هەواڵەکان
بەڕێوەبەرایەتی ھاتوچۆی پارێزگای سلێمانی بڵاویکردەوە، بەھۆی دابەزینی پلەکانی گەرما و بونی تەمومژ ئاستی بینین لەسەر ڕێگەی گۆیژە و سنوری ناوچەی شارباژێر تا ڕادەیەکی زۆر کەمبووەتەوە.
داواشی لە ھاوڵاتیان و شۆفێران کردووە، خێراییان کەم بکەنەوە و بە کاری زۆر پێویست نەبێت ڕوونەکە ئەو ناوچانە تا ئاساییبوونەوەی کەشوھەوا.
(مەزھەر محەمەد ساڵح) ڕاوێژکاری ئابوریی سەرۆک وەزیرانی عێراق، قەبارەی قەرزە ناوخۆیی و دەرەکییەکانی وڵاتەکەی ئاشکرا کرد و ڕایگەیاند، عێراق ٥٠ ملیار دۆلار قەرزی کۆمپانیا ناوخۆییەکان و ٢٠ ملیار دۆلار قەرزی دەرەکی لەسەرە.
وتیشی، لە کۆی ٤١ ملیار دۆلار قەرزی دەرەکی کە بۆ پێش ساڵی ١٩٩٠ و ساڵانی جەنگی عێراق و ئێران دەگەڕێتەوە، ھێشتا ٨ بۆ ٩ ملیار قەرزی وڵاتانی کەنداوی لەسەر ماوە.
ڕاشیگەیاند، دوای ساڵی ٢٠١٤ بەھۆی شەڕی داعش و دابەزینی نرخی نەوت کە کاریگەرییان لەسەر بودجەی عێراق دروستکرد، قەبارەی قەرزە دەرەکییەکان ٢٠ ملیار دۆلاری تێپەڕاند، ئێستاش بە شێوەیەکی گشتی عێراق ٧٩ ملیار دۆلار قەرزی لەسەرە کە پێویستە یەکلایی بکرێنەوە.
وەک بەڕێوەبەرایەتی ئاسایشی سلێمانی دەستبەجێ دەستمان کرد بە لێکۆڵینەوە و بە دواداچوون پاش دەستنیشان کردنی تۆمەتبارەکان لەلایەن ھێزەکانی ئاسایشی سلێمانیەوە دەستگیرکران بە ناوەکانی ( ت ح ح - ئ ف ع - ر ا م - ب ا ج - ئ ش ع ) و لەسەر فەرمانی دادوەری لێکۆڵینەوە بە پێی ماددەی ٤١٣ لە یاسای سزادان ڕاگیران و بە پێی تایبەتمەندی ڕەوانەی دادگای لێکۆڵینەوەی ٣ کران.
ھێزەکانمان ھەموو ھەوڵێک دەدەن لە پێناو بنبڕکردنی ئەو دیاردانە و لە کەسیش قبوڵ ناکرێت ئارامی شار بە جۆرێک لە جۆرەکان تێکبدات.
بەڕێوەبەرایەتی ئاسایشی پارێزگای سلێمانی
٢٠٢١/١٢/٢٤
بە بۆنەی سەری ساڵی نوێ و قەیرانی ڤایرۆسی کۆرۆنا کە کۆریای باشوری گرتووەتەوە، حکومەتی ئەو وڵاتە لێوردنێکی تایبەتی بۆ (پارک گیون ھی) سەرۆکی پێشوی وڵات دەرکرد، کە لە ساڵی ٢٠١٧وە بە تۆمەتی گەندەڵی و وەرگرتنی بەرتیل دەستگیر کراوە و سزای ٢٢ ساڵ زیندانیکردنی بەسەردا سەپێندرا.
لەبارەی بڕیارەکەوە وەزیری دادی کۆریای باشور ڕایگەیاند، بڕیارەکە لە سۆنگەی یەکڕیزی نەتەوەیی بۆ زاڵبوون بەسەر ڤایرۆسی کۆرۆنادا دراوە.
(پارک گیون ھی) لە نێوان ساڵانی ٢٠١٣ بۆ ٢٠١٧ سەرۆکی کۆریای باشوور بووە و یەکەمین ژنە ماوەی ٨ ساڵ سەرۆکایەتی ئەو وڵاتە بکات.
