هەواڵەکان
300 سەربازی کۆریای باکوور لە جەنگی ئۆکرانیا و روسیادا کوژراون بەنزیکەی2700 سەربازی دیکەش برینداربوون، وڤۆلۆدیمیر زێلێنسکی سەرۆکی ئۆکرانیاش بەمەرج سەربازە دیلەکانی کۆریای باشوور رادەستی ئەو وڵاتە دەکاتەوە
جەنگی نێوان رووسیا و ئۆکرانیا 3 ساڵە بەردەوامە
ئاژانسی سکای نیوزی عەرەبی بڵاویکردۆتەوە کۆریای باکوور لەجەنگی نێوان ئۆکرانیا و روسیادا 300 سەربازی کوژراون و بەنزیکەی 2700 دیکەشی برینداربوون، سەرچاوەکە ئاماژەی بەوەشکردوە کۆریای باکوور، هانی سەربازەکانی بەشداری شەڕی دژ بە ئۆکرانیای داوە بۆ ئەوەی خۆیان بکوژن بۆ ئەوەی بەدووربن لە دەستگیرکردن.
300سەربازی کۆریای باکوور لە ئۆکرانیا کوژراون
لەلایەکی دیکەشەوە، ڤۆلۆدیمیر زێلێنسکی، سەرۆکی ئۆکرانیا رایگەیاند، کیێڤ ئامادەیە سەربازانی کۆریای باکوور ڕادەستی "کیم جۆنگ ئون سەرۆکی کۆریای باکوور بکات، ئەگەر بتوانێت ئاڵوگۆڕێک بۆ ئەو ئۆکراینییەکان ڕێکبخات کە لە ڕووسیا دەستبەسەرن.
ئامادەین سەربازە دیلەکانتان رادەست بکەینەوە بە مەرج
هاوپێچ، ڕۆژی شەممە زێلێنسکی ڕایگەیاند، دوو سەربازی کۆریای باکوور لە ناوچەی کورسکی ڕووسیا بە دیل گیراون، ئەمەش بۆ یەکەمجارە ئۆکرانیا دەستبەسەرداگرتنی سەربازە زیندووەکانی کۆریای باکوور رابگەیەنێت لەو کاتەوەی کە لە پاییزی ڕابردوودا بەشدارییان لە شەڕەکەدا کردووە.
ئۆکرانیا پێشبینی دەکات 11هەزار سەربازی کۆریایی باکوور لە جەنگەکەدا بەشداربن
ئەمە لە کاتێکدایە،هەڵسەنگاندنەکانی ئۆکرانیا و ڕۆژئاوا ئاماژە بەوە دەکەن کە نزیکەی ١١ هەزار سەربازی کۆریای باکوور لە شاری کورسک جێگیرکراون بۆ پاڵپشتیکردنی هێزەکانی ڕووسیا لەو شەڕەدا کە نزیکەی ٣ ساڵە بەردەوامە.
بەڕێوەبەرایەتی گشتیی حەج و عومرەی هەرێم رایگەیاند، گەشتی بێبەرامبەری عومرە بۆ سەرجەم مامۆستایانی ئایینی رێکدەخرێت.
بەڕێوەبەرایەتی گشتیی حەج و عومرەی هەرێم رایگەیاند، تەنها لە سێ مانگی کۆتایی ساڵی رابردوودا حکومەتی هەرێم گەشتی بێبەرامبەری عومرەی بۆ زیاتر لە ٣٠٠ مامۆستای ئایینی رێکخستووە.
ئاماژەی بەوەشكردووە، هێشتا پرۆسهكه بهردهوامه و له ماوهیهكی نزیكدا ههموو مامۆستایانی ئایینی گهشتی عومرهیان بۆ رێكدهخرێت.
بەشێوەیەکی گشتیی گەشتی عومرە لەرێگای فڕۆکەوە لەنێوان ٧٠٠ بۆ ٩٠٠ دۆلاری تێدەچێت و بەپێی ئەو خزمەتگوزاریانەی لە گەشتەکەدا پێشکەش دەکرێت نرخەکە دەگۆڕێت، لە رێگای وشکانیشەوە تێچووەکەی کەمترە و لەنێوان ٤٠٠ بۆ ٥٠٠ دۆلاردایە.
