هەواڵەکان
چەند رۆژێکە ھێرشەکان بۆ سەر بنکە سەربازییەکانی ئەمریکا لە عێراق و سوریا زیادیانکردووە و تەنھا لە دوو رۆژی رابردوو لە عێراق ژمارەیەک فڕۆکەی بێ فڕۆکەوانی بۆمبڕێژکراو لە نزیک بنکەکانی ئەمریکا خراونەتە خوارەوە.
ئەمریکا: لە سوریا بەرامبەر ھەڕەشەکانی ئێران بەرگری دەکەن
ئەوە لەکاتێکدایە رۆژی سێشەممەش ھێرشێک بۆ سەر ھاوپەیمانی نێودەوڵەتی لە عێراق شکستیپێھێنرا کە ھەوڵدرا لە رێی دوو فرۆکەی بێ فرۆکەوانەوە لە سەربازگەی عەین ئەسەد لە پارێزگای ئەنبار ئەنجام بدرێت ، ھەروەھا رۆژی ٢ شەممە دوو فرۆکەی بێفرۆکەوان لە فرۆکەخانەی بەغداد بەردرانە خوارەوە کە ھەوڵیان دابوو راوێژکارە سەربازییە بیانییەکان بکەنە ئامانج .
دەستلەکارکێشانەوەی حکومەتی کازاخستان دوای ئەو خۆپیشاندانە فراوانە دێت کە ماوەیەکە دژی حکومەت و بەرزبونەوەی نرخی نەوت و غاز لەو وڵاتە بەرێوەدەچێت ، سەرباری ئەو رێکارانەش کە حکومەت لە رێی راگەیاندنی باری نائاسایی و کەمکردنەوەی نرخی غازەوە بۆ ھێورکردنەوەی رەوشەکە گرتیەبەر ، بەڵام رەوشەکە ئارام نەبۆتەوە و خۆپیشاندانەکان بەردەوامە ، تا ئێستاش زیاتر لە ٢٠٠ خۆپیشاندەر دەستگیرکراون .
بەپێی زانیاریەکان دایکی منداڵەکە دوای جیابوونەوەی لە ھاوسەرەکەی لە شاری کەرکوک ھاوسەرگیری کردووتەوە و چەند جارێکیش داوای منداڵەکەی کردووە، بەڵام باوکی رازی نەبووە منداڵەکەی پێ بدات.
دەستەی ئەرکانی سوپای کۆریای باشوری ئەوەی خستەڕوو، ئەو مووشەکەی کۆریای باکور تاقیکردۆتەوە بالیستی بووە و لە وشکانییەوە ئاڕاستەی دەریای کردووە.
ھاوکات ئەنجومەنی ئاسایشی نیشتمانی کۆریای باشور کۆبوونەوەیەکی بەپەلەی ئەنجامدا و نیگەرانی لە تاقیکردنەوەی ئەو مووشەکە دەربڕی.
سبەینێ مووچەی ھێزی بەرگری و فریاکەوتنی سلێمانی و لیوای نەوت و گاز و فەرماندەیی زێرەڤانی دابەش دەکرێت، ھەرچەندە بڕیاربوو سبەینێ وەزارەتەکانی پەروەردە و کاروباری کۆمەڵایەتی مووچە وەربگرن، بەڵام گۆڕانکاری لە پێدانی مووچەدا کراوە و سبەینێ مووچەی ھێزی بەرگری و فریاکەوتنی سلێمانی و لیوای نەوت و گاز و فەرماندەیی زێرەڤانی دابەش دەکرێت ، حکومەتی ھەرێم لە سەرەتای ساڵی نوێوە دەستی بە دابەشکردنی موچەی مانگی ١٢ی ساڵی رابردوو کردووە و تا ئێستا موچەی وەزارەتەکانی تەندروستی و پێشمەرگە و دارایی و ئابوری و یەکەکانی ٧٠ و ٨٠ی پێشمەرگە دابەشکراوە.
ئاشکراشیکردوە ، پرۆژەکان لە کەرتی نیشتەجێبوندا نۆژەنکردنەوەی نزیکەی ٩٠٠ خانووە کە بەھۆی شەڕی داعشەوە زیانیان بەرکەوتوە و زیاتر لە ٥ ھەزار کەس سودمەند دەبن .
ھەروەھا بە چەند پرۆژەیەک چاکسازی لە کەرتی کشتوکاڵدا دەکرێت و ٢ ھەزار جوتیار سودمەند دەبن .
راشیگەیاند، لە میانی كار و چالاكییەكانیان، دەسیان بەسەر زیاتر لە 340 ئامێر و كەرەستەی جیاوازدا گرتووە و 34 كەوی زیندووشیان لە راوچییەكانیان گرتووە و ئازادیان كردوون، وتیشی، هەندێك لە ئامارەكان بەراورد بە ساڵی رابردوو كەمیان كردووە، بە تایبەتی راوكردن.