لێدوانی ئەو سەرکردەیەی رەوتی حیکمە لە کاتێکدایە، موقتەدا سەدر رێبەری رەوتی سەدر، کە براوەی یەکەمی ھەڵبژاردنە، داوای پێکھێنانی حکومەتی زۆرینە دەکات، بەڵام چوارچێوەی ھەماھەنگیی شیعەکان، کە ژمارەیەک پارت و لایەنی شیعەی لەخۆگرتووە، تائێستا ئەنجامەکانی ھەڵبژاردنی پێشوەختیان پەسەند نەکردووە و چاوەڕوانی دادگای فیدڕاڵین بۆ یەکلاکردنەوەی ئەو تانانەی لەسەر ئەنجامەکانی ھەڵبژاردن تۆماریان کردون.
وتیشی، پێویستە لە دانوستانەکانی ڤییەننا چارەسەرێکی پێشوەخت بدۆزرێتەوە بەشێوەیەک جێگەی رەزامەندی ھەمووان بێت بەئامانجی زیندوکردنەوەی رێکەوتنی ئەتۆمی بە تایبەتی کە ئێران ھاوبەش و ھاوپەیمانێکی گرنگی روسیایە، بۆیە پێویستە ھەموان بە ئاراستەی چارەسەرکردنی کێشەکان ھەنگاو بنێن.
ئاماژەی بۆ ئەوەشکرد ، ئەمە جگە لەوەی ھەریەک لە کلینیکەکانی ڕاوێژکاری و کلینیکە میللیەکان جگە لە ڕۆژانی ١٢/٢٥ و ١/١ دەوام تیایدا ئاسایی دەبێت لە سەعات (٢ پاش نیوەڕۆ تا ٦ ئێوارە) وە ئەو ھاوڵاتیانەی کە نەخۆشی درێژ خایەنیان ھەیە دەتوانن سەردانی کلینیکەکان بکەن بۆ وەرگرتنی چارەسەری مانگانەیان .
بۆ ئەو مەبەستەش داوا لەھاوڵاتیانی بەڕێزیش دەکەین لەکاتی بونی ھەر حاڵەتێکی کتوپڕدا دەتوانن پەیوەندی بە سەنتەری فریاکەوتنی خێرا ژمارە ١٢٢ بکەن.
ئاماژەی بەوەشداوە، وەکو مەکتەبی سیاسی ی.ن.ک لە سۆنگەی باوەڕبوونیان بەئازادییە ئاینیەکان ، پشتگیریی خۆمانتان بۆ دووپاتدەکەینەوە کە پارێزەری گشت مافەکانتان دەبن، تاوەکو پێکەوە بەجیاوازیی بیروڕا و ئایینیانەوە بەردەوام بن لە خزمەتکردنی ئەم نیشتیمانە بۆ برەودان بە ژیانێکی باشتر و ئارامتر بۆ ھەموان .
جەژنتان پیرۆز بێت و ھەمیشە لە ئاشتی و کامەرانیدا بژین .
بەڕێوەبەرایەتی ئاسایشی سلێمانی لە روونکردنەوەیەکدا بۆ ڕای گشتی سەبارەت بەھەواڵی ئازادکردنی تۆمەتبارانی کێشەی یەکێک لە خویندنگەکانی ناو شاری سلێمانی کە لەلایەن ھێزەکانی بەڕێوەبەرایەتی ئاسایشی سلێمانی یەوە دەستگیرکران و پاش ڕاگرتنیان بەپێی ماددەی ٤١٣ لە یاسای سزادان و دواتر لەسەر فەرمانی بەڕێز دادوەر ئازادکران بە بارمتەی یاسایی .
بەڵام بۆ ڕای گشتی ڕادەگەیەنین لەبەر ئەوەی تۆمەتباران سەربازن و بەجل و بەرگ و چەکی سەربازی یەوە ھەستاون بە ھەڵکوتانە سەر خوێندنگەیەک و لێدانی خویندکارێک وباوکی خوێندکارەکە، لە ئێستادا ئەو تۆمەتبارانە لەسەر فەرمانی ئەنجومەنی لێکۆلینەوەی وەزارەتی پێشمەرگە فەرماندەیی ھێزەکانی (٧٠ ) لە بەڕێوەبەرایەتی ئاسایشی سلێمانی بەڕاگیراوی ماونەتەوە بە مەبەستی ڕادەست کردنیان بە یەکەی سەربازی ھێزەکانی (٧٠) و ئەنجامدانی لێکۆڵینەوە و سزادانیان بە پێی یاسای سەربازی بۆ ئەوەی ھیچ کەسێک ناوی پیرۆزی پێشمەرگەو دەزگا ئەمنیەکان بۆ مەرامی تایبەتی خۆی بەکار نەھێنێت .