سوپای پاسدارانی ئێران هەزار فڕۆكەی بێفڕۆكەوانی نوێ وەردەگرێت بە مەبەستی ئامادەكاری زیاتر بۆ روبەڕوبوونەوەی ئەمریكا و ئیسرائیل.
ئاژانسی هەواڵی تەسنیمی نیمچە رەسمی ئێران بڵاویكردەوە، سوپای پاسدارانی ئێران ئەمڕۆ هەزار فڕۆكەی بێفڕۆكەوانی نوێی رادەست دەكرێت، ئەوەش لەكاتێكدایە تاران خۆی ئامادە دەكات بۆ ڕوبەڕوبوونەوەی زیاتر لەگەڵ ئیسرائیل و ئەمریكا، دەشڵێت، تاران لە رێگای ئەو دۆرنانەوە نەك تەنها توانای سیخوڕی و چاودێری سنوورەكان زیاد دەكات، بەڵكو توانای شەڕی فڕۆكە بێفڕۆكەوانەكانی سوپاكەشی لە بەرامبەر ئامانجە دوورەكاندا بەرز دەكاتەوە.
ئاژانسەكە ئاماژەی بەوەشكردووە، فڕۆكە بێفڕۆكەوانە نوێیەكان گەیاندراونەتە چەند شوێنێك لە سەرانسەری ئێران و دەوترێت توانایەكی بەرزیان هەیە بۆ دزەپێكردن و چوونە ناو شوێنە هەستیارەكانەوە.
سوپای پاسدارانی ئێران بەپێی پۆلێنكردنی هێزە جیهانییەكان، لە روی هێزەوە لە پلەی 16دایە، لە دوای ئیسرائیل كە لە 15هەمیندایە.
بەپێی میدیاكانی عیراق لەئێستادا پلانێك هەیە بۆ هەڵوەشاندنەوەی هەردوو گرتووخانەی پیشەسازیی و هۆل لە رۆژئاوای كوردستان.
میدیاكانی عیراق لە زاری شەش لێپرسراوی عێراقەوە بڵاویانكردووەتەوە، پلانێكی ئەمنی گەورە كە لەئێستادا لە نێوان بەغداد و ئەنكەرە و ئیدارەی نوێی سوریا گفتوگۆی لەسەر دەكرێت، لەژێر چاودێری ئەمریكادا، تیشك دەخاتە سەر هەڵوەشاندنەوەی هەردوو گرتووخانەی پیشەسازیی و كەمپی هول و ئەوانەی لە ژێر دەسەڵاتی هێزەكانی سوریای دیموكرات (هەسەدە)دان، لە پارێزگای حەسەكە لە رۆژهەڵاتی سوریا.
عیراق زۆرترین زیندانیی ئەو گروتوخانانە وەدەگرێت
ئاماژەیان بەوەشكردووە، لە كاتی هەڵوەشاندنەوەی ئەو گرتوخانانە، عیراق زۆرترین زیندانیی ئەو گروتوخانانە وەدەگرێت.
زیاتر لە 200 خێزانی عێراقی دەخەمڵێندرێت
راشیانگەیاندووە، عێراق لە ئێستادا ئامادەكاریی دەكات بۆ وەرگرتنەوەی قۆناغی هەشتەمی خێزانەكانی كەمپی هۆل دوای گواستنەوەیان بۆ كەمپی جەدعە لە باشوری موسڵ و ژمارەی خێزانەكانی قۆناغی نوێش بە زیاتر لە 200 خێزانی عێراقی دەخەمڵێندرێت، كە خەڵكی پارێزگاكانی نەینەوا و ئەنبار و كەركوك و سەڵاحەدین.
محەمەد شیاع سودانی و نێچیرڤان بارزانی كێشەكانی نێوان هەولێر و بەغدادیان تاوتوێکرد.
بە پێی راگەیەندراوێكی نوسینگەكەی، محەمەد شیاع سودانی سەرۆك وەزیرانی عیراق لە بەغداد لەگەڵ نێچیرڤان بارزانی سەرۆكی هەرێمی كوردستان كۆبووەتەوە دۆسیە خزمەتگوزارییەكانی پەیوەست بە بەرژەوەندی هاووڵاتیان و باشترین ڕێگا بۆ ڕێكخستنی پابەندبوونە هاوبەشەكانی نێوان عیراق و هەرێم تاوتوێكراوە لەسەر بنەماكانی دەستوور و ئەوەی لە یاسای بودجەدا پەسەندكراوە و هەردوولاش جەختیانكردەوەتەوە لەسەر گرنگی هەماهەنگی و هاوكاری هاوبەش لە نێوان سەرجەم هێز و لایەنە سیاسییەكاندا بۆ ڕووبەڕووبوونەوەی ئاستەنگەكان.