دەقی ڕاگەیەنراوەکە :
ڕاگەیەندراوی ھاوبەشی یەکێتیی نیشتمانیی کوردستان و پارتی دیموکراتی کوردستان لەسەر پرسی ھەڵبژاردن و دەستور و کۆمسیۆن
لە چوارچێوەی ھەماھەنگی و کاری پێکەوەیی ( ی.ن.ک) و ( پ.د.ک) ،ئەمڕۆ ٥ی کانونی دووەمی ٢٠٢٢ شاندێکی تایبەتی یەکێتیی و پارتی لەسەر پرسی دەستور و ھەڵبژاردن و کۆمسیۆن ، لە بارەگای مەکتەبی سیاسی ( ی.ن.ک) لەشاری سلێمانی کۆبونەوە و ھەردولا ھاوڕابوون کە پێویستە ھەڵبژاردنەکانی پەرلەمانی کوردستان لە کاتی خۆیدا بکرێت و ئامادەسازیی نیشتمانیی پێویست بکرێت و تێگەیشتنی ھاوبەش لەسەر میکانیزمە یاسایی و سیاسیەکان بۆ ئەنجامدانی ھەڵبژاردن ھەبێت .
ھەردولا کۆکبون پێکەوە کار بۆ بەھێز کردنی متمانەی ھاوڵاتیان بە پرۆسەی ھەڵبژاردن تۆکمەتر بکرێتەوە و پرۆسەیەکی شەفاف و سەرکەوتوبێت . ھەردولا جەختیان لەوە کردەوە بە پێی ڕێککەوتنی سیاسی ٥ی ٣ی ٢٠١٩ ی نێوان ھەردولا و کۆبونەوەکانی ئەم دواییانەی ھەردوو حیزب بە گیانی برایەتی و تەبایی ھەنگاوە پێویستیە کرداری و یاساییەکان لەسەر بنەمای بەرژەوەندی باڵای ھەرێمی کوردستان بھاوێَژرێن ، بڕیادرا لە ھەفتەی داھاتوەوە کۆبونەوەکان بەردەوام بێت .
یەکێتیی نیشتمانیی کوردستان پارتی دیموکراتی کوردستان
٥ی کانونی دووەمی ٢٠٢٢
سەبارەت بە ڕەنگی جلوبەرگی تۆمەتبارەکان ئاماژەی بۆ ئەوەشکرد، بەپێی یاسا و رێنمایی ڕێکخراوە نێودەوڵەتیەکان زیندانیان بەپێی ستاندارد دەبێت جلوبەرگی زیندانی یەکپۆشی بێت، سەبارەت بە ڕەنگەکەشی رەنگێکی جیھانی پەیڕەوکراوە و پەیوەندی بە جۆری تۆمەتەکەوە نییە.
بە پێی ڕاگەیەنراوێکی ھاوبەشی یەکێتیی نیشتمانیی کوردستان و پارتی دیموکراتی کوردستان لە کۆبوونەوەکەدا دوای گفتوگۆ و ڕاگۆڕینەوە، ھەردوولا ڕێککەوتن پێکەوە بە وەفدێکی ھاوبەشی کوردستانی دانوستاندن لەگەڵ ھێز و لایەنە سیاسییە عێراقییەکان دەستپێبکەن، بۆ پێکھێنانی کابینەی نوێی حکومەتی عێراق.
ئاماژە بۆ ئەوەشکراوە، وەرەقەیەکی کاری ھاوبەش ئامادەکراوە و جەختکراوەتەوە، کورد بە یەکەوە بەشداری لە حکومەتی داھاتوودا بکات بۆ ئەوەی ببێتە ھاوبەشێکی ڕاستەقینە.
شکار مەردان ڕەحیم پارێزەر لە ناوەندی یاسایی مەکتەبی سیاسی یەکێتی ڕایگەیاند، لە چوارچێوەیەکی یاساییدا موڵکداریەتی چوار ھەزار دۆنم زەوی زەوتکراوی کورد بۆ جوتیارانی کورد لە داقوق دەگەڕێندرێنەوە و زەویەکان لە ھاوردەکان وەردەگیرێنەوە.
وتیشی، وەک یەکێتیی ئەو کەیسانە لە بەغداد دەجوڵێنن بە ئامانجی گەڕاندنەوەی ماف بۆ جوتیارانی کورد لە پارێزگای کەرکوک کە بەھۆی بڕیارەکانی تەعریبەوە ئەو زەوییانە داگیرکراون. ئاشکراشیکرد، دوای جوڵاندنی کێشەی ١٧ ھەزار دۆنم زەوی جوتیارانی ناوچەکانی تاڵەبانی و کاکەیی لە سنوری قەزای داقوق لە پارێزگای کەرکوک، وەک قۆناغی دەستپێک موڵکداریەتی چوار ھەزار دۆنم زەوی بۆ جوتیارانی کورد دەگەڕێننەوە.
ئەو پارێزەری ناوەندی یاسایی لە مەکتەبی سیاسی یەکێتی ڕاشیگەیاند، ئەو جوتیارانەی زەوییەکانیان بۆ دەگەڕێتەوە کەوتوونەتە سنوری ھەردوو گوندی عەتشانە و عوزێرییە لە قەزای داقوق کە زەوییەکان ئێستا لە ژێر دەستی عەرەبە ھاوردەکاندایە و بە پێی بڕیاری دادگای تێھەڵچوونەوەی عێراق موڵکداریەتی زەوییەکانی ئەو گوندانە بۆ جوتیارانی کورد دەگەڕێتەوە.