنی و چارەسەرەکانی تاوتوێ دەکات، تەوەرێکی تری کۆبوونەوەکە پەرلەمان بەرھەمھێنان و ھاوردەکردنی بنەتۆ و شەتڵ تاوتوێ دەکات.
حکومەتی ھەرێم باسی لەوەشکردووە، گرفتی سوتەمەنی تەنھا بەرۆکی ھەرێمی نەگرتووە، بەڵکو ئەم گرفتە ڕووبەڕووی ھەموو جیھان بووەتەوە و حکومەتی ھەرێمی کوردستانیش درێغی نەکردووە، حکومەتی ھەرێم ھاووڵاتییانیشی دڵنیا کردووەتەوە لەوەی ھەموو ھەوڵێکی داوە و بەردەوامە لە چارەسەرکردنی ئەم گرفتە.
نوێنەرانی مامۆستایانی وانەبێژ دووپاتیان کردەوە، تا ئەو کاتەی وەڵامیان دەست دەکەوێت بەردەوام دەبن لە بایکۆتکردنی ھۆڵەکانی خوێندن.
ئەمین بابەشێخ وتەبێژی یەکێتی بە کوردسات نیوزی ڕاگەیاند، بڕیارە لە چەند ڕۆژی داھاتوو وەفدی یەکێتی سەردانی لایەنە سیاسیەکانی ھەرێمی کوردستان بکات و ئامانجی سەردانەکەش بۆ دروستکردنی کۆدەنگییە لە نێوان لایەنە سیاسیەکانی ھەرێم بۆ ئەوەی پێکەوە بە یەکدەنگی و یەکڕیزی بچنە بەغداد و پێکەوە شەڕی بەدەستھێنانی ماف و داخوازییەکانی کورد بکەن.
پاولا غانلی باڵیۆزی ئوسترالیا لە عێراق سەردانی مەزاری سەرۆک مام جەلالی کرد و دوای دانانی تاجەگوڵینەی ڕێز و وەفاداری ڕایگەیاند، مام جەلال سەرکردە و کاریزمای گەورەی عێراق و کوردە و لە دەستدانی زیانێکی گەورە بوو بۆ کوردستان و عێراق.
ئاماژەی بۆ ئەوەشکرد ھەموومان شانازی بەو ڕۆڵە گەورەیەوە دەکەین کە مام جەلال لە ڕابردوودا بینیوەیەتی و ئەوەش وەک بەشێکی گەورە لە مێژووی ئەو سەرکردە و ڕابەرە مێژوویەدا دەمێنێتەوە.