دواتر سەرۆكی هەرێمی كوردستان هەر لە بەغداد لەگەڵ مەحمود مەشهەدانی سەرۆكی ئەنجومەنی نوێنەرانی عیراق كۆبووەوە.
پەیامنێری كوردسات نیوزیش رایگەیاند، د.لەتیف رەشید سەرۆك كۆماری عیراق لە بەغداد پێشوازی لە سەرۆكی هەرێمی كوردستان دەكات و چەند بابەتێك و كێشەكانی نێوان هەولێر و بەغداد تاوتوێ دەكەن.
مەزڵوم كۆبانێ هۆشداری توند دەداتە كۆمەڵگەی نێودەوڵەتی و دەڵێت، داعش تائێستا مەترسی جدیە و پیلانی هەیە بۆ هەڵكوتانە سەر گرتووخانەكان و گەڕانەوە بۆ رۆژهەڵاتی ناوەڕاست.
مەزڵوم كۆبانێ فەرماندەی گشتی هێزەكانی سوریای دیموكرات هەسەدە، لە چاوپێكەوتنێكدا لەگەڵ رۆژنامەی زەسەنی بەریتانی رایگەیاند، هەوڵێكی تیرۆرستانی داعشیان شكستپێهێناوە كە هەوڵیانداوە گرتووخانەكەن بشكێنن.
وتیشی، داعش تەنها مەترسی نییە لەسەر سوریا، بەڵكو بۆ هەموو جیهان هەڕەشە و مەترسییەكی گەورەیە.
راشیگەیاند، زانیاری وردیان هەیە كە داعش هەموو هەوڵەكانی چڕ كردووەتەوە بۆ هەڵكوتانە سەر گرتووخانەكان کە ٦٠ هەزار چەكداری داعش و خێزانەكانیانی تێدایە و ئامادەن بگەڕێنەوە بۆ رۆژهەڵاتی ناوەڕاست بە مەبەستی دەستپێكردنەوەی كردەوە تیرۆریستییەكانیان.
مەزڵوم كۆبانێ ئاماژەی بەوەشكرد، لە ئێستادا تەنها داعش نا، بەڵكو مەترسی گروپە جیهادییەكانیش بەردەوامە تا ئەو كاتەی ئەو بنەمایەنە دەشكێنرێت كە ئەو گروپانە لەسەری دامەزراون.
سەرۆكی ئیدارەی نوێی سوریا دەڵێت ناتوانرێت سوریای نوێ بە هێزی چەكدار بونیات بنرێت.
ئەحمەد شەرع سەرۆكی ئیدارەی نوێی سوریا لە چاوپێكەوتنێكی رۆژنامەوانیدا هەڵوێستی لەبارەی بونیاتنانی دەوڵەت و هەڵوەشاندنەوەی گروپە چەكدارەكان ئاشكراكردوە و رایگەیاندووە، مەحاڵە دەوڵەتێك بە گروپە چەكدارەكان بونیات بنرێت و بەهیچ شێوەیەك كاری لەو جۆرە ناكەن.
جەختیشیكردووەتەوە لە گرنگی دوركەوتنەوە لە تۆڵەسەندنەوە و عەقڵیەتی شۆڕشگێرانە لە كاتی پێكهێنانی حكومەتی نوێی سوریا، چونكە ئەو شێوازە تەنها بۆ كۆتایهێنان بە دەسەڵاتێك دەبێت نەك بۆ بونیاتنانی دەوڵەتێك، ئەحمەد شەرع ئاماژەی بەوەشكردوە، دوای كۆتاییهێنان بە رژێمەكەی ئەسەد توانیویانە پێگەی ستراتیژی و نێودەوڵەتی بۆ سوریا بگەڕێننەوە.
رێككەوتنی بەغداد و ئەنکەرە لەسەر پشكی ئاوی عیراق كەوتە بواری جێبەجێكردنەوە، پەرلەمانتارێكیش دەڵێت، رەوشی ئاو لە عیراق باش دەبێت.