بەبۆنەی ھاتنەوەی جەژنی لەدایکبوونی حەزرەتی مەسیح (سڵاوی خوای لێ بێت) و جەژنەکانی ساڵی نوێی زاینییەوە گەرمترین پیرۆزبایی ئاڕاستەی خوشک و برا مەسیحییەکانی ھەرێمی کوردستان و عێراق وجیھان دەکەم و ھیوای تەندروستی باش و بەدیھێنانی ھەموو ئاواتەکانتان بۆ دەخوازم.
خوای گەورە ئەم جەژنە بەخێر و خۆشی و ئارامی و دڵنیایی بۆ گەلەکەمان بکەوێتەوە و ساڵی ٢٠٢٢ ساڵی ئاشتی و ئارامی و بەختەوەری و خۆشگوزەرانی بێت.
لەم بۆنەیەدا گرنگی پێکەوەژیانی برایانە و لێبوردەیی ئایینی و پاراستنی مافی ھەموو پێکھاتەکان دووپات دەکەینەوە.
خوشک و برا مەسیحییەکانم لە تەواوی جیھان، عێراق و بەتایبەتی ھەرێمی کوردستان، پیرۆزباییەکی گەرمتان لێدەکەم بە بۆنەی جەژنی لەدایکبوونی حەزرەتی مەسیح (سڵاوی خوای لێبێت)، بە ئومێدم جەژنی ئەمساڵتان بە شادیی، ئاشتەوایی و پێکەوەیی بەسەربەرن.
لەم بۆنە مەزنەدا، جەخت لە پاراستنی فەرھەنگی جوانی پێکەوە ژیانی ئاشتییانەی ئاینەکانی کوردستان دەکەم. لەھەمان کاتدا بە ئەرکی سەرشانی ھەمووانی دەزانم کە پارێزگاری لە سەرجەم مافەکانی خوشک و برا مەسیحییەکانمان بکەین و وەک پێکھاتەیەکی دێرینی ئەم خاک و نەتەوەیە شانازییان پێوە بکەین.
ئومێد دەکەم جەژنی ئەمساڵتان جەژنی کۆتایی سەختییەکان بێت و ئاشتی و خۆشگوزەرانی ھەمیشەیی بۆ تەواوی مرۆڤایەتی لەگەڵ خۆیدا ھێنابێت.
ھەر شاد و سەربەرز و سەرکەوتووبن.
دەمیرتاش رایگەیاندووە، ئەگەر خۆی و ئەندامانی تری "ھەدەپە" لە زینداندا نەبووانەیە، حکومەتی تورکیا بە تەنھا نەیدەتوانی بگاتە دەسەڵات، ئێستاش "رەجەب تەیب ئەردۆغان" سەرۆکی تورکیا دەیەوێت لە زینداندا بیانھێڵێتەوە بۆ ئەوەی سەرکەوتنی خۆی لە ھەڵبژاردنی داھاتووی سەرۆکایەتی مسۆگەر بکاتەوە.
وتیشی، لە کاتێکدا ئابوری تورکیا لە داڕماندایە، دۆسیەی داخستنی پارتی دیموکراتی گەلان "ھەدەپە" کراوەتە دۆسیەی سەرەکی لە وڵاتەکە.
"دەمیرتاش" لە ساڵی ٢٠١٦ەوە لە زینداندایە و ئاماژەی بەوەش کردووە کە ئەوان بەھێزن، بەڵام کێشەی تەندروستی و جەستەییان ھەیە چونکە لە ژوورێکدان کە روبەرەکەی ٨ مەتر چوارگۆشەیە و بەرگریکردن لە خۆیان لەو رەوشەدا وەک ئەشکەنجە وایە.
پەیامنێری کوردسات نیوز رایگەیاند، شەوی رابردوو لە گوندی قوپکی سەر بە قەزای ئاکرێ خێزانێک بەھۆی بەکارھێنانی خەڵوز بۆ گەرمکردنەوە، گیانیان لە دەستدا و تەرمەکانیان رەوانەی پزیشکی داد کراوە.
وتیشی، خنکاوەکان دایکێک و چوار منداڵن.