باقر سەعدی ئەندامی ئەنجومەنی نوێنەرانی عیراق رایگەیاند، رۆژی یەكشەممە دەست بە جێبەجێكردنی رێككەوتنی ئەنکەرە لەسەر دۆسیەی ئاو لەگەڵ عیراق كراوە.
دەشڵێت، سەردانی ئەم دواییەی سودانی لە 1ی تشرینی دووەمی رابردوو بۆ ئەنکەرە و دیداری لەگەڵ ئەردۆغان، مەلەفی ئاوی تاوتوێكردووە و رێككەوتنیان لەباری زیادكردنی پشكی ئاوی عیراق لە رووبارەكانی دیجلە و فورات كردووە.
بەپێی ڕێككەوتنی هەردوولا، هاوكاری لە رێگەی پرۆژەی هاوبەش بۆ باشتركردنی بەڕێوەبردنی ئاو لە روباری دیجلە و فورات دەكرێت و كۆمپانیا توركییەكانیش بە مەبەستی هاوكاریكردن بۆ دروستكردنی بەنداوەكان لە عیراق بانگهێشت دەكرێن و رێككەوتنەكەش بۆ ماوەی 10 ساڵ بەردەوام دەبێت و ساڵانە درێژ دەكرێتەوە.
ئێوارەی ئەمڕۆ بە بەشداری بافڵ جەلال تاڵەبانی سەرۆكی یەكێتیی نیشتمانیی كوردستان، هاوپەیمانی بەڕێوەبردنی دەوڵەت لە بەغداد كۆدەبێتەوە.
پەیامنێری كوردسات نیوز رایگەیاند، بڕیارە ئێوارەی ئەمڕۆ هاوپەیمانی بەڕێوەبردنی دەوڵەت لە بەغداد كۆببێتەوە، كۆبوونەوەكە بە بەشداری بافڵ جەلال تاڵەبانی سەرۆكی یەكێتی و نێچیرڤان بارزانی سەرۆكی هەرێم و چوار سەرۆكایەتییەكەی عیراق و سەرۆكی حزبە بەشداربووەكانی حكومەتی عیراق بەڕێوەبچێت.
وتیشی، لە كۆبوونەوەكەدا پرسی سیاسی و ئەمنی و گۆڕانكارییەكانی ناوچەكە و كاریگەری لەسەر عیراق تاوتوێ دەكرێن.
بەپێی لیستێکی ماڵپەڕی Global Firepower بەهێزترین سوپاکانی بۆ ساڵی ٢٠٢٥ دیاریکردووە، کە سوپاکان لەسەر ئاستی جیهان و وڵاتانی عەرەبیشدا پۆلێن کراون.
لە بەهێزترین سوپاکانی جیهاندا ویلایەتە یەکگرتووەکان پلەی یەکەمی گرتووە، بەدوای ئەویشدا هەریەک لە سوپای روسیا، چین، هیندستان و کۆریای باشوور دێن.
ئەگەرچی ریزبەندی وڵاتە عەرەبییەکان لە پلەی ١٤٥ی لیستە جیهانییەکەوە دەستپێدەکات، بەڵام ئەگەر بە جیا رێکبخرێن ئەوا میسڕ لە پلەی یەکەمدایە و سعودیە لە پلەی دووەمدایە، بەدوای ئەویشدا سوپای جەزائیر و سوپای عێراق و ئیمارات دێن.
لەکۆتایی ریزبەندییەکەدا کۆسۆڤۆ، سۆماڵ، ئەفریقای ناوەڕاست و بنین و بۆتانن.
ماڵپەڕی Global Firepower ساڵانە لیستی ەهێزترین سوپاکان بڵاودەکاتەوە و بۆ ئەو مەبەستەش پشت بە ٥٠ پێوەر دەبەستێت، کە لە ژمارە و جۆراوجۆری چەکەکانی سوپاوە دەستپێدەکات، تاوەکو سەرجەم پێداویستییەکانی دیکەی وەک ژمارەی سەرباز، توانای بەرهەمهێنانی سوپا و هێزی لۆجستی، جوگرافیا، توانا و هێزی تەکنەلۆجی سوپا، توانای شەڕکردن و راهێنانە جیاوازەکان.
فەرماندەی گشتی سوپای پاسدارانی ئێران هۆشداری دەداتە ئیدارەی نوێی ئەمریكا و هەڕەشەی ململانێی سەربازیی درێژخایەن دەكات.
لەگەڵ نزیكبونەوەی وادەی دەستبەكاربونی دۆناڵد ترەمپ وەك سەرۆكی نوێی ئەمریكا، حسێن سەلامی فەرماندەی گشتی سوپای پاسدارانی ئێران رایگەیاند، دەبێت ئەمریكا هۆشداربێت لە دووبارەكردنەوەی هەڵە ستراتیژیەكانی رابردوو، چونكە لەوانەیە دوژمنان پێیان وابێت تاران لاواز بووە، بەڵام ئێران توانایەكی سەربازیی بەهێزی هەیە بۆ شەڕ و ململانێی گەورە و ماوە درێژ دژی دوژمنەكانی لەناوچەكەدا.
ئەوە لەكاتێكدایە راپۆرتە رۆژنامەوانییەكان باس لەوە دەكەن، لەگەڵ دەستبەركاربونی ترەمپدا ئێران روبەروی رەوشێكی سەخت دەبێتەوە، چونكە ئیدارەی ترەمپ نیازی هەیە سزاكانی سەر ئێران زیاتر بكات.
فەرەیدون دەمیر كە خەڵكی باكوری كوردستانە و دوای زیاتر لە 30 ساڵ زیندانیی لە توركیا ئازادكرا، فەرەیدون كە باوكی ساڵی 2021 كۆچی دوایی كردووە رێگەی پێ نەدرا لە پرسەكەشیدا بەشداریی بكات.
چووە سەر گۆڕی باوکی
ئەو كە لە شارۆچكەی پیرسوس سەر بە پارێزگای رحا لە باكوری كوردستان لە دایكبووە؛ دوای 31 ساڵ زیندانیی و لەگەڵ ئازادبوونی چووە سەر گۆڕی باوكی.
تۆمەتی تێكدانی یەكپارچەیی خاكی تورکیا
فەرەیدون دەمیر ساڵی 1995 لە تەمەنی 17ساڵیدا لە شاری ئەدەنە بە تۆمەتی تێكدانی یەكپارچەیی خاكی ئەو وڵاتە لەلایەن دادگایی تورکیاوە سزای زیندانی هەتاهەتایی بەسەردا سەپێنرا.
ئەو هاوڵاتییە ئێستا تەمەنی 48 ساڵە و لەگەڵ ئەوەی لە زیندان ئەشكەنجەیەکی زۆر دراوە، دڵخۆشە دوای 31 ساڵ بەندكران لە زیندانی ئەنتاڵیا جارێكی دیكە گەڕاوەتەوە زێدی خۆی .
بەهۆی هێرشەكانی توركیا و چەكدارانی سوری سەر بە توركیا، نزیكەی 100 كەسی مەدەنی لە باكور و رۆژهەڵاتی سوریا شەهید بوون.
ئاژانسی هاوار نیوز بڵاویكردەوە، سوپای توركیا و چەكدارانی سوری سەر بە توركیا، لە مانگی هەشتی ساڵی رابردوەوە هێرشەكانیان بۆسەر هاوڵاتییانی مەدەنی زیاتر كردوە و لە دوای روخانی رژێمەكەی ئەسەدیشەوە پەلامارەكان دژی رۆژئاوای كوردستان توندتر بوەتەوە.
ئاماژەی بەوە كرد، لە ماوەی زیاتر لە چوار مانگدا و بەهۆی هێرشەكانی توركیا و گروپە چەكداراەكان 94 كەسی مەدەنی و دوو رۆژنامەنووس شەهیدبون.
نوێنەری یۆنامی لە عیراق دەڵێت، لەژێر رۆشنایی پرۆسەی سیاسی ئێستای عیراق و ئەو سیستمەی دامەزراوەكانی پەیڕەوی دەكات، هیچ مەترسییەك لەسەر عیراق نییە.
محەمەد حەسان، نوێنەری تایبەتی سكرتێری گشتی نەتەوەیەكگرتووەكان بۆ عیراق رایگەیاند، لە عیراق ئازادی رادەبڕین و بیروڕای سیاسی جیاواز هەیە و دەسەڵاتی یاسادانان و جێبەجێكردن هەیە و هەموو لایەنە سیاسییەكانیش بڕیاریانداوە پابەندی پرۆسەی سیاسی وڵات بن.
وتیشی، لەژێر رۆشنایی پرۆسەی سیاسی ئێستای عیراق و ئەو سیستمەی دامەزراوەكانی پەیڕەوی دەكات، هیچ مەترسییەك لەسەر عیراق نییە.
نوێنەری یۆنامی جەختیشیكردەوە، نەتەوەیەكگرتووەكان دەست لە كاروباری ناوخۆی عیراقدا وەرنادات.
وەزارەتی پلاندانانی عیراق دەڵێت، هاوردەكردنی زێڕ بۆ ناوخۆی عیراق زیادیكردووە و رۆژانە لە نێوان 50 بۆ 75 كیلۆگرام زێڕ هاوردە دەكرێت.
عەبدولزەهرە هنداوی وتەبێژی وەزارەتی پلاندانانی عیراق رایگەیاند، كاری سەنتەرەكانی پشكنینی زێڕ لە فڕۆكەخانەكانی عیراق بەردەوامە و بەم دواییانەش بەراورد بە ساڵانی رابردوو هاوردەكردنی زێڕ بۆ ناوخۆی وڵات بەرێژەیەكی بەرچاو زیادیكردووە، بەجۆرێك لەئێستادا رۆژانە لەنێوان 50 بۆ 75 كیلۆگرام زێڕ هاوردە دەكرێت.
وتیشی، لە سەنتەرەكانی پشكنینی زێڕ لە فڕۆكەخانەكان، ئاسانكاری تەواو بۆ زێڕنگەرەكان كراوە و لەرێگەی ئامێری پێشكەوتوو بە كاتێكی كەم پشكنین بۆ زێڕەكانیان دەكرێت.
وتەبێژی وەزارەتی پلاندانان ئاماژەی بەوەشكرد، عیراق یەكێكە لەو وڵاتانەی خاوەنی ئامێری وردبینی پێشكەوتووە بۆ زێڕ، كە جگە لە ئاسانكارییەكانی بۆ زێڕنگەران، رۆڵی بەرچاوی هەیە لە پاراستنی ئابووری وڵات و بەكاربەر.
د. لەتیف رەشید سەرۆک کۆماری عیراق لەگەڵ محەمەد حەلبوسی سەرۆکی پارتی پێشکەوتن کۆبووەوە و جەختی لەوە کردەوە کە پێویستە هاوکاری و لێکتێگەیشتنی نێوان هێزە سیاسییەکان بەهێز بکرێت و بەرژەوەندیی نیشتمانی لەپێش بەرژەوەندییە حزبییە تەسکەکاندا گرنگی پێبدرێت.
سەرۆک کۆمار د.لەتیف جەمال ڕەشید ڕۆژی شەممە 2025.1.11 لەگەڵ محەمەد حەلبوسی سەرۆکی پارتی پێشکەوتن کۆبووەوە.
لە کۆبوونەوەکەدا ژمارەیەک دۆسیە و رێگەکانی بەهێزکردنی سەقامگیریی سیاسی و ئەمنی لە وڵاتدا تاوتوێکرا.
هەروەها میکانیزمی پاڵپشتیکردنی بەرنامەی حکومەت بۆ بەدیهێنانی ئامانجه خوازراوەکان له بوارەکانی خزمەتگوزاری و گەشەپێدانی ئابووری و نەهێشتنی گەندەڵی تاوتوێ کرا.
سەرۆک کۆمار جەختی لەوە کردەوە کە پێویستە هاوکاری و لێکتێگەیشتنی نێوان هێزە سیاسییەکان بەهێز بکرێت و بەرژەوەندیی نیشتمانی لەپێش بەرژەوەندییە حزبییە تەسکەکاندا گرنگی پێبدرێت.
لای خۆیەوە سەرۆکی پارتی پێشکەوتن تەئکیدی لەوە کردەوە کە یەکڕیزی نیشتمانی و کاری هاوبەش گەرەنتی بەدیهێنانی خواستی هاوڵاتیانە.
هەر لەکۆبونەوەکەدا بارودۆخی ناوچەکەو گرنگی ڕۆڵی عێراق له سەقامگیریی ناوچەکەدا تاوتوێکرا.